حورية ( للكاتب عادل عبد الله )
الجزء الاول انا اسمي حورية من وانا صغيرة وانا بحب حازم ابن خالتي بجنون .. كل يوم كنت بحلم بيه وانا نايمه وانا صاحية كان هو حلم حياتي .
واحنا صغيرين لما كان بيجي عندنا او نروح عندهم كنا نقعد نهزر ونضحك وكانت دي اسعد لحظات حياتي.من وانا عندي ١٥ سنة بيتقدم ليا عرسان كتير بس انا لما كان ابويا الله يرحمه يقولي عليهم كنت برفضهم كلهم.
وبقوله اني عاوزه اكمل تعليمي لحد ما خرجني من المدرسة من تانية ثانوي علشان اتخطب واتجوز .
بس بردو كنت برفض العرسان وفي يوم امي مسكتني وصممت تعرف سبب رفضي للعرسان لحد ما قلتلها اني بحب حازم وعمري ما هتجوز حد غيره.
امي سألتني طب وهو؟ قلتلها: معرفش حازم بيعاملني حلو من زمان بس متكلمش معايا في حاجة .
امي قالتلي: بلاش تعلقي نفسك في حبال دايبه لتقعي علي جدور رقبتك.
حازم يا بنتي حياته غير حياتنا احنا فلاحين. صحيح ابوكي غني و عنده ارض كتير بس بردو فلاحين .انما حازم متعلم في الجامعة وعيشته وحياته افرنجي .
بنات البلد كلهم بيحبوه بس هو ولا حاسس بولا واحدة لانه شايفهم كلهم فلاحين.ده تلاقيه عاوز يتجوز واحدة بتلبس وتعيش افرنجي زيه.
ده حتي مصنع ابوه مبيرحوش خالص وميعرفش عنه حاجةخالص قلت لهاانا لومتجوزتش حازم مش هتجوز ابدا.
حازم في الجامعة
من اول يوم دخل حازم الجامعة شاف بنات كتير زي اللي بيشوفهم في السينما والتليفزيون غير اللي في قريته خالص .
في الاول كان عالم جديد عليه .بس بعد كده هو حاول يكون واحد من العالم ده .
بس اكتر حاجة لفتت نظر حازم كانت ايناس .
ايناس كانت بنت استايل وعسولة جدا وكمان جريئة جدا .اول مرة حازم كان يتكلم مع بنت بالمواصفات دي .حازم من اول ما شاف ايناس اتجنن بيها وبقيت شاغله كل تفكيره بس هو مكانش قادر يعترف لها بحبه وبعد فترة صغيرة كان حازم بيحاول انه يتقربلها فيها .
عرف حازم ان ايناس في علاقة مع جاسر .
جاسر كان زميلهم بس كان ابوه من كبار رجال الاعمال واغني من اسرة ايناس واسرة حازم.
اتصدم حازم لما عرف علاقة ايناس وجاسر بس حبه لايناس كان بيزيد كل يوم رغم عدم شعورها بيه وارتباطها بجاسر.
وبعد فترة مش طويلة انتهت علاقة ايناس بجاسر .
فرح حازم جدا وكانت فرصته انه يصارح ايناس بحبه.
وفعلا ارتبط حازم وايناس في علاقة حب كانت قوية علي الاقل من ناحية حازم.
ايناس في الفترة دي كانت كل حاجة لحازم ومكانش يقدر يرفض لها اي طلب وهي كانت بتستغل ده .
وفي السنة النهائية في الجامعة حصلت مشكلة بين حازم وايناس كانت السبب في خصامهم لفترة وفي اخر الفترة دي انهت ايناس علاقتها بحازم .
وعرف حازم بعدها مباشرة خبر خطوبة جاسر وايناس وكانت صدمة قوية لحازم.
بعدها حازم اتخرج من الجامعة وبقي بشمهندس قد الدنيا
وبدأت الاحظ ان حازم بعد ما اتخرج من الجامعة اتغير عن الاول كتير يعني مبقاش بيضحك ويهزر زي الاول وبقه يروح الشغل مع باباه باستمرار.
وفي يوم حازم وخالتي لقيتهم عندنا وطلبت خالتي تخطبني لحازم يومها انا قلبي طار من الفرح وحسيت اني ماسكة النجوم بايديا .
