-انا اسف بس انا من حقى اتجوز من حقى يبقى عندى طفل من صلبي _اكيد من حقك بس من حقى انى أطـ,ـلق يوم ما تتجوز “مش عارفه جبت منين برود الاعصاب ده بس اعتقد ان كفايه تضـ,ـحيه لغايه كدا طول عمرى انا اللى بضحى مش عارفه ازاى يعمل كدا دا انا خبيت عليه أنه عقيم وقولتله انا اللى عقيمه ودلوقتى بيعايرنى بحاجه مش عندى” -تمام اوى اليوم اللى هتجوز فيه هطلقك
_وليه نستنى تعالى معايا دلوقتى ع اقرب مأذون يطلقنا حالا -براحتك “وفعلا تم الطـ,ـلاق روحت البيت اللى كان ف يوم بيتى بدأت الم هدومى والحاجات بتاعتى وكل حاجه انا كنت مشتريها مش من حق اى حد يستخدم حاجه أهلي تعبوا علشان يجبوها ،خلصت وطلبت اوبر روحت ع بيتى القديم أو بمعنى أصح بيت اهلى مكنش فيه حد بما أن بابا وماما شغالين دخلت اوضتى ونمت كأنى منمتش من سنه، صحيت ع حركه امى وهى بتمشي ايديها ع شعرى فتحت عينى لقيتها بتعيط وهى بتبصلي بكسـ,ـره عرفت أن الموضوع وصلهم قومت بهدوء وطبطت ع أيديها”
_بتعيطى ليه ي امى -زعلانه علشانك ي بنتى انا اسفه انا اللى غصبت عليكى تتجوزيه مكنتش اعرف انه كده “عينى دمعت كنت قفلت الصفحه دى وقلت هبدأ معاه صفحه جديده مكنتش بحبه بس كان مفهم اهلي أنه دايب فيا ومقدرتش ارفض طلبهم وف نفس الوقت جـ,ـرحت اكتر انسان حبنى بجد حب طفولتي وشبابي كان بيشتغل ليل نهار علشان بجيب شقه ويجي يتقدم وهو يستحق أنه يتقبل كان صابر ع كل الوحش اللى بيعدى عليه علشان بس يوصل لي وبكل انانيه منى اتخطبت بس كان غصب عنى امى مريضه قلب وتعبت لما قولت لا كان نفسها تفرح بيا”
_انتى اكبر من انك تقولى كلمه اسفه انا مش زعلانه عليه كلب وراح منعرفش الخير فين ي امى -ربنا يديكى ع قد صبرك ي بنتى ..هقوم اعملك لقمه ترم عضمك “بتمر الأيام بملل غير طبيعى كأنى عايشه ف دوامه بتلف ف نفس المسار لغايه ما قررت انه خلاص انا هنزل ادور ع شغل وبما انى مهندسه ديكور قد الدنيا لقيت شركات كتير متوفره وبدأت اقدم ف كل الشركات بحيث المتاح أتقبل فيه وفعلا بعد اسبوع تم قبولى طبعا تحت الاختبار يعنى ف اى وقت ممكن ابقى أوت”
انهارده اول يوم صحيت بحماس غير طبيعى بس ف نفس الوقت كان قلبى بيدق جامد مش عارف من التوتر ولا اى لبست بنطلون قماش واسع اسود وشميز ابيض وي كأنى سيده اعمال وكده نزلت وروحت المكان وبجد الشركه حاجه كدا واو دخلت استلمت الشغل واليوم مر بشكل سلس وجميل لحد ما مدير القسم اللى شغاله فيه طلبنى “وقفت ع باب مكتبه وانا قلبى بيدق جامد خبطت وبعد كده فتحت الباب ببطئ وهدوء كان واقف عطينى ظهره”
_السلام عليكم ..حضرتك طلبتني ي بشمهندس -عليكم السلام …حياه _سيف #حبيب_قلبي #سلسله_حياه_سيف #بقلمي_منه_محمد|2| _سيف انت انت بتعمل هنا اى -بشمهندس سيف لو سمحتي وحضرتي هنا المدير…السوال هنا انتى بتعملي هنا اى _انا انا بشتغل هنا …سيف انا بجد اسفه ع الل بصوت غاضب قاطعها:مش قولت بشمهندس وياريت من غير ما تنطقى اسمي كمان
“ابتسمت بحزن وسكت خالص ابتدى يقول الكومنت بتاعه ع شغلي واللى استغربته أن الشغل عجبه ومدخلش حياته الشخصيه ف الشغل ونقد شغلي زى ما كل الناس بتعمل ، بعد ما خلص انسحبت ببطئ من مكتبه وانا مقرره انى هقدم استقالتى وههرب لاول مره في حياتى اختار الهرب مش المواجهه انا حاسه انى مش انا انا بقيت إنسان تانى صغيف غير قادر ع أنه يواجهه اخطائه ،فعلا قدمت استقالتى وروحت بيتى قفلت موبيلى بحيث أن لو الاستقاله متقبلتش محدش يرن عليا انعزلت ف اوضتى وقررت انى ادور ع شغل تانى مش هوقف حياتى سواء ع طليقى الواطى أو ع سيف اللى المفروض
أنه ماضى اتقفل وراح لحاله ،بس للاسف ملقتش شغل مناسب فقررت اعمل الحاجه اللى طول عمرى بحبها هرسم وابيع لوحاتي ” عدا شهر ونجحت نجاح باهر لوحاتى بقيت مشهوره جدا والطلب زاد لدرجه انى خلاص قربت افتح معرض بس ناقص شويه حاجات طليقى رجع ندمان وعايز ارجعله بس خلاص الندم مبقاش ينفع مفيش اى خبر جالى من الشركه ولا عبرونى اصلا يلا حصل خير” _ماما انا نازله -لا تعالى ساعدينى علشان ف ضيوف جايين النهارده
_ضيوف مين ي ماما -ملكيش دعوه تعالى “بدأت ماما تجهز كميه اكل تكفى قبيله بحالها ،بعدها دخلت لبست شويه والباب خبط ماما راحت فتحت وانا دخلت اوضتى دقائق وماما نادت واستغربت لما لقيت” _بشمهندس هو حضرتك بتعمل هنا اى -احمم اى ي حياه عيب كدا معلش ي سيف ي بنى انت عارف هى هبله _انا اسفه معلش ي بابا بس هو ف اى -طيب ي حياه اقعدى ….استاذ سيف جه من شهر وطلب ايدك بس انا قولتله يستنى لما عدتك تخلص
_نعم …طلب ايدى ازاى يعنى وبعدين ي بابا -اسكتى ي حياه واقعدى اتكلمى معاه وبعد كده نشوف الموضوع ده “بابا سابنا وطلع ” -احمم انا اسف اخر مره المقابله مكنتش لطيفه بس راعى اللى حصل انتى كسرتى قلبى ي حياه بس انا متفهم أن اللى حصل غصب عنك لما سألت عليكى بعدها وعرفت انك استقالتى زعلت وطلبت ال cv بتاعك ولما عرفت انك اتطلـ,ـقتى فرحت حسيت أن روحى رجعتلى انا لسه بحبك وشاريكى
_تقدر تحدد معاد مع بابا -معاد ..معاد اى _معاد كتب الكتاب مثلا تم بحمدالله “اسفه ع التاخير بس بجد تعبانه” #حبيب_قلبي #سلسله_حياه_سيف #بقلمي_منه_محمد