نجله

**************************************
مرت ثلاث اشهر على عمل آية بالحضانة وما ان تسلمت العمل بحضانة سندس حتى شعرت نحوها بالمحبة والراحة لما لمسته منها من طيبة وحسن خلق فهى تماما كشقيقتها سما والتى كانت آية تحبها كثيرا وكذلك سندس فهى وجدت فيها الصديقة والاخت على الرغم من معرفتهم القصيرة الا انها شعرت نحواها بالمحبة وقد سمحت لها باصطحاب آسيا معها لكى تطمن عليها فاريج كانت قد التحقت بمدرسة قريبة من المنزل ، وقد احبت سندس آسيا كثير فهى تتحدث بتلقائية محببة ومع وجود آية وآسيا تحسنت الحالة المزاجية والنفسية الخاصة بملك فهى كانت عنيدة وعدوانية وذلك لحرمانها من والدتها بسن صغير وعلى

الرغم من ان الجميع حاولوا ان يعوضوها غياب والدتها عنها لكن لا احد يستطيع تعويض حنان الام وعلى الرغم من ان سندس كانت تحاول ان تعوضها لكنها كانت تمتلك من العند الكثير ولم يستطع احد السيطرة على ذاك العناد الا آية فملك متشابهه فى تصرفاتها لآسيا فهى ايضا كانت تعنى حرمانها من عطف الاب عليها للاسف مجدى كان لا يعيرها اهتماما بل كل ما كانت تراه منه هو النهر والغضــ,,ـب عليهم وعلى والدتهم لذلك آية كانت تحاول اصلاح سلوكهم على فطرتها كام فكانت تغدق عليهم من حنانها ما جعلهم شديدي التعلق بها وببعضهم كانهما اختان تؤام اما اريج فكانت عندما تاتى

الى الحضانة مع والدتها فى ايام الاجازات كانت تهتم بملك وآسيا وتحتويهم فهى على الرغم من صغر سنها تمتلك عاطفة امومة اكتسبتها من حنان آية فكانت تلعب معهم وتحيطهم بالاهتمام وقد لاحظ الجميع بمنزل الاستاذ عادل تغير ملك وتحسين حالتها
وبيوم الجمعة بمنزل الاستاذ عادل وكما هو معتاد كان الجميع متواجد فهو يوم التجمع الاسبوعي للعائلة فكان متواجد سندس وزوجها وابنائها التؤام كريم وادم فهم فى نفس عمر ادهم تقريبا ومعه بالمدرسة كذلك اخت الاستاذ عادل سميرة وابنتها سمر التى لا تترك فرصة حتى تتقرب من عمر على امل ان يتزوج بها فهى ووالدتها يروا انهم احق بما يملكه عادل

وعمر عن غيرهم للاسف لا يحركهم الا الطمع بالمال والمركز الاجتماعى وبعد ان تناولوا الغذاء اقترحت فريدة زوجة عادل ان يتناولوا القهوة بالحديقة لكى يلعب الاطفال امامهم فسالت فريدة سندس باستفسار
-سندس انتى مش ملاحظة ان ملك اتغيرت كتير لترد بمحبة وود
-فعلا يا طنط من يوم ما آية اشتغلت فى الحضانة ومع وجود آسيا بنتها كمان ملك اتغيرت كتير انتى متعرفيش يا طنط بتحبها ازى وحنينة عليها اد ايه بتعملها زى آسيا واحسن كمان الصراحة آية فعلا آية وكل اللى فى الحضانة من مدرسات واطفال حتى اولياء الامور كمان بيحبوها جدا والصراحة هى ليها فضل كبير فى تغير

