جابر : دول الميت الف جنيه روحي اديهم لل البلطجي خليه يطلقك وانا هستناكي لما تخلصي شهور العدة ونتجوز نعمة : نتجوز !! جابر : اه لو وافقتي صدقيني ماحدش هايقدر يحبك في الدنيا كلها قدي بس انتي اديني الأمل هزت نعمة راسها بالموافقة بيقوم جابر وبيرقص بالعصاية اللي ماسكها دائما :
يا دين النبي واتفرج علي الحلاوة حلاوة دي بلدي ونقاوة نقاوة ده بص علي الحلاوة حلاوة. .. بتضحك نعمة …
بيقعد جابر: بس علي وجه السرعة تخليه يطلقك وانا هاجي معاكي
وقفت نعمة وادته ضهرها وهي بتفرك في صوابعها بتوتر:
بس ماينفعش تيجي معايا يا معلم جابر: ليه بقي أن شاء الله ؟! لمعت في دماغها فكرة فلفت ليه وهي مبتسمة وقالت:
ده راجل بلطجي وانا فاهمه دماغه كويس هايقول فضلت راجل تاني عليا وانت معلم قد الدنيا وملو هدومك وكعبك عالي عليه بيعدل جابر هدومه بكبرياء وهو بيضحك بتكمل نعمة كلامها :
فيعند ومايرضاش يطلق وان حتي خلعته يفضل مستقصدني ويمرر عليا حياتي وعليك فسيبني انا احل الموضوع لاني نفسي اتستت واكون مرات راجل واحس أن ليا سند
بتقرب منه وبتمشي أيدها علي صدره :
ولا انت شايف ايه يا معلم جابر بتوهان وهو بيبلع ريقه : اللي تشوفيه يا قلب المعلم انا انا ورايا مشوار وهاجيلك كمان شوية أو..أوصلك المحطة انت قولتلي انتي بلدك فين نعمة : كفر الشيخ يا جبورتي بيضحك جابر : يا دين النبي ! بيمشي جابر وبتقعد نعمة وهي بتضحك :
ما اتجوزه وخلاص والنبي غلبان بس لأ انا عاوزه ابقي هانم مش مرات جزار مش طموحي ههه….
بيرجع جابر وبتكون نعمة جهزت شنطتها بيديها جابر هدية .. نعمة : ايه دي .. جابر : افتحيها بس ! بتفتحها نعمة وبتشوف تليفون فيها نعمة بابتسامة : انت طيب اوي يا معلم جابر : لقيتك مش معاكي تليفون قولت اجيبه ليكي عشان ابقي اطمن عليكي وسجلت رقمي عندك بإسم حبيبي ضحكت نعمة بدلع … جابر : مش بس كده .. بيطلع من جيبه عليه وبيفـ,ـتحها وبيكون فيها دبلة ..
جابر: الشبكة الكبيرة أما تجيبي ورقة طلـ,ـاقك يا ست الستات ممكن صوابعك المـ,ـلبن البسها لك بتمد نعمة ايديها وبيلبسها … جابر : حاسس اني اسعد انسان في الدنيا ارجوكي ما تتأخريش عليا .. بتمشي نعمة معاه وهي حاسة بالـ,ـذنـ,ـب كل ما بتبص ليه بيشتري ليها ايس كريم من عربية ماشية .. بيبُص لها بحب وهي بتركب القطر :
خلي بالك من نفسك ورني عليا اوي ما توصلي انا عاملك باقة
القطر بيمشي بيجري جمبه وهو بيمسح عرقه بالشال الأبيض اللي فوق الجلابية :
لو حسيتي بأي خطر ابعتي رسالة فيها أي حرف وانا هافهم وهاجي واجيب رجالتي نطربقها علي دماغ اللي يضـ,ـايقك نعمة : حاضر يا معلم حاضر بيقف جابر بتعب : مع السلامة مع السلامة يا ست الستات بتبُص نعمة علي الطريق وهي بتفكر في الفترة الجاية في حياتها هاتعمل ايه ولازم كل خطوة تكون محسوبة ..
