هديل :مالك ادايقت اوى كده ليه؟
آسر اتنهد بقوة وبعد اللاب عنه وبص ل هديل
آسر :انا كمان بحبك يا هديل
هديل فرحت اوى وقربت عليه و حضنته
آسر بهدوء :بحبك زي اختي
هديل بصدمة و وجع :ايه؟
هديل بعدت عن حضنه
هديل بوجع :قصدك ايه يعني ايه اختك
آسر :يعني بحبك زي اختي. مجاش ع بالي اني ابصلك نظره تانيه
هديل بصدمة ووجع وخوف بدأت تبعد عنه اكتر وأكثر
آسر لسه هيتكلم
أشارت له هديل أن يصمت.
ف سكت آسر و تماسكت هديل
هديل خرجت من اوضه آسر. وحاسه بكسر. واللي كسرها اكتر برود آسر. مجاش وراها ولا أي حاجة
هديل مشت بثقل لحد ما وصلت اوضتها ورجليها خانتها ووقعت ع الأرض بتعب. الحب من طرف واحد مؤلم بيكسر الإنسان معنويا جسديا نفسيا كل شئ. محطم درجه أولى للشخصية وكل شئ.
هديل خانتها عيونها ف بكت بمرارة.
وبصوت مكتوم. حاولت تهرب من وجعها بالنوم بس فشلت
يا ويلااااتي مشيت اول خطوه ف طريق الوجع ولسه اتبقالي مشوار طويل
هديل حاولت تخفف عن نفسها بالبكاء. ممكن الدموع تريحها
آسر قاعد ف الاوضه. حس بالذنب. هو كان حاسس أنها هتحبه. بس هو ملوش ذنب. قفل اللاب و نام الصبح طلع
هديل صحت مفزوعه ع خبط باب اوضتها. لقت نفسها نايمه ع الأرض ورا الباب
سمعت صوت آسر وهو بينادي عليها
آسر :هديل اصحى يلا علشان نفطر
هديل بضحكه وجع. وف سرها أفطر؟ أنا مليش وش ابص في عيونك.
آسر بصرامة :هديل افتحي
هديل لا مش هفتح مش عايزه أخرج من الاوضه دي.
آسر :ليه
هديل بغضب انا حره
آسر انا قلتلك افتحي الباب
هديل وانا قلتلك مش هفتحه مش هفتحه
آسر هديل مش تعاندي انا عادي جدا اكسر الباب.
هديل بعناد اكسره هي شقتي ولا شقتك
آسر و بدأ يزق الباب فعليا
هديل فتحتله الباب بسرعه
هديل انت مش متحضر وعنيد ودي حاجه وحشه مش حلوه علشان تتباهي بيها اوى كده
آسر :دا انا.
اتعودي بقا
هديل لا مش هتعود ومش هعيش ف البيت دا تاني
آسر لا كلامي انا اللي هيتنفذ ولما مامتك تفوق من الغيبوبة وقتها يبقى ف كلام تاني
هديل جات تقفل الباب ف منعها آسر ومسك أيدها
آسر بهدوء :هديل متزعليش من كلام امبارح.
هديل :دا شئ مش يخصك
آسر بهدوء :انا زي اخوكي الكبير. و هفضل احميكي لحد مامتك ما تفوق واطمن عليكي وانتي معاها
هديل انا مش محتاجه عطفك
آسر دا مش عطف قلتلك احنا قرايب
هديل بصتله بتريقه وسكتت
آسر بهدوء :انا اخوكي الكبير. ودايما هفضل جمبك .
قوليلي يا أبيه
هديل يعني ايه أبية
آسر أبيه يعني اخوكي الكبير
هديل بوجع :حاضر يا ابيه آسر
آسر بارتياح :شطوره يا قلب ابيه
آسر بحنان :يلا بقا علشان نفطر
هديل يلا
آسر يلا يا ايه؟
هديل بوجع يلا يا أبيه آسر
قعدوا فطروا وبعدين آسر أستاذن راح شغله.
