_اسكريبت_
_وانتي مفكرة واحد زي يوسف دا هيبصلك فوقي يابنتي هو فين وانتي فين دا صاحب الشـ,ـركة وانتي يادوب بتشتغلي في البوفية دا حتي مش بيشوفك
_انا..
_بلا انا بلا بتاع نور احنا لقينا الشغل دا بطلوع الروح.. راتب حلو وشغل مش متعب باللي هو وولا مضايقات ولا نيلة فمتتبتريش علي النعمة والنبي واقفلي باب احلامك دا
_حاضر.. حاضر ياسهي
ووقفت تعمل قهوة وهي بتتنهد بتعب تعمل اية من اول يوم شغل ليها هنا ومن لما لمحته وهو بيدخل بكاريزمته.. وطوله..
وعرضه وهو خطڤ عيونها وبقيت في كل يوم تقف تستناه في نفس المعاد لحد ما خطڤ قلبها هي عارفة ان المسافة بينهم زي المسافة بين السما والارض بس تعمل اية في القلب العنيد!
دخلت الشركة وهي بتجري فهي متأخرة علي شغلها انهاردة ودي اول مرة تحصل كانت خاېفة من ان يتم خصم منها الساعات دي بتجري وهي تقريبا مش شايفه قدامها من التوتر.. دخلت ل بوابة الشركة وجريت كام خطوة وفجأة
_اهاااا
_مش تحاسبي
سمعت صوته فرفعت عيونها وشافته لقيته هو بطوله.. بعرضه.. بحلاوته بيبصلها بعصبية اتوترت
_انا..
انا انا اسفة مأخدش بالي
شاور بأيده انها تسكت_ تمام.. تمام روحي شوفي شغلك
متحركتش.. فضلت واقفة مكانها تبصله كان هو بيتكلم مع موظف ما انتبه انها لسة واقفة بعد ما الموظف مشي بصلها برفعة حاجب والمرة دي قدر يركز في ملامحها
_في حاجة!
_ا..ا..