قضـ.ـيه خلع

انا جوزي بيتفرج على أفلام
= نعم!! ، حضرتك جاية ترفعي قضـ.ية خلع على جوزك عشان بيتفرج على أفلام
ماهي مش أفلام عادية ، دي أفلام…

= بس فهمتك
” الخطوة دي انا مكنتش ناوية عليها غير بعد ما شوفت كتير اوي ، كنت بعيش أسوء ايام حياتي ومحدش حاسس بيا ، وكل دا بسبب جوزي ، المدمن بيكون أنواع ، في مدمن مخدرات ومدمن خمور ولكن مدمن أفلام دي جديدة وخصوصا انها مش اي أفلام ، دي أفلام اباحية ، بعيدا عن أنها حرام اساسا لكن المصيبة انه متجوز ، يعني معندوش سبب انه يعمل كدا ، كل حاجة كانت بتنبهني اني موافقش على الجوازة دي بس وافقت بسبب ضغط اهلي عليا وهي دي النتيجة ، انا جوزي ميعرفش اي حاجة عن الجواز غير…

، انا مش قادرة اكمل ، مش قادرة اعيش معاه ولا حتى قادرة انام جنبه على السرير ، مبطيقش ريحته لما بيلمسني ، بقيت قرفانة منه ومن نفسي ، بقيت ادخل ااخد دش أكتر من مرة في اليوم عشان اشيل ريحته من جسمي ، اصل هقبله ازاي ، هقبل ازاي شخص بيتعامل معايا بكل عنـ,ـف واحنا مع بعض ، الموضوع محرج ، حتى مكسوفة اتكلم مع اهلي ، مبقتش عارفة اعمل ايه ، كنت بكتب كل الكلام دا في النوتة الصغيرة بتاعتي ، هي دي اللي بطلع فيها كل اللي جوايا من غير ما اكون مكسوفة
نادية ، يا نادية

” وهي دي أسوء لحظة في حياتي ، لحظة ما بيرجع من برا ، قفلت النوتة وخبيتها و روحت عشان اشوفه
نعم
= ايه كنتي فين
موجودة جوا يعني هروح فين يا وائل
= طب كويس ، بقولك هو النهاردة ايه
الخميس
= و دا مش بيفكرك بحاجة
لا ، عيد ميلاد مين
= لا دا مش عيد ميلاد ، بس احنا ممكن نخليه عيد
انا مش فاهمة حاجة
= روحي أنتي بس جهزي نفسك والبسي حاجة حلوة كدا وحطي شوية مكياج خلي الواحد نفسه تتفتح
مليش نفس
=

انا ليا يا نادية
وانا بقولك مش عايزة
= اسمعي بس ، انا جايب معايا اكل ، روحي جهزي نفسك وتعالي ناكل ونقضي احلى ليلة مع بعض
هو انت مفيش في دماغك غير الكلام دا
= حقي ، حقي ولا مش حقي
لا مش حقك ، هو انا مش بني آدمة ، انا كمان من حقي ارفض لما أكون مش عايزة أو مليش مزاج
” اتنفض وقام من على الكرسي
جربي تقوليها يا نادية ، وحياه ربنا تلاقيني متجوز عليكي تاني يوم
= اعملها ، اعملها و ارحمني ، خليها تيجي تشوف القرف

اللي انا عايشة فيه
عايشة في ايه يا نادية ، وأنا قصرت معاكي في ايه ، هو البيت محتاج حاجة وانا مجبتهاش؟

، انتي طلبتي مني حاجة قبل كدا وقولتلك لا ، عايزة ايه تاني ، زي ما أنتي بتاخدي حقوقك ، اديني انا كمان حقوقي
= وهي حقوقك دي ايه ، انت متعرفش حاجة عن حقوقك غير حاجة واحدة بس
يا نادية انا بحبك
= انت مبتحبنيش يا وائل ، انت عايز اي واحدة وخلاص
بس في الاخر انا متجوز مين
= لو الجواز كدا ف انا مش عايزة ، انت متعرفش ان اللي انت بتعمله دا حرام
حرام ، هو فين الحرام دا ، انتي مراتي حلالي
= بس مش بالعـ,ـنف ، لما تيجي

