ومشي و ساب نواره مستغربه من افعاله دي , و متعصبه و مضايقه م نفسها , هيا من امتي خاضعه كدا , و فجاه لقت واحده بتندهلها فاقت م الي هيا في وقالت:ايون
الخادمه:انا فخريه , رئيسه الخدم هنا , ادهم بيه قالنا ان مراته جايه النهارده , الي هيا حضرتك صح
نواره بعصبيه:انا مش مرات حد , اناعايزه امشي م هنا “وقالت بترجي:ساعديني ارجوكي , انا جايه هنا غصب والله , ومجوزني وانا معرفش , ارجوكي ساعديني
فخريه:اتفضلي ي هانم , ع المطبخ لان البيه قال انك الي هتعملي الغدا النهارده
نواره :ارجوكي ساعديني اني امشي
, انتي اكيد عندك بنت و مترضيش عليها كدا
فخريه:انا مبخلفش ي هانم , اتفضلي ي مدام نواره ع المطبخ
و مسكت نواره و اتحركت بيها نحية المطبخ
فخريه لبقية الخدم:اتفضلوا امشوا م هنا , و شوفوا باقي شغل الفيلا , نواره هانم هيا الي هتعمل الغدا النهارده , و ادهم بيه مانع اي حد يساعدها
وخرجوا الخدم و شاورت فخريه اماكن الحاجه لنواره , الي كانت ف عالم اخر
فخريه:مدام نواره , مدام
نواره:ها..؟!
فخريه:حضرتك مركزه انا قولت ايه…؟!!
نواره:اه
فخريه:طب ,عن اذنك انا خلصت الي عندي
ومشيت و بصت نواره ع الطبخ لقته كبير اووي و لمحت بلكونه بتطل علي جنينه , فبسرعه جريت عليها و لقتها مسكوكه , و لقت باب م جنب , فجريت عليه فتحته لقت في خضار و حاجات
فقفلت الباب او بمعني اوضح رزعته وقالت:الله يلعنك ي ادهم
و بصت نواره ع الصاله ملقتش حد , فبسرعه جريت و راحت عند الفيلا و لسه هتفتحه لقت فخريه بتقول:كنتي عايزه حاجه ي هانم…؟!
نواره بارتباك ولفت ليها:ها , لا مفيش
فخريه:طب اتفضلي حضرتك علي المطبخ , عشان تلحقي تخلصي الغدا و تاخدي شاور
نواره:قولي لادهم بيه بتاعك دا , اني مش عايزه اعمل الغدا
فخريه و ادتها التليفون الي ف ايدها:ادهم بيه معاكي ع التليفون اهو , قوليله الي انتي عايزه
واخدة السماعه وقالت:مش هعمل الغدا , انا مش خدامه عندك عشان اعمله
ادهم ببرود:بصي ي نواره , انا كل دا وماسك نفسي , بس صدقيني لو جيت ومعملتيش الي انا عايزه , هتودعي داداه فوزيه بتاعتك , صحيح هيا اخبارها ايه…؟!
نواره:داده…؟؟!
, انت عايز من الداده ايه , و عرفتها منين , انت يستحيل تكون بني ادم
ادهم:هتلاقي فيديو جايلك مع فخريه , شوفي كدا
و جت فخريه و ادت ايباد كان عليه فيديو و شغلته و اول م شافت نواره الفيديو بسرعه قالت لي:حاضر حاضر , هسمع الكلام بس ارجوك م تيذيهاش , ارجوك
ادهم:حالا ع المطبخ , و اتمني ان فخريه م تكلمنيش تاني , و اه م تحوليش تهربي عشان الفيلا كلها , متامنه , و حتي لو هربتي , ف نفس الثانيه هيوصلك خبر موتها , سلام
وقفل و ادت التليفون و الايباد ليها
وقالت نواره:ممكن تيجي تدليني ع الحاجات تاني
فخريه:اه طبعا
و راحوا المطبخ و شاورتلها ع الاماكن ومشيت , و ابدت نواره تعمل الغدا……….و بعد مرور ساعه و نص , كانت كل حاجه جهزه , و كانت نواره شكل بيجامتها متبهدل و ريحتها بصل ع
صلصه , و شعرها اتبهدل ع الاخر
نواره خادمه معديه فقالتلها “اندهيلي , استاذه فخريه” اؤمات الخادمه راسها بالموافقه و راحت ندهت لفخريه
فخريه و جت:حضرتك عايزه حاجه…؟!
نواره:انا خلصت الاكل
فخريه بابتسامه:طب كويس , و ريحته ممتازه , وشكله شهي
نواره:عايزه اطلع استمحي و اغير
فخريه:اه طبعا , اتفضلي , و عشان ادهم بيه و ضيوفه جاين
نواره:تعرفي مين الضيوف…؟؟!
فخريه:الاوضه زي م قلك ادهم بيه , و هتلاقي هدومك ع السرير
ومشيت و حست نواره انها هيا الي بتشتغل عندها , وان فخريه دي صحبت البيت , وايه يعني , صحبته صحبته , هيا هتعبتر ضيفه هنا , حتي لو مراته
وطلعت الاوضه داخلت الحمام اخدة شاور , و خلصت ولبست البورنس , و خرجت , و لبست و لقت ان الفستان وكل حاجه مقسها , فاستغربت , و بعدين راحت ع التسريحه لقت سشوار و
ادوات مكياج و حاجات كتير ليها , ومسكت السشوار و عملت شعرها و مكياج و لبست الكعب و وقفت قدام المرايا
تعدل نفسها وقالت:ي تري هفضل ف الهم دا قد ايه , ي رب هونها , بس
احسن حاجه ان معنتش هنزل الكباريه و الشرط الجزائي ادفع , بس ي رب ارحمني و يكون ارحم م فوزي و انا تعبت
وفاقت م سرحنها ع ادهم وهو واقف وراها وبيقول:جهزتي
نواره:انت مخبطش ليه قبل م تدخل…..؟!
