طول عمرك رمرام. وهتفضل طول عمرك رمرام
وبصت لسهر اللي واقفة بتتشاهد علي نفسها وقالت بنفس السخرية… انتي بقا كنتي عاوزة تعرفي انا مين.. احب اعرفك بنفسي
وكملت بمرح مصطنع وقالت… انا ضررتك ياعنيا.. مرات البيه. جووززك
وبصت لحمزة وقالتلها…. خلي بالك منو علشان هو مش بيحب الوحدة خاالص
ورجعت بصتلهم الاتنين بقرف وبتلف علشان تخرج لكن حمزة قرب عليها بسرعة… زهرة. استني. هفهمك. انتي مش فاهمة حاجة
ولسه بيمسك ايدها
لكن زهرة شدت ايدها منو وقالت بملامح جامدة… ابعد عني
حمزة….
زهرة مش زي مافهمتي الموضوع ال…
ولسه هيكمل
زهرة زقته بغضب وعصبية….هتقول ايه. هتكدب.. هتكدب تاني
خدت نفس وقالت…. عموما انا ميفرقش معايا تطلع متجوز تطلع مطلق ميفرقش.
انت كلك متفرقش معايا
ومش عاوزة اشوفك تاني ولا اسمع سيرتك
وخرجت بسرعة وهي جواها بركان غضب ومش قادرة وهي حاسه انها هتنفجر من كتر الصدمات اللي مش عارفة تلاحقها
وبمجرد مازهرة خرجت لف حمزة ل سهر اللي واقفة مرعوبة لكن كان في حاجة من جواها مفرحاها وهي ان زهرة عرفت انو متجوز وفي نفسها بتقول ان زهرة اكيد مش هتكمل معاه وهتطلب الطلاق وبكدة تبقي خلصت منها ويفضل حمزة ليها لوحدها
فاقت علي صوت حمزة الغاضب اللي قرب عليها وبيقولها بشر… انتي ايييه اللي جابك هنااا
سهر حاولت متبينش خوفها وقالت بسخرية….
هي دي بقا اللي اتجوزتها عليا ياحمزة بيه. و
قطعت كلامها لما حمزة مسك دراعها جامد بغضب… انا مش قولتلك متجيش الشقة دي ومتخرجيش من البيت .. اي اللي خرجك و جابك هناا.. انطقييي
سهر بتعلثم لما شافت الشر في عينه … و. والله. مـ مكنت ا. اعرف . انها هنا
كملت بألم من ماسكته… حمزة. ايدي انت بتوجعني
حمزة بغضب وهو لسه ماسكها …. اييييه اللي خرجك
سهر … ما انت بقيلك كتير مش بتيجي. وو كلمتك كتير مش بترد
حمزة وهو لسه ماسك دراعها بغضب….
ناقصك حاجة في البيت
سهر هزت راسها ب لا
حمزة…. ناقصك فلوس. كنتي محتاجة ايه.. فلوس يعني
سهر… لأ معايا ماانتي بتسيبلي فلوس كتير.. ايدي ياحمزة. بتوجعني
حمزة ساب ايدها بعنف وهو لسه بيبصلها بغضب.. ولما مش ناقصك حاجة ايه اللي جاابك
سهر وهي بتحرك ايدها علي دارعها بتحاول تخخف الوجع قالت بقهر ….. ناقصني انت.. هو لازم يكون ناقصني فلوس او اكل.. انا مراتك وليا حقوق عليك. بقيت رميني مابقتش تسأل عليا
قربت منو جامد وقالت وهي بتبص في عنيه.. انت مكنتش بتستغني عني. ايه اللي حصل.. من يوم مااتجوزتها وانت بقيت متغير معايا.
مع اني اللي اعرفه ان جوازك منها مش زي اي جواز وان ابوك اللي صمم علي جوازكو.. وانها اصلا سايباك وقاعدة مع جدتها يعني لا هيا في دماغك ولا انت في دماغها. ايه اللي غيرك. انت حبيتها.؟؟؟..
حبيتها
وهي بتبصله جامد بترقب ومستنية الاجابة
سهر دموعها نزلت…. انت حبيتها ياحمزة
حمزة…. انا بحب زهرة من واحنا عيال صغيرين ياسهر. منسيتهاش ومحبيتش في حياتي ولا واحدة غيرها
سهر دموعها نزلت اكتر بألم
قالت بوجع…. وانا. انا ايه في حياتك. اتجوزتني ليه
حمزة…. ماانتي عارفة انا متجوزك ليه ياسهر
سهر هزت راسها بدموع.. عارفة..
