محمد طب هي بتحبك ولا اي
حازم بتحبني بس دي بتموـ,,ــــت فيا انتم شايفين واقفه عماله تعيط ازاي
كريم ما بدام زهقت من كل الكلام دي يا اسطى ادخل على التقيل
حازم تقيل يعني اي مش فاهم قصدكم اي
كريم فتح دماغك كده يا حازم البنت بدام بتحبك اوي كده يبقى هتعمل اي حاجه علشانك
حازم وانتم عايزينها تعمل ايه بقى علشاني
محمد عادي يا اسطا كلمتين حلوين منك على كلمتين حلوين منها هتنسى كل الزعل ده
حازم وبعد ما تنسى يعني ايه اللي هيحصل
محمد اعمل بس اللي بقولك عليه وبعد كده
هقولك تعمل اي
كريم اسمع الكلام يا حازم واحنا هنظبطك يا صاحبي
حازم اما اشوف اخرتها معاكم اي
بعد مرور اسبوعين حليمه قاعده عند خالتها وكل يوم جوز خالتها يبصلها نظرات وحشه ويحاول يحتك بيها وهي كانت بترفض
وفي يوم من الايام الخاله بالليل
حليمه يا حبيبتي
حليمه نعم يا خالتي
الخاله انا رايحه زياره عند اخت جوزي وهبات عندها النهارده وهاخد جوزي معايا وانتب يا حبيبتي خلي بالك من نفسك واحنا مش هنتاخر اول ما النهار يطلع هنجيب نفسنا ونيجي
حليمه خلاص ماشي يا خالتي براحتكم
الخاله هتعوزي حاجه اجيبهالك يا
حبيبتي
حليمه لا يا خالتي عايزه سلامتك
حليمه في نفسها الحمد لله هخلص من الراجل ابو عين زيغه على الاقل النهارده
حليمه دخلت وقفلت الاوضه عليها وبعد تلات ساعات شريف دخل البيت واتسحب زي الحرامي لحد ما وصل غرفه حليمه
حليمه كانت نايمه بترنج بيتي وكانت فرده شعرها فتح باب الغرفه بالراحه وفضل يدخل خطوه خطوه لحد ما وصل على سرير حليمه مره واحده حط ايده على شعرها وبدا يحسس على جسمها
حليمه من الخضه مره واحده قامت من على السرير
حليمه ايه ده انت بتعمل ايه هنا
شريف بعمل الي المفروض اعمله
حليمه تعمل اي انت مش المفروض تبقى مع خالتي دلوقتي
شريف الزكي اللي يصطاد فريسته وانا اصطادتك وصلتها لحد بيت اختي وقلتلها اني انا هعمل مصلحه هرجعلها وجيتلك يا جميل
حليمه وانت عايز مني اي بالظبط
شريف ماهنش عليا تبات لوحدك يا قمر يلا بقى خلي الليله حلوه بقى علشان تتبسطي وانبسط
حليمه انت راجل قليل الادب وزباله امشي اطلع بره
شريف ايه يا روح امك هتعملي شريفه عليا إذا كان جوزك ط.لقك ورماكي عشان مش بنت بنوت وكانتي مقضيها هتيجي عليا انا وتعملي شريفه اقلعي يا بت
حليمه لو ما طلعتش من هنا انا
هصوت والم عليك الناس
شريف صوتي يا حلوه لو في صوت بس طلع منك انا هكتم نفسك وهموـ,,ــــتك وبرده هاخد اللي انا عايزه سواء برضاكي او غصب عنك
شريف بدا يقرب من حليمه لحد ما رماها علي السرير
…………………….. الفصل الخامس 5
شريف بدا يقرب من حليمه لحد ما رمها على السرير
حليمه زقته وقعته على الارض وقامت جريت علي كباية الميه وكس*رتها
حليمه لو قربت مني انا همو*ت نف*سي كده كده انا ما عنديش حاجه اخاف عليها
شريف: انتي مجنونه ارمي اللي في ايدك ده
حليمه:
بقولك ابعد عني
شريف :خلاص هبعد عنك بس ارمي اللي في ايدك الاول انت هتجب*يلي مص*يبه
حليمه :ارجع ورا
شريف رجع لورا وحليمه فضلت تتسحب واحده واحده لحد ما وصلت على باب الشقه فتحت الباب وطلعت تجري بالبجامه وشعرها كان مفرود وكانت الساعه 1:00 بالليل
