انا منار كنت صغيره لما ماما اتوفت وبابا هو اللي رباني انا واخويا محمد اللي كان اكبر مني بسنتين واتنقلنا كتير من شقتنا بسبب انه جاله شغل ف منطقه بعيده عن بلدنا وعلشان مفيش حد يهتم بيا وباخويا اجر لنا بابا سكن قريب من شغله وكنت وقتها ف بدايه الاعداديه وعلشان والدي خايف عليا نقبني ﻻني جميله بابا اللي كان بيقولي كدا ومخلنيش اختلط باي حد وﻻجاره وﻻ زميله ف المدرسه وﻻ
كان لي صديقه ﻻني مكنتش فاضيه علشان كنت باهتم بالبيت تنضيف طبيخ غسيل وكل متطلبات البيت خلصت كليه صيدله واخويا بقي امام وخطيب المسجد المجاور للبيت ودايما كنت بشوف والدي حزين علشاني وكنت اسأله يقولي زعﻻن علشان ملكيش ﻻ ام وﻻ صديقه تقعدي معاها وتحكيلها وتفضفضي معاها كنت اقوله يا بابا انت عندي بالدنيا دي كلها ياحبيبي دلوقتي عندي 24 سنه ومتقدمش ليا اي حد بدات نفسيتي تتعب والله انا جميله بس مش عارفه ليه محدش اتقدملي
يمكن علشان انتقبت وانا لسه صغيره يمكن علشان مليش اقارب وﻻ يمكن علشان مليش اصدقاء لحد يوم لقيت والدي دخل عليا وقالي ان في جاره لنا لها اخ مسافر من 10 سنين الي لبنان وعايز عروسه بس بشرط واحد…….. القصه لم تنتهي ان شاء الله بنزل الفصل التاني عندي دلوقتي 24سنه ولم يتقدم احد لخطبتي بدأت نفسيتي تتعب والله انا جميله بس مش عارفه يمكن علشان منتقبه ومحدش بيشوفني وﻻ يمكن مليش اقارب
وﻻيمكن علشان مليش اصدقاء وﻻ يمكن ربنا عاينلي حد كويس لحد يوم في يوم من الايام بلغني والدي ان في واحده جارتنا لها اخ مسافرمن 10 سنين في لبنان وعايز عروسه بس بشرط واحد عايز عروسته تروحله هناك الفكره مش عجباني بس الخوف من ان القطر يعديني كان مخيم عليا وفعﻻ جات جارتي وشافتني ﻻول مره المهم اعجبت بي وبجمالي واعطتني صورة العريس المنتظر مكانش الفارس اللي بحلم بيه بس نصيب وافقت وشرطه اني اروح عروسه
مكانش فيه ﻻ نت وﻻ اي حاجه زى اليومين دول اخته حكت له اني جميله بس مقلتش اني منتقبه كلمته مره او اتنين هو شخص بيحب الهزار والمرح باين من كﻻمه معرفوش بس جوايا مش عرفه مبسوطه وﻻ زعﻻنه فرحانه وﻻ متضايقه جوايا احساس غريب مش حاسه بالامان بقول يمكن علشان متكلمتش معاه كتير وﻻ شوفتهوﻻ مره حتي الصوره اللي شوفتها مريحتنيش وجاءاليوم المنتظر استعديت للرحله وتزينت زي اي عروسه ولبست الفستان ولبست عليه النقاب والملحفه السوداء
اخته جات وقالتلي ياريت تخلعي النقاب النهارده بس وروحي عروسه بكامل زينتها قلتلها ابدا مش هطلع من هنا اﻻ وانا ﻻبسه نقابي وملحفتي اخته زعلت بس تزعل احس مفرط ف ديني ما هو انا لما اروح بيتي هخلع الملحفه والنقاب وهيشوفني بالفستان بس وكمان انا مختاراه فستان كب يعني عليا تحفه وهيعجب او كنت بعتقد دا وحاولت تقنعني بس ابدا ازاي افرط فيه يبقي بفرط في روحي بس حسيت ان اخته قلقانه من حاجه مكنتش فهماها ف
