نبض متاخر

🌹بقلم ريحانة الجنه🌹 القصة كالعادة ليها معني وهدف وفيها حكاية تتحكي ومشكلة او مشكلات هتتعرض ححاول علي قد ما اقدر اكون منصفة في عرضها وكمان في حلها بس الاكيد فيها اللي هيعجبكم وتتفقوا معايا فيه وفيها اللي مش هيعجبكم وتختلفوا معايا فيه كالعادة وبردوا كالعادة هتحمل النقد وعدم الصبر بطولة بال وصدر رحب . واتمني اسمع رئيكم في كل فصل بس الحكم يكون اخر الرواية ويارب تكون كالعادة ممتعة ومفيدة. ابطاااال الرواية هما حذيفة وچويرية حكايتهم ايه وهما مين هنعرف كل حاجة في وقتها. حذيفة : شاب خلوق ملتزم متدين جدااا بر بأهله لاقصي حد . وبجانب اخلاقه وتدينه الا انه وسيم عيون رمادي قاتمة وشعر مائل للبني اكتر من الاسود وجسم متناسق ورياضي لانه كمان مهتم بصحته ولياقته .شخصية قوية وحادة وحازمة جدااا مش بسهولة يتعود علي حد ولا يرتاح لحد . دايما هو محط انظار كل اللي حاوليه الكل بيحبه وواثق فيه ثقة عمياء . وچويرية بالنسبة ليه هي ملكية خاصة حق مكتسب اخده غصب عن الايام ومش بسهولة يفرط فيه ولا يتخلي عنه. چويرية : فتاة جميلة رقيقة. بعيون عسلي وبشرة بيضاء وشعر بني . اتربت وكبرت مش شايفه رجالة غيره ولا في يوم اتمنت حد تاني . بس القدر هيجمعهم ازاي ؟! وهل كل واحد هيقدر يبوح باللي في قلبه للتاني ! ؟وازاي وامتي؟! هيواجهه ايه وياتري هيتغلبوا عليه ولا هيغلبهم؟! كل ده هيتعرف ويوضح خلال الرواية اسيبكم مع بداية الرواية. في احدي المناطق المتوسطة في منزل الحاج بلال والد حذيفة.. حذيفة راجع من كليته مستعجل دخل البيت بسرعة وقابلته والدته الحاجة فريدة. حذيفة دخل وباس فريدة من دماغها بسرعة. حذيفة: السلام عليكم يا امي . معلش حضريلي هدومي بسرعة متأخر علي الحاج . فريدة : وعليكم السلام يا حبيبي. طيب حتي كلك لقمة هتنزل كدة من غير اكل. حذيفة بيغير هدومه ومستعجل: لا يا امي انا النهاردة كان عندي محضرات كتيير واتأخرت كمان في الطريق والحاج لوحده في الورشة هو مش حمل القعدة دي كل الوقت ده. انا هدخل اخد حمام وبالله عليكي تجهزي الهدوم مش الاكل ماشي. علشان انا عارفك. فريدة لوت شفايفها بغيظ: الحق عليا اني قلبي مش بيطاوعني اسيبك تنزل من غير اكل . حذيفة ابتسم وقرب منها وباس ايديها: يا ست الكل عارف والله ان قلبك ده احن واطيب قلب. بس الحاج تعبان وانا بتأنب لما بتأخر عليه واروح الاقيه قاعد بيتألم من وجع ظهره ورجله. انا اتحمل الجوع ولا اتحمل اشوف حد منكم تعبان. ويا ستي هبقي اكل في الورشة مش مشكلة. ماشي . فريدة اتنهدت : ماشي يا نور عيني. ربنا يا ابني يباركلنا فيك ولا يحرمنا منك. حذيفة ابتسم: طيب ممكن تضحكي بقي و والله هاكل ما تقلقيش. فريدة ابتسمت: طيب هجهزلك الهدوم والاكل علشان تاخده معاك ماشي. حذيفة : ماشي يا امي. ياللا انا داخل الحمام. دخل حذيفة اخد حمام وفريدة والدته جهزتله لبسه وكمان الاكل بتاعه. وهو خرج وبدأ يلبس هدومه. وهي دخلتله. فريدة: حبيبي الاكل جهزته بس كنت عايزة اسألك علي حاجة قبل ما تنزل. حذيفة اتنهد بتعب هو عارف ايه اللي بيحصل ويتقال كل يوم والتاني. خذيفة بنفاذ صبر: اتفضلي يا أمي تحت امرك. فريدة بتأثر: عارف ام عفاف جارتنا جوزها الله يسامحه بقي رمي عليها يمين الطلاق قال ايه قالها لو روحتي عند امك تبقي طالق راجل ناقص صحيح عايز يقطع صلة الرحم. المهم بقي هي راحت لامها و عايزة تعرف كدة الطلاق وقع وبقت طالق ولا ايه. حذيفة غمض عنيه بيأس واتنهد : طيب يا أمي انا مالي ودخلي ايه ان ام عفاف اتطلقت مش فاهم. فريدة بثقة : الله ! اومال مال مين الست عايزة تعرف اومال تعيش معاه في الحرام. اصل يا ابني دي كانت الطلقة 3 فلازم تعرف راسها من رجليها. ثم هنسال مين غيرك واحنا معانا الشيخ حذيفة . حذيفة هينفجر من الغيظ: يا أمي يا ست الناس حرام عليكي انا مش شيخ والله ماشيخ. الشيخ ده لقب كبيير اوي ومش اي حد يستاهله. ثم انا كل اللي عملته اني التزمت واطلقت لحيتي لكن لسة بدري اوي علشان اتعلم و دراستي للعلوم الشرعية دي علشاني انا علشان اعبد ربي علي علم بجانب دراستي العلمية.لكن مش معني كدة اني بقيت فقيه ومفتي وافتي للناس. فريدة بتأفف: يوووو بقي. هو انت كدة غاوي تقلقل من نفسك. طيب ده مافيش حد مابيجيش يسألني علي سؤال علشان ابلغك بيه وترد عليهم. حذيفة بخوف من الفتنة اللي بتخبط علي بابه والحمل الكبير اللي مش اي حد يقدر يشيله استغرب . حذيفة بدهشة: ليه يا امي! كنت الشيخ ابن عثيمين. أمي الله يباركلك انتي بتفتحي عليا باب انا مش قده . انا زي ما قولتلك لو بدرس علم شرعي علشان نفسي واهلي مش علشان افتي للناس. فريدة بضيق: طيب الخلاصة كدة ام عفاف تبقي طالق بالثلاثة ولا ايه ! حذيفة مسك راسه بعصبية : وانا مالي يا أمي تروح دار الافتاء وتسأل هناك . بس علي فكرة مش الست اللي تتسأل عن يمين الطلاق. الراجل هو اللي يتسأل لان اليمين في يد الرجل مش المرأة وهو ادري حد بنيته. لو سألت ماحدش هيرد عليها لازم زوجها هو اللي يسأل. ممكن بقي تسبيني انزل للحاج. اتأخرت عليه. فريدة بقلة حيلة : خلاص اتفضل انزل وانا هبلغ الغلبانة دي تتصرف . وانت يارب تكون مبسوط وانت بتصغر امك كدة وسط الناس. الناس تتعشم فينا واحنا نصدهم. حذيفة قرب من امه بهدوء: يا أمي الفتوي دي حمل تقيل مش سهل. و الفتوي بغير علم ده ذنب كبير يرضيكي علشان الناس افتي بغير علم واتحاسب انا واغضب ربنا علشان خاطر الناس ! ؟ فريدة بلهفة: حبيبي الف بعد الشر . لا ماتقولش كدة. انت طوى عمرك تعرف ربنا.وربنا ان شاء الله يكون راضي عنك. حذيفة ابتسم: ربنا بيرضي عننا لما نمتثل لأوامره ونتجنب نواهيه ومعاصيه. واتنهد بتعب . ممكن بقي انزل . فريدة ابتسمت: بالسلامة يا نور عيني . حذيفة كمل لبسه بسرعة وفتح الباب علشان ينزل. فريدة بصوت عالي: يا ابني الاكل استني. حذيفة رجع تاني بغيظ هو مستعجل بس مش عايز يزعلها. مشي خطوتين وامه ندهت عليه تاني وهو بينزل علي السلم. فريدة بصوت عالي :حذيفة .... حذيفة استني نست اقولك. حذيفة كان نزل بسرعة عايز يهرب من اسالتها وبصوت عالي. حذيفة: لما ارجع يا امي بالليل اتاخرت سلام . فريدة لوت شفايفها بغيظ منه : ااااخ منك انت واد مناكف. بس والله كنت عايزة اقولك علي السكان الجداد. بس ياللا ابوك يقولك. دخلت فريدة شقتها وقفلت الباب. ************************************************ في ورشة الحاج بلال. حذيفة دخل الورشة لقي والده خارج من مكتبه ووراه الدكتور الصيدلي . حذيفة مسح وشه بغضب من نفسه وتأنيب بسبب شكل والده المجهد والتعب الواضح عليه وعلشان كدة كان بياخد حقنة المسكن. الحاج بلال ابتسم بتعب وهو بيقعد علي الكرسي: اهلا بشيخنا حمد لله علي سلامتك حبيبي . حذيفة اتنهد بضيق من نفسه وقرب منه وباسه من راسه باسف وقعد جنبه وباس ايده. حذيفة: حقك عليا يا حاج والله كان عندي محاضرات كتيير واتاخرت في الطريق. انا السبب في تعبك ده. انور الصيدلي : يا شيخنا الحاج زي الفل مافهوش حاجة . ده صحته احسن مني ومنك. الحاج بلال ضحك بتعب: هههههههه. يا دكتور انور خلاص بقي ده كان زمان الصحة خلاص ولت . حذيفة ضحك: ماتقولش كدة يا حاج الدكتور انور عنده حق انت لسة شباب. الحاج بلال: يا ابني هو احنا هناخد زمنا وزمن غيرنا الحمد لله ربنا بس يديم عليا شوية الصحة دول لحد ما اموت مش عايز ابقي حمل عليك اكتر من كدة. حذيفة بعصبية: حمل! حمل ايه يا حاج ده .انا اشيلك فوق راسي اوعي تقول كدة. انور فضل يمشي ويسيبهم: احممم. طيب استأذن انا علشان علا لوحدها في الصيدلية وهي كمان عندها مذاكرة دي لسة بتقول يا هادي يادوب اولي صيدلة. حذيفة اتنهد بضيق: ربنا يخليهالك يا دكتور اتفضل انت. خرج انور وحذيفة قعد جنب ابوه : ينفع اللي بتقوله ده . طب دي للبنت اللي لسة ما طلعتش من البيضة بتساعد ابوها في الصيدلية اهو وبتروح جامعتها وتذاكر . يبقي لما تلمحلي بكلامك ده ابقي في عينك مش راجل ولا قد الحمل والمسؤلية . الحاج بلال بنفي: لا لا لا يا ابني اقسم بالله ما اقصد. انا بس حاسس ان الحمل عليك تقيل جامعة ومذاكرة والورشة وشغلها وكمان دكاترة ومشاوير ليا ولامك. يعني وانت لسة شاب من حقك تعيش سنك . انا حاسس اني كبرتك قبل اوانك . حذيفة ابتسم: يا حاج انت عملت معايا احسن معروف في حياتي ربتني اني ابقي راجل وقد المسؤلية اللي كتيير في سني ويمكن اكبر مايقدروش عليها. ثم شغلي في الورشة ده بيفدني في دراستي اكتر انت ناسي اني هندسة ميكانيكا ولا ايه يعني ده بالنسبة ليا العملي اللي بساعدني في الدراسة . اما بقي وانت وامي انا مش اتمشور علشانكم انا اموت نفسي علشانكم. يا حاج انا مش بس بحبكم علشان اللي عملتوه معايا من صغري وحبكم وحنيتكم لا انتم وصية ربنا ليا ربنا وصاني عليكم. عايزني اخالف وصية ربنا . يرضيك ابنك يدخل النار. الحاج بلال حضنه : لا يا حبيبي ربنا يحرمها عليك وينعمك في جنته انت ونعم الابن وانا وامك راضين عليك من قلبنا ونشهد ربنا علي كدة . حذيفة ابتسم: طيب ممكن تريحني بقي وتطلع البيت ترتاح وتنام شوية . انا خلاص جيت. الحاج بلال بتعب: لا لسة هقعد شوية علشان الاستاذ عماد جاي يستلم عربيته ومدام سحر كمان هتيجي . حذيفة بيشمر اكمام قميصة ونفخ بضيق من سيرة سحر . حذيفة: بصراحة يا حاج انا مش بطيق الست دي . انا نفسي اعرف فين اهلها ولا جوزها اللي يسبها تخرج متبرجة بالشكل ده. اعوذوا بالله . لا وتحسها عندها جراة كدة وتتكلم وهي عنيها في عنيك. يعني الواحد يغض بصره وهي ابدااا مبحلقة بببقي عايز ارزعها قلمين وارميها برا الورشة بس بعمل حسابك انت مش عايز ازعلك . ونفسي ما نخدش منها شغل تاني من اصله. الحاج بلال: يا ابني احنا مالنا تلبس تقلع هي حرة . احنا اللي بينا وبينها الشغل . وبعد كدة بتروح لحال سبيلها وبعدين هي جيالي من طرف واحد غالي عندي مش عايز ازعله. حذيفة بضيق : اللي تشوفه يا حاج هتمم علي عربياتهم وبعد كدة هكمل شغل عايز مني حاجة. الحاج بتذكر: اااااه. والله ابن حلال فكرتني كنت عايز اقولك اني اجرت الشقة اللي قصادنا . حذيفة بغضب :ايه! ليييييه يا حاج بس. ما احنا متفقين الشقة دي بالاخص بلاش تتأجر دي جارحانا واحنا جارحنها وانا ما بحبش كدة ليييه بس كدة. الحاج بلال : معلش يا ابني والله ما كان في نيتي بس اصل اللي حصل قدر وجه بسرعة . حذيفة بعصبية: وايه اللي حصل بقي يخليك تأجرها. الحاج بلال: طيب بس اقعد هفهمك. حذيفة قعد بضيق :اتفضل يا حاج فهمني. الحاج بلال: الصبح وانا قاعد كدة لقيت شاب ابن حلال زيك كدة معاه مراته بنت زي الورد بنت حلال وكمان حامل وشكلها كدة في شهورها الاخيرة . ماشي بيسأل عن شقق ايجار وكل مايسأل يلاقي الايجار عالي يمشي والبنت في ايده فرهدت من الحر والتعب كانت هيغمي عليها ندهت عليه وقعدتهم وجبتلهم ليمون والبنت يا دوب بدأت تاخد نفسها والكلام جاب بعضه وعرفت انه منقول من بور سعيد لهنا علشان شغله وبيدور علي شقة تكون حنينة كدة ظروفه ما تسمحش. بيني وبينك انا قلبي وجعني عليهم وخصوصا مراته تخيلتها بنتي كنت هسيبها كدة تتبهدل في اللف والدوران وهي حامل. فقولتله اني عندي شقة فاضية فوق في البيت اللي قصاد الورشة ومش هغلي عليه اللي يدفعه. وبعتهم للحاجة فوق واخدوا المفتاح . وهو ساب مراته فوق وراح يجيب باقي حاجاتهم. حذيفة بضيق: يا حاج... يا حاج عايز تساعده ساعده بس مش علي حسابنا ثم هو ايه اللي يخليه يلف ومعاه مراته ما ينزل هو لوحده وبعد كدة يجبها ليه يمرمتها معاه. الحاج بلال: يا ابني هو بيقول البنت يتيمة ومالهاش حد غيره ومايقدرش يسيبها لوحدها. خلاص بقي نتحمل بعض ايه يا شيخنا فين الرحمة. حذيفة اتنهد: يا حاج الرحمة موجودة . بس انا كنت شايف كدة افضل لينا بس اللي انت شايفه صح اعمله انت حر. بس يا حاج اتأكدت انهم متجوزين ! ؟ الحاج بلال بتاكيد :طبعااااا يا ابني ودي تفوتني وراني القسيمة وشوفت بطاقاتهم . حذيفة قام يكمل شغله: طيب عن اذنك يا حاج هروح اشوف شغلي. ************************************************ في شقة حذيفة. والدته كانت بتفتح. الشباك وبصت قصادها لقت الشباك بتاع الشقة اللي قصادها الساكنة الجديدة قاعدة علي الارض وهي اصلا اخدت بالها منها انها حامل وواضح انها في شهورها الاخيرة . صعبت عليها خصوصا انها بتتألم وكمان قاعدة علي الارض الشقة مش مفروشة ومافيهاش اي حاجة . وبدون تردد قفلت الشباك وراحت خبطت عليها. والبنت اخدت وقت لحد ما قدرت تقوم علشان تفتح وفتحتلها . فريدة : ازيك يا حبيبتي . دنيا بتعب: اهلا بحضرتك .. مش قادرة اقولك اتفضلي حضرتك شايفة لسة مافيش عفش. فريدة بتأثر من شكلها المرهق: لا يا حبيبتي انتي اللي هتتفضلي معايا . دنيا بإستفهام: اتفضل فين .. وبخوف . ههوو ههو انتم رجعتم في كلامكم ومش هتأجرلنا الشقة ... احنا زعلناكم في حاجة. فريدة بنفي : لا يا حبيبتي مش ده قصدي ... انا اقصدي انك تيجي تقعدي معايا لحد ما جوزك يجيب عفشكم ما ينفعش قعدتك علي الارض دي كدة خصوصاا وانتي بحالتك دي. قوليلي انتي في الشهر الكام. دنيا اتنهدت براحة كانت خايفة ترجع تتبهدل تاني علشان تلاقي شقة : انا في الشهر السابع. فريدة ابتسمت : ماشاء الله ربنا يقومك بالف سلامة هو انتي اسمك ايه انا اصلي بنسي. السن بقي ليه حكم دنيا ضحكت: ههههههه. ماتقوليش كدة حضرتك ماشاء الله بدون حسد زي القمر ولسة صغيرة . فريدة: هههههههههه. والله انتي اللي قمر هاه فكريني. دنيا: دنيا .. اسمي دنيا . فريدة : ربنا يجعل دنيتك هنا وفرح تعالي بقي يا دنيا معايا انتي شكلك تعبان خالص. دنيا بإحراج : بببس اااصل انا مش معايا فون اكلم اسامة ابلغه . فريدة : يا ستي هو لما يعرف انك كنتي عندي وايه السبب مش هيقول حاجة هيقدر ويفهم. تعالي يا ضنايا ده انتي وشك زي الليمونة تعالي اعملك حاجة تشربيها . دنيا ابتسمت من حنية فريدة وطيبتها قفلت باب شفتها ودخلت مع فريدة شقتها. فريدة قعدتها ودخلت جهزتلها اكل وعصير وفضلت جنبها تأكلها اكنها بنتها وهي امها فريدة حبت دنيا بسرعة وجواها احساس بالعطف ناحيتها . يمكن لانها شايفاها لوحدها او لانها كان نفسها في بنت بس ربنا آراد ليها ترزق بحذيفة بس . مهما اختلفت الاسباب او كترت النتيجة هي ارتباط وراحة غريبة وسريعة حصلوا بين فريدة ودنيا. دنيا كمان كانت مبسوطة ومرتاحة من حنية فريدة وطبيتها معاها اللي هي مفتقداهم من يوم وفاة والدتها و والدها . اول حد غير اسامة زوجها يكون بالحنية دي معاها ومن غير سبب ولا مصلحة . دنيا بشبع بتترجا فريدة وتاخد نفسها: خلاص يا طنط ربنا يخليكي كفاية كدة شبعت . فريدة بتصميم: لا لا كملي انتي لازم تاكلي كويس شكلك ضعيف كمان يا بنتي انتي حامل وانا متأكدة انك بتنسي تاكلي والغلبان اللي في بطنك ده متعذب معاكي. دنيا ابتسمت: والله معاكي حق انا فعلا بنسي اكل مش بفتكر الاكل ولا اكل الا لما اسامة يكون موجود . فريدة سابت الاكل وبتأنيب: يا نههار ابيض وده ينفع يا دنيا يا بنتي حراام عليكي واللي في بطنك ده ذنبه ايه تعذبيه معاكي. دنيا بحزن: اللي في بطني بياخد اللي يكفيه مني حتي لو ما اكلتش .