جميله:ممكن اقتـ,ـل عادي اشنق عادي جدا انت لسه متعرفنيش
احمد:لا خلاص مش عاوز اعرف
جميله:طيب سلام دلوقتي علشان عندى مذاكره وانت ذاكر يا استاذ ومتخرجش من الاوضه يوصلي بس انك كلمتها
احمد:حاضر والله بس متقلبيش كدا يا كابتن
جميله:سلام
احمد:سلام يا قلبي
سهى دخلت على احمد وهوا بيقول سلام يا قلبي وبيقفل مع جميله
سهى بفضول:هى مين دي اللي قلبك
احمد:وانتى مالك خليكي في حالك يا سهى وبعدين انتى اي اللي جابك هنا
سهى:حق عليا انى جايه تقعد مع بنت خالتي شويه زي زمان
احمد:اديكي قولتي زي زمان يعني خلاص انتى كبرتي دلوقتي ومينفعش تقعدى معايا ولا تكلميني مفيش حاجه بتربطني بيكي
سهى:يعني حرام ليا وحلال اللي لسه كنت بتكلمها
احمد:ايوا حلال علشان هى شهرين بالظبط وهتبقى مراتي اظن انك متعرفيش حاجه زي دي بس اديني عرفتك وكل البيت عارف انى بحبها وأنها هتبقى مراتي واتفضلي بقى
اخرجي برا علشان هى بتغير عليا
سهى بغيظ:ماشي يا احمد
وسابته وخرجت
وأحمد يصلها بقرف ودخل وراح الاوضه بتاعته نور كانت قاعده بتذاكر
شويه تذاكر وشويه تفكر في فارس اللي مجننها وواخد قلبها دا
وعملت زي ما كلنا بنعمل وقت المذاكره صح :نامت على الكتاب فارس دخل الأوضه لقاها نايمه وفي سابع نومه قرب منها وشال الكتاب ونيمها في الوضعيه الصح وباسها من راسها وسابها تنام
وهوا جاب كتاب بيحبه وقعد يقرأ شويه وغلبه النعاس ونام.
تاني يوم نور صحيت وهى مصدعه اووى ولقت نفسها نايمه على السرير لوحدها مش عارفه هى نامت امتى ولا اي الي حصل
*انا اي اللي جابني هنا والساعه كام
بصت في الساعه لقيتها ١٢الظهر
*ياااه هوا انا نمت كل دا
قامت ونزلت
دخلت المطبخ وكانت مديحه فيه
نور:صباح الخير
مديحه :صباح الفل اي النوم دا كله
نور وهى بتناول:تصدقي أنا محستش بنفسي ولا اعرف انا نمت امتى ولا اي حاجه ومصدعه اوووي
مديحه بحنيه:طيب يا حبيبتي افطري وانا هعملك قهوه تظبطلك الدنيا
نور:بجد تسلم ايدك يا ماما
نور خدت الفطار
وخرجت تفطر برا
سهى دخلت المطبخ
سهى: صباح الخير يا خالتو تحبي اساعدك
شافتها وهي شايله القهوة
سهى بمسكنه:مودياها فين
مديحه:لنور يا حبيبتي بتفطر برا
سهى:لا عنك انا هوديها
مديحه:ماشي يا حبيبتي تسلمي سهى خرجت بيها ووقفت وطلعت حاجه من جيبها وحطتها فيها و….. #يارا_عبد_السلام #البارت_العشرون # سهى خرجت بيها ووقفت وطلعت حاجه من جيبها وحطتها فيها و….. خرجت راحت لنور اللي كانت قاعده بتفطر ومش واخده بالها من العقربه اللي جايه عليها
سهى بامتعاض:خدى القهوة اهى طنط مديحه بعتهالك نور باستغراب:وجيباها بنفسك لا انتى سخنه يا سهى يا حبيبتي سهى:لا أصلي مش بحب اشوف خالتو واقفه ومساعدهاش نور:لا فيكي الخير الصراحه بنت اخت ممتازة نور مسكت الفون وكلمت جميله وسهى واقفه نور:ايوا يا جوجو يا حبيبتي جميله:مالك يا بت مش عوايدك نور:معرفتش اجى كنت نايمه فارس انتى عارفه فارس بقى بيحب يسهرني معاه اي بجد انتى وأحمد مع بعض وهتتغدوا سوا يا روحي عقبال كدا ما تيجي تعيشي معانا هنا وتنوري البيت
جميله مكنتش فاهمه اي حاجه بس حست أن في حد واقف جنب نور وحاولت تجاريها في الكلام وهى مش فاهمه سهى كانت واقفه بتغلي *اه يعني البت اللي بيحبها احمد تبقى صحبتها ماشي يا نور انا وريتك سهى اول ما مشيت نور اتعدلت في الكلام نور:اهى العقربه مشيت جميله:مين دي نور:هوا في غيرها اللي بتتمحلس عوزا تتجوز اي واحد فيهم كأنها واقفه في اوكازيون جميله:عوزا تتجوز مين لامؤاخذه نور:حاليا حاسه انها قلبت على احمد
جميله:نعم دانا اجى اجيبها من شعرها هي شايفاها سايبه ولا اي وسكتت نور هوا ممكن احمد يسيبني ويتجوزها علشان هى بنت خالته نور:صبرني يا رب اقفلي يا جميله احسن اجى اكسر دماغك جميله:في اي طيب انتى مش شايفه انتى بتقولى اي نور:مهو انا بقولك كدا علشان نخطط ونشوف هنطفشها ازاي جميله:وانا معاكي في اي حاجه