يزن :استنى هوصلك..
روان :يلا مشيوا و سابه زين اللى مش عارف يفرح و الا يزعل.. يفرح انهاا مش متجوزة و الا يزعل انهاا كان فى حياتها حد قبل كداا و الا يزعل انه اخو روان.. و انه مـ,,ـــات كمان.. طب هو يهمه فى اى اصلا..
طرد كل الأفكار دى من دماغه و مشى
عند يزن و روان فى العربيه..
يزن :لى ماحكيتيليش عن اخوكى قبل كداا..
روان :مش عايزة اشوف نظرة الشقه فى عيون حد.. انا اتعودت ابقى قوية.. و مش هسمح لحد انه يقولى معلش..
يزن :بس انا مش حد يا روان.. دانتى تتخبى من الكل فياا..
معقوله يبقى داا تفكيرك عنى..
روان بدموع :ماكنش قصدى.. بس و الله مابحبش اتكلم عن الموضوع داا.. انا اسفه..
.. #يتبع..
Nourhan_Sabri
♥️
#البارت_التاسع
عند يزن و روان فى العربيه..
يزن :لى ماحكيتيليش عن اخوكى قبل كداا..
روان :مش عايزة اشوف نظرة الشقه فى عيون حد.. انا اتعودت ابقى قوية.. و مش هسمح لحد انه يقولى معلش..
يزن :بس انا مش حد يا روان.. دانتى تتخبى من الكل فياا.. معقوله يبقى داا تفكيرك عنى..
روان بدموع :ماكنش قصدى.. بس و الله مابحبش اتكلم عن الموضوع داا.. انا اسفه..
وماقدرتش تكتم عياطهاا اكتر من كداا و انهارت فى العياط
يزن وقف العربيه بسرعه و شدها لحضـ,,ــــنه :ششش انا اسف.. اسف و الله.. ماكانش قصدى ازعلك..
روان :كان هو سندى فى الحياة بعد بابا.. كنا اكتر من اخوات.. كان بيحمينى من اى حاجه و كان صحبى الوحيد.. وحشنى اووى يا يزن.. وحشنى اووى..
يزن و هو بيهديهاا :صدقينى يا روان هكون ابوكى و اخوكى و جوزك و حبيبك و صحبك و كل حاجه.. هعوضك عن اى زعل زعلتيه فى حياتك.. خلاص بقاا بطلى عياط.. قالهاا و هو بيمسح دموعها..
فضل يطبطب عليهاا لحد ما حس انهاا هديت شويه..
يزن :هاا بقيتى كويسه!
روان و هى بتمسح دموعها :انا كويسه.. كويسه مـ,,ـــاتقلقش..
يزن :انا جمبك.. و الله عمرى ما هسيبك..
بس انتى خليكى معايا..
روان بامتنان :متشكرة اووى يا يزن..
يزن بحنق :فى واحده تقول لجوزها متشكرة.. اتعدلى ياختى اما اروحك..
روان و هى بتضحك وسط دموعها :اسفه..
يزن :و كمان بتقول اسفه.. يا رب.. انت اللى شايف يا رب..
روان ضحكت بصوت عالى..
يزن بحب :ادفع عمرى كله عشان الضحكه دى.. خليكى دايما بتضحكى..
روان بابتسامه خجله :بجد.. انا ربنا عوضنى بيك عن كل حاجه فى حياتى..ماكنتش اتخيل ابداا انك تكون فى حياتى..
يزن و هو بيمسك ايديها :روان انتى كنتى زى نجمه عاليه فى السما..
اكبر حاجه ممكن اتخيلها انى ابص عليهاا.. لكن فى حكايتى.. وصلت للنجمه و بقيناا واحد..
روان رمت نفسها فى حضـ,,ــــنه و هى بتعيط بصمت و بتشكر ربنا و هو حضـ,,ــــنهاا بابتسامه عاشقه..
عدى كام يوم على زين ماكنش بينام فيهم من التفكير فى روضه.. يا ترى هو حبهاا و الا داا مجرد إعجاب.. طب دى مواقفهم سواا لا تكاد تذكر.. بيشوفها صدفه بس لما بتيجى الكافيه لروان..
