رب صدفه خير من الف معاد ج١

part:1 *واخيرا حققت امنية حياتي وجينا اسكندريا ياااه ^نور اعقلي يماما وخلينا ندور علي سكن قبل ما الليل يليل *عارفة يافاطمة انا مستعدة اعيش عمري كله ع البحر كده بحبه عارفة لو هشحت كده بحبه برضه ^ياه علي خف الدم بس والله انا مستفرية ان اهلينا وافقوا بالتنسيق انه حدفنا هنا *احلي حدفة والله (انا نور ودي الهبلة فاطمة صحبة قلبي وطفولتي وكل حاجة حلوة المهم خلصنا ثانوي ونسقنا والتنسيق جابنا زراعة اسكندرية والنهاردة جينا نقدم ونختار سكن) ^ضحي تالي كده متمشيش علي الحرف لحسن تق......ضحاااااا الحقوني ياناااس صحبتي بتغرق ياالناس حد يلحقنا فجأة لقيت نفسي في الميا وانا مش بعرف اعوم كنت حاسة ان كل محاولتي بتفشل في النجاة حاولت كتير ارفع نفسي لفوق بس مكنتش بقدر لغاية ما فقدت كل قدرتي ونفسي اتكتم خالص وحسيت روحي بتطلع مني مش عارفة عدي وقت اد اي بس لقيت ايد بتشدني مكنتش الملامح واضحة بس لقيتني بين ادين حد وسابني علي الشط فضلت اكح جامد ولقيت فاطمة حضنتني وبعيط اوي *كحكح خلاص ياعم مش هموت دلوقتي صلي ع النبي كده ^انا كنت هموت عليكي يانور حرام عليكي قلتلك امشي كويس *يلا الحمد لله لسه في العمر بقية بس هو مين الي طلعني ^فضلت اصرخ بس محدش كان قريب يسمعني وفجأة لقيت الراجل ده نط وجابك شاورتلي علي واحد كان ماسك حجات الصيد تقريبا صياد دقنه كان كبير وشعره كمان ملامحه شبه مش باينة تحس مغطيها الحزن اوي رغم ملامحه الهادية بس تحسه مليان غضب ^هاي انتِ فين يماما *هااا اديني اهو لقينا راجل كبير في السن شوية جايبلي حاجة سخنة -خودي يابنتي اشربي اليانسون ده عشان يدفيكي *شكرا ياعمو تسلم ايدك ^معلش ياعمو متعرفش مكان لسكن طلبة -والله يابنتي انتوا جايين في وقت الدراسة ولاسف صعب تلاقوا مكان فاضي *حتي اي سكن مؤقت لفاية بس الترم ده -والله يابنتي معارف اقولك اي بس هو مفيش غير...... *غير اي ياعمو قول -مفيش غير اوضة في العمارة الي قصادك دي بس ساكن ف الاوضة الي جنبها ادم *ادم مين لا لو عشان شباب وكده يعني متقلقش ياحج احنا عارفين حدود ربنا كويس وطالعين من بيوتنا متربين -يابنتي والله مش القصد بس الاوضة دي محدش بيرضي يسكنها الكل بيخاف يسكن فيها بسببه *،طب هو مين ده يعني الي ناس بتهاف منه اوي كده -الراجل الي طلعك من الميا...... #رب_صدفة_خير_من_الف_معاد يارب يعجبكم انا صاحبة رواية بلا أمل أنا كنت هكملها والله بس دراعي اتكسر وللأسف مش قادرة اكتب ف دي قديمة لو حابين انزلها لغاية ما اخف بأذن الرحمن #دار_الرواياتPart:2 بس بس يابنتي مفيش غير اوضة واحدة بس هي الي فاضية فوق السطوح وساكن قصادها ااا ادم عشان كده مفيش حد راضي يسكن الاوضة حتي الشباب العمارة كلها سكنت الا الاوضة دي *هو ادم ده قتال قتلي ياحج ولا اي -لا يابنتي ادم ده الي طلعك من الميا انا استغربت اوي لي شخص كويس رمي نفسه في الميا عشان ينقذ روح الناس بتخاف منه كده *طب يعني ياحج هي لي الناس بتخاف منه كده -والله يابنتي محدش يعرف عنه حاجة كل الي نعرفه عنه انه خواجة واسمه ادم لقيناه من ٦شهور مرمي هنا علي الشط وكان متبهدل وهدومه مقطعة وكان الباسبور بتاعه جنبه مكتوب جنيسته"امريكي" واسمه ادم ومن وقو ما لقيناه متكلمش ولا كلمة بس صعب عليا وقتها وشغلته معايا بقي يصحي من الفجر ينزل زي ما انتِ شيفاه كده يجهز عدة الصيد ويطلع يصطاد انا كنت بسمع كلام الراجل وانا حزينة اوي عليه وفي نفس الوقت عني فضول اعرف ماله *طب يعني الناس بتخاف منه لي او لي مش راضين يسكنوا قصاده -والله يابنتي الكلام كتير ناس تقولك بنسمع صوت حد بيبكي في اوضته بليل وناس تقولك بنسمعه بيتكلم مع حد