فين يا بت ها وقافلة تليفونك ليه! قدر ي سماح عيب والله انتى كده هتخلينى اقطع الخلف ف مرة سبينى طاه عشان نتفاهم سماح ادينى سيبتك كنتى فين يا هانم! قدر كنت بقدم ع شغل الشركة اللى حكيتلك عنها والحمدلله اتقبلت سماح طب كويس امال مالك قالبة وشك ليه ومضايقة! حكت ليها قدر اللى حصل سماح يخربيت عقلك ليه عملتى كده ف الراجل وهو بيعتذرلك يا بومة قدر عشان بارد ومستفز
سماح وفين تليفونك رنيت عليكى كذا مرة مردتيش وبيدينى مغلق قدر زمانه فصل شحن استنى اقوم اشحنه فتحت قدر شنطتها وملقتش الفون قدر عااااا الفون راح فين! سماح يعنى ايه راح فين هو مش كان معاكى يا بت! قدر ايوة بس مش لاقياه معقول اكون نسيته ف الباص رنى عليه كده تانى يا ماما سماح رنت ع الفون كذا مرة وكان مقفول يمكن حد لقاه واخده خلاص مش مهم فداكى المهم انك بخير
قدر فدايا ايه احنا هنهزر انا عشان اجيب واحد زيه محتاجة مرتب شهر وغير كده البطاقة كانت ف الجراب اعمل ايه انا دلوقتى ! سماح اصبرى يمكن حد ابن حلال يلاقيه ولو عدى بكرة من غير فايدة لازم تروحى تعملى بدل فاقد للبطاقة بدل ما حد يعمل مصېبة بيها وانتى تلبسيها قدر انا عارفة حظى وبختى مايل ف كل حاجة ومفيش حاجة عدلة بتحصلى وتكمل للاخير لا وكمان الخط عليه كل الاسماء المهمة ومش هعرف ارجعه لان قاسم اللى كان جايبه باسمه قبل ما يسافر
سماح طب بس سبيها لله وان شاء الله هيرجع عند عمر نزل من الشركة وراح ع القسم دخل مكتبه وطلب من العسكرى القهوة بتاعته وهو بيحط ايده ف جيبه لقى الفون طلعه وبيفتح الجراب لقى البطاقة عمر قدر حسين سليمان على حاصلة ع بكالوريوس تجارة قدر! ايه الاسم الغريب ده! دخل العسكرى وحط القهوة خرج عمر الشريحة من الفون وحطها ف فونه لكن ملقاش عليها اى ارقام فى نفس الوقت وصلت رسالة ع فون سماح ان فون قدر اتفتح وووووو يتبع
بترتيب من القدر الاول بقلم نشوه عادل خرج عمر الشريحة من الفون وحطها ف فونه لكن ملقاش عليها اى ارقام فى نفس الوقت وصلت رسالة ع فون سماح ان فون قدر اتفتح سماح بت تعالى فيه رسالة جات ان تليفونك اتفتح قدر بلهفة طيب هاتى بسرعة ارن عليه بالفعل رنت ولقى عمر الفون بيرن فتح وقال الو قدر السلام عليكم لو سمحت الفون ده بتاعى وانا محتاجاه ضرورى ومستعدة اعطيك اى مبلغ تطلبه
عمر انا لقيت تليفونك متكس.ر اصلا يا انسة قدر لا والله اومال بتكلمنى دلوقتى ازاى انت حرامى ناصح بس ع مين! عمر يا شيخة اتهدى بقى انتى بالفون والحقيقة لسانك طويل اللى يشوفك بالحقيقة ميشوفش طولة لسانك قدر وانت تعرفنى ف الحقيقة ازاى يا حرامى عمر لا حول ولا قوة الا بالله برضه حرامى تصدقى انى غلطان فعلا انا هقفل قدر طب خلاص بالله انا اسفة والله انا اهم حاجة عندى البطاقة والشريحة