بعد تفكير كتيير زين قرر يتكلم مع روضه عشان يحط النقط على الحروف..
فى نفس الوقت عند روضه.. قاعده فى اوضتهاا و بتتفرج على صورها مع مازن و روان..
روضه :وحشتنى اووى.. كان نفسي تبقى معايا دلوقت.. كان نفسي تشوف روان و هى بتتجوز.. سبتنى لوحدى ليه.. هنت عليك يا مازن.. انا قررت انى مش هتجوز بعدك ابداا..
ما اقدرش اتخيل نفسى مع حد غيرك.. بس روان بتقولى ان لازم اعيش حياتى.. طب هو انا اقدر اعيش حياتى عادى.. هقدر انساك.. طب مين هينسينى..
قطع كلامها رنة فونهاا باسم زين..
رجعت بصت للصورة تانى و للفون فى نفس الوقت.. :زين!
روضه :الو.. زين!
زين :الو يا روضه..
روضه :خير فى حاجه!
زين بتنهيده :محتاج اتكلم معاكى ممكن..
روضه باستغراب :تتكلم معايا فى اى..
زين :هتعرفى لما اقابلك.. ممكن اقابلك كمان شويه..
روضه :الموضوع مهم للدرجادى..!
زين :مهم اووى.. معلش لو هتعبك..
روضه :لا خلاص و لا يهمك..
هقابلك فين..
زين :فى كافيه (…) دا بتاعى برضو..
روضه :تمم مسافة السكه..
زين :هستناكى..
روضه لبست دريس أخضر لايق على لون عيونها و طرحه مشجره من نفس اللون.. و راحت الكافيه.. اول ما دخلت لمحت زين اللى ماشالش عيونو من عليهاا..
روضه :السلام عليكم..
زين :و عليكم السلام.. اتفضلى..
روضه قعدت و استنته يتكلم..بس هو كان ساكت و بيبص عليهاا و بس لحد ما اتكسفت..
روضه :احمم خير كنت عايزنى فى اى..
زين :ممكن اسالك سؤال و اتمنى مـ,,ـــاتفهمينيش غلط..!
روضه باستغراب :اتفضل..
زين :انا عرفت انك كنتى متجوزة قبل كداا.. كنتى بتحبيه !
روضه :حبيته! انت بتسألني! انا معرفتش الحب غير و انا معاه..
زين :انا اسف.. مش عارف انا بسألك ليه دلوقت.. بس يمكن لانى بقالى فتره ما بفكرش غير فيكى.. معرفش ليه.. يمكن حب او إعجاب بشخصيتك.. بقالى ايام مابنامش من التفكير.. لحد ما حسمت قرارى انى اكلمك.. لازم تعرفى اللى جوايا و بايدك القرار.. انا مش هجبرك على حاجه.. انا بس عايزك تفكرى فى الموضوع.. و ما تاخديش قرارك قبل ما تفكرى..
روضه ماكنتش مستوعبه هو بيقول اى اصلا.. مين اللى بيتكلم! زين! طب ايمته حس تجاهها بالمشاعر دى.. طب اعمل اى.. هى مش عايزه تعيش مع حد غير مازن.. محدش هيقدر ينسيهاا مازن.. معقوله زين! زين ممكن ينسيهاا..
فجأه قامت بسرعه.. :عن اذنك.. لازم اروح..
زين مسك ايدهاا بسرعه.. قامت هى بصتله انه يشيل ايده.. فسابهاا.. :انا اسف.. بس ارجوكى استنى..
روضه :مش هينفع..
زين :انا بس عايزك تفكرى.. ارجوكى.. انا محتاجلك فى حياتى..
روضه :بس انت مـ,,ـــاتستاهلنيش.. انا مش هنفعلك يا زين.. انت تستاهل واحده احسن منى..
زين :بس انا شايفك احسن منهم كلهم..
روضه :انا كنت متجوزة.. فاهم يعنى اى كنت متجوزه.. يعنى كنت بحب جوزى.. بحبه اووى.. يمكن ما قدرش اديك نص الحب داا.. عشت معاه..تفاصيل و حياة.. و حاجات كتيير.. معقوله هتقبل بداا.!