تطلب مني حاجة زي كدا لازم تبقا باللين مش بالعـ,ـنف زي ما حضرتك بتعمل معايا وكأن دي متعتك
والله بقا انا براحتي ، انتي ملكيش اي حاجة غير انك تقولي حاضر وبس
= حاضر دي اخر حاجة هتسمعها مني يا وائل ، انا خلاص زهقت ومش هكمل معاك في القرف دا
” قرب مني و رجع تاني يتكلم بهدوء
طب بقولك ايه ، ما تأجلي الخناقة دي ل بكرا ، النهاردة الخميس ومش عايز اضيعه
” بصتله ب قرف ومشيت دخلت الأوضة بسرعة وقفلت عليا
افتحي يا نادية
= مش هفتح ، انا هنام

لوحدي النهاردة
وليه تنامي لوحدك ، السرير بيكفي اتنين يا حبيبتي
= امشي من هنا يا وائل ، انا مش هفتح ، روح نام في الأوضة التانية
دا اخر كلام عندك
= معنديش غيره
طب اعملي حسابك بقا ، انا لو شوفتك برا الأوضة محدش هيرحمك مني
#بقلم #عمرو راشد
” وقعت على الارض منهارة من العياط ، هو ايه اللي أنا فيه دا ، انا ازاي متجوزة الشخص اللي برا دا ، ازاي وافقت ، أسئلة كلها اتجمعت في دماغي واجابتها مجهولة ، حتى حلولها كلها مجهولة ، بس انا واثقة ان ربنا

مش هيسيبني ، يارب انجدني من اللي انا فيه ، نمت مكاني وانا لسة على الارض ، صحيت تاني يوم متأخر ، كانت الساعة 5 ، قومت وانا قلقانة اخرج ، النهاردة الجمعة يعني اجازته واحتمال يكون موجود ، فتحت الباب بهدوء وخرجت ، مكنش موجود في الصالة ، لكن سمعت صوت جاي من الأوضة التانية وتقريبا هو لسة موجود ، مش عارفة احدد هو صوت ايه بالظبط ، بس هو صوت واحدة ، الباب كان مفتوح شوية ف بصيت على مصدر الصوت وشوفت ، وقفت مصدومة من اللي انا شايفاه ، دي تاني مرة يعملها ، تاني مرة اشوفه بيتفرج

على القرف دا ، فتحت الباب و زعقت
ايه القرف اللي انت بتعمله دا
” اي حد مكانه كان هيتحرج ويقفل بسرعة ولكن دا اتحرك من مكانه بكل البرود اللي في الدنيا واتعدل وقالي
= اهلا ، أنتي خرجتي؟

انت ليه بتتفرج على الحاجات دي ، ليه بتعمل كدا ، طب ماانت متجوز
” ضحك بسخرية
متجوز ، متجوز اه ، تعالي اتفرجي معايا على الاقل لما بيطلب منها مش بتقوله لا و اصل مليش مزاج
= انت مجنون ، لا انت فعلا اتجننت ، انت عارف بتقول ايه
اه عارف طبعا
” اتحرك ناحيتي ببطئ
متكبريش الموضوع يا نادية ، فيها ايه يعني ما تتفرجي معايا يمكن تتعلمي حاجة
= اتعلم!

اه تتعلمي بدل ما أنتي باردة كدا
” وفجأة بقا قريب مني ومسكني
هو انا مش قولتلك لو مسكتك محدش هيرحمك مني
= سيبني يا وائل
اسيبك ، دا انا ما صدقت بقيتي معايا
” رماني على السرير
يا وائل عشان خاطري لا
” مكنش سامع ولا حاسس أي حاجة ، واتهجم عليا ، كنت بصرخ لحد ما غيبت عن الوعي ، مبقتش حاسة ب اي حاجة ، معرفش قومت بعد قد ايه ، لقيتني من غير هدوم ، كنت مكسوفة اقوم ، كأن فعلا في حد اتهجم عليا مش جوزي ، هو لا

يمكن يكون جوزي ، لا يمكن يكون بني آدم أساسا ، حاولت اقوم ، دخلت الحمام اشيل ريحته من جسمي ، قرفانة من نفسي اوي ، كنت بعيط وانا في الحمام لحد ما حسيت اني هقع تاني ، لبست وخرجت ، طبعا مش موجود في الشقة ، دخلت الأوضة وقفلت عليا ، جاتلي فكرة اني اعمل اكونت فييك واكتب مشكلتي يمكن الاقي حد يساعدني ، فعلا عملت كدا وكانت كل الردود
• ارفعي عليه قضـ.ية خلع
• ‏أنتي ازاي عايشة كدا ، روحي اعمليله محضر
• دا لازم تخلعيه
” الردود كلها كانت عبارة عن اني ارفع

