العمة
اهو اللي حصل بقا يا روح وبعدين الواد ده لو شاريكي وهو عارف انك يتيمة يساعد ويجيب لك الجهاز بتاعك رحاب. وهو بقا ملزم انه يجيب لي الجهاز بتاعي ماهو كفايه اللي هو بيعمله في الشقه اللي المفروض نتجوز فيها والله انا مبقتش عارفه اقول العمة
هتقولي ايه انتي تسكتي وتحمدي ربنا انك عايشه معايا هنا واكله شاربة نايمة غيرك مرمي على الرصيف وعلى العموم وةلو هو مش عجبة يبقا بالسلامة وتتجوزي واحد يجيب لك كل حاجة سبتها ودخلت الاوضة بتاعتي وفضلت اعيط وابنها أمير اللي عنده 20 سنة قالها
أمير
والله ياماما حرام عليكي كده هو انتي تاخدي الفلوس وتديها لجوز بنتك وانتي عارفه ان هو هيضيعهم وفي الاخر كمان مش عايزة تعوضي رحاب ده ظلــ,,ـم ده الام
أخرس انت ياواد وبعدين هي دي فلوس حد غريب دي فلوس اخويا ياحبيبي وانا حره فيها أمير
ماهي فعلا فلوس اخوكي بس هو امنك عليها قبل ما يروح ووصاكي انك تجهزي بيهم رحاب ليه تتصرفي فيهم انا مش عارف اقولك ايه الصراحة يعني وسبها وخبط عليا وقالي
أمير
افتحي يا رحاب انا وفتحت له وقالي
متزعليش من ماما يا رحاب انتي عارفه عمتك من زمان فات متعرفش ان اللي هي عملته ده ماينفعش هي كان قصدها انها تساعد بنتها رحاب
بس دي بددت الامانه يا أمير عارف يعني ايه طيب انا هاقول ايه لحسام اللي مفروض عايز يجي هو ومامتة عشان يتكلمو معاها في تفاصيل الجواز لأنهم صبروا كتير علينا امير
والله انا ما عارف اقولك ايه يا رحاب بس خليهم يجو يمكن لما يتكلمو معاها قلبها يحن وتقدر تعملك حاجة وتجيب لك باقي الحاجات اللي ناقصاكي
رحاب
حاضر يا أمير انا هخليهم يجو يقابلوها أمير
طيب بقولك ايه انا هعمل عصير فراولة اعملك معايا ومتقوليش لأ ماشي رحاب
ماشي يا أمير اعملي معاك ودخل أمير المطبخ وانا كلمت حسام وحكيت له وقالي حسام
عمتك دي غير أمينة هي ازاى تعمل كده يا رحاب وبعدين الفلوس دي امانه في رقبتها رحاب
اعمل ايه بس يا حسام انا مش عارفه اتصرف ازاى ماهي لو مكنتش بتاخد مني المرتب اول بأول كان زماني حوشت دلوقتي
حسام
انا مش عارف الست دي إيه دي لا بترحم ولا بتسيب رحمة ربنا تنزل ياساتر عليها ايه ده على العموم اطمني يا حبيبتي وبعدين يا رحاب انتي عارفه انا لو كنت اقدر اجيب لك كل حاجة والله ما كنت هتأخر بس انتي عارفه الظروف رحاب
انا عارفه والله يا حسام انت كتر خيرك وبعدها قفلت مع حسام وتاني يوم جات حماتي هي وحسام وعمتي قالت لهم العمة
والله لو مش عجبكم كلامي يبقا نشيل ده من ده يرتاح ده عن ده