حالة ملك
-والله يا بنتى انا بحب البنت دى اوى حظها قليل بس اكيد ربنا هيبعت ليها الخير علشان هى طيبة ليرد عادل بتاكيد
-فعلا يا فريدة آية طيبة وربنا اكيد هيعوضها كفاية انها خلت ملك احسن واهدء من الاول كتير
-تعرف يا عمى ان ملك وآسيا بيبقى فى مشكلة كل يوم علشان يسيبوا بعض ويمشوا وتقريبا اللى عرفته من آية انهم بيكلموا بعض طول الوقت فى البيت لترد فريدة بتاكيد
-فعلا يا عادل انت عارف مستولية على التاب بتاع ادهم وتقعد تتكلم معاها فيديو كول
ليضحك الجميع على افعال ملك وهم يشعرون بالسعادة على تحسنها

لتاتى مسرعة وهى تنادى على جدتها
-نانا بليز عايزة اكلم آسيا اطلبيها ليا لتقوم فريدة بذلك ويشاهدون الفتاة وهى تحــ,,ـادث آسيا واريج وآية وكم السعادة التى هى فيها كل هذا يحدث وعمر ينظر لابنته ويستمع لكل الحديث اما سمر فقد شعرت بالغيرة وخطورة ان يمدح الجميع فى آية وبناتها لتتحدث لتنهى هذا الحوار ولتحقر من عملها
-خلاص بقى يا جــ,,ـماعة انتم مكبرين الموضوع ليه كده وحدة وشافت شغلها اللى بتقــ,,ـبض عليه فلوس ايه يعنى معملتش معجزة بليز نتكلم على اي حاجة تانية مهمة
لتؤكد على كلامها والدتها
-ايوة فعلا يا جــ,,ـماعة ثم تنظر لعمر مالك يا حبيبي

ساكت ليه ها مش ناوى تفرحنا بيك ولا ايه
لتنظر لها فريدة بعتاب وتهمس لها
-سميرة انتى بتقولي ايه مش تراعي وجود سندس
-جرى ايه يا فريدة ما سما الله يرحمها مــ,,ـاتت من سنتين وبعدين ما سما بردوا بنت اخويا وزعلانة عليها زى ما انا زعلانة على ابنك اللى هيضيع شبابه
-خلاص يا سميرة اقفلى على الموضوع ده كل واحد بياخد نصيبه
كانت سندس تسمع حديثهم ولم تكن تعيره انتباه فهى تعلم عمتها ونواياها بداخل قلبها يوجد حزن على فقدان اختها لكنها مؤمنة وتعلم ان الحياة ستستمر
وان عمر من حقه ان يكمل حياته لكن

تتمنى ان يجد الانسانة المناسبة له والتى تكون ام حنون لاولاده لياتى على خاطرها آية فجاة لتبتسم وتصمت فهى تخشى من محاولات عمتها وبنتها لايقاع بعمر

**************************************
بعد انتهاء اجازة نهاية الاسبوع طلبت ملك من عمر ان يصلها الى الحضانة فهى متحمسة بقوة لمقابلة آسيا وميس آية فكانت تلح على والدها ان يسرع
-يلا يا بابي علشان مش اتاخر على آسيا وميس آية
-حاضر يا قلبي للدرجة دى مستعجلة اوى خلاص احنا قربنا نوصل
-ايوة يا بابي انا بحبهم اوى وكمان اريج
وبعد قليل يصلوا الى الحضانة وما ان شاهدت ملك آسيا وآية قد وصلا هما ايضا فى نفس الوقت حتى هللت وظلت تنادى عليهم فنظرا لها وابتسما فهما يعشــ,,ـقان ملك كثيرا لينزل عمر ايضا يلقى عليهم التحية
-صباح الخير ازيك

يا ميس آية اخبارك ايه وانتى يا قمر عاملة ايه كان يتحدث وهو يلعب بشعر آسيا
-الحمد لله يا استاذ عمر انا بخير الحمد لله لتمسك ملك يدها لتنبها لها فتحملها آية بحنان وتقبلها
-وحشتينى مس آية
-وانتى كمان يا حبيبتى مع اننا على طول على الفون بس وحشتينى يا قلبي وآسيا كمان انتى وحشتيها
لترد آسيا بلماضتها المعتادة
-انا كويسة يا عمو عمر وانت عامل ايه ليضحك على طريقة كلمها ثم يحملها هى الاخرى ويقبلها لتحدثه
-عيب يا عمو ماما بتقول مفيش حد يبوس آسيا الا بابا او جدو وانت مش جدو ولا بابا

