في الجنينه .
كان قاعد فريد بشرود وخوف من القادم ليقترب منه جاسر بقلق شديد.
/فيه ايه ي فريد تسبيح قالتلي أن فيه حد حاول يضرب نار علي فرحه الكلام ده مظبوط .
فريد بارتباك شديد/ها تقريبا فرحه مكنتش واخده بالها ي جاسر هي اصلا خوافه اوي ي عني مين الي هيبقى عايز ينتقم منها دي لا بتهش ولا بتنش . جاسر بجديه /وليه مايكونش عايز ينتقم مننا احنا .
فريد بفزع /لا طبعا احنا ملناش أعداء ي جاسر لا مفيش الكلام ده .
جاسر باستغراب /مالك اتخضيت كده ليه فيه ايه.
فريد بقلق بالغ/مفيش حاجه ي جاسر انا بس الي حصل مع فرحه وترني شويه متشغلش بالك انت .
جاسر بجديه /مشغلش بالي ازي هو انا عندي اغلا منك .
فريد بقلق بالغ من رده /جاسر لو عملت حاجه وجعتك ممكن تسمحني.
جاسر فضل ساكت بس فريد مستني رده علي نار بس اجابه جاسر قهرت فريد اكتر .
/ايه ي جاسر ده انت هتعمل فيا كتير بقا .
جاسر بجديه /انا مفكرتش اصلا في الي قولته لاني عارف انك مستحيل توجعني باي شكل من الأشكال ده احنا روحنا في بعض ي فريد .
فريد بمراره /عندك حق.
جاسر بابتسامه/طيب ي حبيبي انا هخرج شويه انا وساره .
فريد بابتسامه موجعه/تسلم ي حبيبي انا كمان هروح اشوف فرحه .
جاسر بجديه /خود بالك خطوبتك هتتعمل في الميعاد وبلغ فرحه مفيش تأجيل وترمي الي حصل وراء ضهرها يلا سلام . فريد بوجع ومراره/سلام ي اخويا استرها معانا يارب غلطه عملتها هفضل اتعاقب عليها طول عمري.
***************.
في أحدا الكافيهات الفاخمه.
كانت بترقص ساره مع جاسر بسعاده وهي شايفه احتفاله بيها.
ساره بابتسامه وسعاده/بجد مش مصدقه ي جاسر كل ده علشاني .
جاسر بابتسامه ساحره/هو اكيد لا لان كل ده واكتر قليل عليكي ي ساره.
ساره بابتسامه وسعاده/جاسر انا كتير بسال نفسي انا عملت ايه علشان ربنا يرزقني بيك انت جوهره علي راي منه.
جاسر باستغراب /منه أنتي اتكلمتي معاها .
ساره بابتسامه/ايوه بصراحه صعبت عليا اوي ي جاسر ربنا يكون في عونها الي تخسرك ده انت ملك ي حبيبي بحبك .
جاسر بابتسامه ساحره/وانا بعشقك ي نور عيني.
******************.
في شقه فرحه …
كانت قاعده بدموع وارتباك شديد وخوف من كل حاجه حوليها.
فريد بابتسامه وعشق /روح قلبي ممكن تهدي بقا فين فرحه الي كانت هتموـ,ـت من الضحك اول مشوفتها والسعاده ماليه قلبها وماليه حياتي كلها .
فرحه بدموع ووجع/بصراحه الي حصل مخوفني اوي ي فريد بقيت خايفه انزل حتي الشارع .
فريد بابتسامه وحنان /روح قلب فريد من جوه الي حصل ده اوعدك أنه مش هيحصل تاني فرحه انا مش عايز اي حاجه تقصر علي علاقتنا خطوبتنا في ميعادها ومش بعيد اخليه كتب كتاب كمان .
فرحه وهي تمسح دموعها ببراءه /لا والله ده أمر بقا .
فريد بعشق /هو كده واعتبريه بقا زي مانتي عايزه بس انتي فرحه حياتي كلها وخلاص مبقتش قادر ابعد عنك ابدا بحبك.
فرحه بابتسامه ساحره/وانا بعشقك ي روح قلبي.
********************* في جناح جاسر وفريد ..
كانت واقفه ساره وهي ترتدي حجابها ومستعجله تنزل فلقت جاسر قدمها علي غير العاده فهو دائما في ذلك الميعاد يكون بالاداره.
