= و انتي مسمعتيش هي قالت ايه
غصون الولد احنا نقدر نعوضه انما انتي لو حصلك حاجه انا هيحصل فيااا ايه
انا مش عايز ولاد انا عايزاك انتي غصون انا مقدرش اعيش من غيرك مش هقدر استحمل انك تكوني في خطر… بسبب الحمل داا هزيت راسها بغضب و اتكلمت بحده
= و انا مش هتراجع عن قراري يا يونس و الاقرار دا انا مش همضي عليه
و لو انت هتستسلم بالسهوله دي انا مش هستسلم و مش عايزة منك اي مسااعده اعتبريني مش موجوده لحد اما اولد
قالت كلامها و دخلت جوا العربيه و قعدت في الكنبه اللي ورا
دخل وراها و بصلها بغضب و طلع بعربيته
وصلوا قدام باب الڤيلا اتكلم يونس بحده
= انزلي انتي انا هروح مشوار و جاي ابتسمت بسخريه و اتكلمت بحزن
= ماما كان معاها حق
انا بجد ندمانه اني جيت معاك يا يونس من سااعه ما جاينا و انت بعيد عني و دلوقتي بكل سهوله بتتخلى عني و انت عارف انا اد ايه محتاجك روح مكان ما انت عايز و حتى لو مرجعتش مش هتفرق انت اصلا عمرك ما كنت معاايا
قالت كلامها و كانت لسه هتطلع من العربيه بس فجأة لاقته بيخرج من العربيه و بيعقد جانبها في الكنبه اللي ورا و بيمسك ايديها و بيشدها عليه و بيقبلها… بشغف و عشق
سند بجيبنه على جبينها و اتكلم بدموع
= مش عارفه كلامك دلوقتي عمل فياا ايه
انا مش بتخلى عنك بس مش هقدر اشوفك بتحطي حياتك في الخطر… و اقف ساكت و ادعمك
احنا مشوفناش الطفل داا و ملحقناش نتعلق بيه و الحياه لسه قدامنا ممكن نجيب عشره غيره ارجوكي يا غصون حاولي تفهمني و بلاش انتي كمان تيجي علياا لو انتي محتاجه لوجودي فانا محتاج
وجودك اكتر و لو انتي حصلك اي حاجه انا اللي هروح فيها مسكت ايديه و اتكلمت بترجي و دموع
= مش هيحصل حاجه احنا مسمعناش اي حلول من الدكتورة و خدنا قرار الإجهاض… على طول و فيه حالات حمل بتكون اخطر… من كدا بكتير و بتكمل طب تيجي نشوف دكتوره اشطر ماااشي نسأل على اشطر دكتوره هنااا و نمشي على كل التعليمات بالحرف هناخد بالاسباب و ربنا موجود ارجوك يا يونس انا عايزه البيبي داا دا اول بيبي ليناا و اول ثمره لحبنا وافق بقى ارجوك بالله عليك
ابتسم بعشق و اتكلم بحنان
= مااشي نروح لدكتوره تانيه بس لو مفيش حل هنعمل الإجهاض… تمام هزيت راسها بخوف و اتكلمت بصوت متلعثم
= تمام انا هطلع ارتاح بقى و انت روح مشوارك بس متتأخرش ماااشي مش هنام الا لما تيجي شالها برفق و طلع بيها برا العربيه
اتكلمت برقه و هي بتدفن.. وشها في رقبته
= مش هتخرج همس بحنان
= و هو بعد الكلام اللي انتي قولتيه ينفع اخرج و اسيبك يعمري انا هفضل معاكي و مش هروح الشركه لحد اما تبقي كويسه هعوضك عن كل حاجه صعبه عشتيها معاياا
وصل قدام باب الجناح و دخل و حاطها على السرير برفق
ميل على وشها و خلعها.. طرحتها و حاوط رقبتها بايديه
اما هي فكانت بتبصله بتوهان فيه عرفت هي اد ايه بتكون ضعيفه قدام اهتمامه مهما حصل منه
كانت بتبصله بتوهان في ملامحه اللي بتعشقها
اتكلمت بدموع
= مش هتعمل اي حاجه تزعلني يا يونس صح
افتكر اللي حصل ما بينه هو و نورا و المخدرات… اللي بياخدها
هز راسه بالايجاب و دفن… وشه في عنقها و قبل… كل انش في عنقها بعشق و اشتياق
فاق على صوت خبط الباب
دفنت… وشها في صدره بخجل
اتكلم يونس بضيق و هو بيبعد عنها بصعوبه
= ايوااا = الاستاذ هاني تحت و عايز حضرتك يونس بحده
= خمس دقايق و نازل غصون بصتله باستغراب و اتكلمت برقه
= مين دا!!!
يونس بهدوء
= مدير اعمالي هتلاقي فيه ورق متعطل و عايزيني امضيله عليه هنزل بسرعه و طالع مااشي مش هغيب كتير هزيت راسها ببأبتسامه و خجل
قبل… راسها بحنان و نزل وقفت قدام المراياا و بصيت للعلامات اللي في رقبتها بخجل
دخلت خديت شاور و لبست قميص من قمصانه و فضلت تشم في ريحته بتوهان جاسر دخل الاوضه لاقى مي قاعده على السرير و بتبتسم
قعد جانبها و اتكلم باستغراب
= دا ايه سر التحول المفاجئ دا!!!
حـ,ـضنته… بعمق و اتكلمت برقه
= انا اسفه كل اللي حصل مني بسبب غيرتي عليك مطقتش اسمعك بتتكلم عنها انا بحبك يا جاسر انت كنت صح انا مش هرتاح مع غيرك
بقلمي يارا عبدالعزيز قالت كلامها و حركت ايديها على صدره برقه
بصلها برغبه… و بعد فتره من الوقت بعد عنها و خد علبه السجاير و بدأ يدخن… بغضب من نفسه و من تفكيره في غصون المستمر حتى و هو مع واحده تانيه غيرها
مي كانت قاعدة بتبصله بغضب مفرط