وهو اصلا مش بيتكلم واهو الحال علي كده ومحدش راضي يسكن الي يقولك مجنون والي يقولك عامل مصيبة وهربان هنا ومحدش يعرف اي الصح من الغلط *تمم يا حج توكلنا علي الله انا هأجر الاوضة ^نور انتِ في وعيك لا طبعاً يا حج مش هنأجرها *لا يا فاطمة مقدمناش حل غير كده وبصراحة مش قادرة الف تاني واديكي سمعتي الراجل اننا مش هنلاقي مكان فاضي ^نور بس... *مبسش خلاص ياعمو احنا هناخدها -متأكدين يابنتي *اه ياعمو متأكدين -هه امري لله هروح اكلم صاحب العمارة مشي صاحب العمارة وفضلنا قاعدين احنا الاتنين علي الشاط وغصب عني عيوني كانوا متابعينه كان شكله هالكه الحزن مش عارفة لي قلبي وعقلي كانوا رافضين كل الكلام الي سمعته عنه عندي فضول اعرف حكايته بصلي فجأة قلبي اتنفض خوفت اوي وكأن بصته كانت تحزير او تهديد بصيت قدامي بسرعة تاني -خلاص يابناتي انا اتكلمت مع الراجل صاحب العمارة والراجل الشهادة لله محترم وبتاع ربنا ووافق علي طول وكمان بأجار كويس جدا ٤٠٠ جنيه انتوا الاتنين *ربنا يجزيك خير ياعم.... -عمك محمد يابنتي *ربنا يجازيك كل خير ياعمو محمد والله شكرا جدا ليك -متقوليش كده يابنتي ده انتوا بقيتوا زي بناتي الي ربنا مرزقنيش بيهم *ياربي ربنا يعوض عليك بالخير يارب وانا بقي بقيت بنتك هااا اي حاجة تحتاجها قول يانور بس ماشي -ربنا يبارك فيكي يابنتي ويحفظك طلعنا العمارة وفتحنا الاوضة *الله يافاطمة مشاء الله الاوضة واسعة ومترتبة وحتي العفش الي فيها جديد ^نور انا مش مستريحة للقعاد هنا الله يخليكي خلينا نمشي نشوف مكان تاني *مكان تاني فين يافطمة هااا ما احنا من صباح ربنا بنلف ومفيش مكان فاضي وربنا بعتلنا مكان حلو وسعره كويس نتبتر وياستي عارفة انتِ خايفة لي بس حابة اطمنك واقولك ان الي يعمل الخير يستحيل يكون في قلبه شر وهو اكيد في قلبه خير والا مكانش طلعني وانقذني من الغرق خلصنا ترتيب وتنظيف ورتبنا حاجتنا وجي الليل *فاطمة انا جعانة اوي هنزل اجيب حاجة ناكلها ^ماشي بس متتأخريش نزلت روحت مطعم وطلبتلنا اكل احنا الاتنين وقلبي المتخلف طلب اكل ذيادة المطعم كان قريب جدا من السكن وسمعت صوت الناس الي جنبي بيتكلموا علينا ♧هي دي الي سكنت جديد ♤اه ياختي هي والنبي معارفة اي البنات دي طب مش خايفين مش هقولك علي سمعتها مش خايفين ليعمل فيهم حاجة ♧ده انا سمعت انه ملبوس ♤الشر برا وبعيد ربنا يبعده عننا =اتفضلي يا انسة اخدت الاكل ومشيت جري مش خوف من كلامهم بس كنت متصايقة انهم بيقولوا كده عليه وصلت بس وقفت مترددة قدام باب اوضته مش عارفة اخبط ولا لا وفجأة لقيته هو فتح الباب اتخضيت *،ااا احم انا انا كنت جيبالك اكل معانا يعني كشكر انك لحقتني الصبح كنت بتكلم وهو باصص علي عيني وبس وكأنه بيقول كلام بعنيه حسيته وقتها عايز يعيط توهت في بير عنيه الغويط لغاية ما فجأة صدمني بردة قعله..... #رب_صدفة_خير_من_الف_معاد #دار_الرواياتPart:3 *امم اتفضل الاكل انا عملت حسابك معانا كنت بحاول ابعد عيني عن عينه وقدمت ايدي عشان ياخد الاكل لقيته فجأة قفل الباب في وشي فضلت مكاني متنحة هو بجد.عمل كده هو قفل في وشي الباب دخلت الاوضة وانا متنرفزة وعلي اخري *انسان همجي متخلف قليل الذوق والادب هو فاكر نفسه اي ^نور في اي وهو مين ده الي بتشتميه كده حد ضايقك *الزفت الي اسمه ادم جبتله اكل معانا قفل الباب في وشي ^ميييين؟