_طيب يلا نروح نشوف عايز اي دكتور وليد _يلا بينا “مشينا مع بعض و دخلنا عند دكتور وليد ؛دكتور وليد ده لسه متعين من سنه في الكليه عندنا ؛علاقتي بيه مقربه لاني انا الشخص اللي بينه و بين الدفعه اي حاجه بوصلها ل دفعتي ؛دخلت و ابتسمت بتوتر _ازيك يا دكتور وليد قام وقف وابتسم _اهلا ايمان عامله ايه _الحمدلله يا دكتور حضرتك عامل اي _حضرتي تمام المهم ده دكتور اياد
بصتله بتوتر _اهلا دكتور _اهلا _ودي بقي يا دكتور ايمان اللي حكتلك عنها “بصتله بعدم فهم فهو بصلي و ابتسم _متقلقيش انا عارف انك بتحبي الكتابه و الروايات جدا _اهه فعلا ابتسم و كمل _دكتور اياد محتاج منك مساعده شاورت علي نفسي _مني انا _اهه انتي _ح حضرتك محتاج اي بصلي بهدوء _بكل بساطه فيه حد غالي علي قلبي جدا بيحب الروايات اوي و المفروض عيد ميلاده قرب فكنت محتاج مساعدتك
_هو الحد ده بنت بصلي شويه واتكلم _اهه بنت المهم هتعرفي اتكلمت بثقه وانا بحاول اخفي غيرتي _اهه طبعا اعرف جدا _تمام يلا بينا _دلوقتي ! _اهه دلوقتي _تمم يلا يا سما رد دكتور وليد _لا روحي انتي علشان سما هتخلصلي ورق كتابه و تصوير بدالك _لما نيجي نعمله انا و هي _لا مش هينفع لازم الورق دلوقتي مش هينفع يتأجل “بصيت لسما بخوف فهزت رأسها بتشجيع ليا ف اتحركت بعد ما شاورلي بأيده .
“مشي قدامي وانا كنت ماشيه ببطئ و سرحانه اوي ؛هو ليه جه هنا و اشمعنا جالي انا هو اهه دكتور وليد قال هو اللي جابوا بس بس مش عارفه لي متوتره و قلقانه اوي كده ! طلعت من شرودي علي صوته _انتي بطيئه اوي كده لي _انت اللي بتمشي بسرعه علي فكره . _يعني مش انتي اللي بطيئه _تؤ تؤ انت اللي بتمشي بسرعه _اهمممم طيب امشي يلا _انت بتكلمني كده لي
_بكلمك ازاي يعني _يعني انت مش عارف انت بتكلمني ازاي وقف وربع أيده _لا مش عارف عرفيني _انت بتتكلم بغرور _انا مغرور _اهممم انا حاسه بكده قرب مني شويه وبصلي وشاور علي نفسه واتكلم بحده _انا مغرور ! بصيتله له بخوف _لا مش انت انا بس _اومال مين _هه لا مفيش _طيب يلا انجزي علشان نمشي شوحت بايدي _لا انت ماشي معايا يعني انت اللي محتاجني لازم تمشي علي مزاجي انا
جزعلي أسنانه _علي مزاجك انتي! _اهه انا _طيب يلا المفروض هنروح فين _علي حسب فلوسك انت _انا عايز روايات حلوه ملكيش دعوه بالفلوس اتكلمت بضيق حاولت اخفيه _باين عليك بتحبها اوي ابتسم و اتنهد_ده انا بعشقها مش بس بحبها كنت هعيط بس حاولت اثبت_خطيبتك زي ما يكون اتحول _انتي مالك انتي يلا خلينا نروح “مشيت قدامه وانا كنت متضايقه ازاي انا مرقباه كل الفتره دي ومعرفش انه خاطب او مرتبط قلبي وجعني اوي .
