بقلم نسمه مالك

وبلحظه..كانت ارتمت بحضه تبكى بنحيب..
وبرجاء همست..ادم ودينى بيت بابا ارجوك..
مشينى من هنا يا ادم..
شدد هو من احتضانها اكثر..
وببرود وهدوء عكس هيئته الغاضبه تحدث موجه حديثه لوفاء..
ادم:قولى لأبنك مهما عمل مليكه هتفضل مراتى..
نهى جملته ومال قليلا واضعا يده اسفل ركبتى مليكه وحملها بين يديه وسار بها للخارج وبتوسل شديد همس بأذنها..
ادم:ملك..بحلفك بالله تدينى فرصه وتسمعينى..
ضمته هى لها اكثر دافنه وجهها بعنقه تبكى بنحيب..
ومن بين شهقاتها همست..

مليكه:عرفت ليه مامتك ولا مره رضيت تقابل اهلى او تدخلهم بيتكم..بكت اكثر..علشان كده ارجوك ودينى بيت بابا..عايزه اسمع منه الاول..
ربطت على قلبه بكف يدها وهمست بتأكيد..وهسمعك يا ادم..
وصل ادم بها الى احدى السيارات وادخلها بحرص..
وتحدث بأسف..
ادم:انا مش هقدر اجى معاكى دلوقتى يا ملك..
ملك:بتفهم..مامتك كويسه..
ادم:بغصه..امى هنا فى المستشفى يا ملك..
ملك:بخضه..طيب طمنى عليها..
ادم:ان شاء الله هتبقى كويسه..روحى انتى مع باباكى وانا هطمن عليها واجيلك..قبل رأسها وهم بالنزول من السياره..
لكن اسرعت ملك وامسكت يده وتحدثت بدموع..

ملك:مش هسيبك..ارتمت بحضنه..هفضل هنا معاك خلاص مش هروح فى اى مكان..صمتت قليلا..
بس ابعتلى بابا هنا عايزه اتكلم معاه لوحدنا..
ضمها هو اكثر وبعمق شديد قبل وجناتيها وهمس بعشق..
ادم:اقسم لك بالله انا بعشقك يا ملك..
ملك:بثقه..عارفه ومتاكده يا ادم..
قبل ادم يدها وتحدث بستعجال..
ادم:باباكى ومامتك جاين علينا..
ملك:خد ماما معاك..مش عايزه اتكلم قدمها..
ادم:بتنهيده..حاضر يا حبيبتى..هبط سريعا من السياره واقترب من هناء وتحدث بهدوء..
ادم:لو ممكن يا طنط عيزك فى موضوع مهم..
نظر لمحمد..خليك مع ملك على ما نرجع من فضلك يا عمى..

اقترب محمد من السياره وصعد بجوار ملك وتحدث بقلق..
محمد:ملك يا بنتى..ام اكرم قالتلك ايه زعلك كده..
اخذت ملك نفس عميق وتحدثت بهدوء..
مليكه:مش ام اكرم اللى قالتلى..اكرم اللى كلمنى فى التليفون وقالى يا بابا..
محمد:قالك ايه؟!..
مليكه:بدموع..قالى اسالك عن واحده اسمها فريال النجار..
بكت بنحيب..تعرف حد بالاسم دا يا بابا؟!!..
صدمه..ومفاجأه من العيار التقيل بالنسبه لمحمد جعلت عيناه تتسع على اخرهم بزهول..وبتوتر ملحوظ تحدث..
محمد:انتى بتقولى ايه..وعرفتو الاسم دا منين..
مليكه:برجاء..رد عليا يا بابا ارجوك..تعرف واحده اسمها فريال النجار..
التزم محمد الصمت قليلا..وبثبات وصوت عاشق همس..