نور انتِ بتستهبلي بتجبيله اكل لي انتِ مالك انتِ مسمعتيش الراجل قال عليه اي انتِ بتستعبطي ^في اي يا فطمة الموضوع مش مستاهل وبعدين انا كنت بشكره علي انه ساعدني ^ولا تشكريه ولا يشكرك تمام ملكيش علاقة بيه تاني ماشي *خلاص بقي يلا ناكل عدي اليوم ونمنا من كتر التعب والاجهاد صحيت علي اذان الفجرة ودخلت اتوضيت وانا خارجة من الحمام سمعت صوت حد بيعيط اتسمرت في مكاني افتكرت كلام عم محمد لما قال ان الي كانوا بيسكنوا كانوا بيسمعوا اصوات حد بيبكي البكي قلب لنحيب وذاد اوي لدرجة اني جريت اتغطيت ونمت من غير صلي من كتر خوفي عدي اللليل وجي الصبح صحينا روحنا الجامعة ورغم ان اليوم كان متعب بس كان ممتع اوي انك تسافر البلد الي بتحبها ده من امتع ما يكون * فاطمة انا هدور علي اي شغل نمشي بيه حالنا لاني مش حابة اتقل علي بابا تاني ^ومين سمعك يانور والله وانا زيك *طب يلا ندور ويارب نلاقي حاجة قريبة من السكن بدأنا ندور تقريبا اليوم كله واحنا بنلف هي في مكان وانا في مكان تاني لقيت اخيرا شغل كمدرسة في دار ايتام بس كان بعيد جدا عن البيت بس وافقت لان مكنش في حل تاني ولأني بحب الاطفال اوي ويااه علي الاجر الي هتاخده لما تطبطب علي يتيم مابالك بقي انك هتعلمه يارب قدرني وجعلني اد المسؤلية اما فاطمة فلقيت شغل في صيدلية قريبة من السكن بنت المحظوظة يانهار اسوح الساعة١٢ يااالهوي طلعت اجري في الشارع الوقت ده ممكن ميكونش متأخر في اسكندرية بس انا متعودتش علي كده وبعدين انا في بلد غريبة كنت ماشية سريع وبمد ودخلت من شارع جانبي عشان اوصل بسرعة الدنيا بدأت تمطر والشارع كان ضلمة اوي وكنت بحاول اسرع مشيتي _السنيورة رايحة فين *عديني بعد اذنك _استني بس نتفاهم ونتكلم ون... وبدأ يحط ايده علي جسمي محسيتش بنفسي غير وانا بلفخه قلم علي خلقته لقيت فجأة كام واحد تبعه طلعوا معرفش منين _يابنت الكلب يازباله بتضربيني انا طب وديني مهخلي كلب يبصلك بعد النهاردة ولقيته هو وصحابه بيقربوا مني وكان واحد فيهم تقريبا ماسك جزازة مية نار لانه كان بيقول هشوهها لزقت في الحيط الي ورايا كنت بستنجد بربنا كل ما كانوا بيقربوا كنت بحس ان اني بحفر في الحيط وكأني هستخبي جواه وفجأة لقيت الإنسان لقذر ده بقي اخر الدنيا واذ بشخص نازل ضرب فيهم مش عارفة ظهر منين كسرهم تقريبا كان بيضربهم طرب هستيري مش مجرد واحد بيدافع عن بنت خلاهم مش قادرين يتحركوا بس في واحد فيهم قام وضربه بالمطوة بتاعته انا لقيت نفسي بصرخ ضربه صربة تاني خلاه فقد وعيه ولقيته ساحبني من ايدي لغاية ما خرج لشارع عمومي منور اي ده مش ده ادم.... لقيته بيبصلي بصة غصب وكان متعصب اوي ولقيت كتفه بينزف *اي ده دد دم انت لازم تروح مستشفي مردش *طب مش هينفع تمشي كده ممكن يكون خطير لقيته سابني ومشي قدامي للعمارة طلع وانا وراه دخل اوضته خبطت علي الباب ودخلت وراه *لازم ننضف الجرح ثانية بس انا معايا شنطة إسعافات هجبها واجيلك طلعت بسرعة ودخلت اوضتنا ^نور نور انتِ فين من الصبح انا كنت مرعوبة عليكي وفونك مغلق *مش وقته يا فاطمة هشرحلك بعدين بس ساعديني الاقي شنطة الاسعافات مش لاقياها ^الشنطة اهي بس لمين *هبقي اشرح لك بس مش وقته اخدت الشنطة وجريت علي اوضته لقيته قاعد ومخبي وشه بأيده هاولت اعمل صوت بحيث احسسه اني هنا لقيته بصلي ومسح عينه بسرعة عملت نفسي مشفتوش وقعدت قدامه وبدأت اشوف الجرح وانضفه (والله فلوس كورس الاسعافات مراحتش هضر) كنت بتحاشة ابصله وكنت مركزة اوي في الي بعمله خلصت وربطله شاش وقومت *اسفة علي الي حصلك بسببي الجرح الحمد لله سطحي وانا طهرتوا وطبعا مكنتش مستنية منه رد ولفيت عشان امشي بس اتصدمت لما لقيته اتكلم "شكرا يانور..... #رب_صدفة_خير_من_الف_معاد #دار_الرواياتPart:4 انا رجلي مقدرتش تتحرك مكنتش مستوعبة هو اتكلم فعلا لفيت عشان اتأكد من الي سمعته لقيته مشي ومشيت انا كمان ^ممكن افهم بقي ياست نور في اي ولي تأخيرك ده كله وماله سي ادم ده *اي يافطمة بلعتي قطة والدة اصبري ياستي