زين :مايهمنيش الماضى..
اللى يهمنى انى عايزك فى حاضرى و مستقبلى..انا اكيد بتضايق لما اتخيلك و انتى مع حد تانى.. لكن مقدرش اغير الماضى.. بتمنى لو كنت قابلتك قبله.. يمكن كان كل حاجه اتغيرت..
روضه :بس انا كنت بحب مازن.. كنت و مازلت و هفضل احبه.. مستحيل يخرج من قلبى..
زين :هزرع حبى فى قلبك.. هحاول على قد ما اقدر انى اسعدك.. بس انتى ادينى فرصه.. فرصه واحده..
روضه :سيبنى افكر يا زين.. سيب الايام هى اللى تقرر..
زين :اوعدينى انك تفكرى..
روضه بعد صمت طويل :اوعدك..
#يتبع
Nourhan_Sabri
♥️
#البارت_العاشر
عدى اسبوع و جه اليوم اللى الكل مستنيه.. فرح روان و يزن..
روان كانت فى اوضه الفندق اللى هم حاجزينه للفرح بتجهز.. و كانوا بيضيفوا اللمسات الاخيره لما لقت فونهاا بيرن باسم يزن..
روان :الو..
يزن :عامله اى..
روان :كل نص ساعه ترن علياا تسالنى نفس السؤال..
يزن :و تردى عليا نفس الاجابه..
روان :و اقفل فى وشك..
يزن بضحك :بس اراهنك انك مش هتقفلى المرادى..
روان :اشمعنا بقاا
يزن عشان انا اللى هقفل.. و قفل الخط قبل ما روان تستوعب اصلا..
روان بصت للفون بصة اللى هو اى اللى حصل.!!مافقتش من الصدمه غير على ضحك كل الموجودين فى الاوضه..
اتكسفت و عملت نفسها مش واخده بالهاا 😂..
عدى ساعتين و المفروض يزم ييجى كمان شويه..
روان و هى بتبص على نفسها فى المرايه.. :بجد يا روضه حلوه!
روضه :و الله يا بنتى قمر..
روان :انا خايفه اووى.. حاسه انى اول مره اتجوز..
روضه :قصدك اول مره تحبى..
روان بشرود :يمكن..
روضه :متقلقيش يا روحى..يزن بيحبك اووى.. و مستحيل يزعلك..
روان :انا بجد بشكر ربنا فى كل صلاة على نعمته..
الفترة اللى قضيتهاا مع يزن.. كانت احلى فترة فى حياتى.. اثبتلى انى معشتش قبله.. عقبالك انتى كمان اما تشوفي حياتك..
روضه سرحت فى كلامها و هى بتفتكر زين و كلامه و تلميحات طول الاسبوع داا.. :يعنى انتى رايك كداا!
روان :هو فى حاجه انتى مخبياهاا عنى!
روضه :بصراحه.. اه.. اصل زين..
روان :زين!
روضه :زين كلمنى من اسبوع و قالى……..
روان :وانتى عايزه ترفضيه!
روضه :مش عايزة اخون مازن..
روان :مازن مـ,,ـــات يا روضه.. و زى ما بيقولوا الحى ابقى من الميت..
روضه :بس انا بحب مازن..
روان :و زين بيحبك..
روضه :يعنى اعمل اى!
روان :أدى نفسك فرصه.. و صدقينى مش هتندمى..
روضه :هحاول.. هحاول..يلاا بقاا خليكى جاهزة يزن هييجى فى اى وقت..
روان :نسيتينى انى كنت خايفه..
روضه :ههه امال انا موجوده ليه!
روان :ربنا يخليكى لياا يا رودى..
الباب خبط و كالمعتاد خلو روان تبص الناحيه التانيه و فتحوا ليزن.. اللى مشى ببطء لحد ما وصل لهاا و لفهاا.. و انبهر بجمالها حتى بالميكب الخفيف..بأس راسهاا و مسك ايديها..
يزن :ربنا يباركلى فيكى..
روان بخجل :و يباركلى فيك..
و خديهاا و نزلوا.. و كل الموجودين كانوا مبهورين بجمالها..
