طفلتي

وفاق من افكيره الغريب دا وفكر نفسه كويس انها مجرد طالبة وسكرتيرة وبس ،زقل/ع الحاكيت الأسود اللي كان لابسه وحطه عليها لما لاحظ انها بردانة وهتبدأ تترعش وقعد يبصلها شوية وسابها ومشي
البنت:ايه دا؟ معملهاش حاجة؟ ،ايه دا؟ كمان قل/ع الجاكيت بتاعه وحطه عليها؟

،لا كدا الموضوع دا فيه إن ولازم اعرفها ،مش هسمح تكون في حاجة بينهم
بعد ما كل الموظفين مشيوا ومكانش فاضل غير يارا وسيف بس في الشركة ،سيف راح يصحي يارا وكانت مكشرة شوية
سيف بهدوء:يارا اصحي ،يارا
يارا بخوف:لا لا انا بخاف من الضلمة ،لا والنبي
سيف:يارا اصحي دا كابو*س
يارا صحيت وقعدت تعيط وسيف جري عليها وح*ضنها وحاول يهديها وطبطب علي راسها وقال بصوت حنون:متخافيش ،دا كابو*س ،انا معاكي
يارا فضلت تعيط شوية في ح*ضنه شوية وبعد كدا أدركت انها في ح*ضنه فبعدت عنه وقالت:انا آسفة ،نمت عشان كنت تعبانة من الدراسة والشغل

سيف:لا مفيش مشكلة ،بس لما تتعبي تاني مرة من الشغل قوليلي
يارا:حاضر
سيف عرض يوصل يارا لبيتها وهي رفضت في الأول بس بعد كدا وافقت لأن الوقت اتأخر عليها وهي بتخاف
وصلها لبيتها وبعد كدا روح لبيته
عند يارا في أوضتها
يارا:هو انا ليه بتطمن لما بكون معاه؟ ،رغم انه دايمًا عصبي ،لكن حنين جدًا ،طيب لو ليه بيهتم بيا؟ ،ايه دا؟ ،هو انا بفكر كدا ليه؟ هو انا ممكن اكون بح……. ،ايه؟

لا لا لا مستحيل يا يارا انسي مش هيعبرك
سيف في أوضته
معرفش ينام وكان بيفكر في يارا
بيفتكر المرتين اللي ح*ضنها فيهم ولما شالها لما كان اغمي عليها
سيف:ايه اللي بيحصل دا؟ ،ليه بكون مبسوط من قربها مني كدا؟
عقله:انت بتفكر كدا ليه؟ ،هي مجرد طالبة في الجامعة وسكرتيرة عندك في الشغل وبس ولا أكتر ولا اقل
قلبه:وانت ايه مشكلتك لما يحب طالبة وسكرتيرة؟
سيف:بس بس اسكتوا انتوا الاتنين
اخيرًا سيف قدر يسيطر علي تفكيره في يارا ونام
تاني يوم تحديدًا في الجامعة
رغد:رامز!
رامز:نعم!

رغد:ممكن اطلب منك طلب؟
رامز:اه طبعًا اتفضلي
رغد:انا عايزاك تساعدني في حاجة
رامز:ايه هي؟
رغد:بصراحة سيف ويارا بقوا يتصرفوا تصرفات غريبة وخصوصًا سيف معاملته مع يارا بقت مختلفة
رامز بتركيز:مختلفة ازاي يعني؟
رغد:يعني بيجيبلها أكل ويوصلها معاه الشركة وساعات بيروحها البيت ونظراته ليها غريبة
رامز:انتي شاكة في حاجة صح؟
رغد:اه طبعًا شاكة ،شاكة انهم بيحبوا بعض
رامز بتفكير:تفتكري؟ ،صح انتي مشوفتيش سيف ازاي ضيع صفقة مهمة جدًا عشان يارا بس لأن شريكنا في الصفقة دي كان بيبصلها في الاجتماع وسيف كان هيم\وته ض/رب
رغد:بجد؟

،يارا محكتليش
رامز:لأن يارا متعرفش اصلًا عشان سيف خرجها من الاجتماع ،تفتكري يعني اخوكي هيسيبها موجودة وشريكنا دا يبصلها كدا؟
رغد:يعني ممكن تساعدني وتحاول تخلي سيف بعترف بحبه؟ ،وسيب يارا عليا انا ،موافق؟
رامز:طبعًا موافق ،ايه الخطة بقي؟
يا تري ايه هي الخطة؟
-هنعرف يتبع..