حليمه فضلت تجري في الشارع زي المجنونه ماكانتش عارفه تروح فين الجو كان متاخر اوي ماكنش في حد في الشارع
حليمه دخلت على مطعم كان الوحيد اللي فاتح اول ما دخلت حليمه دخلت على الكاشير
حليمه: لو سمحت ممكن تساعدني
الكاشير بدا يبصلها من تحت لفوق
الكاشير:
خير في حاجه
حليمه :لو سمحت ممكن تشوفلي اي حاجه البسها ومكان ابات فيه لحد الصبح
الكاشير :وانتي ازاي طالعه في نص الليل بالشكل ده
حليمه: بعد اذنك من غير اي تفاصيل ممكن تساعدني انا عايزه مكان ابات فيه لحد الصبح بس
الكاشير:
وانا اعرفك منين علشان خاطر اديكي مكان تباتي فيه اطلعي بره يا بت انتي اي الاشكال اللي بتتحدف علينا دي ياربي
حليمه :ابوـ,,ــــس ايدك انا ماينفعش اطلع بالشكل ده في الشارع انا ممكن ابات هنا والصبح اوعدك اني انا هشتغل في المطعم همسح واكنس وده اعتبره تمن الليله اللي هابتها هنا
الكاشير بدا يقرب منها ووشوشه في ودنها
الكاشير: طب بقول لك ايه ما تيجي تباتي عندي احسن في الشقه
حليمه: انت وا*طي وقليل الاد*ب
الكاشير:
اطلعي بره يا زبا*له
حليمه طلعت بره وقعدت في ركن جنب المطعم وفضلت تعيط وهي بترفع راسها لفوق شافت واحد كبير شكله غني ومهم اوي
حليمه اول ما شافته قامت وقفت
راشد: انا سمعت كل الكلام اللي حصل جوه وانا حابب اني انا اساعدك
حليمه: بجد يا عمو ربنا يخليك يارب
راشد :ممكن اعرف اي حكايتك
حليمه: انا مابحبش احكي حكايتي لاي حد فلو حضرتك حابب تساعدني اتفضل من غير ما تعرف عني اي حاجه لو مش حابب يبقا تسبني في حالي الله يخليك
راشد:
تعالي اركبي العربيه معايا
حليمه رجعت لورا وكانت خايفه اي
حليمه: نعم انت قصدك اي
راشد :انتي مش عايزاني اساعدك وانا هساعدك تعالي اركبي العربيه وانا هساعدك
حليمه: وانا اي اللي يضمنلي انك هتكون انسان كويس مش هتعمل فيا حاجه وحشه
راشد ضحك ضحكه عاليه
راشد: تعالي يا بنتي انا ما بقاش في صحه لاي حاجه وحشه انا ممكن اكون اكبر من ابوكي تعالي اركبي وما تخافيش مني انا هاخدك دلوقتي في شقه من الشقق بتوعي تغيري هدومك وتنامي والصبح ان شاء الله نبقى نتكلم
حليمه: انا قلبي مش مطمن
راشد:
لا اطمني وما تخافيش انا فعلا حابب اساعدك تعالي اركبي معايا العربيه
حليمه :ركبت العربيه وكانت قلقانه جدا لحد ما وصلوا قدام عماره ضخمه وكبيره
راشد: اتفضلي يا بنتي ده مفتاح الشقه بتاعة الدور التاني افتحي هتلاقي فيه لبس في الدولاب بتاع بنتي ممكن تلبسي منه اي حاجه بكره الصبح ان شاء الله هعدي عليك واخدك في مكان هادي ونتكلم براحتنا وهقولك عايز منك اي ولو خايفه اقفلي على نفسك من جوه
حليمه: طب هو في حد عايش في البيت ده
راشد :لا ده كان بيتنا القديم واحنا مهاجرين بقلنا كام سنه ولسه حاجتنا زي ما هي فيها اطلعي وما تضيعيش اليوم بتاعك نامي وارتاحي
حليمه طلعت الشقه وفتحت الباب بس مع ذلك كانت برده قلقانه وماكانتش مطمنه اول ما دخلت نامت على السرير وفضلت تفكر في الراجل ده وايه اللي هيعوزوا منها فضلت تفكر لحد ما راحت في النوم
…………………………..