محمد:ايوه اعرفه..فريال تبقى حبيبتى..نظر لملك..ومراتى.. رأيكم وتوقعتكم.. وانتظرو الاخير 👌
واستغفرو لعلها ساعه استجابه.. الخاتمه..
مر اكثر من شهر..
ادم..
معتزل داخل غرفته عن العالم اجمع..
ما مر به ليس ابدا بهين..
انخدع لسنوات..
ومن من..اكثر شخص يثق به بحياته..
والداته..
اوهمته انها تنتقم لشقيقتها ووالدتها..
ولكن الحقيقه انها كانت تنتقم لغيرتها..
لحقدها الدفين..
وبرغم كل ما فعلته الا ان قلبه يعتصر ألما وحزنا على فراقها..
فهى بالاخير تظل..والدته..ولن ولم يستطيع كرهها..
اغمض عيناه بعنف حين تذكر اخر حديث له معها داخل غرفه العمليات..
..فلاش باااااااااااااااك..
حاله من الهرج والمرج..
فريق كامل من الاطباء والتمريض يركضون لداخل غرفه العمليات..

ليسرع احد الاطباء وركض نحو ادم وتحدث بتوتر وكثير من الخوف..
الطبيب:ادم باشا..انا مش عارف اقول ايه لسعادتك..
ادم:بنفاذ صبر..اتكلم على طول يا دكتور..ابتلع ريقه بصعوبه..
امى مالها؟!..
الطبيب:بأسف..حاله الهانم سيئه جدا..الكلب اللى هجم عليها كان فى منتهى الوحشيه..وللاسف مش عارفين نديها بينج لان سنها وحالتها مش سامحين بدا ومطرين نخيط الجروح ونكوى العرق اللى بينزف من غير بنج لحد ما نظبط الضغط والسكر وكمان؟!..
ادم:بغصه مريره..هو لسه فى كمان؟!..
الطبيب:للاسف..الهانم عضله القلب عندها ضعيفه وممكن متستحملش كل الألم دا؟!..

هم الطبيب بأكمال حديثه لكن صوت صراخ فريده بتألم شديد جعله يركض نحو الداخل سريعا..
ليثور ادم ويتحدث بعلو صوته..
ادم:بصراخ..حد يجى يعقمنى حالا..
هرول احدى الاطباء منه وبسرعه البرق كان ارتدى الزى الخاص بالعمليات..
ووقف امام بابها اخذ نفس عميق وبخطى مرتعشه خطى للداخل..
لينصدم من والدته التى تبكى دما من شده المها..
اقترب منها وقبل جبهتها المتعرقه بعمق لتهبط دموعه بغزاره على وجهها هى..
لتبدأ فريده بالهذيان من شده ألمها..
فريده:ادم..انا كدابه فى كل اللى حكتلك عنه..بكت بنحيب..
انا مكنتش بنتقم لاختى وامى زى ما فهمتك..

انا كنت بنتقم لنار قلبى وغيرتى من اختى..
صرخت بتألم اكبر..
حاول رسم الجمود على ملامحه وتحدث بتوسل..
ادم:كفايه يا ماما..ارجوكى كفايه كلام علشان متتعبيش اكتر..
فريده:بندم..لا سبنى اتكلم..مافيش اى مبرر للى عملته..
انا فشلت احب واعشق واتجوزت جواز صالونات..
واختى الصغيره عاشت احلى قصه حب ودا خلى قلبى يولع من نحيتها..بكت بنحيب..
وغيرتى وحقدى عليها خلانى اتسببت فى مـ,ـوتها..
نظرت لابنها بعيون نادمه..
وبعد كل السنين دى اكتشف ان بنتها عايشه..
وبقت مرات ابنى كمان..
نظر لها ادم بصدمه..وبزهول مقارب للجنون تحدث..