وهحكيل فاطمة نامت وانا النوم فارق عيني معرفتش اغمضها حتي انا لأول مرة في حياتي اتعرض لموقف زي ده لولا ستر ربنا وكرمه كان زماني يا اما ميتة يا اما مشوهة والله اعلم كان ممكن يعملوا فيا اي انا من وقت ما جيت هنا وانا بتحصلي حاجات كتير غريبة ودايما ربنا بينجدني وبيبعتلي استغاثة في صورة ادم منكرش اني خوفت منه بعد كل الكلم الي سمعته عنه بس لما جمعت كل مواقفه معايا لقيت اني بخاف مو غيره او في غيابه ده انا لمحرد اني ساكنة جنبه حاسة اني في امان بفضل الله قطع تفكيري صوت اذان الفجر قومت اتوضيت ولما خرجت سمعت صوت بكي برضه بس كان المرة دي مختلف المرة دي كان حد بيبكي وبيتكلم في نفس الوقت بس الكلام مش واضح خالص بس الغريب اني النهاردة مخوفتش بلعكس تجاهلت الصوت وروحت صليت الفجر ونمت ^ست نور يانور هانم يادكتورة قومي المحاضرة الاولي فاتتنا *يوه بقي خلاص قايمه اهو قومت ولبست وروحنا الجامعة كان يوم ممل او يمكن عشان مكنتش مركزة في حاجة اصلا *فاطمة انا رايحة الشغل عشان ارجع بدري بأذن الله ماشي ^ماشي يانور حاولي متتأخريش في حفظ الرحمن مشيت علي الدار وكان كل تفكيري فيه هو بيتكلم ولا لا طب هو انسان كويس ولا وحش لغاية ما وصلت الدار بس الي شوفته شل كل خلايا عقلي من التكفير ادم كان واقف وسط الاطفال وكان معاه اللعاب كتير بيوزعها عليهم وكانوا مبسوطين بيه اوي انا مكنتش مصدقة عنيا لدرجة اني كنت فاكرة اي بتخيل -انسة نور اتفضلي معايا اوريكي الفصل الي هتدي الاولاد فيه *هااا اه طب حاضر هو ممكن اسألك سؤال -اه طبعا اتفضلي *هو مين الي واقف مع الاولاد ده -ده ادم بيه هو الي متكفل بالدار بقاله ٤سنين ودايما بيجي للولاد هنا كان الاول بيجي بزوجته الله يرحمها بس بعد وفاتها بقي يجي لوحده *زوجته!!!هو هو متجوز ....... #رب_صدفة_خير_من_الف_معاد #دار_الرواياتPart:5 -ايوة كان متجوز بس مراته عملة حادثة وماتت من٣سنين وياعيني حالته اتدهورت من بعدها اصله كان بيحبها اوي بيقولوا انه استقر في مصر عشانها كلامها كان غريب بالنسبة ليا صعب انك تغير اول فكرة اخدتها عن شخص وكانت فكرتي عنه انه مجرد لاجئ لا حولة لي ولا قوه او انه انسان مريض زي ما الناس كانت بتقول لكن متخيلتش انه ممكن يكون او كان متجوز طب مش يمكن وفاة مراته هو الي خلاه كده فعلا -انسة نور انتِ فين *هاا لا انا معاكي اهو تمم تسلمي يامس سلمي انتِ اتفضلي وانا هبدأ مع الولاد كان يوم في منتهي اللطف يمكن عشان شوفت فرحة الاطفال ومعاهم الالعاب او عشان فهموا مني وكانوا متحمسين اوي او يمكن......يمكن عشان شوفته.. خلصت بدري الحمد لله ورجعت ع السكن وصلت بس لقيت اوضته مفتوحة علي غير العادة فضولي قتلني اني ادخل وبصراحة دخلت اول مرة اشوفها بتفحص كده لان المرة الي عدت كان كل همي اطهر الجرح عشان ميلتهبش فضلت اتفرج علي الاوضة كانت غامضة زيه بص كأنها حزينه زيه برضه ولقيت صورة جنب السرير وبصراحة نفس الفضول الي دخلني الاوضة خلاني اقرب عشان اشوف الصورة بس دي...... دي شبهي اوي مش معقول دي دي نسخة مني "مين سمحلك تدخلي اوضتي صوته رعبني اتخضيت ووقعت الصورة اتفتفتت *اااا انا انا اس اسفة وال والله مك مكنش ققصدي انا ه هصلحها والله "مفيش داعي بس ياريت تتفضلي عشان عايز انام خرجت وانا في منتهي الاحراج من نفسي ومن الي عملته وبرضه مصدومة ان في حد شبهي كده برضه معرفتش انام وفضلت اليل كله افكر هي ازاي شبهي كده طب وسبب انه ينقذني في المرتين معقول لاني شبه مراته يارب انت الي عالم بحالي وغني عن سؤالي اهدي لي قلبي وابعده عن الضلال يارحمن الفجر اذن وذي ما كنت متوقعة سمعت نفس صوت البكي بس المرة دي صممت اني اعرف مصدر الصوت