فتح حمزة باب الشقة ودخل بهدوء
كانت بنت قاعدة علي الكنبه بتقلب في تليفونها بممل اول ماشافته داخل سابت الفون من ايدها بسرعة وقربت عليه بلهفة وحضنته وهي بتقول…. وحشتني وحشتني مووت
لكن ثواني وافتكرت وراحت بعدت وقالت بغضب… اخيرا افتكرت انك متجوز وجاي تشوف مراتك.. لا وكمان روحت اتجوزت عليا بنت عمك..
كملت بدموع متجمعة في عينيها….هو انت اتجوزت بجد ياحمزة. اتجوزت عليا. ولا مجرد اشاعة
وهي بتتمني انها تكون اللي عرفته غلط وانو متجوزش
حمزة مردش وراح قعد علي الكنبة
سهر بصوت عالي …. ردد عليااا.
انت اتجوزتها فعلا
حمزة بغضب … وطي صوتك بروح امك
طلع حمزة علبة سجايرو وسحب سيجارة ولعها وبدأ ينفث دخانها بهدوء
بص ثواني ل سهر اللي واقفة وباين عليها الغضب ودموعها في عنيها لكن خايفة ومش قادرة تنطق وقال …عاوزني أأكدلك صح . اه اتجوزت. بقلم فريدة احمد
كمل ببرود… بس سواء اتجوزت او متجوزتش ده يخصك في ايه.
سهر بدموع…. انا مراتك
حمزة بعد ما خد نفس تاني من سيجارته قال بسخرية… مراتي.
وضحك
كمل وقال… طيب يامراتي. انا اتجوزت. عند الهانم اعتراض
سهر بدموع …. انت ايه. انت الزاي كده.
هو انا للدرجادي ماليش عندك اي قيمة.. بتتجوز عليا عادي وكمان مش عاوزني اعترض.
حمزة…. هو انتي مصدقة نفسك انك مراتي بجد. ماتفوقي لنفسك يابت. انا متجوزك علشان مزاجي وتبسطيني.. ولا نسيتي انا متجوزك ليه. واظن انا دافعلك فلوس انتي وامك مكنتوش تحلمو تمسكوها
سهر… كفايه بقاا. كفاية. مش كل شوية تحسسني قد ايه انا رخيصة. يعني ذنبي اني حبيتك ووافقت اتجوزك في السر.. ده ذنبي
حمزة… مش عاوز كلام كتير. انا جاي مزاجي مش متظبط ومحتاج اظبطو.
سهر بسخرية… وهي العروسة معرفتش تظبطلك مزاجك ولا ايه
حمزة ببرود… لا اصلها تعبانة
بعدين شاورلها… تعالي
سهر بجمود … عاوز ايه
حمزة طبطب جمبه … تعالي جمبي
سهر بصت عليه شوية وبعدين قربت بصعوبة وراحت جمبه
حمزة سحبها خلاها لزقت فيه ودفن راسه في رقبتها.وهو بيقول…. واحشاني يابت
وباسها علي رقبتها
سهر هي كمان دابت من لمسته
كمل حمزة وقال… روحي يلا البسي حاجه مشخلعة واعملي جو حلو. انا عاوز الليلة دماغي تبقي في السحاب
سهر بدلع وكانها نسيت اللي حصل… هنسيك اسمك
حمزة غمزلها بوقاحة… طب يلا يابطل..
ومتتأخرش عليا.. مستنيك علي نار بقلم فريدة احمد
ضحكت سهر ضحكة خليعة وهي داخلة… مش هتأخر
حمزة… يخربيت صوت ضحكتك اللي هتلم علينا بوليس الاداب
ومسك تليفونه وهو بيتصل علي حد
سهر بعد مادخلت جوا طلعت اكتر قميص نوم حمزة بيحبو ولبسته بس كانت بتقول في نفسها بغل… ماشي ياحمزة بيه وحياتك عندي ماههنيك بيها
وهي بتتوعدلها.. ويانا ياهي
……………
تاني يوم
زهرة نازلة من فوق امينة قالبتها بصتلها بسخرية وقالت…. ايه ياعروسة. دا ابني طلع فعلا بييحبك خالص. ومش بيقدر علي بعدك
ضحكت بسخرية وكملت…. لدرجة انو سابك و بايت برا.