نعمة بتفكير : مش معايا الا 130000 دول هايعملوا ايه حتي مايجبوش حتة شـ,ـقة في اليومين دول …..
*__________________________*
دقوا المزاهر يلا يا أهل البيت تعالوا جمع ووفق والله وصدقوا اللي قالوا عين الحسـ,ـود فيها عود ….. بيكون يزن عريس ونعمة عروسة ومأنكچها وبيضحك .. يزن : انا فرحان اوي يا مليكة انا بحبك اوي اوي اوي مليكة (نعمة ): يزن يزن يزن يزن يزن: ايه يا مليكة بتكرري اسمي ليه
مليكة : يزن يزن بيفتح يزن عينه وبيكون نايم .. _ايه يا بني بصحيك بقالك ساعة قوم أفطر يلا والفطار سخن .. بيهز يزن راسه وبيقوم يغسل وشه وهو مبتسم . يزن : يارب حقق الحلم وخليه حقيقة .
*______________________________*
بعد شهر … بيكون جابر قاعد عالقهوة ودقنه طويلة وهو مكتئب وبيفكر:
ليه كده يارب انا والله مازعلان عالفلوس اللي راحت في داهية الفلوس انا بس زعلان علي عشمي علي خيبة أملي ده انا في أيام حلمت ببيت وعيلة وولاد وفكرت خلاص أن الدنيا ضحكت لي
لأ وكمان الأدهي اني حبيتها طب كانت تعرفني أن همها الفلوس وبس ما خليتش طريقة احاول اعرف مطرحها الا وعملتها تلفونها قفلته مسافة ما ركبت القطر وروحت كفر الشيخ لفيتها كعب داير ما سيبتش فيها حتة شبر شبر وماحدش يعرف عنها حاجة ولا يعرف مين مليكة أحمد عبد المعز خليك فاكر الاسم ده كويس يا جابر اللي جـ,ـرح قلبك وم*وتك بالبطئ مليكة أحمد عبد المعز…منك لله يا شيخة منك لله
*______________________________*
بتكون نعمة بتجري في مكان راقي وهي لابسة لبس رياضة ورابطة شعرها ديل حصان وحاطة السماعات في ودنها…
نعمة بتفكير وهي بتبص علي الناس اللي حواليها: اكتشفت عشان اوصل للي في دماغي وابقي هانم لازم اعاشر الهوانم بتبص علي اللي ماسكة كلبها بتدلعه واللي بتلعب رياضة … ابتسمت وهي بتشاور لهم :
مدام سوزي اخبارك سوزي: الحمد لله يا حبيبتي صاحية بدري النهاردة .. نعمة : انا مانمتش طول الليل .. سوزي : لا تعالي احكيلي في ايه … بتقعد سوزي وتقعد نعمة قصادها :
خير يا حبيبتي مالك..
نعمة : أمير بيه .. سوزي : ماله ؟! نعمة : طلب ايدي امبارح للجواز سوزي: ألف مبروك يا حبيبتي .. نعمة ابتسمت سوزي : حساكي ليه مش مبسوطة نعمة : هاكون لوحدي في فرحي لا مامي ولا دادي ولا اي حد زي المقطوع من شجرة سوزي : لا يا ناني ازعل منك كده احنا هانعترض علي أمر ربنا ولا ايه نعمة : انا تعبانة اوي من غيرهم مش اعتراض علي أمر ربنا ولا حاجة والله انا راضية بس كنا عايشين كويسين اوي بابي كان غني جدا وخسر كل فلوسه في الملعونة البورصة اللي دمرت عيلتنا الصغيرة ودمـ,ـرت سعادتنا واستقرارنا
دادي يا حبيب قلبي وروحي مـ,ـات من الصدمة ماستحملش خبر أن خسر كل ثروته اللي عاش عمره كله يكافح عشانها وعشان يأمن ليا مستقبلي.. كل الظروف اللي حواليه واصدقائه اقنعوه أنه يستثمر فلوسه كلها وأنه هايكسب أضعاف وأنها صفقة العمر بس للأسف كانت نهاية العمر … جاله في نفس الثانية اللي عرف فيها الخبر ساكته قلبية ومامي ماستحملتش مو*ت بابا ومشت وراه علطول وسابوني في الدنيا لوحدي ماليش حد كانوا مكتفيين بيا وانا مكتفية فيهم ..