وفتحت باب الاوضة براحة خالص واتسحبت لبرا الاوضة وفضلت ماشية ورا مصدر الصوت لغاية ما وصلت عند اوضة ادم المنظر ازهلني كان شباك اوضته مفتوح وكان ساجد وبيبكي ياربي بكاء طفل انا جسمي كان مقشعر من الموقف مش قادرة اوصف اد اي كنت مزهولة اولا لاني مكنتش اعرف انه مسلم ثانيا قلبي انفطر علي بكاه كان عامل زي الطفل وهو بيناجي ربه بس اللهم بارك كان في منتهي الجمال محبيتش اقف اسمع هو بيقول اي محبيتش اتدخل في خصوصيته مع ربه واكتفيت اني ابدأ يومي بحاجة عظمة زي كده رجعت اوضتي تاني وصليت وبكيت ونجيت ربي انا كمان ناجيته انه يبرد قلبه ويريح باله وانه يزيح همه مكنتش مستغربة نفسي لان ظي عادتي من زمان وقت مابلاقي حد في ضيقة بدعيله كأنها ضيقتي ^انتِ يا جاموسة حرام عليكي مش كل محاضرة كده هتفوتنا بسببك قومي بقي *يووووه طيب طيب ياشيخة منك لله يكرمك بقرة عين كده تطلع عينك بأذن الله ^ياختي ياريت هو فين ده وانا الي هديلو عيني من غير ما يطلب *هيجي ازاي يا بومة لما اخر عريس طلعتي تقابليه بس عشان تاخدي علبة الجاتوه تطفحي وبعدين ترفضيه ^وانا اعمل اي بس كا كل الي جاي عايز يتجوز بوتجاز وغسالة لا واي بدون كهربة عشان اوفر لهم في الفاتورة *الله يهديكي روحي ياختي البسي ومتنسييش الشندوتشااات هااا احنا وخارجين من الاوضة كان هو كمان طالع لقيته بيبتسم لينا وبيقول صباح الخير *اححم صباح النور انا كنت حابة اعتذروالله مكنتش.... "خلاص الحمد لله ولعله خير في كسرها وانا والله مش زعلان وسابنا ونزل #رب_صدفة_خير_من_الف_معاد #دار_الرواياتPart:6 اجواء رمضان غي اسكندرية حاجة غير والله يجماعة تحس ان الجو ليه ريحة مختلفة كده والفوانيس الي مالية الشارع ياربي مش قادرة اوصف ^الو يانور متنسيش تجبيلنا صحور معاكي *ماشي ياست فاطمة اديني هشتري *عم محمد اخبارك اي ياعمو اي الغيبة الكبيرة دي -في نعمة يابنتي اللهم لك الحمد انتِ عاملة اي مرتاحة في الاوضة *الحمد لله والله ياعمو ماشي الحال -شكلك لسه راجعة من الشغل *اه والله ياعمو ورايحة اشتري سحور ليا انا وفاطمة -لا بقي سحور اي انتوا معزومين علي السحور والفطار كمان عند الحج عادل *حج عادل مين -الحاج عادل صاحب العمارة هو من عادته كده كل سنة يعزم العمارة اول يوم فطار وسحور واهي فرصة تتعرفوا علي مراتي *اكيد ست طيبة وجميلة زيك الطيبون للطيبات ياعم محمد -الله يحفظك يابنتي يلابقي اطلعي ريحيلك شوية قبل السحور طلعت فعلا ونمت من كتر التعب ^نور ياااانور اصحي *اي في اي الاكل اتحرق ^حتي احلامك اكل قومي ياستي الناس مستنينا علي السحور *اه صح ده بكرة صيام طب يلا نلبس وننزل لبسنا الاسدالات واحنا خارجين من الاوضة لقيت ادم قاعد قدام اوضته *احم هو انت مش هتنزل تتسحر معانا"وكنت خايفة يحرجني كالعادة" "لا لا شكرا اتفصلي انتِ *تعالي اتسحر معانا واهي تبقي ذكري حلوة تجمعنا احم يعني اقصد تجمعنا كلنا اتنهد بحزن ورد "انا مكتفي بالقديم ومش محتاج اعمل جديد *علي فكرة حياتنا مش بتوقف عند القديم والقديم عمره ما بيكون قديم غير لما نجرب الجديد انت محتاج تعيش محتاج تعمل ذكريات تاني حلوة تنسيك الالم والوحدة -شكرا جدا بس انا مش محتاج نصايح *طبعا كنت متوقعة عمتا بعتذر منك وسيبته ونزلت اللهم بارك مائدة ممدودة في الشارع وعليها كل ماتشتهي من انواع جبن وبطاطس محمرة وبيض وحاجة كده فخامة مفيش دقيقتن ولقيته نزل ورايا وبصلي وابتسم براحة لقيت كل الناس تنحت ومحدش مصدق انه هيتسحر معانا وبيبصوله وعشان اشيل الحرج اتكلمت *احم مش هنتسحر ولا اي يا جماعة وبدأنا كلنا اكل رغم حالة الاستغراب والخوف برضه الي كانت مسيطرة عليهم بسبب وجود ادم الا ان كان في