عارفة
بصتله وكملت بالم…. علشان ابسطك.. متجوزني متعة لمزاجك و بس.. مش ده اللي بتقولهولي كل شوية.. وديما بتفكرني بيه احسن انسي
مسحت دموعها وقالت…. مع انك مكدبتش عليا ولا قولتلي بحبك قبل كده ومعرفني من قبل ماتتجوزني غرضك.. وانك متجوزني متعة وبس… بس كان في احساس جوايا بيقولي انك بتحبني. واللي كان مخليني مصدقة احساسي اكتر. اني من يوم مابقيت معاك انت ملمستش واحدة غيري ودا انا متأكدة منو…. علشان كده لما دخلت دلوقتي وشوفتها معاك ولما افتكرتها واحدة من اللي كنت تعرفهم كنت هتجنن لاني عارفة من يوم مااتجوزتني وانت مستكفي بيا
رقت نبرتها شويه وهي بتحاول تقرب منو…..هو انا مبقتش اوحشك زي الاول..للدرجادي خدتك مني..
هزت راسها وقالت وهي بتقنع نفسها انو بيكدب عليها..
لا انا مش مصدقة انك بتحبها. انت بتحبني انا. انت اساسا عمرك ماجبتلي سيرتها
حمزة مكانش سامعها ولا معاها هو كل اللي فارق معاه زهرة اللي مشيت وهو عارف انها صعب ترجعله بعد ماعرفت انو متجوز واحدة تانيه
حمزة بصلها وبكل هدوء … امشي
سهر…. امشي فين
حمزة… ارجعي الشقة.. يلا روحي… ولا تعالي اخدك في سكتي.. انا كنت نازل..
ومسك ايدها….يلا. وحسابك معايا بعدين. بس لما افضالك
سهر شدت ايدها منو وبعصبية…. انت بتعمل معايا كده ليه
خايف عليها اوي وعلي مشاعرها.. واناا. انا ايه. منا مراتك.
.. روحت اتجوزتها عليا..
يعني المفروض تخاف علي مشاعري انا. مش مشاعر الهانم. انت اتجوزتها هي عليا. مش العكس. اتجوزت عليا وبرغم كده انا سكت وحطيت في بوقي جزمة قديمة… بس لأ.. انا مش هسمحلك تيجي عليا..وتظلمني. انا مراتك وليا حقوق عليك.. وليا الحق تتجوزني في النور زيها.. مش تبقي متجوزني في السر وراميني. وتجيلي وقت مامزاجك يطلب. انا مراتك زيها فاهم بقلم فريدة احمد
حمزة بهدوء … مراتي. تمام..
بصلها وقال بنفس هدوءه.. والنهاردة هتبقي طليقتي.. وبكل هدوء… انتي ط..
لكن سهر بسرعة حطت ايدها علي بوقه وقالت…. لا لأ ياحمزة.. متطلقنيش.
اتجمعت الدموع في عنيها وقالت… انا بحبك.
ارجولك لا متنطقهاش
حمزة شال ايدها من علي بوقه وخد تليفونه ومفاتيحه وخرج وقفل الباب وراه من غير مايتكلم
سهر غمضت عنيها وهي بتبص عليه بدموع
وقعدت مكانها وفضلت تعيط بقهر
….
في الصعيد
ليلي بتعيط في حضن امينة امها وهي بتقول… اتجوزها ياماما. اتجوز عليا
وهي بتعيط ومنهارة
امينه…. اهدي. اهدي ياحبيبتي هيحصلك حاجة
ليلي…. مش قادره ياماما مش قادرة. دا كسرني
امينه…. كسرك دا ايه يابنت الهبلة . لا عاش ولا كان اللي يكسرك. وبعدين انتي متزعليش. يابت دا اتجوزها علشان يزلها.
مش بتقولي ليها يد في مـ وت يوسف. هو هياخد بطاره منها دا مش بعيد يقـ تلها بعد مايعـ ذبها…..
و بعدين حكاية الجواز دي مش داخلة عليا اساسا.. دا تلاقيه ورقة مزورها. علشان كان عارف ان امها هتبلغ عنه انو خاطفها.. واكيد عمل كده عشان تبقي اسمها مراتو وميلبسش تهمة انو خاطفها.. وبكده يعـ ذبها براحتو بقلم فريدة احمد
ليلي… ياماما عقد الجوزاز حقيقي مش مزور. هو اتجوزها بجد
امينه وهي بتتوعد لرحيم من جواها بس بتحاول تهدي بنتها … وافرضي. هو زي ماقولتلك.. يعني متقليقيش.. شويه وهتلاقيه دفنها حية..
دي شاركت في قتـ ل اخوه يعني بالنسبة ل رحيم الله يرحمها
ليلي… بس هي مشاركتش في قـ تل يوسف
امينه… مين اللي قالك.
ليلي … هي بتقول كده. وهو دلوقتي شكلو مصدقها مش زي الاول..