لو انا نسيته ربنا مش هينساه. فريدة حاست ان دنيا حزينه وجواها هم كبيير . طبطبت عليها بحنية: بس يا حبيبتي لو انتي ما اكلتيش واهتميتي بنفسك هو هيجي عليه وقت ما يلاقيش عندك اللي يكفيه . وربنا امرنا ناخد بالاسباب ونتوكل عليه . عارفة انا طول عمري كنت نفسي ربنا يرزقني ببنت تبقي حبيبتي وبنتي وونسي واخاوي حذيفة بس ربنا ما أرادش بقي الحمد لله. دنيا بتساؤل: هو حضرتك مش مخلفة غير ولد واحد. فريدة ابتسمت: اه يا حبيبتي حذيفة ...الشيخ حذيفة هو اللي ربنا رضاني بيه الحمد لله عقبال ماتشوفي النونو اللي بطنك ده زيه . ونعم الذرية ربنا يباركلنا فيه ويحميه. اصل انا بعد ما ولدته جاني نزيف وتعبت وكان لازم وقتها اشيل الرحم وشلته والحمد لله علي كل حال. دنيا دمعت: ااااانا .. ااانا اسفة والله بب. فريدة ابتسمت : اسفة علي ايه بس. دي حاجة عدت عليها سنييين يجي 19 سنة وانا الحمد لله راضية وبصراحة بقي انا حبيتك ودخلتي قلبي واهو هعتبرك بنتي ولا ما ترضيش تبقي بنتي. دنيا بدموع حضنتها: هتصدقيني ان انا كمان حبيتك من اول ما شوفتك حنيتك دي مش طبيعية . يمكن ربنا عاليم بيا واني محتجالك بجد. فريدة ضمتها بحنية وقلق : قوليلي يا دنيا انتم مالكوش اهل هنا كلهم في بور سعيد. دنيا اتنهدت وخرجت من حضنها وبمسح دموعها : انا واسامة مالناش حد هنا خالص احنا نزلنا القاهرة بعد جوازنا . فريدة بتساؤل: انتي حزينة ليه كدة فضفضي يا حبيبتي مالك. دنيا بتبكي : انا بابا وماما ماتوا وانا عندي 8 سنين بابا كان عنده محلات وفلوس خاصة بيه بعيد عن ورثه مع عمامي من جدي ... لما بابا مات عمامي لقه انه كاتبلي كل المحلات ومعظم الفلوس ودايع بإسمي في البنك . وقتها اتجننوا و طلعوا غلبهم وغضبهم فيا. احنا وعمامي كنا كلنا ساكنين في عمارة واحدة ... كل واحد منهم كان بياخدني عنده يومين ... ودنيا كملت بدموع وقهرة اكتر... كانت مرات كل واحد بتعتملني اني الخدامة بتاعتها اليومين دول انضف واسادها في كل حاجة واخدم ولادها كانوا كمان عايزين يقعدوني من المدرسة بس خالي رفض. وطلب منهم يا خدني عنده واعيش معاه . طبعااا رفضوا خايفين علي الورث ... عمي كان بيقولهالي في وشي تتمي بس السن القانوني وانا هاخد كل حاجة وارميكي لخالك. خالي كان حنين وطيب بس ظروفه علي قده ومش قد عمامي وجبروتهم. فريدة بدموع وحزن: وبعدين يا ضنايا كملي ... دنيا بتبكي: فضلت علي الحال ده سنين لحد ما خلصت الثانوية العامة وعمامي رفضوا اني اكمل وخالي ما قدرش يساعدني .. وكل ما يتقدملي عريس عمامي يرفضوه مش عايزين يجوزوني الا لما ياخدوا كل اللي مستنينه مع انهم بقالهم سنين مشغلين المحلات والفلوس السايلة للشغل و الشغل كبر والمحلات وبقت كل حاجة بتاعتهم هما وانا ما اعرفش عنها حاجة ولما كنت اطلب حاجة اكني بشحت منهم. فضلت كدة سنين لحد ما في يوم كنت بجيب حاجات وقابلت اسامة .. وهنا دنيا ابتسمت من بين دموعها .. من اول ما عنيا جات في عنيه وانا حسيت ان ده طوق النجاه اللي ربنا بعتهولي . يومها شوفته جنب الشغل بتاعه كان نازل في وقت الراحة بتاعته يشرب قهوة وقابلته في كافيه جنب الشغل . وانا كنت داخلة اشرب حاجة سخنة كان يومها الجو برد وبتشتي برا . وانا كنت الاول ما بصدق اخرج اشتري حاجات علشان اروح المكان ده واقعد لوحدي بعيد عن البيت واللي فيه واللي بيجرالي هناك. بس لما شوفت اسامة يومها كل حاجة اتغيرت بقيت بروح علشانه علشان اشوفه . فضلنا فترة بينا نظرات بس . بس ما كنتش مجرد نظرات قلنا كلام كتيير اوي كنت بشكيله حالي وانا عنيا في عنيه . واتنهدت دنيا براحة: لحد ماهو في يوم قرب مني وكلمني وكل واحد عرف التاني مين واسمه ايه.ومرة في مرة بقينا نحكي كل حاجة لبعض وبنتكلم في الفون كتيير تقريبا طول الليل.لحد ماحبينا بعض وبقي صعب نبعد عن بعض واسامة اتقدم لعمامي علشان يتجوزني. وطبعا رفضوا وقالوله .ان ابن عمي كان عايز يتجوزني واتفاجأت انهم محددين ومقررين كل حاجة .واسامة مشي وهو هيتجنن مش فاهم اني ماكنتش اعرف حاجة.وانا بعدها ولاول مرة اتكلم رفضت ابن عمي وصممت اتجوز اسامة .بس طبعاا كان نصيبي والرد عليا الضرب والاهانة .وقتها كنت خلاص تميت السن اللي يسمحلي امضي علي التوكيل .وقتها عمي الكبير قالي لو عايزة تتجوزيه امضي علي التوكيل وانا اجوزهولك . بقيت قصاد حلين امر من بعض اخسر كل ورثي من ابويا واتجوز اسامة ولا اتجوز ابن عمي وتفضل كل حاجة بإسمي وهما بيديروها...روحت لخالي وسألته .قالي اياكي تفرطي في حقك وتعب ابوكي .وانا هجوزك اسامة انا زمان ماكنتش عارف اعملك حاجة بس مش هقدر اشوفهم بيضيعوا حياتك كمان واقف اتفرج. وهربت منهم وسيبت البيت وخالي جوزني اسامة ونزلنا القاهرة واسامة نقل نفسه فرع الشركة هنا...وقعدنا في شقة ايجار جديد زي هنا كدة بس صاحبها لقالها بيعة وطلب مننا نسيبها قبل نهاية المدة .وجينا هنا ..بس دي حكايتي. فريدة اتنهدت : طب لما انتي معاكي ورث اهلك ليه شقة ايجار جديد .مش احسن تشوفوا حاجة احسن ودايمة بدل المرمطة دي ؟ دنيا اتنهدت بتعب: اعمل ايه بس في اسامة عرضت عليه اننا نشوف محامي يخلصلي اجرائات ورثي وكمان اقدر اسحب فلوس من فلوسي .رفض قالي اولا انا مش عايز منك فلوس وانا مش هعيش علي حساب مراتي واتجوزتك علشان بحبك مش علشان تصرفي عليا ..كمان انا مش مستعد اجازف واعرفهم طريقك مش ضامن يعملوا ايه او يحاولوا ياخدوكي مني ..وده مستحيل اقبله وهندخل في متاهة ... فريدة بتعجب: طب واهل اسامة وافقوا علي بعد ابنهم كدة واهلك ماهم ممكن يعرفوا طريقوا عن طريقهم. دنيا اتنهدت بحزن: اسامة زي حالاتي يتيم ومالوش غير جده من امه بس. وده عايش هنا في القاهرة اهلي مايعرفوش عنه حاجة.. فريدة ابتسمت: ربنا يا بنتي يسعدكم ويبعد عنكم شرهم. وان شاء الله اسامة ربنا هيوسعها عليه ويجبلك اللي نفسك فيه. دنيا ابتسمت بسعادة: والله انتي ماتعرفيش انا بحبه ازاي وراضية بأي حاجة معاه واي وضع. هو عندي بالدنيا.كمان انا لو حتي اخدت ورثي .هو عمره ماهيخليني اصرف منه ولا اساعده .هو قالي مادمتي حبتيني ترضي بظروفي .وانا مش ممكن اجرحه واضايقه .بس كمان مش هتنازل عن حقي وورثي ماحدش عارف بكرة مخبي ايه .. فريدة بقلق : طب يا بنتي مش عمامك ممكن يعرفوا طريقك من خالك.؟. دنيا بتعب : لا ماتقلقيش هما مايعرفوش ان خالي جوزني سألوا وانكر واتفقنا انه ما يزورنيش خالص لحد ما يهدوا وينسوني خالص.كمان انا بتطمن عليه في الفون دايما واعرف اخباره. فريدة بحنية: انا بصراحة مبسوطة انك وثقتي فيا وحكتيلي كل حاجة عنك وماتقلقيش ثقتك في محلها ماحدش هيعرف حاجة. دنيا : انا متاكدة لاني حبيتك ودخلتي قلبي .. فريدة : طيب ينفع بقي ماتقوليش طنط دي و تبقي تقوليلي يا ماما . دنيا ابتسمت: اكيد طبعااا ياريت يا ماما. فريدة ابتسمت: طيب تعالي بقي نامي جوا شوية شكلك تعبان ولازم ترتاحي. دنيا بإحراج: بلاش يا ماما اانا كدة مرتاحة. فريدة : لا طبعااا انتي محتاجة ترتاحي ولا انتي مكسوفة .ياللا ياللا يقومي معايا .كمان دي اوضة فاضية لا بتاعتي انا والحاج ولا بتاعة حذيفة.تعالي حبيبتي . وفعلا دنيا نامت عند فريدة ومن التعب ماحستش بالوقت اللي جري والليل جه. وفريدة سمعت صوت دوشة في شقة اسامة ودنيا عرفت انه وصل هو والعمال وفتحت لقته فعلا واقف بس متوتر والعمال بتطلع العفش.ندهت عليه. فريدة: اسامة...اسامة تعالي يا حبيبي. اسامة خرج من شقته وراح لقصاد شقة فريدة : نعم يا حاجة اؤمري. فريدة : مالك شكلك متضايق خير. اسامة بقلق وتوتر: دنيا مراتي سبتها وروحت الشقة القديمة جبت حاجتنا رجعت مش لاقيها ومش عارف راحت فين .ومش معاها فون اكلمها واعرف هي فين .هتجنن دي تعبانة وماتعرفش حد هنا . فريدة ابتسمت: ماتخفش حبيبي .مراتك في عنيا نايمة عندي جوا..انا اللي خبطت عليها وطلبت منها تقعد عندي لحد ما انت ترجع انت شوفت الشقة فاضية وهي علي الارض صعبت عليا.. اسامة اتنهد براحة واتطمن: الحمد لله كنت هموت من الخوف.ربنا يخليكي لينا يا حاجة .بس ياريت تخاليها عندك لحد ما افرش الشقة ممكن. فريدة: يا سلام دي في عنيا خلص انت بس وماتشغلش بالك .وهعملكم شاي كمان ياللا حبيبي. اسامة ابتسم ربنا عوضه ببلال وفريدة اكنهم ام واب ناس طيبة وحنينة ..ومعاهم هو ودنيا حاسوا بالامان ...وفعلا راح هو وكمل مع العمال . ************************************************ في ورشة حذيفة .. حذيفة كان جوا الورشة بيصلح عربية ومشغول ..ووصلت مدام سحر ..وسلمت علي الحاج بلال ..وسلمها العربية بس هي كالعادة اتلككت بأي عيب علشان حذيفة يخرجلها ... وفعلا والده نده عليه ...وهو خرج وشافها اتعصب واتضايق .. حذيفة بضيق وهو بيغض نظره عنها : نعم يا حاج اؤمرني .. الحاج بلال : مدام سحر بتشتكي من حاجة في الصيانة تعالي شوفها قبل ما تستلم العربية... حذيفة بغيظ منها بيجز علي سنانه قرب من عربيتها وهي فتحاها وقف وبص علي العربية وبزهق: خير مالها ماهي تمام انا بنفسي مجربها .. سحر قربت منه علشان والده مايشوفهاش والعربية حاجبهم عنه.: لا العربية مش تمام انت مش طايقها خالص مع انها والله لطيفة وانت. بتتعمد تصدها وهي بتحبك ومعجبة بيك بس انت اللي راسك ناشفة ... حذيفة بيحاول يمتلك اعصابه وغضبه منها ومن بجاحتها . حذيفة بيجز علي سنانه بغيظ : العربية دي عايزة تولع يمكن تنضف وتتعدل وقسما بربي لولا اني بخاف ربنا كنت كسرتها وولعت فيها وخلصت منها وريحت البشرية منها.بس هقول ايه لو كان ليها صاحب عارف يلمها ويغطيها كانت اتعدلت بس للأسف صاحبها زيها بجح وفاجر. سحر بضيق: علي فكرة انت فيه غيرك كتيير.بس انت بالنسبة ليا اكبر تحدي في حياتي ..وانا وراك لحد ما تيجي راكع وهفكرك. حذيفة بثبات وبثقة: ده انتي بتحلمي ..انا مش بركع غير لربي وبس وانتي لو مابعدتيش عن طريقي والله ليكون ليكي نصيب في علقة موت تربيكي وتعرفك حدود ربك ودينك .علشان انا مش طايق اشوف وشك تاني ولو عربيتك جبيها هنا تاني انا هولعلك فيها فاهمة. سحر ابتسمت بشر وتوعد: تمام وانا مصممة اثبتلك ان تدينك ده واللي انت فيه زيف ومش حقيقي واللي بتقنع بيه الناس ده كله علي الفاضي.انت بس بتقاوح لكن مافيش شاب زيك مش بيتمني يعرف ست زي ..وبكرة افكرك يا..... وكملت بسخربة ...يا شيخ ... حذيفة بيستغفر ربه بيحاول يتماسك من عصبيته وغضبه هو عمره ما فكر فيها ولا هي قدرت تغريه بس هو عارف ان ده ابتلاء من ربنا بيختبر بيه دينه واخلاقة هيتماسك ولا لا ... سحر اخدت عربيتها ومشيت وحذيفة مخنوق وعصبي .والده لاحظ ده وندهله وقعده .. الحاج بلال: مالك يا شيخنا زعلان ليه كدة وقرفان .روق كدة واستهدي بالله. حذيفة بضيق بيمسح وشه بنرفزة: مافيش يا حاج انا تمام. الحاج بلال : لا مش تمام مالك قول لأبوك.. حذيفة اتنهد بغضب: هو يا حاج ازاي واحد يثق في واحدة ست وهي تخونه ..ازاي ياتمنها علي شرفه وعرضه وهي تبيحه للغريب...هي الستات دي ايه مافيش عندها دين ولا حياء ولا اخلاق... الواحد بقي عنده فقدان ثقة في كل الناس ..وخصوصا البنات والستات. انا بشوف حاجات في الجامعة تشيب بنات بتيجي الجامعة بلبس وتغيره وتلبس غيره طول اايوم وترجع تلبس لبسها تاني وتفضل قصاد اهلها واللي حاوليها محترمة وهي بتعمل بلاوي طول اليوم ..طب قولي انا اثق في واحدة ازاي وافكر اتجوزها ...انا بجد قرفان وزهقان مش عارف زمن ايه ده اللي احنا فيه.. الحاج بلال فاهم انه متعصب من سحر ولبسها وطريقتها : يا ابني ماحدش معصوم هو انا اللي هفهمك برضوا ..كمان كل واحد بيتحاسب عن نفسه مش عن غيره...اما بقي اللي بتشوفه ده والرعب اللي جواك من الستات والبنات وعدم الثقة دي مالكش حق فيه....البيوت الطيبة كتيير والبنات المتربية اكتر والملتزمة اكتر واكتر انت بس انوي كدة وتوكل علي الله وانا اجوزك ست البنات كلها ...وعلي ضمانتي .. حذيفة اتنهد بهدوء وسرح: عارف يا حاج انا نفسي في ايه ؟ الحاج بلال ابتسم: قول يا حبيبي . حذيفة ابتسم: نفسي في واحدة اربيها علي ايدي انا اللي اعلمها وانا اللي افهمها ..