كارم

فيروز بحزن : حاضر ….
***********
” داخل شركة إياد الكومي ”
إياد طالع علي السلم …
أدم : إياد بكلمك من امبارح مش بترد عليا ليه
إياد بعدم اهتام : التلفون مكنش معايا
أدم : التلفون مكنش معاك ولا كنت غرقان مع واحده
إياد وقف … ولف لأدم ”
إياد : غرقان مع واحده … انت نسيت نفسك ولا ايه
أدم : لا منستش نفسي بس أحب أعرفك ان انا زي زيك هنا وشغلي هو شغلك
إياد : عاوز ايه يا أدم
أدم :

عاوزين ننضف يا خي بقا انت عاجبك الحال اللي احنا في ده
إياد : انضف بعيد عني
أدم : حاسب علي كلامك يا إياد انا هنا اللي ممشيلك الشغل ولا نسيت
إياد بضحك : والله
أدم بعصبيه : تحب افكرك
إياد : …….
أدم : ليلي مراد اللي كانت هتلبسك في الحيط لولا انا اللي حليت المشكله وخرجتك منها زي الشعره من العجينه
إياد بعصبيه : هو مش انت بتاخد فلوس علي شغلك ؟
أدم بغضب : فلوس حراااام ….

فلووووس حرام … هتفضل طول عمرك وس.خ
” خرج إياد سلاح من وراء ضهره ووجه علي راس أدم ”
إياد بصوت عالي : انت ايه ياخي سيبني وامشي
أدم : اسيب اخويا مش معني اننا ولاد حرام يبقي نعيش طول حياتنا حرام
إياد : ونا مضر.بتكش علي إيدك ومش عاوزك في طريقي يا أدم
أدم : ولو ممشتش يا إياد هتعمل ايه هتمو.تني مو.تني يخويا الظاهر انك نسيت اننا من بطن واحده
” إياد نزل سلاحه بغضب ”
إياد :

ورحمة فيروز يا أدم لو وقفت في طريقي تاني لا كون مخلص عليك انت فاهم ….
أدم : فيروز …..!؟ ” صمت قليلا ثم اردف : فكرني كده انت عملت ايه في فيروز …!
…….
********
“داخل سيارة كارم … , فيروز سرحانه ”
كارم : مالك
فيروز : ماليش
كارم : عاوز تتفرجي علي الفلم
فيروز بحزن : خلاص مش عاوزه
كارم : ايه اللي عجبك في الفلم ده بس انا مش عارف يا فيروز
فيروز :

كنت بتفرج عليه ديما بحبه ياباشا
” كارم وقف العربيه فجاه كأنه افتكر حاجه ”
فيروز بخضه : كنت هتنتر من الشباك زي الكوره الشراب انت طالما انت مش عارف تسوقها
جايبها ليه ؟
كارم : ركزي معايا
فيروز : ايه
كارم : اتفرجتي علي الفلم ده فين وامتا …. ونتي اصلا فاقده الذاكره
فيروز حطت ايدها علي راسها : ا ه انا شوفت الفلم ده
كارم : ايوه انتي اللي بتقولي
فيروز :

ا ا نا ا يوه انا شوفت الفلم ده الفلم مكنش غريب عليا حا سه بصداع
كارم : انتي كويسه
فيروز بصوت عالي : افتكرت فين افتكرت ….
كارم ………
يُتبع .. 3

فيروز بصوت عالي : افتكرت …. فين افتكرت ….
كارم بحماس : ها … فين
فيروز بتذكر : مكان لا مش مكان ده ده مخرن ايوه مخرن شوفته في مخرن لا انا كنت محب.وسه في مخرن
كارم : فين المخرن ده ومين اللي كان حابسك
فيروز :………..
كارم : فيروز انتي معايا
فيروز بحزن : فيروز كانت في مكان وحش م مع ناس وحشه ا نا
كارم حط أيده علي فيروز بخوف : طيب اهدي
فيروز بعدت ايده سريعا بخوف : إبعد عني عايز مني ايه
كارم بعد ايده :

انا مش عاوز منك حاجه انا عاوز اساعدك
فيروز : لا
كارم : طيب ممكن تهدي انتي كنتي كويسه وفرفوشه
” صمت كارم لبرهه وتذكر كلام الدكتور وقال : فيروز ا نتي إحم ……. , يعني مش فاكره انك متجوزه
فيروز : متجوزه !
كارم : اه
فيروز : مش عارفه
كارم : طيب يلا بينا ” دور العربيه ”
فيروز بخوف : علي فين
كارم : علي ماما ساميه
فيروز وهي بتتاوب : م مين ماما ساميه
كارم : امي هتحبيه اوي وهي كمان هتحبك
فيروز :

