** حمد الله علي السلامة يامرات ولدي ابجي خلي بالك مش كل مرة هتعدي علي خير يبنتي
الكل كان بيبص لبعضه بسبب حنيتها المفاجأة وغنوة شدت نغم عليها وسالتها بهمس
= هي دي مرات عمك ولا أنا الخبطة أثرت عليا ولا اي
_ والله باينها هي ولا بدلوها ولا اي
قربت صفاء من زين وطبطب عليه
** كيفك ياولدي … اتوحشتك من امبارح وانت غايب عني
نزل زين ايدها بهدوء من غير مايبصلها
_ كويس ياما الحمد لله ….
مروة جهزتي الوكل اللي جلتلك عليه لغنوة
° أيوة ياخوي وعملته بيدي كيف مطلبت تمام ..يارب وكلي يعجب غنوة بس
ابتسمتلها غنوة بحب ..وقاطعتهم صفاء
** مالازم يعجبها دا انا بنتي أشطر واحدة في الدنيا مش خايبة زي باجي البنات
مع اخر جملة كانت بتبص لليلي بابتسامة سخرية وساعتها همست غنوة لنفسها
= لا طلعت هي متبدلتش ولا حاجة
سمعتها نغم وحاولت تداري ضحكها وهي بتقول
– يابابا هنطلع غنوة السلالم دي كلها ازاي
* والله يبنتي هنحاول و …
قاطعهم زين ومسمحلهمش حتي يفكرو
_ بعد اذنك يعمي غنوة مش
هتطلع فوج ..غنوة هتفضل معايا معاتفرجش عيني واصل
سالته صفاء باستغراب
** معاك كيفك يعني اتجننت اياك
_ لا متجننتش مرتي وعاوزها معايا اظن حجي
* أيوة يازين بس غنوة لسه مبجتش مرتك عشان ..
_ لا مرتي ياعمي جدام ربنا وجدامكو وجدام الناس كلها هي مرتي علي سنة الله ورسوله ومحدش يحجله ياخد باله منها ويراعيها غيري أنا وبعد اذنكو عشان مرتي محتاجة ترتاح
مسمحش لحد يعترض ولا فرصة لحد يتكلم بدا يحرك كرسي غنوة تحت نظراتها ليه وهي بتحاول تستوعب اللي يقصده وتحت نظرات اللي بصالهم بكره ودخلها اوضته بهدوء وقفل الباب وراهم
_ نورتي اوضتك ياعروسة
= أوضة اي ؟
انت اكيد بتهزر … وسع كدا وطلعني من هنا
_ مش هتطلعي من هنا غير اما تخفي واطمن عليكي ساعتها روحي مكان متحبي
= زين ميصحش اللي بتعمله دا هفضل معاك في اوضتك ولوحدنا ازاي يعني
ابتسم زين لسذاجتها