في محطه القطر..
بيقف القطر وبينزل من كرم..
كرم: بلد جديده وكبيرة يا تري هاتحققيلي منايا ..
نزل كرم من القطر …ومشي
الدنيا زحمه جدا وهوا مش عارف حاجه في البلد .
مشي شويه راح الموقف …
السواق : رايح فين يا استاذ
كرم: انا عاوز اروح الزمالك ..
السواق شاور ليه علي عربيه..
كرم راح ركب ..
كرم بتفكير: جايلك يا قمر …اتوحشتك ياتري هاتحسي بيا امتي .
……………………
في المستشفي..
يونس قاعد الدكتور بيغيرله علي ايده
الدكتور: الحمد لله انها جت علي قد كده
يونس: الحمد لله ده انفجار ربنا سترها
خلصله الدكتور وراح يطمن علي الشاب …
دخل الاوضه …
يونس: ها عامل ايه يا عريس
..الحمد لله
يونس: تستاهل الحمد
..انت ازاي كده يا باشا
يونس:
كده ازاي يعني
..يعني من بعيد باين قاسي وتخوف بس انت غير كده خالص
يونس: انا ازاي بقا
..يعني حنين وطيب وجدع
يونس: بص يا محمد كل واحد بيشوف الناس زي ما هوا عايز يشوفهم لو عايز تشوفني كويس وطيب هاتشوفني لو عايز تشوفني قاسي وبخوف هاتشوفني كده برده طيب انا عملت معاك حاجه بينتلك اني قاسي وبخوف
..الصراحه لأ ..
يونس: حمد الله علي السلامه يا محمد
..الله يسلمك يا باشا
………………
في احد المحلات..
روح طلعت لابسه بلوزه كت علي بنطلون..
روح: ها ايه رايك
ياسمين: دا عاشر طقم يا بنتي
روح: اخر واحد اخر واحد
ياسمين: كنتي بتقولي كده من اربعه فاتوا
روح: ها ايك رايك عشان لسه الشوز
ياسمين: انا اللي جبته لنفسي
استوب …
ياسمين صاحبه روح جدا بس ميرا كانت الانتيم وكانت روح بتحبها جدا بس صداقه العمر انتهت بموقف
……………………….
في مستشفي ..
كريمه علي الترول …
كريمه ببكاء: انا خايفه اوي يا خيتي
صفاء:
ما تخافيش يا خيتي ماتخافيش ان شاء الله هاتبقي كويسه
دخلت اوضه العمليات وهيا خايفه وبتعيط ..
فعلا من اعمالكم سلط عليكم..
……………………..
طلع يونس من المستشفي راح السكن بتاعه
اترمي علي السرير …
حط ايده ورا دماغه
جت صورتها في باله ..
ابتسم بتلقائيه ..
يونس: وحشتك العصبيه وحرق الدم ولا ايه يا نمر جرا ايه يا قلبي هاتنخ ولا ايه وحتي ان نخيت ما خلاص كل حاجه خلصت ..
عقله: ايوه كده احسن
قلبه: بس ممكن تصحح اللي حوصل والميه ترجع لمجاريها
يونس:
لا اله الا الله محمد رسول الله
وكانه بيوقف عقله عن التفكير وبيقول لقلبه اهدي وماتمشيش ورا اللي هايجـ,ـرحك ..
اصعب حاجه انك تعيش في صراع ما بين قلبك وعقلك بتبقي بين نارين قلبك ليه قرار وعقلك ليه قرار تاني وانت حيران مابينهم …
…………………………
كرم كان واقف في شقه راقيه ..
كرم : بس كده غالي قوي
@ انت جاي تأجر شقه في حي الزمالك اللي من ارقي احياء القاهره وبتقول غالي ..
كرم:
بس كده كتير اكرمني شويه
@ اللي عندي قلته احنا مش بنفاصل يا ابن الحلال وفي كتير يتمنوها سلام ما تعطلنيش .
كرم: خلاص موافق استهدي بالله ..
بيطلع العقد وكرم بيمضي عليه..
كرم بتفكير: كله عشانك يا قمري ..يتبع
صحيت روح من النوم لبست بنطلون جلد وبلوزة بيضاء فوقه مستعدة لاول يوم في الكليه التيرم التاني
بصت لنفسها في المرايه بغرور رفعت شعرها لفوق ونزلت خصلتين من الجنوب ولبست نضارتها وخرجت
نزلت لقت ابوها قاعد علي السفرة
روح: صباح الفل يا احلي بابا
بدر: صباح العسل ..اقعدي افطري يلا
روح: حاضر..