عمر ما هو عشان كده انا شيلت الشريحة وحطيتها ع فونى الخاص وملقتش اى ارقام عليها فعيب اوى اسلوبك ده قدر خلاص انا اسفة طيب ممكن نتقابل فين عشان اخدهم عمر بكرة الساعة ١١ ف الدقى قدر طب ممكن تخليها ٨ معليش عشان عندى شغل مهم عمر يا سيتى ماشى قدر ماشى شكرا اوى لزوقك واسفة ع اسلوبى عمر انا متهيألى انك تقفلى بدل ما تغلطى تانى وتفضلى تقولى اسفة للصبح عشان لسانك ممكن يتعب لو فضلتى مؤدبة
قدر اتعصبت لكنها مسكت نفسها وقالت وهى — بتجز ع سنانها تمام سلام قفلت قدر وابتسم عمر بانتصار ورن الجرس ودخل ليه العسكرى حامد حامد امرك يا عمر بيه! عمر عاوزك تروح ع اقرب محل موبايلات وكلمنى من عنده عرفنى اعلى فون عنده نوعه ايه وبكام حامد حاضر يا باشا وصل حامد ع محل الموبايلات وكان اعلى فون فيه ايفون ١٤ وراح عمر ع هناك واشتراه ورجع ع القسم عمر بقولك يا حامد انت وراك حاجة بكرة الساعة ٨ الصبح!
حامد لا يا باشا فيه حاجة! عمر هحتاجك فى مشوار مهم كده معايا حامد مأمورية يعنى ! عمر هى مأمورية بس مش رسمية حامد انا اسف يا عمر بيه بس انا مش فاهم حاجة عمر هتيجى معايا تقابل بنت تعطيها الفون ده والبطاقة ع انك انت اللى لاقيتهم حامد بعدم فهم انه ليه مش عمر اللى يقابلها وقاله حاضر يا باشا عمر تمام يا حامد بكرة الساعة ٦ ونص بالدقيقة تكون ادامى فى البيت عندى
حامد تحت امرك يا باشا تؤمرنى بحاجة تانى! عمر لا شكرا اتفضل انت ع شغلك سند عمر ضهره ع الكرسى بابتسامة وبعدها اخد حاجته ورجع ع البيت وهناك قابل والدته انتصار انتصار حمدالله ع السلامة كويس انك رجعت بدرى النهاردة عمر خير يا امى فيه حاجة ولا ايه! انتصار خطيبتك جاية النهاردة المفروض تكون موجود ف استقبالها هى وخالك عمر انتى خلاص خليتها خطيبتى يا امى سبق وقولتلك سهر دى بنت خالى وبس
انتصار انا عايزة افهم مالها سهر دى الف واحد يتمناها عمر عندك حق طبعا بس للاسف انا بقى مش من الالف دول والله عن اذنك دخل عمر ع غرفته وراحت انتصار لجوزها وقالت شايف يا احمد ابنك وعمايله احمد سبيه ع راحته يا انتصار ده جواز مش سلق بيض وطالما هو مش عاوز متجبريهوش انتى اصله مش بنت بنوت يعنى انتصار اه طبعا ما هى لو كانت بنت اخوك انت وع مزاجك مكنتش قولت كده
احمد لا والله ابدا حتى لو بنت اخويا وهو مش عايزها عمرى ما هجبره عليها هسيبه يختار هو شريك حياته مش هفرضها عليه واخلى حياته وحياتها تعيسة انتصار البنت بتحبه يا احمد احمد لما يجيلها نصيبها هيعوضها وينسيها تانى يوم الصبح لقت سماح رقم غريب بيرن عليها سماح الو مين! عمر السلام عليكم احنا اتفقنا امبارح نتقابل الساعة ٨ عشان اعطيكى الفون والبطاقة سماح ايوة يا ابنى هنستناك فين بالظبط!