دموعها نزلت اكتر بوجع وهي بتقول…. رحيم لسه بيحبها انا عارفة
امينه… بطلي هبل.. هو بيحبك انتي. يابت انتي ام بنتو
ليلي وبتمسح دموعها… بس. ام بنتو بس.. لكن رحيم عمره ماحبني لانو عمره مانسيها ولا شالها من دماغه.. رحيم اتجوزني غصب لما عمي اجبرو يطلقها واجبرو بردو يتجوزني..
وهي بتعيط اوي بوجع… انا عاوزة اتطلق ياماما.
مش هعيش معاه تاني وانا عارفة انو مبيحبنيش. كفايه اوي كده. وبعدين هو خلاص حبيبة القلب بقت معاه…
انا هقول لأبويا يطلقني منو.. انا مش عاوزه
امينه… لأ طبعا. طلاق ايه ياهبلة انتي. مفيش طلاق
ليلي صرخت فيها…. مبيحبنيش. بقولك مبيحبنبش. ومش بعيد الاقيه هو اللي بيطلقني من نفسو بقلم فريدة احمد
امينه…. رحيم بيحبك وانا متاكدة والدليل انو عمره ما عاملك وحش. هو ما يقدرش يستغني عنك
واذا كان علي جوازه من البت بنت ال***دي انا هخلي ابوكي ييبهدلو ويخليه يطلقها..
لكن مش بنت امينه اللي جوزها يتجوز عليها وتطلق … لا يطلقها هي ورجله فوق رقبته.. متقلقيش ابوكي مش هيسمحلو يتجوز عليكي ويسكتلو
…………
بعد ساعات
زهرة كانت سافرت اسكندرية عند صاحبتها لانها كانت خلاص فاض بيها مكنتش قادرة تستحمل علشان كده قررت انها تبعد و علي قد ماتقدر يمكن تهدي شوية
…….
عند حمزة في المعرض بتاعه..
(حمزة عندو معرض سيارات كبير جدا)
قاعد في مكتبه وهو مش طايق نفسه وبيدخن بغضب
دخلت السكرتيرة…. حمزة بيه في مقابلة النهاردة مع كمال بيه الاسيوطي وشركائو..معادهم كمان نص ساعة وهييجيو علشان تمضي معاهم الصفقة.وده الورق.انا جهزته كله
وهي بتحطه قدامه.
حمزة قاطعها… اجليه دلوقتي
وقام وهو بياخد مفاتيحه
السكرتيرة… بس يافندم..
هما زمانهم علي وصول
حمزة بغضب….. انتي مابتسمعيش.. كلميهم اعتزيلهم. ولا الغيها
السكرتيرة…. ح. حاضر
حمزة نزل وخد عربيته وطلع علي بيت جدة زهرة معتقد انها عند جدتها
بعد وقت وصل
جدة زهرة فتحتلو…. حمزة .. اتفضل يابني
حمزة وهو علي الباب … انا عاوز زهرة. ممكن تناديلها لوسمحتي
جدة زهرة…. بس هي مش هنا.. مجتش اساسا من امبارح
حمزة…. امال راحت فين بقلم فريدة احمد
جدة زهرة…. مش عارفه هي امبارح مشيت من عندي قالت انها رايحة لأبوها وامها.
وحاولت اكلمها بليل لما اتأخرت لاقيت تليفونها مقفول ومن الصبح بكلمها تليفونها مقفول بردو
كملت بقلق… هو حصل حاجة
حمزة مردش ونزل بسرعة
خد عربيته وطلع علي بيت عمه
بعد وقت وصل ودخل علطول خبط علي الباب بعنف
امال فتحتله
حمزة…. زهرة فيين
امال باستغراب…. وانا هعرف منين زهرة فين..
حمزة…. مجاتش هنا النهاردة.
امال…. لأ. هي كانت هنا امبارح ومشيت مرجعتش تاني من ساعت مـ.
وسكتت
حمزة…. من ساعت ماقولتيلها انك مش امها
امال…. كده كده كانت هتعرف
حمزة بضيق ….
طيب ممكن تكون راحت فين يعني
امال…. مش عارفه. انا معرفش عنها حاجة.. بس ممكن تكون عند جدتها او حد من صحابها
حمزة…. مين صحابها اللي ممكن تكون راحت عندهم
امال ببرود…. معرفش
حمزة بصلها بغضب ومشي
……….
عند زهرة
كانت واقفة في البلكونه رافعة وشها ومغمضة عنيها وهي بتسنشق الهوا
جات صاحبتها شيري ودي اكبر من زهرة ب 10 سنين بس بينها وبين زهرة صداقة قوية جدا. هي صاحبة امال بس قريبة من زهرة جدا وبتعتبرها اكتر من اختها
وكمان business woman ناجحة جدا
شيري وقفت جمبها… مش هتحكيلي بردو..