قعدت روح كلت وقامت بسرعه ..
بدر: ماكلتيش ليه
روح: عشان افضل رشيقه زي ما انا
بدر: رشيقه مين دي انتي بطايه
روح: بابا لوسمحت بطايه ايه هوا انا تخنت
بدر: بطايه دي يعني عسل وقشطه
روح:
الظاهر الفترة اللي قعدتها في الصعيد قصرت عليك ياوالدي انت رايح الشغل ولا ايه
بدر: اه كفايه اجازة لحد هنا انا رايح كتر خير خالد اوي لكده
روح: ماشي سلام يابابتي
باسته …
بدر: طب تعالي بقا لما ابـ,ـوسك
روح: لأ بلاش بلاش اااااه ..
بدر: هههههههه
روح: لازم العض يعني يابابا انا كبرت علي فكرة
بدر: مش عليا يابت
روح: حاضر ..اتأخرت ياسمين ملطوعه بقالها فتره
بدر: خلي بالك من نفسك وماتنسيش احنا اتفقنا علي ايه ..
روح:
حاضر
خرجت روح من الفيلا وهيا راكبه العربيه بتاعتها ومشغله مليونير مليونير بكره هابقي مليونير
وبتحرك دماغها وايدها مع الاغنيه. .
بتخرج من بوابه الفيلا بتقابلها عربيه سودا علي الطريق واللي جواها بيشوفها وبيركز معاها وبيبتسم ..
بيدخل الفيلا وبينزل من العربيه بطلته وبهيبته. .
بيرن الجرس..بتفتحله الخدامه..
.. بدر بيه موجود
الخدامه: مين حضرتك ؟!
..النمر..يونس شاكر النمر
الخدامه: اتفضل لما اندهولك
دخل يونس وقعد ..
بدر اجي…
يونس: عمي ..
بدر بيحـ,ـضنه ..
يونس: ازيك يا عمي عامل ايه
بدر:
انا كويس الحمد لله اقعد..
يونس: انا اسف يا عمي علي اللي حصل
بدر: اسف علي ايه يا يونس ما كنا متفقين علي كده
يونس: بس كان صعب عليا اوي يا عمي اني اجـ,ـرحك ..
بدر: ما كانش قدامي غير كده كنت عارف انها هتفضل تعاند فيك ومش هاتقبل وهاتعمل المستحيل اننا نرجع انا اتسرعت بردة
يونس: بس كده احنا استفدنا ايه يا عمي
بدر: اقولك استفدنا ايه ..استفدنا انها دلوقتي وعدتني انها تنسي روح القديمه وتفكر في مستقبلها وطلعناها من اللي كانت فيه ..
يونس: قصدك يوسف ..
بدر:
ايوه ..يوسف خلاها تكره الدنيا وتنطوي بس انت رجعتها لشقاوتها و جنانها وضحكتها اللي مابتفرقهاش ونسيتها يوسف.
يونس: بس هايفضل قدامها بردة .
بدر: بس دلوقتي غير..
يونس: طب واللي جاي يا عمي خلصت علي كده
بدر: ههههههه ولسه اللي جاي تقيل
يونس: مش فاهم اعمل ايه ؟!
بدر: بص يا بني اللي فات انا كنت عايزك ترجعلي روح القويه اللي مافيش حاجه تكسـ,ـرها ودا اللي حصل اللي جاي انت اللي تحدده وتعمله هل انت بتحبها وتقدر تصونها وتتحمل جنانها وعصبيتها ولا لأ
………………………..
في الطريق..
روح وقفت لياسمين..
ياسمين: كل ده لطعاني يوم عربيتي عطلت وجيت معاكي تلطعيني كده..
روح: معلش يا حب ..اركبي يلا .
ركبت ياسمين مع روح …
روح بتغني مع الاغنيه ..
ياسمين: وطي الصوت شويه ارجوكي
روح: حاضر
ياسمين: الحمد لله اخيرا بس كويس انك رجعتي لطبيعتك
روح: مافيش حاجه تستاهل انك تتغيري عشانها ..
روح ركنت العربيه ونزلت منها ودخلت الكليه الكل كان بيبصلها علي جمالها ورقتها …
دخلت علي الكافتيريا لقت شلتها قاعده كلهم سلموا عليها ..
