“22.12.2022” بعد يوم متعب خلصت النبطشيه بتاعتي في المستشفى وكنت مروحه انا وصحبتي سلمى على البيت _بت يا روز _امم _تفتكري ممكن يحصل حاجه في اليوم المميز ده؟ _هيحصل اي يعني يا سلمى ده احنا فقر الدهب في إيدينا يبقا تراب _طب امشي قبل ما الجو يتأخر ونتخطف زاي اللي بيتخطفو _صح انا مش مستغنيه عن عمري
وبعد ربع ساعه من المشي وصلنا للمنطقه عندنا كانت منطقه جميله الناس فيها بتحب بعض لحد ما من فتره حالات الخطف بقت كتيره وبقينا عايشين في خطر كنا ماشيين انا وسلمى خايفين لحد ما وصلنا للعماره عندنا _ماتيجي تقعدي معايا يا بت يا روز عندي لب وبيبسي وهنتفرج على فيلم كوري دمار _امشي يا سلمى الله يرضى عليكي قطع كلامي معاها صوت الأطفال وهما بيقولو “العفريت لازم يمشي العفريت لازم يمشي”
كانت اختي رونزي من ضمن الأطفال دول قربت ليهم وقولت: _عفريت اي يا حبايبي ليه بتقولو كدا؟ رد طفل من الأطفال وقال: _يا طنط روز في واحد سكن معانا في العماره شكله زاي العفريت بظبط سلمى رقعت ب الضحكه عشان الطفل قالي يا طنط تجاهلتها وكملت كلام معاه _مينفعش نقول عليه كدا ده بني ادم زيه زاينا وكل الناس حلوه عشان ربنا هو اللي خلقهم احنا كدا وحشين ومتنمرين ربنا هيزعل مننا
_طب نعمل اي يا طنط روز عشان ربنا يحبنا _منقولش عليه عفر يت ونتعامل معاه كويس وب احترام عشان احنا حلوين ومتربيين _خلاص انا مش هقول عليه عفريت تاني يا روز _شاطره يا رونزي هعملك كاب كيك عشان انتي شاطره _وانا يا طنط _وانا كمان مش هقول عليه عفريت تاني _وانا وانا هحبو وهحترمو يا طنط _شاطرين يا حبايبي هطلع اعمل الكاب كيك واديكم كلكم
قولتها ونزل من العماره شاب الولاد كلهم جريو عليه وهما بيقولوا _احنا اسفين يا عمو _انت حلو يا عمو مش عفريت _احنا بنحبك يا عمو _متزعلش مننا يا عمو فهمت من كلامهم إن ده الشخص اللي بيقولو عليه عفريت بصيت ليه وكان . . كان وشه متشوه بس التشويها مش من مياة نار انا دكتوره وافهم كويس في الحاجات دي كذا مكان في وشه فيه تعويره ومتخيط لدرجة إن سلمى خافت منو وشدتني عشان امشي معاها بس ممشتش فضلت واقفه وهي اللي مشيت
انا كنت فاكره انه شاب شكله مش حلو عشان كدا بيقولو عليه عفريت بس الغريبه اني مش حاسه ان شكله وحش عادي شوية تشويهات وتعوير مش اكتر كان طول بعرض عنده عضلات لابس تيشيرت ابيض مبين عضلاته ابتسم للأطفال وسابهم ومشي .. مشي وهو مستغرب اني مخوفتش زاي سلمى! طلعت البيت غيرت هدومي لبست جلبية ماما اللي بحبها وبرتاح فيها ودخلت البلكونه وانا بشرب فنجان قهوه وبكلم سلمى في التيلفون
_ينفع اللي انتي عملتيه ده كسفتي الراجل _راجل اي يا روز ده أعوذ بالله من الشيطان الرجيم منو ده يقطع الخلف _عيب عليكي يا سلمى مالو في أي بني ادم زايه زاينا يا دكتوره يا متعلمه يا بتاعت الإنسانيه قولتها وقفلت السكه في وشها مش عارفه ليه بس زعلت عليه مالو في أي ما هو زاي الفل مفيهوش غلطه كملت قهوتي وشفته بيركن عربيته تحت العماره ونزل منها مع نظرات اهل المنطقه الي كلها سخريه اغلب الناس بيبصبو ليه بقرف والباقي مش مهتمين
