حب حياتى بقلم ايمان صالح

#اسكريبت _كل ده ومنزلتيش ؟ _ خلاص يا يوسف خمس دقايق وهكون عندك اهو _ طيب خلصي يا فرح لما نشوف اخرتها معاكي ايه ! " قفل الموبيل فكملت لبسي وطلعت عند ماما بره يوسف زميلي معايا في المدرسة والدروس يعتبر اتعرفت عليه من أولى ثانوي ودلوقتي احنا في تالته علمي علوم ،طلعت عند ماما وقفت قصادها _ ماما هاتي المصروف وفلوس الدرس عشان انزل _ خدي لما نشوف هتعملي ايه السنه دي مين هيروح معاكي الدرس _ هيكون مين غير هنا يعني _ طيب يلا روحي _ سلام يا ماما " خدت منها فلوس الدرس ونزلت ،مشيت شوية وبعدها لقيته واقف في الشمس بينفخ بضيق وقفت وابتسمت _ اتأخرت عليك ؟ _ لا يا اختي متأخرتيش احنا النهارده هنطرد من الدرس بسببك _ ليه يعني ده باقي ربع ساعه يا يوسف _ فرح انتي عارفه الطريق بياخد نص ساعة _ لا ما احنا هنمشي بسرعه _ والله بمشية البطريق بتاعتك دي ! بصتله بضيق _ انا ا قطعني بسرعه ورفع أيده باستسلام_ خلاص مش هنتجادل يلا عشان نمشي هنتاخر " رميت الشنطه بتاعتي عليه وضحكت ومشيت وهو بصلي بضيق واحنا ماشيين _ في الاخر انا اللي هشيلك الشنطه _ انا تعبانه خالص يا يوسف النهارده مين هيشيلها يعني ؟ _ خدام الهانم طبعا ضحكت_ لا يا يوسف متقولش على نفسك كده _ المهم عملتي ايه في درس اللي ذاكرتيه _ يا عم ده درس عربي المشكله عندي انه رخم اوي كل ما اذاكر انسى بسرعه _ عشان مش بتركزي لو بتركزي مش هتقولي كده ! _ لا بركز بس مش بحب العربي ابدا _ على فكره بقى العربي حلو بس انتي اللي واخده فكره غلط عنه _ مين ده العربي قول كلام غير ده _ مش هقول يستي يلا ندخل الدرس وصلنا _ استنى انا عايزه اروح افك الفلوس دي عشان ادي للمستر فلوس الدرس بصلي بغيظ واتكلم بحنق_ طيب ومفكتيش الفلوس ليه واحنا جايين لسه فاكره دلوقتي _ نسيت والله يا يوسف ادخل انت عشان المستر ميتكلمش معاك وانا هدخل بعدك _ بس انتي كمان هتتاخري كده يا فرح وهيزعقلك _ لا متقلقش يلا بس ادخل " مشي بتردد دخل الدرس وبعدها روحت فكيت الفلوس ودخلت السنتر ،اول ما دخلت المستر بصلي _ اتأخرتي كده ليه يا فرح _ معلش يا مستر اتأخرت شويه _ كل مره تأخير كده ده مينفعش خالص يا فرح _ والله يا مستر الطريق بس بيأخرني _ عارفه لو انا مش عارف انك طالبه متفوقه كنت مش دخلتك الدرس ولا دلوقتي ولا بعدين مش كنت خليتك تكملي معايا ابتسمت _ ربنا يخليك يا مستر بعد اذنك " ابتسم وانا دخلت قعدت قريب من يوسف بس لحظت أنه قاعد مكشر وده مش طبعه ،قعدت والمستر بيشرح الدرس وبعدها وقفني _ قومي يا فرح اعربي الجمله دي رديت بتذمر_ يا مستر مش بحب الإعراب ابدا ضحك _ عارف ولا بتحبي العربي كمان يلا اعربي " بدأت أعرب وبعدها بصلي بحزم _ انا نفسي اعرف تاء الفاعل بتروح فين فين مكانها في الإعراب ضحكت_ اه معلش نسيت نسيت يا مستر _ نسيتي اهي الحاجات دي اللي بتوقع في الامتحان وترجعوا تعيطوا الدرجات راحت فين ! Eman Saleh. " ابتسمت وخلصت وبعدها قعدت ،خلصت الحصه وبعدها المستر اتكلم _ الحصه الجايه فيه امتحان على الوحده الاولى و التانيه متنسوش " كله طالع مخنوق وبيتكلم وبعدها طلعت دفعت حق الدرس ويوسف كان طالع متضايق مش فاهمه ماله مشيت جنبه _ مالك يا يوسف زعلان ليه اتكلم بضيق _ مية مره اقولك متضحكيش مع المستر