_ خليها علي راحتها _ ربنا يخليك ليا يا احلي بابا في الدنيا _ طيب استني كلي الاول _ والله ما اقدره انا هتمشي شويه _ خلي بالك من نفسك _ حاضر ” مشيت في الشارع و سيبت دموعي تنزل مش قادره اتحكم فيها وجع القلب ده صعب اوي هو احنا لي بنتوجع كده لي دايما قلب البنت سهل و بيضيع بالسهولة دي … ” كنت واقفه في مكان غريب مكان مهجور مفيهوش حد قاعدت و قعدت اعيط مش عايزه حد يشوفني حطيت وشي بين كفوفي وعيطت جااامد …كنت بغسل دموعي
” بعد شويه سمعت صوت صريخ حواليا مش عارفه جه منين …في الاول مهتمتش بعد شويه ….لقيته زاد قمت لقيت الشرطه ماليه المكان عساكر و ظباط ….اي ده اي اللي بيحصل _ تعالي معانا _ اجي معاكم فين انا مش فاهمه حاجه _ انتي هتستعبطي ولا اي يلا يا ماما _انت ازاي تكلمني كده اصلا انت مين _انا المقدم ايهم يلا تعالي و اعرفك انا مين في القسم _ حضرتك انا مش فاهمه حاجه و قسم اي اللي بتتكلموا عليه
_ تعالي و مش عايز رغي لحد ما نوصل ” كنا في الطريق و وصلنا هناك قعدوا يسالوا فهمت بعدها انهم شله شباب بنات وولاد مش كويسين كانوا في المنطقه دي ….ثواني و استوعبت اني معاهم _والله انا مش معاهم انت فاهمين غلط _ واي الصح بقي إن شاءالله _ انا طالبه جامعيه في سنه رابعه تربيه _ طيب بهدوء ممكن اعرف الطالبه الجامعيه بتعمل اي في مكان مشبوه زي ده
عيطت _ والله ما عملت حاجه والله انا انا كنت كنت _ اهدي يا انسه تعالي اقعدي هنا شويه و اهدي _ انا انا كنت تعبانه شويه و مشيت و مكنتش اعرف انا رايحه فين من التعب و مكنتش عايزه حد يعرفني قعدتي في المكان ده صدقني _طيب ابعتوا الناس اللي في الحجز ” جه الشباب اللي في الحجز وخلوهم يتكلموا وفعلا قالوا انهم كلهم مع بعض الا انا
_ احم طيب يا انسه احنا متأسفين بس عايزين بطاقتك أو اي اثبات شخصيه ليكي _ ما انا مش معايا حاجه دلوقتي _ طيب ممكن تتصلي بحد يضمنك _ اها ممكن ” قولت اتصل ب بابا بس خوفت يقلق عليا و و اسر مش هينفع هو السبب اصلا افتكرت احمد و اتصلت بيه و قولتله يجي من غير ما حد يعرف .. Eman Saleh ” قفلت معاه و بصيت ل ظابط الشرطه
_انتي كويسه دلوقتي _ اه الحمدلله _ انتي قولتي انك في رابعه جامعه _ اه تربيه _ ربنا يوفقك بس بعد كده خلي بالك من الأماكن دي _ إن شاءالله …بعدها بشويه احمد جه بسرعه و دخل قدم بطاقته و بطاقتي و كارنيه الجامعه بتاعي _ انا متشكر يا حاضره الظابط _ علي اي انا اسف علي الازعاج _ ولا يهمك يا باشا ….انتي كويسه يا منار _ اها اها كويسه يلا نمشي من هنا
_ يلا يا حبيبتي ” خدني و مشي ووصلني البيت _ انتي اي الوداكي هناك كده _ كنت مخنوقه يا احمد _ من اي _ شويه زهق بس _ بس _ اها _ هتخبي عليا _ انت عايزني اقول اي _اسر زعلك صح _ انت عرفت منين _ قوليلي بس هو زعلك _ يعني بس انت عرفت منين _ عشان كل مشكله من الاستاذ اسر كل مره يسبب ليكي مشكله
_ لا مش بيسبب دايما _ لا دايما يا منار دايما بيسبب مشكله وانتي بكل بساطه تطلعي ل امه _ هي مرات عمي ووجبي اطلعلها _ لا مش وجبك مفيش حاجه اسمها مساعده الناس _ لا في حاجه اسمها مساعده أقرب حد ليك _ اها قولتيلي و اسر اقرب حد ليكي _ قصدك اي يا احمد _ قصدي انك بتحبيه يا منار _ بحبه ! انت جبت الكلام ده منين
_متنسيش أننا اخوات في الرضاعه يا منار و عارفك كويس من واحنا صغيرين _ خلاص يا احمد سيبني بالله عليك عايزه اطلع كفايه عليا كده كفايه _ منار!! ” سيبته و مشيت مش متحمله اكلم حد ولا حد يكلمني دخلت نمت بهرب من الواقع بالنوم . ” فضلت يومين في اوضتي مبخرجش جاتلي رسائل كتير من اروي و احمد و و اسر مردتش عليهم ” كنت في المطبخ بشرب و لسه هدخل
_ انتي فين يا هانم كل ده _ اسر _ اها اسر مبتخرجيش من اوضتك لي _ عادي مش مهم _ اي ده تحت عيونك اسود كده لي _ مفيش حاجه كنت جاي لي _ عشان كنت امبارح هاخدك معايا وانا بتقدم ل اروي _ واتقدمتلها _ اها ووافقت بلعت غصه في حلقي _ ا الف مبروك _ الله يبارك فيكي عقبالك _ الله يخليك _ الله ياخدك _ انت بتدعي عليا لي