لاكن مكنش مهتم ليهم ولا كأنهم موجودين دخل العماره عادي بس هما ليه بيتعاملو معاه كدا؟ ذنبو أي انه شكله كدا؟ هو لازم الإنسان يكون شكله حلو عشان نحبو ونتعامل معاه ب احترام؟ اضايقت عليه جدآ ودخلت اعمل الكاب كيك عشان مبحبش اخلف ب وعدي مع الأطفال ووانا واقفه بعملو بابا دخل هو كمان المطبخ يعمل كوباية شاي _تحب اعملو انا يا بابا؟ _لاء يا حبيبتي هعملو انا انتي شايك ميتشربش
_حبيبي يا بابا . . صحيح أي حوار جارنا الجديد ده؟ _اسكتي يا روز يا بنتي جيه الصبح وأهل المنطقه اتريقو عليه اخر تريقه عمك علاء قالو مينفعش تعيش معانا هتخوف عيالنا وعمك محسن قالو انت مسخ وعزوز قالو انت شيطان الواد صعب عليا اوي _اوعا تكون قولتلو حاجه يا بابا _لاء يا بنتي مقولتش ده يبقا حرام عليا رحبت بيه والله وكلمت اهل المنطقه يتعاملو معاه حلو احنا مشفناش منو حاجه وحشه
_دول عالم مريضه بجد مضايقه منهم اوي _ربنا يهديهم يا بنتي قالها وخلص الشاي وخرج وبعد شويه كنت خلصت الكاب كيك ونزلت اوزعو على أطفال المنطقه ووعدتهم انهم لو احترموا جارنا الجديد هعملهم حاجات حلوه كتير وطلعت البيت وبعد شوية تفكير قرارت اني اطلع ليه اديلو من الكاب كيك اللي عملتو ك ترحيب بيه استأذنت من بابا الاول وبعدين جبت طرحه حطيتها على شعري وطلعت ليه
رنيت الجرز ودقايق وفتح ليا الباب _نعم ! _ازيك انا روز جارتك اللي تحت _اي المطلوب؟ _مفيش حاجه مطلوبه انا جايه أرحب بيك بس مش اكتر ممكن تتقبل مني الكاب كيك ك ترحيب بيك _لاء شكرآ مش عايز اتفضلي انزلي _انت بتتكلم كدا ليه انت غريب اوي على فكرا _انتي اللي غريبه او مبتشوفيش مش شايفه شكلي مخوفتيش ليه زاي صحبتك وزاي الأطفال وزاي اهل المنطقه؟
_ليه واخاف من اي فيك اي يخوف؟ _انسه روز المبالغه في عدم التنمر يبقا تنمر _يا ابني انت مبالغه في أي انا حقيقي مش شايفه فيك اي حاجه تخوف _تمام اتفضلي امشي بقا _بس انا مصممه انك تاخد الكاب كيك ده النبي وصى على سابع جار ولا اي؟ _الله ما طولك يا روح انتي عايزه اي دلوقتي؟ _تاخد الكاب كيك _هاتي ياستي هاتي
قالها وخد مني الطبق وقفل الباب استغربتو شويه وبعدين نزلت عدت الايام وهو مالوش دعوه ب اي حد في المنطقه بيخرج متأخر ويرجع متأخر ولا بيرد عليا السلام ولا الصباح طلعت ليه كذا مره قبل كدا مره ب فطار ومره ب غدا انا بس كنت عايزه يعرف إن احنا معاه مش ضده كان صعبان عليا مش اكتر المره الاخيره زهق مني باين وقرار انه يخوفني فتح الباب وهو قالع التيشيرت جسمه كله كان كله خدوش وجروح وكذا جزء فيه غرز خياطه كان عنده امل اني اخاف منو وابطل اجي ليه بس مخوفتش . .