اﻻول دمتم في حفظ الله ورعايته الفصل الاول🤍 ✨ قصتي انا بقلم هي هى جنتةطبعا كتبنا الكتاب وطلعنا علي المطار انا وبابا واخويا محمد واخته واخوه وسلمت علي بابا واخويا وانا بتقطع من جوايا اول مره ابعد عنهم واول مره اطلع من بلدنا اسافر فيها واركب الطياره وهروح لجوزى اللي عمري ماشوفته وﻻ مره واحده فوقت من احزاني وخوفي علي صوت النداء الاخير للطائرة اااااااااااااااااااااااااااأاه يااااااااااااااااااااااارب خليك معايا طلعت الطياره وقلبي مليان خوف وقلق بس
افتكرت ايه من كتاب الله .(قل لن يصيبنا اﻻ ما كتبه الله لنا هو موﻻنا وعلي الله فليتوكل المؤمنون) قعدت فالكرسي جنب الشباك وبعد شويه جا شاب وبتستقبله المضيفه بالترحاب وقعد ف الكرسي اللي جنبي ﻻول مره اقعد جنب شاب وشويه قالي لوسمحتي ممكن اقعد جنب الشباك وانا في نفسي بقول ايه شباك انا اصلا زهقانه ومضغوطه وحمدت ربنا اني قاعده جنب الشباك يمكن انسي اللي انا فيه رديت عليه
اسفه مش هقدر استغرب وقال .انتي مش عرفه انا مين قلتله معرفش ولو سمحت متوجهليش اي كلام استغرب وانصدم من ردي وكل شويه تيجي مضيفه وتشوفه عايز حاجه وناس كتير بتيجي تسلم عليه وتطلب توقيعه اوصوره او يتصورو معاه بصراحه قلت يمكن هو حد مهم وﻻ ابن وزير وﻻ حاجه طلعت مصحفي الصغير وقعدت اقرا قبل متوصل الطياره لقيت الشاب اللي جنبي بيقولي ممكم اسال سؤال قلتله اتفضل قال هو ليه انتي مطلبتيش توقيعي وﻻ صوره
وﻻ اي حاجه زى الناس والمضيفات مبتطلب رديت وقلت .حضرتك وانا اطلب منك ليه انا معرفكش ومش عايزه اعرفك ولو سمحت متوجهليش اي كﻻم تاني ورجعت لمصحفي تاني وهو قاعد جنبي مزهول ومصدوم ولما نزلنا من الطياره وخلصت الإجراءات وجا اللقاء المنتظر ولقيت شاب ف عمر 35 واقف ومعاه ورقه مكتوب فيها اسمي منار عبدالله قلبي انقبض لما شوفته وحسيت باحساس مش طبيعي روحت عليه وقلتله انا منار قال منار منار مين
قلتله منار عبدالله ازاي انتي منتقبه . ايوا منتقبه قعد يزعق ويصرخ ايه دا هو انا هتجوز خيمه هتجوز عفريته ﻻ انا مش عاوزك ارجعي تاني ومره واحده لقيته بيقول انتي طالق طالق طالق قال كدا وطلع يصرخ وهو بيجري اكني عفريت وانا منطقتش وﻻ بحرف قعدت ف الارض من الصدمه طالق انا طالق ازاي هو انا لسه اتجوزت علشان اطلق طب مش يستني يشوفني ويحكم عليا ..دا كله وكل لمسافرين بيتفرجو بس في حد