ادهم:اظن انا في بيتي , و داخل ع مراتي , فا مش محتاج اذن
نواره:لا خبط بعد كدا , انا مش متعوده ان حد يدخل عليا م غير م يخبط
ادهم:اتعودي ع نظامي , واني دايما هدخل كدا فجاه , حتي لو ف الحمام
و قرب منها و حط ايده ع ظهرها الي كان عليه تاتوه تنين , و مرر ايده عليه و قرب من رقبتها وباسها وهيا متحركتش , وحست ان ف كهربا ف جسمها لما بيلمسها
ادهم:يالا الضيوف تحت
و اخد ايدها و نزلوا و اول م قربوا م السفره و شافت نواره الضيوف
اصدمت وقالت:مدام عزه , رامي
عزه ابتسمت ليها و راحت عند نواره تحضنها اما رامي اصدم لانه مكنش متوقع ان دي نواره , كان مفكر نواره تانيه , مش دي , بقا ابن خاله يتجوز رقاصه , و ي تري يعرف ولالا , اكيد
يعرف , هو عارف ابن خاله يستحيل يخطو خطوه و ميعرفش اصلها و فصلها , اضطر يرد ع سلام نواره و قعدوا ياكلوا مكنش راضي في الاول ياكل , بس مامته بصتله فاضطر ياكل , و
عجبه الاكل جدا
اكرم:الاكل حلو , اكيد داده فخريه الي عامله
ادهم:الاكله نواره الي عامله
اكرم ساب الاكل وقال:طب انا رايح اغسل ايدي
رامي:وانا كمان , شبعت
وقاموا
عزه باحراج:رامي اكله خفيف , مبيحبش يتقل
نواره بابتسامه مجامله:لا عادي
وخلصوا اكل و راحوا قعدوا و جابت الخادمه الشاي و الحلو….اكرم كان طول القعده مش طايق نفسه , لما عرفا ان ادهم هيتجوزها صعق , واتخانق معا , و فضلوا فتره ميتكلموش , لحد م
ادهم جاله وقاله”مش معني اني مش هعمل حاجه انت مش عايزها , تقطعني”
اكرم:هتتجوز رقاصه ي ادهم
ادهم:م الرقاصه دي كانت عجباك
اكرم:عجباني حاجه , و فكرة الجواز حاجه تانيه
ادهم:ملكش في
انا الي هتجوز مش انت
اكرم:ادهم انت صحبي , وانا خايف عليك , نواره متنفعكش
ادهم و وقف وقال بجديه:بص ي اكرم , فكرة جوازي م نواره دي انت ملكش دعوه بيها , ولو عايز تقطعني براحتك
وكان هيمشي بس اكرم وقفه وقال:خلاص ي صحبي , اعمل الي يريحك , ومش هنقطع صحبيتنا عشان ست
ادهم ولفله:تمام ي اكرم
عوده…….؟!
عزه:بصراحه انا لما عرفت ان ادهم هيتجوزك فرحت جدا , بس انتم مش ناوين تعملوا فرح
ادهم:حاليا لا
عزه:طيب
ادهم:اكرم عايزك ف المكتب
وقاموا
عزه:انتي عندك كام سنه ي نواره…؟!
نوره وبصتلها بصه استغراب:انتي مش عايزه تعرفي انا مين , ولا بنت مين….؟!
عزه:مش مهم , اهم حاجه ان ادهم سعيد
نواره:دا الي همك…؟!
عزه:نواره , ادهم عنده 35وماشي ف 36, وانا نفسي اطمن عليه , انا مش بس عمته , انا بعتبره ابني , نفسي اشوف عياله , نفسي
نواره:ومين قال اني هحققلك امنيتك
عزه:بكرا تشوفي , وعن اذنك انا راحا اعمل تليفون
وقامت وسابت نواره مع رامي
نواره:وحشني والله ي رامي
رامي:وانتي موحشتنيش
نواره:شكرا ليك , هيا ولدتك لو عرفت اني رقاصه هتعترض ع جوازي م ادهم
رامي:جربي و شوفي ردة فعلها , و ي ريت تعترض اصلا
نواره:ليه…؟!
رامي:عشان مكنتش اتخيل ان بن خالي , يتجوز رقاصه زيك
نواره بمرار:ولا كنت اتخيل اني ابقي رقاصه اصلا
رامي:مش فاهم
نواره:متخدش في بالك
رامي:لما تتكلمي في حاجه تكملي لاخرها
نواره:انت لس صغير ي رامي , متشغلش بالك بمشاكلي
رامي:صغير ايه , احنا الفرق بينا قد ايه يعني , دا انا اطول منك
نواره:مش بالطول ي رامي
رامي:هتقولي بالعقل , هقولك ان تقريبا اعقل حد ف القعده دي انا , اكرم طيب و مجنون , امي بتدور ازاي تجوز ادهم , ولما اتجوز مهماش تعرف حتي تعرف اصل العروسه المشرف , و
ادهم
الي كنت بعتبره الكبير و العاقل يتجوز رقاصه , عرفتي بقا اني اعقل حد ف القعده دي
نواره انبهرت بكلامه و ردروه هو اه مش صغير اوي , بس بردوا الكلام الي بيقوله دا كبير عليه اوي فقالت:عايز تسمع حكيتي ي رامي
رامي:مش عايز , انا قايم اشرب مايه لان ريقي نشف م القعده دي
ومشي و نواره الدموع جريت ف عيونها ومنعتها و فكرت انها تكسب رامي , و تهرب م البيت دا , و عايزه تكسب ثقته , مش عايزه تحكيله حكايتها , عشان ميساعدهاش م باب الشفقه , لا
يساعدها بانه حبها كاخت او
صديقه او اي حاجه , اهم حاجه تكسب تقته
و جه تاني رامي
نواره:عايزك تساعدني
رامي:مبساعدش حد
نواره:خليني اهرب م هنا
رامي:واشمعنا انا الي بتطلبي مني كدا…؟! , م ممكن دلوقتي اقول لادهم
نواره:كان زمانك قولت لامك ساعتها اني رقاصه , متفضلش ساكت كل دا
رامي:انا هساعدك , بس مش عشان سواد عيونك
نواره:مطلبتش اني اعرف السبب
رامي:مكنتش هقوله اصلا , بس بعرفك ان مش عشان سواد عيونك هساعدك
نواره:انا عيني زتوني مش سوده
رامي:معلش
نواره:هتهربني ازاي…؟!