Eman Saleh “وصلنا عند المكتبه وكنت هدخل بس هو اتكلم . _ايمان _هه نعم _انتي كده هتشتري اي _علي حسب نوعك المفضل اي _لا انتي اشتري نوعك المفضل _نعم !! حط أيده ورا راسه و لعب في شعره _انا مبفهمش في الروايات بصراحه و عايزك انتي تختاري اومال انا جيبك لي ! _تمام بس انا بحب الروايات ال _الرومانسيه طبعا _وانت عرفت منين اتوتر شويه وبعدها اتكلم_باين عليكي _لا يبقي انت مبتعرفش تفرق انا مبحبش الرومانسيه انا بحب الاكشن
_نعم !بس اهه هي بتحب الرومانسي جدا _ماشي اختارلها رومانسي _بس انتي متاكده انك بتحبي الاكشن _اهه بحبه جدا لي _هه لا ولا حاجه ادخلي بس و اختاري روايات رومانسيه _يعني مش اكشن _لا رومانسي اتكلمت بإحباط _ماشي يلا اجبلك رومانسي “دخلنا المكتبه و قعدت اتفرج علي الروايات وانا عيني هتطلع عليهم ده فيه روايات جديده نزلت اي ده ده كمان اخر نسخه ! _ها اختارتي اي _مفيش روايات رومانسيه
_ازاي اومال كل ده اي _فيه روايات بصراحه اخر نسخه بس هتكون غاليه اوي لانها الاخيره _اي المشكله هاتيها _بس غاليه اوي _عادي مفيش مشكله يلا اختاري علشان نمشي “اختارت الروايات وانا بفكر يا تري عامله ازاي دي هتكون ازاي ؟علشان توصل انه يعشقها كده و يتكلم عنها بكل الحب ده ! “خلصنا و رجعنا الجامعه و بعدها فضلت مع سما مده وانا بفكر و تعبانه جدا حتي هي كانت بتكلمني وانا كنت سرحانه في مكان تاني ؛روحت البيت وانا مجهده جدا قابلت احمد اخويا في وشي
_ايمان _نعم يا احمد قرب مني بقلق _مالك يا حبيبتي تعبانه كده لي ابتسمت_لا مفيش انا كويسه بصلي بشك _متاكده _اهه متقلقش انا داخله اوضتي _طيب ادخلي و متنسيش فرح محمود صاحبي الاسبوع الجاي و هنروح مع بعض _خلصانه روح لوحدك _انا عارف انك بارده _من يومي _يعني انا غلطان أن قولت اخرجك _تسلم يا ابو الصحاب _ابو الصحاب !يعني مش هتروحي الفرح _لا طبعا هروح متمشيش انت بس _مش هنسي
_اومال فين ماما _انا هنا تعالي “دخلت ووقفت جنبها في المطبخ و خدت خياره و اكلتها _ازيك يا ماما _الحمدلله..اتاخرتي كده لي _كان في محاضره انتي عامله اكل اي _مكرونه بشاميل _حبيب قلبي انا هدخل اغير و اجي اكل
“ابتسمت ودخلت اوضتي وانا بفتكر كلام اياد وهو بيتردد قدامي وكل كلمه بتقطع فيا ؛انا شوفت اياد كان جاي قبل كده عند جيران خالي و كنت كل اما بروح بشوفه فضلت فتره اتابعه من بعيد و بعدها عرفت الاكونت بتاعه و بقيت براقبه غصب عني اتعلقت بيه ووقعت في حبه ؛مكنتش مفكره أن الموضوع سهل أن اتعلق و صعب ابعد الصدفه جمعتنا النهارده و مش عارفه اعمل اي ؛فتحت الفيس بوك و دخلت صفحته لقيته منزل بوست “اجمل و احلي و اغلي حاجه في حياتي و خلاص فاضل خطوه و نكون مع بعض بحبك ”
Eman Saleh “مسحت دموعي و قفلت الاكونت و طلعت بره قعدت مع نانا و بابا و احمد علشان ناكل أو كنت بتظاهر أن اكل ؛عدي اسبوع مكنتش بروح الكليه كنت قاعده تعبانه و مرهقه ؛جه يوم فرح صاحب احمد لبست و طلعت بره كان احمد واقف _خلصتي _اهه خلصت مش يلا ولا اي _يلا بس اي الجمال ده _طول عمري جميله يا روحي _غرورك واصل لسما ضحكت_من بعض ما عندكم يا روحي
ضحك _اخيرا شوفت ضحكتك مالك _مفيش والله انت عارف اختك مجنونه _طيب يلا يا هبله “نزلت انا و هو.