بالعكس ده صعب عليا اكتر اكيد ده عاني في حياته كتير بس حسيت على دمي وكرامتي نقحت عليا عشان كل مره كان بيطرني فا مبقتش بروحلو تاني وانهارده خلصت شغل وكنت مروحه طلع عليا قطاع طرق رميت ليهم الشنطه وسبتهم وجريت بس كان بيجرو ورايا لحد ما اتكترو عليا وكنت خلاص فقدة الامل اني مش هرجع ل بيتي وأهلي تاني بس اتفجأت بيه بيركن عربيته ونزل منها وهو معاه عصايه حديده ونزل فيهم ضرب
مسك واحد فيهم خنقو ب إيدو وهو بيقول: _مين اللي بعتك ياض انت تبع مين انطق سابه من إيده وجري عليا وانا مش عارفه بيجري ليه واتضح إن كان فيه واحد منهم معاه مطوه بيها بس هو فداني الضربه جت فيه هو قطاع الطرق هربو وهو الضربه جت في دراعو _اركبي يلا هوصلك _إيدك بتنزف!! _مالكيش دعوه بيها اركبي يلا ركبت معاه العربيه ودراعه لسه بينزف
_انا دكتوره اسمحلي اعالج جرحك _لاء متشكر _بس كدا هيتعبك كتير _متعود عادي _لاء مانا هعالجك يعني هعالجك قولتها ودوست برجلي على الفرامل وقف العربيه وهو متعصب وبيقول: _انتي مجنونه!! _هعالجك قولت _مش محتاجه ده جرح بسيط انا بتجرح جروح أعمق من كدا ومش بيجرا حاجه _وكل الجروح دي ليه انت صايع وبتاع مشاكل؟ قولتها وانا بطلع علبة الاسعافات الاوليه من شنطتي وبدأت اعالج جرحو وكان ساكت متكلمش ولا كلمه لحد ما خلصت
لأول مره اكون قريبه منو كدا خدت بالي من لون عينو لونها بندقي فاتح ورموشه كثيفه لمحت ب عيني مسدس في عربيته بصيت للمسدس وبصيت ليه وقولت: _انت الظابط السري اللي مبعوت لينا عشان يعرف حوار الخطف صح؟ _ظابط عشان معايا مسدس ؟ ليه متقوليش اني صايع زاي ما قولتي ولا رئيس عصابه؟ _لاء انا مش عبيطه انت ظابط صح قول قول سرك هيكون في بير
مردش عليا فضل سايق في صمت لحد ما وصلنا قدام باب العماره نزلت من عربيته وقولت: _متشكره جدآ يا حضرت الظابط لولاك مش عارفه كان هيجرالي اي ربنا يخليك ل مصر قولتها وسيبته وطلعت الأطفال كانو بيلعبوا لما شافو جريو عليه يرحبو بيه يتبع..”الجزء التاني” عدت الايام وحالات الخطف بتزيد وهو لسه غامض زاي ما هو بيخرج في نص اليل ويرجع تاني ولا عايز يتكلم مع حد ولا يقرب من حد ولا يصاحب حد
وفي يوم كان واقف في السطوح طلعت انا كمان أقف معاه حطيت على كتفي شال وطلعتلو كان واقف بيتفرج على القمر وهو بيشرب سيجاره _بعدين في حالات الخطف اللي بتزيد دي يا حضرت الظابط رد عليا من غير ما يلف وشه وهو بيقول: _برضو مصممه إني ظابط! _ايوا ظابط سري _اممم انتي بتتفرجي على افلام كتير _لاء بقراء روايات كتير _امم ومتوقعه اي بقا من اللي بيحصل ده؟