زهرة بصتلها وسكتت
شيري…. مالك يازهرة.. فيكي ايه. ايه اللي حصل معاكي ياحبيبتي وخلاكي بقيتي كده وفي عيونك الحزن ده كله
زهرة اتنهدت ورجعت تبص علي البحر اللي قدامها… اللي حصلي
ابتسمت بوجع وقالت…. اللي حصلي كتير. كتيير اووي. مفيش واحدة تستحمله
شيري قربت حط ايدها عليها…. احكيلي يازهرة. يمكن لما تحكي وتتكلمي ترتاحي. فضضي ياحبيبتي
زهرة…. صدقيني مش قادرة حتي اتكلم
شيري…. براحتك طبعا.انا مش هصغط عليكي. بس اتأكدي اني جمبك واي وقت عاوزة تتكلمي اناهسمعك
وقربت حضنتها وفضلت تمشي ايدها علي شعرها بحنان
شيري…. تعرفي يازهرة. انا طول عمري بحس انك بنتي مش صحبتي.
زهرة رفعت وشها من حضنها وقالت ببتسامة.. بنتك. دول كلهم 10 سنين
شيري ببتسامة …. بردو بنتي. عارفة حتي بعد ما كنت بقعد ازعل اني مش هعرف اخلف رجعت وقولت ماانا عندي زهرة. لو خلفت عمري ماكنت هحب بنتي اكتر منك
زهرة… انا كمان بحبك ياشيري.انتي اقرب واحدة ليا.. سكتت ثواني وبعدين قالتلها… شيري
شيري…. ايه ياقلبي
زهرة …. انا مش عاوزه حد يعرف اني هنا ممكن متقوليش لاي حد.. انا عاوزة ابعد عنهم.. مش عاوزة اشوف حد فيهم. ومش عاوزاهم يعرفو مكاني
شيري…. حاضر
زهرة …. انا عارفة ان بينك وبين حمزة شراكة في الشغل وبتتقابلو كتير ومتأكدة انو هيكلمك يسالك عليا..
ااوعي ياشيري
شيري….حاضر ياحبيبي والله. متقلقيش يازهرة.. يلا بقا علشان ناكل. انا طلبتك السوشي اللي بتحبيه
زهرة … لا ماليش نفس. انا هنام
شيري….. ناكل الاول وبعدين ننام
………………………….
عند حمزة
حمزة وهو في العربية افتكر انها ممكن تكون راحت ل رحيم
اتصل عليه
رحيم…. ايه ياحمزة
حمزة بسرعة…. هي زهرة جات عندك
رحيم باستغراب…. هتيجي عندي ليه
حمزة…. يعني مجتش
رحيم… في ايه ياعم. مالها زهرة. وبعدين ايه اللي هيجيبها عندي
ثم اكمل باستفزاز… هي ضايعة منك ولا ايه
حمزة بضيق…. انا قولت دي جاتلك لما عرفت انك اخوها
رحيم باستغراب… اخوها.. اخوها مين.. اخوها الزاي
حمزة…. اخوها.. ماهي زهرة اختك
رحيم…. اختي الزاي يلا..
ولاا يا حمزة انت شارب حاجة ياض
حمزة بملل قال… رحيم زهرة تبقي اختك. زهرة بنت هيام الشاذلي اللي ابوك كان متجوزها
رحيم وهو بيحاول يستوعب
وقبل مايتكلم
حمزة قالو…. رحيم البنت اللي ابوك خلفها من هيام ماماتتش. تبقي زهرة
رحيم بصدمة وزهول… انت بتقول ايه.. الزاي
حمزة قالو كل حاجه
رحيم ببرود…. وانت فاكرني هصدق التخاريف دي
حمزة…. لا دي حقيقة. زهرة فعلا اختك
رحيم بسخرية…. ودي كدبة جديدة من عمي محمد علشان ياخد بيها فلوس ابويا لبنتو. انا عارفه يعمل اي حاجة عشان الفلوس حتي لو هيبيع عيل من عياله..
كمل بعصبية… ايه شايفني عيل بريالة علشان اصدق العبط ده
حمزة…. انت بتقول ايه. زهرة مش بنت محمد فعلا. زهرة اختك بجد
رحيم بغضب وغـ ل….. لو بنت هيام عايشة فعلا انا اللي هاخد روحها بإيدي
يتبع…..
زهرة_وسط_اشواك
البارت_20
بقلم_فريدة_احمد♥️
رحيم بغضب وغـ ـل…. لو بنت هيام عايشة انا اللي هاخد روحها بإيدي
حمزة…. بتقول ايه انت اتجننت
رحيم…. حمززة. زهرة مش اختي. زهرة بنت محمد وهو اكيد عامل الحوار ده علشان يشاركني في فلوس ابويا.