كان متابعني من اول منزلت من الطياره وعايز يعرف انا مين وﻻ انا ايه ياتري ايه اللي هيحصل لمنار وايه اللي هيعمله الشاب دا معاها ان شاءالله الفصل القادم نتعرف علي الاحداث الجديده الفصل الثاني 🤍 قصتي-انا بقلم هي جنتةقعدت على الأرض مصدومه من زوجي اللي ميعرفش شكلي وطلقني بسبب لبسي مالو لبسي لما بلبس الملحفه والنقاب بحس اني ملكه متوجه ليه هو مشفش دا ليه شافني خيمه طلعت من صدمتي علي لمة الناس عليا وانا
مش عارفه اعمل ايه كل واحد حابب يساعد واللي يقولي نحجزلك علي الطياره اللي راجعه مصر ارجع ارجع ازاي وبابا اقوله ايه وﻻ اخويا قلتلهم سيبوني محدش ليه دخل بيا والكل بيبصلي بصه غريبه كلها شفقه وف لحظه قلت مش راجعه مصر وفجاه لقيت شاب واقف قدامي وبيقولي قومي. اقوم اقوم واروح فين وبعدين انتي مين . انا مين مش عارفه ؟. ﻻمش عارفه ومش عايزه اعرف . بردو تاني انا اللي كنت راكب جنبك ف الطياره
لوسمحت سيبني وامشي مش هسيبك اﻻ لما اركبك الطياره . مش هنزل مصر سيبني اروح لبابا واخويا ازاي كدا وانا مكسوره . خﻻص تعالي معايا . اروح معاك فين ياخ انتي امشي وسيبني ببص لقيت بنت ف العشرين من عمرها ﻻبسه بنطلون جينز وبلوزه قصيره وضيقه قالتلي انا سكرتيره الأستاذ عمر عبدالرحمن. مين عمر دا انا معرفوش. عمر دا ممثل ومطرب معروف يعني فنان كبير . سيبيني يانسه لو سمحتي مش هروح اي مكان
متروحيش خليكي قاعد علي الارض بشكلك دا شكلي ؟مالو شكلي مش عاجبك انتي كمان ﻻ والله مقصدش بس بصي قاعده علي الارض وهدومك بقت كلها تراب ونفسيك زفت ومش هترجعي ﻻبوكي بالنفسيه دي تعالي معانا لحد متفوقي وتقدري تقرري وكمان متخافيش عمر فنان ومعروف مش هضيع تعب السنين عشان يأذيكي ماشي بس علي شرط دلوقتي انا مش معايا فلوس اول مأنزل مصر هسددهم ماشي ماشي ياستي وﻻ تزعلي انا مني وانتي اسمك ايه
منار عبد الله لقيت الشاب اللي اسمه عمر ونادا علينا يلا يامني هاتي الاخت وتعالي روحت لقيته هو هو الشاب اللي كان راكب جنبي في الطياره وقفت مكاني قالي اركبي متخافيش ركبنا سياره مني وهو اللي كان سايق كان بيتكلم مع مني علي التجهيزات والحفﻻت والمقابﻻت وانا تايهه مش عارفه اللي بعمله صح وﻻ غلط وانا ف اللي الهموم دي برفع عيني وف نفس اللحظه لقيت عيون بتبصلي من المرايه
الاماميه سبحان الخﻻق عيون عسلي صافيه ورموش سوده وطويله وكثيفه ماشاء الله وحسيت ان الثانيه او الثانيتين دول مدتهم سنين رجعت لعقلي واستغفرت الله ياربي انا مش ناقصه ذنوب استغفرك ربي وأتوب اليك وﻻ حول ولا قوة الا بالله العلي العظيم فقت علي صوت مني وهي بتقولي انزلي هنا وادخلي الفندق دا واسألي علي غرفه باسمك . باسمي انا ايوا يابنتي حجزتلك وانتي سرحانه علشان مش هنعرف ننزل مع بعض .