قالها عمر ع العنوان وخرجت قالت لقدر اللى كانت جهزت ونزلت جرى عشان تلحق توصل ع المكان واخدت معاها فون والدتها وفضلت واقفة مستنية ربع ساعة مسكت الفون ورنت ع عمر اللى قال خمس دقايق واكون ادامك قدر ماشى بس لو سمحت متتأخرش قفل عمر اللى كان واقف بعربيته قريب منها وشايفها حامد ي باشا هى البنت اللى واقفة هناك دى هى صاحبة الفون! عمر ايوة هى حامد طب ما انزل اعطيها حاجتها بقى
عمر لا استنى شويه خليها كده لازم اعاقبها فضل ربع ساعة كمان وكل ما ترن عليه يكنسل بعدها شال الشريحة وحطها ف الفون بتاعها المكسور راح حامد من وراها وقال السلام عليكم قدر عليكم السلام انت مين! حامد انا اللى لقيت الفون قدر باستغراب لنفسها غريب بس مش ده نفس الصوت اللى سمعته بالفون! فاقت ع صوته بيقول يا انسة انتى معايا قدر ايوة فين الفون! اخرج حامد الفون واعطاه ليها وقال البطاقة ف الجراب زى ما هى والشريحة جوة الفون
قدر ي نهار ازرق ده قاطع كهربا ومياه حامد انا لقيته زى ما هو كده مكسور قدر لقيته فين بالظبط! حامد جنب الرصيف بتاع الشركة اللى هناك دى قدر يبقى ساعة الحيوان — ده ما خبطنى اه يا نا.رى لو شوفته هشلفط وشه حامد معليش ربنا يعوض عليكى عن اذنك مشى حامد وفضلت قدر واقفة شويه بعدها اتحركت ودخلت شركة عمر وهو متابعها عمر ايه ده معقول تكون شغالة عندنا!
استنى لما دخلت ودخل وراها وسأل بتاع الامن وقاله بقولك يا فارس هى البنت اللى دخلت دلوقتى تبقى مين! فارس دى موظفة جديدة هنا يا عمر بيه لسه متعينة امبارح عمر بضحك حلو اوى الكلام ده شكلنا هنتسلى كتير الفترة الجاية ووووو يتبع بترتيب من القدر الثانى بقلم نشوه عادل حلو اوى الكلام ده شكلنا هنتسلى كتير الفترة الجاية وانا بقى هعرف ف الفترة دى اقصلها لسانها الاطول منها ده
وصلت قدر ع المكتب وبدأت واحدة من زمايلها واسمها ايمان تفهمها الشغل وانبهرت بذكائها الشديد ايمان باعجاب ما شاء الله عليكى اللى يشوفك ميقولش ان النهاردة اول يوم شغل ليكى وانك لسه بتتدربى قدر انا اشتغلت ف شركتين قبل كده نفس الشغلانة بس كل واحدة وليها السيستم الخاص بيها ايمان ربنا يوفقك يا جميل انتى اسمك ايه! قدر اسمى قدر وانتى ايمان الله اسمك حلو وغريب بصراحة ع العموم اتشرفت بمعرفتك انا ايمان
قدر انا اكتر يا ايمى شكلنا هنبقى اصحاب ايمان ياريت والله شكلك غلبانة زيى مش زى صورموا اللى هنا قدر بضحك يعنى ايه صورموا دى ايمان يعنى كل اللى هنا منفسنين وبتوع مصالحهم ومفيش اكتر من العصافير الا من رحم ربى ستات ورجالة وحياتك قدر لا اتعودت عليهم حبيبتى لازم ف كل مكان يكون فيه من النوعيات دى بس تعرفى دول اللى بيخلوا للشغل روح ومرح ايمان يا سيتى الله الغنى بناقص معرفتهم يالا اسيبك تشوفى شغلك واشوفك ف البريك
دخل عمر ع مكتب مصطفى وملقهوش موجود رن الجرس ودخلت السكرتيرة افندم يا عمر بيه عمر مصطفى فين! السكرتيرة مستر مصطفى بيوصل الساعة ١٠ يا فندم عمر امممم هو فيه موظفين جداد هنا! السكرتيرة ايوة حضرتك فيه ٦ موظفين اتعينوا امبارح ف كذا وظيفة والنهاردة اول يوم ليهم عمر تمام عايز الكشو.فات بتاعت التعيين بتاعتهم تكون عندى حالا السكرتيرة باستغراب حاضر يا فندم خرجت السكرتيرة وهى بتكلم نفسها شافتها ايمان وقالت سالى انتى اتجننتى ولا ايه بتكلمى نفسك ليه ع الصبح!