واصلا بابا مش كان لا بيحضونى ولا يبوسنى جدو بس
ليحزن عمر على تلك الطفلة التى لم ترتوى من عطف ابيها ثم تتحدث آية
-معلش يا استاذ عمر بس انا بخاف عليهم وانا الاب والام فلازم كنت انبهم
-لا متقوليش كدة انتى صح يا ميس آية ربنا يباركلك فيهم ثم ينزلا الطفلتين لتقوم ملك باحتضان آسيا ثم تاخذ بيدها ليدخلا الى الحضانة ليتحدث عمر بعرفان
-شكرا يا ميس اية جدا
-حضرتك بتشكرنى على ايه
-على معاملتك لملك وعلى انها اتغيرت كتير من يوم ما انتى والبنات دخلتوا حياتها
-والله يا استاذ عمر انا بعتبر

ملك زى اريج وآسيا وحضرتك عارف انا كنت لحب مدام سما اد ايه
-وهى كمان كانت بتحبك جدا طيب انتى محتاجة حاجة
-لا شكرا يا استاذ عمر عن اذن حضرتك لتدخل الحضانة وهو يتحرك ويدخل سيارته ليظل بها قليلا ينظر اليها والطفلتين يجريان اليها كذلك اطفال ينادون عليها بسعادة وهي تقف تسلم عليهم جميعا وتقبلهم تبدو كزهرة متفتحة وسط ازهار صغيرة تحنو عليهم وتمنحهم الحب والعطف ليبتسم ثم يغادر فى تلك الاثناء كانت سندس فى نافذة مكتبها والذى يطل على الحديقة وبوابة الحضانة وكانت تشاهد كل ما يحدث وكيف كان شكل عمر وآية ومعهم البنتين كأنهم اسرة سعيدة لتعقد

العزم على انها يجب ان تتكلم مع زوجة عمها حتى لا تجد عمتها وابنتها اوقعا عمر فى فخهم فهم لن يكونوا امناء على ابناء سما ولكن آية وعلى الرغم ان معرفتها لها لم تتعدى بضعة اشهر لكنها تتوسم فيها الخير وخصوصا من طريقة معاملتها لملك والاطفال في الحضانة فالاطفال لديهم حاسة ناحية من يحبونهم بصدق
لتعود من شرودها على صوت طرقات على باب مكتبها وعندما سمحت بدخول الطارق كانت آية فرحبت بها
-صباح الورد يا آية عاملة ايه
-الحمد لله يا ميس سندس كنت عايزة اخد رايك حضرتك فى حاجة
-اتفضلي حبيبتى
-كنت بفكر اكمل دراستى

انا كنت طلعة سنة تانية وبابا الله يكرمه كان بيقدم ليا اعتذارات فكنت بسال هل ينفع ان حضرتك تسمحي ليا انى استاذن اروح اسال على المطلوب علشان اقدر اكمل
-حبيبتى دى حاجة تفرحنى اكيد طبعا وكمان يا ستى لو فى يوم عندك محاضرات مهمة ولا حاجة مفيش مشكلة انك تاخدى اجازة
-مش عارفة اشكرك ازى بجد انتى انسانة جميلة يا بخت كل حبايبك بيكى ياما اتمنت ان يكون ليا اخت حنينة زي حضرتك
-وليه تتمني ما انا اختك حبيبتى ويا ريت تعتبرينى اختك
-ياه وانا اطول دا انتى غالية اوى عالية واحلى اخت فى الدنيا
-طب