الحلقة السابعة
بعد ما كل المحاضرات خلصت سيف اخد يارا وراحوا الشركة
في الشركة تحديدًا في مكتب سيف
سيف طلب من موظف في الشركة انه يجيبله اكل في المكتب وافتكر لما الدكتور اللي كشف علي يارا قاله:تقدر تروحها دلوقتي ،بس لازم تهتم بأكلها لأن جسمها ضعيف جدًا
سيف بصوت عالي:مجدي
مجدي الموظف رجع:نعم!
سيف:معلش كتر الاكل وخليه يكفي شخصين ،وهات كوباية لبن
مجدي باستغراب:ليه يا باشا؟
سيف بحدة:ميخصكش
مجدي بلع ريقه بخوف:حاضر يا بيه ،انا آسف
سيف بحدة:غور
مجدي جري بسرعة عشان يجيب الاكل واللبن
بعد ربع ساعة……

مجدي رجع ومعاه اكل كفاية لشخصين وكوباية اللبن معاه
وسيف اتصل علي تليفون المكتب بتاع يارا

سيف:يارا تعالي مكتبي دلوقتي عايزك
يارا راحت لمكتبه
سيف:اشربي اللبن دا
يارا:ايه؟
سيف:ايه اللي ايه؟ ،بقولك اشربي اللبن دا
يارا بقرف:مش بحبه
سيف:دا مش عرض ،اشربيه
​يارا:بس…..
قاطعها سيف بحدة:مابسش اشربيه عشان مرفدكيش
يارا بخوف:ايه؟ ،لا خلاص هشربه ،بس ليه؟
سيف:انتي فضولية اوي ،بس مش هجاوبك
يارا رفعت الكوباية وشربتها كلها وهي متضايقة وقرفانة ومش طايقة سيف ولا طايقة نفسها وحطت الكوباية علي المكتب وقالت:شربته اهو ،همشي انا بقي
وجت تمشي بس سيف مسك ايدها وفي نفس الوقت دا كان رامز داخل المكتب
رامز:سيف ا….

رامز بصله وهو مش فاهم حاجة ،وسيف يصله وبص لايد يارا وسابها وهو مكسوف شوية
​رامز:انتو بتعملوا ايه؟
يارا بخجل:ولا حاجة ،انا ماشية
سيف:تمشي فين؟ ،افطري الأول وبعدين امشي
يارا:لا شكرًا ،وسيبني امشي عشان في ملفات كتير عايزة اترجمها
سيف بتوضيح:بصي يا يارا ،انا لما بقولك حاحة مش بتكون عرض عشان تقبلي وترفضي ،دا أمر ،هتاكلي ولا تحبي يغمي عليكي تاني من قلة الأكل؟

يارا:لا مش عايزة كدا ،خلاص هاكل
كل دا ورامز ماسم نفسه بالعافية عشان ميضحكش بسبب اهتمام سيف بيارا وبصحتها وهو عمره ما شافه كدا قبل كدا
بعد يوم شغل صعب ومُرهق علي الكل يارا كانت مروحة بيتها وهي بتمشي في الطريق لقت حد ماسك ايدها بايد وبايده التانية حاطط ايده علي بوقها وبيسحبها لشارع جانبي ضلمة
يارا:انت مين؟ ،ارجوك سيبني
الشخص:ولو ماسبتكيش؟ ،هتعملي ايه؟
وكان بيقرب منها وبيحاصرها بايده وهي مرعوبة

عند سيف كان مروح لبيته بعربيته وكان قريب من يارا
عند يارا كانت بتحاول تبعد الراجل عنها بس مبيتهزش
يارا بعياط:ارجوك ابعد عني ،سيبني ،سيف سييييييييييييف
صرخت بأعلي صوت عندها وهي بتنده علي سيف
سيف سمعها:يارا؟