* وحشتيني يابنت الايه
روح:
انتي اكتر كلكم عاملين ايه واحشني اوي ..
ياسمين: مش روح راحت الصعيد يا شباب
..ايه ده بجد
* احكيلنا يا بنتي عملتي ايه والمكان هناك عامل ايه
..اكيد مقرف
روح: بصوا هوا في البدايه كنت متعقده جدا من المكان وكده بس اكتشفت ان المكان ناسه اللي بتحليه الناس هناك طيبين جدا ويتحبوا الجو كان مش زي هنا زحمه وكده هناك تصحي علي صوت العصافير ومنظر الخضرة
..وتنام علي صوت الضفاديع صح
ياسمين: ايه الرخامه دي
روح:
بصوا انتم مش هتفهموا يبقوا اسكتوا حد جاب جدول المحاضرات
* ايه ده بجد هاتحضري
روح: ايوه هاحضر انا عايزة انجح السنه دي
..انتي اتغيرتي اوي
روح: اكتشفت ان حياتي مش ليها هدف ..
ميرا: وعايزة هدف ليه ما انت عندك كل حاجه
بيبصوا عليها..
ياسمين: عايزة ايه يا ميرا
روح: بس يا ياسمين دي ميرا دي صاحبتنا
ميرا قعدت والكل متضايق من وجودها …
ميرا: وحشتيني اوي يا روح
ياسمين: واللهي
ميرا:
ايه روح القطه كلت لسانك ولا ايه …
يونس كان واقف بيتفرج عليها من بعيد لقاها بتجري عليه وفرحانه..
ابتسم وتلقائيا فتح اديه ..
هيا بتجري وفاتحه ايدها ..عدت من جمبه وحضـ,ـنت شاب
اتفاجئ يونس ..
روح بفرحه: اهلااا
لقت شاب واقف وفاتح ايده …
بتجري عليه
كان يونس وصل واتفاجئ انها بتجري عليه ومبسوطه فتح
دخلت في حضـ,ـنه بسرعه …
روح: خالد وحشتني اوي اوي
خالد :
حبيبتي انتي اكتر
يونس كور ايده بعصبيه وكالعاده كان رايح يجيبها من شعرها …
مشت هيا وخالد وهوا كان استوعب اللي حصل ..خرج بره الكليه وركب عربيته …
يونس بعصبيه: مستني منها ايه يعني ها ..مستني ايه ..عايز تجيبها من شعرها وتحـ,ـضنها وتقولها انك بتاعتي انا وبس صح لأ انسي يا نمر …انت عايز واحدة تكون ماحبتش قبلك تكون اول راجل في حياتها تملك قلبها وروحها مش جسمها ..
ركب عربيته ومشي ..
تررن تررن …تليفونه بيرن.
يونس :
ايوه يا فندم اه انا استأذنت يوم يا فندم تمام بكره ان شاء الله ..بس عايزين دعم المجموعه اكترها مصاب ..تمام يافندم في رعايه الله
قفل التليفون … يونس بتفكير: كانك جاي تتوجع وتمشي فووق انت النمر اللي ما هايهدهوش حاجه واصل ..تتوجع ليه ؟!
…………………….
في المستشفي…
صفاء: يعني ايه يا دكتور ماعندكوش امكانيات هاتسيبوا البت تمـ,ـوت
الدكتور: للاسف انا بقولك لمصلحه اختك خديها مستشفي في مصر حالة رجليها صعبه ولو فضلت اكده ممكن توصل لاقدر الله للبتر
صفاء: يامري ..بتر ..
الدكتور: ياريت تنقلوها في اسرع وقت
……………….
في الكليه…
خالد قعد مع روح وميرا قاعده ..
خالد ميل علي روح: ايه اللي جابها دي
روح: جايه تحرق دمي يا باشا
خالد: طب ايه رايك احنا نحرق دمها معايا يا صاحبي
روح: معاك يا صاحبي
خالد: ميرا .
ميرا باعجاب واضح: ايوه يا خالد
خالد: عرفت انك اتضحك عليكي
ميرا: ايه ؟!
خالد: قصدي ان حسام سابك بعد يا حبه عيني ما حبتيه
ميرا بغضب: حسام مين اللي يسبني ده انا اللي سبته
خالد: غريبه يعني مش ده اللي بيقولوا عليكي
ميرا: هوا بيقول ايه
خالد: بيقول انك كنتي بتجري وراه عشان فلوسه ولما اخد اللي هوا عاوزه ماعدش ليكي لازمه ورماكي ..