بس انا بقا مش اهبل ولا بريالة علشان اصدق العبط ده
لكن بالنسبة لموضوع ان اختي عايشة ف ياريت لاني همـ وتها بايدي واكون خدت بطـ اري من هيام
اتنهد بغل وكمل…. الوحيدة فيهم اللي نجت من ايدي.ومعرفتش اعملها حاجة
حمزة…. مش يمكن هيام دي ملهاش يد في اللي حصل اساسا.. وبعدين انت خدت بطارك وخلاص خلصت. ماانت قتلت اخواتها الاتنين. واحمد ربنا ان الموضوع خلص ومحدش ثبت عليك حاجة.. انت كده خدت بطارك يارحيم. بلاش د. م بقا. وبعدين انا حاسس ان هيام دي ملهاش علاقة
رحيم ابتسم بسخرية وقال … ملهاش..
دي هي اللي خطتت لكل حاجة بنت الكلب. وديني لاخليها تتمني الموت ومش هتطوله.
كمل بتوعد… يومها جاي اكيد.. ولو بنتها عايشة صحيح. هقـ تلها قدامها
حمزة بهدوء…. بنتها تبقي زهرة ودي حقيقة انا متأكد منها.. ايه هتقتلـ ها بردو..
كمل بعصبية وقال… وبعدين افرض مش زهرة وطلعت واحدة تانية ايا كان هي مين . هتقـ تل اختك. انت مجنوون
رحيم ببرود… واذا كنت انا مش مقتنع اني ليا اخت منها.. انا اضمن منين انها خلفت من ابويا اساسا. مش يمكن غلطت مع حد وقتها ولبستها لابويا
حمزة…. بقولك ايه..
البنت اللي خلفتها هيام اختك لانها من ابوك. وجدي اتأكد من ده من يوم ماخدها. واهي طلعت في الاخر زهرة.. ها هتأذيها بعد ماعرفت
رحيم سكت
حمزة بتهديد…. اقسم بديني يارحيم ماتقرب من زهرة لأكون قاتـ لك . انت سااامع
وقفل في وشه
……………………
عدي اسبوع وحمزة وابوه قالبين البلد علي زهرة لكن معرفوش يوصلولها
….
عند امال
امال واقفة قلقانة وجدة زهرة قاعدة بتعيط
برا محمد كان داخل وهو في التليفون … انا عاوزك متسيبش مكان غير لما تدور فيه. انت فاهم
الرجال…. تمام ياباشا.
محمد قفل وهو بيمسح علي وشه بحيرة وبعدين فتح الباب ودخل
امال اول ماشافته قربت عليه بسرعة… هاا عملت ايه لاقيتها عرفت مكانها
محمد… لسه.
امال بدموع…. اتصرف ورجعلي بنتي يامحمد. ارجوك
وهي بتعيط
جدتها بدموع … يعني ايه. هتكون راحت فين بس. ياتري انتي فين يازهرة. ياتري انتي فين ياحبيبتي..
وكملت وهي بتبص ل امال و بتهام وتأنيب… ارتحتي. يارب تكوني ارتحتي دلوقتي. اهي مشيت ومحدش عارف هي راحت فين وبسببك..
فضلتي لحد ماضيعتيها..
امال…. لا لا انا مش هستحمل بنتي تضيع مني.. ارجوك يامحمد اعمل اي حاجة. المهم ترجعلي بنتي
محمد بسخرية…. دلوقتي بقت بنتك..
كمل بزعيق… ومين اللي ضيعها. مش انتي. دلوقتي عاوزها وبتعيطي
امال وهي بتعيط وحاسة بالندم…. انا مش عارفة انا عملت كده الزاي.. بس من حزني علي شيماء. مكنتش عارفة انا بقول ايه.
هزت راسها… بس لا زهرة بنتي وبحبها.. ايوا كنت بقسي عليها بس والله بحبها. دي انا اللي مربياها. سنين وهي بتكبر واحدة واحدة قدام عيني.
دموعها كانت بتنزل اكتر وهي بتقول… صعب..
انا اساسا
مش هستحمل الاتنين يروحو مني. كفاية شيماء
وقعدت وفضلت تعيط بحسرة وهي بتندم علي معاملتها مع زهرة
……………
عند زهرة
كانت زهرة نايمة علي السرير
شيري فتحت الباب ودخلت تصحيها
قعدت جمبها علي السرير وهي بتمشي ايدها علي شعرها ..
شيري… زهرة. زهرة اصحي ياروحي.
فتحت زهرة عينها بكسل
شيري ببتسامة… صباح الخير
زهرة وهي بتتعدل.. صباح النور
شيري قامت وهي بتفتح البلكونة وبتشد السيتارة
شيري… كل ده نوم ياكسولة
زهرة اتنهدت وقالت بشرود…لو اطول انام طول الوقت هنام. مش عاوزة اصحي. مش عاوزة افكر.
انا بهرب من التفكير بالنوم..