أما زين ماكنش بيفكر غير فى روضه اللى نزلت وراهم بفستانهاا الأزرق اللامع..
بدأت الحفلة و كان يزن و روان بيرقصوا..
يزن :انا بجد مبسوط اووى.. بس خايف.. خايف يكون داا كله حلم.. و اصحى منه و انتى مش معايا..
روان :عمرى ماهسيبك يا يزن.. انا معرفتش الحب الحقيقي غير معاك.. انت اللى وريتنى ازاى الزوج بيكون اب و اخ و حبيب.. انت كل عالمى.. انت اللى احترمت ماما.. و مش بتقولها غير يا ماما.. انت اللى حبيتنى بجد.. صدقنى لو قعدت عمرى كله احاول ارد جزء بسيط من اللى عملته لياا مش هقدر.. ربنا يخليك لياا..
يزن :انا معملتش غير اللى المفروض الراجل يعمله.. مش عايزك فى يوم تقوليلي اشمعنا فولانه جوزها بيعملها.. دلع و حنية الزوج مش بتقبل من رجولته ابداا.. بالعكس.. بتخليه يزيد فى نظر مراته و كل اللى حواليه.. لكن اللى يعمل غير كداا يبقى مش راجل.. انا عايزك ملكه على قلبى.. و مامتك لو ماحترمتهاش يبقى انا مستهلش انى اتجوز بنتها.. هى لما وافقت على جوازنا.. كانت متأكده انى هحافظ على بنتها و هعاملهاا بما يرضى الله.. يبقى حرام علياا اذا ماقدرتهااش و لا قدرتك.. ربنا يخليكى لياا يا حبيبتى..
روان :انت كتير اووى عليا يا يزن..
يزن :شوفوا بقاا هتقعد تدلعنى كداا لحد ما هرد المعازيم.. و اخدك و نمشى..
روان بخجل :بس يا يزن هيسمعونا..
يزن :و كمان بتقول أسمى بصوتها داا..بقولك اى كملى رقص كملى رقص و اسكتى.. عند روضه اللى كانت قاعده مع مامت روان.. زين جالهاا..
زين :ممكن ترقصى معايا يا روضه..
روضه اتكسفت و بصت لمامت روان
الام :روحى يا بنتى..
روضه مدتله ايديها و هى متردده.. و هو خدهاا و راحوا لساحة الرقص..
زين :فكرتى فى اللى قولتهولك!..
روضه :لسه بفكر..
زين :هستنى كتيير..
روضه :قريب.. قريب اووى..
زين :و انا هفضل مستنى لو قعدتى العمر كله..
بعد مرور خمس سنوات…..
روان :يزن… يزن.. يزن اصحى بقاا.. كل داا نوم..
يزن بنوم :عايزة اى يا روان.. سيبينى نايم بالله عليكى.. خمس دقايق بس..
روان :انت ناسي يا عم ان انهارده عيد ميلاد تالا.. قوم بقاا..
يزن :امنيه نفسها زمانها نايمه.. نامى بقاا..
روان :تالا مين اللى نايمه.. دانت برئ اووى.. طيييب..
يزن لسه ماستوعبش هى قصدهاا اى لقى تالا بنتهم اللى عندها 4 سنين بتطنطط عليه و بتشد شعرو.. :بابا.. قوم ييا (يلا)..
يزن قام مرة واحده و بصلهاا بصه مرعبه خافت منهاا و رجعت ورا بنظرة باكيه..
وفجأه ملامحو اتغيرت للمرح و شدهاا و قعدوا يلعبوا سواا وضحكهم مالى البيت.. و روان واقفة على باب الاوضه بتبصلهم بفرحه.. ماكنتش تتخيل ابداا ان دى حياتها.. او انهاا هتفرح كداا.. دلوقت اتأكدت ان لو أحمد كان خير كان اكيد بقى.. و لو كان خير انهاا تخلف منه كانت اكيد هتخلف.. ربنا عنده حكمه فى كل حاجه.. ولو شوفنا المستقبل هنختار الواقع.. مافقتش من سرحانهاا الا على يزن اللى شدهاا ليهم و قعدو يزغزغوهاا هو و امنيه…
روان :خلاص.. خلاص انا اسفه.. قوموا بقاا عشان نشوف ورانا اى..
