زواج غصب

_دا عنده 13 سنه وانا 24 هتجوزه ازاي؟ دا انا قد أمه ! =اقعدي يبنتي هفهمك _اتفضل يحاج ، اعقلوها بقي =احمد مريض نفسي ، عنده انفصام _اه =الصبح بشخصيه وبليل بشخصيه ، الصبح طفل بليل شاب عنده 27 سنه ودي الشخصيه الحقيقيه _اه =رافض العلاج نهائي ف عشان كده حالته بتسوء _من غير رخصه؟ =اه انتي بتهزري _مهزر يحاج بفك الجو هو احنا في عزا ؟ انت مش شايف امي وابويا واقفين علي أعصابهم ازاي ! المهم كمل =عاوزك بس تتجوزيه عشان تساعديه وتاخدي بالك منه ، واي مبلغ هتطلبيه هدفعه _مش حكايه فلوس يحاج ، هتدفع كام ؟ =الي انتي عوزاه ضحكت _بهزر معاك ، انت افضالك مغرقانا ، كفايه انك شغلت بابا في ظروف كانت صعبه اوي علينا ، انت لو طلبت عنيا انت مخصوص مش هتردد ادهوملك والله باس دماغي =هو دا العشم يبنتي ، طب موافقه كتب الكتاب يبقي بكرة ؟ _بكره ! ايدا هتجوز بجد احيه =نعم ؟ _قصدي الي تشوفه يحاج الي تشوفه سلم علي بابا ومشي ، كنت شايفه في عيونه فرحه عمري مشوفت حد فرحان كده !! _انتي موافقه يمريم؟ =أيوة يبابا متقلقش أنا عارفه أنا بعمل ايي _بقيتي عروسه مع انك من كام ساعه كنتي عيله عبيطه =تسلم يبابا والله متحرمش منك فضلنا نهزر أنا وهو وماما ، من الحاجات الي بحمد ربنا عليها كل يوم حب بابا الكبير لماما وقد أي كنت اتمني اتجوز واحد نفس شخصيته وحنيته ، لما تتعب بيطبخ بدالها بيراعيها بيفضل جمبها عشان لو احتاجت حاجه ، ماما دايما تقولي أنا زرقي في الدنيا خدته في ابوكي ، يتري رزقي في الدنيا هاخده في الي اسمه احمد دا ؟ ولا حوار فاكس وتبقي مجرد جوازة مصلحه لغرض المساعده مش اكتر ؟ نمت بعد تفكير طويل ، صحيت علي العصر علي خبط في كتفي _مريم قومي =انتوا لي دايما يتصحوني كده؟ لو مش عاوزيني في البيت قولوا ، أنا هسبلكم البيت وامشي علي فكره مش معامله دي _طب منتي فعلا هتسبيي البيت وتمشي! =ايدا دا انتوا صدقتوا ؟ انا بهزر معاكم ، دا انا ملحقتش اغير ديكور اوضتي _انتي بحواراتك دي اخرك في الشقه نص ساعه =حب الام يبني حب الام _اجهزي يلا عشان حاج كامل بعت عربيه تاخدك تجهزي في الفلة =يصباح النشاط هجهز حالا لبست ونزلت كانت عربيه اكبر من حياتي اللهم بارك ، دبابه من حرب أكتوبر دي ولا اي ؟ ركبت ووصلت فله اكبر من شارعنا اللهم بارك فله دي ولا عماير مضمونه علي بعض؟ دايما عيني الباردة دي الي مودياني في داهيه دخلت سلمت علي الحاج وقعدنا ، جه شاب فتحت بوقي طبعا عشان الله وكيل مشوفنا جمال قبل كده والله مشوفنا _بابا اسبيدر مان راح فين ؟ أنا كنت حاطه في اوضتي =اس اي يعنيا ؟ مين دا ؟ *دا احمد ابني =اه ، اه خلاص فهمت ، ازيك يا احمد _طب فين الكورة طيب؟ =لا لا احمد اتربي ورد عليا عيب _انتي مين ؟ =مريم ، انت مش عارفني ؟ _عروستي =نعم ؟ _هنتجوز أمتي ؟ =استني بس هو في أي انت طفل انت ؟ _عشان تحافظي علي لعبي عشان بتضيع مني علي طول =احيه دا شكلها جوازة طين _متجيبي حــ,,ـــــضن ؟ =نعم !!! #السابع_والعشرون_بقلب_الثالث_عشر❤️ #مريم_سمير❤️#البارت التاني _متجيبي حــ,,ـــــضن ؟ =نعم !! ، يحج كامل إلحقني يحاج كامل *يبنتي اهدي =هاديه والله خلاص اهو *انا اتصلت ب المأذون يجي واهلك زمانهم جايين ، الاوضه بتاعتكم فيها فستان كتب الكتاب اطلعي إلبسيه ويا ريت يعجبك ، هي الاوضه الي فوق في الوش =تسلم يحاج و.. هو الحلو رايح فين ؟ _طالع ادور علي لعبتي جري علي السلم ف ضحكت *معلش يبنتي استحمليه =هيبقي كويس إن شاء الله *يا رب يمريم يا رب ابتسمت وطلعت ، فتحت الباب لقيته قاعد علي السرير جمب الفستان _بتعمل أي هنا ؟ =تخيلي إن دي رابع لعبه تضيع الشهر دا ؟ _يخبر ! وبعدين ؟ =لو قولت لبابا هيقول عليا مهمل ومش هيرضي يجيبلي حاجه تانيه كان باصص في الأرض بحزن ، روحت وقفت جمبه ورفعت راسه ب أيدي _متزعلش يكوكو أنا هدور معاك ولو ملقنهاش خالص هجبلك واحده غيرها =بجد ؟ _بجد باسني من خدي =شكرا يا .. قولتيلي اسمك أي ؟ كنت مبرقه ومش عارفه انطق =هو انتي مو*تي وانتي واقفه ولا ايي؟ _لا لا عايشه اهو ، تسمح بقي تطلع برا عشان ألبس الفستان ؟ =انتي مش هتاخدي رأيي فيه ؟ _وحيات خالتك ؟ =يعني اي ؟ _لا قصدي هقيسه وابقي اندهلك تشوفه =خلاص انا مستني برا ، لو احتاجتي حاجه ناديلي خرج وبصيت علي الفستان ، كان بيبي بلو كان رقيق وجميل تفصيلته منفوشه بس مش اوي ، كان زي فستان أميرة من اميرات ديزني كنت اتمني ولو مرة اني اقيسه مش ألبسه ويبقي بتاعي !! ، لبست وحطيت ميكب من الي كان معايا في شنطتي _احمد ، احمد دخل ومسك الباب وفضل واقف _ها حلو؟ =.. _بوظت الدنيا صح ؟ طب أي الي مش مظبوط ؟ الفستان ولا الميكب ولا أنا اصلا ولا اي قرب ف رفعت حاجبي _حاكم لو قولت وانت بعيد هسمعك ، اقولك مفاجأة ؟ أنا مش طارشه فضل يقرب ف بعدت =شكلك حلو جامد اويي ، احلي واحده شوفتها _بجد ؟ =اه والله بجد ، وكمان الفستان حلو اوي _تسلم يا احمد ، روح انت كمان إلبس =ألبس بدلة ؟ _اه الي تحبه =بابا جابلي بدلة جديده ، بس مش بعرف اعمل الجلفطه _جلفطه!! مش مشكله إلبس البدلة وانا هربطهالك أنا جاب البدلة من الدولاب وخرج يلبسها في الأوضه الي قصادي _ادخل؟ =يا ريت _هتنبهري =يا ريت تخلص بس ! _هتتفاجئ بجد =مهو يبني فاجأني والله نفسي اتخض انجزني دخل =معاك دوا القلب لحلاوة اهلك دي طيب ؟ _حلو ؟ =جامد يعم والله ، تعالي بقي عشان اربطها خدته منه وربطها =كده احنا جاهزين أنا من رأيي انام بقي _ايي؟ =بهزر معاك يلا ننزل نزلنا وبابا وماما والمأذون والشهود كانوا جم ، في ظرف نص ساعه سمعت بارك الله لكما وبارك عليكما وجمع بينكما في خير ، بصتله لقيته باصصلي ببراءة ف ابتسمت ، كنت مرتاحه لطيبته وقلبه .. ودعت ماما وبابا وكانوا زعلانين اوي هه بهزر معاكم دول قالولي منشوفكيش في البيت تاني عشان هنغير الكالون!! يبني دعم الأهل فن يبني ، الناس مشيوا وفضلت أنا وهو وعمو قاعدين *اطلعوا يلا عشان تناموا _حاضر يعمو ، تصبح علي خير طلع يجري علي السلم ف وقفت باباه _عمو أنا مش فاهمه اوي حالة احمد *لا مهو انتي هتفهمي لوحدك كمان شويه _يعني ايي؟ *ربنا ينجدك يبنتي ويطول في عمرك _انا همو*ت ولا اي *الم*وت اهون _ايي؟ *قصدي اطلعي يلا عشان تديله الدوا _اه صحيح الدوا ، فين مكانه ؟ *علي الكوميدينو _ماشي يحاج ، تصبح علي خير *وانتي من اهله يبنتي طلعت لقيته غير ولابس بيجامه وبيفتح في الدولاب _قفشتك ، بتعمل اي ؟ =اوعا ، أي الجمال دا يخربيت دماغك ! _ايدا في أي ، منتا قولتلي اني شكلي حلو قبل كده =انا اول مرة اشوفك بس مش مشكله ، اسم البطل أي ؟ _نعم يا اخويا ؟ =اسمك نعم يا اخويا ؟ حلو وجديد _اه انت بتهزر ، منتا عارف اني مريم يا احمد ! =حلوة مريم ، حلوة جامد _حضرتك بتقرب ليي؟ ضحك =ح اي؟ _انت اكيد محترم ومتربي =لا اقسم بالله كده ازعل ، دا انا كده سمعتي تض*رب في السوق ، أنا متربتش اصلا ! _لا حاكم بقولك ايي ، أنا معايا الحزام الاسود ف الكاراتيه ، ف تلاشاني عشانك مش عشاني =جامد ، احب الحاجات الصعبه _احمد انت الي جرالك ! =انتي لي بتتعاملي كأنك خالتي وعرفاني من زمان ! ، المهم داخله الاوضه لي ؟ _مهو ، ماهي .. =اهو شوفتي ؟ انتي الي جيتي أنا مأجبرتكيش علي حاجه _منا مراتك !! =كمان حلال ؟ لا دي كده احلوت أكتر _هو في أي انت هتجنني !! بصيت لعيونه واستغربت مش هي دي نفس العيون الي كنت بشوفها ، الأولي بريئه لكن دلوقتي سجانة حد يلحقني !! _عميي يعمو يحاج يخرابييييي يناااااس حط أيده علي بوقي =هنسيح ولا اي ؟ متكني كنت مبرقه وخايفه وهو ساكت وبيبصلي ، كان بيقرب لغايه موصلنا الباب ، فجأة الباب فتح ف اتخبط في راسي وقعت أغمي عليا يلا بخت ام*وت يلا ! *انت عملت أي في البت ؟ =هتظيط يحاج منتا الي خابطها ، أنا من رأيي نتاوي الجثه ويا دار مدخلك شر قومت بسرعه وانا ماسكه راسي _اه ، انت بتقول أي ؟ =شوفت اهي فاقت لما خافت _مين دا ؟ *دا احمد التاني _تاني ؟ =تاني !! #السابع_والعشرون_بقلب_الثالث_عشر❤️ #مريم_سمير❤️.#البارت التالت *دا احمد التاني _التاني ! =التاني ؟ *اقصد احمد ابني =مين ديي يحاج ؟ *متجوزها مبقالكش ساعه =مخدش رأيي لي؟ هو انا كنت هوافق وكل حاجه بس بردو رأيي مطلوب *معلش المرة الجايه _مرة جايه أي هو فطار ! دا جواز يحاج =اه مهو عادي اتجوز اربعه _دا عند خالتك الكلام دا =حلو دا ، احمم بقولك يحاج متصبح علي خير *انت شايف كده ؟ يعني خلاص مش مفيش مشاكل ؟ =انا بعمل مشاكل ؟ أنا !! _دا أنا اقتنعت ! *طب تصبحوا علي خير بقي _حاج ، حاج متسبنيش لوحدي قفل الباب =كنا بنقول ايي ؟ _اه يدماغي ، اه اصابه خطيرة دي خلي بالك =اه منا واخد بالي ، انتي بتبعدي لي؟ _انت ملكش امان بربع ج هنهزر =انتي شكلك مش بتحبي دنيا سمير غانم _لا بحبها ، اشمعنا ؟ =مش هي قالت البنت تحب الولد الناصح الي بيبقي فلاتي؟ قالت ولا أنا بتبلي عليها ؟ =انت مش فلاتي انت متربتش دا اول حاجه ، وكمل متكمل؟ وتحبه مؤدب يعني عنيه في الأرض ، ولغايه دلوقتي عينك متشالتش من عليا _لا الكلام دا مش عندي ، ف نشيله ونشوف الجزء الاول بيقول أي =انا راسي بتوجعني اويي _بجد؟ سلامتك =ايدا سافل بس حنين _لا أنا بقلس مكنتش خبطه وبعدين أنا عارف انه مغمي عليه مزاجك =أي الاحراج دا ، طب فيه دوا كده يلزمني انك تاخده ف تاخده ب الزوق ولا اوريك الوش التاني ؟ _وريني الوش التاني =ايدا انت صدقت دا انا بهزر _لا لا قولتي كلمه خليكي قدها =مهو لو وشي التاني ظهر هتزعل وهنزعل كلنا _كويس انك مختلفه عن كل البنات الي عارفهم ، التجديد حلو =كل البنات الي عارفهم؟ حاكم أنا دمي شطه مولع محبش الي بيدلع _نعم !! =معلش انت الي عصبتني _طب ايي؟ =بص يا استاذ احمد _لا انتي كده بدآها وحش اوي =بص يا ابو حميد من الاخر يعني _ايوة اخرك أي ؟ =لا انا مليش اخر أنا بجبلك اخر الحوار بس ، انت دي اوضتك والي في الوش هتبقي اوضتي والي مش عاجبه مينامش _خلصتي ؟ =فيه حبايه كده معلش خدها قبل ممشي _ثقتك الزيادة دي من عند مين ؟ =بص يا احمد أنا والله عاوزة انام مش ناقصه فرهده ف انجزني _انا مبحبش الكلام الكتير علي فكره =أيوة يعني عاوز اي بردو ؟ _مش احنا اتجوزنا؟ من غير علمي بس اتجوزنا يعني =حاكم أنا مش ملزمه اسمع كلام عبيط _كلامي أنا الي عبيط بذمتك ؟ روحت جبت الدوا من جمب الكوميدينو =مين هياخد الدوا ويبقي اشطر كتكوت ؟ _وحيات امك ! =بقولك أي خدها بدل مفتح دماغك بمولة السرير نصين _انتي بوء لي ؟ قربت =متخلنيش انفذه مسك أيدي وقربني منه اكتر _نفذيه حطيت الحبايه في بوقه بسرعه ف شرق ، هو لازم اديله ميا يعني؟ اديته ميا وقعد يكح هو اكيد من الحسرة مفيش حاجه =أي اتبلعت ؟ بصلي بعصبيه ف ابتسمت بسذاجه وقام من مكانه ف جريت علي الاوضه التانيه وقفلت عليا _افتحي =مش فاتحه ، وأمور السهوكه دي مبتكولش معانا _وربنا لا اربيكي أنا اتغفل أنا ! =بقولك أي انزل من علي وداني عشان عاوزة انام _منتي لو قدامي مش هتتسجري تقولي كده =افتح الباب ونشوف؟ _افتحي =يلا تصبح علي خير ، افتح اي يعسل روح نام _ماشي ، هتروحي مني فين دي الفله قد الكحكه =دي قد شارعنا _الله اكبر يخربيت عينك =جود نايت احمودي _دا انتي مستفزة ! =أيوة فعلا هوينا بقي سمعت صوت الباب وهي بيتقفل ، طب المرادي غفلته المرة الجايه هعملها ازاي ! نمت من كتر التعب بالفستان ، صحيت علي صوت خبط في الباب فتحت وانا بغمض عيني _انتي هنا ؟ افتكرتك مشيتي =انا كده فهمت ، انت دلوقت محترم صح؟ _يعني ايي؟ بصيت في عينه =خلاص عرفت ، المهم فطرت ؟ _لاء =هعملك فطار حلو اويي نزلت عملت فطار ل باباه قبل ميروح الشغل وعملت فطار ليا ول احمد وطلعت ب الصنيه ، لقيته ماسك كراسه رسم وقلم =بترسم ؟ _اه =وريني وريني ابتسم ووراني ، كان رسمه حلو اوي ، راسم طفل مع أمه وهي حــ,,ـــــضناه ، ف ابتسمت =جميله اوي _بجد؟ =اه والله برافو عليك كان بيضحك وفجأه زعل وبص في الأرض =مالك يا احمد ؟ _لما ماما كانت عايشه كانت بتحــ,,ـــــضني كده ، بس بعد ممشيت محدش حــ,,ـــــضني خالص =اكيد هي في مكان احسن ، وبتشوفك كل يوم وبتطمن عليك ولو لقيتك زعلان اكيد دا هيزعلها _بس هي وحشتني =ممكن تجيب حــ,,ـــــضن حلو زي الحــ,,ـــــضن الي كنت بتديله لماما ؟ قرب مني _بجد ؟ =يلا يعم احنا لسه هنتناقش حــ,,ـــــضنته وطبطبت عليه ، اول مرة احس الاحساس دا ، كان حــ,,ـــــضنه دافي اوي وحنين =ولما تحتاج حــ,,ـــــضن كمان قولي _كل يوم تديني حــ,,ـــــضن =ماشي كلامك يعم احمد _هنبقي صحاب صح؟ =اكيد سلم عليا _اتفقنا =انت طيب اوي يا احمد _وانتي كمان =يعني لو طلبت منك طلب صغير هتعمله؟ _اكيد =ممكن تاخد الدوا ؟ _طعمه وحش اوي يمريم وكمان مر =طب أي رأيك انزل اعملك عصير تشربه بعده ؟ _عصير مانجا؟ =حاضر نزلت عملت عصير وحطيته في كوبايه ، اديتله الدوا وشرب بعدها العصير _طعمه جميل =انت الي جميل والله ، قولي صحيح بترسم من امتي؟ _من وانا عندي ٨ سنين يعني من استني 12345 ، خمس سنين =حلو اويي ، وبتعرف تعمل اي كمان ؟ _بعرف ألعب كورة ، وأغني و.. =لا لا متقولش بتعرف تغني ؟ _ايوة =سمعني اشجيني يلا غني وفضلت بصاله وانا مبسوطه اني قاعده معاه ، فضلنا نتكلم كتير ، كتير اوي عن كل حاجه ومواضيع ملهاش علاقه ببعض ، زي أنه بيحب الشتا وبيحب يخرج في الصيف ! ، الوقت معاه كان حلو ببرائته وكلامه ، هو مينفعش يفضل كده؟ لازم باد بوي ! لازم اوي يعني ولا اي ؟ لا بس الحمد لله في الحالتين الواد حلو ودمه خفيف _يمريم هما ساعتين حجر واجي =هتيجي ايي ، انت مش فاهم حاجه ! انت هيجي غيرك وانا خايفه _بيجي غيري ازاي ؟ =لا متاخدش في بالك ، اوعي تنسي الكورة ، يلا في رعايه الله مشي وانا طلعت فوق ، كان فيه مكتبه صغيره خدت منها كتاب وفضلت اقرأ فيه ، سمعت صوت ضحكه بنت عاليه ف نزلت بسرعه _احيه ! انت بدل مترجع ب الكورة راجعلي ب واحده ؟ انت رايح تلعب رياضه ولا تلعب ببنات الناس ! #السابع_والعشرون_بقلب_الثالث_عشر❤️ #مريم_سمير❤️#البارت الرابع _احيه ! ، انت بدل مترجع ب الكورة راجعلي ب واحده ، انت رايح تلعب رياضه ولا تلعب ببنات الناس =الحكومه جت اجري بسرعه _سكران ! كمان منكر ؟ لا دا كده تمم اوي ، خمر ونساء دا انت عالمي *مين دي يبيبي ! _بيبك ؟ =دي واحده كده اتجوزتها ، متخديش في بالك *اوه مراتك ، هاي _هو أنا في باريس ولا اي ، يلا يحبيبتي من هنا الوقت متأخر • !! _يلا يبنتي انتي لسه هتنحي ؟ وبعد كد وطي صوتك ضحكتك عشان ناقص يتعمل منها منبه ، وسيبي الي جمبك ، يقع احسن متبقي سنداه كده كنت لسه متنحه ف سندته وشاورتلها علي الباب ف بصتلي بقرف ومشيت ! لا لا تعالي بصيلي حلو عشان هعيط =عاوز اجيب فينو ب الجبنه _يبني ! =او فينو فيه طعميه سخنه ياااه _احمد ! =عاوزة اغير العربيه بتاعتي ، الفرامل بتعلق _وحيات امك ! =يتري مين جه الاول الفرخه ولا البيضه؟ _دا انت سكران طينه =انتي مين ؟ _خالتك واسكت بقي ، افوقك ازاي طيب ، اديك ب الروسيه؟ =نعم ؟ _بالميا ؟ دخلت الحمام وحطيت راسه تحت الحنفيه ، كان بيقاوم بس فضلت مسبتاه احنا هنهزر متفوق يبني بقي عاوزه انام !! طلعته من تحت الميا وفضلت سنداه لغايه الأوضه ، قعدته علي السرير وجبتله فوطه وفضلت انشف في شعره شيلت الفوطه لقيته باصصلي _اه دي لقطه من فيلم صح؟ المفروض اتوتر عشان باصصلي وكده بس لا يحبيبي انسي ، لو مشلتش عينك دي هصوت اخلص ! ضحك =هو أي الي حصل _كان معاك حته بيت يا واد يا ابو حميد جامده =فعلا ؟ عادي يعني بالنسبالك؟ _ذوقك يحل من علي حبل المشنقه ، ما شاء الله الله اكبر =هو انا جايب الدرجه النهائيه في امتحان ! انا جايب واحده البيت _بس مش اي واحده ، بقولك جامده =مريم انتي مخك تعبان؟ _اقسم بربي لو عدت تجيب بنات لمعلقاك ، هنظيط؟ متحترم نفسك متجوز ابجورة!! =بس مش اي ابجورة _والله؟ دا انا يتغسل بيا هدوم بعد كده =اشمعنا ؟ _اريل ، أنا اريل يا احمد بس لاء مستحيل ارضي ب كده ، مش محترم برا عني اتربي ها اتربي بدل مربيك =لا ربيني انتي ، مستني واحده زيك تربيني من زمان _ها ؟ هتاخد العلاج دلوقتي عشان تنام =علاج أي ، اه صح نسيت قام من مكانه =بقي انتي تغفليني ؟ _كنت بهزر معاك =انا كنت همو*ت وانتي حطاها في بوقي _مش اتبلعت ؟ متصدعناش بقي =لا والله _اه والله مسك أيدي =طب تعالي اقولك كلمه سر _سيب أيدي =هو انا جيب جمبك ؟ _احتا هنغني هنا ؟ سيب أيدي يبني والله مفيقالك ، أجل قله ادبك دي لبكرة =معتش ينفع والله اصلك كل مادا بتحلوي _ربنا يسترك من زوقك =اي؟ _بقولك أي ، أنا مش زي اي بنت عرفتها ، أنا اويك البحر وارجعك عطشان =هتوديني البحر بجد؟ _ايدا في أي =مريم _مالك بتقولها بسهوكة كده لي ، متنشف =طب اعمل اي تاني ، منا جربت كل الي عندي _هي أي بنت كنت بتناديها ب اسمها كانت بتقع ؟ عدل شعره =انادي أي ، مجرد متشوفني بس _يولا ! انا شيفاك عادي يعني =احلفي _عوزاك تاخد الدوا عشان انام يا احمد ، متفرهدنيش =هاخده بس بشرط _هتتشرط كمان ؟ قول =تجيبي حــ,,ـــــضن حلو كده معلش _لا أنا هحــ,,ـــــضنك الصبح ، أنا مضمنكش دلوقتي بالذات بعد الحــ,,ـــــضن يحصل أي ، لكن الصبح بتبقي كويس =لا دلوقتي صبح أي لسه هستني !! _دا ساعتين والشمس تطلع ، ها خد الدوا بقي =انا قولت الي عندي ، وبعدين دوا أي دا ؟ _دوا خلق ، عشان خلقي ضيق =خلاص خديه انتي _يبني بقي ! ، طب عشان خاطري =ايدا في أي ! _بقولك عشان خاطري يا احمد =هي مريم راحت فين ؟ أي الرقه دي قربت _مش انت جوزي لو مكنتش رقيقه معاك هبقي رقيقه مع مين يعني ؟ =لنتي؟ معقوله ؟ دا انتي طلعتي عيني يشيخه ، باينها سهرة صباحي _اه طبعا ، خد الدوا كده بس الاول وبعدها هنفذ الشرط =هو انا بحلم ! مش عارف مش مطمن ل استسلامك دا _لا منا عقلت ، خده بقي خده ف ابتسمت =ها ؟ طلعت اجري وانا بضحك وقفلت باب الاوضه قبل ميمسكني بثانيه =مريم متهزريش بقي مش كل مرة كده ! _بيقولك يا اخي الواحد مش بيقع في الفخ مرتين ، بس انت بتحفر الفخ عشان تقع فيه =يوووه _انت صدقت اني ممكن اتسهوك ولا اي ؟ =مكنش لايق عليكي اصلا ، احلي وانتي علي طبيعتك _ها ! =بتبقي مختلفه وبتحلوي بطريقتك _طب روح نام =يعني مش هتفتحي زي عوايدك؟ _اديك قولتها عوايدي ينجم =مسيرك تقع يجميل ، تصبحي علي خير يمريوم ابتسمت وروحت قعدت علي السرير ، يخربيت الباد بوي الي كل مرة بيضحكني دا ، ممكن نعيد كل المشاهد بتاعته؟ نمت وصحيت علي صوت خبط في الباب _ايوة أيوة =صباح الخير _صباح الخير ، عامل أي النهارده ؟ =دايخ اوي يمريم ، دماغي بتوجعني _اه مهو من الشرب =شرب ايي؟ _ها ، لا مفيش حاجه تلاقيك منمتش كويس بس ، هروح اعمل فطار ل باباك وأعملنا فطار وارجع نزلت عملت لعمو فطار وراح الشغل ، وطلعت بصنيه الفطار الاوضه _كمل أكل =شبعت والله الحمد لله _انت يعتبر مكلتش حاجه يبني =لا لا والله شبعت _طب يلا عشان هنزل اعمل العصير عشان تاخد الدوا =حاضر نزلت حطيت الصنيه في المطبخ وعملت عصير وطلعت ، اديته الدوا وقعدنا علي السرير _جبت امبارح جونين =يعم أنا مصاحبه مهاجم اصلا _ابقي تعالي اتفرجي عليا مرة =حاضر ، إن شاء الله _تيجي نقعد في الجنينه؟ =والله فكرة ، يلا بينا نزلنا اتمشينا تحت ، لغايه مشوفت حمام سباحه ف وقفت _في أي ؟ =بخاف منه ، تعالي نبعد بعيد شويه _بتخافي من ال pool !! =ايوة ، بخاف منه هو والبحر مسك أيدي _لا لا تعالي ننزل =احمد أنا مش بهزر ، سيب أيدي شدني فجأة ونزلنا فضلت اشهق ف شدني لبرا وطلعت =انت مبتفهمش ! قولتلك بخاف ولا يعني لا انت لي مبتسمعش الكلام _وانتي لي بتزعقيلي ؟ جري من قدامي وأنا قعدت اخد نفسي ، بعد شويه بعدت بسرعه وقعدت علي كرسي طلعت بعد ما بقيت كويسه عشان اغير هدومي المبلولة ، لقيته قاعد علي الارض ضامم رجله وراسه جواهم =احمد _.. =بجد اسفه حقك عليا متزعلش _.. =انا بس بخاف من الميا عشان كنت هغرق وانا صغيره فيه من ساعتها وانا بخاف ، بجد مش قصدي ازعقلك _.. قربت منه =أنا مخدش حــ,,ـــــضن النهارده علي فكره بصلي _انا اسف اني شديتك متزعليش مني =مش بزعل منك حــ,,ـــــضني وطبطبت عليه بعدنا واحنا بنضحك عشان هدومنا كلها ميا ، غيرنا هدومنا ونزلت عملت الغدا ، استنيت عمو يجي واتغدينا كلنا وطلعت أنا وهو الجنينه تاني =يعم قولتلك مش واقفه جون أنا _يستي اقفي يستي =انا شايطني بالكورة فوق التسع مرات _انتي لسه فاكرة ؟ انتي قلبك اسود لي =فاكرة أي دا لسه حالا ! _مهلس اقفي ونقفلهم عشره =ايي؟ _قصدي معتش شايطك متخافيش فضلنا نلعب ب الكورة لغايه متعبت ، قالي أنه رايح حجز الكورة ف طلعت أنا الأوضه ، قعدت شويه وبعد كده فضلت ابص علي الحاجات الي موجودة واكتشف المكان ، فتحت الدولاب بتاعه ولقيت فيه ازازة ، أي دي ؟ عصير دي ولا اي !! شربت طلع طعمها مر اوي ، ف شربت تاني هه الباب اتفتح _ازيك يمريوم =أي يروح مريوم _احيه !! انتي شربتي من الازازة دي ! =انت حلو اوي كده لي ؟ #السابع_والعشرون_بقلب_الثالث_عشر❤️ #مريم_سمير❤️#البارت الخامس _ازيك يمريوم =اي يروح مريوم _احيه انتي شربتي من الازازة دي !! =انت حلو اوي كده ليي؟ _لا أنا كده اتأكد انك سكرانه فعلا =تعالي هنا وانا احبك _مريم !! قربت =نعم يا احمد _ها ؟ =بقولك نعم ، كده تسبني كل دا لوحدي؟ لا انا مخصماك ، صلحني يلا _وانتي بتتصالحي ازاي ؟ قربت كمان ومسكت دقنه وانا ببتسم =اول مرة اخد بالي إن دقنك حلوة كده _.. =هات حــ,,ـــــضن كبير لعمو يلا عشان اصالحك _عاوزة أي ؟ =حــ,,ـــــضن كبير _متأكدة !! حــ,,ـــــضني وبعد كده شالني وهو متعصب _هو أي حاجه قدامك تشربي منها ؟ =طعمه وحش اوي يا احمد _مدام وحش بتشربيه ليي =حب المغامرة بس مش اكتر _وحيات امك ! =هو دا أي اصلا ؟ _ويسكي =خمرة يعني ؟ _بالظبط =طب صبلي شويه حرام كمان يلا _فوفي بقي =نزلني ، نزلني بقولك نزلني _فوقتي ؟ =طلعني تاني ، حلوة اوي اللعبه دي _!! مسكت قميصه =عيونك زيها زي الويسكي بتسطل _ابعدي عني ، انتي معندكيش اخوات ولاد؟ =لاء _لاء إذا كان كده ف خلاص اعملي الي عوزاه ، بقولك أي =لا خلاص معتش كلام ، خلص النقاش _انتي لو قربتي مني زياده عن كده هفضحك =انا زي جوزك يعني _جوزك؟ جوزي مين يما ؟ دا انتي سكرانه طينه ، دماغك خفيفه طلع يجري من قدامي لما لقاني بقرب اكتر وقفل باب الاوضه التانيه عليه =افتح يا احمد يووه _روحي اتخمدي ، انتي معندكيش قلب ! دا احنا محلتناش الا شرفنا يبه هنخيب =.. _متروحي تحطي راسك تحت الحنفيه =تعالي حطهالي انت _متتضمنيش يمريم =عيب عليك بجد عيب عليك خلاص فتح الباب _طب تعالي =تعالي تعالي تعالي تعالي مسكني من أيدي وشدني وراه ، طب لي العنــ,,ـــــف حاكم والله اعيط ! حط راسي تحت الحنفيه ، الواد دا جايب الجحود دا منين ؟ يبني هفطس يبني!! طلعني من تحت الحنفيه ونشف راسي ، لا لا جاحد بس حنين قعدت علي السرير وانا ماسكة راسي ، كانت بتوجعني اوي ، هو انا شربت أي ؟ لا لا هاتولي الازازة عشان اشرب تاني واتأكد ! نيمني وغطاني _نامي دلوقتي ، علي بكرة هتبقي كويسه =انا دماغي بتوجعني اوي _بعد شويه هتبقي احسن إن شاء الله =طب رايح فين؟ معلش خليك قاعد أنا خايفه اقعد لوحدي _ودا من أمتي ؟ =من دلوقتي اترزع بقي متصدعناش _اهو بدأتي تفوقي اهو ! =تعرف ، ماما وبابا وحشوني اوي ، زمان بابا النمس هاريها خروجات وفسح من غيري _انا كمان امي وحشتني اوي =انا اسفه يا احمد والله حقك عليا _ولا يهمك ، بس حابب اسمعك ف كملي =تعرف إن ماما ممكن تبقي زي مامتك؟ مش هقول بابا يبقي زي باباك عشان بابا يبقي زي صاحبك ضحك _ازاي يعني =مش من نوع الرجالة بقي الي بتشخط ، لا بيحب يهزر معانا دايما ، عاوزة اقولك أنه مستعد يقف ورا الباب ساعه عشان يخضني وانا داخله فضل يضحك ف بصتله =أنا مبسوطه اوي يا احمد انك هنا ، مش عارفه هو وقت صغير اه بس انت خلتني ابقي فرحانه وانت موجود _وانا شكلي يبنتي والله هقع فيكي بقي ولا اي ! =هنام ، حالا غمضت عيني بسرعه ف ضحك وباس راسي وانا لسه مغمضه _تصبحي علي خير يمريوم خرج من الاوضه ودخل الاوضه التانيه ، ايدا بقي محترم ؟ ايدا ايدا لا معلش رجعولي الباد بوي نمت وانا راسي لسه بتوجعني ، صحيت علي خبط علي كتفي =احمد انت لي بتصحيني كده ؟ هو انا ازازة علاج قاعد ترجها ! _بقالك كتير نايمه ، عاوز اوريكي حاجه قومي دعكت عيني =وريني طلع من ورا ضهره رسمه _شوفي كده كانت ليا ، مش شبهي اوي بس لطيفه جدا ، دمعت اول مشوفتها خصوصا أنه كاتب ' الي اعز اصحابي ، البنت الحلوة الي في حياتي ' =حلوة اوي _انا بحبك اوي يمريم ، اوعي تبعدي عني ابدا سمعت الجمله سكت ، كان احساس حلو لما تسمع كلمه بحبك ! مش عارفه لي اتكسفت واحمريت مع انها طالعه من احمد الطفل الي المفروض متكسفش منه ، بس كنت شايفه قدامي احمد الكبير ف ابتسمت =انا كمان بحبك اوي _وعمرك ما هتسبيني؟ =ابدا _اتفقنا ، قومي بقي حضري الفطار =انت لي بتعاملني كشغاله جيبهالك باباك ؟ _خلاص هعمل أنا =اه يا ريت يعني يبقي كتر خيرك نزل ومسكت راسي كانت لسه بتوجعني ، مش فاكرة اغلب الي حصل امبارح ، مش فاكرة غير حاجات بسيطه و.. شميت ريحه جايه من تحت الفله بتولع؟ انفد بجلدي طيب ولا اي ؟ نزلت بسرعه لقيت حارق البيض المقلي ، خدت الطاسه منه بسرعه وحطيتها تحت الحنفيه _لا يبقي اعمل بيض مسلوق بقي بصتله بقله حيلة =أنت متعملش حاجه خالص بقي ، أنا اصلا مدــ,,ـــــمنة اني بقولك اعمل حاجه _دا أنا عليا بيض مسلوق محصلش اسمعي مني ! =احمد ، برا طلع وهو بيضحك ، عملت الفطار وطلعتهوله واديته الدوا وعملتله عصير _تيجي نلعب لعبه الصراحه ؟ =بالله عليك أي حاجه عشان ملانة _مين اعز صحابك ؟ =انت يعم في أي _لو مكنتيش جاوبتي كده كان زماني فاتح دماغك =لا بس أنت خدت عليا اوي خلي بالك ضحك _طب بتحبي تعملي ايي؟ =بحب اقرأ ، واعمل قهوة _بتعرفي تعملي قهوه؟ =احلي وش في مصر بقولك _طب قومي اعملي فنجانين وبعدين نكمل =لا غلط عليك ، هعمل ليا وانت ابقي شمها بقي _لا يشيخه ! =قهوتك زيادة ولا مظبوط ؟ عملت فنجانين قهوة مظبوط وطلعنا قعدنا في البلكونه ، كانت الدنيا برد بس احساس حلو اوي ، القهوة بردت وادينا دفت ، دخل جاب بطانيه صغيره وحطها عليا ، ف قعدت جمبه وشاركناها سوا ، ميل راسه علي كتفي ونام ، كنت ببصله وماسكه شعره ، ازاي يبقي فيه انسان جميل كده ؟ حقيقي مش لازم يتعالج احنا الي لازم نتعالج عشان نبقي زيه _الاه! انتي سيباني نايم علي كتفك كده عادي ؟ =اهلا اهلا احمد ، شرفت يا راجل والله _الله يكرمك ، مش ناويه تليني بقي ولا نسيبها ل بكرة كمان ؟ =لا لا انسي _يستي طلعتي عين اهلي !! =ولسه ولسه طبع بوسه علي خدي ف ض*ربته من الصدمه _ايدا أنا اسفه والله =انتي عبيطه يبه وامك عارفه علي فكرة _لا بجد خبطه صعبه حقك عليا =من أمتي الحنيه دي يجبروت! _منتا الي قليل الادب وسافل يا احمد بردو =أيوة فعلا أنا نموذج حقير بنت جت بعربيه ض*ربت كلاكس ونادت علي احمد *مش هننزل النهارده يبيبي ؟ =احيه !! #السابع_والعشرون_بقلب_الثالث_عشر❤️ #مريم_سمير❤️#البارت السادس *مش هننزل النهارده يبيبي؟ _احيه !! =مين دي ؟ _دي ، دي .. =بسألك يا احمد مين دي ؟ _واحده صحبتي =ودا عادي يعني ؟ ، الي انت شايفه حلو اعمله أنا معتش قيلالك حاجه _مريم ، يمريم خرجت من البلكونة وهو فضل ينادي عليا مردش ، نزلت تحت وقعدت علي الركنه ، نزل ورايا وفتح الباب _ميادة ، أنا .. *وحشتني اوي ، كده مشوفكش كل دا !! _انا دلوقتي متجوز ، معتش ينفع علاقتنا دي تستمر *اتجوزت ! _ايوة ، عقبالك *امال كل لما كنت افاتحك في الموضوع كنت تقول أنا مش بتاع جواز لي ! =اي عاوزة انتي الي تتجوزيه؟ أي افاتحك دي ! هو لو كان عاوزك كان هو الي طلب ، وبيقولك اتجوز اتجوز يعني خلاص بصتلي بقرف وحطت النضارة علي وشها ومشيت ، هو أي بنت من تبعه هتبصلي بقرف ! اي الشغله دي روحت قعدت مكاني وسكت =انا بجد آسف _ولا يهمك عادي =هقطع علاقتي ب كل البنات ، اوعدك _دي حاجه تخصك ، أنا مليش اني اتكلم فيها ، دي حياتك وانت حر =حياتي مقرفه ، مفيهاش سنة مسؤوليه كلها عك ، من اول مجيتي يمريم بدأت تبقي حلوة ، احس اني عندي زوجه ولازم ابقي كويس ، يريتك كنتي جيتي من زمان _مش هضعف ، مش هضعف، لا لا ، حاكم أنا مسمحاك ضحك =انتي طيبه اوي يمريم ، اه اسمعي ب المناسبه اني بقيت واحد تاني هعزمك علي العشا _قول والله =والله ، قومي إلبسي قومت بسرعه لبست وحطيت ميكب خفيف ولبست الطرحه ونزلت =يلا بينا _لا استني أنا بقول نقعد هنا احسن =انسان قديم انسان جديد بردو قليل الادب ! _مهو اعمل اي مش قادر امسك نفسي قدام الحلاوة دي كلها =احمد ثواني ، ممكن تاخد الدوا قبل ما نخرج ؟ _ممكن طلعت جبته وخده ، ركبنا العربيه وروحنا مطعم جميل اوي ، زي الي كنت بشوفه في الافلام بالظبط ، ناس بترقص علي اغنيه رومانسيه وناس بتستمتع ب العشا ، وسط جو هادي وجميل بشكل ! ابتسمت ومسكت أيده وقعدنا ، كان فيه منيو بس كله بالانجليزي _ها تاكلي أي ؟ =هو أي الاكل دا يا اخويا !! _لا لا بقولك أي وطي صوتك هتفضحينا =اطلبلي انت بس حاجه حلوة يا احمد بالله عليك ، أنا واثقه فيك اهو لو طلع طعمها وحش هتشوف ضحك ونادي علي الجرسون وطلبلنا استيك ، نزل الاكل بعد ربع ساعه وكلنا _تعرفي انك اول واحدة أخرج معاها في مطعم =اه اكيد الباقي في night club أو حاجه _ايدا عرفتي منين ! =وحيات خالتك ضحك _تسمحيلي بالرقصه دي ؟ =هاا !! قام من مكانه ومد أيده ليا _تسمحي ؟ ابتسمت =وماله روحنا علي نص الاستيدج وبدأنا نرقص زي الباقي ، كان قريب مني اوي ، كنت مدفونة في حــ,,ـــــضنه الدافي الي بحبه ، ولأول مرة اتكسف من نظراته ! ، لأول مرة احس اني خدت حظي في الدنيا زي ماما دايما كانت بتقول علي بابا ، ممكن احمد فعلا يبقي حظي ؟ ، اول مرة احس ب الاحساس دا ، معروف ان قلبي حجر ، يمكن نقول مات ومش بيحب يقرب من اي حد ، لكن أنا بحب أقرب منه ، ابقي معاه ، نهزر ناكل نضحك نحكي ننكش في بعض ، كل حاجه حباها وهو موجود ، بحس ب الامان كأن بابا موجود معايا ! ، مش عارفه دا اسمه اي بس الي اعرفه اني مبسوطه ، مبسوطه بيه !! _مريم =نعم _بحبك =ايي؟ _بحبك ، اول مرة اقولها وانا حاسسها ومصدقها والله ، اوعي تبعدي عني ابدا ، أنا كويس بيكي دمعت =مش هبعد ، لبدالك متقلقش حــ,,ـــــضني ولفني وسط تصفيق من كل الي حوالينا =يلا نطلع نجري عشان اتكسفت يلا مشينا ، اتمشينا عند النيل ، جبنا ايس كريم وقعدنا علي الاستراحه =احمد ، ممكن اطلب منك طلب؟ _اي طلب =ممكن نروح نشوف بابا وماما ؟ _حاضر ، يلا بينا ركبنا العربيه وروحنا وقفنا قدام البيت ، بيتي الي مكنتش متخيله اني اسيبه في يوم ! طلعنا وخبطت ، بابا فتحلنا حــ,,ـــــضنته وسلمت عليه وأحمد سلم عليه ودخلنا ، ماما جت سلمت علي احمد وحــ,,ـــــضنتها _وحشتوني اويي °وانتي كمان والله يحبيبتي *امك عامله بسبوسه يبت يمريم ، حلوة حلاوة زيها °محمود !! *قصدي حلوة حلوة ضحكت _يبابا بتتكسف لما تعاكسها قدامنا °هروح اجيبها واجي ماما راحت جابتها وكلنا ، كنت حاسه ان مفيش حاجه نقصاني ، بابا وأحمد اتكلموا وفضلوا يهزروا مع بعض _نمشي احنا بقي *خلي بالك منها يا احمد ، هي بتغلبنا اه بس والله طيبه =في عنيا يعمي سلمت عليهم ومشينا _شكرا يا احمد انك جبتني هنا =اهلك طيبين اوي ربنا يخليهوملك _ويخليك ليا =ايي؟ _نروح بقي ، احنا نروح عشان صيعنا اوي بجد روحنا وكنا هلكانين بس الخروجه كانت جامدة مع واحد اجمد الله وكيل طلعت غيرت ونزلت ملقتوش ، راح فين دا !! ، مر ساعه ولقيت الباب بيتفتح ، كان هو ف كشرت _كنت فين ؟ =الاه الاه انتي بصالي كده لي _كنت فين يا احمد ؟ =كنت بجيب دول طلع من جيبه دبلتين =مش عيب نبقي متجوزين ومش في إيدنا دبل؟ الناس تقول علينا أي شقطك مثلا ؟ ضحكت ولبسهالي كانت جميله اوي ، دفت أيدي و.. ، وقلبي !! حــ,,ـــــضني وباس راسي =كده تمم ، كده انتي مراتي _انا بحبك اوي والله =احيه استني !! طلعت اجري من قدامه منا قليله الادب ، أي الي انا قولته دا ، والله متربيت لحظه توحد ربنا ، اروح منه فين دا !! =تاني جو الابواب دا !! _اه يعم متكحش بقي بدل مقفل الباب تاني =طب قوليها تاني _لاء ينجم ، هي مرة واتعشت =اه ، اه _اه انتي بتمثل عليا انك تعبان عشان افتح الباب ؟ لا لا انسي =.. _احمد ، احمد ! فتحت الباب لقيته علي الارض جريت عليه وحطيت راسه علي رجلي _احمد ، رد عليا فتح عيونه مكنش احمد ، كان الطفل !! ، مع اننا لسه بليل !! =اي الي حصل ؟ _هو أي الي بيحصل فعلا !! #السابع_والعشرون_بقلب_الثالث_عشر ❤️ #مريم_سمير ❤️#البارت_السابع _هو أي الي حصل ؟ =هو أي الي بيحصل فعلا !! مسك راسه وغمض عينه ف روحت ناديت علي باباه بسرعه ، اتصلنا بالدكتور ونقلناه علي السرير *هو بياخد الدوا ؟ =أيوة يدكتور بتدهوله علي طول *هو فيه خبرين واحد حلو وواحد وحش =خير *هو هيرجع لحالته الطبيعيه ، لكن هيكون فيه فقد في الذاكرة =فقد في الذاكرة !! وضح اكتر معلش يدكتور *هيكون فيه فقد مؤقف يمكن لمدة أسبوع أو أقل أو يمكن شهر او يمكن اكتر الله اعلم ، بس الف مبروك أنه هيرجع كويس تاني ، انتي السبب في دا بعد ربنا ابتسمت وانا ببصله ، عمو راح وصل الدكتور وجه _انا مش مصدق أنه هيبقي كويس =الحمد لله ، ربنا يتم شفاءه علي خير _ربنا يجازيكي كل الخير يمريم ويبارك في عمرك يبنتي ، أنا مش عارف اقولك اي ولا ارد الي عملتيه معايا ازاي =متقولش حاجه دا واجبي _ربنا يصلح حالك يبنتي خرج وانا فضلت قاعدة جمبه ، عوزاه يفوق عشان اطمن عليه عشان افهم أي الي هيحصل بعد كده !! بعد حوالي ساعه فاق ، مسكت وشه وانا ببتسم =حمدالله على السلامه يا استاذ كده تقلقنا عليك !! _انتي ، انتي مين ؟ =كله هيبقي تمم ، ارتاح بس انت دلوقتي بعد عني وهو ماسك راسه _ممكن تندهي لبابا ؟ =حاضر ندهت لباباه وحــ,,ـــــضنه *حمدالله علي السلامه يبني _انا مالي يبابا؟ *كنت تعبان شويه والحمد لله دلوقتي احسن _مين ديي؟ *دي مريم ، مراتك _يا نعم ؟ مراتي ازاي يعني ؟ وازاي اتجوزت وازاي مش فاكر اني اتجوزت اصلا =مهو الدكتور قال انك عندك فقدان مؤقت في الذاكرة وهترجع مع الوقت إن شاء الله _يعني انتي مراتي ! =اه وربنا _احيه !! =نعم ؟ _انا اتجوزت ازاي ، يووه *هسيبك ترتاح شويه يبني حاول متضغطش علي نفسك _عاوز انزل الشركه بكره *ارتاح شويه طيب الشغل مش هيطير _لا أنا كويس الحمد لله *خلاص يحبيبي الي تشوفه باباه خرج وانا فضلت بصاله _ممكن تحكيلي حصل أي بالظبط؟ =كان عندك انفصام ، كنت الصبح طفل بليل شخص مترباش _نعم؟ =لا نتكلم بجد بقي ، انت كان لازم تاخد علاج عشان تبقي كويس ، لكن كنت رافض تاخده ، واحده واحده خدته ف بقيت احسن _واتجوزنا امتي؟ =من فترة قصيره _غريبه تفضلي مع واحد مريض ! =مش غريبه ولا حاجه ، كنت لطيف اوي ، حنين ودمك خفيف ، شقي حبتين وانت طفل صغير برئ ، بتحب ترسم تلعب كورة ، بتحب الحياة ، وكشاب كنت طيب اوي بردو ، شايفني جميله طول الوقت ، خرجتني من شويه في يوم يعتبر من اجمل ايام حياتي ، اتمني بجد ذاكرتك ترجع بسرعه عشان بينا حاجات حلوة اوي طول الوقت _يعني المفروض انك مراتي وبنحب بعض ؟ =انا قولت بنحب بعض؟ دا احنا كانت هوايتها المفضله حــ,,ـــــرق دم بعض ضحك _علي العموم شكرا لتعبك =المفروض اني مراتك والمفروض بردو ميبقاش بينا شكر _بصي يمريم ، مريم صح؟ =كمل كمل _موضوع الجواز دا هنتناقش فيه بكرة إن شاء الله وغالبا هيبقي في الشركه =اشمعنا الشركه ! _لما تيجي هتعرفي =اه تمم _تصبحي علي خير نام علي طول وفضلت قاعده مكاني مستغربه ، مش فهماه أكن قدامي حد تاني غيره ! نمت وصحيت ملقتوش جمبي ، نزلت بسرعه لقيته قاعد مع باباه ف اطمنت وخدت نفسي كان لابس بدلة سودا ، كان جميل اوي ، منظم وشيك ، كاريزما وحتي شعره مترتب!! ، لا معلش رجعولي الي شعره كيرلي يلا ! _ثواني هحضرلك الفطار =هفطر في الشركه _مينفعش تخرج علي معده فاضيه كده ! =انا مش عيل صغير! ، قولت هفطر في الشركه ، سلام مشي وانا لسه متنحه ، لا لا انت بتكلم مين كده ؟ حاكم والله .. والله اعيط ها ! عملت فطار ليا ولباباه وفطرنا وطلعت انضف الأوضه ، كان فيه البوم صور ليه ، صور وهو صغير ، صور ليه مع مامته، طفل يتاكل والله ، فضلت اتفرج علي الصور وانا ببتسم ، حــ,,ـــــضنت الالبوم وانا بقول يا حظي الحلو في الدنيا !! احيه ؟ لا انا وقعت خلاص مفيش حاجه تليفون الفله رن ف نزلت رديت ، كان هو _ممكن تيجي الشركه دلوقتي ؟ =بس انا مش عارفه المكان _هبعت السواق ياخدك ، البسي لغايه ميجي =حاضر قفلت وطلعت لبست دريس رقيق وحطيت ميكب خفيف ولبست الطرحه ونزلت ، السواق جه خدني وروحت ، وقفت قدام الشركه ، كانت كبيرة اوي ، اتوترت عشان مكان جديد ليا ، دخلته لقيت معظمه بنات ، لا ومش اي بنات ، بنات جامدة جامد ! ، كانوا بيبصولي كلهم وانا ماشيه ، وصلت ل اخر الطرقه وقبل ما ادخل المكتب وقفلت وخدت نفس ورجعت بصيت ورايا ليهم وقولت بصوت عالي _ايوة أنا مراته ، مخلاص !! دخلت بعدها علي طول لقيته مع واحده جوا ، قريبين من بعض خالص ، اول مشافني بعد عنها ، كنت واقفه مصدومه مش عارفه انطق ، برمش وبس ! _احمم ، اخرجي دلوقتي يسلمي ، هبقي اراجع الورق بعدين بصتلي وخرجت وقفلت الباب ، كنت لسه واقفه مكاني ، قلبي وجعني وعيوني مدمعه _اسف علي الي شوفتيه ، اتفضلي روحت قعدت علي الكرسي الي قدام المكتب _انا عارف انك سبب قوي اني ارجع تاني لطبيعتي ، بابا حكالي كل حاجه ، ف عشان كده اتفضلي دا =اي دا ! _دا شيك بمليون ج ، تعويض لوقتك الي ضاع ، وشكر ليكي علي مجهودك =تعويض لوقتي!! _تاني حاجه بقي ، أنا مش بتاع جواز ، أنا طول عمري حر مبحبش حاجه تقيدني =بمعني ؟ _شوفي الوقت الي يناسبك عشان نطلق =تعرف يا احمد ، لا لا تعرف يا اسمك أي انت ، عشان انت مستحيل تبقي احمد ، يمكن نفس الشكل نفس كل حاجه بس الي جواك اتغير ، اتقلب ١٨٠ درجه ، مش انت احمد الي عشت معاه الي فات ، مش انت _تقدري تقوليلي أي يجبرك تتجوزيني ولي تكملي اصلا في الجوازة دي ؟ =انا محدش أجبرني اني اتجوزك ، دا كان قراري ، عشان باباك السبب بعد ربنا إن بابا يفضل شغال لغايه دلوقتي ويتثبت في وظيفه ، وبخصوص بقي أي يخليني اكمل عشان شوفت فيك انسان كويس ، يمكن يتغير ، يمكن اكون سبب عشان يبقي بني ادم _اختاري ألفاظك احسن من كده =وربي انت لسه مسمعت ألفاظ ، أنا بحد مصدومه فيك ، يا ريت فضلت زي منتا ، يا ريتك فضلت احمد بتاع زمان _.. =والشيك دا ميلزمنيش ، أنا مكنتش بعمل كده عشان الفلوس _عشان اي؟ =عشان بح.. ، بص الوقت المناسب ليك انت نطلق فيه شوفته وقولي ، وابقي اسأل باباك علي مكان بيتنا ، اكيد نسيته زي منسيت حاجات كتير مشيت من قدامه بسرعه ، كعب الجذمه انكسر زي .. قلبي !! ، خدت اوبر عشان يوصلني لبيتنا ، كنت بعيط ، بعيط وبس ، يفتكر كل الي بينا ، وكل الي قاله من شويه ، بفتكر كل حاجه ، وصلت وطلعت خبط علي البيت وماما فتحت اترميت في حــ,,ـــــضنها وفضلت اعيط _حصل أي يمريم ؟ حصل أي يحبيبتي ؟ مردتش ، مكنتش قادرة ارد ، كان وشي كله احمر ومش قادرة اخد نفسي ، قعدت علي الركنه وماما فضلت تطبطب عليا _اهدي ، اهدي يبنتي متعمليش في نفسك كده ، قومي قومي اغسلي وشك دخلت الحمام غسلت وشي ، قولت لماما مش قادرة اتكلم ودخلت اوضتي عشان انام ، انام !! دخلت وقعدت علي السرير ، كنت دافنه راسي في المخده ، أنا أول مرة اتحط في موقف زي دا ، اول مرة تصعب عليا نفسي بالشكل دا ، أول مرة احب ويارتني معملت كده نمت بعد ساعتين ، مر يوم اتنين تلاته !! ماما وبابا مكنوش بيسألوني عن حاجه ، كانوا مستنيين ابقي كويسه عشان احكي لوحدي في رابع يوم .. #السابع_والعشرون_بقلب_الثالث_عشر❤️ #مريم_سمير❤️#البارت الثامن والاخير في اليوم الرابع ، بالتحديد بليل ، الباب خبط فتحت لقيته باباه ، سلمت عليه ودخل *كده تسبينا يمريم _حقك عليا والله ، بس انا مش هعرف اكمل اكتر من كده ، احمد بقي كويس الحمد لله ، ف أنا عاوزة اتطلق *طلاق أي يبنتي استهدي بالله _صدقني دا الاحسن لينا *طب مامتك وباباكي فين ؟ _في البلكونه ، ثواني هندههم نديت لبابا وماما ، سلموا علي عمو وقعدوا °مريم مالها يحاج؟ *ولا حاجه العيال زعلانين من بعض شويه بس ، تعالي يا أخره صبري صالح مراتك ببص قدامي لقيت قدام الباب احمد ، معاه ورد وباصصلي دخلت اوضتي بسرعه من غير ولا كلمه =معلش هو ممكن ادخلها ؟ كنت سمعاه وهو بيتكلم _انا مش عاوزة اشوف حد °ادخلها يبني ادخل البيت بيتك ايدا في أي !! حب الاب يجماعه بردو =افتحي _مش فاتحه =انا نفسي افهم أي غايتك في الأبواب المقفولة _انت أي الي جابك ؟ =افتحي بقي بدل مكسره علي دماغك ، افتحي نتكلم جوا يستي في أي فتحت ورجعت مكاني وانا مربعه أيدي =وحشتيني _وبعدين؟ = لا مهو مفيش بعدين، اتوقعت انك لما تسمعيها هتقولي وانا كمان مثلا ونتصالح _وحيات خالتك !! انت كاسر مواعين بيتكم ؟ =انا بجد آسف _معتش ينفع يا احمد ، الي اتكسر كان قلبي !! ، الي وثق فيك =مهو أنا افتكرت والله ، افتكرت قد أي أنا تعبتك وقد أي انتي وقفتي جمبي ، وكنتي دايما معايا وعمرك مزهقي مني _كان ماضي ، واقولك كمان؟ أنا مش فارق معايا تفتكره ولا لا =مريم أنا .. _انا شوفتك مع السكرتيرة ، انت عمرك مهتتغير ، كنت وعدني انك هتبقي شخص تاني وانا بعبطي صدقت ! مد أيده بالورد =حقك عليا _انت فاكر يعني انك لما تجبلي ورد كده الموضوع خلص ؟ =يعني مش هترجعي البيت ؟ _انا عاوزة اتطلق =وانا مش هطلق _مش بمزاجك ، مش لعبه أنا وقت متحب تقول نطلق ولما ميجبكش مزاجك تقول لاء =انا مش هطلقك عشان مزاجي مجبنيش ، مش هطلقك عشان انتي مستاهليش مني الي عملته فيكي _مهو عشان كده الاحسن نبعد ، كل واحد يشوف حياته ، انت بقيت كويس ارجع لشغلك وحياتك وانا بردو هعمل كده =والي بينا ؟ _اعتبره حلم ، محصلش من الاول ، كابــ,,ـــــوس وفوقت منه =بس مش كابــ,,ـــــوس بالنسبالي _كان كده ليا =يعني مبتحبنيش؟ _انا قولتلك اني بحبك ؟ =قولتيلي اه _قولتها ل احمد مش ليك =وانا يعني عمر !! منا احمد _لاء مش انت ، مش انت الي حبيته وكنت مبسوطة معاه ، مش ممكن تكون انت حظي في الدنيا !! الي بيحب حد عمره ميكسره ، صعبت عليا نفسي اوي ، وكمان صعبان عليا الايام الي كنت فكراها حلوة معاك =مش هتعيطي صح؟ _لاء مين قالك اني هعيط ، امشي بقي عشان عاوزة انام =يعني مش هتروحي معايا ؟ _لاء قولت لاء =طب واي يرضيكي وانا اعمله ؟ _نتطلق =دا عند امك ماما جت °بتنادي يبني؟ =لا يطنط متحرمش ماما خرجت تاني ف رجعت بصتله _ارجوك احترم رغبتي =دا لو كانت رغبتك ، بتعملي دا عشان كرامتك لكن انتي لسه بتحبيني _انا مبحبكش ، مش بالعافيه هو !! =طب لو اتغيرت هتسامحيني؟ _والله دا شي يخصك انت ، تتغير متتغيرش أنا مليش دعوة =لا حاكم بقولك أي اسمعيني بقي ، عارف اني غلطك فيكي اوي ، بس اعذريني بردو مكنتش فاكر انتي عملتي أي ، لما افتكرت اتكسفت من نفسي اوي والله من الي عملته فيكي ، انتي طيبه اوي يمريم ، حنيه العالم في قلبك ، غيرك عمرها متوافق تتجوز واحد زيي ، بس انتي وافقتي وعالجتيني كمان ، أنا لو فضلت اشكرك مش هيكفي وبردو لو فضلت أتأسفلك مش هيكفي و.. _يبقي تريح نفسك يا احمد وتطلقني ، أنا معنديش كلام تاني اقوله بصلي بحزن =يعني دا اخر كلام عندك؟ _ايوة =تمم يمريم الي تشوفيه جه يمشي وقفته _احمد =نعم قلعت الدبله _معتش عوزاها ، معتش ليه لازمه افضل لبساها في خدها معاك بص ل أيدي ورجع بصلي وخدها ومشي انا مش عارفه أنا جبت الشجاعه دي كلها منين !! عمري مكنت اتخيل ان قلبي يبقي رافض يسمعه بالشكل دا ، عقلي هو الي كان شغال ، كان بيقولي لاء ، انتي مش فاكرة عمل اي؟ اوعي ترجعي ، اوعي يمريم ، سمعت كلام عقلي ل اول مرة ، وسط عياط قلبي وجبروت الي حاسه بيه دلوقتي!! قفلت الاوضه عليا ، مش عاوزة اكلم حد ، حتي اهلي !! بصيت شخص ساكت بعد مكنت مش ببطل كلام !! رجعت ل حياتي الطبيعيه بس الفرق الوحيد مكنتش نسختي القديمه ، كنت واحده تانيه أنا معرفهاش !! رجعت بيتي ، كتاباتي ، حياتي الروتينية ، قهوتي الي بشربها كل يوم ، ذكرياتي معاه الي بتخليني اعيط ، كان بيوحشني ، بيوحشني جامد .. انا معتش هعرف احب غيره ، معتش فيه قلب اصلا عشان يحاول يحب تاني بابا رن عليا *أيوة يبنتي ، بقولك فيه ورق مهم علي المكتب عاوزك تجبيه وتيجي حالا _بابا دي ورقه ! *دي ممكن توديني في داهيه دي _لا يحبيبي بعد الشر ، جايه حالا قفلت واستوعبت أنها شركه احمد ! ، لبست بسرعه وركبت تاكسي ، وصلت ودخلت مكتب بابا ملقتوش !! جيت ارجع لقيت الباب بيتقفل وواقف قدامه احمد _اهلا ، دا الشركه نورت =اهلا ، بابا فين ؟ _حمايا يعني؟ في الحسابات =ماشي ، ابعد عن طريقي عشان اديله الورقه دي عشان امشي _تمشي أي يعسل ، اقعدي =مش قاعده _بقولك اقعدي وأمور القسوة دي متكلش معايا =عاوز اي يا احمد ؟ _مش ملاحظه إن الشركه بقت كلها رجاله؟ =.. _لاحظتي اكيد ، معتش بنات اهو ، والله يمريم قطعت علاقتي بكل الي اعرفهم و.. =انت بتقولي الكلام دا لي ؟ _عشان اتغيرت بسببك ، بطلي تظهري ب انك مش فارق معاكي ، انتي مكنتيش كده =انت خلتني كده _حقك عليا والله ، اوعدك مش هزعلك تاني ابدا =.. _والله البيت ملهوش حس من غيرك ، بيت هادي اوي =.. _بقالي اسبوع بحتايل عليكي ، بكلمك فوق الخمسين مرة ومش بتردي ، هو في أي يما انتوا اشترتونا ولا اي =.. _عشان خاطري متزعليش مني ، أنا بحبك =ايي؟ _بحبك اوي والله ، عمري محبيت غيرك ولا عاوز غيرك يفضل جمبي ، حياتي من غيرك ملهاش لازمه ، عشان خاطري ارجعي فيها ، ارجعي نهزر ونحكي ونتكلم زي زمان ، رجعيلي البنت الي بحبها كده معلش ! =.. _يستي ميبقاش قلبك اسود بقي =اقف مكانك ! _مالك احلويتي لي؟ هو الزعل بيحلي كده ؟ =متقربليش بدل مصوت _والله والله كمان مرة وحشتيني جيت اصوت عشان كان قريب مني اوي حط أيده علي بوقي وبص في عنيا =اهو لحظه رومانسيه من الي بنشوفها في الأفلام والله أنا ما حارمك من حاجه حــ,,ـــــضني ولف ليا _نزلني نزلني بقولك !! نزلت وبصلي بزعل =انتي لسه زعلانه ؟ _احــ,,ـــــضني ولف بيا تاني بقي حــ,,ـــــضني جامد ف عيطت ، كان وحشني اوي ، ووحشني حــ,,ـــــضنه ، مش مصدقه إن التغيير دا كله حصل في اسبوع !! والله عرفت أربي طلع من جيبه الدبله ولبسهالي =معتش تتقلع ، كلمه طلقني لو قولتيها تاني هقطع لسانك _انت خدت عليا اوي =طب بقولك مفيش حاجه كده بمناسبه الصلح ؟ _حاكم انت قليل الادب =انا متربتش اصلا الباب اتفتح *مريم جبتي الورقه ؟ =يخربيت ام دي ورقه يعمي ، دا وقته بذمتك ؟ #السابع_والعشرون_بقلب_الثالث_عشر ❤️ #مريم_سمير❤️

مقالات ذات صلة

بقلم شيماء فرج 2

حكايه عزام

خدعت عمده الصعيد

احببته سندا لي فاطمه

اترك تعليقاً إلغاء الرد