ادم:بنت مين اللى عايشه؟!!..وابنك مين اللى بقت مراته؟!..
فريده:بضعف..مليكه..مراتك..ابتلعت ريقها بصعوبه..
بنت فريال..
ادم:بزهول..انتى بتقولى ايه يا امى..
فريده:بقول الحقيقه..ملك بنت فريال..بكت بنحيب..
خوفت تكون عارفه اللى عملته فى امها وتنتقم منى قولت اسبقها انا وامـ,ـوتها..بس اللى معملتش حسابه انك تقع فى عشقها ودا خلانى اصر على مـ,ـوتها اكتر..
لكن انت كنت ليها زى الدرع الحامى..نفس اللى ابوها كان بيعملو مع اختى..تأوهت بعنف..
حاولت ابعدك عن طريقها بكل الطرق..
اتفقت مع اكرم علشان نفرقكم عن بعض..
واديته رقم المنافسين بتوعك علشان يكلمهم وانا عارفه انهم هيقـ,ـتلوها..

وانا السبب فى هد جزء من مصنعك علشان ابعدك عنها واقدر اسيب عليها كلابى..تأوهت بعنف..اااااااااااه..كلابى اللى نهشت لحمى يا ادم..بدات تغيب عن الوعى وبصعوبه همست بفزع وهلع شديد..انا خايفه اوى..نظرت له برجاء..عارفه ان اللى عملته ميتغفرش..بس عيزاك تسامحنى وتخلى مراتك تسامحنى وافتكر انى امك وادعيلى يا ادم..
ارتعش جسدها بع..نف وبوهن شديد همست..لانى مرعوبه..
نهت جملتها واغمضت عيونها فاقدها الوعى..
تفحصها الأطباء بعنايه امام انظار ادم المزهوله..
ليخفض الطبيب راسه بحزن ويتحدث بتأثر..
الطبيب:البقاء لله يا ادم باشا..
أستند ادم رأسه على كتف والدته يخفى عيناه التى تحجرت بها دموعه..
وبصعوبه همس بأذنها..

ادم:يا امى..انا مسامحك..
ظل قليلا جوارها ومن ثم اتجه للخارج يسير كالتائهه..
عقله لم يستوعب ما يحدث له..
ينظر حوله بضياع..وبعلو صوته صرخ بأسم احب واغلى الأشخاص لقلبه..
ملللللللللللللك..سار للخارج بخطوات شبه راكضه..
حتى وصل لها وارتمى داخل حضنها وبصعوبه تحدث..
امى ماتت يا ملك..
بنهيار بكت زوجته لشده حزنها عليه..
ظل يرددها هو دون توقف..
امى ماتت..امى ماتت يا ملك..
تضمه بكل قوتها وبتوسل شديد تهمس داخل أذنه..
ملك:اهدى يا حبيبى..لا حول ولا قوه الا بالله..
ربنا يرحمها ويصبرك على فراقها..
..نهايه الفلاش باااااااااااااك..

فاق من شروده على يد زوجته تربط على ظهره كعادتها..
وبحنان شديد..اقتربت منه وجذبت رأسه لداخل حضنها ويدها تملس على شعره برفق..
بكل قوته..تمسك هو بها ملتف بيده حول خصرها دافنا وجهه بصدرها يبكى بصوتا مكتوم..
لمرته الاولى يفعلها ويبكى منذ وفاه والدته..
ضمته هى اكثر وبدات تبكى لبكاءه وبرتياح شديد تنهدت انه اخيرا بكى..
ابتسمت بأمل من بين دموعها ومالت على شعره تقبله بعمق وتهمس برجاء..
ملك:عيط يا ادم..متكتمش حزنك فى قلبك يا حبيبى..
سيطر هو على دموعه سريعا..
ورفع رأسه ببطئ ينظر لها بعيون شديده الاحمرار وبعدم تصديق همس..

