_تشرب قهوة _امممم ماشي رحت عملت القهوة بكل حب ايوا انا مش بعملها والسلام لازم احط فيها شويه حب والقهوة لازم تحس بحبك وانت بتعملها علشان تطلع بوش دا اللي بيبين الفرق بين ام وش ومن غير وش! عملت القهوة ورحت وقفت جنبه _القهوة _اجمل القهوة بحس انك حاطه كل أحاسيسك وسنين حبنا فيها بحس انك مش بتعمليها بايدك بتعمليها بقلبك.. ابتسمت ابتسامه عريضه ايوا انا بفرح لما بتكلم عن قصة حبنا ايوا بفرح لما بلاقيه مهتم بادق التفاصيل كدا
_نور _نعم _بحبك اوي يا نور مش عاوز حاجه تزعلك مني أو حاجه تأذيكي انتي مش عارفه انتي عندي اي _وانا بحبك يا يحيي حبي ليك يوم عن يوم بيزيد مش بيقل القهوة لما بتطلبها مني بفرح بحب اعملها ليك علشان بحس بحبي ليك _فاكره اول يوم قابلتك فيه كان جميل اووي كنت يوم اترقيت فيه في الشغل وروحت عندك الكافيه لقيتك هناك حسيت أن طاقة القدر اتفتحت يعني اقابل البنت اللي قلبي دقلها وكمان يوم مترقيت كنت حاسس ان الدنيا كلها بتضحكلي
_وانا كنت مبسوطه جدا كنت حاسه اني اول مرة اقابل حد انا كان قلبي بيدق ومكنتش قادره اتلم علي نفسي لطفك في الكلام وجمالك كنت وقتها اول مرة حد يطلب مني حاجه واجيبله حاجه يعني انت كنت طالب عصير وعملتلك قهوة وانت مكسفتنيش وشربتها وبقيت تيجي كل يوم تشربها من ايدي _وفي يوم كنت خلاص حبيتك جيت ومعايا الورد اللي بتحبيه كنت براقبك وطلبت ايدك كنت عارف وقتها معني السعاده
_وقتها انا كنت فرحانه اوووي اخيرا جالي العوض _بحبك يا نور حياتي _قصتنا بدأت بفنجان قهوة من وقتها وانت بتحب القهوة _انا عمري مكنت بشربها بس ادمنتها علي ايدك _بحبك يا يحيي اترميت في حضنه استمد الامان والدفا هوا اماني والدفا والحضن اللي بلجأله في كل اوقاتي حقيقي هوا كل حاجه ليا _يحيي _نعم _عوزا اطلب منك حاجه كدا _عارف انتي عوزا اي ومش موافق يا نور مش هتجوز عليكي انا عاجبني كدا انا بحبك كدا مش عاوز اطفال كفايه انتي طفلتي
بدأت اعيط _,بس دا حقك يا يحيي حقك _بس انا مش عاوز انتي عندي بالدنيا كلها وبحبك انتي وبس انا مش متجوزك علشان تكوني مصنع انتاج ولو مش شغال ارميكي انتي مش اله انتي حبيبتي افهمي بقى افهمي يا نور انا بحبك ومتأكد أن ربنا يعوضنا بس انتي قولي يارب _يارب عدي يوم والتاني وغيره وغيره وكل يوم بفتح معاه الموضوع دا _انت زهقت مني صح انا عارفه مهو علشان انا مش بخلف انت زهقت
_تاني يا نور تاني قرب مني ومسك وشي بين أيديه انا كنت بترعش من الوجع انا موجوعه اني مش عارفه افرحه بطفل _نور انتي لي دائما بتبقى عوزا تهدمي كل لحظه سعاده بينا حتى القهوة بقيتي بخيله مش بتعمليها بقتيش تحبيني يا نور!؟ ضعفت وعيطت ودفنت نفسي في حضنه عوزا دفا امان انا تعبانه انا عوزا بيبي!؟ _نور انا عارف انو صعب بس مش مستحيل طول محنا عايشين وبنتنفس في امل مش هنيأس يا نور
_,يحي انا تعبانه موجوعه حياتي حاسه انها واقفه هوا انت ممكن تسيبني زي ما اهلك واللي حواليك بيقولو _مستحيل يا نور انا بحبك افهمي بقى وقدري دا انا تعبت صدقيني انا عاوز مراتي في حضني مش اللي بتفكر في الخلفه وبس فكري فيا انا يحيي حبيبك يا نور