هديل دخلت اوضتها قعدت تعيط ع آسر وكلامه الحلو و حنيته ومامتها ووفاه باباها وكل حاجه
قعدت تعيط لحد ما تعبت. أول مره تنجرح. ومن مين . من واحد قالها انه أقرب الناس ليها.
من واحد قالها أنها حته منه
وجعها اخدها وبدأت تحس بكبرياءها وكرامتها
فجأه لقيت نفسها تلقائي بتفتح باب الشقة وتجرى ع السلالم
مبقتش طايقه الشقة. خايفه مكسورة موجوعه مبقتش عايزه تفضل فيها دقيقه واحده
كان أتبقي ل هديل شويه خطوات صغيرة وتتحرر من سجن آسر
فجأه
لقيت آسر قدامها
خافت قلقت
آسر اندهش غضب
آسر بغضب :بتعملي ايه هنا
هديل بخوف مش بعمل
آسر بعصبية كنتي رايحه فين
هديل خافت ومش ردت
آسر بهدوء مصطنع :كنتي هتهربي؟
آسر مسك شعرها وبغضب :وكنتي هتروحي ل مين .
ل جمال و على صوته عليها..
خافت هديل وحاولت تبعد عنه بس فشلت آسر مسكها من أيدها بقوه وطلع بيها الشقة ودخلها الشقة..
وقفل باب الشقة بقوه
آسر بغضب :انتي ازاي تتحركي لتحت من غير ما تاخدي أذني
هديل بقوه :انت ملكش حكم عليا وانا حره و مبقتش عايزه أعيش معاك تاني
آسر ضربها بالكف ع وشها
هديل تألمت وعيطت
آسر شدها بقوه قعدها ع السفرة و دخل المطبخ وطلع بسرعه
آسر بأمر :كلي
هديل بضعف وزعل مش عايززززه
آسر قرب منها وقال بصوت مرعب:اسمها حاضر يا ابيه آسر
آسر بعصبية :اسمها ايه
هديل ببكاء :اسمها حاضر يا ابيه
آسر بقوه :تمام
وبعدين اخدها ع اوضتها وشاورلها تدخل ع السرير تنام
هديل نفذت كلامه بضعف وخوف وزعل
آسر بصرامة :منستيش حاجه؟
هديل ببكاء ضعيف :تصبح على خير يا أبيه
آسر برضي :تمام
مشى آسر راح ع اوضته و ساب هديل تعيط بصمت وهي ف سريرها.
ازاي آسر يتحول بالوحشيه دي
*******
عشق ابيه
الجزء الخامس
صحيت هديل من النوم بكسل ووجع بصت ف المرايه فجأه دموعها خانوها. و نزلم غصب عنها. قعدت تلوم نفسها. ياريتها ما اعترفتله. حاسه أن كبرياء ها انجرح.
قررت تاخد شاور و تلبس لبس جميل وشيك و تظبط نفسها. ممكن دا يريحها شويه وثقتها ف نفسها تزيد.
وراحت قعدت وشغلت نفسها بال T. V.
آسر صحي من النوم لقي هديل قاعده وكانت قمر اوى وجذابه.
آسر بابتسامة هاديه :صباح الخير
هديل بخضه وبصت وراها لقت آسر
هديل بزعل كتوم و ابتسامة مصطنعه:صباح النور.
آسر راح قعد جمبها. ميعرفش هو ليه راح قعد جمبها. هو المفروض يقوم يلبس و يروح الشغل.
آسر وهو باصصلها بعد ما أتأمل كل تفصيله جميله فيها.
آسر بهدوء :اوعى تكوني لسه زعلانه مني بسبب امبارح
هديل بوجع مكتوم و هدوء مصطنع :ولا يهمك
الرجال حمقي. اغبياء. أغبى أنثى تستطيع أن تخدع أذكى رجل.
