كنت قاعد ع القهوة مخنوق ومش طايق نفسي بنتي اللي عمرها سنة وكام شهر س’’خنه وبتعيط ومش معايا تمن الكشف ولا العلاج مراتي قامت بالواجب وسمعتني كلام يس,م البدن بس هي عندها حق انا اصلا مش بتاع جواز ومسئولية ..انا اناني ومس’تهتر ومش مقدر أن معايا زوجة بنت ناس وطفلة ربنا رزقني بيها اعتقد اني مستحقش كل دا وان واحد زيي المفروض يعيش ويم,وت وحيد …مش بحب الش’غل بشتغل يوم وعشرة لأ .هوائي مدخن شره
عصبي وعصبيتي دي لا تحتمل حاولت استلف من واحد صاحبي ..لكن قال مش معايا ع الاقل عنده ذوق اتهر’ب بشياكه ..عكس التاني اللي قالي لما تسد اللي عليك الاول كل الابواب أتقفلت قدامي ومش عارف اجيب فلوس منين ..انا محتاج فلوس بسرعه عشان بنتي المسكــ,,ـــــينه دي القهوجي طلب مني الحساب قولتله ع النوته ..قالي حسابك تقل يا عم وانا اجيبلك منين دلوقت سيبني انا مش فايق لك شدينا انا وهو مع بعض
اتدخل بينا واحد معرفوش خلاص حساب الاستاذ عندي انت مين يا حضرت وبأي صفة تدفع لي الحساب قال للقهوجي خلاص روح انت وحسابه عندي سابني ورجع مكانه ..روحت وراه وسحبت كرسي وقعدت قصاده..هو حضرتك تعرفني تقريبا يعني ايه كل يوم بشوفك بتقعد ع القهوة لوحدك وملاحظ ان صحابك بيتهر,بوا منك دا انت مراقبني بقى مش بالظبط..بس واضح كدا انك عندك مشكله كبيرة ومخلياك عصبي وعلى اخرك اه فعلا بنتي تعبانه ..معرفش ليه وزاي لقيتني
بتكلم معاه وبحكيله عن ظروفي ..حط إيده في جيبيه وطلع 1000 جنيه وقالي خلي دول معاك انا بففض معاك مش اكتر ..انا لا طالب حسنه ولا بقبل الصدقه ..عن اذنك أستنى بس انت مين قالك اني بتصدق عليك اومال دا ايه اعتبره عربون شغل شغل ايه الحق بس اكشف لبنتك واشتري لمراتك هدية حلوه وهات عشوه جامده كدا وانتوا راجعين وبكره انا هكلمك بس انا ممعيش تليفون هكلمك على تليفون القهوة واقولك ع الشغل
اقتنعت بكلامه لاني كنت محتاج الفلوس بأي شكل وفعلا تاني يوم كان اتصل على تليفون القهوة قالي انا مستنيك على اول الشارع بعربيتي روحت له وركبت معاه ..قالي أن الشغل المعروض عليك بأختصار شديد هو انك هت. أختي نعم !! أ. مين يا عم ..سلامو عليكم أستنى بس لما تسمع باقي الكلام مفيش كلام تاني اسمعه ..انت متخيل اني قتال .ه الموضوع مش كدا اومال ايه قالي أن أخته دي هي الوحيده وانها اكبر منه
وبيعتبرها زي والدته ..للاسف هي مش متزوجه ولا في حد عايش معاها ..اتعرضت لمرض خ,طير والدكاترة قالوا انها هتعيش على اقصى تقدير من سنتين ل 3 سنين ..وهو شايف انها بتت,عذب كل يوم من المرض وجسمها وص,حتها مب,قوش متحملين عذ,ب العلاج وبهد,لة المس,تشفيات . ايوه بس .. لسه مخلصتش كلامي ..انا عارف انك شايف أن دا جنون اخ ي. اخته بس صدقني هي صعبانه عليا جدا وانا بشوفها بتم,وت كل يوم 100 مرة بسبب عذ,ابها
الموضوع أشبه بما يسمى ال,قت,ل الرحيم هت.ها عشان ترتاح من عذا,بها ..ولو حصل ونفذت المطلوب هتاخد 50 الف ج سمعت الرقم وريقي جري وحسيت انه يستاهل المجازفة خص,وصا في ظل اوض,اع البلد واني معنديش شغل وانا محتاج طيب دا مش جريمه ! الموضوع لو اتكشف ممكن اروح فيها مين قال انها جر,يمه اصلا ..انت هتحط المخده عليها وهي نايمه تكتم نفسها وفي دقيقة الموضوع هيخلص وبما اني اخوها الوحيد فمفيش حد هي,شك في انها اتقت,لت