وانتو لسه مكملتوش يومين متجوزين
حبيبة جات هي كمان وقالت وهي بتبص عليها بسخرية… والليلة اللي قبلها. نزل الشركة من تالت يوم جواز وبات في شقته اللي في القاهرة. وسابك بردو ياحرام. شكله بيموت فيها ياخالتو
امينة بسخرية وهي بتبص ل زهرة… واضح
زهرة كانت بتسمعهم بهدوء. استنت لما خلصو كلامهم وقالت بثقة…. انتو اكتر اتنين عارفين انو بيحبني. بس اديلو انا بس فرصة . وعارفين بردو. اني لو اديتله الفرصة دي عمره ماهيتنقل من جمبي ولا هيبعد عن حضني
كملت باستفزاز وهي موجهة كلامها لامينه…. واظن يااحماتي انتي بنفسك سمعتيه وهو دايب في هوايا.
فاكرة
لما كنتي بتلمعي اوكر علي باب اوضتنا.. وسمعتيه بودنك بس مش عيب بردو ياحماتي تتجسسي علي ابنك ومراته. طب والله عيب. طب افرضي يعني كنا في وضع احم مينفعش انك تسمعينا فيه. كنتي هتحرجي نفسك قدام نفسك.. عيب ياحماتي كده. عيب خاالص. دا انتي حتي ست كبيرة. مش لايقة عليكي حركات العيال دي. احترمي سنك ومقامك كده
بصت ل حبيبة… وانتي ياروح خالتك تقدري تقوليلي لما انتي متلقحة قدامو بقالك سنين متجوزكيش ليه.. بصي نصيحة مني انا شايفة انك تلمي كرامتك اللي في الزبالة دي وتبطلي بقا تقلي من نفسك.
صدقيني مفيش راجل يستاهل الواحدة تهين نفسها ليه وتقلل من كرامتها علشانه . بطلي بقا كل شوية تتلزقي فيه وهو يكسفك. فين عزة نفسك. ايه ده بجد
وبصتلهم الاتنين بقرف ونزلت
وراحت قعدت جمب عمتها
…….
في الجنينه
فتحت واحدة من الخدم باب الاوضة اللي فيها ياسمين وهي واخدالها اكل بأمر من رحيم
الشغالة…. حطت الاكل قدامها وهي بتقول…. رحيم بعتني ب الاكل ده علشان تاكلي
ياسمين رفعت وشها ليها… مش عاوزة اكل.شيليه من هنا
الشغالة… مينفعش لازم تاكلي. رحيم بيه..
قاطعتها ياسمين بعصبية….
قولتلك مش عاوزة اطفح ومسكت الاكل ومن شدة العصبية دلقته علي الارض
الشغالة… ليه كده بس يابنتي
ووطت تلم الاكل من علي الارض
في اللحظة دي. دخل رحيم
رحيم .. بتعملي ايه يااحمد
الشغالة بتوتر… مم مفيش الاكل اتدلق مني بس غصب عني. انا اسفة يابيه. ا انا هشيله وهجيبلها غيره
رحيم وهو بيبص علي ياسمين…اتدلق منك. ولا الهانم هي اللي دلقته
الشغالة بخوف عليها.. لا ه هو اتدلق مني.
رحيم…. جرا ايه ياام احمد مش عيب بردو لما تكدبي وانتي ست كبيرة. انا شايفها وهي بتدلقه..
ام احمد لسه هتتكلم بقلم فريدة احمد
بس رحيم….. يلا روحي شوفي شغلك
ام احمد…. حاضر يابيه.. هشيل الاكل بس
ووطت تشيلو من علي الارض بس وقفها صوت رحيم لما قال. سيبيه
كمل رحيم وقال …. ومفيش اي اكل يدخلها غير لما تاكل اللي علي الارض ده.. مفهووم
مقدرتش ام احمد تتكلم لكن قالت… م.
مفهوم يابيه
وخرجت بسرعة
ياسمين بدموع…. انت بتعمل فيا كده ليه. حرام عليك بقا. حرام علييك. قولتلك معملتش حاجة. ليه مش عاوز تصدق… ارجوك ارحمي وسيني امشي من هنا.
دموعها نزلت اكتر وهي بتقول… ماما واخواتي زمانهم هيموتو من القلق عليا بقلم فريدة احمد
رحيم…. انتي مش هتخرجي من هنا غير علي قبرك.. بس الاول لازم تشوفي الموت في اليوم مية مرة. مزاجي يستكفي و بعدين ابعتك لعزرائيل
ياسمين بخوف وبتترعش… حرام عليك. والله ماعملت حاجة..
مسحت دموعها… بس لو عاوز تقتل. ني اقتل. ني من دلوقتي وارحمني
رحيم…. اديكي بتقولي اهو. ارحمك.
وانا مش هرحمك
فضلت ياسمين تصرخ وتقول حرام عليييك. بقااا حرام علييك.. احلفلك بأيه اني مظلومة
.
