وفاء بلا مبالاه: تعالي هناا يا جميله علشان متصحيهوش وعلشان شكلو تعبان خالص جميله قربت كرسي من السرير بتاع حمزه وقعدت جنبو ومسكت ايدو وفضلت بصالو بحزن.. عند اسر وشروق كانت نايمه ع السرير.. اسر بصلها بحزن وقال: والله الواحد ما عارف هيتصرف ازاي في اللي جاي ده هلاقيها من حمزه اللي لسه معرفش اصلا ولا شروق ولا بناتها اللي مشافوش امهم ولا هيا لحقت تبقا معاهم ربنا يصبرنا ع اللي جاي…
عند صفاء في المستشفى كانت منهاره ومش عارفه تتحرك بسبب اللي هيا فيه.. ادهم بهدوء: هششششش اهدي يا حبيبتي علشان خاطري انتي مش ناقصه صفاء بدموع: مش عارفه اصدق يا ادهم معقوله عشق ما*تت يا حرام وبناتها اللي لسه مشافوش امهم يعني هيعيشو من غير اب وام ياربي الصبر من عندك ولا حمزه اللي ملحقش يتهنا معاها لا حول ولاقوة الابالله (ان لله وإن اليه راجعون) ادهم بحب: اهم حاجه عندي انتي.. انتي لازم تكوني كويسه علشان انتي مش ناقصه اساسا وعاوزك توقفي جنب حمزه اليومين اللي جايين دول احنا مش عارفين نقولو ازاي اصلااا
صفاء بدموع: هوا لسه مش عارف بحاجه ادهم بحزن: لا انتي مشفتيش كان بينادي عليها ازاي كأنو مجنون بيها وعاوزها وبس مش عارف هيتقبل ده ازاي والله مش عارف صفاء: هيا اد*فنت ولا لسه يا ادهم ادهم: لسه هما الناس لحقو يطلعوها من العربيه بس للاسف الاصابه كانت في الدماغ وللاسف جالها نز*يف وملحقوش ينقذوها كل اللي لحقوهم هما البنتين وحمزه ده كلام الدكاتره.. صفاء بدموع: انتو شفتوها ولا لا
ادهم: ايوه شوفناها انا واسر وحقيقي شكلها كان يقطع القلب والله بس احنا هند*فنها قبل ما حمزه يفوق لانو مش ناقص انهيار.. صفاء بعياط: خدني عند حمزه عاوزه اشوفو ادهم: حاضرر يا حبيبتي لما اجي بس علشان مضطر اسيبك دلوقتي علشان رايحين انا واسر وشروق المقا*بر ادعيلها يا حبيبتي صفاء: الله يرحمها ويغفرلها يارب انا والله ما مصدقه وقام وسابها وراح عند اسر في اوضه شروق.. شروق كانت صحيت… شروق بدموع: عاوزه اشوفها يا اسر قبل متتد*فن بالله عليك
اسر بخنقه وحزن: حاضر بس ارجوكي تمالكي اعصابك.. وراحت معاه بخطوات بطيئه وتعب ووقفت قدام الاوضه اللي فيهاا عشق وقالت بدموع: لا مش قادره ادخل لاااا اسر راح سندها وقاال: ارجوكي اهدي ويالا يا حبيبتي دخلت ووقفت قدام السرير اللي نايمه عليه عشق وشالت من ع وشها الملايه حضنتهاا بسرعه وفضلت تصرخ في حضنهااا وقالت: ليييه يا عشق سبتيني لييييه هعيش ازاي انتي كنتي اعز صديقه عندي عشششششق اصحي بالله عليكي طب بناتك هقولهم اييييه لما يكبرو مع السلامه يا اطيب واجمل قلب في الدنيا هتفضلي عايشه معانا دايما والله..