يزن :اى رايك يا تالا نسيبها تقوم..
تالا و هى بتصطنع التفكير :خياص (خلاص)يا بابا صعبت عييا(عليا)..
يزن :امم و انا كمان يلا سماح المرادى..
روان بحنق :لا وحيات امك ا.. طب تعالو بقاا..
و شدتهم الاتنين و قعدت تزغزغ فيهم و تضر*بهم بالراحه..وسط ضحكهم هم التلاته..
بعد شويه..
روان :مش هترن على زين و روضه عشان ييجوا…!
يزن :و يجيبلى ابنهم اللى لازق فى البت داا.. لا مش عايز
روان وهى بتضحك على غيرة جوزها سواء عليهاا او على تالا :معلش يا عم سيبه بس المرادى و اتصل عليهم يلا.. عشان الحفله..
يزن بحنق :انا مش عارف الواد داا طالع لمين اصلا.. دانا وابوه طول عمرنا هاديين..
و بعد تفكير.. او هو بس اللى كان هادى..
روان بضحك :فى دى معاك حق.. انت و هادى.. دا مستحيل..
يزن :انا اغلط فى نفسي اه.. لكن انتى ماينفعش تغلطى فى جوزك.. عييب..
روان و هى بتصنع البراءة.. و حطت صابعهاا على شفايفها :اسفه يا بابا..
يزن و هو بيصطنع الصرامه :ايواا كداا ناس مـ,,ـــاتجيش الا بالعين الحمرا..
#يتبع…
Nourhan_Sabri
♥️
#البارت_ال١١_والاخير
يزن رن على زين..
يزن :الو يا باشا.. اخبارك..
زين :الحمد لله بخير و انت.. و تالا عامله اى..
يزن :كويسين الحمد لله.. انا كنت بتضل بيك عشان تيجى انت وروضه عيد ميلاد تالا و مـ,,ـــاتجيش ابنك الملزق داا..
زين :ههه ليه بس دا انا ابنى قمر و كيوت خالص..
يزن بحنق :كيوت على نفسه يابا.. مـ,,ـــاتتاخروش بقاا..
زين :كل سنه و هى طيبه.. بوـ,,ــــسهالى على اما اجى..
يزن :و انت طيب.. مـ,,ـــاتتاخروش..
زين :ماشى سلام..
زين قفل الخط و طلع من الاوضه للمطبخ عشان يشوف روضه..
اللى كانت واقفه و مدياه ضهرها و هى بتشتغل..
ولسه رايح يخضهاا..
روضه :مـ,,ـــاتحاولش..
زين :اموـ,,ــــت و اعرف بتعرفى ازااى انى موجود من غير ما اعمل صوت..
روضه التفتتله :اولا عشان انت جوزى و حبيبي و بعرف انك موجود من ريحتك بس.. ثانيا.. عشان انت مفقوش اووى يا حبيبي و بتعمل نفس الحركه كل مرة.. طب غير حتى..
زين بحنق :فصيله.. فصيله و الله.. المهم اجهزى يلاا و جخزى انس عشان نروح عيد ميلاد تالا..
روضه :انا مجهزة كل حاجه من زمان اصلا.. انت اللى بتنسى.. دا ابنك صحى من بدرى و قعد يزن علياا عشان نروح نجيبلهاا هديه.. ماسكتش الا لما قولتله انك هتجيبله..
زين و قد تذكر كلام يزن :مايعرفش ان عمه يزن مش عايزه يحضر اصلا.. بيقولى مـ,,ـــاتجيش ابنك الملزق معاك..
روضه بضحك :ياعم دا آخر مرة خد البت خفاهاا و قعدنا ندور عليهم ساعة لحد ما لقيناهم قاعدين تحت الشجره و بياكلهاا شوكولاته.. و قال اى.. مـ,,ـــاتسمعيش كلام حد غيري يا تالا…
زين :ههه الواد نكته و الله..
.. :انا ثمعت حد بيجيب ثيرتى…
زين :اهو شرف.. تعالى يا آخرة صبرى..
انس :يا اثتاذ (استاذ) بابا مايثحش كداا ..انا لياا برثتيج و لازم احترامى..