زهرة كانت طلعت الجنينة وفجأة سمعت صوت صريخ
مشيت زهرة ناحية الصوت لقت أوضة مفتوحة ورحيم واقف وفي بنت بتعيط وبتصرخ في داخل الأوضة
قربت زهرة بتردد وقفت علي باب الاوضة واول ماشافت البنت قالت بصدمة وزهول…. ياسمين
ياسمين بدموع… زهرة
قربت زهرة عليها وحضنتها
بعدت زهرة وهي بتبص عليها..
ايه اللي عمل فيكي كده
و بصت علي رحيم… انت اللي عملت فيها كده
رحيم… اطلعي يازهرة
زهرة برفض… اطلع ايه مش لما افهم.. انت عامل فيها كده ليه
رحيم بعصبية… قولت اطلعي.
..
عند حمزة
كان نايم علي بطنه بتعب
سهر قعدت جمبه وهي بتصحيه… حمزة. حموزي
حمزة فتح عينه
سهر… تليفوك مش مبطل رن. وكمان حضرتلك الفطار. يلا قوم.
حمزة قام بكسل.. هاتي التليفون
سهر قامت جابتو.. اهو
وهي بتديهولو
حمزة وهو حاسس بصداع… روحي اعمليلي قهوة
سهر…. مش هتفطر الاول. انا حضرتلك الفط….
قاطعها حمزة بغضب… عاوز قهوة اخلصي
سهر قامت علطول… حاضر
وراحت تعمل القهوة
………..
عند زهرة
بصت لاقت تليفونها بيرن مسكته وكان الشخص اللي بيهددها
بلعت ريقها بخوف. وهي مش عارفة تعمل ايه. لكن قررت انها متردش
لكن هو لما مرديتش عليه بعتلها مسيدچ
و بيقول فيها.. فاضل ساعة علي معادنا. وهقولك تاني مش عاوز افكرك لو مجيتيش انا هعمل ايه
زهرة بدموع وهي رايحة جاية في الاوضة بخوف… ياربي اعمل ايه. اقول لحمزة. بقلم فريدة احمد
ورجعت قالت برعب.. لا لا دا يقتلني..
كملت بحيرة… طب اعمل ايه.. يارب.
يارب
قعدت علي السرير وفضلت تعيط بخوف وهي بتترعش وبتتنفض من الرعب
..
في اوضة امينة
حبيبة رايحة جاية بغضب وهي مفروسة وبتاكل في نفسها.. شوفتي ياخالتي. انا كنت عارفة انو هيحبها
امينه… يحب مين يابت. انتي مصدقة كلامها. دي بت كيادة زي امها.. وبعدين حمزة ابني وانا عارفاه كويس
ابني بتاع حريم. يعني مابيحبش.. طب ايه رأيك اني متأكدة انو كان بايت في حضن واحدة امبارح
حبيبة باهتمام … ايه. وعرفتي منين ياخالتي
امينه….
يابت بقولك ابن بطني وانا عارفاه وبيغير في الستات زي مابيغير هدومه بقلم فريدة احمد
حبيبة اتنهدت … انا كمان عارفة انو كل يوم بيبات مع واحدة .
كملت بقلق… بس كمان حاسه انو بدأ يحبها. ولو حبها بجد مش هيشوف غيرها. وزي هي ماقالت لو اديتله فرصة. مش هيشوف غيرها..
اتنهدت وقالت بحقد… طلعتلي منين دي. ماكانت عايشة بعيد عننا. كانت ناقصاها. دا انا. كنت خلاص
. كنت حسيت انو بدأ يشوفني.
ثم اكملت بغل…. بس ورحمة امي ماهسيبها تتهني بيه
وهي بتتوعدلها
امينة…. اناعاوزاكي تطمني.. لأني انا كمان مش هسيبها..
وغلاوتك عندي لجوزهولك ياحبيبة.
حبيبة … بجد ياخالتي.
امينه… بجد ياروح خالتك. انا كده كده مش هرتاح غير لما اجوزهولك
حبيبة… طب هتعملي ايه ياخالتي
امينه…. هطفشها. ومبقاش امينه. ان ماخليته يطلقها ويرميها زي كلاب السكك. بنت امال… وحتي لو مطلقهاش
هخليه يرميها. واجوزهولك عليها. واكسرها
كملت بتوعد… وحياتك عندي ل اجيب مناخيرها الارض
ابتسمت حبيبة بشر وهي بتتخيل اللي هيعملوه فيها هي وامينه.. وهي بتقول في نفسها… وديني لدمرك يازهرة
……………………..