_ عشان كنت عايزك معايا _ محصلش نصيب اعمل اي _ يبقي تعالي معايا في الخطوبه _ إن شاءالله _ و اروي بتقولك يبقي رني عليها _ حاضر _ و _ ما خلاص بقي ابو شكلك يا اخي انت وهي يلا بره _ منار _ يا اخي بلا منار بلا زفت “دخلت اوضتي وكنت بعيط بعد شويه لقيت حد بيخبط _ يووه بقي مبتزهقوش _ منار انا احمد _ ادخل يا احمد
_ انتي قاعده كده لي _ مفيش _ انتي عرفتي انه اسر ا _ اها عرفت _ طيب تحبي تخرجي معايا _ لا _ انا قولت انك هتوافقي يلا خمس دقائق و تكوني جاهزه “بصتله بزهول و هو ضحك جاامد و شاور بايده خمس دقائق وسابني و طلع ” فعلا لبست و طلعت معاه أحمد انا وهو اخوات في الرضاعه دايما كان معايا وهو صغير كنا مع بعض دايما لما اتخانق انا و اسر هو كان بيصالحني رغم اني معنديش اخوات بس هو اخويا بجد .
” مشينا انا وهو روحنا الكافيه وقعدنا _ تاكلي ايس كريم _ لا _ انا عارف انك هتوافقي اتنين ايس كريم الشوكولاته لو سمحت _ انا مطلبتش _بس انا طلبت _ ابو شكلك يا اخي _ سمعت علي فكره _ طيب _ اي ده مش ده الظابط ايهم _ فين ده ” احمد شاورله ب أيده ف جه علينا وسلم علي احمد وبعدين بصلي _ ازيك يا استاذه منار
_ الحمدلله انا بخير ازاي حضرتك يا حاضره الظابط _ الحمدلله _ اتفضل اقعد يا حاضره الظابط _ شكرا ….انتوا بتعملوا اي هنا _ بناكل ايس كريم _ ده لي _ منار بتحب الايس كريم _ اها وانت بتحبه _ انا باكله عشانها _ اممم ….ماشي _ نطلبلك ايس كريم _لا انا طلبت قهوه مظبوطه _ تمام ” قعد معانا شويه كان لطيف جدا ….كان كل شويه يبص عليا وهو بيضحك ضحكته بتخطف القلب معرفش لي.
“بعد شويه قومت لما لقيت موبيلي رن ولقيته ب اسم اروي وشي قلب و زعلت جاامد مكنتش اعرف اني هزعل منها اوي كده بصيت علي احمد لقيته حط أيده علي كتفي و بيطمني …كنت قايمه لقيت عيون الظابط ايهم مركزه اوي علي ايد احمد اللي كانت علي كتفي ….مهتمتش قومت كلمتها و اعتذرتلها اني محضرتش الخطوبه …قالتلي انها بتحبه اووي ده اكتر شئ وجعني جدا بس حاولت اخفي حزني قفلت معاها و روحت قعدت جنب احمد مسك ايدي و بصلي
_ انتي كويسه _ اها ياريت يا احمد نمشي _ طيب تعالي يا حبيبتي معايا _ انتوا هتمشوا _ اها عشان تعبانه جدا _ طيب تحبي اوصلك _ نعم _ ما انا معايا احمد _ لا مقصدش حاجه تحبوا اوصلكم _لا شكرا احنا معانا عربيه احمد ” مشينا و روحت وقبل ما أنزل _ منار انتي كويسه _ الحمدلله انا طالعه
” عدي يومين وانا كنت بحاول انسي يعني يمكن انسي بجد باقي يوم علي خطوبتهم نزلت انا و احمد نشتري لبس ليا و ليه …..نزلنا المول …ودخلت اشتريت دريس عجبني كان هادي جدا بلون السما و خلصت واحمد دخل يقيس البدله و انا وقفت لوحدي …لقيت صوت ورا _ منار انتي هنا _ اي ده حضره الظابط _ انتي بتعملي اي هنا _ احمد بيشتري بدله جوه _ امممم احمد برضه
_ بتقول حاجه _ ولا حاجه تسمحيلي اقف معاكي لحد ما يطلع _ اكيد ” فضل واقف يهزر معايا دمه خفيف جدا اللي يشوفه ميقولش انه ظابط شرطه خالص بعد شويه احمد خرج _ اي رايك في بدلتي يا منار _ حلوه اوي بس ملبستهاش لي ووريهاني _ لا خليها في الخطوبه _ ماشي يا عم _ اي ده حاضره الظابط اخبارك ايه _ الحمدلله _ معلش ما اخدتش بالي انك هنا
_ ما انت كنت بتضحك معاها _ افندم _ انا ماشي ” سابنا و مشي و معرفش بيبرطم بيقول اي طنشته و روحت انا و احمد ” جه ميعاد الخطوبه وكان في زعل بس بصيت و بحاول اتلاشي الموضوع .. ” لبست و مشيت انا و بابا و ماما و عمي و مرات عمي وأحمد كان مع اسر و قلت في الخطوبه بعيد متوتره وانا شايفه اسر واروي مع بعض شكلهم حلوين اوي ربنا يسعدهم انا مش شريره اني اتمني ليهم حاجه وحشه بس كان نفسي اتخطب و اقول انا خطيبي ابن عمي و بحبه اوي .