ماكانش فاضل معايا الا عربيتي وساعة بابا حبيبي كان هاداني بيها بعتها وأجرت الكمبوند ده ودلوقتي بدور علي شغل سوزي بدموع : انتي شوفتي كتير اوي ياناني يا حبيبتي أن شاء الله امير يعوضك عن اللي شوفتيه انتي ما شوفتيه نظرات الهيام اللي بيبص لك بيها هيمان وفرحان وطاير بيكي … لازم تبدأي حياة جديدة وتنسي كل اللي فات يا حبيبتي … نعمة : أن شاء الله .. بتقوم نعمة وبتروح بيتها وبتبُص علي صور امير اللي متعلقة علي الحيطة بحُب..
نعمة : كنت الأول عاوزه اعيش في مستوي كويس بس دلوقتي انا حبيتك حبيتك اوي اوي بتفتكر نعمة وهي في القطر أما شافت صورته في جورنال بيعمل إعلان الكمبوند بتاعه الجديد نعمة بابتسامة : وليه لأ مش يمكن ؟؟ بتضحك نعمة وبتجمع كل الفلوس اللي معاها وبتروح الاول تشتري لبس جديد بلوزات وبنطلونات ونضارات وبيرفيوم ومكياج وبتحط خطتها أنها توقع امير في حبها بس هي اللي حبته في الاول عاشت في الكمبوند وحاولت تكون صداقات وبقت محبوبة من الكل
وفي حفلة من الحفلات اللي بتتعمل في الكمبوند قابلته وخـ,ـبطت فيه واعتذرت ولاحظت نظرات الإعجاب منه وده سهل عليها كل حاجة بعد كده جاب رقمها لما عرف من سوزي هانم صديقة والدته أنها بتدور علي شغل وعرض عليها انها تشتغل معاه واتطورت علاقتهم اكتر وصارحته باعجابها بيه وصارحها بحبه .. بتقعد علي الكنبة وبتفتكر لحظات لما طلب منها الجواز .. #flash_back نعمة بتكون لابسة فستان احمر وسايبه شعرها الحرير علي ضهرها ..
بيكون مغمي عينيها وبيمسك ايديها وبتمشي معاه .. نعمة : احنا رايحين فين يا أميري ؟! امير: أميرك هايخـ,ـطفك يا سمو الأميرة نعمة : ونعيش في قصر بعيد عن عيون الناس امير: ونعيش في سعادة للأبد ضحكت نعمة فرفع شعرها وباسها في رقبتها .. نعمة : أمير ! بس كده انا …. بيضحك أيده علي بوقها : هششش وبيلبسها عقد الماس وبيشيل من علي عينيها القماشة وبتكون واقفة قدام مراية كبيرة ..
بتبص بانبهار عليها وبتكون فرحانة وبتحـ,ـضنه … بيرفع أيده علي السما وفي نفس الوقت بيشتغل العاب نارية وبيتكتب بحبك تتجوزيني بتبتسم وبتهز راسها : موافقة . امير : موافقة تحبيني دائما وابدا نعمة : موافقة .. امير : موافقة تعيشي معايا كل لحظاتي وحياتي وماتسيبنيش ابدا نعمة: موافقة ..انت موافق تسامحني وتغفر لي اي حاجة عملتها في الماضي امير : حياتك قبلي مش عاوز اعرف عنها أي حاجة مايهمنيش غير دلوقتي مايهمنيش غير من وقت ما تبقي علي اسم امير الحملي
#Back