في الجامعه عند حازم اخو مراد
كريم: اي يسطا اي مع البت دينا
حازم:
عملت زي ما قلت لي اديني بسكتها بكلمتين حلوين بس انا مش عارف ايه اخره الكلام ده كله
محمد: حلو الكلام انا هقولك بقى الخطوه الجايه تعمل اي
حازم: اديني سامع قول
محمد :هتروح تقولها انك بتحبها وخايف انها تبعد عنك ولازم تضمن حبكم ده بانك تتجواز عرفي اول ما توافق ورقتين عرفي اكتبهم وخليهم معاك وقضي ليلتين حلوين وبعدين ابقى ارميها وقطع الورقتين
حازم: انت مجنون اقضي مع مين بقولك هي بتخاف امسك ايديها هتخليني اجوزها عرفي واقضي معها ليلتين انت مجنون ياض ولا اي
كريم:
الحب بيعمل اكتر من كده يا صاحبي جرب ومش هتندم بس ابقى افتكرنا بحاجه حلوه يا صاحبي
حازم فضل يفكر في كلامهم لحد ما اقتنع
تاني يوم حازم قابل دينا
حازم ؛وحشتيني اوي يا حبيبتي
دينا :وانت كمان يا حبيبي انت كويس
حازم: انا كويس جدا بس في حاجه مخنوق منها
دينا :سلامتك يا حبيبي ايه اللي خانقك
حازم:
انا تعبت خلاص يا دينا من كتر الخوف خايف تروحي مني وخايف ما تكونيش من نصيبي الحاجه دي بقى بترعبني انا بحبك يا دينا وعايزك تبقي معايا العمر كله
دينا :ما تخافش يا حبيبي انا كمان بحبك وعايزه ابقى معاك العمر كله
حازم: الكلام لوحده مش كفايه يا دينا
دينا: امال اي اللي يثبتلك اني بحبك ومش هسيبك ابدا
حازم؛ انا عايز حاجه تضمن حبنا
دينا: واي الحاجه دي بقى
حازم :نتجوز اي رايك نتجوز يا دينا
دينا: انت بتتكلم بجد صح يا حازم
حازم:
والله العظيم انا فعلا عايزه اتجوزك
دينا :وانا موافقه طبعا
حازم: بس انتي عارفه الكليه دلوقتي وانا مينفعش اني انا اتجوز
دينا: امال هنتجوز ازاي
حازم: عايزين نتجوز عرفي لحد ما اظبط اموري واتجوزك رسمي
دينا: مش فاهمه
حازم: قصدي نضر*ب ورقتين عرفي مؤقتا بس لحد ما اخلص كليه واتجوزك رسمي قدام الناس كلها
دينا :تصدق انك انت حق*ير بقا انت عايزني انا اتجوزك عرفي من ورا اهلي
حازم: كل ده عشان بحبك
دينا:
انت تخرس خالص انت ما تعرفش اي حاجه عن الحب وانا غلطانه اني انا حبيت واحد زيك عن اذنك
دينا: جت عشان تمشي حازم مسك ايديها ودينا ضر*باته بالقلم على وشه
دينا: اول واخر مره تلمس ايدي وبعد اذنك ياريت لا تكلمني ولا ترن عليا سلام
دينا مشيت وحازم فضل متغاظ اوي انها ضر*بته بالقلم وقرر ينتقم منها بس ما كانش عارف ازاي راح لاصحابه
كريم: ايه يا اسطى نقول مبروك يا عريس
حازم: اسكت بقى عشان انا عايز اخ*نقك بايديا
محمد: ليه يا اسطى في اي
حازم:
البنت بنت ال*اي ضر*بتني بالقلم
كريم :هههههه تعيش وتاخذ غيرها يا صاحبي
حازم: انا ما بهزرش انا عايزه انتقم منها بجد
كريم: لو عايز تنتقم منها فده امر سهل سيبلي انا الموضوع ده
حازم: انا بقولكم اي انتم الاتنين لازم تشوفه طريقه عايز احط مناخيرها في الارض واك*سرها عايزها تجيلي زحفه على رجلها
كريم: بس كده من عيني يا صاحبي يومين كده وهقولك تعمل اي
حازم :ماشي ياسطا انا همشي انا بقى عايزين حاجه
كريم:
لا مع السلامه يا صاحبي
حازم اول ما وصل على البيت كانت نور اخته قاعده في الصاله
نور :انت شرفت يا استاذ انت عارف الساعه كام دلوقتي
حازم :اي يا بت هتعمليلي محاضره ولا اي
نور: انت وراك امتحان الصبح ولسه ماذاكرتش ولا عملت اي حاجه لو مراد كان هنا ما كنتش سهرت بره لحد دلوقتي
ام مراد طلعت من الأوضه