إياد بصلهم بنرفزه وقال”حضرتك يا بابا انا مش أخوها ومتقولش يتقدم، ندى لسه صُغيره على الجواز ” ندى ردت بسرعه “لا مش صُغيره” هنا إياد بصلها بغضب وجز على سنانه سليم بهدوء”انا طبعا آسف يا عمي بس حضرتك انا شوفت ندى مرتين في اللي جيتوا فيهم واُعجبت بيها واحنا كشباب الأيام دي بنتقدم للبنات كدا” سعيد بص لإياد وقال”انت شاب مُحترم بس في الاول الرأي رأي ندى وام ندى وفي أي وقت تنورونا”
ابو سليم بهدوء”واحنا لينا الشرف، وان شاء الله يحصل ما بينهم نصيب” سعيد بهدوء”دلوقتي السلام عليكم الوقت اتأخر اوى علينا ” ♡♡♡♡الحمدلله دخلوا الشقه والهدوء اللي مسيطر على الكل الا إياد…مُجرد ما دخلوا وإنفج’ر إياد بغضب وتقليد لندى”لا انا مش صغيره…وانت يا بابا الرأي رأي ندى إيه حضرتك مفروض كنت رفضت ندى لسه صغيره صح يا طنط مش كدا” ام ندى بإستفزاز”لا يا حبيبي ندى كبرت واكيد هيتقدملها ناس تانيه غير سليم مع اني شايفه انها مفروض تفكر في سليم اهو شاب كويس ومُحترم”
إياد بنرفزه”مش مُحترم صدقيني انا وانا مرتبط بهمس كنت كل يوم بجيبه من مُشكله شكل وغير كدا بتاع بنات ” ندى حست بوجع بس قالت ببتسامه مُستفزه “هيتوب على ايدي يا ابيه وبعدين هو اعجب بيا واكيد هيحبني مع الوقت صح ولا ايه يا بابا سعيد” إياد ببلاهه وهمس لنفسه”أبيه، وهيتوب، واعجب بيا، وهيحبني في جُمله واحده حاضر يا ندى ال……اما وريتك” سعيد بفرحه”اكيد يا حبيبة بابا، بعدين يا إياد مفروض تفرح لأختك زي ما هي كانت فرحانه ليك ولا إيه؟”
إياد بصلهم وقال بهدوء”اااه مانا هفرحلها وهفرحلها اوي وبعدين هي مش اختي” ام ندى بحزن “بتقول كدا ليه يا إياد دي.. إياد بسرعه”طنط متفكريش في حاجه دلوقتي بعدين هتعرفي كل حاجه ودلوقتي هستأذن هدخل انام وشاور لندى وانتِ من بكرا هتنزلي الشغل معايا” ندى ببلاهه”شغل إيه دا يا ابيه” إياد بغضب مكتوم”أبيه ماشي يا ندى …الشغل يا حببتي إيه مش عارفه الشغل ” ندى “لا عرفاه بس انا ايه اللي يوديني الشركه بتاعتك تاني حضرتك قولت منزلش تاني ”
إياد بغضب “لا يا حببتي مانتِ هتنزلي تشتغلي بس مش موظفه عاديه هتشتغلي سكرتيره مكتبي…والساعه” ٨”بالضبط اشوفك قدامي، تصبحوا على خير” ندى بصتلهم ببتسامه وقالت”وانا هدخل انام بقا” ♡♡ ام ندى لسعيد”انا شامه ريحة غيره خارجه من ابنك ” سعيد بضحك”ابني دا غب’ي بيحب البنت ومش عارف واهو ظهر ” ام ندى”انت هتوافق على جوازهم” سعيد “وانا هلقى لندى احسن من إياد ولا لإياد احسن من ندى” ♡♡ تاني يوم كانت ندى قاعده في المكتب وكانت ماسكه الفون وبتضحك فجأه ظهر إياد قدامها
إياد بغضب “بتكلمي مين” ندى ببتسامه”بكلم …وفجأه سمعوا صوت همس وهي بتقول “تلاقيها بتكلم سليم يا حبيبي” إياد بغضب”وهو جاب رقمها منين” همس بهدوء”هو طلبه مني وانا اديته ليه إياد بصلها بغضب وقال” طيب روحي على شغلك يا همس وشاور لندى اللي واقفه بضيق وانتِ حصليني على المكتب فيه كام ملف غايب دوريلي عليهم” ■■■■■ همس وقفت بضيق….وحست للحظه انه بينهم حاجه وخصوصا إياد اللي تغير معاها …حتى بعد الخطوبه حاولت تكلمه لكن اتحجج إنه تعبان ومحتاج ينام
■■■■■ عند إياد وندى في المكتب …ندى كانت واقفه وهي حاسه ان إياد بيقرب منها بهدوء.. ندى بتوتر وبتبعد اكتر …في ايه يا ابيه إياد وهو بيقرب اكتر وبيحاصرها بين ايديه … ابيه امممم