في اخر الليل كانت زهرة نامت مكانها من كتر العياط بعد ماقفلت تليفونها وقررت انها مش هتروح للشخص ده
حمزة فتح الباب بهدوء ودخل
قرب علي السرير وقعد جمبها
حمزة بدأ يزيح شعرها وهو بيتأملها وبعدين ميل باسها وشدها لحضنه وغمض عينه ونام بتعب
زهرة حست بيه وبحركته قامت مخضوضة واول ماشافته رجعت لاخر السرير برعب وهي بتقول… مـ. معـ. ملتش حـ. ا. جة.. معمـ.لتش حا جة.
وهي بتضم نفسها وبترجع لأخر السرير
كان حمزة مستغرب حالتها
حمزة… مالك يازهرة.
في ايه
زهرة كانت بتترعش وبتتنفض اووي وهي خايفة
حمزة بقلق… في ايه يابت. مالك.
زهرة بلعت ريقها… مـ مفيش.
زهرة كانت فاكرة ان عرف حاجة عن الصور علشان كده كانت مرعوبة لكن لما لاقيته كده فهمت ان الشخص مبعتلوش الصور زي ماكان بيهددها بقلم فريدة احمد
كملت بتوتر قبل مايشك في حاجة…. ا. انا بس شـ شوفت كابوس
حمزة… طب قربي
زهرة…. اقرب فين
حمزة…. جمبي..
تعالي يازهرة
زهرة كانت بتبص عليه وهي خايفة ومش قادرة تتحرك من مكانها
محسيتش غير لما سحبها وبقت في حضنه
فضل حمزة يمشي ايده علي شعرها بحنية عكس طبعه
زهرة بصت عليه شويه باستغراب . وبعدين اتنهدت براحة لما اتأكدت انو فعلا معرفش حاجة.
استكانت ثواني في حضنه لكن مرة واحدة فاقت
وحاولت تطلع من حضنه
حمزة كان راجع مرهق ف في ثواني كان غمض عينه ونام
حمزة فتح عينه بضيق من حركتها.. في ايه ماتنامي
زهرة…..هروح انام علي الكنبة
حمزة. لأ خليكي
وضمها ليه وغمض عينه
زهرة….
لو سمحت. سيبني اقوم
حمزة وهو مغمض عينه لسه… شش. انا تعبت النهاردة ومحتاج انام في هدوء. ف بطلي حركة ونامي
زهرة …طيب سيبني الاول. ونام براحتك
وفكت ايده من عليها وقامت
بس شهقت مرة واحدة لما في اقل من ثانيه كان حمزة شدها وقعت عليه
حمزة وهو بيرفع شعرها اللي نزل كلو علي وشها قال… انا عاوزك تنامي في حضني النهاردة. ممكن
وقرب من خدها وباسها برقة
زهرة جسمها اتجمد واتوترت
حمزة حس بيها اتنهد وقال .. انا مش هقربلك يازهرة. متخافيش. عمري ماهلمسك غصب عنك. مش انا اللي اخد واحدة غصب.
حتي لو مراتي ف متقلقيش. انا بس عاوزك في حضني
وقبل ماهي تنطق كان ضمها ليه بتملك وغمض عينه وهو بيقول.. مش عاوز حركة كتير بقا واثبتي
زهرة استسلمت ليه ونامت وهي حاسه انها هي اللي محتاجة الحضن ده اكتر. برغم خوفها منه الا انها حاسة في قربو ب الامان
…
صباحا
قام حمزة خد دش ولبس ونزل
زهرة كمان صحيت قامت دخلت الحمام
وبعد دقايق خرجت بعد ماخدت شاور علي صوت تليفونها
قربت ومسكته
وفي ثانية كانت حطت ايدها علي بوقها وهي بتعيط برعب لما شافت الرسالة اللي كانت عبارة عن
(انا وعدتك ووفيت بوعدي دلوقتي الصور وصلت لجوزك ياحلوة)
زهرة كانت بتعيط وهي بتترعش اووي
…
تحت حمزة كان واقف مع رحيم وبيتكلمو فجأة وصلت ليه مسيدچ فتحها واول ماشافها اتصدم
وبص لقي صور كتير وفيديوهات مش كويسة ل زهرة
حمزة طلع بسرعة ل زهرة وهو مش شايف قدامه ولا حتي سامع رحيم اللي بينده عليه. وهو بيقول في ايه.حمزة. ايه اللي حصل.