سالى اصل مستر عمر هنا ايمان غريبة اول مرة يجى بدرى يعنى سالى خدى الكبيرة عاوز فايلات الموظفين الجداد ايمان پصدمة نعم! وده من امتى ان شاء الله ! سالى ما هو انا مستغربة عشان كده عمره ف حياته ما جه ع الشركة ولا سأل ع اى حاجة وسايب الجمل بما حمل ع مستر مصطفى اشمعنا دلوقتى! ايمان يمكن ربنا هداه ما كل ده ف الاخر ليه سالى ع رأيك انا هروح اجيبله الملفات عن اذنك
دخلت سالى الملفات لعمر وبدأ يدور ع عقد قدر لحد ما لقاه وعرف عنوانها بالتفصيل وبعد ساعة وصل مصطفى وقال الله ده اللى سمعت صح بقى عمر سمعت ايه ! مصطفى انك هنا من بدرى وطلبت تشوف ملف التعيينات بتوع المواظفين الجداد عمر لا اله الا الله مش انت كنت عاوز كده يا ابنى انت وخالك مصطفى طيب ي سيدى ربنا يهديك يبقى تحضر معايا بقى الاجتماع بتاع الوفد الاسبانى
عمر احم مش للدرجة دى هو انا فاضى ليك انا عندى شغل تانى ولا نسيت مصطفى طب ما تستقيل منه ي ابنى عمر بعينك يا صاصا سلام مصطفى وربنا مچنون وهتجننى معاك عدى اليوم ومصطفى مبسوط من قدر جدا بسبب نشاطها وشغلها المتقن وانتهى اليوم ورجعت ع بيتها سماح ها عملتى ايه النهاردة! قدر الحمدلله ارتاحت اوى شركة هاى ومحترمة واتعرفت ع بنتين — هناك كويسين سماح طب كويس بس
اعملى حسابك انا مش هسيبلك تليفونى تانى قدر ايه ده يا مرات ابويا يعنى هتاخدى التليفون منى سماح مرات ابوكى! ما علينا اه هاخده يا اختى انا مش بعرف اقعد من غيره قدر انتى متأكدة انك ام بجد ولا انتى اخر اصدار من نسخة الامهات! سماح سميها زى ما تسميها يا تصلحى تليفونك يا تجيبى واحد جديد قدر اجيب غيره منين بس وبعدين روحت سألت ع الشاشة قالى بألفين جنيه اجيبهم منين!