ده وبرضوا بتضحكي ! بصتله بذهول _ بتقول ايه يا يوسف ده المدرس بتاعنا وبعدين بيفهمني مش لازم اكشر يعني _ لا كشري ومتعمليش كده تاني _ اعمل ايه يا يوسف ده انا بجاوب على اد السؤال _ والضحك والهزار ده كان ايه _ لا ده انت اتجننت خالص يا يوسف بجد _ خلاص براحتك يا فرح " مشي متضايق وكنت ماشيه جنبه ماله ده ! Eman Saleh . _ تعالي اقعدي هنا هنطلب اكل ونراجع عشان ميعاد درس الأحياء ولا ايه _ انا مش عارفه كل الدروس مع بعض كده ليه _ عشان يا اذكى اخواتك المواد كتير ف لازم نقسمهم عشان يوم الجمعه يكون اجازه _ ما فيه مدرسين برضوا بيدوا امتحان يوم الجمعه _ اوقات بس يا فرح لو مفيش بيكون اجازه حتى لو كده الامتحان بيبقى ساعه وتروحي " هزيت راسي وطلب الاكل وبعدها قعدنا نراجع النهارده عندنا امتحان احياء وحرفيا الدنيا جايه علينا اوي كل يوم امتحانات او امتحانين مع بعض ايه كل ده ! " الاكل وصل وكلنا وبعدها طلعت فلوس فبصلي وهز رأسه _ بتعملي ايه ! _ بدفع حق الاكل هعمل ايه يعني _ طيب رجعي فلوسك _ ليه يعني ده اكل مشترك يا يوسف احنا طلب وانت لسه مش بتشتغل اتكلم بضيق _ رجعي فلوسك انا معايا فلوس يا فرح " دفع وبعدها طلعنا دخلنا درس الأحياء قعدنا مستنين المستر ،كنت قاعده متوتره وهو قاعد واثق من نفسه _ انت مش خايف يا يوسف ! _هخاف من ايه ده مجرد امتحان خليكي واثقه من نفسك ده امتحان في درس واي غلط هنتعلم منه عشان اخر السنه اهدي يا فرح متخافيش الامتحان هيكون حلو " بعد شويه المستر جه وبدانا نمتحن ،كنت قاعده بتوتر وبحل بعد فتره يوسف طلع يصحح الامتحان وبعدها خد الورقه وخرج ،وقف قصادي بيحاول يطمني ،خلصت و خرجت و المستر بدأ يصحح ورقتي وبعدها بصلي _ السؤال ده مش كده يا فرح ده حله زي ما انتي شايفه كده " بدأ يفهمني وبعدها اتكلم _ كده لحد دلوقتي يوسف صاحبكم مقفل الماده و فرح ناقصه درجه كل واحد هيقفل او ينقص درجه وقتها هيكون ليه هدية عندي " خدت ورقتي وطلعت بضيق وهو طلع مشي جنبي _ وريني ورقتك كده ! " خدها مني وبعدها بصلي _ انتي سيبتي كل الصعب يا فرح وجيتي للسؤال ده _ خلاص بقى يا يوسف انا متضايقه دلوقتي ابتسم ومسك ايدي _ خلاص يا ستي اتعلمي من غلطك وبعدين كده كده هتاخدي هديه من المستر اهو متزعليش يا فرح " كل يوم كنا بنروح الدروس مع بعض ودايما بيشجعني على المذاكره ،وفي يوم كنت جايه من الدرس ودخلت البيت لقيت اخويا في وشي قرب مني بغضب وضربني زعقت _ انت ازاي تمد ايدك عليا كده مسك شعري وشده_ وانتي من امتى قليلة الادب كده صوت _ اه سيب شعري يا احمد انت اتجننت ولا ايه _ اه وهبقى مجنون اكتر لو سيبتك كده من غير ما اخلص عليكي " ماما و بابا طلعوا وبعدونا عن بعض وانا بصتله بكرهه بابا زعق_ انت ازاي تمد ايدك على اختك كده _ عشان هي بنت قليلة الادب ومش محترم وجودنا _ انت بتقول ايه على اختك يا احمد _ الهانم ماشيه مع واد ملوش لازمه رايحه جايه معاه #ايمان_صالح ماما ضربت على صدرها _ يا مصيبتي ازاي تقول على اختك كده _ انا مش بتبلى عليها اسألوا الهانم كانت مع مين وكانت ماشيه مع مين انا كنت نازل بس هي طلعت انا شايفها من البلكونه ماما قربت بحذر _ انتي فعلا عملتي كده " سكت ومردتش عليها فكررت تاني _ انتي فعلا عملتي كده يا فرح _ يا ماما يوسف زميلي