_انت ظابط سري وهتقبض على المجرمين وهتحبني وهحبك وهنتجوز ضحك .. ضحك بصوت عالي طفى السيجاره وبص ليا وقال: _وانهي روايه بتقول كدا بقا؟ _رواية المشوه كان نفس قصتك بظبط _مشوه؟؟ _اا احم الروايه اسمها كدا كل الناس كانو بيخافوا منو معاده البطله _امم وانتي بقا البطله اللي مخوفتيش مني _مظبوط _ضحكتيني وانا ماليش مزاج للضحك عن اذنك _استنى انت اسمك اي؟
_وهتفرق معاكي في اي؟ _هو كدا فضول بعدين بتروح فين كل يوم بليل ؟ _ده انتي بتراقبيني بقا؟؟ _بتبقا صدفه _اممم الشال بتاعي اتشبك في مسمار في السور حاولت أشده ووانا بشده إيدي اتعورت بص ليا وقرب ل إيدي اللي كلها دم وقال: _امشي من هنا فوارً _ده بدال ما تطمن عليا؟ _امشي بقولك قالها وحاول يسيطر على نفسه كان عايز يقرب مني ومنع نفسه عينه اتحولت للون الأحمر وهنا انا جتلي حالة صرع جريت منو وسبت شالي متعلق في المسمار جريت وانا بنهج وخايفه
اي اللي شفته؟ معقول يكون مصاص دماء؟ لاء لاء لاء مستحيل علاجت إيدي وفضلت رايحه جايه وانا مش عارفه افسر اللي حصل عملت سيرش عن صفات مصاصين الدماء وفضلت اقراء عنهم كتير قرأت ب الساعات لحد ما النهار عليا طلع غيرت هدومي وروحت للمكتبه اللي جنب البيت اشتريت كل الكتب والروايات اللي بتتكلم عن مصاصين الدماء بس معرفتش اوصل ل حاجه مش عارفه احدد هو اي مصاصين الدماء موجودين ولا لاء؟
قرارت اني هتشجع واطلع أسألو حطيت شال ماما على كتفي وطلعت ليه وانا جوايا شجاعه مزيفه خبط عليه شويه وفتح _عايزه اي انتي مش ناويه تخرجيني من دماغك؟ _انت مصاص دماء صح؟ _مره تقولي ظابط ومره مصاص دماء انتي شكلك الروايات كلت دماغك على الآخر _رد عليا امبارح لما شفت دمي معرفتش تسيطر على نفسك وعينك احمرت تقدر تفسرلي اللي حصل؟ _امشي يا روز
_مش همشي غير لما تقولي اي معنى اللي حصل _معرفش بصيت ليه شويه وشديت الدبوس اللي كنت قافله بيه الشال وشكيت نفسي بيه جامد لحد ما اتعورت نفس اللي حصل امبارح حصل انهارده معرفش يسيطر على نفسه عينه احمرت اتكلم وصوته كله جحور: _امشي دلوقتي عشان هأذيكي علاجي جرحك ومتسبيش اثر للدم وهجاوب كل اسألتك امشي يا روز هأذيكي امشي . . جريت زاي امبارح جريت وانا خايفه معقوله شكوكي صح؟
عايزه اي تاني ما الأمور واضحه اهو حالات الخطف وجنونه لما بيشوف الدم وخروجه في اليل هو السبب في حالات الخطف! طب اقول ل بابا؟ اقول ل اهل المنطقه اخليهم يطردو؟ لاء لاء مش هحكم على كتاب من الغلاف اعرف حكايته الاول بعدين اقرار اعمل اي دويت جرح إيدي واتأكدت إن مفيش اثر للدم وطلعت ليه خبط عليه فتحلي وساب الباب مفتوح ودخل دخلت وراه قعد على المكتب وحط إيديه الاتنين حوالين راسه وقال:
