بتشوف نعمة رسالة علي تليفونها وبتفتحها بتلاقي (سمو الأميرة أميرة قلبي وحشتيني ) بترد وهي مبتسمة :
سمو الأمير الأمير الذي تربع علي عرش قلبي ماتشوفش وحش بيبعت ايموجي بيضحك :
(بقا كده طيب ) بتتنهد نعمة :
هابدأ حياتي علي غش ازاي وهو لو عرف هايسامحني ولا مش هايطيق يُبص في وشي في حد يقـ,ـبل أن مراته تبقي نصـ,ـابة …
لا وكمان قـ,ـاتلة ! طب فرضا ماقولتلوش لو اتجوزته مش عشان كتب الكتاب هايكون عاوز بطاقتي ..
الحكومة هاتجيبني كده طب وكلامي عن بابا أن راجل اعمال وكده وسيرته اللي لما بتتفتح بحاول اقفلها بحجة اني بعيط لو عرف اسمه وفكر يدور أو يعرف عنه أي حاجة … انتي فاكرة الدنيا سهلة يا نعمة شكل كسرك لقلب جابر ذنب كبير وانتي اللي قلبك هايتكسر وداين تدان بس بالسرعة دي ! انا بقيت وحشة اوي كده امتي ايه الوحاشة اللي بقيت فيها دي وصلت لكده امتي مش انا انا مش عارفه نفسي ليه الشر اللي بقي جوايا ده
بس يفيد بايه الندم دلوقتي لازم تفكري كويس يا نعمة قبل اي حاجة لازم وافتكري أنه قالك أن الكدب اكتر حاجة بيكرها في حياته ! يارب وجع قلبي عندك دواه يارب انا عارفه اني مستاهلش بس خليك معايا يارب .. عدي يومين وهي بتفكر في اكتر قرار في حياتها ممكن يوجعها .. لحد ما قامت وجابت تليفونها وبدأت تكتب في رسالة … سمو الأمير أميري وحبيبي وأحلي حاجة حصلت لي في حياتي اتمني من كل قلبي تسامحني علي اللي هاحكيه ده
انا ماعنديش الجرآة اني اقوله في وجودك ولا حتي ابعته صوت انا خدعتك بس والله انا حبيتك حبيتك اوي اكتر من نفسي ومش هاقبل اني اخدعك اكتر من كده … انا مش اسمي ناني ولا حد عمره دلعني بناني انا اسمي نعمة سيد شاكر ….بابا مش راجل اعمال ولا خسر فلوسه بابا كان عامل يومية علي قد حاله … وماما بتبيع فول وطعمية عشان تساعد في مصروف البيت في يوم وهو شغال وقع من عالسقالة مات وامي ماستحملتش ماتت وراه وسابتني انا واخ عديم المسؤولية كان بيشغلني وينام
علمني النصب علي أصوله وبقي باب رزق علي كده خلاني انصب علي ناس الله اعلم بظروفهم لحد ما بقت خصلة سودا فيا مش عارفه اعيش من غيرها لحد ما طفحت منه ومن معاملته كنت عاوزه اهرب كان هايم*وتني وكنت بدافع عن نفسي والله بس انا اللي مو*ته انا حياتي علي كف عفريت دلوقتي ممكن في أي لحظة تلاقي البوليس اخدني سامحني ارجوك سامحني …انا ماشية خلي بالك من نفسك يا سمو الأمير
بتقول الرسالة وتتنهد لما تشوف أن بقي عليها 2 صح زرقا نعمة بتبتسم : كان نفسي ترد تقول اي حاجة بس لعله خير بتاخد شنطتها وبتمشي وهي بتبص علي المكان اللي عملت فيه احلي ذكريات عاشتها … نعمة بتفكير : قبل ما اسلم نفسي لازم اللي اذيتهم يسامحوني.. *___________________________*
وقدام السنترال بتاع يزن يزن بصدمة : انتي ..مليكة ! نعمة : نعمة ..نعمة ..بتطلع فلوس من شنطتها وبتديها ليه سامحني اني اتأخرت عليك أو كنت ناوية انصب عليك ..