ومعايا في الدرس هو ولد كويس بيشجعني و " مكملتش كلامي لأنها ضربتني على وشي بالقلم _ اخرسي يا قليلة الادب من بكره مفيش دروس انتي فاهمه _ لا مش فاهمه انا معملتش حاجه غلط ده زميلي يا ماما بابا زعق بغضب _ وكمان بتبجحي مفيش بعد كده دروس ولا فيه مدرسة ولا زفت بعدها هنقعدي في البيت واشوفك بقى هتعملي ايه " خدوا مني الموبيل ومش بنزل دروس حتى يوسف مش بكلمه حاولت اعمل حاجه مفيش فايده حاولت انزل الدروس معرفتش _ فرح _ نعم يا ماما _ روحي مع محمد ابن عمتك هاتوا الحاجات دي اتكلمت بضيق _ حاجات ايه يا ماما انا مش بطيق محمد ده _ على أساس هو اللي واقع فيكي يلا روحي هاتي الحاجات دي نفخت بضيق_ ماشي يا ماما " طلعت لقيته واقف منتظرني وابتسامه لزجه في وشه انا طول عمري بكره اتعامل معاه مش عارفه ماما بتخليني امشى معاه ليه؟ _ عامله ايه في المذاكره يا فرح اتكلمت ببرود من غير ما ابصله_ كويسه _طيب و الدروس مش بتروحيها ليه ربعت ايدي بغيظ _ وانت بتسأل ليه انت مالك _ عشان اطمن عليكي _ لا يا سيدي شكراً متطمنش " مشيت وانا حرفيا مكنتش طيقاه ...جبت طلبات اللي ماما عايزاها وبعدها روحت البيت طلعنا الشقه وعمتي اتكلمت _ ايه يا فرح يعني مبتروحيش الدروس دلوقتي _ انا حره يا عمتي ماما زعقت _ بت اتكلمي مع عمتك كويس _ يوو يا ماما قوليلها انتي انكم منعتوني من الدروس عمتي بصت بدهشه_وانتوا منعتوها ليه ده مستقبلها " ماما مردتش وانا سيبتها ومشيت مش عايزين نتكلم او نقول اسباب بيتطفلوا ليه بقى ! عدت شهور ومكنتش بنزل الدروس خالص ومستقبلي بينهار حرفيا ،كان باقي شهر واحد على الامتحانات كنت واقفه بعيط _ يا ماما بالله عليكي خليني انزل الدروس باقي شهر على الامتحانات _ مفيش دروس ولا مدرسة بعد كده _ بالله عليك يا بابا مستقبلي هيضيع ماما اتكلمت _ ما انتي لو كنتي خوفتي على مستقبلك مكنتيش عملتي كده _ خلاص اخر مره انزل دروسي واوعدك مش هكلم حد تاني " بابا بصلي شوية وبعدها هز راسه _ ماشي روحي الدروس بس اخوكي هيروح ويجي معاكي _ لا يا بابا ليه يروح معايا انت مش واثق فيا _ الثقة انتي هدمتيها يا فرح بعملتك السوده دي يلا شوفي وراكي ايه يلا البسي وانا هتصل ب اخوكي يجي من الشغل يوديكي " دخلت لبست واحمد كان جه ،مشيت معاه وصلت الدرس _ انا واقف اهو لحد ما تخلصي واياك تكلمي حد فاهمه " هزيت راسي بضيق وبعدها دخلت حضرت الدرس وانا خارجه يوسف وقفني بلهفه تحت عيونه اسود وجسمه بقى قليل غير الاول خالص _ فرح فرح انتي كنتي فين كل ده قلقتيني عليكي " بصيت على احمد لقيته واقف مستني ومساك موبيله ،مردتش عليه وخرجت مشيت مع احمد وصلت الدرس التاني وبعدها روحت ،طول فترة المراجعه احمد كان بيمشي معايا لحد ما بدأنا الامتحانات وكانت ايام موتره اوي لنفسيتي ،كنت بحل بس مش زي الاول لان ضاع مني كتير اوي ،خلصت الامتحانات وبرضوا يوسف كان بيبقى عايز يكلمني وبمشي واسيبه ،عدت فتره والنتيجه ظهرت وكانت نتيجة متوقعه قليله ،كنت بعيط على كل حاجه انهارت مني حلمي ضاع من ايديا ،نتيجه الترشيح طلعت وجالي كلية تجاره وقتها مكنش فارق معايا عادي يعني ،عرفت ان يوسف دخل كلية الطب وقتها فرحت اوي عشانه مع اني كان نفسي اكون معاه بس مش مشكله هو يستاهل اكتر من كده كمان ،قدمت للجامعه وكنت دخله الكلية متضايقه المفروض اكون في مكان غير ده بس للأسف ،احمد كان بيوصلني ويرجع ياخدني وفي يوم كنت طالعه من الباب الرئيسي بتاع الجامعه عشان اركب من هناك لقيت يوسف في وشي الصدمه وقفتني _ فرح فيه ايه انتي كنتي فين كل ده _ يوسف ...