_سمعك _انت مصاص دماء صح؟ _مش صح اوي نص بشري ونص مصاص دماء _انت السبب في حالات الخطف صح؟ _لاء _طب اي اللي جابك هنا؟ _جاي عشان بجمع اللي اللي بيبقوا السبب في حالات الخطف عشان نعمل معاهدة سلام _اللي هما مين بقا؟ _المستذئبين _يعني كل اللي اتخطفو دول ماتو؟ _لاء عايشين _وهيعملو بيهم اي؟ _هيستنو ليوم واحد في السنه الجديده ويقدمومهم هديه للملك بتاعهم
_اي ده؟؟ ااي اللي وداني بتسمعو ده؟ لاء لاء مستحيل يكون حقيقي انا بحلم انا اكيد بحلم _للأسف لاء دي حقيقه _انت بتاكل البني ادمين؟ بتتغذى على دمهم يعني؟ _لاء انا نص بشري قولتلك وعشان مش بتغذى على دمكم مبعرفش اسيطر على نفسي لما بشم ريحة الدم _امم وانت قولتلي كل حاجه عنك وأسراركم وبتجاوب بصراحه انت ناوي صح سرك معايا صح؟ _لاء
_ليه؟ _عشان مش خايف منك _ليه؟ _عشان انتي مخوفتيش مني _انا مكنتش خايفه من شكلك لاكن وانت مصاص دماء كدا انا خايفه بس صحيح ليه شكلك عامل كدا انا اعرف ان مصاصين الدماء بيبقوا حلوين _محدش قالك إن الملافظ سعد؟ _انا اسفه بس عندي فضول اعرف باباك مكنش بيبحبك صح ؟ كان شاكك انك مش ابنه صح؟ ودفع فلوس لدكتور عشان يشوهك صح؟ وانت كنت في ملجأ ولقيت الوزير وطلبت منو تبقا ظابط صح؟
دعك في شعره وبص ليا وابتسم وقال: _انتي مجنونه لاء ولسه مصممه إني ظابط _طيب طيب المهم مش خايف اقول ل اهل المنطقه؟ _لاء عشان انا نيتي خير انا جاي اساعدكم وارجع اللي اتخطفو مش هأذيكم _اي اللي يضمني انك بتقول الحقيقه؟ _الضمان هو انك مصدقه كلامي _امم طيب هو انت ينفع تبقا بشري بس؟ _ااه ينفع _امم طب ينفع بعد ما تبقا بشري تتجوزني؟
ضحك وهرش في دقنه وقال: _انتي فعلآ مجنونه _طب انت بتروح فين بليل؟ _لاء خلاص اسألتك خلصت مش هجاوب على حاجه تانيه _معقول تكون بتروح ل عشيقتك؟بتخوني؟تمام ربنا يهني بكار ب رشيده سلام قولتها وسبته وخرجت ورزعت الباب ورايا ورجعت خبط تاني فتح ليا وقال: _ها اي تاني ناويه تطلقي وتسبيلي العيال عشان انا خاين ولا نمرمط بعض في محكمة الاسره؟ _ههه خفه اا احم انت اسمك اي؟
_يوسف _حلو اسمك لذيذ المهم معاهدة السلام دي هتخلص امتا؟ _يومين بكتير اوي _وكل المخطوفين هيرجعو؟ _ااه _توعدني؟ _اوعدك _شاور على قلبك _ليه؟ _هو كدا اللي بيوعد حد بيشاور على قلبه _حاضر انا بوعدك اني هرجعهم ومش هأذي حد قالها وهو بيشاور على قلبه ابتسمت ليه ومشيت وقفل الباب ودخل رجعت خبط عليه تاني فتحلي الباب وقال:
_مش هنخلص النهارده _هو انت مش هتخليني اوعدك اني مش هقول ل حد على سرك؟ _لاء _ليه؟ _عشان واثق فيكي _ليه؟ _معرفش بس اول ما اعرف هقولك _اتفقنا قولتها وابتسمت ليه وسبته ومشيت يتبع.. “الجزء التالت والاخير” عدا اليومين وبالفعل المخطوفين رجعو واحوال المنطقه اتحسنت فرحت جدآ إنه كان قد الوعد طلعت ليه عشان اشكره انه كان قد الوعد واعرف إذا كان هيفضل ولا هيمشي خبطت على الباب وفي خلال دقايق فتح ليا الباب