ميرا قامت بعصبيه : انت بتقول ايه انا ماسمحلكش ..
خبطت ايدها بعصبيه في الكبايات العصير وقع علي هدومها..صوتت وطلعت تجري علي الحمام بعصبيه
روح:
ههههه ..زودتها اوي يا خالد
خالد: دي بت سئيله تستاهل انا عارف كنتي مصاحباها ازاي ..
روح: قدري ..
…………………
في شركه النمر..
بدر: ازاي يا يونس
يونس: ارجوك يا عمي توافق
بدر: ماقدرش اجبرها تاني تروح الصعيد شوفت عملت فيك ايه اول مرة عايزينا نعيد ده تاني قولتلك ميه مرة بنتي تاخد احسن ما عندها بالحنيه مش بالعصبيه
يونس: طيب يا عمي فكر بس ما تاخدش قرار دلوقتي
بدر: اللي فيه الخير يقدمه ربنا
يونس: انا ماشي استأذنت 24 ساعه وراجع تاني
بدر: بالسلامه خلي بالك من نفسك ..
………………………
في مدرج الجامعه ..
يا انسه ..يا انسه
روح فاتحه بوقها ومش فاهمه اي حاجه
روح قامت وقفت: ايوه يا دكتور
الدكتور: فهمتي حاجه
روح: عاوز الحق ولا ابن عمه
الدكتور بضحك: الحق
روح: مش فاهمه اي حاجه خالص
الدكتور: طب اتفضلي اقعدي …
روح قعدت بعد ما كل المدرج ضحك عليها …
ياسمين: اقفلي بوقك بقا يخربيتك
روح: ياسمين هيا دي مادة ايه
ياسمين: روح هوا احنا عندنا مواد ايه
روح: الصراحه مش عارفه
ياسمين:
يبقي تسكتي احسن
روح كملت فتح بوقها واندهاشها من اللي بيتقال..
بعد نص ساعه طلعوا من المحاضرة..
ياسمين: فهمتي حاجه روح: دماغي عملت Eror404
ياسمين: ما طبيعي ما انت طول السنين اللي فاتت مش بتحضري مستنيه ايه
روح بضحك: تمام انت الدحيحه بقا عرفيني مش عارفه انتي مصاحبه فاشله زيي ازاي ماهوا هايحصل حاجه من اتنين يا اما اخليكي فاشله زيي يا اما تخليني دحيحه زيك ..
ياسمين: لا والنبي انا قلبي بيوجعني …
فضلوا يتمشوا…
ياسمين: الحقي يوسف جاي علينا
روح: سيبك منه ..
يوسف قرب…
يوسف: روح ارجوكي اسمعيني
روح:
كفايه اوي اللي حصل وسمعته لحد دلوقتي لو انت راجل وعندك كرامه ابعد عني ..ابعد عني
روح مشيت وخرجت من الجامعه كلها …
وياسمين وراها وخالد شافها من بعيد..
خالد: معلش يا ياسمين سيبيني معاها شويه
ياسمين: ماشي .
خالد راح فتح عربيتها قبل ماتمشي وقعد وهيا مشت بالعربيه..
خالد: لسه بتحبيه يا روح؟!
روح: لأ بكرهه ..
خالد: اومال ايه اللي مضايقك
روح:
اللي مضايقني ان الغلطات في حياتي كتير ومش راضيه تسبني في حالي اللي مضايقني اني حاسه ان انا قدامه ضعيفه ..ضعيفه مش لاني بحبه لسه لأ ضعيفه لاني صدقته قبل كده واديته قلبي وضحك عليا واستغلني كل ما بفتكر كده بزعل من نفسي اوي ..
خالد: ربنا لما بيحب حد بيكشفله حقيقه الناس اللي حواليه ومعادنهم كويس انك عرفتيه علي حقيقته وان الكذبه ما فضلتش كتير انتي بشر واكيد هتقابلي مواقف من دي كتير
روح وهيا سايقه:هوا انا وحشه يا خالد
خالد: ليه السؤال ده
روح: لان كل اللي بيقعوا في طريقي وحشين
خالد:
انتي بالنسبالي مافكيش غلط يا روح مافكيش عيوب .
روح : وحشتني الكام يوم دول
خالد: انتي اكتر ..