قضـ.ية خلع وفي منهم اللي فعلا رشحلي محامي ، وكلهم اجتمعو على حسام الهواري ، عرفت عنوانه وقررت اروحله تاني يوم ، نمت و صحيت الصبح جهزت نفسي وخرجت ، ملقتوش موجود لكن باين انه رجع امبارح لإني لقيت بواقي اكل على الترابيزة ، نزلت و روحت العنوان ، المكان كان زحمة جدا ، ولما سألت عرفت اني كان لازم احجز الاول ومن غير الحجز هضطر استنا للاخر ، قعدت ساعة واتنين وتلاتة و اربعة ، زهقت خلاص ، قومت من مكاني عشان ادخل المكتب ، لقيت السكرتيرة بتمنعني
لو سمحتي ، حضرتك لسة دورك مجاش
= بقولك ايه

، انا استنيت كتير ومش هستنا دقيقة واحدة تاني ، انا هدخل دلوقتي
يا مدام مينفعش كدا ، دا سيستم مينفعش نخالفه
= وانا هدخل يعني هدخل
” فتحت باب المكتب و دخلت
ايه دا في ايه
= انا اسفة والله يا استاذ حسام ، حاولت امنعها بس زي ما حضرتك شايف
” بص ناحيتي وقالي
نعم ، حضرتك عايزة ايه
= انا جيالك في موضوع مهم
وهو مش لازم تستني دورك
= مانا استنيت ، استنيت كتير وانا مينفعش اتأخر اكتر من كدا
برضو مكنش ينفع تدخلي بالشكل دا

= طب انا اسفة
كويس ، اتفضلي بقا و استني دورك زي باقي الناس
” بصتله بغيظ وخرجت ، فضلت قاعدة ساعتين كمان مستنية لحد ما اخيرا دخلت ، كان قاعد على المكتب ، مش مركز معايا ، ولكنه قام من مكانه وانا تلقائيا ابتسمت لإني كنت فاكرة انه هيرحب بيا لكن الحقيقة هو اتلفت وراه عشان يحط اكل في حوض السمك ، خدت نفس عميق وقعدت ، اتكلم وهو مش باصصلي
خير يا مدام نادية ، ايه بقا الموضوع المهم
= وهو انت هتفضل تكلمني بضهرك كدا
لا طبعا ، بس انا حاليا بسمعك وبسمعك

ب ودني ف اظن ان وشي مش هيفرق معاكي
= على فكرة دا من الذوق والأدب
ومن الذوق والأدب برضو انك متدخليش مكان بالطريقة اللي أنتي دخلتي بيها دي
= بس انا اعتذرت
اعتذارك مش بيمحي الفعل يا مدام نادية
= يعني انت مقبلتوش
لا قبلته و الدليل اني خليتك تستني لحد ما اخلص
= بجد والله ، امال لو مقبلتوش بقا
كنت لغيت المعاد خالص
= طيب انا اسفة مرة تانية ، كدا كويس
هنفترض ، قوليلي بقا ايه هو الموضوع
= ماهو انا مش هعرف اتكلم وانت مديني

ضهرك
” لف وشه ناحيتي
سبق وقولتلك دا ملوش علاقة ، المهم اني سامعك ، ولكن عشان ترتاحي ، اهو ااديني باصصلك
” قاعد قدامي و باصص ليا بتركيز
اتفضلي
= استاذ حسام ، انا عايزة ارفع قضـ.ية خلع على جوزي!! يتبع…. الحلقة الثانية استاذ حسام انا عايزة ارفع قضـ.ية خلع على جوزي = و ايه الجديد ، كلهم بييجو هنا عشان يرفعو قضـ.ية خلع ، لكن المهم ايه السبب

بصراحة أنا مكسوفة اقولك = طب احنا ممكن نأجل المعاد لحد ما تبقي مش مكسوفة استاذ حسام ياريت تتعامل معايا بطريقة احسن من كدا = مالها طريقتي انا اسفة يعني ، طريقتك قليلة الذوق جدا = الانطباع الاول مهم جدا ودايما هو اللي بيفضل محفور في الذاكرة ، وانا أول انطباعي عنك انك شخص عشوائي بتهجمي على الناس في مكاتبهم على فكرة انا اعتذرت أكتر من مرة ، و بعدين انا معملتش جـ,ـريمة ، ولو الموضوع مضايقك أوي كدا أنا ممكن امشي