رامي:هو انتي شيفاني كمبيوتر , مش لس هفكر , واسكتي بقا عشان جاين
و جم كلهم
ادهم:انا شايف انكم اصاحبتوا…؟!
نواره:اه , اه
عزه:طب يالا ي رامي عشان نمشي
ادهم:وصلهم ي اكرم
وسلموا ع بعض , و لما رامي سلم ع نواره قالتله بصوت واطي:هنتظرك ي رامي
رامي:مبحبش الزن
نواره:انا باكد مبزنش
رامي:بردو
ومشيوا
ادهم:انا هطلع اخد شاور
وطلع و راحت نواره تشيل الحاجه توديها المطبخ لحد م لقت فخريه بتقولها:سيبي الحاجه , مينفعش تشيلي حاجه , ادهم بيه قال محدش يشيلها الحاجه , مكافاه ليكي انك عملتي الاكل حلو
نواره بسخريه:والله بجد…!
, كتر خيركم
فخريه:لو عوزتي حاجه اندهيلي
نواره:لالا ميصحش اتعبك معايا , انا هبقي اجيلك انا , و هاحب عليكي كمان
فخريه:عن اذنك
و مشيت ومدتش كلام نواره اهتمام , و نواره هتتشل م طريقتها , و تقريبا لولا انها ست كبيره كان زمانها شد شعرها , او عضها , حاجات كتيره كانت هتعملها…راحت نواره نحية الجنينه
و فتحت الباب وفضلت تمشي , لقت قدامها حراس ف كا حته , ومعاهم كلابهم , حاست بخنقه فظيعه , وانها اكنها اسيره ف سجن , و عايزه تعرف ليه ادهم بيعمل معاها كدا ليه ,
عجبته..؟!
, مستغربه , اصل اكيد الي زي ادهم بيشوف بنات اشكال و الوان , و اجمل منها , او ع الاقل عيلتهم تشرف , مش واحده زي , ملهاش عيله , و رقاصه , صحيح محدش عارف
اسبابها هيا بتشتغل رقاصه ليه , بس هيا قدام المجتمع دا رقاصه , و عاهره….كملت ماشي لحد م تعبت و خلعت الكعب بتاعها , و اتمشت تاني لحد…………………؟!
الفصل السادس
________________________
مشيت نواره لحد م حست ان الارض الي تحتها مش طبيعه , فؤطت ع ركبتها و فضلت تضغط جامد , محصلش حاجه , فوفقت و كملت مشي , لحد م تعبت و قعده ع الارض و سندت ع
شجره و نامت علي نفسها……..؟؟!
” تاني يوم ”
ادهم صحي و لبس و سال فخريه:هيا لسه مكانها…؟!
فخريه:ايوه ي بيه
ادهم:تمام
و راح ادهم لنواره و قال:نواره , نواره
نواره و صحيت و فركت عينها وقالت:نعم , عايز ايه…؟!
ادهم:منمتيش ف الاوضه ليه….؟!
نواره:انا مستحيل انام معاك ف اوضه واحده
ادهم:انا مقولتش انك هتنامي معايا ف الاوضه , انا قولت ف الاوضه , انتي دماغك بتحدف ف اماكن مش في بالي اصلا “و قرب منها و قال بخبث:و بعدين دا بمزاجي انا “و حط ايده ع تاتو
العقرب الي رسما ع كتفها:و ابقي ارسمي ع كتقك التاني حمار , اصل دا يلبقلك اكتر “وضحك”
نواره زقته وقالت:ملكش دعوه , و انت ابقي ارسم طور ع وشك , اصله شبهك بردو
ادهم ببرود:ميرسي , يالا اطلعي استحمي , و افطري تمام , سلام
ومشي و ساب نواره هتولع م تصرفات
البني ادم دا , لا بني ادم ايه..؟! , دا طور مش بني ادم…. و طلعت نواره الاوضه تاخد شاور و تغير و تفكر ف طريقه ازاي تتواصل مع رامي….؟!
“” عند رامي “””
قاعد ف اوضته قدامه ورق متقطع و لاب مفتوح عليه اغاني صوتها عالي و مزعجه , و ماسك قلم و يدون كلمات و يقطعها تاني و يرمي لحد م تعب وقال:انا ايه الي خلاني اقول اني
هساعدها , انا غبي , هو انا اصلا فاضيلها , استغفرالله
و داخلت عليه عزه و بتبص ع حال الاوضه و ع ابنها الي شعره اتنكش و الاغاني العاليه وبتقول:ايه ي رامي , اي الورق و الاغاني دي
و قفل رامي الاغاني و قال:متخديش ف بالك ي ماما
و مسكت عزه ورقه م الارض وقرات الي
فيها:سور , مسامير , منشار….انت ناوي تسرق بيت و لا ايه…! , ايه الكلام دا ي رامي
رامي:ماما…!! , قولتلك متخديش فبالك , و اتفضلي لوسمحتي امشي ” و قام من ع الكرسي و حرك مامته للباب و هيا علامات التعجب ع وشها:لما الاكل يخلص اندهيلي , و هتغدي عشان
ورايا ماتش كوره ف النادي , عن اذنك
و قفل الباب و راح يكمل الي بيعمله
_________________________________________________
نواره:اسمك ايه…؟!
