#اسكريبت _الحقي شوفي مين هناك ده “بصيت ل سما باستغراب و لفيت وشي علشان اشوف مين لانها مش اي حاجه تلفت نظرها ؛بصيت بخضه _يالهووي ده اياد ! ضحكت _مالك اتخضيتي كده لي _انا اول مره اشوفه هنا في الجامعه و وكمان هو متخرج من سنتين و كان في جامعه تانيه ! _اي يعني برضوا انتي اتخضيتي كده لي ؟ _الحقي ده جاي علينا ضغطت علي ايدي _اهدي هو اصلا يعرفك ولا يعرف انتي مين
هزيت راسي ب لا فهي رديت _طيب خايفه لي “فضلت باصه عليه بقلق و قلبي بينبض بخوف ؛قرب ووقف قصادنا و اتكلم . _انسه ايمان “بصيت بخضه و خوف حاولت اخفيه و اتكلمت بتوتر _ح حضرتك بتكلمني انا “ابتسم بسخرية و اتكلم وانا خايفه جدا _معتقدش حد هنا غيرك اسمه ايمان ولا اي “غمضت عيوني و حاولت اتكلم بثبات لانه نبرته استفزتني جدا . _حضرتك مين و و عايز مني اي ؟
“بصلي واتكلم _يعني انتي متعرفيش انا مين “خوفت و اتوترت جدا _هه لا طبعا معرفش هو هو حضرتك تعرفني هز راسه _لا انا يعتبر اول مره اشوفك _اومال اي ؟ اتكلم بحده _ دكتور وليد بعتلك بصتله باستغراب _عايزني في اي ! _مش عارف كل اللي قاله إنه عايزك _اهممم ماشي بصلي شويه وبعدها اتكلم _يلا اتفضلي _ما انا رايحه اهو _طيب يلا امشي قدامي _لا ما انا ماشيه انا و سما
_لا انا كده كده رايح عنده اتفضلي يلا قدامي _بقول لحضرتك انا رايحه انا و سما ! جز علي أسنانه_انا ماشي وانتوا تعالوا ورايا “سابني ومشي وانا بصيت ل سما باستغراب _انتي فاهمه حاجه هزت راسها_لا مفهمتش