ابقي اول راجل تعرفه اول راجل تشوفه..اول راجل يلمس ايديها اول واحد ابص في عنيها....عايز زوجة تفصيل علي مزاجي ...وضحك بسخرية: ههههههههههه.عايز معجزة من الاخر عندك طلبي يا حاج...! الحاج بلال اتنهد من جنون ابنه : لا اله الا الله....اجبلك طلبك ده منين يا ابني ..ربنا يبعتلك معجزة يا سيدي... حذيفة : ههههههههههه.يارب يا حاج ..بقولك ايه انت كدة حلو عليك اوي بقي اطلع البيت وارتاح وانا ساعتين كدة واقفل واحصلك .. الحاج بلال قام بتعب: ااااه والله عندك حق انا خلاص مش قادر افرد ظهري..ياللا انا طالع بس ماتتأخرش علشان امك مش بتعشيني الا لما انت بتطلع فاهم .. حذيفة: ههههههههههه.فاهم بتغير مني انت انا عارف. الحاج بلال: ههههههههههه ..لا يا حبيب ابوك ده انت نور عنينا ..وهي يعني لو ما دلعتش الشيخ بتاعنا هتدلع مين... حذيفة اتنهد بيأس: يا حاج ابوس ايدك بلاش شيخ ده انا مش شيخ يا جماعة اغنيها... الحاج بلال : ههههههه لا ما تغنيهاش الغنا حرام...بس هتفضل شيخنا برضوا ..حد يكره ده كرم من ربك محبة الناس واحترامهم ..ياللا متتأخرش ..سلااام .. حذيفة ابتسم بقلة حيلة: سلاام يا حاج.. مشي والده وهو كمل شغله وجاله مصعب صاحبه ... مصعب : السلام عليكم يا شيخ.. حذيفة خرجله وهو بيضحك: حتي انت يا ابني ارحمني ابوس ايدك.. مصعب : ههههههههههه.ياعم احمد ربنا الناس بتقولك يا شيخ وبتحبك احسن ما يكرهوك ..المهم عامل ايه واخبار الجامعة ايه معاك عايش انت في هندسة بنات هندسة حاجة تفرح ..لكن عندنا في حقوق بقي قضاه ماشين عساكر امن مركزي مافيش اي دلع ..حاجة غريبة ... حذيفة ضربه في كتفه بغيظ: انت ربنا مش هيتوب عليك من العته ده ما تغض بصرك يا فاسد انت هتتحاسب انت علي كل نظرة من دول.ثم يعني بتوع هندسة شايفهم بالمايوهات .المحترمين هنا او هنا واحد واللي انت بتتكلم عنهم دول برضوا في كل حته.وبصراحة يا خويا انا مش ببص ولا اعرف حد واللي بيقع عليه نظري بالغلط بغضه علي طول مش بطول زي حلاتك.. مصعب براءة: ياعم انت فاهم ايه والله انا كمان بغض بصري بس هي النظرة الاولي بس مش الاولي ليك يا شيخ. حذيفة بيجز علي سنانه: دي الاولي اللي بالغلط مش التتنيحة اللي بتنحها انت دي دي خمسين نظرة في نظرة...اتلم وتوب خالي ربنا يباركلك.. مصعب :يوووووه.ياعم انت محسسني اني منحرف والله انا تمام مش مقضيها يعني ما تقلقش...وعلي فكرة انا الحمد لله انتظمت في الصلاه افرح بقي ... حذيفة : ههههههههههه.مبارك عليك اخيرااااا ..الحمد لله يا اخي ده انت طلعت روحي ...عقبال بقي ما تقدم معايا وندرس العلوم الشرعية هتفرق معاك بجد.... مصعب: لا لا ياعم عندك....انا الحمد لله كدة...مش لدرجة علوم شرعية بقي وفقه وشريعة وكدة....كفاية الحاجات اللي بدرسها في ااكلية خاصة بالشريعة دي حاجات صعبة اوي وعايزة حد ليه دماغ ليها ...انا كدة حلو اهم حاجة انتظمت في الصلاه دي كانت اكتر حاجة مضايقاني من نفسي ..لكن زيادة عن كدة لا كفاية انت ابقي استفايك انت .. حذيفة هز راسه بيأس منه : مافيش فايدة فيك ربنا يهديك ..بس لعلمك انا مابفتيش حد ما تعملش زي امي انا تعبت منكم والله... مصعب : ههههههه انت خلاص لزقت فيك المشيخة ..ارضي بالامر الواقع بقي واتعامل ماشي...قولي عندكم عشا ..امي قالبة عليا ومش عايزة تعشيني ..هاجي اتعشا معاكم .. حذيفة: ههههههههههه.والله امك دي ليها الجنة علشان متحملاك يا جدع ..ياللا اقعد شوية معايا وهقفل كدة ونطلع نتعشي مع ابويا وامي .. مصعب قعد :تمام هستناك .....وغمزه قولي صحيح ايه اخبار الدكتورة علا ..لسة بتسبلك في الراحة والجاية وتنحلك لما تروح الصيدلية .. حذيفة بعصبية: ماتتلم يا بني آدم انت عيب كدة ..دي اعراض بنات ما تتكلمش عنها كدة ..دي بنت متربية .. مصعب: بيكتم ضحكته...اسف بس اصل انا شوفت بعيني ماحدش قالي..هو انا انسي لما كنا بنجيب لابوك الدواء وهو تعبان وبيفرفر وهي سايبة الروشته ومسبلة في عنيك... حذيفة ابتسم غصب عنه: تعرف انك بايخ ..ثم دي عيلة يعني وطايشة دي يا دوب اول سنة في صيدلة ..بكرة تكبر وتعقل.. مصعب ضحك بقوة : ههههههههههه..يارب مرزق انا والله. حذيفة عقد حاجبه:في ايه يا ابني انت مجنون . مصعب غمزه وشاورله براسه برا الورشة: بص كدة مين جاي علينا ... حذيفة بص لقي علا معدية وبتبص لحذيفة وتبتسم .بص لمصعب لقاه بيكتم ضحكته: انت ربنا يهديك مش هتعقل ابدااا... مصعب: الله وانا عملت ايه ..هي اللي عدت وكانت بتسبل والله انا مالي....بقولك ايه يالاا انا جعااان اخلص بقي وقفل .. حذيفة : ههههههههههه.يارب صبرني عليه دونااا عن البشر يبقي ده صاحب عمري.. مصعب ابتسم بإستفزاز: ده انا اكبر هدية ربك بعتهالك ..بكرة تعرف قيمتي..... ************************************************ مر تقريبا 3 شهور ..حذيفة بدأ يتقبل وجود دنيا واسامة في بيتهم ..وخصوصا اسامة لاقاه انسان محترم وخلوق وحبه وبقوا يتكلموا كتيير ..وفي يوم حذيفة نازل يصلي الفجر ..وهو خارج من شقته سمع صوت صريخ في شقة اسامة ودنيا .ولقي اسامة بيفتح باب شقته بسرعة وشكله خايف ومتوتر حذيفة بقلق: خير يا اسامة مال مدام دنيا بتصرخ ليه؟ اسامة برغب وخوف: دنيا بتولد شكلها وانا مش عارف اعمل ايه كلمت الدكتورة قالتلي هاتهالي بسرعة هنزل اشوف تاكسي بسرعة واجي انزلها. حذيفة بقلق : تاكسي ايه دلوقتي انا هنزل اجهز العربية بتاعتي وانت نزلها وهدخل اصحي الحاجة تيجي معانا .. اسامة بشكر: مش عارف اقولك ايه متشكر اوي. حذيفة: يا اخي الله يرضي عليك روح هات مراتك دي هتصحي الشارع كله مش وقت شكر بسرعة.. وفعلا حذيفة دخل قال لولدته وكلهم راحوا بدنيا المستشفي علشان تولد ...وبعد ما ولدت وفاقت حذيفة كان قاعد برا بيقرأ في مصحفه وهما في اوضة دنيا...اسامة خرجله وندهله... اسامة : شيخ حذيفة تعالي . حذيفة قام بهدوء: خير في حاجة..؟ اسامة ابتسم: لا ابدااا عايزك بس علشان تشوف الهانم اللي شرفت ووقعت قلبنا كلنا .. حذيفة ابتسم: ربنا يخليهالك بس بلاش علشان مدام دنيا تاخد راحتها انا مستني الحاجة هنا . اسامة بتصميم: لا والله دنيا خلاص لبست حجابها وهي مصممة تشكرك .ثم احنا بقينا اهل .كفاية وقفتكم معانا من يوم ما جينا عندكم.تعالي بس.. حذيفة ابتسم ودخل معاه وسلم علي دنيا وهو بيغض بصره عنها: مبارك عليكي يا مدام دنيا والف سلامة عليكي ..ربنا يحفظهلكم. دنيا ابتسمت بتعب : الله يبارك فيك يا شيخ حذيفة عقبالك يارب .. فريدة بتدعي بفرحة: يارب يسمع منك ربنا ... اسامة شال بنته وقربها من حذيفة يشيلها : اتفضل بقي الهانم المتعبة دي واختارلها اسم.. حذيفة شالها بحرص وابتسم اول ما بصلها وهو بيتعجب من جمالها: تبارك الله .اللهم بارك دي جميلة اوي ..دي تتسمي ايه دي .لا انتم اولي سموها انتم. اسامة بتصميم هو ودنيا: والله ابدااا احنا مصممين انت اللي لحقتها في الوقت المناسب وانت اللي هتسميها. حذيفة بصلها بحنان وقلبه مالها بشكل غريب دي اول طفلة يحبها كدة اول ما يشيلها وابتسم بقوة: چويرية ..هسميها چويرية ...علي اسم زوجة الرسول عليه الصلاة والسلام .. كلهم : عليه الصلاة والسلام.. اسامة: جميل الاسم ..خلاص دي هتبقي جويرية ... دنيا : هو انتم مش ملاحظين حاجة الهانم دي كانت بتعيط بس اول مادخل الشيخ حذيفة وشالها وهي ساكته ؟ كلهم ضحكوا وحذيفة باس جويرية: ههههههههههه.عجبك كدة هيحسدونا من دلوقتي ...بس سيبك انتي انا وانتي شكلنا هنبقي صحاب ..ايه رئيك ولا اقولك انا هتجوزك ..ايه رئيك يا اسامة جوزهالي بقي واربيها علي ايدي. كلهم ضحكوا واسامة كمان : ههههههههههه.وانا موافق هات انت البامبرز بس واتوصي وانا موافق.اهو تشيل من عليا حمله ... دنيا : ههههههههههه.اه وياريت كام علبة لبن كمان ربنا يخليك احلي مهر ده صدقني. حذيفة: ههههههههههه.كدة بتتريأوا.ماشي ..وبص لچويرية .عجبك كدة ..طب عندنا فيكم هتجوزها ... فريدة: ربنا يبعتك بنت الحلال وتتجوز وتفرح قلبي بقي. حذيفة :اولا بقي بنت الحلال جات اهي جويرية حبيبتي..ثم انا مش هتجوز غير لما اخلص الكلية واظبط نفسي ..ريحي نفسك يا حاجة . اسامة : ربنا يفرحنا بيك .انت راجل مافيش زيك. حذيفة: ياعم قول يارب انا كلي ذنوب ربنا يسترنا جميعااا.يللا بقي خد عروستي ونيمها وانا هاخد الحاجة واروح وهجيلك بالليل النهاردة علشان ارجعكم البيت واياك ترجع في تاكسي.انا بقولك. اسامة ابتسم واخد منه جويرية: ربنا يخليك يا حذيفة ..ماشي هستناك...تعبناكم.. اول ما اسامة اخدها من حذيفة بدأت تبكي بصوت عالي ... دنيا: شوفته مش قولتلكم دي بنت متعبة اول ما سابها عيطت . حذيفة: ههههههههههه.لا كدة كتير هو انا هبقي الدادا بتاعتك يا هانم ولا ايه.. اسامة بيسكتها مش بتسكت فريدة كمان مش بتسكت معاها..حتي دنيا اخدتها فضلت تبكي لحد ما حذيفة شالها تاني سكتت.. حذيفة اخدها في حضنه وبصلها بحنان وهو مستغرب ليه اتعلق بيها كدة وهي اتعلقت بيه ولقاها غمضت عنيها وبتنام: لا بقي ده كدة حب من اول نظرة..حوش بنتك عني يا عم اسامة انا راجل بخاف ربنا وبنتك كدة بتغرر بيا وانا اخاف اضعف. اسامة : ههههههههههه.عندك حق دي بترسم علي تقيل من اولها كدة تنام في حضنك.. حذيفة اتنهد ونيمها في سريرها بهدوء وبص عليها بحنان: شكلك. هتتعبينا معاكي يا چويرية ..بس اعملي حسابك انتي خلاص بقيتي بتاعتي حقي انا ومش هسيبك . اسامة: بجد تعبناكم معانا حذيفة اخد والدته علشان يمشوا وعنيه عليها حاسس انها بنته هو وهتوحشه: مافيش تعب خالي بالك بقي من عروستي ياللا سلام.. ( (((الفصل الثاني))) 🌹بقلم ريحانة الجنه 🌹 مرتقريبا 6شهور كانت چويرية بتكبر كل يوم عن يوم قصاد حذيفة اتعلق بيها جدااا وهي كمان اتعلقت بيه كان ارتباط بينهم غريب وعجيب.كمان اسامة ودنيا كانوا مرتبطين بعيلة حذيفة ووالده ووالدته جداااا.كانت تقريبا العلتين يوميا مع بعض والشقتين طول اليوم كأنهم بيت واحد .مع المحافظة طبعااا علي الحرمات والاداب ..... وفي يوم حذيفة كان راجع من كليته كالعادة بسرعة ولهفة ..ورن الجرس تحسبا تكون دنيا موجودة ...بس امه اذنتله يفتح ويدخل...ودخل لقي والدته لوحدها ... حذيفة بتساؤل ولهفة: الله اومال فين چوري مش سامع صوتها هي نايمة ؟. فريدة ابتسمت: ههههههههه.لا يا شيخ دي مش هنا .مع دنيا في شقتهم ... حذيفة بخيبة امل : كنت فاكرها هنا.طب ما تجبيهالي العب معاها شوية قبل ما انزل الورشة.. فريدة بتعجب: سبحان مغير الاحوال...ده انت كنت بترجع تتكعبل علي وشك كل يوم علشان تلحق تنزل الورشة.دلوقتي عندك وقت تقعد ؟ لا وكمان تلعب مع الست چوري ..اومال دي لو بنتك كنت هتعمل ايه!. حذيفة ابتسم : مش عارف يا امي انا حبيت البنت دي بشكل غريب ..حاسس انها بنتي اختي ..حته مني ..بتوحشني جدااا...وهي كمان متعلقة بيا ولا انتي مش واخدة بالك...؟ فريدة : لا طبعااا هو انا انسي من يومين لما نامت في حضنك جوا للفجر وابوها وامها راحوا شقتهم وناموا وهي معاك حتي ما صحيتش تاكل .فضلت نايمة جنبك لحد ما انت صحيت للفجر....سبحان الله يا ابني ربك كريم اوي ..شوف انت كنت رافض ومانع تأجير الشقة دي ازاي واي حد بتمشيه وهما اول ما وصلوا انت كنت متضايق.. اهم دلوقتي بقي بقوا الاتنين اكنهم من العيلة ونسونا وماله علينا البيت ...وخصوصا لما شرفت تمر الحنة .چوري الجميلة ملت الببت صوت وضحك وعياط. ..زي ما تكون نورت البيت بجد.. حذيفة : ههههههههههه..ايوة فعلا لعل كل ده يكون خير..ربنا بيدبر الكون ده بحكمة وقدر ..فعلا اسامة ودنيا ونعم الجيران والاهل ربنا يسعدهم ويباركلهم في چوري حبيبتي ...عروستي هههههههه. فريدة: ههههههههههه...ايوة صح عروستك...عقبال ما اشوف بنتك ... حذيفة برجاء: بالله عليكي يا امي روحي هاتيها وحشتني اوي ..بسرعة بس. فريدة ضحكت : ههههههههههه.خلاص مابقتش تقدر علي بعدها ...طيب يا سيدي ادخل خد حمام كدة وانا هروح اجبها بس يارب تكون صاحية... حذيفة بتصميم: بصي صاحية نايمة تجبيها مش مهم.المهم اشوفها قبل ما انزل.. فريدة ضحكت بإستغراب من حذيفة..الشيخ حذيفة ! ازي هيتجنن عليها كدة...هو ايوة بيحب الاطفال وليه طولة بال ليهم ..بس مش للدرجة دي..جويرية علقته بيها جداااا.بيتلهف عليها اكتر من اسامة ابوها كمان ..... دخل هو ياخد حمامه وراحت فريدة جابتله جويرية وجات وخرج من حمامه ولبس لقاها قاعدة مع والدته بتلعب ...فرح بيها جدااا وابتسم براحة واخدها من امه وحضنها وباسها بهدوء من خدها ... حذيفة بسعادة: ازيك يا حبيبتي وحششتتيني ..كدة ما اشوفكيش قبل ما انزل الكلية كنتي مؤدبة الصبح ونايمة وانا نزلت من غيرك ينفع كدة ..؟!. جويرية بتبتسم ببراءة .. الاطفال سبحان الله هبة ربنا بيرزقهم بيها بيحسوا بالانسان الحنين عليهم واللي بيتلهف ليهم...وحذيفة كانت حنيته في حضنه ونظرة واحتواءه ليها ...بقي بالنسبة ليها حد قريبة اوي زي ابوها وامها ..مش بتقلق ولا تخاف منه بالعكس بتحس بالآمان معاه... حذيفة ابتسم للبراءة اللي بتشع من عنيها ..واخدها وقعد معاها هو ووالدته وفضل يلعب معاها كتيير ويضحكها لحد ما همدت من اللعب ونامت كالعادة في حضنه .... دخل اسامة ولقي جويرية نايمة في حضن حذيفة وهو بيتأمل فيها ببراءة وبيملس بنعومة وحنان علي شعرها ... قرب منهم بهدوء اسامة: ههههههههههه....خلاص الهانم دي خطفت عقلك. حذيفة: ههههههههههه.انت بتقول فيها.دي حبيبتي...سبحان الله اكنها بنتي انا بقولك ايه تاخد كام وتسيبها. اسامة: ههههههههه.لا ياشيخ من غير اي حاجة ..حلاااااال عليك انا موافق.. فريدة ابتسمت لحاال حذيفة : طيب ياللا بقي يا حبيبي .