الخادمه:هناء ي هانم
نواره:اسمك حلو
هناء:تسلمي ي هانم
نواره:انتي حافظه الفيلا دي…؟!
هناء:ايوه ي هانم , صحيح مبقليش كتير , بس ست فخريه عرفتني كل حته فيها
نواره:طب فرجيهالي
هناء:م عيوني ي هانم
و ابتدت هناء تفرج نواره ع كل حته فيها…. و بعد مرور مده وصلوا لدور اخير
هناء:ادهم بيه محرج ع كله محدش يدخل الدور دا
نواره:ليه..؟!
هناء:معرفش والله ي هانم , بس ادهم بيه محرج علينا
نواره:طيب
هناء:انا كدا فرجتك ع الفيلا كلها , عن اذنك اكمل شغلي
ومشيت و فضلت نواره بصه كتير ع باب الدور و مشيت وقالت”و انا مالي اصلا , انا عايزه اشوف طريقه اهرب م الفيلا دي ف اقرب وقت , انت فين ي رامي”
و فجاه سمعت صوت حد رن ع جرس باب الفيلا , فنزلت بسرعه و راحت لقت فخريه فتحت الباب فقربت شويه و لما شافت رامي فرحت و حاولت تداري معالم الفرحه بانه جهوقالت:ازيك
ي رامي
رامي:انا كويس
نواره:امشي انتي ي
فخريه
ومشيت فخريه
نواره:تعالي نقعد ف الجنينه
راحو يقعدوا
نواره:قولي انك لقيت فكره , صح , و جاي عشان تساعدني اني اهرب صح
رامي:اهدي , اولا انا ملقتش فكره و لا نيله
نواره باحباط:اايه…؟! , يعني ايه , يعني انا هفضل مع ادهم دا , لا انا مش عايزه , مش عايزه , انا معرفش عايز مني ايه….
رامي مقاطعا:ممكن تتنيلي تهدي و تقولي كلام سابق لاوانه , انا دماغي واقفه , مش عارف افكر
نواره:خلاص , ي رامي , فكك مني , و شوف انت هتعمل ايه
رامي:نواره , بطلي دماغ الطور دي , و ساعديني
نواره:اساعدك ازاي , هو انا فاهمه حاجه , دا انا اتفرجت ع الفيلا دي , كلها حراسه و اوض جوا اوض , و حراسه ف كل حته , دا انا اخاف والله ف مره ادخل الحمام الاقي حارس ع
البانيو
ضحك رامي
نواره:اضحك , اضحك , مهو احنا شكلنا هنقضيها ضحك , و مش هنعمل حاجه
رامي:بصي , فكره الهروب هنا صعبه اوي , وخصوصا ف الفتره دي , فانتي بصي , قدامك حل واحد
نواره:ايه هيا , اتحفني ي عبقري زمانك
رامي:بانك ترضي بالعيشه دي
نواره:وحياة امك
رامي:نواره
نواره:اصل انت بتقول كلام غير منطقي , هو ايه الي ارضي بالعيشه دي , انت بتستهبل
رامي:ي راس الطورر , قصدي يعني انك تقنعي ادهم انك موافقه بالعيشه دي , انتي المفروض ترسمي حمار ع كتفك بدل العقرب دا , لانه ليقلك اكتر
نواره استغربت منه اووي و فضلت مبلمه كتير
رامي:هييي , نواره
نواره:دا لا يمكن بقا
رامي:في ايه
نواره:الكلام بتاع التاتو الحمار , كان لسه ادهم قايلهولي الصبح , انتم اخوات ولا ايه , و لا دا فيلم انت اخدني بطولته
رامي:مش يمكن انتي فعلا الي حمار
نواره:اتلم ي رامي بدل م اشرشحلك
رامي:هعدي كلامك دا , هتعملي الي قولتلك عليه ولا بلاها , و اصرفي انتي مع نفسك
نواره:طب مفيش حل تاني
رامي:دا الي موجود حاليا
نواره:طب ماشي افترض اني عملت زي م قولت , هاهرب امتي…؟!
رامي:سيبها لما يجي وقتها , بس اعملي الي قولتلك عليه
نواره:طيب
رامي:لما ادهم يسالك احنا كنا بنكلم ف ايه , قوليله انك كنتي بتساليني ع مكان نادي قريب
نواره:ليه….؟!
وفجاه سمعت صوت ادهم بيقول:رامي , انت هنا , منور
و قرب منه و حضنه و قال:ازيك
رامي:تمام و انت
ادهم:تمام , ايه كنتم بتتكلموا في ايه كدا
رامي:انا كنت جاي اسال عليك , و لما لقتكش نواره اصرت اني اقعد استناك , و سالتني ع مكان نادي قريب من هنا
ادهم:ممم تمام , نواره روحي شوفي الغدا جاهز ولالا
نواره:هاا..؟!
, اه حاضر
و مشيت و حطت الاكل و ندهت ليهم و جم اتغدوا و قعد شويه رامي مع ادهم اتكلموا ف حاجات عامه و عن حياتهم ومشي رامي
ادهم:اجهزي عشان هنسافر بليل
نواره:هنسافر…؟!
