بقلم سهيله

احمد ب عياط : طب وانا طيب .. القلب الي حبك بجد وكان مستعد ينهي حياة اي حد ف الكون قريب او غريب عشان كلمة منك بس كلمة .. فين انا .. المفروض الم بواقيكووووا .. دة الي انا بعملوووا .. فكرتي فيا وانا عمال اتعشم فيكي وانتى عارفة انك مش هتكوني ليا ف الاخر وانك بتضحكي عليا .. استغليتي نقطة ضعفي الي هي انتي .. مش انتي بس كلكوا ركنتوني كأني حيوااان مش بني ادم زيكوا بيحس بردوا مهما كان قاسي .. خلتوني اقسى اكتر وابقا وحش اكتر وابن كلب ..

قلت محدش فكر فيا وانا هفكر ف نفسي وبس .. بتقولي اني كسرت نفسك .. فكري فيها كدة فكري براحة بس .. انا كام مرة اتكسر نفسي وبسببك .. بسببك انتي .. كل يوم بتحرــ,,ـقي ف دمي واعديها واقول عندها حق م هي متعرفش حاجة وممكن لو حكيتلها متصدقكش او تسيبك لما تفهم ف اسكت 💔 انا كام مرة اتهديت وبنيت نفسي تاني عشان اقوملك .. وتهدي فيا تاني واقوملك تاني .. كان نفسي مرة انتي الي تقوميني .. كان نفسي مرة تاخديني ف حضــ,,ـنك بجد من قلبك مش مجاملة ولا احتياج .. كان نفسي تحسي بيا .. بس مينفعش ..

م انا الشخصية الشريرة الي دايماً بتتشتم ف اخر كل قصة حب .. بس سؤال بس .. انا استاهل ؟ شيفاني استاهل كل الوجع دة منك ؟ والله م استاهل 💔
عليا : انا ……….
احمد : متتكلميش .. خلاص مبقتش عاوز اسمع حد .. مش عاوز .. ي شيخة ملعون قلبي الي حبك .. ملعون ابو اي قلب يهين او يزل ف صاحبه كدة .. 💔
( يمشي احمد م البيت ، تقعد عليا تعيط ، يفضل احمد ماشي ف الشارع ودموعه عمالة تنزل ، يمسك الفون )
احمد : الو
محمد :

ايه ي بني
احمد ودموعه بتنزل : ايه ي محمد
محمد : عامل ايه ؟
احمد : الحمدلله 😔
محمد ب استغراب : مال صوتك انت تعبان ؟!!
احمد : لا انا كويس .. كنت عاوز اجي اقعد عندك لحد بكرة بس ينفع ؟
محمد ب قلق : اه تعالى بس حصل ايه في حاجة ؟؟
احمد وهو بيمسح دموعه : لما اجي ابقا اقولك عشان مش قادر اتكلم دلوقتي 💔
محمد : طب اوك انا مستنيك 😕
احمد :

ماشي سلام
( يقفل احمد ، عند عليا ، قاعدة ع الكنبة بتعيط )
عليا ب عياط : غبية .. غبية .. معندكيش احساس .. غبية .. اعمل ايه دلوقتي .. اعمل ايه يارب .. اعمل ايه قولي 🤦🏻‍♀
( يعدي الوقت ، احمد عند محمد )
محمد ب اندهاش : يخربيتك ي احمد عملت كل دة عشان تتجوزها .. مخفتش من اهلكوا ؟؟!!!!!
احمد : تؤ .. مخفتش غير عليها .. كان كل تفكيري فيها هي وبس .. كنت مستعد اسيب الدنيا دي كلها عشان ابقا معاها ..

كنت مستعد امـ,ـوت لو بعد مـ,ـوتي هشوفها وتبقا ليا .. كان نفسي بس تحبني ربع الحب الي انا حبتهولها .. والله ربعه .. ربعه بس 💔
محمد : ياريتك رضيت بالامر الواقع م الاول مكانش حصل كل دة 🤷🏻‍♂
احمد : ﻷ انا مش ندمان ع اي حاجة عملتها عشانها .. ممكن انت تفتكر ان طريقة تفكيري انانية واني عملت دة عشان نفسي عشان هي تبقا معايا .. بس والله وجودها مع ادهم كان هيأذيها .. ادهم جبان .. بيخاف من جدي ومن ابوه .. اي حد فيهم يقوله كن ف يكون ..

لو كان جدي قاله سيبها تاني كان هيسيبها
محمد : وهتعمل ايه دلوقتي ؟
احمد : معلش ي محمد تقلت عليك
محمد ب ضحك : انت اهبل ياض مبقالكش ساعة قاعد تقلت ايه 😂
احمد : انا كلمت واحد صاحبي وبعد بكرة هسافر
محمد ب استغراب : تسافر فين ؟!!!
احمد : هسافر اميريكا
محمد : ي ابني انت لازم تحل الموضوع هتسيبها وتسافر كدة !!!!
احمد : انا طلقتها
محمد ب خضة : يخربيتك ليه 😮
احمد : كدة احسن ليها 😒
محمد : بس مش ليك !!!

