الفصل 20
اسر اخدوه ع الفيلا و فضل عايش فيها مع هديل و حنين و خالد جم ياخدوا يوسف ويطمنوا ع اسر بعد ما عرفوا اللي حصلوله و هديل عرفت ان اسر فركش خطوبته .و حصلت كارثه وهي ان نورا كانت ع علاقه ب واحد غني اوي بس باسم هديل و ان الفيلا بتاعتها و ان اسمها هديل .وكده .و طلع شاب اي كلام .
وضحك عليها واتجوزها عرفي والورقه انكتب فيها اسم هديل مش اسم نورا
و اسر عرف بس ف الفتره دي خالد فضل ف الفيلا مع هديل علشان يحميها .
و حاولوا يبعدوا اسر ع قد ما يقدروا عن مكان وجود هديل .علشان لما سمع ب خبر ان هديل اتجوزت عرفي كان عاوز يبقي عنيف معاها وخافوا اسر يأذيها
عدت ايام و هديل ف حاله رعب من اسر .ومن اللي حصل ومش عارفه ازاي تدافع عن نفسها .
و مامتها صحتها اتدهورت .ف قرر خالد يتجوز هديل هي من لحمه و من دمه وخاف عليها من الفضيحه .
بس حنين راحت ل اسر و اترجته انه يروح يتجوز هو هديل لانها بتحب خالد ومش هتقدر تسيبه ل غيرها .
اسر كان ف صراع عميق بينه وبين نفسه .من ناحيه هو عاوزها وبيحبها ومن ناحيه كبريائه كراجل مانعه
تعب فريده هانم زاد ف خاف اسر انها تم..وت ف فعلا راح واتجوز هديل .وكان قبلهم باسبوع فرح خالد و حنين.
الحلقه ال ٢٠
هديل قاعده ف شقه اسر .بس المره دي لانها بقت مراته .و المره دي مكانها هيبقي ف اوضته هو .مش ف اوضتها اللي كامت قاعده فيها .هديل قاعده ب فستان الفرح ع السرير وهي ف حاله رعب .خايفه اوي من اسر .مع انها ملهاش ذنب ومعملتش حاجه غلط .نورا هي اللي وقعتها ف كل المصايب دي .
قاعده منكمشه ف فستانها زي الطائر الجريح .مش عارفه مصيرها هيبقي ايه .و ازاي سلموها ل اسر بالبساطه دي بعد ما كانوا بيبعدوها عنه علشان مش يأذيها .
فجاه باب الاوضه فتح .ف انتفضت هديل .و بصاله برعب
اسر داخل الاوضه ب دم بارد و ملامح جامده مفيهاش اي تعبير بالفرحه او حتي الحزن
اسر بصوت قاسي مغيرتيش هدومك ليه