= انا مقصدتش انك تمشي ولكن خلينا نبدأ صفحة جديدة بدون اي انطباعات سابقة ، ودلوقتي احكيلي ايه السبب اللي مخليكي عايزة ترفعي قضـ.ية الخلع انا.. ، انا محرجة جدا والله = طيب هقولك حاجة كويسة ، اعتبرينا صحاب بص يا استاذ حسام ، انا جوزي بيتفرج على أفلام = نعم!! ، أفلام ايه ، حضرتك جاية ترفعي قضـ.ية خلع على جوزك عشان بيتفرج على أفلام ، طب وايه يعني ماهو كلنا بنتفرج على أفلام

انا هفهمك ، اصلها مش أفلام عادية = أفلام رعب يعني ولا ايه لا أفلام.. ، أفلام مش كويسة = اممم فهمتك بصي ، اسمحيلي اقولك يا نادية عادي طالما هنكون صحاب ، انا هكون صريح معاكي ، السبب دا مش قوي واحتمال نخسر القـ.ضية من اول جلسة = ازاي مش قوي ، الحاجات دي بتأذيني القاضي ملوش دعوة ، الراجل قاعد في بيته يعمل اللي هو عايزه ، هفهمك اكتر طالما الموضوع مدخلش في سكة الخـ,ـيانة يبقا القضـ.ية خسرانة

= يعني ايه ، يعني انا هفضل مستحملة القرف دا وساكتة طيب اسمحيلي اسألك كام سؤال شخصي شوية ، هو ليه بيتفرج على الحاجات دي ، هل حضرتك مثلا مهملة في نفسك ولا بترفضي انه يكون معاكي ، انا اسف طبعا = خالص والله ، انا دايما مهتمة بنفسي جدا ولكن هو متعته كدا غالبا النوع دا بيكون ضعيف الشخصية أو غير متزن نفسيا ف بيلجأ للحاجات دي = انا حذرته اكتر من مرة ولكن الجديد انه بقا عنيف معايا ، وائل بقا شخص سادي

طيب وهو دا اللي انا عايزه ، معقولة السبب دا موجود وتبقي ساكتة = هو دا يكسبنا القـ.ضية ومن اول جلسة ، قـ.ضية خلع بسبب العـ,ـنف اللي بيمارسه معاكي جوزك = انت متأكد امال بضحك عليكي يعني ، متقلقيش يا نادية انا هفضل معاكي لحد ما اطل.قك منه = نفسي اغمض عيني و افتحها الاقي نفسي خلصت من اللي انا فيه دا هيحصل ولكن انا هحتاج منك شوية معلومات اكتر عن وائل ، هستناكي بكرا ياريت متتأخريش

” اتحركت ناحية الباب عشان اخرج ولكن وقفت و رجعت تاني هي القضـ.ية هتترفع امتا = مش فاهم اصل انا خايفة ، لو المحكمة بعتتله الجواب وانا موجودة معاه في الشقة معرفش ممكن يعمل فيا ايه = ممكن تباتي عند اهلك لحد ما الموضوع يخلص وهقولهم ايه = قوليلهم اي حاجة يا نادية ، قوليلهم انك مخنوقة من البيت وجاية تقضي معاهم كام يوم

” خرجت ومشيت من عنده بفكر في رد فعل وائل لما يعرف ، انا خايفة اكون عملت خطوة انا مش قدها ، طب اعمل ايه ، ارجع والغي كل حاجة واستحمل العيشة مع وائل ، ولا اكمل واستحمل نتيجة قراري لان الموضوع مش هيتوقف عند رد فعل وائل بس ، حتى لو اط.لقت مش عارفة هعمل ايه ساعتها ، حاجات كتير بتدور في دماغي ، مش عارفة افكر ، محتاجة اكون هادية عن كدا عشان اعرف ااخد قرار ، وصلت البيت ، فتحت باب الشقة ودخلت

اهلا يا هانم ، الساعة في ايدك كام ” بصيت في الساعة واتصدمت ، الساعة 11 ، انا ازاي اتأخرت كدا ، رجعت ابصله كنتي فين بقا ، وازاي تخرجي من غير إذني = كنت مع صحابي صحابك! ، صحابك مين دول ، هو انتي ليكي صحاب اصلا يا نادية = اه ليا بس مشغولين والنهاردة.. = انا مليش دعوة بكل الكلام دا ، ازاي تخرجي من غير ما تقوليلي