نيمها في اللسرير علشان تاخد راحتها اكتر .. حذيفة بصلها وابتسم: حاضر يا امي بس هنيمها في اوضتي ماشي ..ويارب ارجع بالليل الاقيها صاحية .. اسامة : ههههههههههه.طب ماتخدها معاك الورشة احسن اهو تسليك. حذيفة: ههههههههههه.والله فكرة بس المشكلة لو حد عاكسها هقيم عليه الحد .الا دي دي بتاعتي . فريدة: ههههههههههه.يا عيني عليكي يا چوري عمك حذيفة هيوقف حالك.. اسامة: ااااااه.كدة البت هتبور ومش هتتجوز منك.. حذيفة: ههههههههههه.لا ما انا قولتلك بقي دي عروستي..يا انا للا هنيمها وانزل ..... ********************************* في بور سعيد في منزل اعمام دنيا ... فاروق عمها الكبير: يعني ايه بقي البنت فص ملح وداب بقالها اكتر من سنة مش عارفين نوصلها هنعمل ايه ..البنت دي لازم ترجع ولازم تمضي علي التوكيل انتم فاهمين ولا لا . عصام عمها الصغير : ده انا #بس اعتر فيها .الفاجرة فضحتنا وهربت وضحكت علينا الناس .. خالد ابن عمها فاروق : والله #يبقي علي ايدي انا علشان انا اللي اتفضحت واتعرف انها هربت علشان ماتتجوزنيش مش تحمد ربنا اني بصتلها ...والاخر راحت لحتة عيل مايسواش وهربت معاه...بس يا بابا ما انت واصي عليها حاول تاخد اللي تقدر عليه لحد ما نعرف راسنا من رجلينا. فاروق بغيظ :كل حاجة واقفة مش عارف حتي اتصرف في المحلات انا كنت واصي عليها بس هي خلاص عدت السن القانوني وهتسأل عن كل حاجة . ومش هقدر ابيع حاجة....انا هتجنن واعتر فيها بنت ال...... عزة مرات فاروق: اااااه يا مين يطولني رقبتها اقطمها بسناني دول ...البت تفضحنا كلنا لا وكمان عايزة تدي شقانا وتعبنا لحتة عيل طمعان فينا ... حكمت مرات عصام : دي بت ناكرة للجميل ده احنا عملنا معاها كل خير وربنها وعلمناها ده كنت لسة عروسة لما ابوها وامها ماتوا وهي كانت حتة عيلة لا راحت ولا جات .وربينا وكبرنا وفي الاخر يجي الواد ده وياخدها بورثها علي الجاهز . فاروق جاله فون ورد: ايوة ....وبفرحة .. انت بتتكلم جد ..معقول عترت فيها...طيب بسرعة ابعتلي العنوان ....ايوة ...هاه ...تمام كدة اوي تشكر انت لحد كدة وحسابك جاهز سلام. عصام بترقب: هاه الكلام ده علي دنيا صح. حكمت : هاه قول وريحنا .. فاروق بتوعد: ايوة هي وهجبها قريب وهاخد كل حقنا اللي الواد ده طمعان فيه.. خالد بغيظ: والاهم الواد ده لازم يطلقها لازم ترجع هنا مزلولة وانا حسابي معاها لازم اخلصه واعرفها ازاي ترفضني انا وتتجوزه هو .. فاروق : خالد جهز نفسك انت وعمك هننزل القاهرة دلوقتي .. *********************************** في ورشة حذيفة .. حذيفة بيشتغل وجات علا وسلمت عليه. علا بخجل: السلام عليكم ازيك يا بشمهندس .. حذيفة بثبات وهو بيغض بصره عنها: وعليكم السلام .اهلا يا دكتورة انا بخير انتي كويسة والدكتور انور يارب كلكم بخير. علا بخجل : اااه ايوة الحمد لله .المهم انت كويس والحاج بلال وماما الحاجة كويسة . حذيفة : الحمد لله كلنا بخير . علا: ماتنساش تسلملي عليها اوي . حذيفة : ان شاء الله يوصل سلامك .الله يسلمك .. . تليفون الورشة رن . حذيفة : عن اذنك ارد علي التليفون علا بحرج: اتفضل ااانا كنت ماشية سلام عليكم. حذيفة بادب: وعليكم السلام ورحمة الله اتفضلي .. حذيفة رد : السلام عليكم...مين؟ سحر بتمثيل الانهيار والدموع : ايوة يا بشمهندس حذيفة الحقني . حذيفة سمع صوتها وعرفها واتعصب: نعم خير ..مش قولتلك تنسي هنا خالص ايه ناوية تفهمي امتي ؟!. سحر بمكر وزيف: مش وقته الكلام ده ...انا واقعة في مشكلة ..عملت حدثة واتبهدلت ولوحدي ..من فضلك ممكن تجيني انا مش عارفة اتصرف. حذيفة بتفكير: وجوزك فين ماتكلميه هو اولي مني؟!. سحر بكذب: وانا مستنياك تقولي لو كان هنا كنت كلمته.بس مسافر . حذيفة بضيق: ايوة يعني باقي العيلة فين انا مالي مش فاهم ما تكلمي اخوكي ابوكي اي حد .انا مهما كان غريب ياريت تكلمي حد من اهلك احسن. سحر بغيظ : هو ده الدين اللي بتتداري فيه ..انك تعرف ان واحدة في مصيبة وتسبها دي الرجولة يا شيخ.. علشان تعرف انك كذاب ومدعي... حذيفة بغضب: انتي مالك انتي بديني وبيا خاليكي في حالك انا.ديني اللي عاجبك هو اللي قالي ما اعرفش ست مش حلالي ولا ليا بيها شأن ولو فعلا كنتي في مشكلة انا كنت ححس .بس قلبي بيقولي انك شر واي حاجة تيجي من وراكي شر زيك ..ولو فعلا انتي عملتي حدثة ربنا معاكي احسن مني ..عن اذنك سلام .. قفل حذيفة الفون وهو بيغلي من سحر وتصميمها انها تغويه كان بيستغفر ربه بيحاول يهدي ... حذيفة: استغفر الله العظيم ايه الست دي يارب ..يارب اعصمني منها ومن كل الفتن اللي من شكلها ... مصعب دخل الورشة ولقي حذيفة متعصب ومتضايق: يا ستير مالك يا شيخ شكلك زي القطر اللي ماشي مولع ليه كدة. ؟!.. حذيفة بضيق قعد علي كرسية: مافيش ..انا كويس ..بس الدنيا مالينا فتن والشيطان قاعد لينا بالمرصاد ...الواحد كل يوم بيجاهد نفسه والمعاصي والذنوب #...الحمد لله ربنا يعفوا عنا ... مصعب عقد حاحبه: اممم هو انا مش فاهم انت تقصد ايه. بس مش مهم المهم ..اللهم امين يا شيخ ربنا يعفوا عنا ويحمينا .. بس يعني لو افهم يبقي تمام من كرمك. حذيفة اتنهد بهدوء: لا ماتشغلش بالك انت قولي راجع من الكلية لسة .؟ مصعب قعد بتعب : اااه لسة راجع وعندي مذاكرة الليلة وصايا ..ربنا يقويني بقي...بقولك صح انا نفسي تديني الوصفة بتاعتك... حذيفة عقد حاحبه بعدم فهم: وصفة ايه مش فاهم؟ مصعب بحسد حميم مش خبيث: يعني انا عايز يوم علي يومي علشان اخلص اللي ورايا ...وانت ماشاء الله اللهم بارك مش بحسدك ...بتروح الكلية وترجع الورشة وتطلع تذاكر وتنام وتصحي ويومك يبتدي وقت الفجر ... ومش بتشتكي. حذيفة ابتسم من قلبه: هههههه.كل ده ومش بتحسد يا شيخ حرام عليك ربنا يستر منك...بس بجد والله الحمد لله ربنا بيباركلي في وقتي وكل حاجة بعملها يمكن ده من رضا ابويا وامي ..وربنا بيغفرلي ويباركلي بسببهم...عارف انا لو نمت بس ٣ ساعات بيبقوا ببركة اليوم كله ... فا انا ما عنديش وصفة ليك غير انك تتقي ربك وترضي اهلك وتبرهم وربنا هيبارك ان شاء الله. مصعب ابتسم بإعجاب من صاحب عمره: سبحان الله ..انت يا حذيفة ونعم الصديق والصاحب والاخ...فعلا الواحد.لما يصاحب الطيب ينوله منه ريح طيب ونسمة خير ...والصديق الشر عياذا بالله مش بيجي من وراه غير الريح الوحشة والدنيا الضيقة والنفس الساخطة ... ربنا يباركلنا في صحبيتنا دي ونفضل اخوات العمر كله.. حذيفة ابتسم: اللهم امين ..بس ماشاء الله عليك .تحس انك واحد عاقل كدة....ماكنتش عارفك وانت بتتكلم ... ايه العقل ده يا مصعب يا اخي... مصعب بغرور: احممم.طبعا انت فاكر ايه انت بس اللي شيخ .لا انا ممكن الصبح اربي لحيتي وانافسك وافتي في قضايا المرأة واتجوز ٤.. ههههههههههه. حذيفة ضحك وهز راسه بيأس من مصعب: هههه.لا اله الا الله مافيش فايدة مش هتتغير مش ممكن تثبت عاقل دقيقتين علي بعض....سبت الدين كله ومسكت في قضايا المرأة لا وكمان تتجوز ٤ ...ربنا يهديك بطل تتريأ سبت ايه للجاهل بدينه يقوله.... مصعب ببراءة: الله وانا قولت ايه...دي امنيه يعني تخيل كدة انك تتحوز ٤ ستات واحدة بيضة وواحدة سمرا وواحدة قمحي ..امم فاضل ايه تاني في الالوان ..اممم اه ممكن شقراء كدة ...ويا سلام بقي الوان عين مختلفة وكل ليلة عند واحدة دي تبقي الجنة علي الارض يا شيخ .. حذيفة بضيق من هزاره: يا اخي ربنا يهديك بطل هزار في الجنان ده....هو انت متخيل انت الزواج بأكتر من واحدة للمتعة بس ..ايوة ممكن يكون ده سبب ومش هنقول انه حرام بس ...لازم اللي يقدم علي الخطوة دي يقدر يعدل ...العدل المعنوي والمادي لازم يكون متوفر اما القلبي ده بتاع ربنا بس بردوا ما يجيش علي واحدة علشان واحدة ولا يظلمها ويقهرها...انا شايف الجواز لاكتر من ست لازم ليه ضوابط مش بالسهولة دي لانك لو ماوعدلتش هتقابل ربك يوم الحشر بشقك مائل من ظلم زوجة ليك ...ده دنيا ودين وآخرة يا مصعب مش دنيا ومتعة وبس.. مصعب عقد حاجبه بضيق: ربنا يسامحك هدمت احلامي وطموحاتي هادم اللذات انت كدة دايما...ما تسبني احلم يا اخي هو الحلم حرام... حذيفة : لو هيغضب ربك يبقي حرام .لو هتظلم غيرك يبقي حرام لو هتظلم نفسك يبقي حرام...وانا بحبك وحقك عليا اتبهك لاي ضرر حتي لو كنت بتهزر وبتتكلم عن غيب ..يمكن في يوم تفكر تعمل كدة وتفتكر كلامي ده ويرن في ودنك وما تظلمش حد لا انت ولا غيرك.... مصعب ابتسم: مش ممكن شايل همي حتي لسنين قدام ...مش بقولك ...ربنا يخليك لاهلك وليا... قولي صحيح ايه اخبار عروستك ...البت دي حلوة حلاوة يا سبحان الله تتاكل اكل كدة انا بقطعها بوس ... حذيفة ابتسم : ههههههههههه.دي حاجة كدة جميلة بقت احلي حاجة في يومي بعد عبادتي بتحلي الوقت كدة وصحكتها بترن تسسعدني ...بس ابقي خف بقي من البوس ده علشان ما ازعلكش.دي عروستي وانا بغير... مصعب: ههههههههههه.لا كله الا كدة ..دي هي تحس انها اتولدت علشان تحرض علي البوس يالهههوي هو فيه جمال كدة...ولا عنيها جميلة ...ااااه لو كانت بس اكبر شوية كنت خطبتها واستنها والله بس يالا انا علشان استناها هعنس ... حذيفة: ههههههههههه .لا انت اتجوز انا هستناها ...ماوريش حاجة.. مصعب: قولي صح والدتك مش بتفاتحك في موضوع الجواز ..انا امي قالبة دماغي عايزاني اجوز بنت خالتي .بتقولي اخطبها دلوقتي .و اول ما اخلص الكلية اتجوزها ..وده سبب خناقتنا كل يوم والتاني.. حذيفة اتنهد بتعب: ااااااه يا مصعب ..ليه بس كدة.دي الحاجة فريدة مش بتتكلم عن حاجة غير الموضوع ده...لو عليها كانت جوزتني وانا في ثانوي...بس انا شايف انك تفكر لو فعلا بنت خالتك مناسبة ليك .اخطبها علي الاقل دي بنت خالتك وعارفها كويس.. مصعب بسخربة: مافيش حد بيعرف حد كويس كل واحد بيظهرلك اللي عايزك تشوفه وبس ...مش بسهولة تعرف حد علي حقيقته في كام مرة تشوفه ولا تكلمه.....ااجواز ده يا نعمة يا ابتلاء.... حذيفة مسح وشه بإيده واتنهد : اااااه يا اخي...ده الواحد زمان كان متخيل الجواز ده حاجة سهلة..لما كبر وفهم وعرف لقي انه اصعب من كل اللي فات ...المهم دلوقتي انا شوية وهقفل ونطلع سوا ونتعشي وبالمرة تسلم علي چوري بس من غير بوس..فاهم... مصعب : ههههههههههه.لا هبوس ده اذا ما اكلتهاش اصلا هي بت جميل وتتحب يارب تجيني بنت زيها كدة وربنا ما اجوزها .ده انا ححنطها واخليها تعنس جنبي... حذيفة: ههههههههههه..طيب استناني بقي ذاكراك كلمتين احد ما اخلص واجيلك... **************************** ****** في بيت حذيفة .. فريدة ودنيا في المطبخ.. فريدة : يا بنتي يا حبيبتي انتي كل يوم والتاني تقوليلي نفس الكلام ..وبعدين قولنا احنا بقينا اهل خلاص مافيش فرق . دنيا بخجل: والله يا ماما انا عارفة بس كل يوم يا غداء او عشاء .انا واسامة بنحس اننا بنتقل عليكم كدة ...كمان الشيخ حذيفة كدة مش هيبقي علي راحته... فريدة ابتسمت: يا دنيا .والله ولا ليكي عليا حلفان ..انتي بقيتي بنتي وحبيتك اوي واسامة كمان بقي زي حذيفة .ومالين علينا البيت والله والا بقي حبيبة ماما الحاجة جويرية يا قلبي عليها دي أكنها نورت البيت ..تصدقي اليوم اللي بتتأخري علينا فيه بنبقي كلنا هنتجنن عليها...ولا حذيفة يا نهههاري بينزل الجامعة وهو اكنه مضروب علقة علشان ما صبحش عليها ..متعلق بيها اوي...تقومي انتي عايزة تمنعي نفسك عننا ده انا ازعل منك اوي .. دنيا ابتسمت و قربت من فريدة وباستها من جبينها: ربنا يخليكم لينا ..انا لو قولتلك انا واسامة سعادتنا شكلها ايه بسببكم مش هتصدقوا ابداااا ....احنا اكن ربنا بعتنا هنا علشان يبقي لينا عيلة بدل اللي اتحرمنا منها ... فريدة ابتسمت: شوفتي بقي ربنا بيعوض كل واحد باللي ناقصة.ياللا بقي نجهز العشاء علشان خلاص كلهم علي وصول وكمان الواد مصعب صاحب حذيفة طالع معاه..وهنتعشا كلنا سوا ياللا ايدك معايا.. دنيا : حاضر يا ماما خلاص تقريبا خلصت كل حاجة هجهز الاكل برا... وبعد وقت مش طويل الكل اتجمع والاكل جهز وبدأوا يتعشوا وطبعااا وكالعادة جويرية مكانها مع حذيفة مقعدها في حضنه ..مش راضي ياكل من غيرها..... اسامة : يا شيخ حذيفة هاتها بالله عليك انا مش بحس انك بتاكل كويس بسببها.. حذيفة ابتسم وباس جويرية من خدها: لا مش هتاخدها هي هتقعد جنبي ناكل سوا .اصلا مش بحس بطعم الاكل غيىر وهي جنبي .خاليكم في حالكم. مصعب : ههههههههههه....طب والله دي تفتح النفس للأكل ..وبص لچويرية ولا عبها... بذمتك مش انتي احلي من فاتح الشهية ...بس انتي المفروض نحلي بيكي بعد الاكل... حذيفة : مصعب اكلك خلص قوم روح...انت هتاكل البت كمان ..روح الله لا يسيأك ... الحاج بلال : ههههههههههه..ااااه منك يا چويرية خطفتي الشيخ بنفسه كدة...سبحان الله ... حذيفة: الله يا جماعة سبوني اشبع منها .كلها كام سنة وتكبر وتتحرم عليا ولا هعرف اكلمها ولا اشوفها سبوني بقي اخد حقي ..دي يوم ولادتها اخرت صلاة الصبح بسببها دي هتفضل تسدد الفاتورة دي سنين.. كلهم ضحكووا وفجأة سمعوا صوت خبط علي الباب بقوة غريبة تخض.. الحاج بلال بتعجب: بسم الله مين بيخلط بالشكل ده .. حذيفة قام واخد جويرية يفتح : مش عارف بس دي قلة زوق في حاجة اسمها آداب استأذان .... حذيفة فتح لقي ٢ رجالة كبار ومعاهم شاب من سنه ... حذيفة بتسأؤل: خير مين حضراتكم وازاي تخبطوا بالشكل ده... فاروق بص جوا الشقة وشاف دنيا واسامة : انا جاي اخد بنت اخويا دنيا. اسامة بصدمة : عمي ؟؟؟!!!!! خلصت الحلقة وبجد نزلت بس علشان الناس اللي منتظراها بس انا ماكنتش هنزلها بسبب اللي حصل ...