انت بتعمل ايه هنا _ انا كنت مستنيكي يا فرح وحشتيني اتكلمت بخوف _ انت لازم تمشي دلوقتي يا يوسف هز راسه برفض _ لا مش همشي يا فرح انا عايز اعرف فيه ايه واختفيتي فين كده _ انا لازم امشي يا يوسف مسك دراعي برفض _ لا مش هتمشي من غير ما تفهميني فرح انا ا جه شخص آخر واحد أتوقعه _ ايه ده يا فرح مين ده وازاي ماسك ايدك كده يوسف بصلي بعدم فهم واتكلم بضيق_ مين ده يا فرح " شدني من أيده وبعدها بصله _ انا اللي عايز اعرف ، فرح خطيبتي انت مين بقى ؟ يتبع.... #حكايات_ايمي #ايمان_صالح #حب_حياتي أكمل ؟حاليا فاقده الشغف ومحتاجه تشجيع عشان اعرف اكمل + ادعولي #اسكريبت الجزء الثاني والاخير " بصيت ل محمد بصدمه ولسه هتكلم محمد بص ل يوسف و زعق _ اخر مره اشوفك واقف تكلمها أو ترخم عليها يلا يا فرح زعقت _ انت مجنون يا محمد مش همشي معاك بصلي بحده_ لا هتمشي معايا حالا اخوكي بعتني اوصلك يا فرح _ مش همشي معاك يا محمد واللي انت عايزه اعمله ! " بصلي بحده و مسك ايدي و شدني وبعدها يوسف شدني منه _ انت ازاي تمد ايدك عليها كده اصلا قولي انت مين _ انا ابن عمتها ثم انت مالك اصلا متدخلش يوسف زعق _ لا هدخل وانت اياك تقرب منها اصلا ايدك دي هقطعهالك " محمد بص لقي الناس بتقرب بعدها بصلي بهدوء مفتعل. _ امشي يا فرحه بالذوق متعترضيش الناس هتتفرج عليكي وشكلك هيكون وحش قدام زمايلك " بصيت لقيت فعلا كم كبير من الناس وبعدها بصتلهم وقبل ما امشي كلمت يوسف _ اسفه حصلت حاجات غصب عني كتير انا لازم امشي دلوقتي "مشيت بسرعه من غير ما ابص ورايا حتى ،وصلت الشارع بتاعنا لقيت محمد وقفني _ استني انتي رايحه فين زعقت _ انت مالك بيا اصلا يا اخي عايز ايه ؟ _ هعوز منك ايه يعني أنا عايز اعرف يا فرح مين ده _ وانت مالك اصلا بتدخل ليه _ فرح مين ده اللي كنتي واقفه معاه زعقت _ ده حبيبي عايز ايه تاني بصلي بصدمه _ حبيبك ! _ اه وهما عارفين كلهم تفتكر منعوني ليه اني اروح دروس عايز تقولهم روح قولهم مش فارقه معايا اصلا ! " سيبته ومشيت بغيظ انا مش عارفه قولتله كده ازاي أو ليه بس عشان يسكت ويبعد عن طريقي ، طلعت بيتنا دخلت اوضتي وقفلت الباب وعيطت ،اول ما شوفت يوسف افتكرت ايامنا مع بعض وحتى حلمي افتكرته ....كل حاجه راحت خلاص ! "كنت قاعده في اوضتي وسمعت خبط على الباب فتحت لقيت ماما _ انتي عملتي ايه ل ابن عمتك نفخت _ يادي الزفت انا عملتله ايه يعني ؟ _ قولي لنفسك الواد ماشي متضايق اكيد عملتيله حاجه _معملتش حاجه خالص ارتاحتي كده ! _ انتي قليلة الادب من يومك يا فرح _ متشكره يا ست الكل على معاملتك ليا ابتسمت بهدوء_ طيب يلا يا فرح أخرجي ناكل مع بعض _ لا مش عايزه اكل يا ماما كله انتوا _ فرح انتي مش بتاكلي خالص وكده وحش عليكي _ انا عايزاه يكون غلط يا ماما _ ليه كده يا فرح يلا اطلعي ناكل _ مش هاكل يا ماما قولتلك _ برضوا يبقى بسبب الواد الزفت ده _ يا ماما والله يوسف انسان كويس و صاحبي و _ اخرسي يا فرح مش عايزه اسمع سيرته عايزه تخلصي وتطلعي تاكلي ماشي