شيري فتحت درج وطلعت منو دوا وقالت… وبتاخدي ده علشان تنامي. مش كده.
زهرة سكتت
شيري… منوم يازهرة. ماانتي عارفة اضراره. حرام عليكي نفسك
زهرة…. عاوزاني اعمل ايه.. انا لما بقعد مع نفسي وافتكر كل اللي حصلي واللي لسه بيحصلي ببقي همـ وت. مش مستحملة ومش قادرة استحمل
شيري… انا عارفة ان اللي حصلك صعب. بس انتي قوية
وهتعديه بإذن الله. هتتخطي كل ده يازهرة. بس انتي ماتستلسميش للحزن. و حاولي تنسي وقومي وعيشي
حياتك.
زهرة بدموع… حياتي… هي فين حياتي.
مبقاش عندي حياة اعيشها
شيري… حاولي تتخطي اللي حصلك يازهرة وانتي هتقدري تعيشي.. فين زهرة القوية. اللي طول عمري اعرفها بقوتها وعنادها.
زهرة.. انا اتكسرت ياشيري. اتخدعت واتظلمت واتأذيت من كل اللي حواليا.. من اقرب الناس ليا.. اتخانت.اتظلمت اتزليت. #وبعدها اتهمت في شرفي
اتخانت من حمزة زمان واتخانت من احمد واتخانت تاني من حمزة.. اتجوزت مرة بالتهديد من انسان مريض شـ مام اتهجم عليا في بيتنا هددني ياامضيلو علي ورقة جواز يرضي بيها خيالو المريض يا اما #وبردو في الاخر #وبمساعدة اختي. او اللي المفروض كانت اختي..
اتجوزت تاني مرة بالاجبار.
علشان رغبة عمي اللي مدانيش فرصة حتي اقول رأيي ولا حرية الاختيار اني اوافق او ارفض. اتجوزت و اتعاملت اسوء معاملة منو ومن امه.. وختمت اني في الاخر اكتشف ان ابويا وامي مطلعوش ابويا وامي
شيري كانت بتسمعها بحزن عليا
زهرة بصتلها وبدموع…
هو أنا ليه بيحصل معايا كده. ليه مش مكتوبلي أبقى عادية زي أي حد عادي.. ليه كل اللي بيحصلي مش عادي أنا نفسي أبقى عادية، حقي! زي أي بنت حتى لو اختيارها مش أحسن حاجه بس الأيام بتعدي عادي، إنما أنا ابقى مكتوبلي أتوجع وبس ..
أنا مش عارفة أعمل حاجه، عايزة أصرخ ومش عارفه، ومش عايزة حد يواسيني بكلام حلو عشان مش هصدقه، لأن أنا موجوعة، موجوعة بجد ومجروحة. ومفيش كلام هيداوي الجرح اللي جوايا ولا هيخفف الوجع اللي حاسة بيه
………
تاني يوم
عند حمزة وهارون
هارون قاعد علي مكتبه وحمزة قصاده
راجل من رجالتهم دخل وهو بيبص في الارض.. دورنا في كل كمان ياهارون بيه.ملهاش اثر
حمزة قام بغضب…. يعني ايه انت والحمير اللي معاك مش عارفين تلاقوها
الراجل.. والله يا حمزة بيه.ماسبنا مكان في البلد غير لما شوفنا فيه وبره البلد مسافرتش.
هارون…..
يعني ايه هتكون راحت فين.. اختفت يعني
بص لحمزة اللي قاعد محتار وبيفكر بشرود هي ممكن تكون راحت فين
هارون لسه هيتكلم فجأة حمزة قام بعد ماافتكر شيري حمزة وهو بياخد مفاتيحه قال وهو خارج…. انا رايح اسكندرية ياحاج
وخرج علطول من غير مايرد علي هارون
….
عند شيري في شركتها
شيري قاعدة علي مكتبها وبتكلم زهرة علي الفون وهي بتحاول تقنعها تجيلها الشركة ويخرجو
شيري كانت بتحاول تفكها
وبعد محاولات كتير من شيري
زهرة…. هشوف لو قدرت هاجي
شيري….. مفيش حاجه اسمها لو قدرتي. هتيجي يازهرة. انا مستنياك.
يلا متتاخريش
شيري وهي بتأكد عليها… زهرة. اوعي متجيش
زهرة بهدوء… حاضر ياشيري. جاية
قفلت شيري معاها ومفيش دقايق وبصت لاقت حمزة داخل
شيري بتوتر… حمزة
حمزة…. زهرة فين
شيري…. وانا هعرف منين زهرة فين
كملت وهي بتحاول بتمثل الاستغراب… هو فيه اي ومالها زهرة. ا..