لكن كان صعب اتاخر عليكم اكتر من كدة.. #ريحانة الجنة ((((الفصل الثالث))))) 🌹بقلم ريحانة الجنه🌹 الصدمة لسة مسيطرة علي الجميع سواء دنيا واسامة وعيلة حذيفة اللي طبعااا عارفين الحكاية كلها .او أعمام دنيا وخصوصا وخالد ابن عمها. حذيفة بشكل طلقائي وفطري لما عرف ان دول اعمام دنيا لقي ايده بتضم چويرية بقوة اكنه خايف لتبعد عنه ..بس الغالب عليه الغضب اتجاههم .. حذيفة بثبات: اهلا وسهلا اتفضلوا ..بس ياريتها تكون زيارة لبنت اخوكم مش اكتر من كدة. عصام عم دنيا: انت تبقي مين اصلا .ويخصك ايه اذا كانت زيارة ولا لا . اسامة بتماسك وقوة قرب منهم : علي فكرة هو يخصوا الشيخ حذيفة زي اخويا تمام ومافيش حاجة عندنا نخبيها...واتمني زي ما قالكم تكون زيارتكم دي بريئة لبنت اخوكم.وعموما أهلا وسهلا بيكم بيتنا موجود هنا شرفتونا ... فاروق بعصبية مسك اسامة من هدومه بغيظ: انت ياللا انت هتسوق الهبل ولا ايه ...انت تفضحنا وتخلي بنتنا تهرب وتتجوزك وتقول زيارة بريئة.ده انا هشرب من دمك. الحاج بلال تدخل يفك التشابك ده : يا جمااعة استهدوا بالله .مش كدة ده انتم اهل وبينكم نسب ......اتفضلوا يا جماعة نقعد ونتكلم بهدوء وبالمعروف ..... عصام بعصبية: لا في هدوء ولا معروف ..احنا جاين ناخد بنت اخونا ونمشي والواد النصاب ده هيطلقها دلوقتي حالا .. حذيفة بيحاول يتملك غضبه لانه بيخاف يغلط او يسئ لالتزامه بأي تصرف ..اخد چويرية واداها لامه بهدوء وقرب من عصام بثقة وعقل. حذيفة بثقة: اولا من وقت ما دخلتم وانتم بتغلطوا وتهددوا ..وكلنا بنطلب منكم بالادب والعقل نقعد ونتكلم وانتم مصممين تفضلوا تغلطوا بشكل مستفز.. فما فيش غير حل من اتنين...يا ايما نقعد زي اي ناس خلقها ربنا محترمة ...يا ايما تتفضلوا تاخدوا بعضكم كدة وبالسلامة .ومالكوش عندنا حاجة..دي واحدة بالغة واتجوزت بولي مأاجرمتش..وهي حاليا في عصمة راجل هو الوحيد اللي له حكم وكلمة عليها...يعني لو الدنيا اتهدت مدام دنيا مش هتتحرك خطوة واحدة من هنا....هاه تتفضلوا تقعدوا ولا نقول شرفتونا الشوية دول. خالد بعصبية قرب من حذيفة ومد ايده يزقه بقوة .بس قبل ما يعمل ده لقي ايد حذيفة ضغطت علي ايده بقوة وهو غضبان: ايدك جنبك علشان انا بحاول اكون هادي معاكم بس انت كدة هتخليني اتعامل معاك بإسلوب مش هيعجبك... عصام بغيظ: هو فيه ايه انتم بتهددونا ولا ايه ..احنا في ثانية ممكن نخليها دم ومش هتفرق معانا حاجة.. مصعب قرب من عصام وبغرور: لو فاكر اننا هنخاف من الكلام ده تبقي غلطان انت هنا في منطقة رجالة مش خرفان ومافيش واحد مننا هيسبكم تخرجوا من هنا بيها ولا تاذوها هي ولا اسامة ..دول مش لوحدهم المنطقة كلها معانا ومش هتعرفوا تعملوا حاجة.. ولو حابين تجربوا جربوا .ونشوف الدم هيسيل من مين فينا بالظبط . فاروق بص لعصام وخالد اكنه بيقولهم اهدوا ..ورجع بص لدنيا بغيظ وتوعد ..ونده عليها ..ايه مش ناوية تيجي تسلمي علي عمامك ولا ايه.. هتفضلي واقفة بعيد كدة ؟! دنيا بصت لأسامة برعب وهي بتبكي وخايفة واسامة هز راسه يطمنها ..قربت من عمها ووقفت قصاده بخوف.... فاروق بغيظ منها : انا عايز اقولك اني اقدر اخادك دلوقتي ولو فيها دبحك بس مادمتي خرجتي عن طوعنا تبقي ما تلزميناش ..انا اللي يلزمني ان تعبنا وشقانا ومالنا مايروحش للغريب ولا للطمعان ده . دنيا بتردد ودموع: لا يا عميى..ااااسامة مش طمعان ولا عمره كان غريب ده اقرب ليا من نفسي ...الله يخليك يا عمي سبنا في حالنا كمان احنا دلوقتي مابقناش لوحدنا..اااحنا ربنا رزقنا بچويرية ..... فاروق بدهشة بص علي چويرية بغصب : هي دي بنتك !؟... دنيا هزت راسها بخوف : ااايوة دي چويرية بنتنا .. خالد بغيظ : قرب من دنيا ومسكها من ايديها بعصبية: انتي كمان خلفتي منه طب هيطلقك غصب عنه وعنك. بس قبل ما اسامة يتحرك لقي لكمة قوية من حذيفة لخالد وقعته في الارض. حذيفة بغضب : انت بني آدم مش محترم ولا عندك اخلاق .علشان تمد ايدك علي واحدة ماتحلش ليك وكمان متجوزة ..لو فكرت تمد ايدك عليها تاني ماحدش هيسكتلك واحنا قبل جوزها انت فاهم. خالد قام بسرعة ولسة هيقرب من حذيفة مصعب وقف قصاده ... مصعب بعصبية: وبعدين معاكم بقي انتم جاين ناوين شر ولا ايه ....قسما بالله انا بس لو بصيت من الشباك ده هي كلمة واحدة بس وهتلاقي البيت ده ملغم رجالة تخرجكم من هنا علي ظهركم وسايحين في دمكم .. أسامة بغل و هو حاضن دنيا وهي خايفة وبتعيط: من الاخر كدة انتم عايزين ايه ؟! فاروق بتصميم: دنيا تمضي علي التنازل وتغور بيها .... أسامة بص لدنيا بثبات ودنيا بتبصله برجاء ما يضيعش حقها وحق ابوها وتعبه وبقوة رد علي فاروق: انا لما حبيت دنيا و اتجوزتها عمري ما فكرت في فلوس ولا املاك .وربنا يعلم انها لو عندها مال الدنيا عمر عنيا ما هتشوفه ولا ايدي هتتمد عليه .وانا لو عليا اخليها تتنازل هي وبنتي عندي بالدنيا ومالها . بس عمري ما هغصبها زي ماوانتم غصبتوها ..هي مش عايزة تتنازل عن حقها ومال ابوها وانا جنبها ومش هسيبها وهقف جنبها قصاد اي حد مهما كان ...ومن بكرة هشوف محامي يخلص كل اجراءات ورثها ومراتي هتاخد حقها منكم برضاكم او غصب عنكم ...وده اخر كلام عندي ..وشرفتونا اوي وكفاية بقي سيبونا في حالنا.... حذيفة كان فرحان من موقف اسامة ومواجهته ليهم وانه بيدافع عن مراته بكل قوة بص لاعمامها وخالد بقوة وغرور: اظن الكلام واضح والرسالة وصلت شرفتونا .. فاروق بص لعصام وخالد بصدمة من رد اسامة وموقفه وحس انه مستقوي بوجوده وسط عيلة حذيفة ... فاروق قرب من اسامة ودنيا وبتوعد وشر : ورحمة اخويا وابوكي لحرق قلبك عليه ..وهرجعك تعيشي تحت رجلينا وهربيكي من اول وجديد علشان ابوكي وانا معرفناش نربيكي ..وهتشوفي يا بنت اخويا..ياللااااا بينا يا عصام .. خرجوا وخذيفة قفل الباب وبصلهم لقي دنيا منهارة وخايفة واسامة كمان واضح عليه الخوف والرعب بس بيتماسك ويمثل الثبات والقوة قصادهم وخصوصا دنيا...وشاف جويرية في حضن امه قرب واخدها منها وحضنها جواه احساس بالقلق من انها تبعد عنه او تتأذي هي او اسامة ودنيا .. فريدة قربت من دنيا وبحنان: بس يا بنتي ما تخفيش كلنا اهلك وهما مش هيقدروا يعملوا حاجة ابدااا. انتم مش لحدكم .. دنيا حضنتها وعيطت وبدموع ورجاء وقلب مقبوض: بالله عليكي يا ماما الحاجة لو جرالي حاجة خدي بالك من چويرية اوعي تخليهم ياخدوها ...بنتي هتتبهدل وتشوف امر من اللي انا شوفته علي ايديهم. .. فريدة بقلق وعتاب: اخس عليكي ليه بتقولي كدة ..هزعل منك ربنا كبير وهما مش ممكن ياذوكي ابدااا الدم يابنتي عمره مايهون للدرجة دي .. اسامة اخد حذيفة بعيد عنهم وبهدوء: حذيفة انت برغم انك اصغر مني بس انا بحسك اخويا الكبير وبثق فيك وفي دينك وعقلك ...انا مش عارف ربنا كتبلي ايه.بس لو ليا نصيب في اي حاجة انا راضي..بس دنيا وجويرية آمانة عندك .عارف اني كدة ممكن اكون بحرجك.او بعملك مشكلة ..وانك مالكش ذنب في كل اللي احنا فيه...بس هتصدقني لو قولتلك عمري ما هاتمن مخلوق عليهم غيرك...توعدني .. حذيفة بص لچويرية وزاد خوفه ومسؤليته ناحيتها واتنهد وهز راسه: اوعدك ..بس قبل ما تودعني اهلك ..استودعهم عند ربنا هو ربنا كلنا وهو اللي بإيده يحفظنا ويضرنا...ادعي ربك واستودعه زوجتك وبنتك .وربنا حفيظ ولازم تعرف ان كل شئ بيحصلنا بقدر..حياة وموت ..جواز وخلفة.... مال ورزق ...كل شئ ...ربنا يحفظك ليهم ويحفظهم ليك...وماتقلقش توكل علي ربنا ثم اعتمد عليا وعلينا كلنا احنا ممكن ما نكنش اهل ودم واحد بس احنا بقينا اقرب من الدم كمان وانت اخي بجد ومدام دنيا زوجة اخي وابتسم وچوري حبيبتي اعتبرها بنتي زي ما هي بنتك مش ممكن اخلي حد ياذيها ..اتطمن .. *********************************** مر تقريبا شهرين في هدوء اعمام دنيا بعيد واسامة ودنيا مش عارفين هما بيدبروا لإيه ولا ناوين علي ايه ...بس كانوا بيحاولوا يطمنوا نفسهم انهم نسيوهم وسلموا بالامر الواقع.....وفعلا اسامة طلب من محامي يتابع ورث دنيا ويخلصه علشان تاخد حقها...وخلال الفترة دي كانت القضية بدأت وبدأت الاجراءات الرسمية لمراجعة اعمامها ومراجعة الحسبات من وقت ما استلم فاروق عمها الوصاية عليها ...وبدأت تظهر كل حاجة...وقتها هما قررروا انهم مش هينفع يضحوا بكل ده فجأة كدة وان لازم ينفذوا اللي هما بيجهزوا ليه .. عصام بعصبية: عجبك كدة فضلت تقولي نستني نستني ...اهو كل حاجة بتروح من ايدينا ..لا وكمان هنتحاسب عن كل جنيه دخل وخرج...انت مستني ايه انا مش فاهم ..!؟. فاروق بخبث: كنت مستني الوقت المناسب ...ماهو علشان انفذ اللي اتفقنا عليه ..لازم يكونوا الاتنين مع بعض وبعيد عن البييت والمنطقة كلها.واحنا لازم نبقي بعيد تماما وكمان نكون ماشين في اجراءات تسليم الورث رسمي علشان يوم ما ينجبهم هنا ماحدش يشك فينا ونبقي بعيد عن الشبهة وكمان يوم ماحد منهم يشتكي كل ده هيكون في صالحنا لاننا لو لينا نية نهددها ماكناش مشينا في اجراءات الورث وسايبن المحاسبين يقلبوا في الحسابات وفي حقها بالعقل كدة....فهمت ... خالد بتفكير: طيب يا بابا ماهي لما تسلم ورثها لينا وتتنازل هننكشف. ... فاروق بمكر: ومين قالك هتسلم وتمشي..دي هتتعذب وهي بتشوف جوزها الطمعان ده بيموت قصاد عنيها ..وغصب عنه هيطلق وهي هتتحبس هنا لحد عدتها ماتخلص وانت هتكتب عليها ..وبعدها كله هيبقي بينا مش برانا....الصبر انتم بس وكل حاجة هترجع في ايدينا..انا مرتب كل حاجة .. ************************************ في بيت اسامة ودنيا خارجين من شقتهم ونازلين وقابلوا حذيفة .. حذيفة ابتسم : السلام عليكم ..ازيك يا اسامة..واخد حبيبتي ورايح فين مش تستني لما تستأذن مني .. اسامة ودنيا ضحكوا : ههههههههههه. اسامة :عندك حق مش تستاذني منه يا هانم. حذيفة اخدها من اسامة وهي اتعلقت بيه وضحكت وهو حضنها: انتي تعملي حسابك ماعنديش بنات تخرج وتتأخر ترجعي بدري فاهمة... چويرية ضحكت ببراءة وحذيفة باسها من خدها: ياللا روحي بقي ماتأخريش بابا وماما ... أسامة اخدها منه ونزل خطوتين ونده لحذيفة ..: حذيفة .. حذيفة لفله قبل ما يدخل شقته بإهتمام : نعم يا أسامة. أسامة ابتسم بهدوء: اوعي تنسي الامانة اللي انتهالك فاكرها..؟! حذيفة قلبه انقبض وبتساؤل: ايوة فاكر ...ليه بتقول كدة دلوقتي ..! اسامة ابتسم بخوف مداري : مافيش بس بفكرك....ياللا سلام عليكم .. حذيفة اتنهد بقلق: وعليكم السلام ورحمة الله..ربنا يحفظكم ... دنيا بهمس وفضول: خير آمانة ايه دي !؟. ادأسامة باسها من جبينها وابتسم: مافيش حبيبتي ..ماتشغليش بالك انتي ..ياللا بينا علشان نلحق نشتري لبس الكتوكوتة دي ...وكمان هنجيب حاجة لحبيبتي ... دنيا ابتسمت برضا: بس حبيبتك مش عايزة حاجة عندي كتير ..كفاية هنجيب لچوري. أسامة بحنان: تؤتؤتؤ حبيبتي قبل چوري .. دنيا اتنهدت بحب: بس حبيبي بجد كفاية كدة...انا اصلا متأنبة اني حملتك فلوس المحامي .وانا عارفة الظروف.. أسامة حاوطها بإيده بحنان وباسها من جبينها : حبيبتي مافيش حمل ولا حاجة.كمان انا عملت سلفة من شغلي علشان اتعاب المحامي...ماتشليش هم. دنيا بصتله بحب الدنيا ..قد ايه حبها واتحمل علشانها ..قد ايه بيحرم نفسه علشان يشوف بس البسمة مرسومة علي ملامحها: انا بحبك اوي اوي يا اسامة... اسامة ابتسم: وانا كمان بحبك وماعنديش اغلي منك ولا من چوري انتم عليتي واهلي ربنا يحميكم ليا ... دنيا جواها قلق علي اسامة وچوري ومش عارفة ده سببه ايه...مشيت معاه وفعلا راحوا يجيبوا لبس لدنيا وچوري وهما راجعين ومبسوطين الشارع كان هادي والوقت اتأخر .اتفاجاوا بعربية كبيرة وقفت وتزل منها اشخاص ملثمين وشهم وملامحهم مخفية وكتفوهم ودخلوهم العربية ....طبعااا كان المخدر انسب حل علشان الثلاثة ماحدش يسمع صوتهم ..وبعد ما وصلت العربية للمكان اللي هي قصداه كان بور سعيد .في بيت قديم مهجور علي البحر يخص اعمام دنيا ...فاق أسامة ودنيا علي صريخ چويرية وعياطها وهي في ايد فاروق ... دنيا بدموع ورعب: عمي ؟ ...عمي ابوس ايدك بنتي لا بنتي لا ربنا يخليك.. فاروق ابتسم بشر: دلوقتي بتترجيني وخايفة عليها ..مش كان قلبك قوي ومستقوية بالحرامي اللي جاي يقش مالنا. مش كنتي رافعة قضية علي عمك وعايزة تدخليه المحاكم...مش ده جوزك اللي فضلتيه علينا...اهو داوقتي قصادك هو وبنتك وهتشوفيهم بيموتوا قصاد عنيكي ..علشان تبقي تعرفي تقفي قصادي تاني وتتحتمي في الغرب. اسامة متكتف ومكتوم انفاسه مش عارف ينطق ولا يتكلم....وبيموت وهو كدة ومش عارف يحمي مراته وبنته دموعه نزلت وعنيه في عنيها بيعتذرلها عن شئ فوق طاقته واحتماله ... دنيا كانت بتبكي بحرقة ورعب وبرجاء: طب انا اسفة حقك عليا اطلب اللي يعجبك بس سيب اسامة وچويرية وحياتي وحياة كل يوم عشت فيه في بيتك ما تأذيهم.اااانا هتننازل ..هههتنازل عن كل حاجة بس سيبنا في حالنا الله يخليك. فاروق بخبث ماكر : لا خلاص مابقاش ينفع الكلام ده. دلوقتي انتي وهو مافيش قصادكم حل غير حل واحد بس ... دنيا واسامة بصوا لبعض بترقب.ودنيا سألته : حل ايه يا عمي ده ..؟! فاروق : اسامة يطلقك وحالا وعلي يد مأذون ...وهيفضل هنا قصادنا لحد العدة ما تخلص وتتجوزي خالد .وبعدها هنسيبه..يمشي..غير كدة.هيموت بالبطئ كل يوم هنا قصادك... دنيا بكت اكتر من قسوة الدنيا عليها....من مرار الايام ....من ضعفها وقلة حيلتها ...من كسرة زوجها قصادها وهو بيطلب منه يتخلي عن مراته لراجل غريب.....