زين :و الله و عرفت البرستيج كمان..
انس :ايوا ثمعت روان بتقول لتالا خلى عندك برثتيج و كرامه..
زين :اولا اسمها طنط روان.. ثانياا.. هى قالتلها كداا ايمته و ليه..
انس :ياعم فكك.. طنط روان زى روان.. قالتلها كداا لما انا طلبت ابوثها و هى وافقت عادى..
زين بغباء :و طبعاا انت مؤدب و مابوـ,,ــــستهااش..
انس :هو انا بطلب منهاا عثان اثيبهاا.. طبعاا بوثتهاا..
زين :يحقله يزن يقولى مـ,,ـــاتجيبش ابنك.. دانت بلوة متحركه..
انس :هتغاضى عن اهانتك لياا يا اثتاذ بابا و يلا عثان نجيب هدية لتالا..
زين :الواد هيتغاضى.. الله يرحم ابوك يابنى.. قوم يابا قوم..
و انتى ياختى اجهزى يلاا..
روضه اللى ماكنتش قادره تبطل ضحك :حاتر..
زين :اتدلعى.. اتدلعى.. هو انا وصلتلك بالساهل..
روضه :انت لسه فاكر..
زين :و هو انا اقدر انسى اللى عملتيه فياا..
روضه :دى حاجات بسيطة يا زينو..
زين :بسيطه اووى.. دانا اشتغلت فى الأرض يا مفتريه..
روضه :مايبقاش قلبك اسود بقاا..
زين :ماقدرش ازعل منك اصلا يا قلبى.. يلا روحى اجهزى..
انس اللى كان واقف تحتهم :لا معلث لازم تكملو.. المشهد للآخر..
زين اللى اتفاجأ بوجوده :انا بتعمل اى هنا ياض..
انس :معلث يا والدى ازعجناكوا.. كمل كمل..
زين مسكه مسكة حرامى الغسيل و راح رماه فى الاوضه و سابه و مشى..
انس اللى قام و طلع راسه من الباب..:براحتك.. كمل براحتك و انا هروح اقول ليزن و روان انكوا اهل مث جدعه..
زين :ابنك داا!
روضه :محصلش..
زين و روضه و انس جهزوا و طلعوا بالعربيه عشان يروحوا ليزن.. اللى بعد ما كل واحد فيهم اتجوز.. قرروا كل واحد يشترى بيت لوحده و يعملوا بيت أهلهم داا للاجازات سواا..
زين كان طول الطريق بيفتكر كل حاجه حصلت زمان و أهم حاجه.. جوازه من روضه.. لسه فاكر بعد فرح يزن و روان لما بهدلته و هو بيمشى وراهاا فى كل حته عشان توافق.. و بعد كل داا خلته يروح وراهاا للبلد بتاعة اهلهاا.. عشان جدهاا يشوفه.. اللى خلاه يشتغل معاه فى كل حاجه حتى الأرض.. لما جابوا أجله يا عينى.. و بعد داا كله كانت لسه عايزه تفكر..
قال تفكر قال.. طبعاا ماسبهااش تفكر و اتجوزها.. هى اللى خلت لحياته معنى و جابتله انس.. احلى حاجه فى حياته..
فى نفس الوقت روضه بتفتكر اللى حصل لماا فكرت كتير بعد الفرح و قررت انهاا هتوافق بس بعد ما تعذبه شويه.. عشان كداا كلمت جدهاا و حكتله.. و طبعاا جدهاا اتوصى بيه بزياده شويه.. و فى الاخر وافقت بعد ما كانت بتقوله انهاا عايزه تفكر.. الواد اتجنن يا عينى.. و دلوقت هى اسعد واحده فى الدنياا.. كانت هتخسر كتير لو ماكنتش وافقت على زين.. هى اه حبت مازن و لسه بتحبه.. لان مهما حبينا و عشنا عمرنا ماننسى الحب الاول.. لكن زين عوضهاا عن حاجات كتيير و دخل على حياتهم انس اللى كان احلى حاجه فيهاا..
و داا برضو بيدل ان لو عرفنا المستقبل مخبيلنا اى هنختار الواقع..