و روحنا القاعه دخلت و كان المكان جميل اوي بس انا حاولت اخفف عن نفسي روحنا سلمنا علي العريس و العروسه و احمد راح عند أصحابه وانا واقفت علي جنب لوحدي بلف راسي و بعدل الفستان شوفت اياد واقف و بيبصلي جاامد بعد شويه كان بيقرب عليا حاولت اداري حزني و سيبته و روحت عند أحمد و قولتله أن انا تعبانه و وروحنا تاني يوم نزلت المكتبه وقعدت و مسكت الروايه و قرأتها كانت رومانسيه حزينه بدون اردتي عيطت وانا بفتكر كل حياتي من ساعه ما عرفت اياد فوقت علي نفسي لقيت حد قاعد جنبي و مسحلي دموعي بصيت بصدمه
_اياد ! اتكلم بقلق ظاهر عليه _انتي بتعيطي لي يا ايمان _لا مبعيطش ولا حاجه انا كويسه _لا مش كويسه مكنتيش بتيجي الجامعه لي _انت انت عرفت أن انا مكنتش بروح _اهه كنت متابعك في اي خلاكي متنزليش الكليه ! _لا مفيش حاجه بس انت انت كنت متابعني لي حط أيده في شعره ولعب فيه واتكلم بخوف_كنت بتابعك لحد ما لقيتك اختفاتي و مكنتش عارف اتصرف ازاي حتي سما مكنتش تعرف عنك اي حاجه
_انت كنت محتاج حاجه يعني مسك ايدي واتكلم بحزن _كنت محتاجك انتي اتخضيت وبعدت ايدي _اي _ايمان انا بحبك اوي _هه _بحبك اوي والله و قلقت عليكي _ازاي _تعالي بس قومي روحي خديلي ميعاد من والدك و هاجي اتقدملك اتكلمت وانا مش مستوعبه _انت بتتكلم بجد _جدا والله يلا بس اغسلي وشك و تعالي معايا
“مشيت روحت البيت و كنت فرحانه معقول الحلم بيتحقق بسهوله منكرش أن انا كنت فرحانه جدا بس فيه حاجه جوايا بتقول في شئ مخيف ؛ابتسمت و قولت اشيل اي حاجه وحشه اهم حاجه أن اياد هيجي و يتقدملي و قفت ولسه هتحرك لقيت الموبيل بتاعي بيرن و كانت سما اتكلمت بفرحه_سما وحشتيني _وانتي كمان _صوتك ماله ده انا كنت هقولك علي حاجه تفرحك _ايمان انا عندي خبر مش حلو _لي في اي
_اياد خطوبته بكره _ما انا عارفه _عارفه انه هيخطب فيروز النهارده و بكره الخطوبه ! شهقت _فيروز !! يتبع …… #ايمان_صالح #حكايات_ايمي وحشتوني جدا جدا لو لقيت تشجيع جاامد هنزل الباقي الباقي #اسكريبت الجزء الثاني و الاخير _يعني اي !! _يعني خطوبه اياد بكره يا ايمان _تمام _تمام !انتي كنتي هتفرحيني و تقوليلي اي _لا ابدا كنت كنت _كنتي اي ؟ كتمت دموعي انها تنزل _كنت هقولك جهزي الفساتين علشان نروح الخطوبه
_خطوبه !و فساتين _اهه طبعا _ايمان حبيبتي انتي فيكي حاجه _هيكون فيا اي يعني _يعني متاكده هنروح مع بعض بكره _اهه يلا اقفلي بقي يا سما علشان اجهز نفسي “قفلت معاها و سمحت دموعي تنزل ؛انامش عارفه في اي او اي اللي بيحصل انا كل ده كنت بخطط انه هيجي يخطوبني النهارده ؛قلبي منكسر زي الزجاج حتت صغيره ؛فتحت الموبيل و لقيت رساله عاديه مكتوب فيها “انا اسف يا ايمان بس مش هعرف اجي النهارده اعذريني انا اياد .