وموضوع م,وتها في اي وقت وارد نظرا لحال,تها الصحيه الموضوع منتهي بس محتاج التنفيذ طب وطالما هي سهلة اوي كدا ليه انت متنف’ذش بنفسك ياريت كنت اقدر مكنتش هتر’دد لحظة ..بس للاسف قلبي مش هيطاوعني اعمل كدا مهما أن كان احنا اخوات التنفيذ هيكون بكرة بعد نص الليل العنوان فيلا في الرحاب ..انا هو’صلك وانت هتدخل من ع السور …وبعدها هتدخل من الباب الخلفي انا هسيبه ليك مفتوح هي اوضتها في الدور التاني تالت أوضة ع الشمال
تاني يوم وصلت الفيلا ودخلت من الباب الخلفي ..واول ما بقيت جوه الفيلا حسيت برهبه ..انا هق’تل ودي حاجه عمري ما فكرت فيها ..بس دا مش قت’ل انا هريح انسانه من عذاب المرض . كنت ببرر لنفسي الجر’يمه خصوصا بعد العرض المغري طلعت فوق ودخلت الأوضة ..الغريبة أن النور كان منور ..مشيت ناحية السرير رفعت الغطا ولقيتها نايمه كان واضح انها ست مريضة فعلا عمرها يقارب الخمسين سنه…مسكت المخده وبأيد مرتعشه قربت منها ولسه هك’تم نفسها
الكهربا قطعت ..وقفت مكاني معر’فتش أعمل أيه الدنيا ضلمه كحل ومش شايف حاجه خالص بعد اقل من 30 ثانية رجعت الكهربا لكن ملقتش الست مكانها ..لقيت منظر أبشع هيكل عظمي نايم مكان الست اتفزعت ووقعت المخده من إيدي..ازاي دا حصل ..هي الست راحت فين !! وسمعت صوت صرخات مخيــ,,ـــــفه جايه من كل مكان النور أنطفى تاني وحل مكانه نور أحمر باهت زاد الوضع ر’عب — وتوتر مع وجود دخان منبعث من جوانب الجدران
محسيتش بنفسي الا وانا بهرب من الأوضة وسمعت صوت مخيــ,,ـــــف بيقول هتهرب على فين …انت جيت لقدرك برجليك نزلت جري ع السلم وجيت أخرج لقيت الباب مقفول ..جريت ع الباب الخلفي اللي جيت منه لقيته اتقفل ..طب ازاي ومين قفله !! رجعت بسرعه ووقفت في نص الصاله وانا مش عارف اعمل ايه صوت الصراخ والضوء الأحمر والدخان اللي حاجب الرؤية جزئيا ..ايوه الشباك هه’رب من الشباك جريت بسرعه عليه ..شديت الستارة واكتشفت وجود حديد عازل ..كدا أستحالة هخرج
يعني ايه انا اتحبست هنا ! سمعت صوت خطوات ع السلم ..بصيت وشوفت حد لابس اسود وماسك خنجر بيلمع في الضلمه وهو بيتوعدني بالأنتقام جريت بسرعه على أوضة فتحتها لقيتها أوضة مكتب اول ما فتحت ولسه هدخل اتفاجأت بسرب وطاويط هجم عليا ..صرخت برع’ب وخبيت وشي بأيديا وانا سامع صوت أجنحت’هم بترف’رف حوالين مني وفوقي فضلت واقف في مكاني 5 دقايق عدوا عليا ساعات وبعدها الصوت هدأ بالتدريج فتحت عيوني كانوا أختفوا
دخلت بسرعه وقفلت الباب عليا لمني سمعت صوت كلب بيلهث في المكان ألتفت ورايا لقيت كلب ضخم مربوط بسلسلة اول ما شافني فضل يهوهو بصوت مزعج السلسة كانت على وشك انها تفلت والكلب أكيد هيقطعــ,,ـــــني ..خرجت بسرعه وقفلت ورايا الباب ولقيت قدام مني الشخص اللي لابس اسود وهو بيقول انت جاي هنا ايه ! انا …انا جاي !! اوعى تكذب انت جاي عشان ت. صاحبة الفيلا لا انا انت لسه هتكدب ..انا عارف عنك كل حاجه
واحب اقولك انك ارتكبت غلطت حياتك لما دخلت هنا غلطة مش هتلحق تندم عليها لأنك هتمــ,,ـــــوت معقول كنت هت. انسانه بريئة صدقني أنا كنت متردد بس ظروفي مفيش ظروف تجبرك ت. انسانه بريئة