روح: انتي عارف ربنا عوضني بيك اجدع اخ واكتر واحد بتفهمني
خالد: اعمل ايه بقا امي الله يرحمها كانت لازم ترضعك
روح: مستخسر فيا اللبن يلا
خالد: ايوه خدتي الكالسيوم بتاعي
روح بتبصله كنت عايز كالسيوم ايه اكتر من كده ما مشاء الله تسد عين الشمس اهو ..
خالد: نقي. نقي اوي ..انا حاسس ان صحتي متأخرة ..حاسبي حااااسبي…
عربيه كانت قدام روح وماعرفتش تتفداها و….يتبع
عربيه كانت قدام روح وماعرفتش تتفداها بس وقفت مرة واحدة ماخبطتش فيها ..
روح دماغها اتخبطت في الدريكسيون …
خالد : روح انتي كويسه؟!
بتنزل روح من العربيه متعصبه …
وبتروح عند العربيه السوده وهيا ماسكه دماغها ومش بتبص حتي علي اللي سايق بتمسكه من قفاه وبتنزله
بس لاحظت ان ايدها عاليه اوي ومش عارفه تمشي بتبص ليه …
بتنزل ايدها فجأة وهيا مصدومه..
روح: ي..يونس
يونس: كملي ..كملي وقفتي ليه..
خالد : يا روح بس بقا …
روح بعصبيه:
انت جاي ورايا ليه يا يونس انت بارد ومش بتحس كده ازاي سيبتلك الدنيا ومشيت جاي ورايا ليه ..
خالد: انتي تعرفيه ؟!
يونس: هههههههه انتي فاكرة نفسك مين عشان يونس النمر يجري وراكي ويسيب اشغاله عشان حته بت زيك
روح: فاكرة نفسي روح بدر النمر اللي يونس النمر مايستاهلش حتي اسمه يجي علي لسانها ..
يونس: يااااه علي الغرور …
روح: لأ مش غرور دي ثقه
خالد: يلا يا افندينا امشي من هنا يلا ..وبيزق يونس
بوووووووم ….يونس ضـ,ـربه بونيه وقع علي الأرض …
روح :
يخربيتك …
بتوطي علي خالد بقلق وخوف…
روح بقلق : خالد انت كويس ؟!
يونس بعصبيه: وده مين ده كمان ..
روح بتقوم بعصبيه وبترفع ايدها في وشه
روح وهيا ماشيه وهوا راجع لورا : انت كل حاجه عندك عنـ,ـف وضـ,ـرب انت ايه يا اخي ها ايه راضع ايه لبن حمار ما بتفكرش طلعتلي منين ها طلعتلي منين ….
فضلت ماشيه تتكلم لحد ما زنقته في العربيه بتاعته
يونس حط ايده حواليها وراح شددها عليه ..
روح بتوتر: ا..انت بتعمل ايه ابعد عني
يونس: كملي كلامك يا روح النمر
روح بتوتر:
ها..
يونس: بقولك كملي كلامك يا روح النمر كنتي واقفه عند انت طلعتلي منين ..
روح: ايوه …
يونس: عاجبينك ؟!
روح بتوتر: هما ايه دول
يونس بابتسامه: غمازاتي
روح اول مرة تكون قريبه كده من يونس …
روح بتزقه وبتحاول تبعد عنه بس مش عارفه
روح: ابعد عني يا يونس
يونس: وان ما بعدتك
روح: هاوريك روح اللي كانت في الصعيد
يونس: بس روح دلوقتي مش في الصعيد
روح: بس روح نفسها
يونس: طب وريني كده
روح حاولت تخرج من تحت ايده بس مش عارفه.
يونس بضحك: فين الكعب بتاع المرة اللي فاتت يا خسارة لابسه كوتشي.
روح بتزق فيه بس مش عارفه قعدت تخبطه علي رجليه بس بردة مش بيسبها وفجأة شالها علي كتفه
روح: بتعمل ايه يا بتاع انت
اااااااه ….انت يا سافل بتضـ,ـرب فين
يونس بضحك: اي طوله لسان هتتضـ,ـربي تاني
روح: ماشي واللهي لافضحك يا.
يونس: ها قلنا ايه ..
دخلها يونس العربيه …
روح: انت واخدني فيه
يونس بابتسامه وهوا بيقفل العربيه : خاطفك
روح: نزلني عاااااااا
يونس : وداني ما اسمعش صوتك ..
………………………..