ادهم:اه , يالا جهزي حاجتك و حاجتي
نواره:انا مش عايزه اسافر
ادهم:انا بامرك ع فكره , مباخدش رايك
نواره وكانت هتكمل اعتراض بس افتكرت كلام رامي وقالت:حاضر
و طلعت جهزت حاجتها و حاجته و جه بليل و لبسوا و ساق ادهم العربيه و طلع بيها
نواره:احنا هنسافر فين…؟!
ادهم:الصعيد
نواره:ليه…؟!
ادهم:مبحبش الاسئله الكتير
نواره:بس انا م حقي اعرف , انا رايحه فين و هعمل اي هناك
ادهم:و انا حقي اني اجاوب بمزاجي , لان مش شرط كل سؤال اجاوبك عليه
نواره:انت عايز مني ايه ي ادهم…؟!
, ريحني , متجوزني ليه , اعجاب , حب , مصلحه , اي نيله , بس اديني اجابه تريحني
ادهم:نامي ي نواره , عشان الطريق قدامه طويل
نواره:انت ازاي هتقبل ع نفسك تتجوز واحده زي , انا رقاصه , فقيره , معنديش اهل , مليش اصل , تربيه شوارع , ازاي تقبل ع نفسك ي ابن الاكابر تتجوز واحده زي , انت ي بن الحسب
و النسب و فلوس و التربيه الهاي , عايز ايه م واحده اقل م يقال عنها عاهره , طب قولي لو احنا اهو رايحين الصعيد , لو رايحين لاهلك , م انا بفترض
بقا بدل م انت مدتنيش الاجابه ,
هتقولهم ايه , مراتي ايه , الرقاصه , ولا تربيه الشوارع , قولي هتقولهم ايه , عمتك مش فارق معاها , عشان كدا عرفتها عليا , اهلك الباقين هتقولهم ايه , قووولي
ادهم:الي اقدر اجاوبك عليه , ان احنا فعلا رايحين لاهلي , جدي و جدتي و خالي , عرفتهم اني اتجوزت , فاصروا اني اجاي , عشان يتعرفوا عليكي , نامي بقا او اسكتي عشان لسه لطريق
طويل ومش عايز صداع
نواره بصتله بصدمه م ردة فعله البرده دي , دا صوها اتنبح اسئله و كلام وهو ف الاخر
يرد عليها بالاجابه دي!!! , ليه م بيرحهاش , ليه…؟!
,هيا عملت في , كل دا عشان عرضت نفسها
ليه , دا الكلام دا م شهور فاتوا , و بعدين الموضوع دا ميستدعيش كل الي بيعمله دا , لو فعلا عايزها كان خلصها , طب ماشي هو ملوش ف القذاره , اخدها ف النور اتجوزها , ليه م اخدش
الي عايز و سابها , بيقول بمزاجه هو مش بمزاجها , طيب امتي مزاجه يجي , انا تعبت , و نفسي ارتاح , نفسي ارتاح
وفضلت تكلم نفسها لحد م نامت
-______________________________________________
و بعد مرور ساعات كثيره , دخل ادهم الدار الكبير و ركن العربيه
ادهم:نواره
, اصحي
نواره:صاحيه اصلا , منمتش
ادهم:انزلي يالا , بس استني
نواره كانت لسه هتفتح الباب بس متحركتش لما ادهم قالها استني…مسك ايدها و جاب وشها قصاد وشه , نواره ارتبتك وبصت بعيونها تحت
ادهم بسخريه:خايفه
نواره:لا
ادهم:بتبصي تحت ليه…؟!
نواره:عشان مش طايقه ابص ف وشك
ادهم:ولا انا حابب اصلا اتأمل جمال عيونك “و شد ايدها و حط خاتم ف ايدها وقال:لبسي لنفسك , و يالا
نواره:مش لبسا
ادهم:شكلك عايزاني البسهولك انا , انتي تؤمري “وخد الخاتم و شد ايدها قامت شدها هيا وقالت:متلمسنيش , اخاف لايدي تتعك
ادهم:تؤتؤتؤتؤ , كلمه كمان و هتشوفي رد فعل مش هتعجبك “و رمي الخاتم ف الارض و قال:لبسي لنفسك , بدل م اتعصب عليكي , وانا عصبيتي وحشه
و نزل
نواره:اشوفك ي ادهم والع , و مفيش نقطه مايه تتطفيك ***
و اخدة الخاتم و لبسته و
نزلت
ادهم:كل دا , ع فكره مبحبش استني حد
نواره بكل برود:معلش
تجاهلها ادهم ومشيوا لحد الدارو فتح ليهم شغاله و دخل لجده و جدته وخاله و عياله و مرات خاله
ادهم اول م شاف جده راح حضنه وقال:وحشتني اوي ي جدي
الجد:و انت كمان ي ولدي
وخلصوا حضن و حضن جدته و خاله و سلم ع مرات خاله و ولاد خاله
نواره فضلت متباعهم و لاحظت ابتسامه ادهم الي كلها دف وحنان لقرايبه , و لما شافتهم بيحضنوا بعض , ابتسمت و افتكرت ايام م م اهلها كانوا عايشين و اللحظات العائليه و
الدف و
الحنان الي كان ف بيتهم البسيط….و فاقت نواره لما سمعت الجده بتنادي عليها بتقولها:تعالي ي بتي , تعالي ف حضني
و راحت نواره حضنتها و حست بامبساط و فرح و دف ف حضنها
الجده:نواره صوح…؟!
نواره بابتسامه:اه
الجده:اسمك حلو زيك ي حلوه
نواره:شكرا لحضرتك
الجده:لا حضرتك كيف يعني….؟!
, انتي بقيتي نفر م العيله ديت , فاتجوليلي ماما
نواره:حاضر ي ماما
ادهم و قرب منهم:اتعرفتوا ع بعض
الجده:ايوه , خدها لجدك , يتعرف عليها
ادهم:حاضر
و اخد نواره لجده وقال:نواره , مراتي ي جدو
جدو:ازيك ي بتي , اجعدي
وقعدوا
جدو:مبروك عليكم , و لو اني زعلان من ادهم
نواره باستغراب:ليه ي جدو…؟!