لكن حمزة مكانش سامع ولا شايف قدامه من الغضب وطلع خد السلم في خطوتين بقلم فريدة احمد
زهرة فضلت تحاول تتصل ب الشخص ده لكن كان تليفونه اتقفل
فجأة حمزة فتح الباب وهو بيقرب عليها
زهرة بلعت ريقها برعب ومن خوفها التليفون وقع منها
زهرة كانت واقفة رجليها مش شايلاها وهي شايفة حمزة اللي بيقرب عليها بهدوء مرعب
وقف حمزة ورفع التليفون في وشها.. ايه ده
زهرة بصت علي التليفون وهي بتبلع ريقها برعب
بصتله بدموع…. ك. كن كنت ه ه قو
وفجأة حست بدوار ووقعت فاقدة الوعي
بعد وقت كانت الدكتورة بتكشف جوا عليها وكلهم برا واقفين قلقانين
الدكتورة خرجت ببتسامة وهي بتقول الف مبروك. المدام حامل
كلهم بصدمة. ايه
يتبع……..
#زهرة_وسط_اشوك
#البا_ال13
بقلم فريدة احمد♥️
خرجت الدكتورة بعد ماكشفت علي زهرة وهي بتقول ببتسامة… مبروك المدام حامل
كلهم بصدمة…. اييه
بصو لبعض بصدمة وزهول وهما بيحاولو يستوعبو
فاقو علي صوت هاورن اللي بص للدكتورة وقال بغلظة…. متأكدة يادكتورة انها حامل
الدكتورة بتأكيد…. ايوا حضرتك. كل الاعراض اللي عندها بتقول انها حامل.
ولما كشفت عليها اتأكدت
كلهم كانو بيبصو بقلق ل حمزة اللي ملامح الصدمة والزهول علي وشه ومفيش اي رد فعل منو. حتي منطقش
هارون…. وصل الدكتورة يارحيم
وبعد ماالدكتورة نزلت امينه بسخرية قالت….. معقولة يكون الطب اتطور لدرجة انهم يقدور يعرفو الواحدة حامل ولا لأ من تالت يوم جواز… طب والله صدق اللي قال العلم نور
بصت لحمزة وكملت بنفس السخرية…. الف مبروك يا ابن بطني علي حمل مراتك. ويتري حامل من مين.. ماهو اكيد مش من ابني اللي لسه متجوزها من يومين اتنين
هارون بحدة….. امييينه. اخرسيي بقلم فريدة احمد
امينه بصوت عالي….
واخرس ليه. انتو مش سامعين الدكتورة قالت ايه. بتقول ان السنيورة حامل ومتأكدة.. طب حامل الزاي. حامل الزاي وهي مكملتش 3 ايام متجوزة..
كملت بثقة…. دا غير اني متأكدة ان ابني مدخلش عليها لسه… ملهاش حل تاني غير انها ماشية في البطال
انهت كلامها لتتفاجأ بصفعة قوية من هارون
اللي قال بغضب….. كلمة زيادة ومش هيطلع عليكي نهار. انتي فاهممة
امينة بصدمة وهي حاطة ايدها علي وشها…. بتمد ايدك عليا ياحاج
هارون…. واقطع لسانك لو فكرتي تتكلمي في شرف البت تاني.
حمزة بجمود ….. بس امي مغلطتش يابوي. ولا انت شايف ايه ياحاج
هارون….
انت بتقول ايه.. انت هتعوم علي عومها.
الدكتورة دي اكيد متفهمش حاجة في الطب
حمزة… تمام. وانا هتأكد بنفسي
و سابهم ودخل علي زهرة الاوضة بغضب اعمي
بص ل عمتو اللي قاعدة جمب زهرة اللي بتفوق لسه
حمزة… سيبينا لوحدنا ياعمتي
صفيية بخوف علي زهرة… لسه مفاقتش كويس ياحمزة
زهرة كانت بتفتح عينيها اول شافته مسكت في صافية وقالت بخوف…. عمتو متسينيش
صفية.. دي تعبانة يابني براحة عليها
حمزة…. يلا ياعمتي لوسمحتي
وبعد ما صفية خرجت
رجعت زهرة لأخر السرير برعب من شكله وبعد ماقفل هو باب الاوضة بالمفتاح قرب عليها وقال بهدوء مرعب …. حامل من مين
زهرة كل ده كانت خايفة من موضوع الصور لكن متعرفش اي حاجة عن الحمل لانها لسه فايقة
ردت بدون فهم…. يعني ايه حامل. ا. انت بتقول ايه
برا كلهم كانو واقفين بخوف من اللي حمزة ممكن يعملو في زهرة
صافية بخوف ..