ليه في ايه . مفيش انتي قلقتي ليه بس عاشان المصورين والصحفين لو نزلتي معانا هيبدأو سين وجيم ودي مين وكدا يعني فهمتي يﻻ بقي انزلي حاضر ومشيت عند الاستعﻻمات وطلبو جواز سفري و طلبو اني اكشف وشي علشا يتأكدو بس انا رفضت فالبنت قالت يامدام مش هينفع نأكد الحجز اﻻ لما اشوف وجهك بس انا مقدرش اكشفه اقدام رجال . ايو اسفه . فطلبت من الشاب اللي واقف معاها انه يبتعد
علشان اكشف وشي .رفعت النقاب عن وشي وببص للبنت لقيتها فاتحه بقها ومتنحه انتي يانسه يانسه يااااختي . اسفه اسفه اتفضلي الجواز. وببص ورايا لقيت مني وعمر واقفين مع الصحفين فقلت للبنت هو مين دا قالت. دا الفنان المعروف عمر عبدالرحمن . بس داباين عليه مشهور . اكيد محدش ف الوطن العربي ميعرفوش . فلقيتهم خلصو مع الصحفيين وجاين فقلت للبنت هاتي رقم ومفتاح الغرفه اخدتهم ومشيت بسرعه البنت وقفت مع بنت تانيه وبتحكيلها علي
جمالي وهي متعرفش ان ف حد سمع الحوار لين .رزان شوفتي البنت اللي طالعه هﻻ جميله جدا وجماﻻ بياخد العقل. رزان .هاي البنت المنقبه والله لو انا زلمه مابطلع عليها لين .والله يابنتي هاي البنت بتجنن يابختو اللي بتصير مرتو. سمع الكﻻم عمر واستغرب اما هيا بالجمال دا امال ليه طلقها بالشكل دا سبحان الله منى. عمر واقف كدا ليه عمر . مش عارف حاسس ان رجلي مربوطه بالارض .
منى .اكيد من التعب وﻻ يمكن علشان منمتش طول الليل اطلع ريح شويه وبعد كدا هصحيك علشان نتغدي عمر.هي البنت فين . منى.بنت مين اه قصدك منار طلعت ترتاح. بصي لما اصحي ابقي روحي هاتيها تتغدي معانا وبالمره تطلع من اللي هيا فيه اوكيه بوص لما انا طلعت خلعت هدومي بس مخلعتش همومي دخلت اغتسلت وصليت ونمت اكني بقالي سنين منمتش ان شاء الله لقائنا مع الفصل القادم ولو لقيت تفاعل هنزل واحد تاني بالليل
الفصل التالت🤍 دمتم ف رعاية الله وامنه قصتي-انا بقلم هي جنتةكنت تعبانه موووت كان نفسي انام نمت بعد مصليت الظهر وقرأت الورد اليومي وقلت هنام لحد بكرا الصبح بس الساعه 3 لقيت الباب بيخبط قمت وانا مرهقه مش قادره افتح عنيا لبست اسدال الصلاه قلت مين لقيت صوت مني . انا مني ياحبيبتي افتحي . فتحت وانا مفتحه عين ومقفله عين وقلت في ايه يامني بتخبطي عليا دلوقتي ليه هو النهار طلع .
منى:نهار مين يابنت……..بسم الله ماشاء الله تبارك الخلاق . انا :في ايه يابنتي مالك…. قلتها وانا مش واخده بالي انها اول مره تشوفني مني:ﻻ بصراحه من حقك تلبسي نقاب اسفه بس انتي ماشاء الله عليكي . انا:ادخلي وبطلي كلام انتي اللي عنيكي حلوه وعشان كدا شيفاني حلوه .انتي كنتي عايزه ايه . منى:اه صحيح انا نسيت يﻻ ياحلوه علشان نتغدي . انا:ﻻ انا مليش نفس سيبيني انام اصلي تعبانه ومرهقه وحسه اني منمتش من زمان.