جدو:لانه ماعملش الفرح عندنا اهنيه , و عمله ف مصر
نواره:فرح….
وكانت هتكمل كلامها بس ادهم قاطعها و قال:عديها ي جدي , مش اهم حاجه عندك اني سعيد , خلاص بقا
جدو:ربنا يوفقكم ي ولاد , اطلعوا غيروا و ارتاحوا شويه , ع م الغدا يجهز
ابتسمت نواره و استاذن ادهم و اخد نواره تتعرف ع خاله بس تعريف سريع و ع مرات خاله و ولاد خاله , و طلعوا اوضتهم
ادهم:انا هاخد دوش
نواره ببرود:طيب
و دخل الحمام
نواره اتحركت ف الاوضه , و شافت قد ايه هيا حلوه و بيغلب عليها العرق الصعيدي الفخيم , و دخلت البلكونه لقت قدامها جنينه حلوه اوي ,
و الجو حلو , كانت عايزه تنزل , بس خافت و
اتحرجت , هيا لسه متعرفش حد هنا , و يعتبر غريبه , و مش عايزه مشاكل مع ادهم…..حد بيخبط ع الاوضه فقامت نواره تفتح بسرعه و كانت الشغاله:الكبير عايزك
نواره:الكبير مين…؟!
الشغاله:جد ادهم بيه
نواره:عايزني في ايه….؟!!
الشغاله:معرفشي , هو جالي اجولك انو عايزك
نواره:طيب
ومشيت و راحت نواره خبطت ع باب الحمام فادهم رد عليها
نواره:جدك عايزني
ادهم:عايزك في ايه…؟!
نواره:معرفش , البنت الي بتشتغل هنا , جت قالتلي انو عايزني
ادهم:طب روحيله
نواره:طيب , مش هتيجي معايا
ادهم:هخلص حما و اجيلكم
نواره:طيب
و راحت للجد الي سالت عليه الشغاله قالتلها هو قاعد ف البلكونه
نواره و خبطت خبطتين ع باب البلكونه الي مفتوح
الجد:اتفضلي ي بتي
وقعدة نواره وقالت:حضرتك كنت عايزني…؟!
الجد:اه , بصي ي بتي , يمكن انا مستغرب حكاية جوازكم دي , لان ي ما عرضت عليه بنات كتير , و هو رافض , و انا مبعرفش اغصبه ع حاجه , بس الحمدالله اتجوز , و مرته زي
الجمر اهي
ابتسمت نواره بخجل و الجد حط ايده ع كتفها وقال:خدي بالك منه ي نواره , دا من روح المرحومه بتي , و ادهم طيب , بيحبك , مش شرط حب الحبيبه انو يجولك بحبك , و يمليلك البيت
شموع و ورد , لاه , الحب هو ثقه و دف وحنان و عشره , الحب ليه معاني كتيره
, بس معظم ناس اليومين دول بيشوفوا الورود و الشموع , دا لو كان اكده مكنش حد غلب , فنهايه الموضوع
دا , ان ادهم بيحبك , جلبي بيجولي اكده , و لا يمكن يكدب عليا , فعايزك تاخدي بالك منيه , و تجيبلي عيل جريب , نفسي اشوفله عيل قبل م اموت
نواره:بعد الشر عليك ي جدو
الجد:تسلمي ي بتي , بس انا عايزك توعديني انك تاخدي بالك م ادهم , و تجيبلي منه عيل جريب
نواره اترددت كتير , توعد بايه , و هيا عايزه تخلص منه , وتجيب ابن منه , ازاي , الجد
دا طيب , وشكله ميعرفش حقيقيه ابن بنته , طب اعمل اقوله انو غصبني ع الجواز و اني مش
عايزه , بس اخاف لايحصله حاجه الجد , و ابقي انا السبب , انا مبحبش اوعد حد بحاجه , بس انا هصرف
ردت نواره وقالت:………… الفصل السابع
_____________
نواره:طب بلاش وعد , احنا نسيبها للايام افضل
الجد:انا عايز منيكي وعد ي بتي , عشان اضمن انك تنفذي , و انتي شكلك طيبه , و انا حبيتك زي حفيدتي
نواره بابتسامه تاثر م كلام الجد , الي تحسيه زي الغريق بيتعلق في اي حاجه , يمكن عنده حق , حفيده كسر 30 , و عايز يطمن عليه و يشوف عياله , بس مش علي حساب نفسها , طب و الجد الي حسته زي جدها و ابوها , برغم انها لسه عرفاهم م قليل , هتكسر م نفسه , و تزعله , لا انا يستحيل اعمل كدا فقالت بجديه:اوعدك
ي جدو
وحضنها الجد و هيا تبدت ع حضنه اكتر , عارف الناس الي بتقعد معاهم م اول مره و تحس انك عارفهم م سنين , اهو دا احساس نواره م جهة العيله دي , شافت الحنان و الدف في العيله دي و خصوصا الجد , الي بمجرد النظر ليه بتحس براحه نفسيه
ادهم و قرب منهم وقال:واضح انكم بقيتوا قريبين م بعض اوي
بعدت نواره و ابتسمت ابتسامه خجل , و ضحك الجد و قال:نواره تتحب , الا صحيح اهلها فين , مجبتهمش معاك ليه ي ادهم
نواره كانت هترد بس ادهم قال:اهلها متوفين ي جدو
, نواره ملهاش حد , ملهاش الا ابن عم ابوها بس مفيش تعامل كبير
الجد:الله يرحمهم ي بتي
نواره باستغراب:ي رب ي جدو
نواره مستغربه ازاي ادهم عرف ان ليها قريب , هيا اه مشافتوش الا مره واحده بس وهيا صغيره , و بعد كدا اخباره اتقطعت و متعرفش حتي قاعد فين؟؟! , ازاي ادهم وصله
الشغاله:الغدا جاهز
الجد:حاضر جاين اهو
ومشيت الشغاله
الجد:انا رايح اغسل يدي , و يالا انت كمان حصلني ع السفره انت و مرتك
ادهم:حاضر ي جدي
و مشي الجد
نواره:انت ازاي عرفت ان ليا قريب برا…؟!
