مراتي بتتحايل عليا من بداية الإسبوع اللي فات أتغاضى عن آخر مشكلة حصلت بيني وبين والدي ووالدتي وأنزل أقعد معاهم شوية عشان ربنا سبحانه وتعالى يبارك في حياتي..” وللأسف كنت كل يوم أستغل إني برجع من الشغل متأخر وأقولها هبقى أعدي عليهم بُكرة لإن زمانهم ناموا دلوقتي، ولما يجي بكرة أقولها نفس الحِجه وهكذا؛ لحد ما قالتلي بعد ما رجعت من المسجد بعد صلاة الجمعة النهاردة مش هجهز الأكل غير لما تنزل تقعد مع الجما.عة شوية..
فرديت عليها بمنتهى العصبية لأ، هتجهزي الأكل دلوقتي، وياريت متتكلميش في الموضع ده تاني عشان قلبي مش مطاوعني أتكلم معاهم الفترة دي خالص! إبتسمت وقالتلي حاضر، اللي تشوفه.. وبدون كلام كتير، سابتني ودخلت على المطبخ جري- جابت الأكل وبعد ما إتغدينا وشربنا الشاي قالتلي لما سيدنا النبي يقول: “لا يحل لمسلمٍ أن يهجُر أخاهُ المسلم فوقَ ثلاثِ ليالٍ.” ويبقى المقصود بالحديث ده أخوك في الإسلام مش أخوك في الدم؛ ما بالك بأخوك في الدم؟
وما بالك بأمك وأبوك بقى؟! ولما يقول برضوا: “حُرِّم على النــ . ــار كل هينٍ لينٍ سهل.” ويبقى المقصود بالحديث ده عامة البشر مش مجرد الأحبة بس؛ ما بالك بالأحبة؟ وما بالك بمن وصاك بإحسانهم ربنا سبحانه وتعالى؟! فقلت لها ونعم باللّٰه العلي العظيم، حاضر يا مريم، بس رجاءًا مش دلوقتي عشان بجد مش جاهز نفسيًا للخطوة دي! قالتلي واللّٰه مقدرة حجم زعلك ونفسيتك على راسي من فوق، ولكن الحياة أقصر من أن نظل متخاصمين، وخير البر عاجله، وخيركم من يبدأ بالسلام، ده غير إن اللي بيسامح ديمًا الأول إن شاء اللّٰه هيدخل الجنَّة الأول!
وفضلت تقنع فيا لحد ما زهقت وتعبت من الدوشة اللي عملتها في قلبي وعقلي وضميري، وزعقت فيها قلت لها حاضر يا مريم، هنزل، وربنا هنزل.. وسيبتها وبمجرد ما فتحت باب الشقة إتفاجأت إن يوسف إبني حاطت مسمار في الفيشة بتاعة السلم والكهربا ماسكة فيه مش عاوزة تسيبه! فجريت عليه نقذته على آخر لحظه من المــ . ــوت؛ وقعدت جنبه أعيط زي العيال الصغيرة لحد ما والدي طلع أخدُه في حــ . ــضنه وقعد يبوس فيه ووالدتي أخدتني في حــ . ــضنها وقعدت تواسي فيا وتهديني!
والحمدُّ للّٰه عدت على خير.. ومن ناحية الولد إنكتب له عمر جديد؛ ومن الناحية التانية إتصافيت مع أهلي بدون أدنى مجهود! ولذلك أخدتها في حــ . ــضني وقلت لها شُكرًا يا حبيبتي؛ لولا كلامك كان زماني ببكي بدال الدموع دم دلوقتي.. فردت عليا بكل ثقة الدُّنيا: صنائع المعروف تقي مصارع السوء! منقول