ادم:حبيبك..ابتسم بتألم..بعد كل اللى حصل لسه بتعتبرينى حبيبك يا ملك..
جـ,ـثت على ركباتيها امامه وامسكت وجهه بين كفيها وتحدثت بتاكيد كمن تحدث صغيرها وليس زوجها..
ملك:ايوه لسه حبيبى..قبلت وجنتيه..وحياتى..قبلت شفاتيه قبله رقيقه..وهتفضل حبيبى لحد ما امـ,ـوت..صمتت قليلا واكتفو النظر لبعضهم..عيونهم تحكى بالكثير والكثير..
وبهدوء وتعقل تحدثت مليكه..ادم..انا وانت وقعنا ضحايا..
وبرغم كل اللى حصل احنا لسه مع بعض..ودى اهم حاجه..
ابتسمت ودموعها تهبط على وجناتيها بغزاره واكملت بثقه..
لأن انا مش هقدر اعيش من غيرك..ومتاكده انك متقدرش تعيش من غيرى..
بلحظه..كان انتشلها ادم لداخل حضنه اجلسها على قدميه وبتاكيد همس بأذنها..

ادم:مقدرش يا ملك..مقدرش ابعد عنك لحظه واحده..ابتعد عنها قليلا ونظر لملامحها بعشق..انا اصلا عايش علشانك..
ملك:بعتاب..علشان كده بعدت عن حضنى شهر بحاله..
حابس نفسك هنا..ولا بتكلمنى كلمه واحده حتى..
استند برأسه على كتفها وتحدث بألم..
ادم:كنت محتاج استوعب اللى حصل يا ملك..
اللى حصل مكنش سهل..
ملك:ببكاء..عارفه يا حبيبى..
ادم:ببتسامه عاشقه..حبيبك بس..
تنهدت مليكه بصوتا مرتفع..ووضعت جبهتها على جبهته وهمست بعشق..
ملك:حبيبى وجوزى..نظرت لعيناه بعمق..وحياتى كلها يا ادم..
ضمها لحضنه بحنان وبسره همس..
ادم:يا ترى انتى عارفه انك بنت خالتى ولا لاء يا مليكه..

وازاى انتى بنت خالتى ومامتك قالتلى ان فريال ماتت وهى حامل..فى لغز وحاله عند باباكى يا ملك..
بينما هى تهمس بسرها..
ملك:مش عارفه افضل ساكته علشان مشوهش صوره مامتك فى عنيك ولا اتكلم واقولك ان بابا بريئ وكان متجوز خالتك على سنه الله ورسوله..
رفعت عيونها للسماء ودعت من صميم قلبها..
يااارب اظهر الحق..ورد لكل زى حق حقه..
دفـ,ـنت وجهها بعنقه تقبله بشوقا جارف..
وبشتياق همست..واحشتنى..رفعت وجهها ونظرت له نظره يفهمها هو جيدا..بل يحفظها عن ظهر قلب..اشتقتلك يا ادم..
وضعت جبهتها على جبهته..انا موحشتكش..

ضمها هو له بقوه..وبهيام..استنشق عبير انفاسها وبلهفه وعشق شديد همس..
ادم:واحشتينى موووت..قبل وجناتيها..هتجنن عليكى..
رفع يدها وقبلها بعمق..بس عندى مشوار مهم..هروحه فى السريع وارجعلك..
ملك:بفرحه طفوليه..بجد هتخرج..يا فرج الله..تعلقت برقابته..
خدنى معاك علشان خاطرى..
ادم:ببتسامه..طيب البسى هوديكى عند مامتك وهرجع اخدك..
قبلت وجنتيه..حياتى بقى..
نهت جملتها وركضت سريعا لترتدى ثيابها..
انتظر هو قليلا ومن ثم امسك هاتفه وطلب احد الارقام..
ثوانى واتاه الرد..
محمد:الو..ازيك يا ادم..
ادم:الحمد لله..
محمد:ومليكه عامله ايه..
ادم:بخير يا عمى الحمد لله..صمت لوهله..كنت عايز اقابل حضرتك لوحدنا لو امكن..