ادهم:يعني معقوله هتجوز واحده و معرفش عيلتها
نواره:انت عارف عني ايه تاني ي ادهم…؟!
ادهم:سيبها مفاجاه , اصل بحب اشوف معالم الاستغراب الي بتترسم ع وشك
نواره و خبطته ف كتفه وقالت:انت اكيد بتتحدي القطب الشمالي ف البرود , مش ممكن , ايه دا…؟!
ومشيت وسابته و ابتسم ادهم و مشي وراها……اتجمعوا ع السفره الي مليانه خير الله , كل الاصناف الي تتخيلها محطوطه , طبعا دا بمناسبه جواز ادهم , و انو جه لانه كان بقاله فتره قاطع….قعدوا ع السفره , و بدوا ياكلوا , نواره عجبها الاكل اوي و فضلت تاكل كتير اكنها مكلتش بقالها كتير , لدرجه ان ادهم قرب منها وقال ف ودنها:براحه , انتي هتحسسيهم انك محرومه
نواره و وقفت اكل وقالت:م انا فعلا كنت محرومه , بس في بيتك
ادهم:ليه كنت حرمك م الاكل ولا حاجه
نواره:لا بس في بيتك الاكل ملوش طعم , زيك كدا
ادهم:زي…؟! , هو انا سندوتش قدامك
نواره:لا لحمه ، هقطعها و احمرها ع نار عاليه
ادهم ببرود:طب خدي بالك لا تتلسعي ي قطه
الجد:بطلوا كلام ع الوكل
نواره:انا شبعت , شكرا
و قامت تغسل ايدها
الجده:اكيد زعلت م كلامك ي ادهم , انت جولتلها ايه , دا البت كانت بتاكل الاكل و مبسوطه بي
ادهم:مقولتلهاش حاجه , انا قايم
وقام , راح غسل ايده , و ندهه ع نواره مردش , فراح نحيتها و مسكها م كتفها ولفها ليه وقال بغضب:لما اندهلك تردي عليا , مش معني اني بفوت كلامك و اسيبك تغلطي
يبقي خايف منك , لا دا بمزاجي , بس هتسوقي فيها لا دا انا افوقك عشان تعرفي بتلعبي مع مين
نواره ببرود:خلصت…؟! , و لا حابب تقول كلام تاني
ادهم:متساليش عشان انا بس الي بسال هنا
نواره:انا مبسالش , انا بس بقولك عشان كتفي وجعني
و ساب كتفها وقال:طالما مش قد وجعي , ومضايقتي , تبقي تردي
نواره:تعرف جدك قالي ايه…؟!
ادهم:مش عايز اعرف
نواره:براحتك , انا عايزه اخد لفه في البلد , ممكن , و عايزه قصب
ادهم:طيب , يالا
و عرف اهله انهم رايحين يتمشوا و اخد ولاد خاله معا الي اكبر حد فيهم عنده 12سنه…..لفوا و داخلوا مكان زي الساحه يلعبوا في , فقعد ادهم و نواره و اصروا ولاد خاله يلعبوا معاهم
الغميضه , و لعبوا و جه الدور ع نواره و غمولها عينها بطرحه صغيره و بدوا , و يلعبوا و يقربوا م نواره ويبعدوا عشان متمسكهمش و يزغزغوها م بعيد الاطفال و ادهم واقف مبيتحركش بيتفرج ع ضحكه نواره و خضتها لما
يجي حد م الاطفال يركبها الهوا , وعجبه منظرها و شعرها الي التوكه منه و اتفرد و مع الشمس ادي لون حلو اوي
نواره:خلاص كفايه , انا مش عرفا امسك حد فيكم
الطفل”ياسر”:ممنوع الاستسلام
نواره:م انتم بتجروا و تزغزوني وانا تعبت
محمد:لا ي ابله مفيش استسلام
نواره:طيب
و بدوا لعب تاني و فضلت تمشي لحد م حست انها مسكت حد و اتاكدت وقالت بفرحه:هييييييه مسكت حد , مسكت حد
و شالت الطرحه وبصت للاطفال لقتهم واقفين جمب بعض , فبسرعه بصت ع الي مسكته طلع ادهم فبسرعه بعدت وقالت بارتباك:ا…اناا , انا اسفه
ادهم:لا عادي
منير:دلوجتي الدور ع ابيه ادهم
ادهم:انا مكنتش بلعب اصلا
منير:مفيش هروب ي ابيه , هتلعب , ابله نواره ادي الطرحه لابيه يلبسها
و ادتهاله و غمي ادهم عيونه و بدا يلعب نواره كانت بتبعد , مكنتش عايزه يمسكها
ادهم كان بيحاول يدور ع نواره عشان يمسكها , لحد م فجاه
مسكها وشال الطرحه و ابتسم وقال:دايما بتخسري كدا
نواره:مكنتش عايزه العب , و لوسمحت ابعد
منير:كفاينا لعب بجا , تعبنا
ياسر:اه
نواره وبعدت عنه وقالت:وانا كمان تعبت
ادهم:طب يالا نروح
ومشيوا لحد م وصلوا الدار , و
لاقي ادهم تجمع رجالي جده ندهله فراح قعد معاهم و كان في تجمع نسائي بس نواره مشيت بحجه انها تعبانه م المشي و اللعب مع الاطفال
ياسر:ابله نواره
نواره و وقفت قبل م تدخل اوضتها ولفت وقالت:ايوه ي حبيبي
