هو في الدور 45 يا فندم والاسانسير فآخر الممر على الشمال واستخدمي الاسانسير الخاص بالادارة
ازاي يعني خاص بالادارة مش فاهمة
بصي حضرتك الموظفين في الطوابق الي فوق ليهم اسانسير معين بيستخدموه بس مستر ادهم وامجد ليهم اسانسير خاص
طب وانا هعرفه ازاي
هتلاقي مكتوب عليه وبعدين في كذا اسانسير لونهم واحد بس هو هتلاقي لونه مختلف
طيب شكرا تعبتك معايا
قالتها ملاك بابتسامة بشوشة
عفوا يا فندم مع السلامة
سارت ملاك بالاتجاه الذي وصفته لها الوظفة واذا بها تجد الاسانسير الخاص بالادارة ضغطت عليه ودخلت وضغطت على الرقم 45 فتحرك المصعد بها
وما هي الا ثواني وتوقف المصعد خرجت ملاك ووجدت نفسها امام طابق لايوجد به احد في بداية الامر ظنت انها ليست في الطابق الصحيح واذا بها تلمح
فتاة تقوم بطباعة بعض الاوراق فذهبت اليها
صباح الخير هو فين مكتب مستر امجد
التفتت اليها السكرتيرة عاقدة حاجبيها
انتي ملاك صح
ايوه انا انتي تعرفيني
اه ياستي اعرفك مستر امجد قلي عنك
مدت يديها لتصافح ملاك انا مها سكرتيرة مستر امجد ومبسوطة انك حتكوني معانا الفترة الي جاية
صافحتها ملاك بابتسامة بشوشة كعادتها وانا والله مبسوطة اوي اني هتدرب هنا واشغل وقتي بحاجة مفيدة
تعالي ياستي اعرفك على مستر امجد قلي اول ما تيجي خليها تدخلي على طول
طرقت مها عدة طرقات حتى سمعت امجد يأذن لها بالدخول ملاك بنت عم حسن وصلت
دخليها بسرعة
طرقت ملاك الباب ودلفت للداخل واذا بامجد يقف يمد لها يده ليصافحها اهلا وسهلا بالمهندسة ملاك نورتي الشركة واشار لها لتجلس
على الكرسي المقابل لمكتبه
ها يا ملاك تشربي ايه
بالكاد خرج صوتها من شدة التوتر لا يا فندم شكرا لحضرتك مش عاوزة حاجة
قهقه امجد عليها ايه يا بنتي يا فندم وحضرتك دي انا ما بحبش الرسميات وبعدين عم حسن بيعتبرني ابنه
ثم اكمل بجدية بصي انتي هتدربي معايا ومع مها حاجة كده على قدك يعني هتشوفي تصمايم مباني وهتشوفي بنصممها ازاي جودة البناء والمواد والحاجات دي هتستفيدي جدا معانا
ان شاء الله يا فندم اكون عند ظن حضرتك عن اذنك
ملاك
هو انتي عندك كام سنة
19 سنة
ده انتي صغيرة على الهندسة خالص وايه الي خلاكي عاوزة تدربي ما لسا بدري على الحكاية دي
اجابته ملاك بخفوت اصل انا عندي شهرين اجازة وحابة اني استفيد من الوقت ده احسن من قعدة البيت وحتى لما كنت صغيرة فالاجازة بتعلم اي حاجة وانا فثانوي اتعلمت لغات انا
بشوف انه كدة احسن من اني اقعد ما عملش حاجة
والله برافو عليك ياريت الكل يعمل زيك
اكتفت ملاك بالابتسامة له واستأذنت وخرجت
وجدت مها تقوم بالعمل على جهاز الابتوب الخاص بها فجلست بجوارها تشاهدها وبعد قليل انتهت مها والتفتت الى ملاك
ها يا ملاك احكيلي عنك عاوزة اتعرف عليكي ده لو معندكيش مانع
ضحكت عليها ملاك بخفة لأ طبعا معنديش بصي يا ستي انا ملاك محمد حسن ..