كلمتك بس تليفونك كان مقفول = بغض النظر عن انه مكنش مقفول ، لو لقيتي تليفوني مقفول يبقا متخرجيش وتقعدي لحد ما تقوليلي و اوافق ، بس انتي خرجتي وكمان راجعة نص الليل انا اسفة مخدتش بالي من الوقت = اول و أخر مرة تعمليها ، بعد كدا مفيش خروج غير ب اذن زي اي ست محترمة بتعمل قصدك ايه = كلامي واضح مش محتاج شرح حاضر ، انا داخلة انام

= لا تنامي ايه ، أنتي تدخلي تغيري هدومك وتيجي ، عايزين نقعد مع بعض شوية مش قادرة يا وائل ، تعبانة وعايزة انام = هو انا كل ما اكلمك تقوليلي مش قادرة انا فعلا تعبانة ، دا غير انه مش هينفع النهاردة = ليه ان شاء الله هيكون ليه يعني ، مش لازم افسر = ماشي يا نادية ، بلاش النهاردة عايز حاجة تانية؟ = لا خلاص بقا هعوز ايه ، ادخلي نامي واعملي حسابك انا هنام في الأوضة التانية من النهاردة لحد ما تبقي جاهزة

” مشيت دخلت الأوضة ، كنت فرحانة لسببين ، اول سبب وهو ان الموضوع عدا على خير ، تاني سبب انه مش هينام جنبي وبمزاجه ، اترميت على السرير ، واحد اتنين تلاتة اربعة خمسة ستة سبعة تمانية تسعة… ، عارفة انكو مستغربين ايه دا ، ولكن هي دي الطريقة اللي بنام بيها ، بفضل اعد لحد ما انام ، طريقة أطفال انا عارفة بس على الأقل بتخليني اعرف انام بدل ما الجأ للمهدئات ، صحيت تاني يوم ، الساعة كانت 3 ، قومت خرجت من الأوضة لقيته قاعد في الصالة

صباح الخير = صباح النور ، بقيتي تصحي متأخر كتير معلش اصل تعبانة = طب يعني تبقي عاملة حسابك ان عندك جوز المفروض تصحي تحضريله فطار انا اسفة ، تحب تفطر ايه = لا افطر ايه بقا ، سبقتك ، افطري انتي طب على فكرة ، انا خارجة النهاردة = رايحة فين عند ماما = ماما؟ اه ، بقالي.. كتير مشوفتهاش يعني = روحي بس متتأخريش ” دخلت الحمام ، خدت دش وخرجت عشان البس و انزل ، جهزت نفسي وخرجت ، كان لسة قاعد مكانه ، فتحت باب الشقة ولكن وقفت لما سمعت صوته

متتأخريش يا نادية = حاضر #بقلم : #عمرو راشد ” خرجت و روحت على المكتب ، مكنش في ولا واحد موجود ، استغربت جدا ، حتى السكرتيرة مش موجودة ، خبطت على الباب و دخلت ، كان قاعد على المكتب ، اول ما شافني ابتسم و قال اهلا يا نادية ، عاملة ايه ” رديت وانا مترددة وجوايا شعور بالخوف = الحمدلله اقعدي ، واقفة ليه ” قعدت ، بدأت افرك في صوابعي ، نظراتي في كل مكان ، مرة عليه ومرة على الارض ، بدأ يلاحظ

مالك = مفيش انا كويسة بصي يا نادية ، بحكم شغلي ف انا اتعاملت مع ستات كتير اوي ، يعني تقدري تقولي حافظهم ، ف مينفعش تقوليلي مفيش عشان شكلك بيقول ان في حاجة ” بصتله وسكت لثواني = هو الناس اللي كانو هنا راحو فين هو دا اللي مخليكي قلقانة أوي كدا ، طيب عموما المكتب النهاردة اجازة أصلا طبيعي لما تيجي متلاقيش حد ، وقبل ما تفهميني غلط ، انا جبتك هنا النهاردة عشان عايز اسمع منك ومهتم جدا اعرف عن حياتك لكن مش عشان اي حاجة وحشة في دماغك