احمد :

المهم هي 💔
( يعدي اليوم ، تاني يوم ، تقوم عليا م النوم تطلع تبص ع الكنبة ، متلاقيش احمد جه ، تقعد ع الكنبة وتمسك الفون تتصل بيه تلاقيه مقفول ، ييجي الليل ويخلص اليوم ، تاني يوم ، الساعة 6 الصبح ، يدخل احمد البيت ، يدخل اوضتة يفتح الدولاب ويحط هدومه ف شنطة ، يخلص ويغير هدومه وياخد باسبوره وحجاته ، يحط شنطته ع باب الشقة ، يدخل اوضة عليا ، عليا نايمة ، يقرب عليها يوطي يقعد ع ركبته قصادها ف الارض ، يفضل باصصلها ، تنزل دموعه )
احمد ب همس وعياط :

هشتاقلك اوي .. يارب تكوني مبسوطة دايماً .. ي حتة مني 😥💔 يتبع …. قصة : { #كسرة_نفس } 🚶🏻💔 الحلقة الثالثة والعشرون { ٢٣ } 🥀

( يبوس خدها ب هدوء ويقوم ، يطلع م الاوضة يلمح الكنبة ، يقرب يشيل المخدة وياخد البرفان يحطه ف الشنطة ويمشي ، تصحى عليا مفزوعة ع صوت قفلة باب الشقة ، تقوم بسرعة تطلع برة تبص ع الكنبة متلاقيش حد ، تلاقي باب الاوضة مفتوح ، تدخل تتخض اما تلاقي الدولاب مفتوح ومافيش هدوم )
عليا ب خضة : لا لا ﻷ 😧
( تجري ع تحت يكون احمد ركب عربيته ومشي )
عليا ب عياط وزعيق : احماااااااد .. استنااااااا ..

استنى 😣
( احمد ف عربيته مش سامعها ، سايق ودموعه عمالة تنزل ، ترجع عليا تقعد ع سلم العمارة تعيط ، يوصل احمد المطار يخلص ورقه ويقعد مستني ميعاد الطيارة ، تطلع عليا تلبس وتنزل ، تمسك الفون )
عليا : الو محمد .. انا تمام هو احمد اتصل بيك جايلك او رايحلك .. مسافر !! مسافر فين ؟؟ طيب سلام
( تقفل عليا ، توصل المطار ، تجري تفضل تبص ع كل واحد وتدور ف كل الوشوش ، مافيش حد .. !!! )
عليا وهي بتلف حوالين نفسها : فينك ..

فينك بقا فينك 😟
( ناس رايحة وناس جاية ، تقف عليا مكانها بتلف حوالين نفسها مش لقياه ، تقرب ع السكرتارية )
عليا : لو سمحتي هي الطيارة الي مسافرة امريكا طلعت ؟؟
السكرتيرة : ايوة ي فندم
( تتخض عليا وتنزل دموعها وتقعد ع كرسي تعيط ، يعدي الوقت ، ف بيت العيلة ، عليا قاعدة )
ابو احمد ب انفعال : يعني ايه سافر انا مش قلتله مافيش زفت سفر 😠
الجد : سيبه براحته ي محمد خلاص ✋
ماجدة :

انتى تجيبي هدومك وتيجي تقعدي هنا طلاما طلقك
ابو احمد ب استغراب : انا مش فاهم طلقك ليه انتى كمان !!!
( متردش عليا ، يدخل ادهم )
ادهم ب زعيق ل عليا : يعني بعد م خرب موضوعنا وخد الي هو عاوزوا طلقك دلوقتي 😠
الجد :

خلصنا ي ادهم خلصنا بقاا 😑
( تنزل دموع عليا ، تقوم تطلع اوضتها ، يعدي الوقت ، تروح عليا شقة احمد عشان تجيب هدومها ، تدخل اوضتها تلم هدومها وتحط الشنط برة ياخدها البواب ينزلها ، تقف عليا تبص للكنبة ، تنزل دموعها ، تدخل اوضة احمد ، تقفل الدواليب والادراج المفتحة ، تلاقي برواس ف الدرج فيه صورة ل ولاد العيلة وهما صغيرين وفيها عليا واحمد من ضمنهم ، تمسكها تتفرج عليها وتبتسم ، لسة هتمشي بيها تلاقي كان تحتيها ورق ، تقرب تمسك الورق وتقراه ، تلاقي تحاليل وتقارير اشعات ع الكلى ب اسم احمد ، تتخض