قاطعها حمزة… زهرة مختفية من اسبوع..انا متأكد انك تعرفي مكانها.. زهرة فين ياشيري
شيري…معرفش
حمزة….. تمام. بس لو عرفت انك عارفة مكانها ومخبية عليا. متلوميش غير نفسك . اقسم بالله ياشيري هتشوفي تعامل مني مش هيعجبك
شيري .. ايه ياحمزة.. بتهددني ولا ايه..
ماتشوف انت عملت معاها ايه علشان تسيبك وتمشي
حمزة… مانتي عارفة اهو… زهرة فين ياشيري. اخر مرة هسألك
شيري… وانا قولتلك معرفش
حمزة…. تمام
وخرج
شيري مسكت تليفونها بسرعة علشان تكلم زهرة متخرجش لكن زهرة كانت خرجت بالفعل ودخلت الشركة كمان وهي طالعة علي السلم لاقت شيري بتتصل عليها زهرة كنسلت لأنها افتكرتها بتستعجلها علشان تيجي
زهرة بعد ماكنسلت علي شيري وهي طالعة بترفع وشها لاقت حمزة
يتبع… #زهرة_وسط_اشواك
#البارت_ال21
ل فريدة احمد♥️
بترفع زهرة وشها وهي طالعة علي السلم اتفاجأت ب حمزة في وشها وهو نازل زهرة كانت مصدومة ومتوترة ومش عارفة تعمل ايه
بس من حظها ان حمزة كان بيقلب في موبايله ومشغول فيه مشافهاش اساسا
زهرة بسرعة سحبت نفسها بهدوء ورجعت لورا قبل ماحمزة ياخد بالو منها ونزلت بسرعة وهي بتتلفت علي مكان تتداري نفسها فيه بصت لاقت اوضة مفتوحة دخلت علطول استخبت فيها وهي حاطة ايدها علي قلبها
بعد دقايق فتحت الباب وخرجت وهي بتبص عليه كان حمزة نزل وهو بيتلكم في التليفون وخد عربيته ومشي
اتنهدت براحة لكن كانت متوترة وهي مش علي بعضها وطلعت
ل شيري مكتبها
زهرة دخلت وهي حاطة ايدها علي قلبها
شيري قربت عليها…. زهرة… حمزة كان عندي دلوقتي ولسه نازل. هو شافك. شوفتيه طيب
زهرة وهي بتتنفس بصوت عالي …. شوفتو.. بس استخبيت منو.. قبل مايشوفني
شيري… جدعة
زهرة بصتلها…. انا خايفة
شيري…. خايفة من ايه هو خلاص مشي
زهرة…. بس اكيد هيخلي حد من رجالته هنا يراقبك لأنو اكيد شاكك اني عندك او تعرفي مكاني
شيري…. هو فعلا شاكك بس انتي اتطمني متقلقيش. انا هعرف اذا كان مراقبني ولا لا.. متقلقيش بقا
زهرة…. بس انا مش هينفع افضل عندك
شيري…..
ليه ما انا قولتلك متقلقيش
زهرة….. لا هو اكيد هيوصلي… شيري انا مش عاوزاهم يعرفو مكاني.. انا لازم امشي اروح مكان تاني
شيري….. طيب خلاص. انا عندي شقة محدش يعرف عنها حاجه. هاخدك تقعدي فيها .. اتطمني بقا
……………..
في الصعيد
صفية…..انا مش فاهمه حاجه.. الزاي يعني زهرة بنت زيدان. مش بنت محمد
امينة…. والنبي ياختي انا زيك. مافاهمة حاجة
وبصت ل هارون اللي قاعد قلقان وماسك تليفونه وباين انو مستني مكالمة
امينة….. هو الزاي ده ياحاج.. يعني بعد السنين دي كلها نكتشف انها بنت زيدان..
صفية… انا مصدومة ومستغربة
هارون….
نلاقي البت الاول وبعدين اتصدمو واستغربيو براحتكم
صفية بغيظ …. وانتو ليه كنتو مخبيين علينا يعني ياهارون
هارون بحدة ….مش وقتو ياصفية. انا مش عاوز لت كتير دلوقتي
حمزة دخل كانو كلهم متجمعين
هارون بسرعة….. ايه عرفت مكانها
حمزة قعد بيأس…. لأ
هارون….. يعني ايه. اختفت
حمزة بشرود وهو بيتوعدلها…. متقلقش يابوي. كده كده هاجبيها
وفي نفسه… طيب يازهرة. انا هعرفك الزاي تمشي وتسيبي البيت
……….
مساءا في اخر اليوم
عند زهرة وشيري
زهرة ….. ها خلاص
شيري وهي بتلم الورق اللي قدامها علي المكتب….