جاسر بنظره خبيثه/ايه مالك ي روحي رايحه فين .
ساره بارتباك شديد/ابدا رايحه اشتري فستان عجبني اوي من علي النت .
جاسر بنظره خبيثه/تحبي اجي معاكي ي نور عيني وليه تتعبي نفسك حالا يكون عندك هنا .
ساره بقلق شديد/لا انا عايزه اتمشا شويه ي جاسر .
جاسر بابتسامه مكر وهو يحتضنها /اوكي ي حبيبتي خالي بالك من نفسك .
ساره بريبه وقلق /حاضر ي حبيبي عن اذنك .
جاسر وهو يتبع أثرها بخبث ومكر.
/مع السلامه ي حبيبتي.
***********************.
في فيلا نور ..
كانت قاعده مستنيه واحد من رجالتها محترف كمبيوتر وهو بيخلص الفيديو الي فيه فريد معاها بس طبعا هي مش ظاهره بس كانت عايزه تنتقم منه بالذات بعد ماعرفت أنه حدد ميعاد جوازه .
المساعد الخاص بيها /اتفضلي سعادتك كده الفيديو انتهاء .
نور بحده /متاكد اني مش ظاهره فيه .
المساعد بجديه /طبعا متاكد اطمني .
نور بحده /خلاص روح انت اهلا اهلا بالعروسه.
ساره وهي ترمي الشنطه بزهق /بقولك ايه بلا عروسه ولا زفت انا زهقت من التمثيل ده .
نور بجديه /ايه الاخبار .
ساره بضيق /مفيش اي اخبار اطمني ده عملي فيها سوما العاشق ده اهبل فاكرني وقعت في حبه بالسرعه دي ونازل فيا تسبيل ربنا يسامحك ي يوسف ي اخويا .
نور بضحكه عاليه /هههههه والله يوسف اخوكي ده حكايه وهو بيموـ,ـت وطالع يقابل ربنا بيكمل اتفاقنا وبيقنع جاسر أنه يتجوزك.
ساره بجديه / حبيب قلب أخته كان عارف أنه هيموـ,ـت ويسبني كان بيامن مستقبلي المادي انا طبعا في الصفقه دي هاخد نصيبي ونصيب يوسف اه هنقسم الصفقه كلها علي التلاته صح .
نور بجديه /ليه ي اختي انتي ناسيه أن عمر شريكنا مش بس هو وأمه وأخوه كمان .
ساره بزهق/اووووف افتكرت صحيح أن احنا عصابه دي سبوبه مشمومه يلا .
نور بجديه /تمام المهم قوليلي ملقتيش بنات الرجاله العرب متشوقين للبنات ولازم يكونوا بكر زي مانتي عارفه .
ساره بنظره خبيثه/اطمني عندي حوالي 12 بنت هيكونوا تحت امرك .
نور بحده /تمام بقولك ايه خلي عينك علي جاسر الشحنه هتوصل بكره دي اكبر شحنه مخدرات في تاريخ مصر مش عايزه اي هبل او اي خطأ فاهمه .
ساره بجديه /فاهمه بس قوليلي مش انتي بتحبي فريد ازي هتسبيه يتجوز كده .
نور وهي تمسك الشريط بسخرية وخبث /ومين قالك اني هسكت الفيديو ده في فضيحه لل فريد بيه هتبوظ الجوازه وهتبوظ حياته كلها .
**************.
في فيلا القناوي.
في جناح جاسر .
كانوا يحتضنون بعضهم البعض بسعاده فقد نجح مخططهم لايقاع بتلك العصابه التي تتأخر في المخدرات وأعراض البنات.
منه بفرحه لا توصف /مش قادره اصدق ي جاسر نجحنا نجحنا الحمد لله.
جاسر بابتسامه وسعاده وعشق وهو يحتضنها /الحمد لله ي حبيبتي الفضل ليكي بعد ربنا سبحانه وتعالى.
منه بابتسامه وعشق /الفضل ليك انت ي اجمد ظابط في الدنيا . **********.
فلاش باك .
قبل ما جاسر ومنه يطلقوا .
في الجنينه .
كان قاعد جاسر بشرود وقربت منه منة باستغراب .
/مالك ي جاسر فيك ايه .
جاسر بشرود وقلق /حاجه كده شاكك فيها بس بغيت شبه متاكد مستحيل يكون صدفه ابدا .
منه باستغراب /قصدك ايه ي جاسر .