ياسر:اتفضلي دي هديه مني انا ومنير وسمر
وادلها ورده لونها اصفر ومن جوا موفي و كانت كبيره
نواره وباسته ف خده وقالت:شكرا ي ياسر
ياسر:العفو
ودخلت اوضتها و شافت ازازه جوها مايه فتحتها وحطت الورده فيها
_______________________________________________________
” عند اكرم ”
اكرم:انا هتجنن , معرفش ادهم دا اخرته ايه مع الي اسمها
نواره دي
هنا:مش انت نصحته و حاولت معا , يبقي خلاص , ادهم عارف هو بيعمل ايه
اكرم:المرادي مع ادهم هتفشل , هو دا اختيار , يتجوز رقاصه , الي كانت هتنام معايا , والله اعلم قبلي كام واحد
هنا:اكرم , متنساش ان دي مرات صحبك , مينفعش تتكلم عنها كدا , و ي سيدي انت مالك , هو انت الي اتجوزتها
اكرم:ادهم صحبي واخويا , و اعز من امي وابويا شخصيا , مينفعش اشوفه كدا و اسكت
هنا:طب انت عارف سبب جوازه منها
اكرم:لا , هو بيقول حاجه , انا لقيته فجاه داخل عليا
بيقولي”اكرم انا قررت اتجوز نواره” ومقليش اسباب ولا اي بتنجان
هنا:تفتكر اتجوزها عشتن حبها…؟؟!
اكرم:معرفش , انا اخرة الموضوع دا معايا ف العباسيه ان شاءالله
وضحكت هنا وقالت:لا متقولش كدا , بس انت ركز ف الشغل حاليا , و سيب الباقي للايام
اكرم:ازعجتك صح
هنا:متقولش كدا احنا اخوات قبل م نكون صحاب
اكرم:شكرا ي هنا , انتي الوحيده الي برتاح معاها ف الكلام وبحس انها فهماني
هنا:ع فكره انت لو شكرتني تاني , معنتش هسال فيك , و شوف بقا الي هتكلمه ف عز الليل و تقوله “وتقلده وتقول:انا مخنوق ي هنا , و اسيب كل حاجه و اجيلك
اكرم بابتسامه:ماشي ي لمضه
هنا:ايون كدا ابتسم ي بني
, دا الابتسامه اجمل حاجه ف الدنيا , تعرف , ف مره كنت مخنوقه اوي روحت تاني يوم الدار , و مجرد م شوفت ابتسامه الاطفال ع وشهم و لعبهم و امبساطهم الخنقه راحت , و بحس ان فعلا الحياه حلوه و انها لا مستهله عكننه و لا نكد
اكرم:صحيح فكرتني بالدار , بقالي كتير مجتش
هنا:والاطفال كل مره بروح يسالوا عليك
اكرم:يومين كدا و هجيلهم
هنا:باذن الله , م تجبلي شوكولاه ي اكرم
اكرم:هنا الدكتور محدد حتت معينه م الشكولاته دي , مينفعش تذودي عن كدا
هنا:يييه ي ادي كلام الدكتور الي انت مسكهولي
اكرم:مهو انا خايف عليكي ي هنا ، انتي لما تاكلي واحده كمان هيجيلك هبوط ، و هتتعبي و هتحجزي ف المستشفي تاني ، و انا خايف عليكي
هنا:مقدره كدا ي اكرم ، و عامة انا كنت بهزر معاك اصلا
اكرم:ماشي ، هتروحي
هنا:اه ، عايز حاجه…!؟
اكرم:و انتي نازله هاتيلي نص كيلو جبنه رومي ، و زبادي و 3 ازاز مايه و ي ريت لو تعدي ع الفرن ، لا صحيح فرن اي بليل ، هاتي بصي عيش م السوير ماركت ، ماشي
هنا:ماشي
و جت تمشي فضحك اكرم وقال:انتي صدقتي ولا ايه…؟!
، و بعدين م امتي باكل زبادي
هنا:انا استغربت بردو م طلبك للزبادي ، بس قولت اخيرا سمع بنصحتي و قرر ياكلها ، مش زي كل مره باكلهالك غصب عنك
اكرم:مش هاكلها ي ستي ، دي طعمها مستفز
هنا:بس مفيده ي اكرم ، عود نفسك عليها ، و ي ريت بقا تبطل سجاير ، بذمتك هيا ولا الزبادي
اكرم:السجاير
هنا بضيق:انا ماشيه ، ي رب صبرني ، سلام
و مشيت هنا و قفلت بااب الفيلا وراها بعصبيه و ضحك عليها اكرم و كمل سجايرته و دخل نام
_________
و عدة ايام عند نواره
، م بين امبساطها بجو الصعيد و الجو العائلي الي مليان حنان و دفا ، و خناقها مع ادهم بسبب بروده و غضبه الي بيجي ف اوقات غريبه ، مثلا لما كلمت البواب يجيب حاجه للجد ، او انها بتقعد بطقم ضيق قدام خالها ، او لما يسمع كلام جدته و هيا بتوصف ف جمال و اخلاقها ، هيا فعلا حاجه غريبه
ادهم:جهزي حاجتك و حاجتي عشان هنرجع مصر النهارده بليل
نواره:طيب
و جهزت الحاجات و جه بليل و سلموا ع العيله و ودعتهم و قبل م تمشي ندهلها الجد وقالها:متنسيش ي نواره ي بتي ع الي اتفجنا
عليه