بس كان .. كان جميل وسيم اوي مش زاي اول مره شفته لدرجة إني شكيت انه مش هو _انت يوسف صح؟ _صح _وبقيت حلو كدا إزاي؟ _عشان بقيت بشري _يا قمرر . . ممكن تجيب المأذون وتتجوزني ضحك وقال: _عشان اي؟ _عشان خاطري ضحك تاني وضحكت معاه قطع ضحكنا صوت ماما وهي بتقول: _اصحي يا روز هتتأخري على شغلك اصحي يا بنتي
صحيت من النوم مفزوعه فين يوسف؟ معقول كان حلم لاء لاء مستحيل قومت لبست اسدال وطلعت ليه بس كان الشقه بتاعته فاضيه محدش ساكن فيها اصلآ اتضح انه كان حلم انا أحلامي كلها غريبه اي اللي دخل مصاصين الدماء في ظابط في خطف الناس ؟ شربت كذا فنجان قهوه وانا بحاول استوعب الحلم بس اللي استوعبته ان فكرة الحلم تنفع تكون روايتي الجديده من المفروض إن معرض الكتاب فاضل عليه اسبوع ولازم اجيب فكره كويسه ل روايه جديده عشان تتقبل وتخلص قبل اسبوع
قومت فتحت اللاب وبدأت اكتب عن الحلم مع زيادة تفاصيل وشيلت فكرة مصاص الدماء دي خالص خليته ظابط وهو اللي انقذ المنطقه وخليت النهايه إنه حب البطله واتجوزها بس اخلي اسم الروايه اي؟ بعد شوية تفكير قرارت اني اخلي الروايه اسمها “أحببته في منامي” وخلصت الروايه وروحت ل دار الكتب عشان اتفق معاهم على معاد الطبع واختيار الغلاف وروحت بس مكانوش لسه فتحو فا نزلت اقعد في كافيه جنب الدار طلبت قهوه ومع اول بوق من قهوتي شفته!!
شفت الشخص اللي حلمت بيه كان قاعد في إيده فنجان قهوه وإيده التانيه سيجاره روحت ليه وانا مش مستوعبه اللي بقولو وقولت: _هو حضرتك مرتبط؟ ساب القهوه وبص ليا ب استغراب وقال: _وانتي مالك؟ _طب بلاش السؤال ده انت اسمك يوسف صح؟ _ااه مين حضرتك؟ _وبتشتغل ظابط صح؟ _انتي شاربه حاجه صح؟ _مش مهم المهم ممكن تجيب المأذون وتتجوزني؟ _عشان اي؟
_عشان خاطري ضحك وقالي: _اقعدي طيب شديت الكرسي اللي قدامه وقعدت _انتي بقا تعرفي اسمي منين؟ _لو قولتلك هتصدقني؟ _ااه _اوعدني الاول انك هتصدقني _أوعدك قالها وشاور على قلبه ابتسمت ليه وعيني لمعت وبدأت احكي عن الحلم _حلمت بيك حلمت بكل حاجه بس مكنتش كدا كنت نص بشري ونص مصاص دماء وانا مخوفتش منك ووعدتني وعد ووفيت بيه قومت من النوم طلع حلم لحد ما جيت هنا وشوفتك
_امم وبعدين؟ _ولا قبلين قرارت استفاد ب الحلم ده وعملته روايه _فعلآ! _اه انا اصلآ كاتبه _وريني كدا طلعت ليه الروايه بتاعتي وبداء يقراها ساعه ونص بيقرأ فيها هو مركز في الروايه وانا مركزه في ملامحو في عيونو في رموشه كان يجنن زاي الحلم تمامآ لحد ماخلص وقالي: _دي تحفه دي تجنن انا موافق عليها وهنشرها ليكي _تنشرها قصدك ان انت المدير صح؟
_صح بس عارفه اي اللي هيبقا صح اوي؟ _اي _اني قرارت اجيب المأذون واتجوزك _ليه عشان اي؟ _عشان خاطري تمت.. #