ضربها بالقلم _بلاش كذب انتي بعتي رساله لجوزها واتهمتيها بالخيانه وعملتي حوارات عليها وهي عشان طيبه صدقتك واياك تكذبي صرخت _ ايوه عملت كده وخربت عليها وهي عشان هبله صدقتني بس تستاهل عشان كانت بتغظني دايما ولما اطلع هعمل اكتر من كده المهم مشوفهاش مبسوطه _كنت عارف ان كل المشاكل اللي في حياتي بسببك مكنتش اعرف انك بتتمني الشر ليها اوي كده “سمعت الصوت ومكنتش مصدقه بصلها والنور اتفتح ،بصلها بشر فبصتله بصدمه
_خالد يتبع… #ابواب_العشق #ايمان_صالح#الفصل_العاشر و الاخير 🧡🧡🧡 _خالد !! “بصت عليه بدهشه وصدمه _انت انت عارف انا عملت كده عشان يسيبوني و صرخ بصوت عالي _بطلي كذب بقى انا كنت عارف انك وره كل ده وقولت من الاول معلش عشان اخوك وبناته بس لا “سكت شويه وبصلها بغيظ وغضب وهو بيقرب منها _وسختك هي هي مش ساكته بس توصل ل شرف مراتي ده اللي مستحيل اسكت عليه “بصتله بذهول وبرقت
_انت انت بتقول ايه انا مستحيل اعمل كده زعق _برضوا مصممه تكذبي برضوا لما بعتيلي رساله ونفس الوقت كلمتيني وقولتي انا عند بيت ابويا لحد ما شاكر يرجع بس انتي هبله متعرفيش أن في كاميرات مراقبه على الباب و كمان متعرفيش إن بثق في مراتي جدا واكتر من اي حد في الكون ولأنك غبيه وانا عارف وسختك وعارف اللي هيحصل رجعت الكاميرات ده غير إن متأكد انك كنتي بتلعبي في دماغها
صرخت بأعلى صوتها _اهه انا عملت كده وهفضل اعمل كده هي مش احسن مني في حاجه هي طول عمرها شايفه نفسها احسن مني ومن وقت ما جابت الواد وهي شايفه نفسها احسن مني بس مش هسيبها _عشان انتي مريضه برقت بصدمه _شاكر “بصت لقيت جوزها داخل ب يمنى بنته _عشان انتي مريضه ومتعرفيش أن ربنا بيدي لكل واحد رزقه والبنات دول احسن رزق في حياتنا وبحاول افهمك كده من زمان وانتي مش فاهمه طول عمرك غبيه وتفكيرك وسخ زيك بس ازاي
“بصلها بغضب و بص ل خالد _احبسها او اسجنها انا مش عايزها في حياتي فاهم صرخت بخوف _لا يا شاكر انا بعمل ده كله عشان حياتنا عشان ميورثوش مع بناتنا _اسجنها يا خالد مش عايز اسمع صوتها بقولك “خد بنته ومشي وخالد بصلها بسخريه _ايه رايك اعمل معاكي كده اسجنك و اعملك اي تهمه _لا لا وحياة ابنك يا خالد متعملش كده عشان بناتي _انا هسيبك تغوري دلوقتي بس ورحمة امي لو شوفتك اتعرضتي ل مراتي وابني هيكون اخر يوم في عمرك فاهمه …فكوها
“سابها ومشي وهي بصت بندم وعيطت بحرقه . #ايمان_صالح “خالد وصل شقته وفتح الباب لقى الشقه كلها مليانه ورد وشموع قفل الباب بابتسامه وانبهار ودخل الاوضه لقاها زي الشقه كلها بس فيه ورد متزين على السرير واكل على السفره ومراته واقفه في استقباله وواقفه مبتسمه قرب من ابنه وباسه وهو نايم وقرب منها وحضنها _النهارده عيد جوازنا صح هزت راسها بابتسامه فباس راسها وابتسم _كل سنه وانتي منوره حياتي _وانت في حياتي يا حبيبي عملت ايه معاها
_هعمل ايه يعني مش انت قولتلي متأذيهاش _اهه طبعا يا خالد حرام متعملهاش حاجه عشان بناتها بصلها بغيظ _ما قلبك الطيب ده هو اللي كان هيخربلنا حياتنا ابتسمت ومسكت أيده _طول ما انت معايا مفيش حاجه وحشه هتحصلنا وانا متأكدة مش انت اللي خططت اني اروح عند اهلي ولما عرفت أن بابا في المستشفى عملت اللعبه دي وخلتني عندهم عشان تكشفها _اهه يعني كنت هسيبها تإذينا دايما واقف ساكت _خلاص هي بكره تعرف غلطها
_انتي طيبه اوي هي دي اشكال هتتعظ ،المهم سيبك منها وقوليلي ايه الجمال ده “مسكها من أيدها ولفها وهي ابتسمت بخجل _طيب يلا عشان تاكل “ابتسم وباس أيدها _امال انا بعمل ايه دلوقتي بصتله باستنكار_انت كده بتاكل ؟ بصلها بحب وغمزلها _اهه باكلك انتي هو فيه احلى من كده #ايمان_صالح “رؤى كانت قاعده على السرير وصلتلها رساله “بكره هعدي عليكي وننزل نختار الشبكه والفستان جهزي نفسك انا بلغت باباكي .