،دا صوت يارا
حس ان مصدر الصوت قريب جدًا منه وقرب بحذر من الصوت بالعربية
راح عند الشارع الجانبي اللي كانت يارا واقفة فيه بالعربية وبمجرد ما سمع صوتها وقف العربية ونزل منها وبدأ يدور عليها لحد ما لقاها
سيف بحدة:انت بتعمل ايه يا ابن الكل*ب
سيف مسكه وفضل يض/رب فيه زي المجنون ،ويارا قعدت علي جنب تعيط وخلاص هيغمي عليها من الرعب
سيف سابه لما شاف حالتها دي وقرب منها وهي بترجع لورا بخوف وبتقول:ابعد عني ابعد عني
سيف بحزن وبهدوء:متخافيش مني ،دا انا ،سيف
يا تري ايه اللي هيحصل؟

-هنعرف
توقعاتكم؟؟؟ يتبع..
الحلقة الثامنة
سيف بقلق:يارا انتي كويسة
يارا مردتش عليه واغني عليها بين ايديه
وشالها وهو مرعوب عليها وحطها في عربيته وراح بيها هلي أقرب مستشفي
الدكتوركشف علي يارا وسيف مستني برا الأوضة وقاعد علي أعصابه
الدكنور خلص كشف عليها وطلع لسيف
الدكتور:هي عندها panic attack “نوبة خوف” وانهيار عصبي فانا ادتلها مهدئ وهتصحي بعد مدة
سيف:شكرًا يا دكتور
الدكتور:العفو ،عن إذنك
سيف:اتفضل
الدكتور ساب سيف ومشي وسيف كان قاعد وحاسس بقلق وخوف وغيرة و…… بالظبط حاسس بالحب
سيف:يا يارا بقي انتي دايمًا بيغمي عليكي وتقلقيني كدا؟ ،اعمل ايه؟

،انا مش هعرف اقعد لوحدي كدا ،رامز! ،هتصل بيه
سيف كلم رامز وحكاله اللي حصل ليارا ،ورامز في خلال نص ساعة كان عنده
رامز بشك:انا حاسس ان في حاجة غريبة ،لأن عمرك ما قلقت علي بنت ابدًا غير رغد لأنها اختك الصغيرة ،لكن فجأة كدا تقولي قلقان عليها وتعمل اللي عملته في طارق كنت هتم\وته ض/رب والنهادردة كنت عايز تأكلها في المكتب وتشربها لبن ،انت بتحبها؟
سيف بارتباك:ايه؟ ،احبها؟ ،لا ….،قصدي ازاي اكون بحبها؟ ،لا انا أكيد قلقان عليها بس
رامز:قلقان؟ ،طب ليه ضيعت صفقنا مع طارق؟ وليه كنت هتم\وته ض/رب عشانها؟

سيف غمض عينيه وافتكر كل موقف عدي عليه مع يارا
رامز:سيف انت بتفكر في ابه؟ ،انت بتحبها ،استغل بقي فرصة انها قريبة منك عشان م\اتطيرش
سيف بشجاعة:خلاص هعترفلها ،بس لما اتأكد الأول انها بتحبني
رامز:طب بما إنك اخيرًا اعترفت بحبها لنفسك ،فانا عايز اقولك حاجة
سيف:خير؟
رامز بضحك:بس من غير ض/رب والنبي ،هاا؟

سيف بيبدأ يتعصب:اخلص بقي خنقتني
رامز:انا ورغد كنا بنخطط عشان نجمعك مع يارا وكنا هنبدأ من بكرا
سيف:خلاص كملوا ،بس متحيبش سيرة لرغد
رامز:اشطا يا زميلي ،بس يشرط
سيف:اتزفت اشرط
رامز:في بنت بحبها جدًا ،بس انت لازم تساعدني وتعرف بتحبني ولا لأ؟
سيف:أكيد هساعدك ،بس انا اعرفها
رامز:أعز المعرفة
سيف:خلاص هساعدك
رامز بفرحة:وعد؟