” وقفت وبعد شويه احمد جه ووقف جنبي و مسك ايدي و ضغطت عليها جاامد _ اهدي _ انا كويسه اطمن _تحبي تمشي _ لا انا هروح اباركلهم _ بجد _ اها والله ” مشيت وهو مسبنيش اصر انه يروح معايا طلعت علي الاستدچ و باركتلهم و حضنتها و بصتلها و ابتسمت _ ربنا يتمملكم بخير _ عقبالك يا حبيبتي _ إن شاءالله ” نزلت انا و احمد من علي الاستدچ وهو قالي هيروح يجبلي عصير و يجي ….كنت واقفه بتنفس بسرعه سمعت صوت من ورا
_ هو راح فين _ ايهم قصدي حضره الظابط اي جابك هنا _ مجيش _ لا حضرتك نورتنا بس مين عزمك _ انا صاحب اسر _ اها و اسر ابن عمي _ ما انا عارف _ عارف!! منين _ اكيد من الاسم بتاعكم يعني المهم هو راح فين _ مين احمد _ الزفت _ نعم _ قصدي هو فين _ انت بتزعقلي _ لا انا اقدر برضه يا باشا _ ههههههههه ” رغم اني مش قادره اضحك بس حركته و طريقته ضحكتني غصب عني.
_ ضحكتك حلوه اوي _ اعتبرها معاكسه _ اعتبريها معاكسه _ تسلم يا حاضره الظابط _ لا ظابط اي قوليلي يا ايهم بس _ نعم ! _ ايهم و بس احنا في فرح و كده _ بس _ خليها عليا المره دي هههه _ انا جبت خدي اشربي العصير _ اووف _ اي ده حاضره الظابط بابتسامه صفره _ازيك _ الحمدلله جيت أمتي _ من شويه اي ده _ ده عصير ل منار
_ اممم طيب ” بعد شويه اسر لبس الشبكه ل اروي ابتسمت لهم وبعدها الشبكه خلصت . ” روحنا و عدي اسبوعين و انا بحاول أقلام نفسي انه خلاص مبقاش ليا ….وانا متأكدة هلاقي اللي يعوضني ….هو حبها وهي حبته ….بس مفيش نصيب بينا …..مش لازم اي حد نحبه يبقي لينا ..
” كنت جايه من الجامعه و الدنيا بتمطر و الجو حلو اووي مشيت تحت المطره وانا فرحانه و يبتسم و بغسل اللي ف قلبي حرفيا ….كنت فرحانه و قلبي بيدق جاامد معرفش لي ….بس اكيد حاجه حلوه …بعد دقائق لقيت اللي واقف بعيد …..ايهم ….بيشاورلي عشان اركب من المطر ….هزيت راسي و قولت لا ….نزل ووقف جنبي …..و شاركني الضحك تحت المطر وهو مبسوط جدا ….رغم أنه قالي في مره انه مبيحبش المطر …..بعد شويه شدني من ايدي و ركبني العربيه …. و لبسني الچاكت بتاعه
_ بس انا مش عايزاه _ البسي وانتي ساكته _انا عايزه انزل احمد زمانه جاي عشان يقابلني _ تاني احمد برضه _ نعم _ متجبيش سيرته تاني _ لي بقي _ هقبض عليه _ هتقبض علي ابن عمي _ واقبض علي اي حد ياخدك مني _ نعم بتقول اي _ انا بحبك يا منار _ ايهم ! _ والله بيحبك _انا عايزه اروح _ لما اسمع منك الاول