“فضلت باصه للمسدچ ثواني وانا بحاول افهم هو اد كده طلع كذاب ؛طيب بيضحك عليا لي انا عملتله اي لكل ده ! “مسحت دموعي لما سمعت اذان العشاء اتوضيت و لقيت نفسي حطيت طرحه علي راسي بطريقه عشوائيه وبصيت للمرايه؛ استغرب نفسي اوي انا اول مره البس حجاب ! “نزلت المسجد للسيدات و بدأت اصلي معاهم و بعد ما خلصنا قعدت لوحدي وانكمشت ولقيت نفسي مش قادره أقاوم اي حاجه محستش بنفسي غير لما لقيت حد حط أيده علي كتفي رفعت راسي و بصتلها لقيتها بنوته جميله لابسه دريس واسع و عليه خمار بصتلها باندهاش فهي ابتسمت
_اسمك اي رديت عليها بصوت مبحوح _ايمان اسمي إيمان _شايفه في عيونك حزن يا ايمان مالك _لا مفيش حاجه _مفيش ازاي احكيلي بس مالك يمكن اقدر اخفف تعبك اتنهدت_تعبي مستحيل حد يخففه ده وجع قلب _عارفه مهما كانت الضغوط و المشاكل خلي عندك امل في ربنا انه هيقدر يساعدك و يخفف وجعك يعني دايما استغفري و خليكي قريبه من ربنا صلي دايما؛ ربنا كل اما تقربي منه كل اما تلاقي نفسك مرتاحه و مفيش اي سوء هيطولك اطمني
_اكون قريبه من ربنا ازاي _بالصلاه طبعا و قيام الليل و _و اي _يعني لبس واسع و عليه خمار الزي الشرعي يعني _انا اول مره اسمع الكلام ده و ارتاح _دي في حد ذاتها حاجه ايجابيه و كويسه لما تتقبلي النصائح _اكيد _يلا هتبداي عيني لمعت_هبدا من دلوقتي ابتسمت _هتبداي ب اي _هغير من لبسي بس _بس اي _محتاجه مساعده علشان مش عارفه البس اي _انا جاهزه عادي من بكره الصبح ننزل انا وانتي
_مش هتعبك معايا _لا مش هتعبيني معاكي ولا حاجه _خلاص هجيلك بكره قدام المسجد هنا _تمام وهكون في انتظارك . “سيبتها و مشيت وانا حاسه براحه غريبه روحت حاولت اشيل اياد من دماغي و بعد شويه نمت ؛تاني يوم نزلت و قابلتها _انتي اسمك اي صح ابتسمت _اسمي ياسمين تعالي بقي نشوف دريسات و چيب _اي ده عادي نلبس چيب ابتسمت _طبعا طالما فضفاضه و اللبس فضفاض _طب يلا بينا
“مشينا انا وهي و قعدنا ننقي لبس كتير وخلصنا شكرتها و روحت؛صليت العصر و الظهر كنا صليناه في المسجد ؛نمت شويه من التعب و بعدها صحيت علي رنه الموبيل _الوو _اي يا ايمان كل ده نوم _اي يا سما _انا جيتلك البيت و كنتي نايمه قولت ابقي اصحيكي وانا البس في بيتنا وانتي في بيتكم _هي الساعه كام دلوقتي _الساعه 7و ميعاد الخطوبه 8 _بجد !طيب انا هقوم البس بسرعه
Eman Saleh . “قومت وانا حاسه بوجع في قلبي بس اعمل اي قومت الوجع و كنت هلبس بنطلون بس افتكرت ياسمين فشيلته و اخترت فستان سواريه كنت مختاراه و طلعت خمار و لبست و نزلت ڤيديو من اليوتيوب تعليم لف الخمار هو الأول كان صعب بس لفيته حلو بصيت لنفسي في المرايه و ابتسمت اد اي شكلي جميل من بالخمار و كنت هطلع ميك اب و تراجعت ابتسمت و انا موجوعه و طلعت بره لقيت ماما جت ابتسمت و حضنتني