سيف:وعد
وسلموا علي بعض
رامز بضحك:قلبي اقسم بالله ،همشي انا بقي
سيف بهزار:غور قرفتني
رامز:تسلم يا غالي
رامز روح لبيته وسيف دخل لأوضة يارا ومسك ايدها وقعد في الأرض
سيف:انا فعلًا بحبك ،وسيف محمد مبيقولش حاجة غلط
بعد شوية نام وهو ماسك ايدها وبارا صحيت وحست ان في حد او حاجة ماسكة ايدها جامد فبصت عند ابدها ولقته سيف
يارا بتعب شوية:مستر سيف، مستر سيف ،اصحي
سيف صحي وبص عليها بلهفة:يارا ،انتي كويسة؟

يارا:اه احسن
سيف راح جاب الدكتور وقاله انها ممكن تروح دلوقتي
سيف:تقدري تروحي دلوقتي ،لو انتي كويسة طبعًا ،تحبي تروحي ولا تخليكي شوية؟
يارا:لا عايزة اروح ،بس ممكن اطلب من حضرتك طلب؟
سيف:طبعًا ،بس بلاش حضرتم دي
يارا:ممكن تروحني عشان انا خايفة؟
سيف:من غير م\اتطلبي كنت هعمل كدا
وصلها لبيتها بعربيته وقبل ما تنزل قالها:خدي بالك من نفسك
يارا:حاضر ،وانت كمان
سيف بابتسامة:ماشي
يارا طلعت بيتها وهي مستغربة جدًا من طريقته دايمًا كان قاسي وعصبي بس هي مبسوطة بالتغيير دا
سيف روح بيته

تاني يوم……
عند سيف….
سيف:يا رغد اخلصي بقي هنتأخر علي الجامعة
رغد:حاضر يا ابيه ،آسفة علي التأخير
سيف:لا حبيبتي عادي
عند يارا كانت لتجهز عشان تروح الجامعة
رغد:ابيه ،دا مش طريق الجامعة
سيف:عارف ،بس هنعدي علي حد ناخده الأول
يارا نزلت من بيتها وشافت عربية سيف…..
يا تري رد فعلها هيكون ايه؟
-هتعرف
ومين البنت اللي رامز بيحبها؟
-هنعرف برضو يتبع..

رواية أحببت طفلتي الحلقة التاسعة
يارا باستغراب:مستر سيف؟ ،بتعمل ايه هنا؟
سيف:جيت اخدك معايا الجامعة ،عشان مش هينفع اسيبك بعد اللي حصل امبارح
يارا:شكرًا ،بس
رغد اتكلمت من جوا العربية:يلا هنتأخر علي الجامعة
وراحوا كلهم علي الجامعة
بعد ما كل المحاضرات خلصت
رغد:ابيه ،كان في دروس مفهمتهاش ،ممكن تشرحهالي انا ورامز؟
سيف:طبعًا حبيبتي
رغد:ممكن يارا تيجي معانا؟
يارا:أكيد ،بس عندي شغل
سيف:هيبقي عندك شغل ازاي يعني وانا هبقي معاهم هنا؟

،يلا تعالي معاهم
يارا:ماشي ،شكرًا
سيف:بطلي شكر
رغد ورامز بصوا لبعض وكاتمين الضحك بالعافية
سيف:هنروح المطعم ناكل وبعد كدا نذاكر في المكتبة ايه رأيكو؟
رغد ورامز مع بعض:ماشي
رغد بصت لرامز بخجل وسكتت وهو كان فرحان
يارا:موافقة
وبصت علي رغد ورامز ومعلقتش وعايزة تضحك برضو
راحوا المطعم كلهم وكل شخص طلب اللي هو عايزه ،بس سيف طلب حاجة غريبة سيف:وكوباية لبن معلش
رغد باندهاش:لبن؟ ،انت هتشرب لبن؟
سيف:لا دا مش ليا ،دا ليارا
يارا باعتراض:لا مش بح……..