هارون انت هتسيبو كده. دا ممكن يعمل فيها حاجة
و فضلو كلهم يخبطو علي الباب بخوف وهما بيقولو.. افتح ياحمزة
لكن حمزة كان غير مبالي
هارون بحدة… حمزة افتح بقولك
حمزة من جوا بكل هدوء …. متقلقش يابوي. بتفاهم انا ومراتي بس
وبص لزهرة بهدوء مريب… مين ابو اللي في بطنك يابت
زهرة وهي لسه مش قادرة تستوعب اللي بيقوله… ا. انت بـ بتقول ايه
حمزة وهو بيضغط علي كل كلمه بيقولها وبيحاول يسيطر علي نفسه…. انا لحد دلوقتي ماسك نفسي.اخلصيييي
الدكتورة بتقول انك حامل. حامل من مييييييين
زهرة بصدمة… . ا.
نت ب بتقول ايه. انا مش حامل. وهحمل الزاي وانت ملمستنيش اصلا بقلم فريدة احمد
حمزة… ما هو انا مبتكلمش عن نفسي ياروح امك..
كمل بزعيق… غلطتي مع مين يابت وسلمتيلو نفسك
زهرة بغضب… انت بتقول ايه. بتقول اييه. انا مفيش حد لمسني. الدكتورة دي اكيد شخصت غلط انا مش حامل. مش حامل
مسح حمزة علي وشه بغضب وعصبية
وبعدين مسكها من شعرها جرها من علي السرير وقال وهو بيزقها ناحية الدولاب.. في ثواني تكوني لابسه. هنروح لدكتور تاني يكشف عليكي.. يلااا اخلصيييي
مسحت زهرة دموعها اللي بتنزل بوجع ولبست اول حاجة قابلتها
..
بعد وقت كانو راحو لدكتور تاني
ودخلو والدكتور ابتدا يكشف عليها
حمزة كان قاعد علي اعصابه… ها يادكتور
الدكتور… مبروك المدام حامل بقلم فريدة احمد
حمزة بص لزهرة بملامح جامدة وقال … انت متأكد يادكتور
الدكتور وهو بيبص علي الجهاز….. ايوا باين قدامي اهو..حامل في شهر وكام يوم
قام الدكتور وقعد علي مكتبه وابتدي يكتبلها في علاج. وهو بيقول. ودي شوية فيتا..
قاطعته زهرة بصوت مرتعش… متأكد يادكتور اني حامل.. ط طب ممكن تكشف عليا تاني
الدكتور … انا متأكد بس لو انتو حابين تتأكدو اكتر.
دي تحاليل ممكن تعملوها
وكتبلهم علي التحاليل ……
عند امينه في اوضتها بغضب.. بقي علي اخر الزمن يمد ايدو عليا قدام ولادو
دموعها نزلت غصب عنها.. انا بعد العمر دا كلو يهيني قدام عيالو.. ماشي ياهارون. دي اخرتها
حبيبة… عشان خاطري ياخالتي متزعليش نفسك
امينه مسحت دموعها وهي بتتوعدلهم كلهم
بصت لحبيبة وقالت… انتي اتفقتي مع الدكتورة امتا يابت
حبيبة بعدم فهم… مش فاهمة اتفقت معاها الزاي وعلي ايه
امينه…. انتي هتستهبلي. علي انها تقول ان اللي ماتتسمي حامل
حبيبة… بس انا مااتفقت معاها علي حاجة ياخالتي. انا افتكرتك انتي اللي متفقة معاها. هو مش انتي
امينه….
انا متفقتش معاها علي حاج..
قطعت كلامها.. بت متكدبيش ومتخبيش عليا انا كده كده ستر وغطا عليكي.. انتي اللي عملتي كده. صح
حبيبة بصدق…. صدقيني ياخالتي والله ما اتفقت مع الدكتورة علي حاجة
امينة بزهول…. يعني ايه. يعني البت دي طلعت ماشيها بطال بحق وحقيقي
شردت ثواني
وبعدين ابتسمت بخبث.. يعني حامل بجد.. طب حلو اوي. وهارون بيه محموق اوي علي بنت اخوه بقلم فريدة احمد
كملت بشر… اللي بأذن الله لكون مجرساها في البلد كلها
حبيبة… يارب بس الدكتورة متطلعش غلطانة زي مابيقولو.
امينه….لا مش غلطانة.
الدكتورة كان باين من كلامها انها متأكدة. وبعدين دي دكتورة شاطرة. دي اشطر دكتوة في البلد
حبيبة بفرحة… يعني حمزة اكيد هيطلقها ياخالتي. صح
امينه… اكيد هيطلقها. امال هيخلي واحدة خاطية زي دي علي ذمته.