” نسبيا بدأت اطمن ، ابتسمت تشربي قهوة ، على فكرة انا بعرف اعمل قهوة حلوة أوي = خليني اشوف واثق انها هتعجبك متقلقيش = وجايب منين الثقة دي عشان كل اللي شربها قال انها حلوة = ومش جايز يكونو بيجاملوك عشان متزعلش زي ما انتي هتعملي لما تدوقيها وتلاقيها مش حلوة بس هتقوليلي انها حلوة عشان مزعلش = هو انت عندك رد لكل حاجة كدا محامي بقا ، عموما يلا عشان منضيعش وقت ، تحبي نبدأ منين

= براحتك زي ما تحب خلينا نبدأ من الأول ، متجوزة بقالك قد ايه = سنتين مفيش أطفال صح = صح ممكن اعرف السبب = وائل رافض يكون في اطفال دلوقتي اشمعنا = يعني هو شايف ان احنا لسة صغيرين ومحتاجين نعيش حياتنا شوية قبل الخلفة وصداع العيال وهكذا متأكدة ان هو دا السبب = هو دا اللي قاله مش هتسرع في الحكم عليه ولكن خلينا نكمل ، معاملته معاكي عاملة ازاي ، هل بيضـ,ـربك مثلا

= ساعات اه وانتي بتعملي ايه = بسكت ، هو انا عندي حل تاني و اهلك ، ليه مبتروحيش تحكيلهم = عشان اهلي من انصار الراجل يعمل اللي هو عايزه مفكرتيش تطلبي منه الطلا.ق = ماهو دي كان من اسباب انه يمد ايده عليا ” ساعتها معرفتش امسك نفسي ، دموعي بدأت تنزل اهدي يا نادية ، لو سمحتي اهدي ، احنا هنا عشان نحل المشكلة دي ، كل حاجة هتتحل صدقيني

” اتكلمت وانا بعيط انا استحملت كتير اوي ، كل يوم بقول هيتغير ولكن مبيحصلش ، انا وصلت لمرحلة اني بتمنى المـ,ـوت لإني فعلا تعبت = بعد الشر عليكي ، أنتي خلاص بدأتي طريق الخروج من كل اللي أنتي فيه ، عايزين نكمله للاخر ، ممكن؟ ” بصتله وسكت عايزك تهدي خالص ومتقلقيش ، كل حاجة هتخلص قريب = اتمنى طب نكمل؟ نكمل ” ساعتها تليفوني رن ، خرجته من الشنطة لقيت وائل هو اللي بيتصل ، خوفت جدا واتوترت ، بصيت ل حسام

عادي ردي = دا وائل انتي قايلاله انك فين = عند ماما طب تمام ردي وقوليله انك عندها ” رديت ايوا يا وائل = انتي فين يا نادية مانا قايلالك هروح عند ماما ” لقيته بدأ يضحك ماما ايه بس ، انا اصلا عند ماما يتبع…. الحلقة الرابعة انتي بتعملي ايه هنا يا نادية ، انتي جاية ترفعي عليا قضـ.ـية خلع دا انتي نهار ابوكي اسود = انت يا استاذ وطي صوتك احنا في مكتب محترم

ملكش دعوة انت ، دورك لسة جاي ، قومي معايا يابت = سيبك منها وكلمني انا ، مش عيب لما تبقا راجل وتعمل اللي انت بتعمله دا ، مش مكسوف من نفسك وانت بقا اللي راجل صح ، بتشجع واحدة انها تخرب بيتها وتروح تخلع جوزها وتفضحه = وهي هتعمل كدا لوحدها ولا انت اللي خليتها تعمل كدا بقولك ايه انا مش جاي نتناقش ، انا هاخد مراتي و امشي ، وانت حسابك معايا بعدين

” شدني من ايدي بكل قوته و زعق قومي معايا ” كنت حاسة اني هقع على الارض من كتر ماهو كان بيشدني ، لكن حسام قام ووقف قدامه عشان يبعده عني انت من النهاردة ملكش دعوة ، كلامنا هيكون في المحكمة غير كدا مفيش = انت مجنون ولا ايه دي مراتي ، اقسم بالله اطلع على القسم دلوقتي واقول انك خاطفها عندك وانا اقسم بالله هتلاقيني انا اللي جايلك القسم وبنفسي عشان اثبت حالة واعمل فيك محضر بالتعدي عليها ، لان طبعا لو شيلنا المكياج اللي على وشها هنشوف اثار الضـ,ـرب وساعتها هحبسك يا وائل

راجل وبيضـ,ـرب مراته ، فيها ايه يعني