يعني مش هترجعني المخزن تاني
كارم بجديه : مخزن ايه , فيروز اللي عمل فيكي كده انا هجيبه اوعدك وحقك هيرجع
فيروز : ليه انا اتعمل فيا ايه
كارم بتوتر : مفيش حاجه اقصد يعني اللي سابك في الشارع كده واللي كان حابسك في المخرن اوعدك اني هوصله
وهياخد عقابه
فيروز بتذكر : هو الدكتور قالك ايه وليه قالي خرجني و وبعدين انت كنت خارج معاك ورق بتاع ايه الورق ده
كارم : مش بتاع حاجه قالي انك كويسه وصحتك زي الفل
فيروز بشك : بجد
كارم :

هنقضيها كلام بقا يلا بينا شكلك منمتيش بقالك كتير صح
فيروز وهي بتتاوب : صح
*************
مكان أخر
امل : البقاء لله
روز بحزن : في حياتك الباقيه
خالد بهمس : روز
روز : ايوه
خالد : خالك منير عاوزك في اوضة المرحومه
روز : هو ده وقته يعني
خالد : معلش يا روز اكيد حاجه مهمه
” مشيت روز ”
منير : إدخل
روز بحزن : في حاجه يا خالي
منير : أقعدي يا حبيبتي
” روز قعدت في تعجب”
منير :

روز زي ما انتي عارفه بعد ما والدتك توفيت , انا يعتبر المسؤال عنك صح
روز بحزن : أيوه
منير : وعشان انا يعتبر اقرب حد ليكي فا لازم اعترفلك بسر عاشت والدتك سنين مخباياه
روز : سر … ايه ا انا ماما الله يرحمها عمرها ما خبت عني حاجه

منير : ولا كانت هتخبي يا روز والدتك قبل ما تتوفي بيومين وصتني اعرفك السر ده
روز : انا مش فاهمه حاجه يا خالي
منير : بباكي عماد الدهشوري مكنش متجوز امك بس
روز بخضه : ايه
منير : كان متجوز بنت تانيه بنت من بره مصر أمركيه اسمها روجينا وخلف منها بنت
روز : يعني ايه يعني بابا طلع متجوز ونا طلعت عندي اخت منير : دي الحقيقه اللي فضلت مامتك مخباياه عليكي طول عمرها

روز : وهما فين وازاي بابا الله يرحمه عمل كده ازاي
منير : من بعد و.فاة ابوكي واحنا منعرفش عنهم حاجه
روز بدموع : وليه خبيته عليا
منير بخوف : حبيبتي دي واحده من بره مصر يعني عادتها وتقليدها مش زينا ومش مسلمه يعني اخطلاتك بيها
ممكن يغير من فكرك حاجات كتير …., فا قررنا انا وامك نخبي الموضوع عنك لحد ما تكبري ….
روز : والعمل يا خالي
منير : عاوزك تلاقي اختك يا روز من غيريها مش هنعرف نخلص ورق ابوكي ولا هتعرفي تاخدي مالين واحد من
فلوس ابوكي
روز :

قصدك ايه , انا حياتي كلها متوقفه علي اختي اللي لسه عارفه انها موجوده انهارده ط طيب م ما ممكن
تكون سافرت بلد امها ؟
منير : أخر حاجه سمعتها عنها من حوالي شهرين انها موجوده في مصر ومتجوزه هنا
قد يعجبك ايضا

روز بحزن : و واسمها ايه
منير : اسمها فيروز , واسم جوزها إياد الكومي …….!
روز: ……..
**********
” ملحوظه حاول تركز كده في الاحداث ومتهوش مني , ايه حكاية فيروز دي وايه اللي حصل فيها , وايه حكاية
ا..ابها ومو.تها , ده كلو هيبان وهيوضح في الاحداث الجايه فا ركزووو ”
**********
” داخل شقة كارم ”
ساميه : ونتي اسمك اي يقمر
فيروز : ا اسمي فيروز
ساميه : أكلتي يا فيروز
فيروز بخوف : معيش فلوس أكل تاني
ساميه بضحك :