“بصت للرساله وشردت هي قررت تدي ل ماجد فرصه واهي بتحاول ،تاني يوم جهزت نفسها بعد ما باباها بلغها طلعت لقيت مامتها واقفه خدتها ونزلت كان واقف في استقبلهم سلم عليهم وبعد شويه باباها نزل وركبوا العربيه ومشيوا ،وصلوا عند محل الدهب ودخلوا بهدوء وقفوا يختاروا وهي كانت في البدايه ساكته بس بعد ما ماجد عرض عليها دهب وهي وقفت تختار بحماس بصت على دبله ولمعت عيونها بقوه وابتسمت ابتسامه واسعه
_انا هاخد الدبله دي ماجد بصلها بحب وابتسم _عجبتك _اوي اوي يا ماجد _ ماشي يا حبيبتي “قرب منها شويه وهمسلها _جميله شبهك “بصتله بخجل وبصت في كل الاتجاهات بتهرب من عيونه ،ابتسم واتكلم _يلا كملي اختاري شبكتك _لا انا اختارت دي وبس هز راسه برفض_لا يا حبيبتي انتي اختاري شبكتك يلا دي مش شبكه ابتسمت بهدوء _خلاص اختارلي انت “ابتسم وقعد يختار الشبكه وهي معاه كمان ووالدها ووالدتها بيدعولهم إن ربنا يكملهم بخير
“خرجوا برا المحل وباباها استأذن يروح مكان ،والدها مشي وماجد بصلهم بهدوء _يلا بينا _هنروح فين _هنختار فستانك يا حبيبتي بصتله بخجل _لا انا هروح انا و ماما بس _يعني انا مش هاجي معاكي ؟ _لا مش هعرف اختار معاك انا معايا ماما “بصلها شويه بضيق من جواه وبعدها بص ل مامتها باحراج وهز راسه _معلش يا طنط انا هتكلم مع رؤى كلمتين ممكن _ماشي بس متتاخرش “خدها على جنب واتكلم بهدوء وهو بيمد أيده بفلوس
_بما انك مش عايزاني اروح معاكي اتفضلي _ايه ده بس انا معايا فلوس _ما انا عارف انه معاكي بس ده وجبي انا كنت عايز اجبلك الفستان بس بما انك مش موافقه خلاص يبقى انا اللي هدفع حسابه _لا يا ماجد مستحيل اخد منك فلوس بصلها وابتسم _انتي مش مستحيل تاخديه لا انتي مستحيل تمشي من غير ما تاخدى مني حق الفستان _بس ده كتير اوي _مفيش حاجه تغلى عليكي يا حبيبي
“ابتسم وهي بصتله بحب وقلبها بينبض بجنون ،رجع عند العربيه وفتحلهم الباب ومشي ونزلهم عند اقرب محل بعد ما عصير وسابهم ومشي . “رؤى خرجت من المحل بعد ما اختاروا الفستان وجابت كل حاجه و روحوا البيت ،اتصلت ب اختها وحكتلها كل حاجه سما _انا فرحانه ليكي يا حبيبتي ربنا يهنيكي يارب _انا وانتي يا حبيبتي “قفلت معاها و ماجد كان بيرن عليها قلبها دق وابتسمت بسعاده فتحت وردت _وحشتيني
ابتسمت بخجل وبعدها اتكلم _مش هتردي عليا ماشي المهم عامله ايه _الحمدلله _جبتي الفستان _اهه جبته _وعجبك ؟؟ اتكلمت بحماس _عجبني اوي يا ماجد حلو شكله يجنن كده كان نفسي تشوفوا اتكلم بلوم _ما انا كنت عايز اجي معاكي عشان اشوفوا _ما انت هتشوفوا في الخطوبه إن شاءالله انا عايزاه يكون مفجاه _انا عارف ان اي حاجه بتكون فيكي حلوه بحبك
“ابتسمت بخجل واتكلموا مع بعض وبعدها قفلوا ،عدت الايام وجه يوم الخطوبه بسرعه ، رؤى كانت جاهزه لبست الفستان وكانت جميله اوي عرفت أن ماجد بره طلعت وكانت كل الناس موجوده قربت منه وهي قلبها بيدق وهو كمان بصلها بابتسامه وانبهار مسك أيدها وابتسم _زي القمر يا حبيبتي انتي جميله ومحليه الفستان ابتسمت بهدوء _وانت كمان حلو النهارده