وتفهم )
عليا ب اندهاش : هو الي اتبرعلي 😦
( تنزل دموعها )
عليا ب عياط : هو الي اتبرعلي .. ي اقسى خلق الله .. ي غبية .. ي غبية ي غبية .. ليه ي احمد بتكرهني ف نفسي اكتر ليه كدة ليه بس 😣💔
( تفضل تعيط ، تعدي الايام ، عليا قاعدة ف بيت العيلة ، نازلة من ع السلم تلاقي ادهم ف وشها )
ادهم : ازيك ؟
عليا : الحمدلله .. انت عامل ايه ؟
ادهم : كويس 😐
عليا ب ابتسامة :

سمعت ان جايلك بيبي ف السكة .. مبروك 🙂
ادهم : الله يبارك فيكي .. متعرفيش فرحت اد ايه لما عرفت انك اطلقتي
عليا ب استغراب : ودة هيفرق معاك ف ايه ؟!
ادهم : انا كمان هطلق مراتي ونتجوز
عليا ب خضة : ايه ايه اهدى بس كدة شوية تطلق مراتك !! ايه الي انت بتقوله دة !!!!
ادهم : عليا انا مش عاوز اضيعك من ايدي تانى 😟
عليا : قصدك تالت .. بص .. هقولك حاجة .. انا خلاص .. قلبي اتقفل ومش ناوية افتحوا تاني كفاية بقا ..

كفاية كدة ✋💔
ادهم : انا عارف ان الي مريتي بيه صعب
عليا : لا انت متعرفش حاجة .. متعرفش حاجة عن الي انا مريت بيه لان انت مكنتش معايا فيه .. انا مريت ب اسود ايام حياتي .. اسودها .. وكنت مفكرة بسبب احمد بس طلع بسببك انت ⁦☝️⁩
ادهم ب استغراب : انا !!!!!
عليا : اه انت ي ادهم .. لو كنت صممت ع وجودي معاك كان زماني ف حضــ,,ـنك دلوقتي .. دة عمل نفسه **عشان يكون معايا ومخافش .. مخافش ان كان ممكن ابويا يتهور ويمـ,ـوته فيها ..

او ان جدي مكانش يوافق بردوا بعد كل دة .. مخافش من حد .. وانا انـ,ـتحرت عشانك .. كنت همـ,ـوت كافرة عشانك .. عشان مبقاش ل غيرك .. انا واحمد عملنا الي مستحيل حد يعمله عشان الي بيحبه .. لكن انت محاولتش تعمل حاجة .. استسلمت وخفت .. وخلاص كدة طلاما الخوف دخل بينا خلاص .. وانا كنت غبية .. كنت غبية عشان مشيت وراك بدل المرة اتنين وانا الي اتأذيت ف الاخر وأذيت .. اذيت قلب كان مستعد يضيع عمره كله عشاني .. وضيعت انا عمره فعلاً .. كسرته 🙂💔
ادهم : انا اسف والله اسف ..

انا هطلق مراتى وهخدك ونسافر نكمل حياتنا بعيد عن اي حد ✋
عليا : كان ممكن تعمل كدة م الاول .. كنت تقدر تاخدني وتمشي بعيد عن اي حد .. لكن دلوقتي لأ .. انا مش هروح ف حتة ولا انت هتطلق مراتك لاني مستحيل ابقا معاك .. حافظ عليها وع ابنك الي جاي .. عيش حياتك وسيبلي انا حياتى .. هحاول اصلح الي اتكسر فيها .. هحاول 💔
( يقرب عليها اوى يحط ايده ع خدها )
ادهم وهو بيقرب عليها : كل حاجة هتتصلح لو رجعنا مع بعض صدقيني 😟
عليها :

لا ي ادهم
ادهم وهو بيحط ايده ع خدها : ي عليا ………
عليا وهي بترجع ل ورا : ادهم لو سمحت ابعد عني 😑✋
ادهم : لا انا مش هبعد عنك تاني انا بحبك وعارف انك لسة بتحبيني انا ………
عليا ب زعيق : باااااس قلت بس .. اوعى
( تزقه يشدها ع الحيطة ويقرب عليها تضريه بالقلم يتخض )
عليا ب خوف ودموع : الي بينا انتهى .. انتهى من ساعة م اتكتب كتابك ع رحمة .. بس انا الي عشمت نفسي فيك ب ذيادة ..

الكسرة كانت جيالي منك انت لما اتخليت عني .. وانت كنت اقرب الناس ليا .. خلاص انسى .. مش لما لقيت حجة ل رجوعنا جاي ترجع دلوقتى .. ع رأي احمد انت مشيت ع الحجج عشان تبقا معايا وياريتك عرفت تبقا .. انت موقفتش قصاد حد عشاني ي ادهم ومعادش ليك حب ف قلبي خلاص ⁦☝️⁩💔
ادهم ب فهم : قولي كدة بقا .. هو ملى دماغك خلاص .. احمد لو كان عاوزك بجد وبيحبك زيي مكانش طلقك ورماكي كدة 💁🏻‍♂