في المستشفي
صفاء: خلاص هنسافروا كمان ساعتين
كريمه ببكاء: مش مستحمله من الوجع يا خيتي
صفاء: منك لله يا شيخ مخلوف ياشيخ الندامه
كريمه: ليه يا خيتي حرام عليكي هوا عمل حاجه
صفاء: تصدقي انك تستاهلي اللي حوصل
كريمه: اكده يا خيتي
صفاء: ما انتي بتقولي كلام يعصب هوا لو ماكانش خلاكي تروحي تدفـ,ـني العمل بتاعك بالليل كان حوصل حاجه خليكي ماشيه وراه لما هايجبلك اخر
…………………………..
في عربيه يونس
روح: عاااااااا خاطفني الحقوني ..
يونس:
بس بقا بدل ما اعمل اللي كان نفسي اعمله في البلد
روح برفعه حاجب: وكان نفسك تعمل ايه بقا
يونس: كان نفسي ادوق الفراوله دي
وبيحط ايده علي شـ,ـفايفها
روح بتمسكها وبتعضها.
بيشد ايده منها بصعوبه …
يونس: ايه ده انتي مش بتاكلي لحمه ..
روح بعصبيه: ولا اظبط يلا
يونس: ايوه كده قابليني راجل لراجل
روح بصدمه وعصبيه: راجل !!
يونس: ايوه في بنت تبقي كده يع
روح بعصبيه: نزلنييييييي
يونس: لأ
روح: بقولك نزلنيييييي
يونس : وانا قولت لأ
روح بعصبيه: ماشي ..
بتمسك الدريكسيون وبتجيبه يمين وشمال والعربيه بتفضل تيجي يمين وشمال..
يونس بيمسك ايديها الاتنين بايده واحده وبيكمل سواقه
روح بعصبيه: انت طالعلي في البخت عايز مني ايه سبني في حالي بقا
يونس: هاعوز منك ايه يعني هوا انتي يتعاز منك حاجه
روح بعصبيه : نزلنييييي
يونس وقف العربيه مرة واحدة …
يونس: انزلي
روح بصدمه بصتله
يونس: ايه عجبتك القعده ومش عايزة تنزلي انزلي
روح: طب مش نازله بقا
يونس بضحك وبيقلد روح: هوا انتي طالعالي في البخت عايزة ايه مني سيبيني في حالي بقا ..
روح بعصبيه:
واللهي
يونس: انزلي احنا قدام البيت ولا عايزة تفضلي معايا
روح بتبص بتلاقيهم قدام الفيلا ..
روح: افضل معاك ..ياريت ما اشوفش وشك تاني
يونس وهيا بتفتح الباب ونازله: للاسف مش هاعرف اوعدك بكده ..اصل الارواح بتتلاقي ..
روح رزعت باب العربيه ودخلت من باب الڤيلا
يونس ضحك وساق عربيته ومشي..
………………
روح: بابااااا يا باااابااا
بدر كان قاعد بيقرأ في الجورنال
بدر: ايه يا بنتي مالك متعصبه ليه ووشك احمر كده
روح: يونس يا بابا
بدر : ماله ايه اللي فكرك بيه يا بنتي ..
روح:
شوفته النهاردة وضـ,ـربني وضـ,ـرب خالد
بدر: ايه ايه ازاي يونس في مأموريه وهتخلص كمان يومين عمك شاكر اللي قايل كده اكيد انتي بتتوهمي
روح: بتوهم ايه يا بابا بقولك ضـ,ـربني وضـ,ـرب خالد وركبني معاه العربيه ووصلني بره ومشي
بدر: يمكن طب وراح فين
روح: معرفش بس لازم تحطله حد كده زودها اوي
بدر: فعلا زودها اوي. .
روح سابت بدر وطلعت اوضتها ودخلت اخدت شاور وطلعت بتبص لنفسها في المرايه ..
افتكرت لما قالها نفسه يدوق الفراوله ولما ضـ,ـربها ..
روح ابتسمت :
ايه يا روح في ايه فوقي يا ماما كفايه اربع خوازيق في حياتك ماتسمحيش لدخول الخامس حرام ماعتيش هاتستحملي
…………………
يونس واقف وحواليه العساكر…
يونس: جاهزين ..