مش تنهاري ولا تعاتبي ولا تنتظري منه يفضلك أو ينصفك ف حاجه. هما اغبيه. اتعاملي بهدوء. اكبتي زهقك. العبي بيه ببرود اعصابك و هدوءك.. وهيبقي زي الخاتم ف صباعك
هديل دا رأيها.
لو اتعاملت معاه بالعنف هيتمادي وهيعمل حماقات هو راجل مش محتاج حد يشاركه ف رجولته. هو محتاج أنثى. ف لو اتعصبتي أو اتهمتيه أو غلطتي فيه. مش هيبقى ف فرق بين دماغه و الجزمه.
آسر باعتذار :انا اسف علشان مديت أيدي عليكي امبارح
هديل بغضب مكتوم و هدوء مصطنع :و نعومه و ركزت ف عيونه. :مش زعلانه يا آسر. انا المفروض مكنتش اطلع برا الشقة من غير اذنك.
هدوءها و ردها دا ريح آدم جدا و ممكن يكون انجذبلها كمان.
آسر ب ابتسامة هاديه :وعد مني مش همد أيدي عليكي ابدا ولا هزعلك تاني.
هديل بصت ف عيونه وابتسمت ضحكة مصطنعه . ضحكه فيها حنان استسلام ل كلامه اوامره فيها صفاء مفيهاش كرة.
آدم بقا مرتاح وحب اوى الحوار دا. و حس أن هديل ممكن تكون كون هادي يعيش فيه
آسر بفرحه. هو قد ايه كان حاسس بالذنب لأنه ضربها و غير كده رفض حبها والراجل لما بيحس بالذنب بيبقى إحساس لا يطاق
و كلام وتصرفات هديل اثبتتله أنها جميله هاديه حنينه متسامحه. ومش من ضمن الستات الحقوده و القاسية والمثيره للشفقة اللي تقعد تتصعبن علية. بيحس ناحيتها بالشفقه مش بالانجذاب.
دا غير كمان تركيزك ف عيون الراجل. بيلفت انتباهه و بيستني منك خطوه.
اسر بسعاده :طيب يلا تعالى معايا الشغل وبعدين نروح نخرج و افسحك وبعدين نروح ل مامتك.
هديل بسعادة مصطنعه :الله بجد
هديل بهدوء مصطنع و نعومة :بس انت يا آسر هتبقى تعبان بعد ما تخلص شغل آسر بارتياح :لا لا بالعكس هيبقى يوم جميل. بس استمري ع الهدوء دا. لكن لو هتقلبي جنان زي بتاع امبارح. هيبقى ليا تصرف تاني مش هيعجبك خالص هديل بابتسامة خفيفه و هدوء وركزت ف عينه. لأن نظره العين دي بتلفت الراجل. ف هم حمقي
هديل بابتسامة خفيفه ورقه مصطنعة :حاضر
آسر بارتياح و طاقه :يلا ادخلي غيري هدومك ع انا كمان ما البس
هديل مشيت قدامه بكل هدوء مصطنع
آسر ف اللحظة دي انجذب للحته دي من شخصيه هديل و حس انه ممكن يديها فرصه جديده انه يحبها أو يستوطن قلبها
آسر و هديل دخلوا الشركه
هديل كانت بتيجي الشركه قبل كده. ف لما جيت تاني فرحت. هديل من فرحتها كانت بتتقدم ف المشي بخطوات عن أسر
آسر بصرامة :هديل تعالى امشي جمبي
هديل بسعادة طفولية :بصتله وضحكتله
آسر :بقا كده. مش هتسمعي كلام أبيه!
هديل راحت مشت جمبه ومسكت ف أيده وبصتله وضحكتله
آسر ضحكلها.
آسر بهدوء :اومال أما كنتي بتيجي الشركه هنا ل باباكي قبل كدة. مكنتش بطيقك ليه
هديل باستغراب :مش فاهمه