بكت بقهرة قلب وروح علي دموع زوجها اللي بتنزل بوجع عليها وعلي نفسه... فاروق بضيق: هاه هتخليه يطلقك ولا اموتلك بنتك دي وهو وراها.. دنيا صرخت بخوف لانه مش بيهدد بس اللي زيه الشيطان عماه وخلال يستحل حق مش حقه بالاستماتة دي يخليه يعمل اي شئ وهو مغيب مش شايف غير الفلوس وبس.. دنيا بخوف: لا لا حرام عليك ذنبها ايه دي في كل ده... فاروق شاور لخالد يفك انفاس أسامة وفكه واسامه نطق بجنون بعلو صوته.. أسامة : انت راجل مفتري وظالم وربنا هينتقم منك اشد انتقام ...انت عايزني اسيب مراتي لإبنك ده بعدك مستحيل اطلقها مستحيل...ولو فيها موتي... چويرية بتصرخ من الصوت والصريخ والخوف من اشخاص غريبة عنها وامها اللي شايفاها بس بعيدة مش في حضنها طفلة بريئة مش عارفة ولا فاهمة اي شئ بيجري حاوليها .... فاروق : ههههههههههه.ايه الرجولة وقوة القلب دي طيب انا وانت وهتشوف ان ما كنت تطلقها غصب عنك ما ابقاش المعلم فاروق .خالد فك البت دي تاخد بنتها تسكتها خوتتلي دماغي .. خالد فك دنيا وهي قامت تجري علي چويرية وحضنتها بقوة ودموع . عصام بشر: اظن بقي تسبهولي افش غلي منه ..والينله دماغه دي علشان يطلق ونخلص...... فاروق قعد باشفي: وماله نلينله دماغه فش غلك وغلي بقي.... وبدأ عصام يضرب أسامة بغل وكره وغيظ....واسامة متكتف مش عارف حتي يدافع عن نفسه ولا يرد ضربة واحدة من ضربات عصام .وعصام كان بيضربه ضرب #ضرب انتقام .. كل ده وسط صريخ دنيا وچويرية ..ورجاءها انهم يرحموه ويرحموها معاه هي كل ضربة ليه بترد في قلبها هي ...بتوجعها هي... بتموتها هي ..... فاروق بضيق: يوووووه خاااالد.خد الزفتة دي ارميها جوا هي وبنتها لحد ما نشوف اخرتها ايه مع الزفت ده كمان ... خالد اخد دنيا بالغصب ودخلها اوضة وقفل عليها بس سامعة صوت الضرب وصريخ اسامة بيمزعها #كل ذرة تماسك واحساس فيها... عصام تعب من ضربه وأسامة كانت حالته صعبة وبيموت .....خالد متغلظ منه وعايز يشغي غليله هو كمان ... خالد بغيظ: انا كمان عايز اربيه واعرفه انه اخد حاجة بتاعتي انا ..غصب عني بس مش انا اللي يسيب حقه ...وبدأ خالد يضرب اسامة بغل وجنون...وعصبية.. خالد: طلقها ....انطق وطلق احسنلك... أسامة روحه بتتسحب: مش هطلقها ...موتني احسن... خالد استفز من تصميمه وعنده فضل يضرب فيه بغيظ اكبر وغل اققوي وجنون رهيب...لحد ما أسامة انفاسه وقفت ودقات قلبه سكتت..خالد انصدم وبعد خالد: بابا ده مات .. فاروق بصدمة: ايه !؟..مات ..يا دي المصيبة ... دنيا لقت صوتهم سكت ومافيش اي صوت ..قربت من للباب وسمعت لقت عصام بيزعق لخالد عصام: الله يخربيتك ياوغشيم .قالته ..هنعمل ايه دلوقتي في المصيبة دي ..دي مات ..مات عارف يعتي ايه ...مااات. دنيا وقعت علي الارض بصدمة ودموع مالهاش آخر ...بضياع اخر امل واخر حاجة حلوة في دنيتها ...بكت بحرقة وجنون وعدم استيعااب...وصرخت بكل صوتها وقلبها وروح بتموت بالحيا.... دنيا: ااااااااااه .لا ..لا ...اسامة لا ...ليييية #ليييه. ليييية .اسامة رد عليا... رد وقولي انك عايش رد علشان خاطري...رد ..رد ..... انتهت الحلقة ..وعارفة انها مؤلمة بس الواقع فيه امر من كدة كتيير . ياتري ايه جاي ونستخبي ؟! ياتري دنيا هتعمل ايه!؟ ياتري حذيفة هيكون دوره ايه في اللي جاي !؟ رئيكم وتوقعاتكم .اشوفكم الحلقة اللي جاية #ريحانة الجنه 🌹 (((((الفصل الرابع))))) 🌹بقلم ريحانة الجنه🌹 حذيفة صلي الصبح في المسجد ورجع وهو لسة مقبوض وقلقان من تأخير اسامة ودنيا وچويرية ...حاسس ان في حاجة سيئة حصلت وفضل يستعيذ من الشيطان ومن الظنون السيئة ... حذيفة قاعد مهموم: استغفر الله ..يارب سلم ..هما اتاخروا ليه كدة ..معقول ده تأخير طبيعي .... فريدة خلصت صلاة وشافت حذيفة قلقان وهي كمان قلقانة من تأخيرهم قربت منه تطمنه: مالك يا حبيبي ..قلقان من تأخيرهم مش كدة ... حذيفة اتنهد: ربنا يستر يا أمي ...تأخيرهم مش طبيعي ...اسامة كمان قابضني وهو خارج... فريدة بإستفتهام: لا اله الا الله ..ليه كدة ماله اسامة بس .. حذيفة مسح وشه بتعب: مش عارف يا أمي ...وهو نازل مع دنيا وچوري ... أكد عليا وصيته وآمانته بشكل يقلق ويقبض ...وتأخيرهم ده مش مريحني... فريدة عقدت حاحبها : هو اسامة كان موصيك علي دنيا وچوري امتي ده ؟! حذيفة اتنهد : فاكرة يوم ما اعمام دنيا جم هنا وحصلت المشكلة .....بعد ما مشيوا هو أمني وقالي انه لو جراله حاجة دنيا وچويرية وصيتي وامانة عندي وما اخليش اعمامها يأذوها....وامبارح بالليل وهما خرجين اكد عليا وزي ما يكون ......وغمض حذيفة عنيه بضيق .... فريدة بقلق: زي ما يكون ايه يا ابني..! حذيفة بحزن: اكنه بيودعني ....ربنا يكدب ظني واحساسي ده....أسامة ده يجد انا خلاص اعتبرته اخويا زي مصعب ...مش مجرد جار وخلاص... فريدة دمعت : ودنيا كمان دي ....دي جاتني عوضتني عن عن البنت اللي اتمنيتها تتولد من بطني بس مش رايد...وهي انا حبتها اوي ....وحاسة ان چوري دي حفيتي ...ودعت بخوف...يارب ..يارب رجعهم بالسلامة ...يارب... حذيفة قام وقعد جنب امه وباس ايديها : طب بطلي عياط ...ان شاء الله خير.. فريدة بدموع: تفتكر اهلها ممكن يأذوهم ...ربنا مش هينصر الظلم صح ....طمني يا ابني ... حذيفة اتنهد: بصي يا أمي ....مش معني ان الظالم والظلم ينتصر علي الخير ان ده رضي من ربنا عليه لا ...اي حد بيأذي حد بيأءيه بإذن من ربنا ربنا يعلم كل شئ قبل ما يحصل ولو ماحصلش لو كان حصل كان هيجري ايه......ربنا بيمهل الظالم حتي اذا اخذه. اخذه عزيز مقتدر.... يعني ربنا مش بينصر الشر ابدااا بس حكم ربنا احنا ما نعامهاش...احنا مش في ايدينا غير ناخد بالاسباب باللي نقدر عليه وكمان ندعي ...الدعاء والقدر يتعارچان حتي يوم القيامة ... ..قولي يارب ..ان شاء الله خير.... فريدة برجاء: يارب ..يارب ينجيهم ...دول كام ساعة بس وجعوا قلبي عليهم.... ***************************************** في بور سعيد ... دنيا قاعدة في الارض مقهورة وبتبكي بحرقة وچويرية نايمة علي الارض جنبها من التعب والعياط والخوف من صريخ دنيا .... دنيا بوجع : حرقوا قلبي عليك....#ليه ..ليه .....ياريتك كنت طلقتني ...ياريتك ....بس كنت تعيش.....قولي انت اعيش ازاي من بعدك قولي ....ااااه ياربي ...ياربي انت ليه غضبان عليا كدة.هو انا زمان اتحرم من امي وابويا يموتوا واتيتم واعيش في مرار سنين...ويوم الدنيا تضحكلي وتبعتلي اسامة...تاخده مني ليييه...طب ..طب انا اعيش ازاي ..يارب خدني ...خدني عنده وريحني ....انا مش هتحمل اعيش مع غيره...مش هتحمل يلمسني غيره.....مش هتحمل....يارب ...يارب خدني بقي عنده...خدني..... فجأة سمعتهم بيتكلموا انهم هياخدوا اسامة ويرموه علي الطريق .. فاروق : اسمعوا ..احنا هناخده ونرميه علي الطريق السريع ...وهيتقال انه حد طلع عليه علشان يسرقوا ولا حاجة اتخانقوا ضربوه ومات هتتفهم كدة.. عصام بخوف: والزفته اللي جواه دي هنعمل معاها ايه .افرض قالت حاجة ..هنروح في داهية كلنا ..دي جريمة #..عارف يعني ايه #... فاروق بعصبية: يووووه.ايوة متهبب عارف وعلشان كدة هي مش هتقدر تنطق هنهددها ببنتها لو فكرت تتكلم وتقول اننا لينا علاقة بيه ولا بموته بنتها هتحصله.... خالد بخوف: طب هي هنعمل فيها ايه ... فاروق : هنرميه الاول ونرجع ناخدها البيت ونبعد كدة نبلغ انها كانت معاه. وجاين عندنا وطلع عليهم ناس وضربوه وهي قدرت تهرب وجاتلنا ...وبس... عصام برعب: طيب ..ياللا يا خالد بسرعة شيل معايا قبل ما الرجل تزيد وحد يشوفنا الشمس طلعت ... وبدأ خالد وعصام يشيلوا اسامة وخرجوا ومعاهم فاروق ودنيا سمعت صوت العربية ....قامت وفتحت الشباك وشافتهم مشيوا..بصت لتحت لقت المسافرة مش بعيده اوي من الارض. بس كمان قريبة ...بصت علي چويرية وبكت ... دنيا: لازم اخدك ونهرب مش هقأدر اسيبك ليهم ولا انا هقدر ارجعلهم .ولا يمكن حد يحل محل ابوكي ابدااا ويبقي جوزي ... وقفت دنيا ونطت تحت بس كانت المسافة كبيرة شوية ...وقعت ورجلها اتلوت وانجرحت وصرخت بوجع في كل مكان ..قلب ..وروح...وجسم...وكل مكان بينزف قهرة ..وآلم ..وفراق....اتحاملت علي نفسها ...وجابت حجارة وحطيتها فوق بعض وطلعت تاني علشان تجيب چوري وتنزل...خافت تنط بيها اول مرة تأذيها ..فضلت تتأذي هي بدالها...وفعلا اخدوها ونطت ومشيت بصعوبة والم ...بتتوجع وتبكي ...وهي ماشية تايهة ومهمومة من هموم وحزن يكفي بلاااد .. لقت عربية قصادها فوجأت بيها وخبطتها .ووقعت ..نزل صاحبها ...يشوفها خايف تكون جرالها حاجة...لقاها بتنزف وچوري بتبكي... صاحب العربية بخوف: انتي يا ست .ردي عليا الله يخليكي ...يا ربي انتي طلعتيلي منين بس....انتي يا ست ..ردي ... دنيا مش بترد وغابت عن وعيها ..اخدها هي وچويرية علي المستشفي ...وهناك اسعفوها بس حالتها حرجة يادوب فاقت .. الدكتور : حمد لله علي سلامتك ... دنيا بضياع: هو انا فين ...وبرعب..بنتي..بنتي فين .. الدكتور بتحذير: من فضلك اهدي ..انتي حالتك حرجة اوي...بنتك برا مع الشخص اللي خطبك علي فكرة هو هيتعمله محضر ..ومنتظرين اقوالك... دنيا ببكاء: مالوش لازمة المحضر..انا اللي غلطانة ..المهم بنتي ..عايزها.. الدكتور : طب انا هسمحلك تشوفيها وكمان تقولي للشخص ده انك متنازلة عن المحضر.. دخل صاحب العربية ومعاه چويرية ودنيا متجبسة مش عارفة تشيلها بكت اكتر .. صاحب العربية : والله انا فوجأت بيكي ... ما كنش قصدي اخبطك ولا ااذيكي...ااانا هتكفل بكل مصارف علاجك هنا....بس مش عارف اكلم اهلك او حد من طرفك ... دنيا ببكاء: انا مسمحاك وهتنازل عن المحضر..بس...بس ممكن اطلب منك طلب ... صاحب العربية :اؤمري تحت امرك... دنيا بتعب: همليك رقم تليفون تتصل تسأل عن الشيخ حذيفة وتقوله اني في المستشفي وتنبه عليه مايبلغش اي حد من طرفي هو هيفهم.وتديله عنوان المستشفي هنا..وتقوله يجي بسرعة ...من فضلك ممكن .. صاحب العربية: طبعااا ممكن قولي الرقم... دنيا بإجهاد : ..الرقم .....وكمان رقم تاني بتاع الورشة ......اي حد يرد عليك اسأل عن الشيخ حذيفة...بسرعة الله يخليك.. صاحب العربية: حاضر..حاضر هروح اهو اتصل بيه. دنيا بحزن: طب هات چوري.. صاحب العربية: بس انتي مش هتعرفي تشيليها ...حالتك ماوتسمحش..خاليها معايا لحد قريبك ما يوصل ما تقلقيش عليها انا هاخد بالي منها . خرج صاحب العرببة واتصل بحذيفة فعلا ..وحذيفة كان بيجهز نفسه علشان يروح الكلية ..ساب كل حاجة ونزل بجنون علشان يسافر لدنيا وهو بيركب عربيته قابل مصعب ..مصعب شافه مستعجل وعصبي قرب منه .. مصعب بقلق: خير يا حذيفة مالك علي الصبح شكلك كدة..الحاج او الحاجة فيهم حاجة!؟ حذيفة بيركب عرببته بخوف وعصبية: مصعب انا مستعجل بعدين الله يرضي عليك ههحكيلك. ابعد دلوقتي مصعب بتصميم وقلق زايد: مش هسيبك الا لما اعرف مالك والسبب في حالتك دي... حذيفة بضيق: يا الله..مصعب دنيا واسامة تقريبا عملوا حدثة وحد كلمني اروحلهم المستشفي .. وانا لازم امشي حالا.. مصعب لف بسرعة وركب معاه: طب اطلع انا جاي معاك ... حذيفة بتعجب: وكليتك .؟! لا روح انت وانا هبقي اطمنك... مصعب بتصميم: قولتلك اطلع ياللا بسرعة انت رايح مكان مش عارف انت رايح لمين...ويمكن يكون ده فخ ولا حاجة ماحدش يأمن لحد في الزمن ده ...انت ناسي اهل دنيا ..وانت محاميلهم وهما ممكن ياذوك...انا معاك مش هسيبك ..واطلع بقي وبطل رغي نكمل كلام في الطريق... حذيفة برغم قلقه علي اسامة ودنيا وچويرية الا انه اتنهد براحة من كرم ربنا ليه انه في حياته صاحب وصديق واخ زي مصعب يكون جنبه من غير ما يطلبه يشوف اللي هو مش شايفه في لحظة خطر ....ويخاف عليه .. سافر حذيفة ومصعب لدنيا ووصلوت المستشفي وسألوا عنها وقابلهم صاحب العربية اللي خبطها واخد حذيفة منه چويرية اللي كانت هتموت من العياط والصريخ...واللي اول ما شافته اترمت في حضنه واتعلقت بيه وهو كمان حضنها بقوة وخوف .. حذيفة ضاممها بخوف : حبيبتي مالك شكلك متبهدل كدة وايه كل الدموع دي..... صاحب العربية: مش عارف انا حكتلكم اللي حصل وولدتها جوا ادخلولها...والبنت اصلا مابطلتش عياط مش عارف اعملها ايه ... چويرية مسكت في حذيفة اكنها لقت امان بعد خوف واتعلقت بيه بقوة وبطلت عياط وبدأت تأن بهدوء ... مصعب صعبت عليه: حبيبتي دي مفلوقة من العياط يا تري حصل ايه..تعالي بسرعة نشوف دنيا ونفهم منها.... حذيفة هز راسه ودخلوا لدنيا...وهي حكت لهم كل حاجة حصلت بقهرة ودموع وتعب واجهاد ...كانت كل كلمة بتخرج معاها حته من روحها. ... حذيفة بغضب: حسبي الله فيهم ..دول ولا الشياطين ..في كدة...للدرجة دي.وصلت لازهاق نفس و# الروح اللي ربنا حرم #...ومسك دمعة حزن منه علي اسامة ....وبحزن ....الله يرحمك يا اسامة ويفغرلك ويتجاوز عنك ...وينتقم من اللي #. مصعب بغضب وحزن: المشكلة اننا مافيش اي اثبات علي االي حصل ...ودنيا مش هتقدر تقف قصادهم اللي #مرة #الف مرة.. دنيا بدموع : انا مش هثبت ولا وهقف قصادهم...ااانا اصلا حاسة اني مش هعيش...قلبي بيقولي هروح لحبيبي قريب... حذيفة بلوم: استغفر الله يا دنيا ..اهدي لو سامحتي احنا جنبك اخوتك والله امي هتتجنن عليكي ..انتي بس تقومي بالسلامة واحنا معاكي في اي شئ تطلبيه .. دنيا : شيخ حذيفة بتعتبرني اختك بجد...ولو طلبت منك حاجة حتي لو صعبة وحمل عليك تعملها .. حذيفة بتأكيد: طبعاا.يا دنيا اختي اطلبي.. دنيا : انا بوصيك علي چويرية انا دلوقتي متأكدة اني بموت...اوعي تفرط فيها خاليها معاك ومع ماما فريدة...ربيها انت اوعي تسبها ليهم هيبهدلوها اكتر ما عملوا فيا....بنتي مش عايزها تشوف اللي شوفته. ابوس ايدك اوعدني تنفذ وصيتي... حذيفة غصب عنه دمع وبص لچويربة اللي نامت في حضنه بعد ماهديت واتطمنت وضمها بحنان: اسامة الله يرحمه امني نفس امانك ووصاني نفس وصيتك...