حب وسعادة وشوية شوية بدأنا نهزر ونضحك كلنا الا هو هو كان باصصلي بس كانت بصته مختلفة عن كل مرة حسيت انه مرتاح اكتر خلصنا صحور والناس بدأت تتكلم وبدأوا السهرة -نور يابنتي سلمي علي الحجة سعاد مراتي دي نور ياسعاد الي بكلمك عنها =اهلا يابنتي محمد مش مبطل كلام عنك ولا عن اخلاقك لدرجة اني حبيتك من غير ما اشوفك *ياربي ربنا يخليكي ليا ياخالة سعاد ويفرح قلبك يارب =يارب يابنتي بس هفرح فعلا لو قولتيلي ماما سعاد *ياخبر ده انا هصدعك ياماما سعاد =الله حلو اوي منك يابنتي ربنا يبعد عنك القلوب القاسية استغربت الدعوة بس تجاهلت الحوار -طب عن اذنكوا انا هقعد مع الرجالة وانتِ خليكي اتعرفي علي نور ياسعاد =ماشي يامحمد نور يابنتي يعلم ربنا انا حبيتك من قبل حتى ما اشوفك *والله وانا مبسوطة اوي =كان واضح عليه انه حبك انا اتحرجت جدا من صراحتها *احم تقصدي مين مش فاهمة مسكت ايدي واتكلمت =بصي يابنتي الحب بيلين الحجر وبيغير الزمن بس السؤال هل عندك الطاقة والصبر هتقدري تستحملي -ياسعاااد يلا بينا الوقت اتأخر =اناماشية يابنتي وربنا يبعد عنك حيرة القلب كلامها كان متوهني معقول تقصد ادم طب قصدها اي وعرفت منين اصلا اني اني بحبه لقيته طالع وساب الناس طلعت وراه *لي مقعدتش مع الناس وسهرت معاهم "لان مش مكان بخس نفسي غريب وسطهم *طب مش يمكن انت بس الي حاسس كده جرب تقرب بصلي بغموض "المرة الي قربت فيها اتحرمت من روحي ومش ناوي اكررها تاني كنت فاهمة هو يقصد اي سيبته وقومت عشان امشي "مش حابة تعرفي طلعتك من الميا لي....... #رب_صدفة_خير_من_الف_معاد #دار_الرواياتPart:7 قال كلمته الاخيرة ولفيت "اكيد عندك اسألة كتيرة عايزة اجابات *لو حابب تسمع اسألتي وتجاوب اكيد هسألك "مش محتاجة نسألي لاني غالبا عارف انتِ عايزة تعرفي اي اتنهد وبدأ يتكلم "كنت بشيل عدة الصيد كالعادة وبالي مشغول بالي راح مني ومش مركز في اي حاجة يعني زي ما الناس فكراني اخرس واطرش ولقيت ماشية مش هنكر اني للحظة افتكرتك تقي الله يرحمها بس ادركت انها مش راجعة خلاص حاولت اركز زي ما كنت في الي بعمله بس لقيت نفسي تلقائي مركز في حاجة تانية وفجأة لقيتك وقعتي طلعتك وبعدت عنك لاني واثق انك هتعامليني زيهم وهيخوفوكي مني *طب ممكن افهم هما اي الي يخليهم يفكروا فيك كده ويخافوا منك لي محاولتش تبرر وتتكلم وتدافع عن نفسك "الي بيفقد روحه في الدنيا بيبقي عايش جسد بس جسد مش فارق معاه اي تغير في العوامل الي حواليه لانه تلقائي فقد قدرته علي الاحساس *هو انت حكايتك اي اتقال عليك هربان من مصيبة او مجنون انا قلبي مش مصدق عنك حاجة لس عقلي عايز تفسير لكل ده اتنهد وبصلي "هتسمعيني *اكيد هسمعك "والدتي مصرية اتجوزت والدي غصب من والده بهدف التجارة والشراكة الي بين والدها وبابا والدها غصبها علي الجواز منه من غير ما يسأل علي دينه ولا حتي عن رأيها وسافرت ماما امريكا مع والدي والي كان بيعامله علي انها جزء من اثاث الشقة او جهاز كهربائي مثلا مكنش مهتم بيها عيشها ايام صعبة وضنكة اوي وصلها لمرحلة اللا مبالاة من الحياة الا انا بقي كل همها انا وتربيتي علمتني اساس الاسلام واركانه كانت بتحرص اني احافظ علي صلاتي وعلمتني بعض ايات وسور القرأن كانت احيانا بتشجعني وتخليني ابقي امام واصلي بيها (كان بيتكلم وكل شوية يمسح عينه قبل ما تعبر عن الم قلبه) كنت دايما قريب من امي كانت حياتي وعالمي بدأت اكبر واتغير وابعد عنها تدريجيا واتبع هوا نفسي واسمع شطاني واسهر مع صحابي للصبح وبدأت اشرب سجاير لغاية ما جيه يوم وصلت البيت ملقيتش امي جريت اسأل بابا رد عليا بلا مبلاة وقالي انها تعبت وطلبولها الاسعاف جريت علي المستشفي بس......