_بتقول اي يادكتور مصطفي _زي ماسمعتي كدة يادكتورة روان بالضبط _إنت عايزني أنا أروح الصعيد _ايوه _طب وأسيب المړضي بتوعي لمين وكمان اشمعنا انا ال حضرتك كلفتني بالمهمة دي _لو علي المړضي بتوعك فإنا كلفت دكتورة رهف بيهم واتحولوا علي شفتها خلاص ولو بتسألي إشمعنا إنت عشان مافيش حد أشطر منك يقوم بالمهمة دي بصراحة انا بثق فيك وعارف إنك مش هتخذليني وهتشرفي المستشفي بتاعتنا في اي مكان _بس يادكتور صعب اوووي أروح الصعيد أنا مش هعرف اتعامل مع الناس ال هناك خالص وبعدين هقعد فين وال هعمل اي وعادتهم وتقالدهم غيرنا خالص
_هي مده الشغل تعتمد علي شطارتك إنت بقي أما بالنسبة لأهل الصعيد فهما مافيش أحلي منهم ولا معاملتهم قمة في الذوق والكرم ومن حيث هتقعدي فين فإنت هتقعدي في بيت العمدة وشوية شوية هتفهمي عادتهم وتحاولي تمشي عليها طول مدة إقامتك هناك بس ياستي مش حوار يعني ياروان _يادكتور بس _مبسش ياروان انا خلاص صدرت نقلك سوهاج والقرار طلع وانا وافقت عليه خلاص مش ناقص غير إنك تحضري شنطتك وتتوكلي علي الله لأن القطر بتاعك كمان يومين وأول متوصلي هيقابلك حد من بيت العمدة يعرفك الطريق
_وكمان يومين بس وهسافر ده انت حضرتك مش سايبلي فرصة للرفض خالص _مينفش ترفضي ياروان وبالأخص ده يبقي إبن صاحبي وأول ماهو يحتاجني في حاجة ارفض ازاي بس _طب حضرتك ممكن تعرفني علي الحالة اكتر
_هو إسمه أدهم الدمنهوري يبقي إبن عمده البلد في قرية في سوهاج وناس محترمين جدا وبيت كرم وانا روحت عندهم مرة قبل كدة لأن ابوه كان عزمني عنده المهم هو بالمناسبة مهندس معماري وهو شغال وقعت عليه طوبه علي دماغه أثرت علي مخه وأعصاب الجسم كله فأدت إلي شلل وبقاله سنه ورافض يتعالج خالص وحابس نفسه في اوضته واي حد بيجي بيطرده زي ما.تقولي إستسلم للأمر الواقع خلاص بس لما ابوه بعتلي الأشعة والتحاليل بتاعته مكدبش عليك نسبة الشفا بتاعته تكاد تكون منعدمه بس برضو قولت مينفعش اقوله كدة ابنه الوحيد علي بنتين والراجل مش هيستحمل فقولتله ان شاء الله هيقوم
بالسلامه هبعت اشطر دكتورة عندي تتابع حالته والبركه فيك بعد ربنا أعملي ال تقدري عليه بس أهم شئ منكنش أثرنا في حق مريض عشان حساب ربنا كبير يابنتي _حاضر يادكتور بإذن الله أكون عند ثقه حضرتك فيا ومخيبش ظنك ابدا وخصوصا إني لسه متخرجة جديد وعايزة يتحطلي وسام في ال بتاعي _والله ياروان لو بفضل الله علي ايدك وبتوفيق من الله قدرتي تعالجيه ويقوم يقف تاني علي رجله لإنت ليك مكأفاه مني كبيرة أوووي
_بإذن الله يادكتور ادعيلي _بالتوفيق يادكتورة إنت قدها وقدود وسبته ومشيت روحت بيتي أقول لأهلي علي سفري المفاجئ ده وأكيد رد فعلهم مش هيكون أحسن حاجة بس ده شغلي ال بحبه وبفني في حياتي ولازم اروح وخصوصا ان الحالة المرة دي صعبة وانا بحب المعافرة والمحاربة لحد ماوصل لهدفي وهدفي المرة دي مش سهل ف يلا نخوض التجربة ونشوف هنطلع نتيجة عاملة ازاي أنا بابا علمني إن مافيش مستحيل في حاجة اسمها إن المستحيل بيكون ممكن لو انت عافرت وصبرت هتنول في الأخر عشان كدة عمري مستسلمت ابدا حتي لو إنهزمت بس إسمي عافرت
أنا روان محمود الصياد عندي 24سنة بنت الدكتور محمود الصياد أشطر دكتور شوفته في حياتي كنت بروح معاه العيادة وأنا صغيرة وأشوف طريقته مع المړضي وتعامله معاهم بلطف وكنت بشوف حبهم ليه واحترامهم برضو وقد اي كنت بشوف — الفرحه في عين الأهل قبل المړيض لما يتعافي ويقدر يقوم تاني علي رجله عشان كدة حبيت التخصص وحبيت الطب ودخلت علاج طبيعي زيه وبقيت دكتورة في نفس مجاله بس طبعا لسه بتعلم منه هو أستاذي وصحبي وابويا وكل حاجة ليا
_أنا قولت مافيش سفر ياروان يعني مافيش سفر _يعني اي ياماما بس بالله عليك توافقي ده شغلي ومستقبلي وهتفرق كتير أوووي في البتاعي وخصوصا إني لسه متخرجة جديد وهنقلني ناقله تانيه خالص تكرهي تشوفي بنتك ناجحه في شغلها _لا مكرهش بس لما توصل إنك تبعدي عني فترة الله اعلم قد اي ايوه اقف قصادك واعارضك هتعيشي لوحدك في مكان غريب ايوه اعارضك هتروحي مكان غير عاداتنا وتقالدنا وهتتبهدلي وعايزة بعد كل ده اسقفلك علي اي عليك بده ياضنايا بس
_شغلي ياماما ال من وانا طفلة كنت بحلم باليوم ال اقدر ابقي في المكانة دي دلوقت _في اي ياصفيه صوتكوا جايب لأخر الشارع _إنت جيت تعالي شوف بنتك ال ھټموټني دي نقولها سوهاج وهتسافر كمان يومين وجاية تبلغني دلوقت وبتتكلم بكل برود _حصل إمتي الكلام ده ياروان
_إنهارده الصبح يابابا لسه عارفة من دكتور مصطفي بلغني وقالي كل التفاصيل كمان واتفأجت زي زيكوا كدة وبرضو كان ردي زي ماما كدة بس هو فهمني الحالة وقد اي المړيض محتاجني لانه أمانة في رقبتي والدكتور كلفني بيها ومش إنت يابابا برضو ال علمتني احترم شغلي وافني في عشان أوصل فيه للمكانة ال استحقها وبرضو علمتني إن مسبش حد محتاجني واهرب لا أروح واحاول أساعده بالي اقدر عليه صح وال اي
ضحك واخدني في حض.نه _غلبتيني يابنت الصياد _تربيتك ياوالدي العزيز _موافق