سماح مليش فيه دى مش مشكلتى قدر اه ي نا.رى لو قابلت الحيوان اللى كس.ره هطلع زمارة رقبته وازمر بيها رن جرس الباب وفتحت قدر وكان مندوب شحن وقال انسة قدر حسين قدر ايوة انا مين انت! المندوب معايا اوردر باسم حضرتك قدر بس انا مطلبتش اوردارات اكيد حضرتك غلطان! المندوب لا انا متأكد مش حضرتك انسه قدر حسين صالح وده العنوان بالتفصيل والاوردر مدفوع اصلا يا فندم بعد اذنك استلميه
قدر طب هو ده ايه اصلا! المندوب معرفش والله حضرتك انا مندوب شحن قدر طب مين اللى بعته طيب او مين حاسب عليه! المندوب والله يا فندم ما اعرف اى حاجة ومن فضلك استلمى الاوردر عشان عندى شغل استلمت قدر الاوردر ودخلت حكت لامها سماح طب افتحى كده اما نشوف ده ايه فتحت قدر العلبة واتفاجئت انه فون ايفون لما فتحت العلبة شافته ولقت ورقة مكتوب فيها انا اسف انى كس.رت ليكى فونك واتمنى تقبلى ده كهدية والنبى قبل الهدية
سماح والله راجل محترم وجنتل مان اهو جابلك تليفون برقبة تليفونات الحارة كلها قدر يا سلام هو ده اللى همك! سماح يووه اومال يهمك ايه تانى ياختى غير انه عوضك عن اللى كس.ره! قدر لا يهمنى كتير اوى يا ماما والأهم اعرف هو عرف عنوانى ازاى معقول كان مراقبنى! سماح بقولك ايه متبقيش وش فقر بقى الراجل كتب خيره وده تعويض عادى فمتكبريش الموضوع بقى نظرت قدر لامها بخيبة لانها لم تفهمها ابدا ودخلت ع غرفتها مسكت الفون وكان عاجبها اوى اتمنت كتير انها تشترى نوع ايفون فتحته ووضعت بيه الشريحة ولقت رقم غريب بيرن
قدر الو مين! يارب يكون زوقى واللون يكون عجبك قدر هو انت! انت ازاى بجح كده بجد انت عرفت عنوانى ازاى ها انت بتراقبنى! عمر يعنى حاجة زى كده قدر انت ازاى تسمح لنفسك تمشى ورايا ده انا لو شوفتك هلعب ف وشك اكس اوه ووووو يتبع انت ازاى تسمح لنفسك تمشى ورايا ده انا لو شوفتك هلعب ف وشك اكس اوه بس خليك راجل وقابلنى عمر لا انا راجل وارجل من عيلتك كلها ده انتى بنى ادمة مستفزة وناقصة تربية ووعد منى انى هربيكى
قفل عمر ف وشها وهى زعلت وعيونها دمعت اول مرة حد يكلمها بالشكل ده شالت الشريحة من الفون وحطيته ف كارتونته وخرجت سماح رايحة فين يا بت! قدر هودى الفون لحمادة بتاع الصيانة اللى ع ناصية الشارع واقوله هجيبله الفلوس لما اقب.ض سماح انتى هبلة يا بت ولا شكلك كده ده انتى معاكى تليفون يفكروكى بسببه انك هانم قدر مش عاوزاه يا ماما هرجعه لصاحبه تانى سماح ع اساس انك تعرفى صاحبه او تعرفى حتى اسمه عشان ترجعيه
قدر مش مهم انا متأكدة انه هيقابلنى ف يوم وهرجعه ليه سماح انتى حرة يا وش الفقر انتى قدر شكرا يا زوق عن اذنك نزلت قدر واعطت الفون لحمادة اللى وافق وهو مبسوط جدا لانه كان معجب بقدر لاحظت نظراته لكنها تجاهلته وطلعت ع بيتها تانى يوم الصبح فاقت قدر وراحت ع الشغل من غير فون وكان — باين عليها انها مضايقة سالى مالك يا رورو الا صحيح هو اللى يحب يدلعك يقولك ي ايه!