كملت بقلق… بس ياخوفي لا يق. تلها ويودي نفسه في داهية بسبب بت فاجرة زي دي
…..
عند حمزة وزهرة
خرجو من عند الدكتور وزهرة تايهة حرفيا ومش قادرة تستوعب اللي هي فيه فاقت علي صوت حمزة. يلاا
زهرة وقفت مكانها وقالت… انا هعمل التحاليل
حمزة بسخرية… ملهاش لزوم يامدام. في اتنين دكاترة كشفو عليكي. ايه الاتنين بهايم
لكن زهرة بجمود قالت… انا مش هتحرك من هنا قبل مااعمل التحاليل واثبتك اني مش حامل.. لأني محدش لمسني
وبعد ساعة كانت عملت التحليل والنتيجة ظهرت
دكتور التحاليل وهو بيديهم الملف اللي في النتيجة… النتيجة ايجابيه. الف مبروك
زهرة غمضت عنيها وكأن في حاجة نزلت علي دماغها
يتبع….
#زهرة_وسط_اشواك
#البارت_ال14
بقلم فريدة احمد♥️
متأكدة يادكتورة اني حامل
قالتها زهرة وهي قاعدة قدام الدكتورة وهتتجنن دي تالت دكتورة تكشف عليها غير التحاليل اللي عملتها وكلهم بيأكدو انها حامل
الدكتورة… انا متأكده انتي فعلا حامل يامدام
زهرة بجنون…. الزاي. الزاي وانا لسه عذراء محدش لمسني
الدكتورة باستغراب… مش حضرتك متجوزة
زهرة…. يادكتورة. انا لسه عذراء
بلعت ريقها وقالت…. جوزي ملمسنيش.. الزاي حامل يادكتورة. الزاي
الدكتورة…. متأكدة انك عذراء
زهرة هزت راسها…. ايوا طبعا. محدش لمسني
الدكتورة….
طيب ممكن اكشف عليكي
زهرة هزت راسها بالموافقة و قامت راحت ناحية السرير ونامت علي السرير تاني وابتدت الدكتورة تكشف عليها
زهرة كانت بتبص للدكتورة بترقب بعد ماكشفت عليها
وهي خايفة الدكتورة تصدمها وتأكدلها انها مش عذراء
بلعت ريقها وقالت بصعوبة…. ها يادكتورة
وهي بتبصلها بتوجس وبتتمني كله ده يطلع غلط
لكن اللي كانت خايفة تسمعه قالته الدكتورة فعلا لما اتكلمت وقالت بأسف…. للاسف يامدام. انتي مش عذراء
زهرة بجنون… انتي بتقولي ايه يادكتورة
الدكتورة… بقول اللي واضح قدامي في الكشف. انتي فعلا مش بنت بنوت
..
قدام الجامعة
كان شاب واقف بعربيته
خرجت حبيبة من الجامعة وفتحت العربية وركبت فيها جمب الشاب اللي بمجرد ماقفلت باب العربية بصلها وقال..
عملتلك كل اللي اتفقنا عليه. ياريت حسابي علشان نخلص
حبيبة…. عملت ايه يعني هو انت عملت حاجة
كملت وهي في نفسها بتقول. يارتني كنت صبرت دا اللي حصل احسن بكتير من موضوع الصور ده
وهي شمتانة في زهرة وحاسه بانشراح من جواها بسبب اللي هي فيه واللي حصلها
فاقت علي صوته وهو بيقول … نعم. كل ده ومعملتش حاجة. فبركت الصور والفيدوهات زي ماطلبتي وبعتهم لجوزها.
حبيبة…. بس معرفتش تخليها تجيلك شقتك
الشاب…. انا كنت بتمني انها متوافقش تجيلي الشقة والحمدلله مجتش .
انا مش غبي علشان اوقع نفسي تحت ايد حمزة وانا عارف هو ممكن يعمل فيا ايه. دي اقل حاجة كان هيقـ تلي. دا لو مكانش علقني زي الد. بيحة وقطع مني كل يوم حتة. لحد ما اخلص وانتهي قدامو
حبيبة بضحك… دا علي اساس لو عرف ان انت اللي فبركت صور مراته هيرحمك
الشاب… وهو هيعرف منين. عموما ربنا يستر. انا كده كده هاخد الفلوس وهطير برا مصر
كمل وقال…. ها جيبتي الفلوس معاكي ولا لا
حبيبة…. جبتها.. مستعجل انت علي الفلوس اوي
هو… اظن حقي
حبيبة وهي بتطلع فلوس كتير جدا من شنطها..
