قامت من مكانها و دخلت الحمام و كانت لابسه هدومها كامله جاسر بصلها باستغراب
= انتي خارجه و لا ايه!!!! هزيت راسها بالنفي و راحت قعدت قدامه و حاوطت خده برقه طلعت السكينه… من تحت المخده و طعنته… بيها جاسر كان بيبصلها بصدمه و الم شديد
حط ايديه على جرحه… بيحاول يكتم الدم… اللي خارج من جرحه… بشده
بصلها بغضب و كان لسه هيقرب… منها بعديت عنه بخوف
اتكلمت بتلعثم و جسمها كله بيترعش و هي بتبص لجرحه…
= انت اللي اضطرتني… اني اعمل كداا
انا ادمرت… بسببك
قالت كلامها و قربت منه و حطيت ايديها على جرحه… بقوه ليتأوه بالم شديد
كان بيحاول يمسك ايديها بس مكنش قادر حاسس بنغمشه قدامه
اتكلمت مي بسخرية
= ايه بتوجعك يجاسر!!
انت تستاهل اكتر من كدا و دلوقتي انا همشي و اسيبك تمـ,ـوت… مش هيطلع عليك الصبح
قالت كلامها و خديت السكينه… و محيت كل بصامتها من الشقه و خرجت بسرعه و هي بترتعش بخوف شديد
جاسر كان بيتأوه من الالم
حاطط ايديه على جرحه.. اللي كان بينزف… بقوه
قام بصعوبه من مكانه و خد تلفيونه و رن على واحد من رجالته و اتكلم بالم ممزوج بغضبه
= هات دكتور بسرعه و تعال على شقه الزمالك قال كلامه و قفل المكالمه و قعد على السرير بارهاق شديد و كان بيصب عرق كان حاسس بكل حاجه بدور حواليه حاول يتغلب على تعبه لكن مقدرش ليسقط مغشيا عليه
غصون كانت قاعدة مستنيه يونس بملل
اتأففت بضيق و اتكلمت بغضب طفولي
= كل دا و مش هتتأخر يا يونس اومال لو هتتأخر هتيجي الصبح!!!! خديت فونها و وقفت في البلكونه و هي بتاخد نفسها بعمق
مسكت فونها و بعتتله مسدج
” ايه كل دا!!!” كان قاعد في غرفه مكتبه و مندمج في الورق اللي قدامه
سمع صوت اشعار جاي لفونه بص للمسدج و ابتسم بعشق
اتكلم بهدوء
= سيب باقي الملفات هناا و ابقى تعال خدها لما اخلص مراجعتها
هاني باستغراب
= هو حضرتك مش جاي الشركه!!!
فيه حاجات كتير اوي متأخره و اجتماعات و مقابلات مع الشركات الاجنبيه و حضرتك عارف ان كل دا مش هيكمل من غيرك هز يونس راسه بالنفي و اتكلم بهدوء
= اممم أجل كل دا دلوقتي لحد اما انا اقولك مااشي هز هاني راسه بأستغراب و مشي و يونس بص لفونه و ابتسم و طلع الجناح بتااعه لاقها واقفه في البلكونه
راح عندها و حـ,ـضنها من ضهرها و دفن… وشه في رقبتها و اتكلم بهمس
= ينفع تقفي كدا في البلكونه
افرضي حد من الحرس جيه وقف هنااا
اتكلمت برقه من غير ما تبصله
= ما انا زهقت و كنت عايزه اشم هوا
اممم انت اتأخرت كدا ليه!!!
قولت مش هتأخر عليكي لفها ليه و عض على شفته السفليه بخبث و هو بيقرب منها
= وحشتك اوي كدا بصتله بخجل مفرط و اتكلمت بتلعثم
= لا بس عايزه انام تصبح على خير بقى
قالت كلامها و بعدت عنه بصعوبه و دخلت الاوضه
يونس بصلها و ابتسم بعشق و كان لسه هيروح وراها بس قاطعه صوت اشعار مسدج جت لفونه من رقم مجهول
” يونس انا نورا انا عارفه انك مش طايق تشوف وشي بس فيه حاجه مهمه حصلت انت لازم تعرفها ينفع تقابلني في شقتك بكره الموضوع مهم جدا و الله ”
كور ايديه بغضب و بص لغصون بخوف و مسح المسدج بسرعه و عمل للرقم بلوك
دخل الاوضه و قعد على السرير و هو بيفكر عايزاه في ايه!!
و يا ترى فعلا الموضوع مهم و لا هي بتتحجج عشان تشوفه
فاق على غصون اللي حطيت راسها على صدره و اتكلمت برقه
= مالك يحبيبي!!
انت كويس بصلها و ابتسم بعشق و هز راسه بالايجاب و اتكلم بهمس
= توعديني انك تسامحيني مهما حصل
بصتله باستغراب و اتكلمت برقه
= مش فاهمه!!! اتكلم بحب و هو بيهرب من الموضوع
= وحشتني اوي اوي على فكره اتكلمت بخجل و هي بتحاوط كتفه و بتتنفس ريحته بعمق
= و انت كمان اوي يحبيبى فرد جسدها… على السرير و هو لسه واخدها في حـ,ـضنه قبل… كل انش في وجهها و عنقها بعشق
كان بيحاول يتحكم في حزنه و غضبه من نفسه جوا حـ,ـضنها
نزلت دموعه بتلقائيه و هو بيفتكر خيانته… ليها
مسح دموعه بسرعه قبل ما تحس بيه و اتكلم بهمس في اذنها
= بعشقك
بصتله ببأبتسامه و عينيها كانت بتبصله بعشق ضمها لصدره بقوه و اتكلم بصوت منخفض جدا
= انا اسف كانت لسه هترفع وشها من صدره و تسأله بس قاطعها و هو بيأخذها معاه الى عالمهم الخاص بهم في شقه جاسر
كان الدكتور بيخيطله… جرحه.. و جاسر كان بيفوق تدريجياً من شده الالم
خلص الدكتور و هو بيتنهد بارتياح
= الحمد لله لحقنا الجرح… المهم دلوقتي راحه تامه و الادويه تتاخد في مواعيدها
الدكتور قال كلامه و مشي
و جاسر بص للراجل بتااعه و اتكلم بغضب مفرط
= تقب و تغطس و تجيب مي باي طريقه انت فاهم و عايزاها عايشه هز الراجل راسه بخوف شديد
