حسين اخد محمد ومشا سليم بص قدامو وفجأه عيونو دمعت وقال: امته بقاا امته هرتاح نرجع تاني عند حمزه وادهم في المكتب» ادهم: ابوس ايدك واافق عليا بقا انا وصفاء طلع عنينا معاك حمزه بجديه: صارحها الاول بلي انت مخبيه عليها وبعد كده هيا ليها حق الاختيار يتوافق يترفض ادهم: ماشي يا حمزه ماااشي حمزه غمزلو وقام وقال: انا عندي شغل مش فاضيلك يا عم العاشق انت عن اذنك وطلعو الاتنين من المكتب وهما بيضحكو وبيهزرو..
عند لينا كانت قاعده في الاوضه وكانت حاسه بملل خصوصا ان صفاء وجميله مش في البيت لينا بزهق: ياربي اي الزهق ده لما اقوم اشوف الوليه اللي اسمها وفاء دي توجع دماغي بنصايحها شويه احسن من الملل اللي انا فيه ده.. قامت من ع السرير وطلعت برا اوضتها بس فجأه سمعت صوت جاي من اوضه وفاء ف فضولها اخدها وراحت وقفت بهدوء وقربت من الباب علشان تسمع.. كانت وفاء واقفه في نص اوضتها وبتكلم في التلفون.
وفاء بفرحه: الخطه ماشيه زي ما خطتنا بظبط لينا بستغراب: خطه اي دي وفاء: اهم حاجه انت واثق ومتاكد من البنت اللي انت باعتها دي احنا خطتنا كتير اوي علشان نقدر نعمل كده المجهول بضحك: عيب عليكي البنت دي اخدت تدريب كتير اوي غير انها معايا بقالها سنين وعارفه شغلها كويس اوي.. لينا بعدت عن الباب بصدمه وقالت: اي اللي انا سمعتو ده معقوله..» ووونكمل في البارت اللي جاي ان شاءلله ومستنيه رأيكم تفاعل بقا يا حلوين علشان ننزل علطول دمتم بخير🤍.
بقلمي/𝗛𝗮𝗟𝗮 𝗔𝗵𝗺𝗲𝗱 #حرب_العشق البارت الرابع.»لينا بعدت عن الباب بصدمه ومشيت بخطوات بطيئة وراحت اوضتهاا وقعدت ع اقرب كرسي وقالت: ازاي ده ليه امه تعمل كده في حد يعمل في ابنو كده لييييه انا هتجنن كده انا لازم البس واروح المجموعه في اقرب وقت.. وقامت نامت» عند حمزه كان في مكتب اللواء طارق. حمزه بهدوء: حضرتك انا عملت كل اللي اقدر عليه وبحاول اوقعهم بس هما اذكيه جدااا جدااا ومش هنوقع الشبكه دي كلهاا بسهوله كده
طارق بحده: اتصرف يحضره الرائد لازم تمسكوهم في اسرع وقت والا تسيب القضيه دي طالما انت مش قدها وحد قدها ياخدها حمزه بجديه: اديني فرصه شهر بس يا فندم وانا هعمل كل اللي اقدر عليه وباذن الله هجبهم طارق: تقدر تتفضل.. حمزه قام بحترام وطلع برا ركب عربيتو وسرح في افكارو شويه وقال: يا ترا يا سليم انت فين واقدر الاقيك فين انا من يوم اللي حصلنا وانا مش عارف اخد اي عمليات زي دي ربنا يرجعك لينا يارب وتفهم ان مليش ذنب في اللي حصل ده»
وبعد شويه وصل الفيلا» وفاء بضحكه هاديه مزيفه: نورت يا حبيبي اعملك حاجه تاكلها. حمزه بتعب: لا يا ماما انا هطلع ارتاح ساعتين علشان مش فاضي في ايدي قضيه كبيره ولازم تتحل. وفاء: طيب يا حبيبي ربنا يعينك حمزه ابتسملها وقال: لينا عامله اي دلوقتي وفاء: كويسه يا حبيبي ونايمه في اوضتها فوق حمزه: بكره تنزلي انتي وهيا وصفاء اشترولها شويه هدوم واللي هيا عوزاه اهم حاجه تخلي بالك منها