انا اسفة عن اذنك بتمشي نعمة فبيجري يزن يمسكها من أيدها : استني بس انتي رايحة فين طب انتي مين وايه حكايتك ارجوكي ريحيني انا بقيت احلم بيكي من كتر ما بفكر فيكي نعمة : بلاش احسن تعرف اي حاجة عني انا انسان مؤذي بيأذي كل اللي حواليه .. بتفك أيده وبتمشي وتسيبه … يزن بيبُص عليها وهي ماشية بحزن ومشاعر مش قادر يحددها بتركب القطر وهي بتتنهد :
ياتري هاتسمحني يامعلم
*_____________________________”
كتاب حياتي يا عين ماشوفت زيه كتاب الفرح فيه سطرين والباقي كله عذاب اه عذاب اه عذاب
بيكون قاعد علي القهوة وماسك دماغه ودقنه طويلة وحاله غير الحال بيلمح نعمة علي بعيد بيطلع يجري عليها .. بيمسك ايديها :
كنت عارف انك هاترجعي الحمد لله اكيد دي كانت ظروف مش بايدك انا قلبي كان دليلي طمنيني طـ,ـلقك ولا لسه ابتسمت نعمة : معلم انا عاوزة اتكلم معاك جابر: طب تعالي نطلع الأوضة يلا. . بتطلع معاه وبتقعد قصاده جابر: سامحيني افتكرتك نصابة مع أن يستحيل تكون البراءة دي كده
ضحكت نعمة : لا يا معلم انا فعلا نصابة وعملت حاجات كتير وحشة جابر بضحك : لا قولي كلام غير كده بلاش هزار نعمة : لا يا معلم انا مش بهزر انا حتي اسمي مش مليكة أحمد عبد المعز انا اسمي نعمة نصابة علي قدي انصب علي واحد مشتاق الخلفة واعمل دكتورة واجيب له علاج مستورد اعشاب من عند العطار وابيعها بمبلغ كبير وسبحانه ربنا يكرمه ومراته تخلف والسبوبة تكبر ويجيب لي زبائن بالكوم
أو اعمل شيخة واعمال واجلب الحبيب وارد المطلقة واطلب رجل كتكوت دكر ودم ديك اسود وبخور وعين عفريت أو اعمل عامل بيقري عداد الكهرباء واغرمه صاحبه مبلغ محترم جابر كان بيبص لها وهو مصدوم … نعمة : يارب يسامحوني بقا وانت كمان تسامحني يا معلم
وفلوسك اهي.. جابر بحزن : فلوس ياريتها كانت علي فلوس ده قلبي اللي اتشعلق فيكي اتشعلق في حبال دايبة نعمة : صدقني يا معلم انت طيب اوي وربنا هايعوضك ببنت الحلال
جابر: بس انا مش عاوز بنت حلال غيرك انتي وقفت نعمة : سامحني يا معلم اتحول جابر فجأة ومسك أيدها :
لا لازم تبقي ليا خافت نعمة :
انت بتعمل ايه يا معلم هاصوت والم عليك الدنيا بيكتم بوقها وبيقطع قدامها :
صوتي سمعيني انا بحبك بحبك دموع نزلت من عينيها وهي نائمة علي الأرض وهو شل حركتها مش قادرة تعمل حاجة وخايفة لاحظها وبعد عنها فقامت تداري نفسها جابر لف وشه : مش هقدر ائذيكي مش هقدر قومي البسي حاجة ..