_ماشاء الله اي القمر ده يا ايمان انا اتفاجات _اي يا ماما مش انتي شوفتي الحاجات دي لما جبتهم _بس مكنتش متوقعه انه هيبقي حلو عليكي كده “شددت علي حضنها و ابتسمت اهم حاجه تشجيع الأهل لينا ؛بعد شويه سما دخلت و اتفاجات و حضنتني _مبرووك شكلك زي القمر _تسلميلي _انا كمان عايزه البس خمار _خلاص يلا خدي خطوه _حاضر هاخدها بس مكنتش متوقعه انك هتتغيري كده _للاحسن ولا _من غير ولا ده للأفضل فعلا
“نزلنا انا وهي ووصلنا القاعه دخلنا ووقفنا وفعلا انا كل ده كنت متخيله انه كذب طلع حقيقي اياد واقف و معاه خطبته و قعدوا في الكوشه . “بصيت عليه و منعت دموعي قربت منهم انا و سما شافني اتفاجاء وفضل مصدوم شويه قربت منهم _الف مبروك “قولت بصوت حاولت ابينه طبيعي فيروز بصتلي و ابتسمت وبعدها اتفاجات انها حضنتني وهمست _انا عرفه أن انتي بتحبيه قد اي بس هو كمان بيحبك و صدقيني مش هيكون غير ليكي
“بعدت عنها بصدمه بصتلي و ابتسمت و اياد قرب مني و همس _انا اسف بس غصب عني ؛انا مكنتش متوقع أن انتي هتطلعي قمر كده بالخمار انا فخور بيكي يا ايمان Eman Saleh . “بعدت عنهم وانا برتجف انا مش هسمحلوا يلعب بيا تاني نزلت و مشيت من القاعه انا و سما و روحت كنت بنزل الكليه في ميعادي كل يوم وهو حاول يكلمني مكنتش برد عليه كنت بروح المسجد و أقابل ياسمين دايما لحد ما في يوم سبت اياد في الشارع و روحت ل ياسمين
_بما أننا عارفين بعض من فتره انا هحكيلك كل حاجه _سمعاكي “حكتلها كل حاجه فبصتلي و اتنهدت _اتكلم بصراحه _طبعا _الحكايه من الاول للاخر حرام _حرام !لي أنا معملتش حاجه غلط ابتسمت_لا غلط و حرام فكره أن انتي كل شويه تدخلي الاكونت و تتفرجي علي صوره دي في حد ذاتها حرام ربنا أمرنا بغض البصر متبصيش لحد مش من محارمك ؛يعني مش اخوكي مش ابوكي مش خالك مش عمك ؛كل دول محارمك غيرهم حرام تبصيلهم و تتاملي فيهم أو تسلمي حتي عليهم بايدك
_حتي السلام بلايد لي _طبعا ربنا حرم حتي السلام ل غير المحارم حرام تسلمي عليهم ربنا خلقنا ملكات مفيش حد يبصلنا ولا يقرب مننا ولا حتي يسلم علينا _ملكات ازاي _عمرك شوفتي ملكه حد بيقرب منها ولا يسلم عليعا عمرك شوفتي ملكه جه واحد من الشعب و قرب منها و سلمت عليه _بصراحه لا _ربنا كرمنا زي الملكات مش اي حد يقرب منهم مش اي حد يسلموا عليه ؛عارفه البنت زي اي
_زي اي _زي الجوهره لو شوفتي جوهره مرميه في الأرض و كل الناس بدوس عليها هتقربيلها هوبا راسي _لا طبعا _طيب لو شوفتيها علي قمه الجبال و كل الناس بتحاول توصلها هتعملي اي _هعمل زيهم و هحاول اوصلها _لو وصلتلها هتحسي ب اي _هحس بانتصار _هو ده بالظبط اللي الولد لما يشوف البنت المتصانه و محدش عارف يقربلها هيحاول هو بكل الطرق علشان يوصلها أما لو بنت سهله اي حد يقرب منها ممكن عادي يتجاوزها ده لو حصل بس مش نفس قيمه البنت المتصانه ؛حتي كرم ربنا للبنت المتصانه مش زي اللي بعت دينها بسهوله ل شخص مش من محارمها
_الله اد اي ربنا جميل