وفاء بخبث: عنيه يا حبيبي بس كده حمزه: هسيب العسكري محمد علشان ياخد بالو منكو وفاء: ماشي يا حمزه وطلع حمزه ع اوضتو بس اتفجأ ب لينا نايمه ع سريرو قفل الباب وقعد ع الكرسي اللي قدام االسرير فضل يتأمل فيها كأنها قطعه اثريه» حمزه قرب منها وحط ايدو ع وشها الصغنن الناعم بهدوء وقال: ازاي جميله كدا ازاي قدرتي تخطفي قلبي بشكل الجميل ده قد اي انتي جميله ولطيفه اوي وانتي نايمه كده
بس فجأه لينا شالت البطانيه من عليها وكانت لبسه لبس ديق جدا بص حمزه بستغراب ع بطنها المنتفخه وقال: دي اكلت اي دي قبل متنام» وضحك ورجع غطاها تاني وقال: نامي يا حته من القمر وطول منا عايش هكون جنبك واحميكي ولاحظ دموع نازله من عيونها مسحها بلطف وقرب با*س دماغها وسابها وطلع بهدوء لينا فتحت عنيها وهنا بنكتشف انها كانت صاحيه وسامعه كل حاجه قالت بدموع: ازاي هيجيلي قلب اعمل فيك كده ازاااااي انا تعبت يارب ساعدني انا مش عاوزه اعمل كده والله غظبن عني كل ده ومش بأرادتي والله.
وحطت ايديها ع بطنها المنتفخه وقالت: لو ابوك كان عايش دلوقتي مكنتش زماني في الدوامه دي لوحدي الله يرحمك يا امجد سبتني اتبهدل لوحدي ونامت والدموع في عنيهااا» وبعد ساعات في عند حمزه كان نايم بعمق بس صحا ع صوت تلفونو رد بعصبيه وقال: ايوووه ادهم: انت فين يا حمزه حمزه: انا في البيت يا زفت هكون فين ادهم: طب تعالالي عاوزك ضروري حمزه: في حاجه ضروريه يعني ادهم: ايوه بخصوص البنت اللي اسمها لينا
حمزه فتح عينو وقام بسرعه وقال: 10دقايق وهكون عندك.. قام اخد شاور ولبس ونزل ركب عربيتو ومشا» وبعد شويه وصل دخل حمزه بسرعه مكتبو لقا ادهم مستنيه حمزه: اي يا ادهم اخلص في ايه ادهم: اقعد بس واهدا وبعدين نتكلم حمزه بعصبيه: انت مالك ومالي متخلص قول في اي ادهم: انت متاكد ان البنت دي اسمها لينا حسين احمد الطنطاوي حمزه بقلق: ايوه متاكد طبعا
ادهم طلع ورق وقال: لينا حسين احمد الطنطاوي متو*فيه من 3سنين ودي شهاده وفا*تها هيا وجوزها وبنتها اتو*فت هيا وجوزها وبنتها في حاد*ثه عربيه ف مستحيل واتاكد بنفسي ان ده مش تشابهه اسماء انا بقالي 5ساعات ببحث عن الاسم بس وبتاكد منو حمزه بصلو بصدمه وقال: ازاي مستحيل انا مش فاهم حاجه ووونكمل في البارت اللي جاي لو لقيت عليه تفاعل هنزل واحد هديه توقعاتكم في اللي جاي🤍. بقلمي /𝗛𝗮𝗟𝗮 𝗔𝗵𝗺𝗲𝗱
#حرب_العشق. البارت الخامس🤍.ادهم بهدوء: يعني بختصار كده البنت دي وااخده اسم مش اسمها اهم حاجه لازم تقعد وتفكر بهدوء وتعرف مين البنت اللي عندك في البيت دي. حمزه كان الغضب سيطر عليه وللاسف هنشوف بنأدم تاني خالص دلوقتي.. حمزه طلع بسرعه من المكتب وركب عربيتو ومشا وادهم كان بيجري ورااه. ادهم بزعيق: استنا يا حمزه لازم الحقو بسرعه عند لينا ووفاء وصفاء كانو في مول كبير وشيك جداا.»