قامت بسرعة ولبست وطلعت قدامه وهو قاعد الدموع في عينيه .. مشت وهي مش عارفه تروح فين لحد ما وصلت الحارة وبصت علي بيتها بدموع وهي بتقول :
دار يا دار راحوا فين حبايب الدار لقت الباب مفتوح زقته بالراحة لقت اخوها نايم علي الكنبة وقعت شنطتها بصدمة صحي علي صوت وقوع شنطتها قام بسرعة وقرب منها سعد : كنتي فين يا بت يا نعمة حـ,ـضنته نعمة بسرعة وبفرحة وبقت بتبوس فيه :
سعد انت عايش انا مش مصدقة الحمد لله الحمد لله
سعد بعدها عنها :
بقي تض*ربيني بالمـ,ـطـ,ـوة وتسيبيني غرقان في دـ,ـمي يابنت الـ,ـكلـ,ـب حـ,ـضنته نعمة :
والله ما كان قصدي انا كنت بدافع عن نفسي الروح غالية يا سعد غالية اوي بالله عليك سامحني سعد : سامحيني انتي انا عارف اني كنت ضارب مش في وعيي المهم فين الخميرة ضحكت نعمة.: الخميرة فاسدة والعجين قطع ! سعد : يعني ايه ؟! نعمة : يعني رزقي ورزقك علي الله! _مليكة أحمد عبد المعز
بتلف بصدمة بتلاقي امير داخل ومعاه البوليس .. نعمة الدموع نزلت من عينيها وبصت في الأرض وسعد طلع حاجة من جيبه وأيده بتترعش وحطها في بوقه وباعها بسرعة أمير: اقبض عليها سعادتك الهانم نصـ,ـابة كبيرة نصابة عالمية نصبت عليا في قلبي بصت ليه نعمة باستغراب … *سمو الأميرة وحشتيني ابتسمت نعمة :
ينفع كده يا سمو الأمير وقعت قلبي وقف سعد وهو مدروخ وعمل تحية بايديه:
طويل العمر يطول عمره ويزهزه عصره وينصره علي مين يعاديه هاي هئ
ضحكت نعمة وأمير في صوت واحد … نعمة : انت ازاي …..عرفت مكاني ازاي وصلت لهنا ازاي امير شاور لها علي أسورة في أيدها :
انت فاكرة وانا بلبسك الأسورة دي قولتلك أنها مرتبطة ببتعتي دي لما ابعت لها إشارة عشان اعرف مكانك هاتبعت لي اللوكيشن … روحت وراكي كل حتة روحتيها بس ما لقتكيش لحد ما اخيرا لقيتك هنا .. نعمة : طب وجاي ورايا ليه انت قرأت رسالتي ؟!
أمير: ايوه نعمة : وعادي ! امير: مش مهم حياتك قبل ماعرفك المهم حياتك وهي معايا انا …تتجوزيني يا نعمة بيسقف سعد ويصفر . نعمة : بس ما عرفش اسيب أخويا كده ده كده هايم*وت من كتر الضـ,ـرب امير : هانوديه مصحة نعمة : انا همي كبير امير : هنقسمه سوا ويخف نعمة: ليه ؟! امير : عشان بحبك نعمة : بتحب نصابة ! امير: بحب أميرة ! نعمة : طب واللي معاك دول مين
امير بضحك : دي فرقة المسرح في الكلية … نعمة : غريبه اوي الصدف دي امير: دي كانت احلي صدفة سعيدة في حياتي انتي عارفة اني لوحدي بعد ما والدي ووالدتي اتـ,ـوفوا انا ماصدقت ألاقي ونس حياتي ! بيمد أيده ليها وبيأنكجها فبتمد أيدها لسعد وبيأنكجها وهو لابس فلينة حمالات بيضة علي بنطلون ترنج ازرق مقطع ولابس شراب مقطع علي شبشب بصابع نعمة قربت علي ودنه:
نفسي اعرف يا سعد من يوم ما وعيت علي الدنيا وانا شايفاك كده ما بتزهقش طب غير الشراب يا اخي
بيضحك سعد وأمير وبيطلعوا من البيت فبيغني اصحابه اللي لابسين لبس بوليس :
كان يوم حبك أجمل صدفة .. لما قابلتك مرة صدفة ياللى جمالك أجمل صدفة .. كان يوم حبك صدفة صدفة قابلتك ولا على بالى .. شفت ساعتها جمال الدنيا صدفة لقيتنى اتغير حالى .. واتبدلت لوحدى فى ثانية خدنى جمال الروح والخفة .. أوعى تفكر يوم تخاصمنى .. او تهجرنى ولو بالصدفة وان صادفك يوم ابقى صالحنى .. ماتفتنيش استنى الصدفة
وارحمنى من الشوق واللهفة .. #صُدفة_سعيدة
#بقلم_حنين_عادل
#كاتبة_الجيل