وافتكرت لما قالها قبل كدا تشربه واعترضت وهددها انه هيرفدها من الشغل فوافقت وشربته
يارا:لا ،خلاص هشربه
وسيف همسلها جنب ودنها:بنت شطورة
يارا بصتله ب\ طفولي وقالت بهمس لنفسها:اشرب ليه لبن؟ ،شايفني بنت صغننة دا ولا ايه؟ سيف سمعها وهمس تاني جنب ودنها:لا ،انتي بنتي الصغننة
يارا:ايه؟ ،قولت ايه؟
سيف بهمس:قولتلك قبل كدا انك فضولية اوي ،وانا مش هرضي فضولك
رغد:بتقولوا ايه بهمس كدا؟

سيف بعد عن يارا وبص لرغد وابتسم وقالها:ولا حاجة
رغد:طيب ،هصدقك يا ابيه
سيف:شاطرة يا قلب الابيه انتي
بعد شوية الاكل جه واكلوا ويارا شربت اللبن رغم انها متضايقة من سيف
وسيف شرحلهم الدروس اللي مش فاهمينها ،بس كانت نظراته وتركيزه مع يارا اكتر ،وطبعًا رامز ورغد ملاحظين دا ،وبصوا لبعض بانتصار بمعني ان أول جزء من خطتهم نجح
بعد ما سيف شرحلهم كلهم الدروس اللي مش فاهمينها روح يارا لبيتها وقبل ما تنزل همسلها جنب ودنها:سلام يا بنتي
يارا بصتله باستغراب:سلام
وبصت لرغد اللي قاعدة ورا:سلام حبيبتي
رغد:سلام يا قلبي ،اشوفك بكرا

يارا:اشوفك بكرا
وطلعت لبيتها وهي بتفكر في طريقة سيف الغريبة معاها يارا:هو بيعاملني كدا ليه؟ ،هو ممكن يكون بيحبني؟ ،لا لا طبعًا لا ،ليه هيحبني يعني؟ ،طب ليه بيقولي بنتي؟ ،اكيد بيقولي كدا عشان يضايقني ،خلاااااص بقي بطلي تفكير وتدخلي اتخمدي شوية ولا ارتاحي ،بطلي تفكييييير
ودخلت ترتاح شوية
تاني يوم سيف عدي علي يارا واخدها معاه الجامعة وكان معاه لانش بوكس للجامعة وخلاها تشرب اللبن في الشركة واهتم بيها طول اليوم
تاني يوم في الشركة
سيف طلب يارا لمكتبه فراحتله
سيف:كنت عايز اسألك سؤال
يارا:طبعًا ،اتفضل
سيف:انتي حبيتي حد قبل كدا؟

يارا:انت طلبتني هنا عشان تسألني السؤال دا؟ ،بس انا هرضي فضولك ،لا محبتش حد قبل كدا ،بس دلوقتي مش عارفة
سيف قرب منها بهدوء وقال:بس اعتقد اني عارف دلوقتي
يارا بتوتر وخجل وفرحة وحب وكل حاجة:تقصد ايه؟
سيف بهمس:بتحبيني؟
يارا بارتباك:ايه؟ ،لا ،قصدي اه ،قصدي أكيد بحبك كمديري وبس
وكانت هتمشي بس سيف مسك ايدها وقالها:……
يا تري هيقولها ايه؟ يتبع..

رواية أحببت طفلتي الحلقة العاشرة
سيف مسكها من ايدها قبل ما تمشي:كدابة ،اومال انتي ليه متوترة كدا؟
يارا:…..
سيف بعد عنها شوية:طيب علي العموم اطلعي برا هتلاقي السواق بتاعي انا قولتله عنوان بيتك وهيروحك
يارا:ليه؟
سيف:هو انا قولتلك كام مرة انك فضولية وان انا مش هرضي فضولك؟ ،روحي وهتعرفي
يارا خرجت من مكتب سيف
وسيف مسك موبايله وكلم حد:جهزت كل حاجة
الشخص:…..بيتكلم
سيف:تمام
يارا خرجت من الشركة ،ولقت فعلًا السواق بتاع سيف مستنيها ووصلها لبيتها وهي طول الطريق بتفكر في السبب اللي خلي سيف يعمل كدا