دمعت_لا مش عايزه يا ماما " بصتلي بيأس وبعدها مشيت وانا قفلت الباب ، قعدت شوية افكر في حياتي وبعدها نمت ،قومت تاني يوم قومت طلعت بره لقيتهم قاعدين _ بابا انا هروح المكتبه اجيب كتب _ خدي احمد اخوكي معاكي عيطت_ والله يا بابا مش هعمل حاجه تضايقكم و _ طيب والواد اياه ده هتعرفيه تاني اتنهدت واتكلمت بضيق_ والله يا بابا انا مش هعمل حاجه تضايقكم مني و وحتى يوسف مش بشوفوا ولو شوفتوا مش هكلمه وهمشي من الشارع تاني بقلم #ايمان_صالح _ خلاص يا فرح هديكي فرصه اخيره روحي " دخلت الاوضه بهدوء لبست وطلعت _ خدي الفلوس دي يا فرح عشان متنزليش من غير فلوس هزيت راسي بهدوء_ شكرا يا بابا " قفلت الباب ونزلت وانا سرحانه حياتي اتغيرت تماما عن الاول ،اكتر حاجه مؤلمه انك تحلم بحاجه وفي لحظه تضيع من ايدك تماماً . " دخلت المكتبه ادور على الكتب اللي انا عايزاها فجاه حد خبط الكتاب وقع من ايدي ولسه انزل اجييه لقيت حد بيجيب الكتاب _ انا اس "بصلي بصدمه _ فرح هو انتي _يوسف ! ابتسم بهدوء_ عامله ايه يا فرح النهارده اتكلمت بإيجاز _الحمدلله بعد اذنك " لسه هتحرك وقف في وشي بلهفه _ استني انتي رايحه فين انا عايز اتكلم معاكي _ انا اسفه يا يوسف انا وعدت اهلي اني مش هتكلم معاك _ ليه يا فرح انا _ بعد اذنك يا يوسف همشي " سيبته ومشيت وانا متضايقه مش عارفه ليه يمكن يوسف اعرفه طول فترة الثانويه العامه فبعده مأثر فيا بس ليه يعني ده زميل عادي ! Eman Saleh . _ حمدالله على السلامه يا فرح جبتي الكتب اللي انتي عايزاها اتكلمت من غير ما ابصله _ اه جبتها انا داخله شدني من ايدي _ استني يا فرح انا عايز اتكلم معاكي _ نعم يا احمد خير اتكلم بابتسامه _ يا بت تعالي نقعد وبعدها نتكلم _ عايز ايه مني يا احمد _ هعوز منك ايه تيجي نقعد في البلكونه زي زمان هزيت راسي برفض_ لا عندي مذاكره _ خلاص تعالي اقعدي هقولك كلمتين وبعدها ادخلي كملي مذاكرتك وبعدين يا اختي مذاكرة ايه ده انتي في تجاره اتكلمت بضيق _ ما انت اللي ضيعت مستقبلي كان زماني في طب زي ما بحلم شدني من أيدي وقعدني _ طيب تعالي اقعدي نتكلم شويه " قعدت قصاده فبصلي وابتسم _ موضوع الكلية ده بيبقى قسمه ونصيب نصيبك هتدخلي كليه معينه فهتدخليها ربنا عايز كده _ ربنا برضوا ولا انت السبب في قعدتي من الدروس بصلي وبعدها حاول يتكلم بهدوء_اولا انتي عارفه كويس اني مش السبب انتي السبب انتي عاملتي في نفسك انتي اللي كلمتي واحد غريب عنك ومشيتي معاه اتعصبت _ يوسف مش غريب يوسف زميلي انا مبعملش حاجه غلط _ ولما انتي مش بتعملي حاجه غلط بتخليه يقعد بعيد ايه مجتيش ليه عرفتينا عليه زي باقي اصحابك البنات _ عشان انتوا مكنتوش هتسكتوا زي ما عملتوا معايا كده _ يبقى غلط انتي كده بتعملي غلط اول الغلط يا فرح انك تخبي حاجه عن اهلك _ لا انا مش بعمل حاجه غلط يا احمد يوسف مجرد زميل بيساعدني في مذاكرتي _طيب قولي الحقيقه ومتكذبيش _ ايه _ لا قولي والله هقول الحقيقه من غير كذب _ ليه يعني _ من غير ليه وانا اوعدك مش هكلمك واقولك حاجه او اعملك حاجه تزعلك اتنهدت بضيق _ والله هقول الحقيقه _ يعني وانتوا رايحين الدروس دي مش بتضحكوا مع بعض ؟ _ يعني هنعيط يا احمد اكيد كنا بنضحك يعني ! _ طيب مجاش في مره لقاكي زعلانه راح مسك ايدك _ ا اتكلم بتحذير_ من غير كذب انتي حلفتي وانا وعدتك اني مش هكلمك _ فعلا عشان كنت زعلانه بس انا سحبت ايدي منه " اتنهد بهدوء كتير وسكت شوية وبعدها اتكلم _ كل الحاجات دي حرام يا فرح ربنا نهانا عن الصحوبية عشان كده _ بس يوسف صاحبي مش بيحبني بصلي ومسك وشي وهو بيوضحلي_ انا بتكلم عن نقطه الصحوبية يا فرح حرام انك تكلمي حد من غير محارمك وتتعاملي معاه لو لزم التعامل زي المدرسين أو الدكاتره في الجامعه او مديرك في الشغل يبقى في حدود _ بس ليه طالما مش بنعمل حاجه غلط _ عشان بيحصل تجاوز مره يمسك ايدك ومره يقولك بحبك وبعدها متعرفيش البنت ممكن يحصلها ايه ممكن يسيبها ويتجوز غيرها ووقتها هي هتضيع ،الانسان اللي بيحبك لازم يخاف عليكي وميتكلمش معاكي غير لما يتقدملك ويطلب ايدك من أهلك غير كده لا اتكلمت بإصرار_ بس يوسف صاحبي برضوا مفيش تجاوز ومش بيحبني _ ماسكة الايد دي تجاوز يا فرح دي اكبر تجاوز وبداية لحاجات كتيرة احنا في غنى عنها ربنا لما حرم الشئ عشان يحافظ عليكي لما حرم الصحوبية عشان يحافظ على قلبك من اي وجع ...انا اكتر انسان بيخاف عليكي يا فرح انا و بابا و ماما انتي اختي وبنتي واغلى حد في حياتي " بصتله شوية وحسيت بندم كبير اول مره احس اني كنت برتكب ذنوب كبيره كده ! " عدت اول تلات سنين في الجامعه وانا كنت بحاول اقرب من ربنا وخدت فترة عشان اقرب من ماما عشان كانت زعلانه مني وارد ثقتهم فيا . " كنت في اخر سنه في الجامعه ونزلت تدريب في شركه عشان أقوي نفسي قبل التخرج ناس كتير نصاحتني بده فقولت اجرب _ انسه فرح خدي الورق ده كمليه _ تمام " خدت الورق عشان انظمه وأكمل المعلومات اللي ناقصه فيه ،خدت خبره كتيره في حياتي في فترة الشغل ده استفادت كتير _ الورق ده فيه حاجات غلط يا علي _ ازاي بس يا انسه فرح الورق ده انا عمله مظبوط _ لا انت فاهم النقطه دي غلط بص " بدأت افهم فيه عشان يكمل شغله وهو بصلي وابتسم بامتنان _ شكراً يا انسه فرح بجد انتي من الناس النادره جدا انا لو كده كان المدير رفدني _ ولا يهمك يا علي خلص الورق وسلمه " في فتره صغيره اكتسبت خبرات كتير وشغل كمان لاني اتعينت في الشركه قبل ما اتخرج كمان لكافأتي فيها ،فعلا عوض ربنا حلو اوي بجد ربنا مش بيختار حاجه وحشه للإنسان ابدا دايما اختياراته عظيمه اهم حاجه نكون عندنا ثقه فيه . _ ايه يا فرح اللي عملتيه ده ابتسمت _ اكل يا بابا _ ده اكل ده ده محروق ضحكت_ما انا كنت بحاول بس ايه رايك في الفراخ المشوية دي _ عظيم عظيم بس متدخليش المطبخ تاني _ حبيبي اللي رافع معنوياتي " الباب خبط روحت فتحت كان محمد ابن عمتي و مامته عمتوا سلمت عليا ومحمد مد أيده فبعدت ايدي _ اسفه مبسلمش بصلي بسخرية_ من امتى ده _من زمان اوي " سيبته ودخلت وهما دخلوا قعدوا مع بابا و احمد جه هو و ماما قعدوا معاهم _ انتي مش ناوية تسيبي الشغل يا فرح ؟ _ اسيب الشغل ليه يا عمتوا _ يا بنتي الشغل ده للرجاله مش للبنات _ لا يا عمتوا ده للاتنين يعني البنات و الرجاله عادي _ البنت ملهاش غير بيت جوزها يا فرح _ لا ليها شغلها اولا وتعليمها وبعدها بيت جوزها هي هتروح فين يعني ما كده كده هتتجوز _ طيب ايه رايك في محمد ابني " بصتلها بدهشه و محمد اتصدم وبص بعيد _ محمد كويس بس بتسألي ليه _ اصل انا عايزه اجوزك محمد ابني _ نعم ! _ ايه رايك محمد ابني بسم الله ماشاء شاب مفيش منه ادب و اخلاق و _ وزينة شباب العيلة الحيلة محمد رفع حاجبه _ نعم ! كنت هضحك وبعدها بصيت ل عمتي بجديه_ قصدي أن محمد طول عمره متربي معانا وهو زي اخويا احمد بالظبط اتعصبت _ انتوا مش اخوات ما تقول حاجه يا اخويا ولا انت يا احمد مش محمد ده صاحبك _ بس انا معنديش اجبر حد على الجواز يا ام محمد _ قصدك ايه وانت يا احمد ! _ الرأي رأيها يا عمتوا احنا مش هنعيش معاه _ يعني ايه بنت زي دي هتمشي كلامها عليكم _ الدين بيقول كده يا عمتوا محمد اتكلم_ يا ماما انتي ازاي تطلبي طلب زي ده انتي عارفه أن فرح طول عمرها اختي " بصتلنا بغيظ وطلعت وهو مشي وراها وكلنا بصينا لبعض بذهول تام ! " كنت كل يوم بروح الشغل وانزل جامعتي بانتظام وفي يوم بابا تعب جدا وودينا المستشفى وقتها دخلنا وكنت منهاره من العياط عليه ،الدكتور وقتها طمنى عليه وقالنا ندخل نشوفوا دخلنا كلنا ولصدمتي يوسف كان واقف ضمن الدكاتره اللي موجوده ايه ده ازاي ،دخلت اطمنت على بابا و بعدها احمد نزل جاب العلاج اللي محتاجينه و الدكتور بصلي _ انزلي هاتي باقي العلاج ده عشان هنحتاجه " مشيت عشان الحق احمد يجيب العلاج كله مع بعض ولحقته فعلا اديته الروشته وبعدها خدها مني ونزل وانا رجعت كنت ماشيه في الممر بتاع المستشفى ولقيت يوسف. قدامي _ فرح استني الف سلامه على عمي _ الله يسلمك بعد اذنك _ فرح انتي بقيتي عامله كده ليه انا مش قادر انساكي و قطعته بحده_ لو سمحت ميصحش توقفني كده _ نعم ده اللي هو ازاي _ طالما مش محتاج حاجه يبقى اتفضل عشان كلامنا غلط _ كلامنا غلط فرح انا يوسف ! _ حتى بعد اذنك " مشيت وبعدها بابا خرج من المستشفى طول الوقت كنت ببعد عنه حرام الكلام بينا بس مش عارفه ليه حسيت بحاجه غريبه اول ما شوفته قلبي دق ايه ده لا مستحيل افكر في كده ! " كنت راجعه من الشغل بارهاق شديد ،دخلت البيت وانا بصيح كالعاده _ يا ماما انا جعانه يا ماما _ يا بنت المجنونه وطي صوتك _ انا جعانه يا ست الكل ايه ده _ بقولك وطي صوتك فيه ناس جوه وقفت بصدمه _ مين الناس دول _ واحد جاي يطلب ايدك كشرت _ لا يا ماما انا مش موافقه _ اخلصي يا بنت الهبله غيري هدومك وادخلي _ مستحيل ادخل يعني مستحيل ..... _ خدي الصينيه دي وانتي داخله اهم حاجه الثبات على المبدأ " خدتها ودخلت بغيظ حطيت الصينيه _ السلام عليكم " ردوا السلام وبعدها بابا خد باباه العريس و مامته وخرج وانا قعدت بضيق _ عامله ايه يا فرح " انصدمت ورفعت راسي بسرعه وقلبي بيدق _ يوسف بتعمل ايه هنا ابتسم _ ايه رايك في المفاجاه دي _ انا مش مصدقه انت بتعمل ايه هنا ضحك _ انتي علقتي ولا ايه جاي اتقدملك ما انا مستحيل اسيبك لغيري _ ازاي _ انا جيت عند بيتكم وسألت عليكي و عرفت انك مش مخطوبه زي ما قريبك قال وقتها فرحت اوي ،بس مكنتش اعرف اشوفك خالص ،قولت اجرب فتره ابعد عنك معرفتش بقيت برقبك من بعيد يا فرح ومصدقت شوفتك في المستشفى فهمت وقتها انك صح مينفعش نتكلم غير راسمي قابلت احمد اخوكي واتقدمتلك وكلمت باباكي كمان _ بجد مش مصدقه نفسي يا يوسف بس ازاي انت بتدرس و لسه مخلصتش _ احنا هنقضي اخر سنه ليكي دي خطوبه بعد ما تخلصيها هتكون كتب كتاب وبعدها نعمل فرح " بصتله وانا بحاول استوعب وبعدها اتنهد _ فرح انا بجد اكتشفت اني مش هقدر اعيش من غيرك و _ يوسف او سمحت مينفعش نتكلم كده _ احم اسف احنا هنلتزم بضوابط الخطوبه بعد ما تخلصي السنه دي هنكتب الكتاب ونتجوز...