يلا علشان متتاخريش واعملى حسابك اننا عندنا عيد ميلاد ملك اخر الاسبوع وهنعمل حفلة ليها مع اصحبها فى الحضانة وكمان انتى وعمو عبده وماما والبنات معزومين فى الحفلة اللى هنعملها فى البيت يوم الجمعة
-كل سنة وهى طيبة خلاص هنجهز لها احلى حفلة فى الحضانة بس اعذرينى يوم الجمعة
-ليه بقى دا انا معتمدة عليكى تساعدينى فى تجهيز الحفلة
-اصل اصل يوم الجمعة كنت وعدت آسيا واريج نروح الملاهى اصل بكرة عيد ميلاد آسيا وانا قولت ليها نحتفل يوم الاجازة
-لا بقى كدة عيد الميلاد هيكون اتنين هنحتفل بعيد ميلاد آسيا وملك وخلى الملاهى الاسبوع الجاى وانا

كمان والاولاد هكون معاكم ايه رايك
-بجد مش عارفة اشكرك ازى على جبرك بخاطر بنتى شكرا جدا
-وبعدين هو فى بين الاخوات شكر وبعدين آسيا بنت اختى زى ملك بالضبط وهما الاتنين هيكونوا مبسوطين وهما بيحتفلوا بعيد ميلادهم مع بعض يلا خلصى حالك واوراقك علشان نبقى فاضين للاميرتين ورانا حاجات كتير علشان الحفلتين
-حاضر يا ميس سندس عن اذنك
لتنصرف آية وهي سعيدة بجبر ربنا لها ولبناتها فكل من حولهم يحنو عليهم ومَن المفروض ان يقوم بذلك لم يروا منه الا القسوة والخذلان
اما سندس فقد عقدت العزم على ما تنتوى اليه وستكون الحفلة هى الخطوة

الاولى لكى يتم ما تتمناه

لبارت الرابع
**********
بالفعل حدثت سندس فريدة عن ما جال بخاطرها وكان لفريدة بعض التخوف بسبب الحالة الصحية لآية لكن سندس اوضحت لها ان الاعمار بيد الله وحده فسما كانت بكامل صحتها لكن مشيئة الله ان تلقى حتفها فى حــ,,ـادث لتوافقها فريدة الرأي فهى ترى آية انسانة مهذبة وطيبة وام حنون وانها ستكون العوض لاحفادها عن والدتهم كذلك عمر سيكون العوض لبناتها عن ابيهم فقررتا ان يحدثا عمر بعد الحفلة ويحاولا اقناعه لانهم يخشيان من سميرة وابنتها وتخشى ان تحاول ان توقع عمر بشباكها على الرغم من انه يرفض الزواج لكنها لاتضمن تخطيطهم سيصل بيهم الى اين اما بالنسبة

لآية فهى ستقنعها بسبب تعلق ابنائه بآية ففى بعض الاحيان كان يذهب ادهم مع ابناء خالته الى الحضانة وتعامل مع آية كما انه كان يعرفها فقد كان يزورها مع والدته وهو يحبها لانها حنونة
اما مجدي ودلال لازال مجدى يدور فى فلك دلال ولا يفكر الا فى نفسه ومتعته ونعمة ازداد غضــ,,ـبها وسخطها عليه خصوصا وانه لم يحاول ان يزورها او يعتذر منها عن ما بدرا من زوجته وخطئها فى حقها
اتى يوم الحفل بالمنزل وقد اتت آية وبناتها منذ الظهيرة لكي تساعد سندس فى اعدادات الحفل لقد جلب عمر منظمين للحفل وكانت آية وسندس يقوما بمساعدتهم كلما تطلب

ذلك وفى بعض الاحيان يذهبان الى البنات لتحضيرهم للحفل فقد اختارت كل فتاة زى اميرة من اميرات ديزنى آسيا اختارت فروزين اما ملك فاختارت روبانزل فكانتا جميلات فعلا وبالفعل الحفل بدء وكان الاطفال فى غاية السعادة كذلك الكبار وحضر كل من والد و والدة آية و الكل سعيدا بتلك الضحكات التى يطلقها الصغار وكانت فريدة تراقب تعامل آية مع احفادها كذلك عمر مع بناتها فبعد تلك الكلمــ,,ـات التى نطقت بها آسيا والتى لمست قلبه وجعلته يشعر بالعطف على تلك الطفلة واختها فكم من اباء لم يستحقوا تلك الصفة وللاسف والدهم من هولاء الاباء لذلك حاول ان يعوضهم ذلك العطف كلما رأئهم