العساكرفي صوت واحد: جاهزين يا فندم
يونس: اشهد ان لا اله الا الله وان محمدا رسول الله
العساكر: اشهد ان لا اله الا الله وان محمد رسول الله
يونس: الله اكبر
العساكر: الله اكبر
يونس: ولا تحسبن الذين قتـ,ـلوا في سبيل الله امواتا بل احياء عند ربهم يرزقون …المكان مليان الغام …خلوا بالكم
جاهزين يا رجاله
العساكر: جاهزين يا فندم
يونس:
اهجمواااا ………………………
روح كانت قاعده في الجنينه بتتمرجح علي المرجيحه وبتبص للنجوم …
بدر :جبتلك فشار وروستيكا نتسلي فيهم
روح: حبيبي …
بدر: من ساعه ماجيتي وانتي في اوضتك وماحكتيليش علي اول يوم جامعه
روح: احكيلك علي ايه يا بابا مافيش حاجه تتحكي ميرا جت تحاول تحرق في دمي شويه خالد بقا قام بالواجب وخلاها نار بجد اجدع حد عرفته في حياتي خالد وهايفضل احسن حد ربنا معوضني بيه ..
بدر: ما تستعجليش ما يمكن تلاقي اللي اجدع منه
روح: لا استحاله ..
بدأوا ياكلوا في الفشار والروستيكا ..
روح :
بابا انا بحبك اوي
بدر: انا اكتر يا حبيبتي ..
……………………
في الصباح …
صحيت من النوم لبست للجامعه لبس كاجوال كالعادة بيبرز جمالها وانوثتها.
سابت شعرها علي ضهرها وحطت ميكب سيمبل ..
روح: البس الهيلز بقا تحسبا لاي ظروف يمكن الاقي النمر تاني..اطلع من تفكيري بقا يا نمر
نزلت تحت …
روح: صباح الخير يا بابا
بدر: صباح الفل يلا افطري
روح: يابابا مش بيبقي ليا نفس دلوقتي
بدر: كلي علي قد نفسك
روح : حاضر ..
روح قعدت وبدات تاكل
بيجي تليفون لبدر ..بيرد عليه
بدر قام وقف مرة واحدة : ايه
روح بقلق: في ايه يا بابا
بدر بيقفل التليفون …
بدر: يونس ابن عمك ..
روح بلعت ريقها بقلق: ماله ؟!
بدر: في المستشفي ..بين الحياة والمـ,ـوت
روح وقفت بصدمه: ايه ..
بدر: يونس في المستشفي وحالته خـ,ـطيرة
روح بقلق: ايه اللي حصل
بدر: انصاب في مأموريته انا لازم اسافرله الصعيد
روح: وانا جايه معاك
بدر : طيب يلا اجهزي
طلعت روح بسرعه تجهز…
كانت بتلبس مش عارفه بتعمل ايه مش عارفه حاسه بايه كل احساسها انها قلقانه بتخاف من فكرة المـ,ـوت اوي ..
روح: يارب استر .هوا انا قلقانه وخايفه عليه ليه مش ده النمر اللي بكرهه كل الحكايه ان ابن عمي وخـ,ـايفه عليه وبس …
خدت كام طقم ليها في شنطه ونزلت …
بدر وباين عليه الخوف: جاهزة
روح: جاهزة…
بدر : جيب العواقب سليمه يارب وماتخسرناش فيه …
ركبوا العربيه واتجهوا للصعيد المكان اللي ماكنتش طايقاه اللي عملت كل ما تقدر عليه عشان تمشي منه راجعاه تاني بارادتها وهيا اللي طلبت ده هيا اللي عاوزه كده (تسوقك الأقدار)مش كل حاجه بتمشي زي ما احنا عايزين ومخططين ..
بدر : عارفه يا روح يونس ده طيب اوي وجدع ومايستاهلش اي حاجه وحشه ده من الناس القليلين اللي قلبهم ابيض ومش بوشين زي ناس كتير ربنا يقومه بالسلامه ومااشوفش فيه وحش خالص.
روح بتفكير:
الكل شايفك طيب وجدع وقلبك ابيض الا انا ليه …يمكن ما اعطيتكش فرصه توريني الحلو اللي فيك واديك فرصه ليه انتم الرجاله كلكم زي بعض بتستنوا لما نثق فيكم وتلعبوا بمشاعرنا وتئذونا وتعملوا اقوياء علينا ..
بدر: قربنا نوصل يا مسهل
روح: هوا انت مش بتقول في مأموريه امال راح الصعيد ازاي يا بابا
بدر: في حته جمب الصعيد صحرا اتصاب فاخدوه للمستشفي في سوهاج ..
روح: اه…
بعد ساعه….