قاطعتها مها استني هو انتي مش بنت عم حسن
لأ انا بنت ابنه ماما ماټت وهي بتولدني بسبب خطأ طبي وبابا ماټ فحاډثة عربية وانا عندي خمس سنين وعايشة فحي شعبي مع جدي حسن وجدتي فوزية وعندي سنة وبدرس هندسة في جامعة القاهرة اي أسألة تانية
ضحكت مها على خفة ډم ملاك انا يا ستي اسمي مها حربي عندي 29 سنة متجوزة وعندي ولدين الكبير سيف عنده 6 سنين والصغير امير وعنده 3 سنين وجوزي بيشتغل فبنك وساكنة فالمعادي
هو انتي بقالك قد ايه بتشتغلي هنا
اجابتها مها وهي تنظر للاوراق التي امامها بقالي تقريبا 6سنين
طب ليه ما فيش حد فالدور ده غير مكتبك ومكتب مستر امجد وليه ما فيش موظفين زي الدور الارضي الي تحت
لأ فيه مكتب مستر ادهم هناك اهو بس انتي ما شفتهوش وبعدين دي تعليمات مستر ادهم بحب الهدوء في شغلو عشان كده ممنوع اي حد يطلع هنا إلا لو فيه حاجة مهمة جدا
ثم اكملا حديثهما في سياق الهندسة والسكرتارية وامور اخرى فملاك اخذت بعض الملفات الخاصة بالاعمار وترجمتها عدة لغات لمساعدة مها
في مكتب ادهم نجده يجلس على مكتبه بأريحية ېدخن من سجارته الفاخرة التي شكلت سحابة فوقه يدقق في الملف الذي بين يديه حتى استمع
الى طرقات على باب مكتبه فقال بصوته الرخيم ادخل
تأفف ادهم بصوت مسموع واخذ منها الملف ووضعه جانبا وقال هشوفه بعدين اطلعي برة
مش عاوز مني حاجة تانية
لما اعوز هبقى اقول لك برا
قال ادهم الاخيرة بقوة ارعبتها
وقبل ان تصل باب المكتب اتصليلي بأمجد خليه يجيني
حاضر يا فندم
وبعد عدة دقائق دلف امجد مكتب ادهم وكعادته لم يطرق الباب
هو انته مابتعرفش حاجة اسمها ذوق ليه ماخبطش على الباب
تجاهله امجد وجلس على الكرسي المقابل لمكتبه
ها طلبتني يا اسطا عاوز ايه
قال ادهم بتقزز واضح على
معالم وجهه الحادة يخربيت الفاظك يا شيخ ايه اسطا دي شايفني سواق الي خلفوك
تنهد ادهم قبل ان يكمل ها عملت ايه في فكرة الفندق الجديد جبت فكرة جديدة
خبط امجد مقدمة رأسه كعلامة النسيان تصدق نسيت خالص اديني كام يوم واكون جبت فكرة جديدة
جهر به ادهم كام يوم ايه الاجتماع بعد بكرة الظهر لازم تكون جبت فكرة وتكون اتعرضت عليا قبل ده واكون وافقت عليها معاك لغاية بكرة بالليل اتصرف
حاضر هحاول وانتا كمان لو جت فكرة فدماغك قولي
انا لو فيا دماغ للتفكير ماكنتش طلبت من واحد خايب زيك وبعدين مش فكرة اننا
نبني فندق على جزيرة وسط البحر مش فكرتك يلا شوف بقى هتعمل ايه ومعاك لغاية بكرة بالليل يا تعتبر المشروع ملغي
حاضر هحاول اي اوامر تانية
اطلع برا
هو انتا ليه كل ماتشوفتي تقولي اطلع برة ده انا زي ابن عمك برضه
ثم وقف ذاهبا لمكتبه وقبل ان يصل للباب اه
صحيح نسيت اقول لك ماما عزماك على العشا النهاردة ماتتأخرش زي عوايدك