ايمان ي جلال ضحكت قدر عليها وقالت مش فايقة ليكى ع فكرة والله ايمان مالك ي بنتى ف ايه! حكت ليهم قدر ع اللى حصل سالى بصراحة انتى غلطانة وقليلة الذوق قدر پصدمة انا! ايمان لا لو سمحتى يا سالى ونسيتى انها دبش كمان حد يعمل اللى عملتيه ده يعنى الراجل حس بالذنب اتجاهك عشان كده جابلك فون تقومى تقوليله لو راجل قابلني قدر ي بنتى افهمى ده واحد عرف عنوانى وبيهادينى بفون غالى زى ده اكيد دماغه مش كويسة لا وكمان من بجاحته حفظ رقمى عنده
سالى والله البت دى بتقول كلام زى الفل مقنع بصراحة ايمان خلاص فكك وروحى شوفى شغلك قدر مش هرتاح الا لما اعرف هو فين وهو مين اصلا ايمان ليه مفكرة نفسك رئيس مباحث اجرى ع مكتبك يلا ع الضهر وصل عمر وبص عليها من بعيد ودخل لمصطفى وقاله بقولك يا مصطفى فين الشغل الخاص بالطباعة مصطفى باستغراب اشمعنا! عمر اظن ان الشغل ده مهم ولازم يخلص بسرعة عشان مدة العقد ولا ايه!
مصطفى دى حقيقة بس للاسف مفيش غير موظفة واحدة بس عمر طب كويس خليها تعمله مصطفى مينفعش طبعا ده كتير جدا وهى مش هتوافق عمر بس لو زودت ليها المرتب معتقدش انها هترفض وبكده هننجز مصطفى ي ابنى فيه موظفين هيتعينوا بكرة خلاص والشغل هيخلص قبل ميعاده ان شاء الله عمر مصطفى اسمع اللى بقولك عليه مصطفى بشك حاضر هنفذ بس افهم الاول الكلام ع ايه! ضحك عمر وحكى ليه عمر انا وعدتها انى هربيها يرضيك مطلعش اد كلامى
مصطفى بضحك لا ازاى ميصحش ماشى ي عم ربنا ع الظالم دخل عمر الحمام وطلبها مصطفى وعرض عليها الشغل ولما عرفت انه هيزود المرتب وافقت بدون تردد ولما مشيت خرج عمر وهو مبسوط وبعدها مشى من الشركة ف بيت عمر كانت انتصار قاعدة مع بنت اخوها وبتقولها حقيقى يا سهر انا مبسوطة انك وافقتى تفضلى معانا هنا عشان كليتك احسن من پهدلة السكن سهر اتمنى بس ي عمتو انى مكنش ضيفة تقيلة عليكم
انتصار تقيلة ايه ده بيتك يا حبيبتى لاحظت انتصار نظرات سهر ف كل مكان وقالت بغمزة مش موجود سهر بتوتر هو مين! انتصار هو حد قالك عليا لسه مخرجتش من البيضة يا بت قصدى ع استاذ عمر لسه مجاش سهر بتوتر لا يعنى هو انا بس كنت عاوزة اسلم عليه عشان مشوفتوش امبارح انتصار زمانه ع وصول يدوب خلصت كلامها ولقوا الباب بيتفتح عمر السلام عليكم الجميع وعليكم السلام انتصار بسرعة ايه يا عمر اتأخرت ليه سهر بتسأل عليك
عمر متأخرتش ولا حاجة انا كنت بالشغل ازيك يا سهر سهر بابتسامة ازيك انت ي عمر لسه ملامحك زى ما هى متغيرتش كتير عمر بس انتى اتغيرتى وكبرتى واحلويتى ما شاء الله عقبال ما اشوفك عروسة مع ابن الحلال اللى يستاهلك سهر ان شاء الله عمر عن اذنكم هدخل اغير عشان عندى مشوار مهم سهر ثوانى ي عمر دخلت اوضتها وجابت بوكيه ورد تحفة وقالت عارفة انك بتحب النوع ده جيبته ليك مخصوص واتمنى زوقى يعجبك
