كانت جالسه بجانب عريسها بسعاده وفجأه قرب منها ابن عمها
وقال: الف مبروك يادكتوره المجنانين اخيرا لقيني واحد مجنون قبل بيكي يارا ب\: ادهم اتلم في ليلتك النهاردا مش ناقصه ياظابط المجرمين والحوش انت ادهم بضيق: بت لمي لسانك معايا خلي ليلتك تعدي احسن تبقى دخلتك انتي والمحروس بتاعك في السجن عندي النهاردا فاهمه وقفت يارا قدامه بتحدي: تمام اعملها لو راجل بقى ياظابط المجرمين و تدخل العريس بقلق من الموقف: اهدوا ياجماعه الناس بتبص علينا ده فرح مش كده
ومسك ايد يارا وكمل: اقعدي ياحبيبتي ده الليله فرحك ميصحش كده
يارا قعدت وهي بتبص على ادهم ب\ وتحدي وادهم بادلها نفس النظرات وبعد وقت دخل المأزون ولسه هيكتب الكتاب دخل جد ادهم ويارا وقال: استني يامولانا كتب الكتاب ده مش هيتم العروسه مجوزه
الكل في المكان بصوله بصدمه
ادهم بصدمه: نعم انت بتقول ايه ياجدي؟
يارا بصدمه: ايوه انت بتقول ايه ياجدي مين دي اللي مجوزه؟! الجد ببرود: انتي يابنتي انا كتبت كتابك زمان على ابن عمك ادهم وكان الشاهد ابوه وجدك ابو امك وحتي القسيمه معايا اهه طلع القسيمه ومدها لهم وادهم اخدها بصدمه وقال: ياحلاوه يعني انا دلوقتي مجوز دكتوره المجانين دي كده إحلوت اوي يارا بصتله ب\ وسحبت الورقه منه وقالت: هات خليني اشوف المصيبه دي وشهقت بعدها بصدمه وقالت: يالهووي يعني انا بقيت مجوزه ظابط المجرمين والحوش ده لا مستحيل
خلصت جملتها وبصت تجاه ادهم بحده وقالت: طلقني يالا وبسرعه انا مستحيل استحملك دقيقه وحده مش العمر كله ياله طلقني فورا
ادهم ببرود وتوعد: مش لما اجوزك الاول ابقى اطلقك وكلمه يالا دي هدفعك تمنها يادكتوره المجانين بس مش هنا حسابك معايا في البيت
الجد بتوتر: اهدوا ياعيال عيب كده ميصحش
ووجه نظره للعريس بحزن وقال: معلش يابني سامحني انا والله ماكنت اعرف بجوازك منها اصلا لاني كنت مسافر بره البلد معلش كله قسمه ونصيب العريس بصله بدموع وخرج من المكان كله ويارا بصت في اثره بحزن لسه هتجري خلفه ادهم مسك ايدها بقوه وقال: على فين يااختي مش مالي عينك انا والا ايه قدامي انتي دلوقتي بقيتي على اسمي ياله على البيت يارا نفخت بضيق ومشت معاه والجد خرج خلفهم بسعاده