وادي حقك ياخويا
وهي بتديهملو
مسكهم وبدأ يعدهم
حبيبة… استأذن انا بقا. علشان السواق مستنيني
مسك ايدها وقال قبل ماتتحرك… تروحي فين. لما اعد فلوسي الاول. مش يمكن يكونو ناقصين عن الاتفاق
حبيبة…. لا اطمن مش ناقصين دول 200 الف زي مااتفقت معاك..
هو….. اعدهم بردو
حبيبة….. هتعد 200 الف دلوقتي وعلي ايدك
هو بسماجة … اه انا شاطر في الحساب وهعدهم دلوقتي
حبيبة بضيق وزهق….. طيب مادام شاكك فيا عدهم واخلص
هو….. هعدهم
وبدأ يعد
حبيبة بزهق… ها تمام
هو ببرود … اه
وبعدين قالها….
الا قوليلي بتعملي كل ده فيها ليه
حبيبة…. وانت مالك
ونزلت من العربية
بصلها من الشباك وقال… حمزة مش هيتجوزك بردو
بصتله حبيبة بغضب ومشيت
وهو ضحك وشغل العربية وطلع بيها
………….
في بيت هارون
حمزة دخل البيت بس لوحدو من غير زهرة
صفية… زهرة فين ياحمزة راجع لوحدك ليه. وبعدين انتو مشيتو من امبارح ومرجعتوش كلمناكو كذا مرة محدش بيرد .. كملت بقلق… زهرة فين ياحمزة… عملت فيها ايه
حمزة بهدوء ….اطمني هي عند جدتها
ولسه هيطلع لكن وقف لما امينه قالت
….. ويتري بقا لما روحتو لدكتور تاني يكشف عليها طلع ايه.. مش طلع الحمل حقيقي بردو
حبيبة بسخرية …. بس مايبنش عليها خالص اللي يشوفها يفتكرها محترمة بجد
ليلي … انا مش مصدقة لحد دلوقتي وبصراحة مصدومة في زهرة.
مكنتش اتخيل انها تعمل كده و..
قاطعها حمزة بغضب وقال…. قسما بالله العظيم اللي هيجيب سيرة مراتي بنص كلمة. لاكون قاطعله لسانه.
كمل بزعيق….. انتو فاهميييين
امينه… ايه ياحمزة. مش دي الحقيقة يابن بطني
حمزة…. لا مش الحقيقة. الحقيقة ان زهرة زي ماهيا. مررراتي اشرف واحدة في الدنيا.
كمل بتحذير……. واللي هيفكر يشوه سمعتها اقسم بديني ماهرحمه
صفية بفرحة…. يعني ياحمزة الدكتورة اللي كشفت عليها هنا كلامها طلع غلط صح ولما روحتو للدكتور قالكو انها مش حامل.. انا كنت متأكدة ان زهرة شريفة
حمزة…. بالظبط كده.. الدكتورة طلعت البهيمة بتفهم احسن منها.
وسابهم وطلع
ليلي… طب الحمدلله انا اصلا مكنتش مصدقة والله ……
عند زهرة كانت خرجت من عند الدكتورة وهي تايهة
وراحت قعدت علي البحر وفضلت تعيط وهي بتشتكي همها لربنا وهي بتدعي ربنا ان اللي هي في ده يطلع كابوس وتفوق منو وتلاقي نفسها زي ماهيا لكن للاسف اللي هي فيه واقع مش حلم
زهرة كانت بتعيط اوي بألم علي كل اللي بيحصلها
فضلت ساعات مكانها بتعيط وهي بتقول.. لييه يارب. لييه معملتش حاجة وحشة علشان يحصلي كل ده
وهي بتعيط اووي
بس فاقت علي ايد حد بيلمس عليها بصت وكانت ست كبيرة
اللي اول مازهرة بصتلها ومن قبل ماتنطق قالت الست الكبيرة… ربنا مش بيعمل فينا حاجة وحشة. بس اصبري واكيد ربنا ليه حكمة في كده. ربنا اذا احب عبدا ابتلاه
اكيد ربنا بيختبرك..
اتحلي بالصبر وهتشوفي كرم ربنا عليكي
طبطبت علي كتفها وبعدين قامت مشيت
اتنهدت زهرة وهي بتبص لطيفها وبتقول… يارب
قامت علشان ترجع البيت بتلف لاقت احمد في وشها
احمد… وحشتيني
في نفس اللحظة اللي حمزة نزل فيها من عربيته واول ما لمح احمد واقف معاها قال بغضب….. زهررررررة
يتبع……..