اتخطبت انا وحازم .وبسرعة اتجوزنا بعدها بكام شهر .
عيشت احلي ايام في حياتي مع حازم .هو وسيم اوي ومحترم اوي وشيك اوي.اي واحدة في الدنيا تتمناه بس عيبه الوحيد انه بيسكت كتير ومش بيتكلم الا قليل اوي.
انا مكنتش فاهمه ان سكوته الكتير بسبب حرمانه من ايناس حبيبته.
حماتي اللي هي خالتي حنينه اوي يمكن احن من امي كمان .
لما عيشت معاهم في فيلتهم كنت سعيدة اوي كنت حاسة اني بين اهلي ومع حبيبي مكنتش بتضايق الا من سكوت حازم
.
بس لما حازم كان بيتكلم معايا كان دمه خفيف اوي وكنت بطير من الفرح ومبقاش عاوزاه يسكت ابدا.وده مكانش بيحصل كتير.
اتاخرنا في الحمل كتير وبدأ اهلنا يسألونا عن موضوع الحمل.
روحت انا وحازم وعملنا تحليلات وكانت الصدمة اني عندي مشاكل ممكن تأخر الحمل او ممكن ميحصلش حمل خالص.
بعدها حسيت اني انكسرت وكنت مرعوبة من ان حازم ممكن يسيبني .
حازم طمني وقالي ان وجودي في حياته مالي عليه الدنيا وان تأخير الانجاب مش هيأثر علي حبه ليا.
الكلام ده فرحني اوي رغم اني كنت حاسة انه مش من قلبه.
كنت بأخد العلاج بانتظام علشان يحصل حمل .
.وبصراحة حماتي متغيرتش معايا خالص.بالعكس كانت دايما بتديني الامل والتفاؤل ان العلاج مسيره يجيب نتيجة ويحصل حمل.
عدا اربع سنين علي جوازنا ولسه محصلش حمل.
الموضوع ده خلاني اكون عصبية جدا لأني حسيت انه بيبعدني عن حازم يوم بعد يوم.
فكرت اني اكمل تعليمي .كنت عاوزه اقول لحازم بس هو كان مشغول علطول وحبيت كمان اعملهاله مفاجأة.
جاسر وايناس اتجوزوا ولكن كانت حياتهم كلها مشاكل .
جاسر كانت حياته كلها سهر وشرب وبنات وايناس كانت مقضياها نوادي وخروج وسهر بردو.
بعد فترة ايناس اتطلقت من جاسر.
حب ايناس في قلب حازم مش قل ابدا وكان كل فترة بيحاول يعرف اخبارها من المحيطين بيها .
وفي يوم حازم عرف ان ايناس اتطلقت من جاسر.طار حازم من الفرح وبدأ يظهر في حياة ايناس من جديد ويقرب منها.
ايناس كانت بتحب في حازم حبه ليها ومصاريفه عليها ببذخ وكانت عاوزة تعوض بيه النقص اللي عندها بعد ما اتطلقت من جاسر.
< ;>حازم في الفترة دي كان بيتأخر كتير عن البيت واتغير في معاملته ليا جدا.
< ;>بدأ حازم يصطنع المشاكل والخلافات معي لاتفه الاسباب .
;>ظننت في بادئ الامر ان السبب في سوء معاملة حازم لي هو تأخري في الانجاب.
< ;>في الوقت ده كنت بذاكر ثانوية عامة وحماتي كانت بتشجعني وتدعمني جدا وكنا متفقين اننا هنعملها مفاجأة لحازم.
< ;>بس حازم هو اللي عملنا مفاجاة تانيه خالص.
< ;>في يوم لقيت حازم قاعد مع مامته واخوه علاء وبيزعقوا مع بعض واول ما قربت منهم سكتوا كلهم.
< ;>انا حسيت انهم مش عاوزيني اسمع اللي بيتكلموا فيه مشيت ودخلت اوضتي.
< ;>بعدها مشي حازم ومرجعش الا بالليل متاخر اوي وقعد فترة مش بيتكلم مع مامته واخوه وكلامه معايا كان في اقل الحدود.