ثم خرج عائدا لمكتبه يفكر في فكرة للفندق وما ان رأى ملاك حتى خطرت في باله فكره ملاك ممكن اطلب منك خدمة لو عملتيها هتكوني عملتي فيا جميل مش هنساه
اجابته
ملاك بابتسامةلو هقدر اكيد مش هتأخر
تعالي على المكتب اشرحلك
دلفت ملاك الى الداخل خلف امجد وهي تتسائل يا ترى ما هي الخدمة التي يريدها منها جلست على الكرسي المقابل لمكتبه
ثم قال لها امجد انا هستغل انك موجودة عشان تساعديني بصي في عندنا فكرة مشروع عاوزين نعمله مختلف شوية عشان كدة قلنا هنعمله على جزيرة وسط البحر بس لغاية
دلوقتي مش لاقي فكرة لشكل المبنى عاوز حاجة تكون مختلفة عن الموجود وفنفس الوقت تكون حلوة
ها في فدماغك حاجة
والله انتا فاجئتني هفكر وارد عليك امتى عاوز الفكرة تكون جاهزة
معايا لغاية بكرة
بالليل
خلاص بكرة الصبح هيكون على مكتبك مجموعة افكار ان شاء الله تعجبك
خرجت ملاك لتجد مها تنتظرها تريد ان تعرف ما هي الخدمة التي طلبها مستر امجد من ملاك فقصت عليها ملاك ماحدث
في مكان اخر في احد المطاعم الفاخرة المخصصة للناس من ذوي الطبقة المخملية نجد فتاة شقراء تجلس مع مجموعة فتايات فهذه داليا زهران ابنة عمة ادهم وامجد
قالت صديقتها سها امتى هتتخطبي لادهم يا داليا
اجابتها داليا بتعاليادهم مش فاضي اليومين دول خالص عنده شوية مشاريع هيخلصها وان شاء الله هنتخطب ونتجوز على طول
قالت صديقتها الاخرى اروى بس احنا ولامرة
شفنا ليكي صورة معاه على غلاف مجلة او موجودة معاه في عشاء عمل مثلا المفروض انك خطيبته فلازم تكوني موجودة معاه
تاففت داليا من حديث صديقتها المحرج بالنسبة لها احنا دايما بتقابل يعني مثلا النهاردة معزومين على العشاء انا هو عند طنط سلوى ام امجد
قالت صديقتها الاخرى شاهي بنبرة واضح عليها الشماتة بقولو انه كل يوم بسهر مع وحدة شكل وما بياخدهمش على القصر بتاعه بياخدهم على شقة في الزمالك
خبطت داليا بقوة على الطاولة بتوتر الكلام ده كدب مش صحيح كله اشاعات من المنافسين بتوعو
ثم اكملت داليا بضيق واضح هو ما فيش سيرة غيري
انا وادهم ولا ايه
وبالكاد استطاعت ان تغير الموضوع الذي سبب لها احراج فهي رأت نظرات السخرية المصوبة نوحها
رواية عشــ,,ـــــق الملاك الفصل الثالث بقلم علياء بطرس
اجابتها جدتها بابتسامة عاملة مكرونة تستاهل بقك يلا غيري هدومك اكون انا سخنت الشوربة
هو جدو هيتأخر يا تيتة
اه يا حبيبتي هيتأخر قالي انه عاوز يزور واحد صحبه فالمستشفى بس زمانه على ووصول مش هيتأخر بس زمانه على وصول
بعد ساعة كانت تجلس ملاك تشاهد التلفاز مع جدتها واذا بجدها يدخل وقفت ملاك حمد لله على السلامة يا جدو غير هدومك اكون سخنتلك العشا
وقبل ان