يبنتي فلوس ايه بس انتي زي ابني كارم
فيروز : بجد
كارم : مش قولتلك ماما ساميه هتحبك
فيروز : بس انا تعبانه اوي يا طنط وعاوزه أنام
ساميه : يحبيتبي تنامي ازاي من غير ما تاكلي طاجن الباميه بالحمه اللي انا عاملها
فيروز : والله ما هقدر يا طنط
كارم : خلاص سبيها علي راحتها يا ماما ….. , أدخلي نامي يا فيروز
كارم بهمس لأمه : بقولك يا ماما شوفلها حاجه تلبسها من هدوم سهي اختي ها
ساميه :

من غير ما تقول يا حبيبي مجهزه كل حاجه
كارم باس دماغها : ربنا يخليكي يا ست الكل . !
ساميه : ويخليك لينا يا حبيبي …., متنساش تعملنا فنجانين قهوه كده وتيجي تحكيلي الحكايه من اولها
كارم : حاضر يا امي ….
********
” مكان أخر داخل شقة إياد الكومي ”
الجرس رن …
إياد: ايوا جاي ….مين
مياده : انا يباشا
” فتح إياد الباب ودخلت بنت مسهوكه كده من فوق حاجات ومن تحت حاجات ومن الجنب حاجات بصو كلها حاجات
منفوخه في بعض ”
إياد :

عايزه ايه يا مياده
ميادة حطت ايدها علي صدره : عايزاك يا إياد
” إياد مسك إيدها وعوجها ”
مياده بوجع : اااااه … ايدي … ايدي
إياد : اسمعي يا روح امك انا اسمي إياد باشا , ومش بتاع حد انا بتاع نفسي وبس فاهمه يبت …
” ساب ايدها ”
مياده بوجع : ماشي …. ماشي يا إياد باشا عموما انا كنت جايبالك خبر بمليون جنيه بس انت ملكش في الحظ نصيب
إياد بغضب :

انا مش بحب جو السسبنص والمحايله ده , عندك خبر قوليه يا تخرجي وما شوفش وشك تاني يا
إما والله .
مياده : ملوش لزمه الحلفان يباشا , انا جايه اقولك إن فيروز عايشه وممتتش
إياد بدهشه مدموجه بغضب : انتي بتقولي
” مياده خرجت تلفونها ”
مياده : مين دي ياباشا مش دي فيروز برضو ولا …
” إياد مسك التلفون وبص فيه بتعجب ولأول مره , إياد الكومي ينزل دمعه من عينه , إياد الكومي اللي بيتهزله
شنابات رجاله , حاليا هو ضعيف قدام صوره …… ”
مياده بسخريه :

مالك يا إياد باشا … هي وحشتك ولا ايه
” إياد مسك شعرها بعصبيه ”
مياد بوجع : شعري .. شعري اه
إياد بعصبيه : ورب اللي خلقك يا مياده ده لو طلع كامين منك ولا من حد تبعك , صدقيني قبل ما ا..ك هخلف منك
وهدبح ابنك قدام عنيكي …! فااااهمه يبت
مياده بوجع : فاهمه ياباشا فاهمه …
إياد ساب شعرها : غوووري من قصادي
” مياده خرجت جري بره الشقه , قفل إياد الباب بعصبيه للدرجة ان الازاز اتسكر , وخرج تلفونه ورن علي أدم ”
أدم بنعاس :

الوو
إياد بصوت عالي : عملت فيها ايه
أدم بنعاس : هي مين
إياد : ولا …, انت هتستهبل ولا ايه فيروز مش ميته فيروز عايشه , الج.ثه اللي انت صورتها مكنتش ج.ثتها
أدم بجديه : إياد هو انت شارب
إياد : أدم … انا مش شارب حاجه والحبتين دول تعملهم علي حد غيري فاهم يلاااا
أدم : بقولك ايه انا ونتا عارفين كويس ايه اللي حصل لفيرز فيروز ما.تت يا إياد ومتخليش حبك ليها يوهمك بعكس
كده …. ايه دليليك علي انها لسه عايشه
إياد بضحك : دليلي … !

دليلي موجوده افتح الوتساب دلوقت حالا
” أدم فتح الوتساب وشاف الصوره ”
إياد : ده دليلي يا أدم صاااارحني وقوووولي عملت اييييه في فيروووووورز
أدم بصدمه : إز إز إزاي …انا قاتلها بإيدي ……!؟
إياد : …..
يتبع..4 كارم : فيييروز بتعملي اي ! فيروز : بطاطس محمره يا باشا كارم : انتي مين أذنك تدخلي المطبخ , اخر مره كنا هنطلب المطافي فيروز بتكبر : يسطا انت لسه فاكر , وبعدين ماما ساميه علمتني اصلا