خلاص اهو
و قامت وهي بتاخد تليفونها وشنتطها.. يلا… بس مش هنروح
زهرة…. امال هنروح فين
شيري….. هروح اعمل شعري وانتي هتيجي معايا
زهرة…. ماشعرك حلو اهو هتعملي فيه ايه
شيري…. هغير لونه. بقيلي كتير مغيرتوش
زهرة …. اللي تشوفيه.. بس انا مش هينفع اجي معاكي
شيري…. لييه. ماانا اتأكدت ان مفيش حد بيراقبنا..قلقانة من ايه بقا
زهرة وهي حاسة بأرق … ايو بس عاوزة ارجع الشقة علشان انام
شيري….. يازهرة. سيبك من النوم بقا. ويلا تعالي معايا نعمل لوك جديد كده بدل الزهق والملل ده..
طب انتي مش عاوزة تعملي حاجة في وشك.او في شعرك
زهرة… لا. انا ماليش نفس اعمل اي حاجة سيبيني باللي انا فيه
شيري….. احنا قولنا ايه.. هنحاول ننسي ونعيش حياتنا…
هاا هتعملي ايه بقا.. انا بقول تغيري لون شعرك انتي كمان
زهرة…. لأ. انا بفكر اقصو. عاوزة اعمل قصة جديدة
(زهرة في الاساس شعرها طويل جدا ولونه بني، ودايما بتعملو كيرلي)
شيري بحماس….. ايوا بقا..
يلا بينا
…………………………………
عند سهر في شقة مامتها اللي هي تحت شقتها
لان حمزة من يوم مااتجوزها واخدلها شقة ولـ مامتها شقة في نفس العمارة
سهر قاعدة بتعيط وحزينة
بصتلها لثواني اختها الصغيرة اللي قاعدة بتذاكر
وقالتلها بتساؤل…. سهر هو انتي بتحبي حمزة. ولا بتحبي فلوسه
سهر مسحت دموعها وردت عليها باستغراب…. مش فاهمه. ايه السؤال ده. تقصدي ايه
رنا….. اقصد بتحبيه هو ولا بتحبي فلوسه. واضحة اهي
سهر….. بحبه وبحب فلوسه
رنا….. بس اكيد بتحبي حاجة اكتر.
يعني يا بتحبيه هو اكتر يا بتحبي فلوسه اكتر
وقبل ماسهر ترد رنا قالت… وانا متأكدة انك بتحبي فلوسه اكتر. لانك معندكيش استعداد ترجعلي للفقر تاني
وهو ده اللي مخوفك ياسهر انو يطلقك لأنك بكده هترجعي للفقر تاني
سهر….. بس انا بحب حمزة. حبيتو بجد
رنا…. طب عندك استعداد ترجعلي للفقر تاني حتي لو مع حمزة
سهر سكتت
رنا… يبقي بتحبي فلوسه
سهر …. اه طبعا. حمزة جبل فلوس ملهاش اخر.. و انا مش هستني لما يطلقني ويروح لحبيبة القلب يتهني معاها
كملت بغل…..
استحالة اسيبه يتهني معاها وانا يرميني زي الكلبة
رنا….. اتطمني هو حتي لو طلقك مش هيرجعك للفقر تاني. حمزة اكيد مش هياخد مننا الحجات اللي جبهالنا دي يعني
سهر….. بس مش هتفضلي في نفس المستوي اللي بقيتي فيه ياروح امك. دا بيصرف علي جامعتك بس قد كده
دخلت مامتها وهي شايله طبق سندوتشات وهي بتديه ل رنا وبتقولها … خدي ياقلب امك كلي واتغذي علشان تقدري تذاكري
وبصت ل سهر وهي بتقعد …. وانتي الحقي اعملي اللي بقولك عليه قبل ما تلاقي نفسك لا كسبتي ابيض ولا اسود.بدل ماانتي قاعدة تعيطي كده. امني نفسك بحتة عيل يابت. اسمعي كلامي
رنا بصتلهم بملل وقامت خدت طبق السندوتشات وكتبها وخرجت تذاكر بره
سهر بصت لمامتها… وهعملها الزاي دي. ماانتي عارفة ياماما انو مابيجيش غير كل فين وفين وحتي لما بييجي مابيقربليش من يوم مااتجوز السنيورة
مامتها…. والله اتصرفي بقا. اكيد مش هتغلبي يعني.
انشالله تحطيلو مخدر في العصير. وانا اللي هقولك تعملي ايه.. اتصرفي المهم متضيعيش وقت. اتصرفي قبل ما تلاقيه مطلقك في اي وقت
سهر…. حاضر.. حاضر ياماما
مامتها… بالك يابت لو خلفتي منو حتة عيل العز اللي هما فيه ده كلو هيبقي بتاعك وبتاع ابنك
سهر… ياماما انا كمان بحب حمزة. مش هستحمل يطلقي
مامتها…. ومالو حبيه ياختي. ماهو العيل ده اللي هيربطه بيكي
سهر… عندك حق. انا فعلا لازم اخلف منو
……………………