طلعت بيتها وأول ما دخلت الشقة لقتهت مليانة بلالين بكل الألوان تقريبًا
يارا بانبهار:واااااااو تحفة ،أكيد سيف اللي عملهم ،ربنا يخليك ليا يا سيف
يارا دخلت أوضتها ولقت فستان وجنبه ورقة مكتوب عليها:يلا البسي الفستان وروحي للعربية والسواق هيرجعك ليا تاني
يارا:قد ايه انا بحبك يا سيف؟

،أكيد انت بتعمل كدا معايا عشان بتحبني
لبست الفستان وهي مبسوطة جدًا وكان شكلها أميرة في فستانها البنفسجي الفاتح الطويل
وراحت تاني العربية
في الشركة
سيف:لازم امشي قبل ما تيجي
يارا في الطريق
وسيف وصل قبلها وواقف مستنيها
وكان المكان زي ممر من الشموع الصغيرة والورود والبلالين وكان سيف واقف في آخر الممر دا في دايرة كبيرة ،يارا قالت من بعيد:سيف!
وجريت ناحيته وح*ضنته وقالت:شكرًا علي كل حاجة عملتها عشاني ومعايا ،انا فعلًا بح… بحبك
سيف:قولتي ايه؟
يارا باستعباط:شكرًا علي كل حاجة عملتها عشاني ومعايا!

سيف:لا لا مش دي اللي بعدها
يارا باستغراب مصطنع:ايه دا؟ ،هو انا قولت حاجة بعدها؟ سيف:اه قولتي
يارا:لا مقولتش
سيف:طب خلاص هسامحك المرة دي
يارا:ماشي
سيف بحب:بحبك
يارا بخجل:وانا كمان
سيف:أيوة ،وانتي كمان ايه؟
يارا:نفس الكلمة
سيف:اللي هي ايه؟
يارا:ب ح ب ك
سيف:ب ح ب ك! ،عفاف
يارا:استظراف
سيف:بحبك
يارا:بس كدا هي الكلمة دي
سيف ركع علي ركبة واحدة وطلع من جيبه علبة فيها خاتم
سيف بعش/ق:تتجوزيني؟
يارا:أفكر
سيف:هتستهبلي؟

يارا:اه استهبل من حقي علي فكرة
سيف:طيب حبيبتي استهبلي براحتك بس بسرعة والنبي ،عشان رجلي وجعتني
يارا:اممممم ،م… ،موافقة
سيف لبسها الخاتم واتخطبوا
بعد كام يوم رامز كلم سيف وقاله انه عايزه في موضوع مهم ولازم يتقابلوا واتقابلوا في كافيه
سيف:خير؟
رامز:فاكر البنت اللي قولتلك عايزك تعرف بتحبني ولا لا؟
سيف:فاكر
رامز:مش عايز تعرف مين دي؟
سيف بفضول مصطنع:نفسي اعرف طبعًا ،من ساعتها عمال أفكر مين دي؟

،خصوصّا لما قولتلي اني اعرفها لأني معرفش بنات كتير او اصلًا تقريبًا ومفيش في حياتي غير رغد ويارا خطيبتي واختي الصغيرة ومظنش اعرف غيرهم
رامز بحذر:بحب رغد
سيف ابتسم بهدوء:طب ما انا عارف
رامز:عارف؟
سيف حرك دماغه كدليل إنه عارف
رامز:من امتي؟
سيف:من زمان ،يا ابني انت فاكرني اهبل؟ ،مش واخد بالي من نظراتك ليها؟ ،من كل مرة بتساعدها فيها؟
رامز:مفضوح يعني؟
سيف:جدًا والله
رامز:طب بما إني مفضوح جدًا والله ،موافق اتجوز اختك؟

سيف:موافق طبعًا مفيش انسب منك ليها واظن هي كمان بتحبك
رامز:قلبي اقسم بالله
سيف:هسألها
رامز:ماشي اسألها وقولي
سيف:تمام
وقعدوا يرغوا شوية وبعد كدا كل واحد فيهم روح لبيته
في بيت سيف
سيف بصوت عالي:رغد رغد
رغد راحتله:نعم يا ابيه
سيف:اقعدي حبيبتي عايز اتكلم معاكي في موضوع كدا
رغد قعدت ومستنياه يتكلم
سيف قعد قصادها وبصلها بحب:انتي عارفة انك أغلي حاجة في حياتي ،صح؟
رغد بابتسامة عريضة:عارفة ،وانت كمان يا ابيه ،بس ليه بتقول كدا؟