عمر بضحك انا اعرف ان الراجل يجيب بوكيه ورد لبنت لكن العكس اول مرة تحصل بس وماله عن اذنكم دخل عمر ع اوضته ورمى البوكيه ف اقرب باسكت وقال هى ناقصة محڼ دخلت وراه انتصار پغضب انت ايه اسلوبك البارد ده انت ايه يا ابنى معندكش قلب وايه ده انت رميت الورد هى دى شكرا بتاعتك عمر بقولك ايه ي امى هو انتى شايفانى عيل — رايحة تجيبلى ورد وبعدين مالها طريقتى يعنى عاوزانى اخدها بالحض.ن يعنى ولا ايه
انتصار وفيها ايه دى بنت خالك عمر اديكى قولتيها بنت خالى وزى اختى لا اكتر ولا اقل ياريت قبل ما هى تفهم ده تفهميه انتى عن اذنك عشان عندى مشوار مهم
كانت سهر واقفة برة وسمعتهم عيطت بحړقة ودخلت ع اوضتها وبصوت عالى وهى حاطة ايدها ع قلبى لتانى مرة اسمع صوت قلبى بيتكس.ر وانت السبب يا عمر انا بلعڼ قلبى انه حبك واتعلق بيك فكرت ان بعد السنين دى كلها هتكون عرفت قيمتى وحبتنى زى ما حبيتك بس خلاص انا لازم افوق لنفسى انت وحبى وقلبى كلكم تحت جزمة كرامتى همحيك من حياتى بس مش هكرهك لا هتفضل ابن عمتى وحبى الاول لكن هريحك واريح نفسى
عند قدر اللى كانت قاعدة لسه ف الشغل وكان ميعاد انها تمشى لقت صوت من وراها بيقولها سماح! مش ممكن ووووووو يتبع سماح! مش ممكن معقول بعد كل السنين دى نتقابل وتكونى لسه جميلة زى ما انتى قدر باستغراب احم انا اسفة تقريبا حضرتك غلطان ومجرد شبه انا اسف يا بنتى حقك عليا اصلك شبه واحدة كنت اعرفها سبحان الله كأنك توأمتها وفعلا يخلق من الشبه اربعين قدر ولا يهمك يا حاج حصل خير هو حضرتك جاى لمين هنا!
بضحك انا احمد المحمدى صاحب الشركة قدر انا اسفة جدا يا باش مهندس اصل اول مرة اشوف حضرتك احمد ولا يهمك انتى موظفة جديدة هنا قدر ايوة احمد غريبة بس اللى اعرفه ان الموظفين الجداد بيكونوا فترة صباحية بس امتى اتعينتى قدر انا فعلا تبع الفترة الصباحية بس كان فيه شغل ضرورى مستر مصطفى كلفنى بيه وانا لسه مخلصتوش وشكلى هفضل لبعد العشا احمد بتفكير من امتى ومصطفى بيكلف حد بشغل اكتر من طاقته وليه اصلا
قاطع تفكيره صوت قدر تؤمرنى بحاجة احمد لا يا بنتى تسلمى بس كفاية عليكى شغل لحد كده الساعة ٦ واكيد تعبتى روحى وبكرة كمليه قدر مفيش داعى انا قربت اخلص احمد شكلك مجتهدة ربنا يكرمك الا صحيح اسمك ايه! قدر اسمى قدر يا فندم احمد ما شاء الله اسمك جميل بس ده اسم تركى شويه او شامى تقريبا قدر هو منتشر بتركيا فعلا بابا اهله اتراك وكان ليه اخت بيحبها اسمها قدر سمانى ع اسمها
احمد تمام ي قدر اتشرفت بمعرفتك يا بنتى راحت قدر ع مكتبها وكلمت امها تطمنها انها لسه بالشغل وهتتأخر عشان متقلقش بعد فترة خلصت قدر ونزلت عشان تروح لقت عربية وقفت ادامها ونزل منها عمر اول ما شافته راحت اتضايقت راح وقف قصادها وقال عرفتى بقى يا قطة انى راجل نظرت ليه قدر من تحت لفوق وحطت ايدها بشنطتها وطلعت الفون اتفضل عمر باستغراب ايه ده!