او قابلهم ردا لجميل آية مع اولاده هذا ما كان يعتقد ولم تخلو الحفل من بعض مضايقات من سميرة وسمر لآية وللتقليل من عملها كما ان سمر تعمدت اكثر من مرة ان تقلل من شأنها وتعاملها كاحد العاملين بالمنزل لولا وقوف سندس وفريدة لها لقامت بكسر خاطر تلك المسكيــ,,ـنة
انتهت الحفل والجميع ذهب لكن ملك اصرت على ان آسيا واريج ان يظلوا معها ومع رفض آية واستعطاف البنات لها فلقد تعلقوا ببعض كثيرا رضخت اخيرا تحت سحر تلك الجنيات الصغيرات واللاتى لا تستطيع ان ترى نظرة حزن بعيونهم وكل هذا كان يحدث تحت نظر عمر وفريدة وبالفعل هذا جعل فريدة

تصر على ان تحدث عمر الليلة وبعد بعض الوقت تطرق عليه باب غرفته
-اتفضلى يا ملك مش اصحابك بيتين معاكى افتكرتينى ليه بقى
-دا انا يا عمر مش ملك
-اتفضلى يا امى فيه حاجة الاولاد بخير
-ايوة ياحبيبي بخير وزى الفل كمان كلهم مبسوطين الحمد لله انا اللى كنت عايزة اكلمك فى موضوع كده
-خير يا أمي
لتاخذ نفسا عميقا تحاول ان تستجمع الكلمــ,,ـات التى تبدا بها والتى تستطيع ان تقنع بها ابنها بما تريد
-كنت عايزة اسال ايه رأيك فى آية بنت عبد المحسن
-من ناحية ايه بالضبط
– عموما

-والله آية انسانة كويسة ومحترمة وكفاية جميلها اللى فى رقبتى فرحة بنتى واني اشوفها بالراحة والسعادة دى بالدنيا ومافيها انتى عارفة يا ماما ان ملك ليها مكانة خاصة عندى كفاية انها اتحرمت من امها من وهى صغيرة ثم ينظر الى صورة سما
-الله يرحمها يا حبيبي ثم يستكمل حديثه
-غير كمان ان سما كانت بتعزها اوى ودايما تشكر فيها وفى ادبها وحنيتها على ادهم لما كانت تروح تزورهم
-فعلا يا عمر آية حنينة اوى على الاولاد دول حتى ولاد سندس بيمـ,ـوتوا فيها ليبتسم عمر ويشرد قليلا يتذكرها وسط الاطفال بالحضانة
-فعلا يا ماما دول كل الاطفال فى

الحضانة ببحبوها اوى وبيفضلوا يجروا عليها ويحضـ,,ـنوها لتشعر فريدة ان مهمتها ستكون سهلة وخصوصا انها شعرت ان آية لفتة نظر عمر وخصوصا حنيتها
-بصراحة بقى يا عمر وبدون لف ودوران انا وسندس كانا شايفين يعنى ان اولادك محتاجين لام طبعا محدش هيكون زى سما بس هما محتاجين لحد يرعاهم وياخد باله منهم وفى نفس الوقت تحبهم ويحبوها وطبعا مفيش حد مناسب زى آية
-ايه يا امى الكلام ده وبعدين ازى سندس تفكر فى كده ايه نيسيت اختها
-لا يا عمر لا عمرنا نسينا ولا هننسى سما بس ولادك محتاجين فعلا لام انا ان كنت موجودة النهاردة مين عالم

هكون موجودة بكرة ولا لا