سيف حب يعمل فيها مقلب ويشوف رد فعلها وبعد كدا يقولها علي موضوع رامز
سيف:عندي ليكي عريس
رغد بفرحة:بجد؟
سيف:اه بجد
رغد:مين بقي؟
سيف بمكر:موظف من اللي في الشركة
رغد بصدمة:ايه؟
سيف:ايه حبيبتي مالك؟
رغد قامت وقفت:مش هتجوز حد انا
سيف:ليه حبيبتي؟
رغد بعياط:كدا ،مش هتجوز ،خلاص بالطريقة دي ابدًا؟
سيف قام بسرعة لما شافها بتعيط وح*ضنها
سيف بحنية:خلاص بقي متعيطيش ،دا مقلب
رغد:مقلب ازاي؟ ،يعني مفيش عريس؟
سيف:هو في عريس ،بس مش موظف في الشركة
رغد بعصبية:مين بقي دا كمان؟

سيف بابتسامة:رامز
رغد بتوتر وارتباك:ر. رامز؟
سيف حرك دماغه بمعني اه
رغد:وانت ايه رأيك؟
سيف:رأيي انه مناسب جدًا وانا واثق فيه وبيحبك وهيصونك ويراعي ربنا فيكي
رغد:كل دا؟
سيف:واكتر من كدا ،المهم انتي ايه رأيك؟
رغد بخجل:م. موافقة
سيف:علي بركة الله
وقرروا يتجوزا في نفس اليوم ويارا ورغد كانوا جمال جدًا وزي القمر
يارا ورغد قرروا يغنوا نفس الأغنية لسيف ورامز
يارا ورغد بيغنوا:”مكتوبة ليك إني انا اللي تعيشلها ،مكتوبة علي إسمك حياتي كلها ،أول ما قلت بحب كانت ليا انا ،مين تستاهلها غيري أو تتقالها؟

،مكتوبة ليك واهي كل حاجة بوقتها ،تكمل حياتك بيا لما دخلتها ،وقت أما شافك قلبي شافت عيني فيك ،صورة حبيبي اللي في خيالي رسمتها ،قول بقي يا حبيبي ،حبيبي ،لمين انا لو مش ليك؟ ،قول بقي يا حبيبي ،حبيبي ،هحب في مين غير فيك؟ ،طب دا انا ايامي ،أحلامي ،وحياتي واقفة عليك ،نور عيني حبيبي ،حبيبي ،لمين انا لو مش ليك؟ ،قول بقي يا حبيبي ،حبيبي ،هحب في مين غير فيك؟

،طب دا انا ايامي ،أحلامي ،وحياتي واقفة عليك ،موعودة بيك تبقي انت بختي وقسمتي ،موعودة بيك من قبل ما اتقابل معاك ،مشاعري حبي حياتي شوقي ولهفتي ،متصدقين مني لإني مصدقاك ،موعودة بيك تبقي انت بختي وقسمتي ،موعودة بيك من قبل ما اتقابل معاك ،مشاعري حبي حياتي شوقي ولهفتي متصدقين مني لإني مصدقاك ،قول بقي يا حبيبي ،حبيبي ،لمين انا لو مش ليك؟ ،قول بقي يا حبيبي ،حبيبي ،هحب في مين غير فيك؟ ،طب دا انا ايامي ،أحلامي ،وحياتي واقفة عليك ،نور عيني حبيبي ،حبيبي ،لمين انا لو مش ليك؟ ،قول بقي يا حبيبي ،حبيبي ،هحب في مين غير فيك؟

،طب دا انا ايامي ،أحلامي ،وحياتي واقفة عليك”
وكل واحد ح*ضن مراته وقبل ما يمشوا من الفرح سيف ح*ضن رغد وقعد يقولها قد ايه بيحبها وهتوحشه ووصي رامز عليها
“تمت”