انا كده كده بشتغل وكمان في فتره تدريب في المستشفى زي ما شوفتيني كده ..انا مجهز نفسي وشقتي في الاربع سنين دول وانتي ممكن وانا بكمل دراسه انتي اعملي دراسات عليا " فعلا خلصت السنه دي وكنا ماشيين على ضوابط الخطوبه خلصت السنه واخيرا بعدها كتبنا الكتاب بعد معاناه _ اخيرا كتبنا الكتاب _ اممم _ مفيش ضوابط خطوبه تاني _ اممم _ ايه هو اللي اممم انتي هتستعبطي يا فرح _ انت بتزعقلي _ انا لا مقدرش _ امال انت ايه بتعمل ايه دلوقتي _ انا بحبك " كنت بجهز لحفلة التخرج جهزت الفستان وبعدها لقيته بيكلمني _يوسف حسيت انه ابتسم_ روح قلبي ضحكت _ عامل ايه _ الحمدلله وانتي عامله ايه حبيبي _ الحمدلله جهزت فستان الحفله _ طيب مش هتبعتيه اشوفوا _ لا طبعا ده مفاجاه _ اممم ماشي يا ستي الحفله هتكون امتى _ بعتلك الكارت فيه الميعاد و العنوان بس تيجي عشان نروح مع بعض _ اوك " يوم الحفله كنت واقفه مستنياه قدام القاعه بابا و ماما و احمد معايا بعتله على الواتس _ يوسف انت فين _ في الشغل فيه حاجه ! _ بتهزر يا يوسف انت نسيت بعتلي_ نسيت ايه بالظبط؟ بصيت للموبيل بصدمه لما لقيت رسالته عيوني دمعت وبعت _ خلاص مفيش " قفلت الموبيل ودخلنا مع بعض بعد ما مسحت دموعي اكتر حاجه بزعل منها أن حد ينسى حاجه مهمه بالنسبالي ..جه اسمي طلعت عشان استلم شهاده التقدير بتاعتي كنت طالعه بحاول ابتسم استلمت وبعدها لفيت عشان احمد يصورني بصيت لقيت يوسف قرب مني ومبتسم اتقدم مني وباس راسي وهمس _ الف مبروك يا حبيبي عقبال فرحنا " بصتله مش مصدقه انه معايا مد يده ب بوكيه ورد ابتسمت بسعاده ونزلنا اتصورنا مع بعض _ ايه رايك في ذوقي _ جميل اوي مكنتش متوقعه انك هتيجي _ هو انا ينفع مجيش في مناسبه زي كده انا بجهز فيها من اسبوع يا حبيبي _ بس ازاي انت بتشتغلني ضحك_ لا يا حبيبي مقدرش طبعا يلا نتصور مع بعض تاني ! " خلصت الحفلة و روحنا وطلعت مع ماما و بابا دخلت الاوضة وقفلت الباب وبعتله _ روحت ؟ _ اه يا حبيبي نسيت اقولك انك كنتي زي القمر ابتسمت وبعتله_ وانت برضوا كنت جميل _ جميل ! ضحكت_ لا وتخطف القلب و العين كمان " بعت الرساله وشافها و مردش وبعدها لقيته بيرن _ مين ده اللي جميل _ انت طبعا يا حبيبي _ يا ايه ! _يا يوسف _ لا قولي حبيبي تاني _ يوسف ! _ قلب يوسف وعيونه _ بحبك " بعد فتره عملنا فرح واخيرا حلم حياتي اتحقق.بعد فتره نزل الشغل و الاجازه خلصت _انا رايح الشغل يا حبيبي عايزه حاجه _ اه هاتلي شيكولاته وانت جاي ضحك _ من عيوني .... _ يوسف خلصت شغل ولا لسه _ لا لسه يا روحي _ البت السكرتيره اللي عندك دي متكلمهاش فاهم _ ليه دي حتى كيوت زعقت _ مين دي اللي كيوت ضحك _ هو فيه كيوت غيرك يا حبيبي برضوا _ ايوه كده ملكش دعوه بيها _ من عيوني حاضر وبعدين بلاش الغيره دي انتي عارفه أن مفيش في قلبي غيرك ضحكت _ اتثبت خلاص "أنتمي إليك بكل تفاصيلي وارغب في الحصول على جزء من قلبك 🧡🦋. #حكايات_ايمي #ايمان_صالح

مقالات ذات صلة

خـ,ـداع الماضي بقلم هاجر عفيفي

جرى على القبر

بقلم حماده هيكل

وش تانى ميمي عوالى٢

اترك تعليقاً إلغاء الرد