جليلة كانت واقفة في نص الدوار ولابسة البلوزة النص كم والبنطلون الجينز وشعرها الطويل سايباه يطير في الهوا والناس كلها بتبصلها كأنها نازلة من السما ولا كأنها طالعة من فيلم اجنبي وهي ولا هاممها حاجة ماسكة شنطة سفرها وبتتكلم في التليفون بصوت عالي وبتقول يا ماما انا وصلت البلد اللي بيقولوا عليها بلدنا دي ومش شايفة غير تراب وبهايم وناس بتبحلق فيا كأني جاية من المريخ ومرة واحدة سمعت صوت خشن وراها بيقول غطي شعرك يا بت عمي عيب الرجالة واقفة جليلة لفت وشها لقت آسر واقف وراها طويل وعريض وجلابيته سمرا وعنيه حمرا من الشمس وشنبه تقيل وملامحه كلها قسوة
الدنيا كلها متجمعة في وشه آسر ابن عمها الكبير اللي سمعت عنه انه الكبير بتاع العيلة بعد ما ابوها مات وان كلمته سيف على رقبة الكل وان مفيش حد في النجع يقدر يقوله لا جليلة بصتله من فوق لتحت وضحكت ضحكة مستفزة وقالتله وانت بقى مين ان شاء الله الوصي عليا ولا ناظر المدرسة قالها انا آسر يا جليلة ولد عمك وجوزك من النهاردة ابويا وعمك اتفقوا وخلاص كتبنا الكتاب من ساعة ما نزلتي من القطر وانتي مرتي على سنة الله ورسوله جليلة شهقت وقالت نعم يا اخويا جوز مين وكتاب ايه انت مجنون ولا شارب حاجة انا دكتورة جليلة ياسين
خريجة طب القاهرة وجاية هنا شهرين بس اعلم البنات في الوحدة الصحية تطوع من الجامعة وهرجع تاني القاهرة مش جاية اتجوز جواز صالونات في الصعيد قالها لا هترجعي ولا هتروحي حتة انتي من النهاردة قاعدة هنا في بيتي وده كلام نهائي واللي هقوله هو اللي هيمشي جليلة كانت هتتجنن وزعقت فيه وقالتله انت فاكرني جارية شاريها من السوق ولا ايه انا حرة ومحدش له كلمة عليا لا انت ولا اهلك كلهم آسر قرب منها خطوة وريحته كلها رجولة وقسوة وقالها بصوت واطي بس يرعب انتي مرتي يعني شرفي اللي يبصلك اقطع عنيه واللي يجيب سيرتك اقطع لسانه فاهمة ولا افهمك بطريقتي
جليلة حست برعشة في جسمها بس عنادها كان اقوى من خوفها ورفعت راسها وقالتله طب وريني هتعمل ايه يا صعيدي يا قاسي.
الليلة الاولى في بيت آسر كانت كابوس جليلة دخلت اوضة كبيرة مفروشة حصير وسجاد صوف وسر,,ـــــير حديد قديم وآسر دخل وراها وقفل الباب بالمفتاح وقالها اسمعي يا بنت عمي انا مش عايز منك حاجة غصب انا راجل صعيدي واعرف الاصول انتي هتقعدي هنا معززة مكرمة بس ليكي حدود تلبسي محترم وتغطي شعرك وما تطلعيش برا الدوار الا باذني وما تكلميش راجل غريب فاهمة جليلة قالتله لا مش فاهمة وانا مش هلبس طرحة ومش هغطي شعري وشعري ده حريتي وانت مالكش دعوة بيا قالها لا ليا دعوة ونص انتي شايلة اسمي دلوقتي اسم آسر المنشاوي جليلة قامت وقفت قدامه وقالتله اسمك ده
تبلو وتشرب ميته انا اسمي دكتورة جليلة ومش هغيره عشان حد آسر بص لها بغضب وقالها بكرة هتتغيري بكرة هتعرفي يعني ايه تبقي مرت آسر.
تاني يوم الصبح جليلة صحيت لبست نفس لبسها وطلعت على الوحدة الصحية اللي كانت عبارة عن اوضتين بالطوب اللبن وكان فيه بنتين قاعدين مستنيينها ياسمين ولمار بنات عمها الصغيرين ياسمين كانت هادية وبتحب جليلة قوي ولمار كانت شقية وبتغير من جليلة عشان شايفة جليلة متعلمة وحلوة وآسر بيبصلها بصة مختلفة ياسمين قالت لجليلة يا جليلة انتي ازاي قدرتي تردي على آسر امبارح ده محدش في البلد يقدر يرفع عينه فيه جليلة ضحكت وقالت لها وانا بقى اللي هكسر مناخيره دي وهعلمه ازاي يتعامل مع الستات لمار قالت لها بغيظ انتي فاكرة نفسك احسن مننا عشان جاية من البندر وبتتكلمي انجليزي جليلة
قالت لها لا يا لمار انا مش احسن من حد انا بس مش هقبل حد يتحكم فيا حتى لو كان جوزي.
آسر كان مراقبها من بعيد وهو راكب حصانه الاسود وشايفها وهي بتضحك مع البنات وشعرها طاير والرجالة اللي ماشية في الشارع بتبص عليها غصب عنه الدم فار في عروقه ونزل من على الحصان بسرعة وراح شدها من دراعها قدام الناس كلها وقالها مش قلتلك غطي شعرك يا جليلة الناس بتتفرج عليكي جليلة اتحرجت جدا وزعقت فيه وقالتله سيب دراعي يا همجي انت ازاي تمسكني كده قدام الناس قالها عشان انتي مرتي ومن حقي الناس كلها اتلمت ويزن اخو آسر الصغير جه يجري وقال لآسر سيبها يا آسر عيب كده الناس بتتفرج آسر سابها وهو بيتنفس بسرعة وقالها حسابنا في البيت.
في البيت كانت الخناقة كبيرة جليلة بتعيط وبتقول انا عايزة ارجع القاهرة مش عايزة اقعد هنا دقيقة واحدة وآسر ساكت وعنيه بتطق شرار ومرة واحدة دخلت غجرية الصعيد الست العجوزة اللي بتلف البلد كلها وبتعرف كل حاجة غجرية الصعيد اسمها الحقيقي فاطمة بس بيقولوا عليها غجرية عشان بتعرف تقرا الودع وبتعرف المستخبي وكانت بتحب آسر زي ابنها قالت لآسر يا ولدي البت دي مش زي بناتنا البت دي نــ,,ـــــار وقايدة عايزة راجل يعرف يحتويها مش يكسرها آسر قالها اعمل ايه يا خالة فاطمة دي عنيدة وراسها ناشفة زي الحجر قالتله الحجر لما تحطه في المية كتير بيلين يا ولدي احتويها اسمعها