وده كدة رسالة من ربنا ان چويرية دي بقت امانتي وفي حمايتي. ووعد احافظ عليها..ومن النهاردة چويرية دي هتبقي اختي هربيها وهتعيش في قلبي قبل بيتي..اطمني .. دنيا ارتاحت وهديت وابتسمت: انا كدة ارتاحت...اموت وانا متطمنة ان بنتي ربنا بعتلها قلب يحن عليها وتتربي بحنان .ومش هتعيش وتتربي زيي....ابقي سلملي علي ماما فريدة ..قولها انها ربنا بعتها ليه علشان اعيش واجرب حنان الام اللي اتحرمت منه ...والحاج بلال ..كان زي بابا...قربلي چوري عايزة احضنها وابوسها... حذيفة ليجاهد دموعه ومصعب ماقدرش وبكي في صمت...وقرب حذيفة چوري وهي نايمة من دنيا وباستها .. دنيا ابتسمت وهي بتبكي: هتوحشيني ...علي عيني اموت واسيبك ...بس الشيخ حذيفة معاكي ومش هيسيبك ...انا متطمنة عليكي معاه .. بعد دقايق دنيا ماتت وحذيفة ومصعب....كانوا في منتهي الحزن ....واخدوها علشان يدفونها .....وبعد ما خلصت كل حاجة حذيفة قاعد في البيت مع امه وابوه .....وجويرية نايمة في حضنه .....وجو البيت كله حزن ووجع.. فريدة بدموع وحزن: قلبي عليكي يا بنتي وعلي شبابك ....منهم لله منهم لله .ربنا ينتقم منهم ..ويرضهلهم في اغلي ما عندهم...... حذيفة بيلمس شعر چويرية بحنان ويتأمل ملامحها البريئة بحزن: ذنبها ايه البنت البريئة دي تتحرم من ابوها وامها وتتيتم بسبب الغدر من اقرب الناس...لييه بس ذنبها ايه.... الحاج بلال بحزن: الله يرحمهم ويسكنهم فسيح جناته ..يارب بس يكونوا ارتاحوا ويشبعوا بالفلوس .. حذيفة بعصبية: دول لو ما اتكتبش ليهم توبة من عند ربنا ..وتابوا لربنا ..عقابهم عند ربنا كبير ..ده اكل مال اليتيم .و# نفس دول ذنوب كبيرة وثقيلة ....ربنا ان شاء الله هينتقم منهم وياخد حق اسامة ودنيا...وچويرية كمان...اتحرمت من اهلها بسببهم.... فريدة : حذيفة انت صحيح هتقدر تاخد چوري منهم ..هتقدر يا ابني تقف قصادهم...دول ناس شر انا خايفة عليك منهم.... بلال: بصراحة يا ابني انا كمان قلقان عليك دول عملوا كدة في اللي منهم ..انت هيعملوا معاك ايه.. حذيفة بتصميم : معلش يا حاج انا لو الدنيا كلها وقفت قصادي مش هسيب چويرية ..دي من الليلة بقت حتة مني بقت بتاعتي انا..واقسم بالله ما هخلي حد يلمس شعرة منها ..لو فيها موتي ..مش هتتربي بعيد عني.. فريدة: ربنا يعميهم عنك.ويبعد عنك شرهم..... في الوقت ده الباب كان بيخلط ..حذيفة قام واخد چوري ونيمها في حضن فريدة ..وراح يفتح الباب..فتح لقي فاروق وعصام وخالد.. حذيفة بغضب وكره .. حذيفة بكره : انتم جاين هنا ليه .!؟ مالكوش حد هنا ..خلاص بنتكم ماتت وجوزها #علي ايديكم....يارب بس تشبعكم الفلوس وتسد جوعكم... فاروق : انا عايز بنتها ..هتتربي في بيت عممها زي امها.. حذيفة بغضب : لو حد منكم فكر ياخد چويرية ياخدها علي جثتي ..مش وانا عايش..چويرية هتتربي هنا امها وابوها وصوني عليها ومش هخون الوصية .ولو انا عارف انكم بني آدمين تعرف ربنا وبتتقيه وهتعاملوها بما يرضي ربنا كنت ادتهالكم...بس انتم مش ممكن حد يأتمنكم...انتم #..وووالله لو فكرتكم تأذوها انا هبلغ عنكم واتهمكم #أسامة .. عصام وخالد خافوا وبصوا لفاروق .. فاروق بخوف متداري: واحنا مالنا بأسامة.هو ودنيا ناس طلعت عليهم وموتوه وهي دخلت المستشفي احنا مالنا.ثم انت اللي مالكش صفة انك تتكلم.انت كمان اخدت دنيا من المستشفي ودفنتها من غير ما تبلغنا وانت مين اصلا علشان تعمل كدة.وكمان عايز بنتها ليه ..مش من حقك... حذيفة بثقة وثبات: اظن انتم عارفين كل حاجة ومش محتاجة لف ودوران..دنيا الله يرحمها قالتلي كل حاجة قبل ماتموت ..وعارف اللي انتم عملتوه مع اسامة ومعاها...ومن الاخر كل ده كان علشان الفلوس والمحلات..اشبعوا بيهم بس چويرية لا ..ماحدش هيمسها ولا ياخدها... فاروق : قول انك طمعان انت كمان في ورثها تربيها وترجع تخليها تطلب ورثها زي ما ابوها عمل...اتجوزها وقال مش عايز حاجة..ورجع شجعها وخلاها تقف قصادنا وتطلب الورث.. حذيفة بتمالك نفسه وعصبيته: انا مش هتكلم كتيير ...والفلوس والورث حلال عليكم.انا مش عايز حاجة غير چويرية بس..واضح.. عصام : واحنا هناخدها غصب عنك. حذيفة بثقة: جرب كدة تفكر تعملها وشوف هعمل ايه. فاروق بتفكير: انا هسيبهالك تربيها بس لو في يوم قليت عقلك وفكرت تقويها تطلب جنيه واحد...هتحصل ابوها وامها. خالد بعصبية: كلام ايه ده يا بابا ..انت هتسبهاله ازاي هو هيهددنا . فاروق بتعقل: بعدين هفهمك يا خالد...كل حاجة..المهم الشيخ يكون فهم .. حذيفة بصله وابتسم بسخرية من طمعه: الشيخ فاهم ...نورتونا... دخل حذيفة وقفل الباب ورجع اخد چويرية من امه .. فريدة بخوف: الله يستر انا قلبي كان واقع في رجلي....ناس شر..ربنا ينجيك منهم.. حذيفة باس چويرية من جبينها وابتسم: اي حاجة تهون علشان چوري..خلاص ما بقاش لينا غير بعض..هنعيش سوا انا وانتي ...ويا ويلك لو ما سمعتيش كلامي...انا وبس.. فريدة بعتاب : وانا لا اخس عليك..ما تسمعيش كلامه يا چوري... حذيفة ابتسم وضمها اكتر: تسمع كلامك وماله..بس بردوا دي بتاعتي انا لوحدي...صح يا چوري..انتي حبيبة مين .. چوري ابتسمت..وحذيفة ابتسم اكتر...ايوة كدة ..انتي حبيبتي ..هنعيش نناكف في بعض وربنا يقويني عليكي ويقويكي عليا ...انا صعب وهتعبك وانتي بنت شقية وهتجننيني معاكي... فريدة ابتسمت: ههه.دي حته سكر..والله برغم حزني علي امها وابوها الا اني مش مصدقة روحي انها هتفضل معانا وتملي علينا البيت ..دي حبيبتي.. حذيفة: يا حاج قول حاجة للحاجة ..مش لسة قايل حبيبتي انا وبتاعتي انا الله.. بلال : ههه.لا بقي دي حبيبتنا كلنا.ربنا يطرح فيها البركة وتكبر ونشوفها عروسة...وتجوزها ابنك اينعم هتبقي اكبر منه بس مش مهم يضحي بقي.. حذيفة: هههه.دي تتجوز اصغر منها لييه..دي اميرة تتجوز واحد ملك يحبها ويصونها بس ده انا هعمل عليه حما واجننه .هبقي حما مفتري.. كلهم ضحكوا: هههههههه.. حذيفة : ياللا بقي انا هاخد چوري وننام تصبحوا علي خير... بلال وفربدة: وانت من اهل الخير.. ومن هنا تبدأ حياة جديدة لحذيفة وچويرية ...احداث ..مواقف.... حكايات..غيرة ...حب....صدمات... مفاجأت... لسة هنعيشها سوا معاهم.. ((((الفصل الخامس))))) 🌹بقلم ريحانة الجنه🌹 مرت شهور وايام وحذيفة بيتعلق بچوري اكتر ...بقت مسؤليته هو طول ماهو في البيت هو اللي متولي امرها وكل حاجة تخصها...حتي لو تعبت هو اللي بيراعيها هو اللي بيسهر بيها.....هي كمان بقت ما بترتاحش غير معاه ...بقي هو كل حاجة في حياتها ....وفي يوم حذيفة بيذاكر في أوضته بالليل ..وچوري جنبه بتلعب ...دخلت فريدة تدخله شاي واكل لچوري.. فريدة بتأثر من تعب ومجهود حذيفة: يا ابني انت هتفضل علي حالك ده لامتي بس...انت يادوب بتنام ساعتين اتنين بس..طول الليل مذاكرة وسهر بچوري ويادوب تغمض الفجر ياذن وتقوم تصلي ..ومن وقتها تفضل مابين الكلية والورشة والمشاوير...حرام ده بس ولا حلال.. حذيفة اتنهد وقام وباسها من جبينها وابتسم: يا ست الكل هو انتي بتزعلي علشاني مجاملة. اذا كنت انا نفسي زي الفل ومرتاح ومافيش اي تعب...ثم حتي لو تعبت هي الدنيا كدة...كلها منغصات ..ربنا قال ولقد خلقنا الانسان في كبد....يعني تعب وارق ..حتي اسعد لحظات بتمر بينا بيبقي قبلها تعب مؤلم ومرهق...هاتيلي فرحة بتيجي من غير تعب...الام اللي بتولد..بتفرح بس قبل الفرح ده فيه حمل ٩ شهور وهنا علي وهن..وولادة والم مايتحملوش بشر....النجاح في الشغل مش بيجي غيىر من شقي وتعب وسهر وحرمان.... وانا يا امي عايز انجح وافرحك وافرح ابويا ونفسي ويبقي ليا مستقبل ...وده مش هيجي وانا قاعد اتدلع وانام وارتاح...المهم والاهم رضاكي ورضي الحاج..ده هيرضي ربنا عليا ويكرمني من غيركم كل ده ولا ليه لازمة.. فريدة ابتسمت: وهو اللي عنده ابن زيك مايرضاش عنه...ده انت من يومك مريح قلبي وقلب ابوك ..وربنا ينجحك واشوفك اكبر مهندس في الدنيا حبيبي...بس كمان انت اتلخمت بچوري..بتسهرك معاها.. حذيفة بص لچوري وابتسم : چوري اجمل حاجة حصلتلي...ببص في عنيها بنسي اي تعب...عارفة من وقت ما اتولدت وانا ربنا بيسرلي حاجات كتير...خصوصا بعد موت اسامة ودنيا ..مع انها بتشغل وقت كبير عندي.بس كل حاجة احسن مذاكرتي وشغلي...كل حاجة متوفق فيها....بالله عليكي يا امي ما تجيش عليها كفاية القدر حرمها من اهلها...هي مالهاش ذنب في اي حاجة...وبعدين ما انتي بتساعديني في تربيتها..هي معاكي طول اليوم وانا برا..انا بس بريحك واخد بالي منها بالليل لحد.الصبح علشان انتي تنامي وترتاحي وتقدري تواصلي معاها بالنهار..... فريدة ابتسمت: ربنا يجزيك كل خير عنها. دي يتيمة...ويارب تكبر ونشوفها عروسة... حذيفة ابتسم: عارفة همووت وتنطق اسمي ويا سلام لو تقولي يا بابا... فريدة ملامحها اتغيرت وبان عليها الضيق: لا يا ابني مش للدرجة دي.. حذيفة عقد حاحبه : ليه يا امي ما انا هبقي زي ابوها وهربيها. فريدة بعصبية : ايوة تربيها بس لما تكبر وتقولك يا بابا والناس تفتكرها بنتك...حالك هيقف كل واحدة تفتكر انك كنت متجوز ودي بنتك...وهنقعد بقي كل حد نشرحله ونفهمه..لا الموضوع بالشكل ده صداع ويجيب مشاكل....تقولك يا ابيه تبقي زي اختك مش بنتك .. حذيفة اتنهد وبص لچوري: بس كان نفسي اعوضها عن ابوها وتقولي الكلمة دي ما تكبرش محرومة منها.. فريدة بتصميم: حذيفة ربنا يكرمك ما تعصبنيش...ده انا بستني يوم جوازك بفارغ الصبر... نفسي تتجوز بسرعة اول ما تخلص جامعتك...عايزني اقول للناس دي بنته طب ازاي بس...هي ابيه ومش هتتغير نقول قريبتنا وبنربيها مش بنتك اسمع كلامي ..... حذيفة بضيق: حاضر يا امي اللي تشوفيه..المهم تكوني مرتاحة...ياللا تصبحي علي خير..روحي نامي انتي بقي... خرجت فريدة وحذيفة اخد چوري في حضنه وقعد يأكلها واتنهد. حذيفة: كان نفسي اعوضك عن اي حرمان زكل حاجة وحشة حصلت...كنت عايز ابقي ليكي كل حاجة..بس معلش مهما كانت علاقتي بيكي هكون ليكي كل حاجة...مش هخليكي تحتاجي لحد ابدااا..اوعدك.. ************************************ مرت الشهور اسرع و حذيفة اتخرج واتفرغ للورشة وكبرها وغيرها ونجح اكتر في شغلة وعلاقاته ...والسنين مرت اكتر وكل يوم حذيفة بيرتبط بچوري..علمها كل حاجة آداب وتربية ومذاكرة...وخصوصا القرآن صمم هو اللي يحفظها..وكبرت چوري وبقت عندها ١٠سنين ..خلال الفترة دي كانت فريدة كل يوم في مشكلة مع حذيفة بسبب تأخيره الزواج ورفضه ليه...وفي يوم كان بيتكلم مع فريدة.. حذيفة بعصبية: يا امي ..يا امي افهم انتي متعصبة ليه ماكل شئ نصيب..ربنا لسة مأردتش اني اتجوز اعمل ايه بقي قوليلي .. اتجوز اي واحدة وخلاص... فريدة بدموع : لا تفضل كدة حارق قلبي اللي قدك اتجوز وخلف وانت زي ما انت شغل وبس واخرتها ايه.ده حتي مايرضيش ربنا. حذيفة بيهديها: يا امي اهدي علشان خاطري...ماانا لحد دلوقتي ما ارتاحتش لعروسة من اللي جبتيهم بروح واشوفها واتقبض مش قادر اكمل وانا كدة افهميني...الزواج علي الاقل محتاج قبول.. فريدة : طب وعلا مالها بنت ناس ودكتورة وشارياك من زمان ولامحتلي كتير ..دي فاضل تطلب ايدك.. حذيفة مسح وشه بتعب: يا امي علا زي اختي مش عارف افكر فيها كدة...مش مرتاح... فريدة برجاء: طب علشان خاطري بالله عليك تحاول تتكلم معاها دي بنت حلال وانا بحبها.بص هي جايالي بعد شوية تديني الحقنة ابقي بس كدة ارمي السلام وكلمها كلمتين ... حذيفة بضيق: حاضر يا امي هرمي السلام...ممكن بقي نتغدا ولا ارجع الورشة من غير اكل!؟ فريدة : لا حالا الاكل يكون جاهز .. حذيفة عقد حاجبه:هي چوري فين لسة ماجتش من المدرسة !؟ فريدة : لا جات من بدري ودخلت تلاقيها بتذاكر.. دخلت فريدة وحذيفة لمح چوري بتتسحب وترجع اوضتها عرف انها كانت بتسمعهم جز علي سنانه بغيظ من شقاوتها وندهلها... حذيفة بعصبية: تعالي يا مصيبة هنا...شوفتك .. چوري لفت ليه وهي بتبلع ريقها بخوف وقربت ببراءة :ااانا....ااانا ككنت داخلة الحمام. حذيفة قرب منها ومسك ودنها بتحذير: كام مرة اقولك بلاش نتصنط علي حد وان ده عيب وحرام .واسمه ايه...ردي اسمه ايه.. چوري بتتألم وتتنطط: اي ...اي...اسمه تجسس..والله مش هعملها تاني. حذيفة بغيظ: وربنا نهانا عن ايه انطقي يا اخرة صبري... چوري بتتألم: ولا تجسسوا وانا ماكنش قصدي سمعتكم قدرااا كدة...خلاص يا ابيه ربنا يخليك وداني هتطلع في ايدك.. حذيفة سابها بغيظ: ودانك دي هريحك منها ..انتي مافيش فايدة فيكي...عادة مهببة ... چوري بغضب : اعمل ايه بقي. انا بسمع اسم علا دي بتعصب.سبحان الله مش بحبها رخمة... حذيفة بغيظ: مش قولت تتأدبي في الكلام.عيب كدة ..دي اكبر منك وكمان مش موجودة يبقي تتكلمي عنها بأدب ومن غيرما تسئي ليها فاهمة... چوري بعصبية:انت بتدافع عنها ليه ...انت هتسمع كلام ماما الحاجة وتتجوزها... حذيفة عقد حاجبه:وانتي مالك بكلام الكبار ده اتجوزها او لا انتي زعلانة ليه!؟ چوري اتعصبت اكتر : كدة قولتلك مش بحبها هاه..وهغلط بقي..رخمة وسخيفة وبتقعط تتكلم عنك كتيير وتسأل عنك....وبدأت چوري تقلد علا بسخافة .....والله يا ماما الحاجة انا بحبك اوي...والله يا ماما الحاجة الشيخ حذيفة ده مافيش منه...والله يا ماما الحاجة الشيخ حذيفة ونعم الرجالة.....وبغضب كملت هي ...ايييه بقي كل شوية الشيخ الشيخ ..دي غلاسة بقي.. حذيفة بيكتم ضحته من طريقتها وتقليدها علا: انتي مصيبة بجد...ايه ده هي علا بتتكلم كدة... چوري بصتله بعصبية : اه بتتكلم كدة وانت عارف..صح ولا لا..قول هتدخل النار لو كدبت.. حذيفة ضحك بقوة : ههههههههههه.هتدخليني النار علشان علا يا مفترية...