بس كانت امي سابتني وسابت في قلبي وجع وفراغ لو عشت عمري كله مش هعرف اداويه كنت لسه٢٠ سنة كان نفسي تتوفي وهي راضية عني وانا شاب صالح زي ما كانت بتتمني بس للاسف خذلتها عدت الايام وبدأت اشتغل مع والدي في اسطول شركاته لغاية ما طلب مني اني اجي مصر اباشر املاك امي الي ورثتها من أبوها بعد وفاته ولانها بنته الوحيدة فكان ورثها كل شركات جدي جيت مصر لاول مرة في حياتي نزلت هنا علي بلد امي بدأت شغل وبدأت اطور من الشركات وانجح كنت محتاج سكرتارية خاصة بيا لضغط الشغل اتقدم بنات كتير بس كان معظمهم الي لبسها خليع والي طريقتها مش مظبوطة كان ممكن اوافق علي اي واحدة فيهم بس كنت بفتكر امي وانها عاشت عمرها تربيني علي الي يرضي ربنا كنت فقدت الامل انب الاقي حد كويس لغاية مااا...لغاية ماجات هي.... #رب_صدفة_خير_من_الف_معادPart:8 ^نور فينك صوت فاطمة فصلني وادم سكت مكملش كلام قومت عشان اروح لفاطمة "احم نور *نعم ^اسف لو ضايقتك او بكيتي بسببي اكتفيت بابتسامة بسيطة ومشيت مش عارفة لي مقلتلهوش اني ببكي عليه وعل الي شافه اذن الفجر وكالعادة العادة ان قومت اتوضي عشان اصلي بس المرة دي مكانش في صوت بكي ولا نحيب ولا حتي كلام صليت ونمت صحينا تاني يوم وطبعا الدراسة متوقفة بس انا لسه شغالة لبست ونزلت علي شغلي وكان تفكيري كله فيه وفي الصعاب الي مر بيها وصلت الدار وكنت مندمجة وبشرح للاطفال عن سيدنا محمد صلي الله عليه وسلم والباب خبط *اتفضل لقيت ادم دخل بصتله بأستغراب بصراحة متوقعتش اشوفه هنا النهاردة ولقيت الاطفال كلها جريت عليه وبيندهو ب بابا ادم حضنهم وابتسم ليهم وبصلي وابتسم برضه "ازيك يانور *الحمد لله بخير طب يلا ياولاد اقعدوا عشان نكمل الدرس لقيت اجماع من الطلبة ان ادم يحضر معاه وكانوا ماسكين فيه فقعد وانا حاولت اضغط علي نفسي واركز في الشرح وبدأ احكي عن العذاب الي تلقاه سيدنا محمد وعن المعاملة السيئة الي كان اهل بلده بيعاملوه بيها وانه استحمل كل ده بس عشان يوصلنا للطريق الصح واننا نبعد عن المعاصي كنت حساه زيه زي الاطفال الي قاعد وسطيهم وكأنه بيسمع الكلام لاول مرة وقاعد ومركز في كلامي زي الاطفال *وبكده نكون خلصنا درس النهاردة ياولاد -هاااااااي وخرجوا يلعبوا "ااحم انا اسف انا حاسس اني اتضايق اني قلتلك كده امبارح انتِ ملكيش ذنب تشيلي همي *انت بتعتذر لي انا كنت مبسوطة انك بدأت تفتح الماضي يمكن تخرج منه وترتاح وانا كمان مصرة انك تكمل "طب يلا نمشي ونكمل في الطريق *يلا مشينا من الدار وبدأ يحكي "قدمت تقي لوظيفة السكرتارية من اول ما شوفتها حسيت فيها بريحة ماما كان لبسها واسع وفضفاض كنت مبهور بشكلها وبشخصيتها قبلت فورا وعينتها سكرتيرتي عرفت عني حجات كتير بحكم الوقت الي بنقضيه في الشغل حكتلها عن امي واني زعلان انها اتوفت وهي زعلانه مني قالتلي اعمل حاجة هي كانت بتحبها وكان احب شئ لامي اني ابقي صالح واصلي وفعلا دخلت جامع جنب الشركة وكانت اول مرة اصلي بعد وفاتها كنت بصلي وانا ببكي عشان بفتكر كل لحظة وكل خطوة علمتني فيها الصلاة صلحت من نفسي وابدأت اصوم واقرأ قرأن وكان ده بفضل ربنا ثم وقوف تقي جنبي حبيتها لابعد حد حسيتها امي وعالمي اكتفيت بيها عن البشر كلهم لغاية ما قررت اني لازم اسافر عشان استأذن بابا اني هتجوز مصرية بس هو رفض وكان اول سبب من اسباب رفضه انها مسلمة وكمان مش من مسوايا بس انا كنت مصمم علي موقفي ولكن والدي هدد اني لو اتجوزتها هياخد مني شركات ماما ومش هيخليني ارجع امريكا تاني ومع ذلك صممت علي موقفي ورجعت مصر وانا غير مبالي بتهديد والدي لاني كنت فاكر انه مجرد تهديد...... اتجوزتها ووالدي فعلا نفذ تهديده واخد مني شركات