تذهب اوقفها جدها قائلا لا يا بنتي كلت عند صاحبي فالمستشفى اصر اني اكل معاه
انا هغير هدومي تكوني عملتيلي كوباية شاي من اديكي الحلوة دي
حاضر يا احلى جدو فالعالم من عيوني
تسلم عيونك القمر يا قمر
وبعد فترة كان يجلس معهم يتبادلون اطراف الحديث
حتى سألت ملاك هو لي يا جدو انا منزلش معاك الصبح وارجع معاك بالليل بدل مانزل لوحدي وارجع لوحدي
اجابها جدها بعد ان وضع كوب الشاي من يديه على الطاولة التي امامه عشان يابنتي انا الصبح بروح الشركة بستلم المكروباص وبلف على الوظفين ووديهم الشركة واخر النهار بوصلهم لبيوتهم
وبرجع المكروباص للشركة عشان كده لو هتيجي معايا هتتعبي وهتتأخري
طيب ليه ما تخليش الميكروباص معاك ليه ترجعو على الشركة
عشان ده عهدة وحقه فلوس كتير وانتي شايفة الحتة الي ساكنين فيها ممكن يتسرق او يتكسر شباك او عيل صغير يبوزه وانا مش ناقص سيبك مني وقوليلي عملتي ايه النهاردة
اخذت تحدث جدها بحماس بما حدث معها كطفل صغير يحدث والده ما حدث معه في اول يوم مدرسة
واه والمستر امجد طلب مني اني اجبله فكرة مبنى لفندق
برافو حبيبة جدو عاوزك دايما كده
يلا تصبحوا على خير عاوزة اقوم ارسم شوية التصاميم الي فدماغي
عشان اسلمها لمستر امجد بكرة
قالت جملتها وقبلت رأس جدها وجدتها
ودخلت الى غرفتها وجلست على مكتبها الصغير وبدأت ترسم
قد يعجبك أيضا
ابعد ادهم يدها عن فمه قائلا بحزم اولا انا مبكلش اللحمة ثانيا والاهم انا اسمي ادهم
تجاهلت داليا ضحكات امجد ودست الشوكة في قطعة فراخ ووضعتها قبالة فم ادهم للمرة الثانية قائلة بمياعة ما بتكلش اللحمة يبقى بتاكل فراخ يلا يا ادهمتي
ازاح ادهم يديها وقال بصوت عالي ممزوج پغضب ما بكلش لا فراخ ولا لحمة وانا مش ادهومة حد وخصوصا انتي يا بنت فريال هانم قال جملته الاخيرة بسخرية وهو ينظر
لوادتها فريال
وهب واقفا مغادر المكان وقبل ان يغادر امجد خلص اكل وحصلني على المكتب
نظرت داليا پغضب
على امجد الذي يحاول ان يخبئ ضحكته على الوقف التي تعرضت له منذ قليل
ايه يا امجد المسرحية عجبتك
قهقهه امجد
بشدة وبالكاد استطاع ان يلاحق انفاسه وقف يقلد صوت ادهم بقوله انا مش ادهومة حد دي بصراحة تحفة عجبتني
قالت فريال بحدة للسيدة سلوى ايه يا سلوى عاجبك الي ابنك بعملو بيتريق على بنتي دي جزاتها انها عاوزة تأكل ادهم
قالت السيدة سلوى ليه هو ادهم صغير عشان حد يأكله وبعدين ادهم ما بيكلش
غير سلطة وهي عاوزه تأكله فراخ ولحمة
وقف امجد قائلا انا فالمكتب يا ماما ابعتيلنا القهوة وياريت محدش يزعجنا وجه نظره لداليا كأنه قصدها بالقول