طب تعالي هنا اقعدي.. قعدت چوري جنبه بزهق: نعم. حذيفة : انتي ليه واخدة موقف من علا كدة..ليه مش بتحبيها هي بتحبك.. چوري بضيق : لا مش بتحبني...هي بتعاملني كدة علشانك علشان تتجوزها.. حذيفة بحنان: چوري مالك انتي بنت كويسة ليه بتعملي كدة...وعلا دي عشرة عمر وبنت كويسة وحقيقي بتحبك... چوري عيطت وقامت بعصبية: ماشي هي كويسة وانا بنت وحشة خلاص...روح اتجوزها بقي ...وبكرة هتكرهك فيا ومش بعيد تخليك تمشيمي من هنا ....اعمل اللي يعجبك. وسابته ودخلت اوضتها تعيط ..حذيفة مصدوم مش فاهم مالها وليه الحالة دي ..دخل وراها لقاها بتعيط صعبت عليه قرب منها وطبطب عليها... حذيفة: انتي ايه اللي قولتيه ده...انا !؟ انا يا چوري امشيكي من هنا!؟ طب ازاي..حد بيمشي من بيته...!؟ چوري بصتله بحزن وهي بتعيط : ااانا سمعتها بتقول لمامتها وهي هنا وماما فريدة بتعمل الشاي...انها لما تتجوزك هتخليك ترجعني لأهلي..انت مش مجبر تربيني اكتر من كدة...وووو.وانا حمل تقيل عليك....هو انا صحيح يا ابيه حمل تقيل ...انا تعباك .... حذيفة بغضب وغيظ حضنها : بس..بس...اوعي تقولي كدة...انتي حتة مني ..انتي عمرك ما كنتي حمل ابدااا.انتي هنا قبل اي واحدة تيجي البيت ده...فاهمة چوري بدموع في حضنه: اوعي تمشيني يا ابيه انا ما اعرفش حد غيركم ..وانت بالذات مش هقدر اعيش مع حد غيرك .ربنا يخليك .. حذيفة ضم وشها بحزن ومسح دموعها: انتي مجنونة اسيبك ازاي...انتي اتربيتي علي ايدي كبرتي قصاد عنيا ...مستحيل اتخلي عنك ابداااا فاهمة ابداااا.. چوري حضنته واتعلقت بيه: انا بحبك اوي يا ابيه اوي... حذيفة ابتسم وخرجها من حضنه: بصي بقي انا فيه موضوع مهم عايز اكلمك فيه ..انتي كبرتي وهتفهمي صح.!؟ چوري مسحت دموعها وبصتله بإهتمام: ايوة طبعااا هفهم .. حذيفة اتنهد: انا فهمتك قبل كدة انك يتيمة وامك وابوكي توفوا اهلك بعيد ومش هقدر احكيلك عنهم حاجة دلوقتي بس..المهم اني عايز افهمك اني في كل الاحوال مش محرم ليكي ...يعني مش ابوكي الحقيقي ولا اخوكي ولا عمك ولا خالك...يعني انتي بدأتي تكبري وتعاملنا سوا هيبدا يحصله شوية تغير...وده لضوابط شرعية مجبرين عليها...انا بفهمك ده علشان ماتفهمهوش اني ببعد عنك او زهقت منك او الكلام الاهبل ده اللي بينط في دماغك. چويرية بفهم وحزن: فهمت ببس..ببس يعني ايه ..مش هنقعد سوا ولا نتكلم ولا نضحك!؟ حذيفة ابتسم : لا يا حبيبتي طبعاا هنتكلم ونضحك بس مش هنقدر نبقي لوحدنا زي الاول ... وبتردد.....وكمان...كمان مش هينفع تحضنيني تاني ...اينعم انتي لسة ما بلغتيش بس ده.افضل ..علشان تتعودي ماحدش يلمسك ابدااا.. ومش انا بس اي راجل غريب يلمسك تقطعي ايده فاهمة... چوري بحزن ودموع: فاهمة ..يعني مش هتحضني تاني .. ليييه طيب ويعني ايه ما بلغتش!؟ حذيفة بحرج: ايه....احممم بصي كل حاجة بوقتها هفهمك او ماما الحاجة هتفهمك...المهم النظام الجديد ده هنمشي عليه مفهوم .. چوري اتنهدت ببراءة: مفهوم ...بس انت بتحبني صح واكتر من علا..!؟ حذيفة ابتسم بحنان : طبعااا بحبك واكتر من علا ومن اي حد في الدنيا....انتي چوري بتاعتي فاهمة يا چوري... چوري ضحكت: فاهمة يا ابيه ...وانا كمان بحبك اااااااااد كدة. ... حذيفة : طب نروح نتغدا ولا ايه انا جعاان .. چوري: ماشي بس بقولك ايه...تاكل وتنزل قبل الازقة دي ما تيجي.. حذيفة ضربها علي دماغها : وبعدين يا مصيبة قولت عيب...وماتخفيش انا هنزل .ولعلمك الكلام اللي قالته ده لوالدتها مش هعديه ..الا حبيبتي ماحدش يزعلها..مبسوطة كدة.. چوري حضنت دراعه بسعادة وفخر: طبعااااا مبسوطة وسعيدة ..خاليها تموت بغيظها كبا عليها. حذيفة : ههههههههههه.مش ممكن اعمل فيكي ايه....ثم انا لسة قايل ايه مش قولت مافيش لمس سيبي ايدي يا انسة .. چوري : ههههههههههه.انا انسة ...حلوة اوي قولي كدة علي طول.. حذيفة: انا هكلك لو ما اكلتش دلوقتي ...بطلي رغي بقي جعان.. چوري كتمت انفاسها وهزت راسها ..وصوتها مش طالع: حاضر اهو .... *********************************** مصعب في مكتب المحكاه اللي بيشتغل فيه ...مشغول وقربت منه زميلته ايمان.. ايمان بإهتمام: احممم.ايه يا مصعب ..مش ناوي تريح نفسك شوية ..علي فكرة القصية دي صعبة ومتعبة فامتتعبش نفسك زيادة كدة..... مصعب بصلها وابتسم بثقة: مافيش حاجة صعبة علي مصعب ..انا ابو الصعاااب احفظيها يا ايمان... ايمان ابتسمت: ماشي يا سيدي.واثق من نفسك انت اوي ..عقبالي كدة زيك... مصعب: انتي خلصتي شغلك!؟ ايمان اتنهدت بضيق: اوففف.هو الشغل ده ليخلص. ربنا يخلصني منه بقي زهقت... مصعب عقد حاجبه: انتي مش عايزة تكملي شغل ..يعني ممكن تقعدي في البيت!؟ ايمان بتأكيد: ممكن ده اكيد طبعاا ..بس اهو بشغل نفسي لحد ما ربنا يسهل واتجوز ..وقتها اكيد هتفرغ للبيت واسيب الشغل .. مصعب بتفكير : امممم.طب ماوانتي ممكن تتجوزي وتكملي شغل عادي وتوفقي بينهم. ايمان بتصميم: لا لا يا مصعب...انا لازم اخد بالي من بيتي وجوزي يعني انا لو اتجوزت لازم اهتم بيه هو اهم من الشغل. ... مصعب ابتسم : امممممم.ايمان انتي مش مرتبطة بأي علاقة مش كدة!؟ ايمان بنفي: لا لا طبعااا علاقة ايه.. ااانا ماليش في الكلام ده...اللي عايزني يدخل الباب من بابه... مصعب ابتسم بمكر: هو عارف انها بتتعمد تظهر الكلام والافعال اللي هو بيحبها او اللي بترضيه.....هو مش بيحبها. بس مش هينكر انها عجباه......وخصوصا تصميمها انها تهتم بيه.. مصعب : طب عموما ربنا يبعتلك ابن الحلال اللي يسعدك...ويبعتلي انا كمان بنت الحلال اللي تدخل دماغي... ايمان بسعادة : يارب ..يارب يبعتلنا سوا ..يكون نصيبنا في الخير...عن اذنك بقي لو عذت حاجة ابقي اطلبها مني ماشي .. مصعب : ماشي..اتفضلي روحي انتي... *********************************** في بور سعيد ..داخل مستشفي تخصصي..فاروق نايم في سريره وكلهم حاوليه... عزة بتاثر: انا مش عارفة كان مستخبي لينا فين ده كله بس ..بقي حد يقول ان المعلم فاروق يرقد كدة...منهم لله اللي بيحسدونا... حكمت : اااه ..ناس تندب في عنيها رصاصة ..باصين لينا في كل حاجة...ربنا يطمنك عليه يا حبيبتي.. عصام بفرحة من تعب فاروق المفاجئ.واللي هيخليه يتحكم هو في كل حاجة .. عصام بتمثيل الزعل: الف سلامة عليك يا خويا....معلش شدة وتزول.. خالد قاعد جنب ابوه وزعلان: سلامتك يا بابا ايه اللي حصلك بس. فاروق بيبكي علي حاله ...كان واقف وكويس بيظلم ويفتري سنين ومتخيل انه في مأمن من العقاب وقصاص ربنا...بس ربنا يمهل ولا يهمل ومش بيهمل الظالم الا لحكمة...فاروق تعب فجأة وجاله جلطة وسببتله شلل لا بيتكلم ولا بيتحرك...بيسمع ويشوف ويراقب ومش قادر يرد ولا يتكلم ....احساس بالعجر وقلة الحيلة ...اوقات ربنا بيمرضنا بلاء واوقات ابتلاء ...كل واحد ودرجته وحكمة ربنا من تعبه ومرضه. ... عصام قام وقرب من فاروق: انا هروح بقي اشوف الشغل ..انا اتطمنت عليك ما ينفعش نسيب الشغل كدة..هيبقي موت وخراب ديار...ياللا لو عزتوني ابقيدوا كلموني.... خالد قام: خدني معاك يا عمي.سلام يا بابا لو عايز حاجة خالي ماما تكلمني .... عزة بزنق: وهي المضروبة مراتك ماجتش ليه ..مستنية مين يكلمها ..قولها تيجيني عايزاها. خالد بضيق: حاضر يا ماما ..حاضر .. حكمت : بقولك ايه يا عصام خد امجد معاك روحه البيت عنده مذاكرة.. امجد ابنها وابن عصام عنده ١٥ سنة: هو انا صغير مش هعرف اروح لوحدي ما تسبيني ..انا عندي درس هروحه. ابقي اروح... عصام: لمض زي امك.اتفلق ..سلااام .. حكمت بتعب من عناده: انت ياواد مش هتتهد بقي ما تسمع الكلام.. امجد: يووووه انا ماشي مش ناقص وجع دماغ ... حكمت بغيظ : شايفة ياختي الواد.ادي اخرة تربيتي فيه... عزة بضيق: قطعوا كلهم تربية ناقصة ..ان مافيهم حد متربي ويريح القلب.. بلا وكسة.. ************************************ في ورشة حذيفة بيشتغل وجاله مصعب كالعتدة... مصعب: السلام عليكم يا شيخ حذيفة ابتسم: وعليكم السلام ورحمة الله.اهلا يا سيادة المستشار...نورت.. مصعب: حياة الحاج والدك ما ناقص تريقة انا اللي فيا مكفيني... حذيفة: ههههههههههه.ليه كدة بس مالك.. مصعب قعد بتعب: الشغل واقضايا وكدة وحاجات كتيرر.. حذيفة: ايوة ايه الحاجات الكتير دي بقي ..في حاجة كدة تفرح.. مصعب : انت هتعمل زي امي محسساني اني عنست والقطر هرسني مش فاهم انا فيه ايه... حذيفة ضحك: الحاال من بعضه ده انا هضحكك ضحك علي چوري بنت كارثة... مصعب ابتسم: صحيح عاملة ايه البت دي وحشتني والله ...الواحد بيشوفها الدنيا تنور جميلة جمال يا حذيفة مش لو كانت كبيرة حبة كنت طلبت ايديها منك... حذيفة ملامحه اتغيرت وغضب والغيرة وضحت عليه: مصعب..چوري بتكبر والهزار ده مش مقبول ..ولعلمك سلام عليها بالايد تاني مافيش...ولا كلام كتير ولا هزار واضح... مصعب عقد حاجبه: مالك يا حذيفة انا بهزر ثم دي انا وانت مربينها سوا... حذيفة بعصبية: انا نفسي ححرمها علي روحي لان ده الصح...چوري مش من محارمنا ولعلمك اول ما تبلغ انا هنقل الشقة التانية مش هقعد معاهم في نفس الشقة ...يبقي انت ايه بقي ..لو فعلا مش عايز تزعلني تجنب چوري خالص ممكن... مصعب هز راسه بتفكير وقلبه قاله شئ بس هو مش مستوعبه: حاضر يا حذيفة المهم تكون مرتاح....قولي بقي ايه اللي حصل... حذيفة اتنهد وحكاله:: بس مجنونة البنت دي متخيلة اني ممكن ارجعها لأهلها... مصعب بيضحك: اموووت واشوفها وهي بتقلد علا...بنت عسسل اوي.. حذيفة بصله بغبظ: اه مافيش فايدة مصعب : احممم.لا ماهو بص كله بالتريج انا لسة كنت بشوفها اهزر واقولها يا عسل وتتجوزيني ..تيجي انت عايز تمنع عني ميا ونور مرة واحدة لا سبني اخدها براحة علشان اتعود... حذيفة بغيظ: خد براحتك بعيد عني وعنها فاهم... مصعب : فاهم ربنا يستر .دي البنت دي هتشوف معاك ايام ..ربنا يعينها عليك.. حذيفة : ويقوينا عليها ..دي هتعملي مشاكل كتيير بجمالها ده...ربنا يستر مصعب: اقولك جوزهالي واخلص... حذيفة بصله بغضب ومصعب كتم نفسه: اسف...خلاص سبها تعنس احسن... حذيفة بدأ يتغير ويغير عليها لييه الكل طمعان فيها....ليييه هو مش متحمل عليها كلمة...هيعمل ايه لو حد بصلها تاني... هيتصرف ازاي مع كل تللي بيحصل والتغيرات دي...هيقدر فجأة يتغير معاها ويبعد عنها...ازاي تبقي قصاده ومايخدهاش في حضنه.....غمض عنيه بضيق واتنهد.... حذيفة: يارب ..قويني علي اللي بعتهولي وكتبته عليا....انا بشر ...ازاي هتحرم منها بس ازاي مصعب شايفه ساكت ومتضايق: مالك يا حذيفة ..ساكت ليه.. حذيفة اتنهد: مافيش...انا كويس قولي بس اعمل ايه مع امي في موضوع علا ده.. انا كمان زعلان منها بسبب اللي قالته في حق چوري.. مصعب: طبعااا تنهي الموضوع.وفهم الحاجة...وعلا اصلا انا مش براحتلها.. خاليها تبعدها عنك ..وتشوفلك عروسة تانية ..وانت حاول تفرحها وتوافق بقي.. حذيفة اتنهد: مش عارف حاسس اي واحدة هتيجي مش هتريح چوري وهتضايق من وجودها..وده انا مش هوافق عليه.. مصعب: هو لو ده سبب اوطلب كل عروسة.انك ترجع جويرية لاهلها هتعمل ايه!؟ حذيفة بعصبية ويقين: انت مجنون ارجع مين انت اللي بتقول كدة..ده عليةجثتي.. مصعب: انا بقول لو ...والناس مش انا ..افهم هتعمل ايه... حذيفة: چويرية قبل اي عروسة ..بلاها جواز مش عايز يغور الجواز ده اللي هيحرمني منها .. مصعب ابتسم: امممم.ربنا يخليهاالك..وتجوزها وتفرح بيها.. حذيفة بعصبية:بص احسن حل لا انا اتجوز ولا هي تتجوز..خالينا كدة.. مصعب: ههههههههههه..مجنون ********************************** في بيت حذيفة . چويرية قاعدة مش طايقة علا ولا وجودها.. چوري بزهق: ايه يا طنط علا هتفضلي سايبة الصيدلية لوحدها...ماما خلاص اخدت الحقنة بقت كويسة..ولا تحبي تتعشي معانا ..بسى خسارة ابيه حذيفة مش راجع بدري هيتاخر... فريدة بإحراج بتغمز چوري تسكت: ههههه.مصيبة البنت دي دمها شربات...بتحب تهزر... چوري بلا مبالاه: لا مش بهزر ..احنا عايزين ننام.. علا بإحراج وغيظ من چوري: اانا همشي بقي يا ماما الحاجة...الصيدلية لوحدها...وانتي وقت ما تتعبي كلميني. فريدة بصت لچوري بتوعد: طييب ..اقعدي شوية حذيفة يطلع ونتعشي سوا... چوري: ابيه هيتاخر خاليها تروح ما تاخرش تفسها.. علا بغيظ: معلش يا ماما الحاجة...هبقي اعدي عليكي وقت تاني عن اسنك... وهي خارجة مالت علي چوري بغيظ: قريب هقطعلك لسانك ده...اللي اطول منك يا شبر ونص انتي... خرجت علا وچوري بتقلدها:..قريب هقطعلك لسانك....هاهاها ..قال شبر ونص قال..غتيتة ورزيلة. .. فريدة : انتي يا مصيبة مش هتبطلي بقي شقاوة عيب كدة.والله لقول حذيفة يكسر دماغك... چوري حضنتها بشقاوة وضحكت: هههههههه انا مش ههون عليكي صح. فريدة بتداري ضحكتها: لا هتهوني ...بس انتي وحشة وبتحرجيني قصاد الناس. چوري باستها من خدها:حقك عليا ي ست الكل...انا اسفة..بس وحياتي شوفي لابيه عروسة تانية دي رخمة اوي... فريدة: ااااه منك انتي وابيه هتموتوني .... چوري ابتسمت: ابيه ..ده حبيبي ابيه ده...وانا لازم اوافق علي عروسته..ومش هيتجوز علا.بس هاه .. فريدة بتعب: يارب. ....يارب ..ارحمني منهم انا صاحبة عيا... چوري: ههههههههههه.تعالي اعمليلي كيكة .. فريدة: مش كنتي عايزة تنامي من شوية .. چوري: لا لا.كنت عايزة اوزعها تعالي بس انا عايزة كيكة ... فريدة ضحكت وحضنتها: ههههههههههه..تعالي يا قلبي نعمل كيكة للست چوري العسل وانا عندي كام چوري قومي بينا..

مقالات ذات صلة

بقلم بسمله صالح

سطور عانقها القلب سهام صادق 4

عشق لايقبل التحدى بقلم سعاد محمد ٦

يوم من عمرى بقلم عمر على

اترك تعليقاً إلغاء الرد