محمد:وماله يا ابنى..انا فى الشركه..لو عايز تيجى دلوقتى هستناك..
ادم:تمام..هودى مليكه البيت عند حضرتك واجيلك على طول..
محمد:وانا فى انتظارك..مع السلامه..نهى جملته واغلق الهاتف وحدث نفسه برتياح..
اللى كنا خايفين من قسوتها وجبروتها قبلت وجه كريم..
و أن الاوان الحقيقه تبان يا فريال..
امسك هاتفه وطلب احدى الارقام وانتظر الرد..
هناء:ايوه يا محمد..
محمد:هناء..مليكه كلمتك..
هناء:ايوه وقالتلى هتلبس وتيجى وانا مستنياها..
ابتلعت ريقها بصعوبه..ايه يا محمد خلاص عيزنى اقولها؟!
محمد:بتنهيده..ايوه يا هناء..قوليلها..مبقاش ينفع نخبى عليها اكتر من كده..لما تعرف منك انتى احسن ما تعرف من اى حد..

هناء:بدموع..عندك حق..بكت بنحيب..حاضر هقولها يا محمد..
^^^^^^^^^^^^^^^^^^^^^^^^^^^
..اكرم..
استعاد عافيته بفضل مساعده رؤيه الدائمه له..
واستعاد ايضا عقله وعاد حسابته وادرك ان مليكه لم ولن تكن لأحد غير زوجها..
خلع دبلتها من يده ونظر لها قليلا وهمس بتمنى..
اكرم:ربنا يسعدك يا مليكه..
غافلا عن من تراقبه بصمت من شباك مكتبه وابتسامه متسعه تزين شفاتيها حين وجدته خلع دبلته..
عدلت ثيابها واخذت نفس عميق وسارت بتجاه باب مكتبه وخبطت عليه برقه..
وضع اكرم الدبله بدرج مكتبه وتحدث بعلو صوته..
ادخل..

فتحت هى الباب ببطئ..وخطت للداخل حتى وقفت امامه مباشره وتحدثت ببتسامتها رائعه..
رؤيه:صباح الخير يا دكتور..
اكرم:بصرامه مصتنعه..امممم..صباح الخير يا انسه..
نظر بساعته..من اولها كده تأخير ربع ساعه..
رؤيه:بعبوس..بعتذر يا دكتور بس المستشفى بتاعت حضرتك بعيده عن بيتى بمسافه..
اكرم:بجديه مصتنعه..انسه رؤيه..انا وافقت انك تيجى تتدربى عندى فى المستشفى اولا بسبب والدتى اللى حبتك جدا واعتبرتك بنتها..ثانيا لانك فعلا مجتهده ومتفوقه فى دراستك..
هب واقفا وسار حول المكتب حتى وقف امامها ليظهر فرق الطول الشاسع بينهم واكمل..وعلشان تكملى تدريب هنا معايا..لازم تعرفى انى مبحبش الكدب..
رؤيه:بتوتر..كدب..احححم..وانا هكدب على حضرتك ليه..

مال براسه عليها قليلا ونظر لها ببتسامه عابثه وتحدث بخبث..
اكرم:يعنى انتى جايه فى معادك مظبوط وبقالك ربع ساعه بتتأملى فى جمالى من شباك مكتبى..اتسعت عيونها بصدمه وتوردت وجناتيها بشده وبتقطع همست..
رؤيه:اححم..لا..ابدا..المستشفى اللى بعيده..
اكرم:بعبث..يعنى متأملتيش جمالى..
رؤيه:بجمود مصتنع..تؤ تؤ..بعيده..اححم..المستشفى..
اعتدل بوقفته وتحدث بصرامه وغضب مصتنع..
اكرم:اممم.حيث بقى ان المستشفى بعيده يا انسه..
نظرت له هى بخوف وقلق ظاهر على وجهها..
فاكمل هو بجديه مصتنعه..فأنا بيتى قريب فى الشارع اللى فى ضهر المستشفى..ابتسم لها واقترب خطوه وامسك كف يدها بين يديه..هتجوزك علشان تقدرى تيجى فى معادك..
غمز لها..ومتتأخريش..

بجخل شديد..سحبت رؤيه يدها من بين يديه سريعا وبزهول همست..
رؤيه:انت بتقول ايه يا دكتور اكرم..
اكرم:بقول عايز اتجوزك يا رؤيه..نظر لعيونها..