“دخلت المكان بخوف شديد ،المكان ضلمه وعايزه ترجع بس كمان عايزه بنتها ،مشيت شويه واتخبطت في خشب وقعت على الأرض وصرخت بصوت عالي مكان رجلها قعدت تتألم ولسه هتقوم لقيت اتنين مسكوها جت تصوت كتمه صوتها وكتفوها بصتله وعايزه تصرخ واحد اتكلم _مسمعش صوتك “زعق بصوت عالي وهي هزت راسها و هو ساب أيدها وهي بصتله شويه واتكلمت بصوت ضعيف _انتوا مين وفين بنتك _مش قولتلك مسمعش صوتك
“هزت راسها بخوف وجسمها بيرتجف من الخوف وبتتالم من الم رجلها ،فضلت شويه متكتفه وبعدها حست بالعطش كان مفيش حد عندها فكرت شويه لقيت واحد نايم بعيد وكان قدها حجر خبطته برجلها لحد ما وصل عند الرجل اللي قام من النوم مفزوع بصلها وقرب منها بغضب _عايزه ايه _ميه هموت من العطش _معنديش تعليمات اني اديكي مياه اتكلمت بضعف_عايزه اشرب وفين بنتي _اخرسي خالص “سابها وخرج وبعدها اتكلم في الموبيل
_ايوه يا باشا دي عايزه تشرب _متديهاش هي استوت كده ثواني وهنبدا “عند رؤى كانت واقفه مش مستوعبه في ايه ومين دي هو ده علي اللي كان بتثق فيه ايه كميه الكذب والحوارات دي هي اي حد بتنخدع فيه ،كانت قاعده وبتبص قدامها بشرود جه باباها قعد جنبها وطبطب عليها _طبعا سمعتي علي قال ايه هزت راسها بشرود وهو كمل _فيه واحد متقدملك اقعدي معاه وبعدها فكري “بصتله شويه وهي مش مستوعبه
_من امتى يا بابا وانت بتوافق على اني اقعد مع حد ابتسم _عشان انتي كبرتي ونطلع بقى من علي كل التفكير ده من دماغه _علي مش في دماغي اصلا يا بابا _عارف بس مينفعش علي يكون بالتفكير ده وتكونوا مع بعض في نفس المكان هنا او في الجامعه و كمان الولد ده كويس انا سألت عليه وطلع كويس جدا انا كده مستني تقعدي معاه ونعرف ردك _ط طيب هو مين يا بابا انا اعرفه
_اه تعرفيه اسمه ماجد اتصدمت وبرقت _ماجد _اه تعرفيه اتكلمت بتردد_ي يعني هتكلم بصراحه هو هو ده اللي كان بيقول عليه علي “بصلها شويه بتفكير وهز راسه _اه بس انا واثق في بنتي كويس “ابتسم وحضنها وطبطب عليها وهي بتفكر يا ترى هتعمل ايه “في الجامعه كانت ساره ماشيه بسرعه وصلت عند رنا ووقفت _انا عرفت اللي حصلك _انتي مين _هتعرفي انا مين بعدين بس لو عايزه تاخدي حقك من رؤى و علي أنا معاكي
_عرفتي ازاي _مش مهم رؤى ليها عندي حوار طويل ايه رايك بصتلها ليه لا مش هتخسر حاجه _موافقه بس ازاي بصتلها بشر _هنخلص عليهم جت تمشي رنا مسكتها_مش هتقوليلي انتي مين بصتلها بخبث _ مش دلوقتي هتعرفي في الوقت المناسب سلام “سابتها ومشيت ورنا واقفه بتفكر يا ترى هي مين وعايزه ايه بالظبط؟. #إيمان_صالح “جه الليل بسرعه و رؤى قاعده متوتره قامت لبست وماجد دخل قعد مع باباها وشويه وباباها قالها تدخل ،وقفت بتوتر و سما ابتسمت وعطتلها العصير وهي خدته ودخلت وكانت في قمة توترها قعدت قدامه بعد ما حد منها العصير وابتسم
_تسلم ايدك _مش انا اللي عملته على فكره بصلها وضحك_برضوا تسلم ايدك انك جبتيه “بصتله وسكتت وهو حمحم و اتكلم بهدوء _طبعا انتي عارفه انا جاي ليه _لا مش عارفه بصلها باستنكار وبعدها ابتسم_طيب يا ستي انا بحبك وعايزك مراتي وشريكة حياتي ها ايه رايك _وليه انا مش حد غيرك بصلها بحب _عشان بحبك انتي مش بحب حد غيرك _وليه انا وانت فعلا طالب هز راسه بنفي _انا مش طالب انا متخرج من الجامعه وبشتغل محاسب
_بس انت كنت في سكن الطلبه _ما انا قعدت مع اصحابي عشان اشوفك واتعرف عليكي “بصتله بصدمه مش مصدقه بصلها وضحك _انا شوفتك قبلها بفتره واعجبت بيكي وبدأت ارقبك ووقتها جات فكرة اني اتعرف عليكي عن طريق السكن “كانت بتبصله ومش مصدقه نفسها هي بتسمع صح بصتله بتفكير وبعدها قالت _ عشان كده كنت بتظهر قدامي كل شويه وبترخم عليا _انا مش كنت برخم عليكي انا كان نفسي تحسي بيا وبحبي ليكي
_طيب وانت جيت تتقدم من غير ما احبك ازاي _هتحبيني ده لو محبتنيش فعلا _يا سلام وجايب الثقه دي منين شاور على نفسه وابتسم _من قلبي . “منيره كانت متربطه وتعبانه وبتعيط طيب هي عامله كده بنتها عامله ازاي ؟ “بعد شويه سمعت صوت _منيرة اتكلمت بضعف_هه انت مين _ملكيش دعوه انا قدرك _وانت عايز ايه _عايز اعرف اذيتي سما ليه عملتلك ايه _ايه سما مين معملتش حاجه زعق _بلاش كدب والا بنتك عملتي ايه في سما
_بنتي هي اصلا مش معاك اتكلم بضحك_لا معايا تحبي تسمعي صوتها “مسك الموبيل وشغل الاسبيكر وهي بنتها بتتكلم _ماما _يمنى بنتي انتي فين “قفل الموبيل واتكلم بشر _ها قولي عملتي ايه ولا بجد انتي وهي _لا بنتي لا انا هقولك _قولي _سما انا كنت بحاول اعمل مشاكل بينها وبين جوزها عشان كانت بتغظني بابنها _عشان كده خدتي فلوس منها واتهمتيها بالخيا.نه _لا معملتش كده لا