وبعد قرابة الساعة ترددت داليا بالدخول للمكتب خوفا من ان يحرجها ادهم وتصبح محط للاستهزاء من امجد طرقت الباب ولم تنتظر اذن للدخول لتفتح الباب وتدلف للداخل وما ان رآها ادهم حتى تأفف بصوت مسوع متمتما ببعض الكلمات الغير مفهومة
قال أمجد لها هو مش انا قلت مش عاوز حد يزعجنا ايه ما بتفهميش عربي
تجاهلته داليا وجلست قبالة ادهم واضعة قدما فوق أخرى قاصدة اظهار مفاتنها لأدهم ولكن ذهبت محاولاتها ادراج
الرياح عندما وجدت ادهم يجذب جاكيته ويخرج من المكتب بل من الفيلا بأكملها
قال امجد لداليا قاصدا استفزازها لو فضلتي على الحال ده مش بعيد يولع فيكي عشان يرتاح منك الي زي ادهم يحب الي تتقل عليه وتلاوعه مش الي تبقى لازقه فيه
وقبل ان يغادر هو ايضا المكتب الټفت لها قائلا التقل صنعة يا بنت عمتي يارب الرسالة تكون وصلت
زفرت داليا بضيق فهي في كل
مرة تتقرب بها من ادهم تفشل ولكنها لن تيأس ستظل تسعى خلف هذا الحلم بالنسبة لها حتى يتحقق مهما كلفها الامر
وفي صباح اليوم التالي نجد ملاك تجلس مع
مها تنتظر مجيئ امجد لتريه الرسومات وتأخذ رأيه
وبعد عدة دقائق وصل امجد والقى تحية الصباح وما ان رأى ملاك حتى سألها ها قولي انك جبتي افكار جديدة
ابتسمت ملاك طبعا وكذا تصميم يارب يعجبو حضرتك
هاتيهم ورايا على المكتب
ما ان دخل حتى دلفت خلفه ملاك تمسك في يديها عدة تصاميم وتمدها له جلست قبالته وقالت بوجه بشوش
يا رب يعجبو حضرتك انا قلت بما ان الفندق وسط البحر ممكن نعمل تصميم من الحاجات الموجودة فالبحر بص ده مثلا على شكل قوقعة وده على شكل صدفة وده على شكل سفينة وده على شكل لؤلؤة
صفر امجد باعجاب انتي بجد مبدعة ورسماهم بطريقة حلوة جدا بصي انا اكتر واحد عاجبني القوقعة شكلو تحفة انا اشوية وهقولك انهي واحد هنعتمدو
شكرا ليكي بجد
العفو ما عملتش حاجة المهم انهم عجبو حضرتك عن اذنك
وبعد قليل كان يقتحم مكتب ادهم الذي كان يعمل على الحاسوب الخاص به
تصدق انا من هنا ورايح هقفل الباب بالمفتاح عشان اعلمك تخبط قبل ماتدخل
سيبك من الباب دلوقتي وشوف الجمال الي هنا
ثم مد الرسومات على ادهم الذي بدوره اعجب بالتصاميم
بص هو الشغل حلو جدا بس ده مش شغلك انتا مش بالذكاء ده استعنت
بمين المرة دي
لو حزرت مين ليك عندي الي انته عاوزه
المهندس رؤوف
لأ لأ
المهندس طلعت
لأ لأ
غلبت مش عارف قول
بس الاول قولي انهي تصميم عجبك اكتر حاجة
انا بالنسبة ليا القوقعة حاجة تحفة وجديدة ومناسبة للمكان والفكرة
وانا كمان عجبتني جدا ومرسومة بطريقة تحفة
ها مين بقى الي رسم دول
ملاك بنت عم حسن السواق
الي جت تدرب عندك من كام يوم ليه هيا فسنة كام
استغرب ادهم قليلا كيف لطالبة في هذا العمر ان تقوم بكل هذا الابداع
خلاص اعتمد القوقعة وخلي
المهندسين يبدأو شغل عليه من دلوقتي مفيش وقت
حاضر هبدأ من دلوقتي