كارم مسكها من هدومها : اي ده يا فيروز فيروز بخوف : أي يباشا كارم بتفحص : مش ده القميص بتاعي ! فيروز بخوف : حصل يباشا كارم : لابسه القميص بتاعي فيروز : أ اصل اصل ماما ساميه بتغسل كل الهدوم ونا دخلت عندك في الاوضه وأخدت القميص ده كارم : أخدتي القميص فيروز : مضحكش عليك يبابشا كنت عاوز أخد بدلة الشرطه بتاعتك بس حسيتها كبيره عليا كارم : انتي قيستي بدلة الشغل كمان

فيروز بخوف : أ أسفه …., بس والله كان شكلي عامل زي المفتش كرمبو كارم شمر أيده : ها … أيه كمان فيروز : مالك يباشا بتشمر إيدك ليه هتتوضي ولا ايه ؟ كارم : اه هتوضي عشان هصلي عليكي فيررز طلعت تجري : انا عااااااوزه المحامي بتاااااعي كارم بيجري وراها : خدي يبت فيروز بخوف : والله اسفه … بص خد هدومي إلبسها لو عاوز كارم : الكلام ده لما أشتغل في الدعاره

” دخلت عليهم ماما ساميه ” ماما ساميه : اي ي ولا صوتكم جايب أخر الشارع استخبت فيروز وراء ضهر ماما ساميه : إقب.ضي عليه يا ماما ساميه كارم بغضب : يعني انتي يا أمي غاسله كل الهدوم … وتروح هي تلبس قميص الشغل بتاعي ماما ساميه بضحك : يحبيبي وايه يعني وبعدين ما انت بسم الله مشاء الله عندك بدل الواحد عشره فيروز طلعت لسانها لكارم : عندك بدل الواحد عشره يا رخم

كارم بغضب : شوفتي البت يا أمي سبيني عليها فيروز مسكت في ضهر ماما ساميه : إقب.ضي عليه بتهمة السب والقذف يا ماما ساميه ماما ساميه : بس بقا يولاد …… كارم يا حبيبي هحضرلك الغداء دلوقت كارم : ياريت يا ماما لأن انا واقع جوع ماما ساميه : هي ريحة اي دي يا ولاد فيروز بصوت عالي : بمصبيتي البطاااااااااااااطس ” جريو علي المطبخ ……..” ************* مكان أخر داخل شركة إياد الكومي

روز بنت في متوسط عمرها لابسه لبس متواضع وداخله الشركه وهي بتبص يمين وشمال بتعجب واستغراب ….. احمد : مش تحاااسبي يبنت انتي …… انتي مين روز بسرحان : ها احمد : انتي ميين روز بتوتر : أ أنا روز أحمد : لا كده عرفتك انا ايوه بتعملي اي هنا يعني ودخلتي هنا ازاي روز : دخلت من الباب اللي هناك ده أحمد : مين الحيوان اللي سمحلك تدخلي اصلا من غير دعوه

روز : ما تحترم نفسك يا جدع انت انا هنا جايه عاوزه شخص وماشيه أحمد : هي بالسهوله دي ولا اي روز : ونبي يعم الشخص الجامد انت انا مش نقصاك , انا جايه اسأل عن بنت اسمها فيروز ملامح احمد اتغيرت فجاه وبدأ يبص للبنت بتفحص شديد …… روز بخوف : لو مش موجوده انا ممكن امشي أحمد بغضب : أنتي مين وتعرفي فيروز منين روز بخوف : أ انا انا اختها لكن من ام تانيه وعاوزه فيروز عشان نخلص إجرئات الوراثه بتاعت بابا الله يرحمه

وكل واحد ياخد حقه وبعدين يشوف حاله أحمد بهمس : تعالي معايا روز : أجي معاك فين أحمد : الاوضه اللي هناك دي روز بغضب : تصدق انك سافل وحقير وذ …. أحمد : اييييه بلاعه اتفتحت علي العموم عاوزه تيجي تعاله مش عاوزه أخرجي بره الشركه , لأن لو إياد شافك هنا مش هتخرجي حيه روز : مين إياد ده أحمد : إياد ده اللي دمر حياة فيروز خالص

روز بخضه : دمر حياتها إزاي أحمد : عشان كده بقولك تعالي جوه الاوضه ونا هحكيلك علي كل حاجه روز بشك : هاجي معاك الاوضه معاك بس عارف أحمد : ايه روز : بابا الله يرحمه كان معلمني كارتيه فا لو قليت أدبك كده ولا كده هديك بوكس في وشك ومتزعلش مني