مني :ﻻ والله ابدا ﻻزم تيجي معايا وحالا عمر مستنينا تحت يﻻ . انا:يستناكي انتي انما يستناني بتاع ايه . منى:والله منا نازله اﻻ رجلي علي رجلك يﻻ بقي بﻻش دلع. انا:امري الي الله بس مش هقعد معاه ماشي . منى: ماشي ياستي بس اخلصي . نزلت انا ومني تحت ولما شافنا جا ومشي قدامنا وقال يﻻ يابنات . قلت لو سمحت عايزه اكلم اهلي. بكلمه وانا ببص لﻻرض .
عمر : خﻻص ماشي اديني الرقم وانا اتصل بيهم. انا:السﻻم عليكم ورحمة الله وبركاته. محمد :وعليكم السلام ورحمة الله وبركاته منار فينك يابنتي قلقنا عليكي انا وبابا عرفنا باللي حصل من الندل دا انتي فين وبتعملي ايه طمنيني . انا :اطمن يامحمد انا كويسه وان شاءالله ربنا هيعوضني خير انا دلوقتي مع واحده اتعرفت عليا ف المطار وان شاء الله يومين كدا وارجع طمن بابا عليا قول له اني صابره ومحتسبه
هبقي اتصل بيك تاني ماشي ياحبيبي يﻻ بقي السلام عليكم ورحمة الله وبركاته وركبنا السياره ولقيت مني بتقولي. منى :مين دا المز انا: الله يسامحك مليش في الكﻻم دا دا محمد اخويا كان قلقان عليا هو وبابا اصلي مليش غيرهم وهما ملهومش غيري عمر:ممكن اسال سؤال لو مفيش احراج انا:اتفضل عمر:ايه اللي حصل ف المطار اصلي مش فاهم اسف علي تطفلي.انا:ﻻ ابدا انا اتخطبت من غير مشوف العريس وﻻ يشوفني وكان شرطه
اني اسافر عروسه ولما سافرت وشافني بنقابي قعد يصرخ وقال مش هتجوز خيمه وﻻ عفريته وميعرفش ان الخير يكمن ف الشر بس الحمد لله على نعمه التي ﻻتعد وﻻ تحصي يمكن كان في حاجه هتحصلي الحمد لله استخرت الله ومقدرش ليا الزواج منه فانا مش زعﻻنه بالعكس لوكان خير كان هيبقي من نصيبي مني:ايه يابنتي هو لسه في ناس كدا ماشاء الله ادب واخﻻق وكمان جمال هو الخسران والله انا :مني متقوليش كدا مينفعش انك تتكلمي عليا قدام رجل كدا
منى:اسفه والله مش قاصدي وصلنا للمطعم ايه دا مطعم روعة اكنه تحفه فنيه استقبلنا عمال المطعم بالترحاب واخذ الصور مع عمر وعامل منهم دخلناف مكان خاص مفهوش حد استغربت وقلت لمني في ايه هو المكان دا مفهوش حد ليه . منى:عمر حجزه لنا انا:لنا بس مني:ايوا علشان تاخدي راحتك معقول حجز المكان كله علشان بس اعرف اكل ايه دا اول مره حد يعملي حاجه زي دي جا عمر وقعد علي طاوله بعيده عننا وضهره لنا
وطلب اكل اول مره اكل اكل حلو كدا بالطعم خلصنا اكل وطلعنا برا المطعم وقال عمر:شوفو انتو عايزين تروحو فين تاني انا بوجه كﻻمي لمنى:عايزه انام وصلوني للفندق وروحو زى مانتو عايزين. مني:خﻻص بﻻش النهارده خليها لبكرا اعملي حسابك الصبح هنروح مع بعض التصوير. انا:تصوير تصوير ايه ﻻ انا مليش ف الجو دا اسفه. مني :هو انا قلتلك انتي اللي هتصوري دا الاستاذ هو اللي هيصور وكمان التصوير علي البحر يعني اقعدي علي الشط لحد التصوير
مايخلص خﻻص اوكيه انا:ان شاءالله. الصبح كنت بقرأ الورد بتاعي ولقيت مني بتخبط وبتقول جهزتي .انا اساسا جاهزه من بدري