العربيه بتقف قدام المستشفي…
روح بتفكير: حاسه ان قلبي مقبوض ومش مرتاحه
بدر: روح …روح
روح: ها ..ايه يا بابا
بدر:
انزلي يلا .
روح نزلت وبدر دخل المستشفي وهيا ماشيه وراه
بيروح عند اوضه العمليات …
شاكر قاعد وموطي دماغه ومصطفي قاعد بيبكي
اسوء لحظات ممكن يمر الواحد بيها والانتظار في الوقت ده بيبقي قاتـ,ـل ..
بدر: اخوي ..
شاكر بيرفع راسه وبيقوم يحـ,ـضنه
بدر: ماتقلقش ان شاء الله هايبقي تمام
روح قعدت جمب مصطفي وطبطبت عليه وفجأة هيا كمان اتفتحت في العياط ..
بدر : اهدوا يا ولاد اهدوا..ايه اللي حوصل يا شاكر
شاكر:
خد عيار شكله في قلبه بقاله ساعات في اوضه العمليات لأول مرة في حياتي حاسس اني خايف حاسس اني ضعيف مش بيدي حاجه
بدر: لاه في يدك في يدك تدعيله ادعيله من قلبك وربنا هايستجيب ربنا قال ادعوني استجب لكم ..
شاكر: ونعم بالله …
بتخرج ممرضه وبتجري…
شاكر بقلق وخوف: في ايه في ايه؟!
الممرضه: محتاجين نقل دم حالا فصيلته مش متوفره عندنا
مصطفي: انا اخوه خدي مني
الممرضه : فصيلتك ايه؟!!
مصطفي: AB+
الممرضه: مش هاينفع فصيلته o_
روح: انا ..انا نفس الفصيله. .
شاكر:
خدي مني انا كمان
الممرضه: انت ماتنفعش يا حاج يلا يا انسه ادخلي الاوضه دي..
بتدخل روح الاوضه وبتسحب منها. ..
الممرضه: محتاجين كيسين دم وماينفعش ناخد منك غير واحد
روح: لأ خودي ..
الممرضه: كتير وممكن يحصلك مضاعفات
روح: انا بخلي مسؤوليتك اتفضلي خدي المهم تلحقوه ..
بتاخد الممرضه من روح الدم..
بتطلع روح ورا الممرضه وفجأة بيغمي عليها ..
……………………
في القاهره .
تررن تررن ..
كرم واقف بيخبط علي باب الفيلا بتاعت بدر
بتفتحله الخدامه…
كرم: بدر بيه موجود
الخدامه:
بدر بيه مش موجود
كرم: اقدر اعرف هايبقي موجود امتي
الخدامه: ماعرفش اصله سافر الصعيد هوا وروح هانم
كرم بصدمه: ايه ؟!
الخدامه باستغراب: في حاجه تانيه يا فندم
كرم: لأ شكرا…
بيمشي كرم وهوا ماشي بيبص علي المرجيحه وبيتخيلها عليها وهيا بتضحك..
كرم: كاني شايف طيفك يا قمر ده انا ماصدقت عرفت عنوانك تمشي تاني وه
طلع كرم بره الفيلا …
كرم بص عليها من بره وكانها قصر فخمه وكبيرة
كرم بتفكير:
كنت جاي تهبب ايه يا كرم تطلب يد بنته طب ازاي لما يسألك بتشتغل ايه هاتقوله بشتغل في وكاله والدي ولما يقولك عندك شقه هاتقوله عندي قيراطين في البلد مستحيل يوافق عليك انتي حلم صعب المنال يا قمر بس هافضل وراه لما احققه ..
بيبص للورد اللي في ايده وبيضحك وبيحطه قدام باب الڤيلا وبيمشي ..
……………………
بعد ساعتين..
بتفوق روح وبتفتح عينها بتلاقي بدر قاعد جمبها وقلقان
بدر: انتي كويسه يا روح انا كنت هامـ,ـوت من القلق عليكي
روح: يونس يا بابا عمل ايه ..
بدر: يونس فوق ..
روح بصريخ وبكاء:
مااات …اهئ اهئ
بدر: اهدي ..اهدي قصدي في الدور اللي فوق الحمد لله بقي كويس
روح: حرام عليك يا بابا وقعت قلبي
بدر بابتسامه: ما كنتش اعرف ان يونس عزيز عليكي اوي كده.
روح: ها…ابن عمي وفي محنه يا بابا ..
بدر: اه ..اتبرعتي ليه بكيسين دم وانتي عارفه انه غلط عليكي.