اسر شدها وقال: كفايه يا شروق كفايه وبص لدكتور وقال: جهزوها يالا وحطوها في عربيه الاسعاف علشان لازم نعمل كده قبل ما حمزه يفوق الدكتور: تحت امرك وخدها ومشا… جيه الدكتور بسرعه وقال للمرضه بتوتر: يالا بسرعه اديها الحقنه مش قدامنا وقت كتيرر لسه دقايق ولو مخدتش الحقنه هتمو*ت اخلصييييي راحت الممرضه بسرعه واديتها الحقنه وقالت: هنعمل اي تاني يا دكتور الدكتور: روحي نادي دكتور احمد بسرعه وانتي افتحي الباب اللي في اخر المستشفي بسررعه…
وجيه الدكتور التاني واخدو عشق بسرعه وحطوها في عربيه الاسعاف وكان واقف قدامها سليم.. سليم بسرعه: يالا اخلصو بسررعه الدكتور: تمام كده كل حاجه جاهزه وهيا في نظرهم ميت. ه دلوقتي وهنحط حد مكانها لان هما خلاص مش هيشوفوها تاني كده سليم بانتصار: تمام يا دكتور سلام وركب العربيه مع عشق وقال للسواق اطلع بسرعه ع المطار وعمل تليفون: اي يا ادهم انت جهزت كل حاجه صح ادهم: ايوه يا سليم متقلقش كلو تمام هتروح تلاقي الطياره الخاصه ومجهزه من كل حاجه علشانها وفيها ممرضه ودكتور كمان والبطاقه وجواز السفر بتوعها جاهزين وهتلاقي واحد مستنيك بيهم قدام المطار مع السلامه
سليم: شكرا يا ادهم سلام… ادهم ابتسم بشر وقال: يلا في داهيه بعد شويه في المقابر كان واقف اسر وشروق وادهم ووفاء وجميله… كان لسه ادهم واسر نازلين القبر بيها بس فجأه وقفهم صوت حمزه وقال بدموع وصوت ضعيف ومنكسر: استنو لازم اشوفها واودعها قبل متسبني خالص لازم انزلها بأيدي ابعدو انتوو….. وونكمل في البارت اللي جاي وتوقعاتكم بقا في اللي جاي وتفاعل بقا علشان انزل علطول دمتم بخير يحلوين🤍🤍🤍🤍…
اسفه ع التأخير🤍 بقلمي/𝗛𝗮𝗟𝗮 𝗔𝗵𝗺𝗲𝗱 #حرب_العشق البارت السادس عشر🤍بستوتر: انت تعبان يا حمزه دلوقتي ومش ناقص وجع قلب ارتاح واحنا هنعمل كل حاجه حمزه بحده: قولتلك ابعد يا ادهم اوعوووو انتو الاتنين اسر طلع وادهم طلع وحمزه شالها ونزل بيها وكشف وشها وقال بصدمه واستغراب: اي داااا ادهم غمض عينو بعصبيه وقال فنفسو: روحنا في داهيه طلع حمزه بسرعه وقال بزعيق: فييييين عشق كلهم بصو بصدمه لبعض.. اسر بستغراب: اي يا حمزه م انت لسه شايلها بأيدك اهو
حمزه بحده وعصبيه:دي مش عشق يا اسررررر فييييين عششششششق شروق بدموع: ازاي يعني دي مش عشق اوعا كده ونزلت تشوف وبالفعل اتاكدت انها مش عشق طلعت بسرعه وقالت بلهفه: فييييين عشششق حمزه بحده وزعيق: متردو عليااااااا فييييين اسر بتوتر: والله معرفش يا حمزه اسأل شروق وادهم احنا دخلنا شوفناها بنفسنا قبل ما نيجي هناا انا مش فاهم حاجه حمزه بجري ع العربيه وقال: اسرر تعالا معاياا وانت يا ادهم خد ماما وشروق وجميله ع البيت وخد بالك منهم
وراحو ع المستشفي بسرعه وراحو لموظفه الاستقبال» اسر بعصبيه: مين الدكتور اللي كان متابع حاله عشق اشرف المحمدي الموظفه بخوف: دكتور احمد ودكتور زياد