والدتي الي في مصر حاولت ادور علي اي شغل في اي شركة بس طبعا كانوا بيرفصوا لمجرد انهم يعرفوا اسم والدي كانت دايما معايا وفي ضهري كنت كل يوم ارجع تعبان من كتر اللف بس كان حضنها بيطيب اي وجع وقررنا اننا نعمل شغل خاص بينا وعملنا مطعم صغير وفعلا بدأنا نكسب منه والمشروع بدأ يكبر وقتها قررت انا وهي اننا نكفل اطفال ايتام صدقه علي روح والدتي وكفلنا الاطفال الجمال الي انتِ بتدرسيلهم وجات في يوم تعبت اختها للدكتور وقال انها حامل مكناش مصدقين من الفرحة كنت بتنطط زي العيال وهي بكت بكت من فرحتها قررت اعزمها نتعشي ونسهر برا بمناسبة الخبر ده وكانت ليلة عمري ما هنساها لانها كانت اخر ليلة واخر مرة اشوفها خلصت سهرتنا واحنا مروحين طلعت علينا عربية فجأة وكان ورها عالي عشان منشوفش اشكالهم (بدأ يبكي بصوت عالي) ضر ضربوني عل علي راسي وكتفوا ايدي ورا ظهري ومسكوها هي من شعرها واحد فضل يضرب فيها انا مكنتش قادر اتحرك فضلت اصرخ واصرخ واصرخ عشان يسيبوها بس مكنوش بيرضوا عليا كانت كانت عمالة تبكي وتنده عليا انا لسه صامع صوتها لغاية دلوقتى طلبت منهم يسيبوها قلتلهم هديكم اي فلوس عيزنها بس مسابوهاش وكنت بصرخ علي الفاضى وفجأة لقيت واحد طلع سكينة من جيبه وشوفت وشم علي ايده زعقت وقولتله اقتلني انا بس سبها راح ضحك وصربها قي قلبها بيها وكأن قلبي انا الي اتضرب ونزف...... #رب_صدفة_خير_من_الف_معاد معلش اتأخرت النهاردة بس بأذن الرحمن هنزل واحد تاني #دار_الرواياتPart:9 بدأ يبكي ويتنفض وصوته بيتقطع من كتر البكي انا كنت ببصله وببص للحالة الي وصلها ورعشته الي قطعت قلبي عليه كان قلبي بيبكي قبل عيني اكتفيت اني افضل بصاله وعيني بتبكي وكأن دموعي سابقت دموعه ف مين ينزل اكتر وكأن قلبه طبع وجعه في قلبي "كن كنت عايزها ج جنبي كن كنت عا عايزهم بس يسيبوها والله والله العظيم كنت مستعد اموت بدالها بس بس هما موتوها وموتوني بقيت اصلي كل يوم الفجر وابكي وادعي ربنا ياخدني ليها هدي شوية وكمل عدي شهر وانا مش قادر اعيش هنا من غيرها فقررت ارجع بلدي واعيش مع والدي جهزت شنطي وحجزت وانا رايح المطار كأن كان في حد ماشي ورايا طنشت لغاية ما وصلت المطار وانا قاعد في غرفة الانتظار لاحظت شخص بيبصلي ومركز معايا حاولت اعمل نفسي مش واخد بالي منه سبت شنطي وكنت رايح الحمام وانا طالع لمحته واقف في اخر الممر بس صوته واضح وكانت بيتكلم انجليزي وكان بيقول ان مهمته خلصت واني خلاص هسافر وانا بسمع كلامه لمحت علي ايده نفس الوشم الي شوفته ليلتها وقتها هو اخد باله اني عرفته جري وانا فضلت اجري وراه لغاية ما طلعنا من المطار خالص وقدرت اني امسكه فضلت اضربه واصرخ فيه كنت بطلع كل الوجع الي جوايا فيه وانا بصرخ وبسأله لي عمل كده لي قتلها لقيته بيتكلم بصعوبة بس حاولت افهم كلامه ويارتني ما فهمته قالي ان الهدف كان مراتي مش أنا وانه اتأمر بقتلها هي بس وان مكنش مطالب بقتلي ولا انه حتي يأذيني ولما سألته مين عمل كده كان للاسف رده انه والدي الي امره بكده انا كنت متخيل انه راجل بلا مشاعر او بلا قلب حتي لكن متخيلتش انه بلا رحمة ولا حتي ابوة كرهته وكرهت اليوم الي اعتبرته فيه اب كنت هقتل الحيوان ده في ايدي بس في حد جي ضربني علي راسي صحيت لقيت نفسي مرمي غي نفس المكان الي وقعتي فيه وكان عم محمد وشباب من هناك لقوني مرمي وساعدوني كنت تايه ضايع مش عارف اؤوح فيت ولا اعمل اي مش هينفع اروح اقتله ديني وانسانيتي تمنعني من كده وفي نفس الوقت يستحيل اغفرله او اسامحه مكانش في قدامي غير اني استني ساعتي واقابلها عند ربنا مكنتش بتكلم مع حد لان مكنتش شايف ولا عارف اتعايش مع حد بقيت واحد مستني لحظته ومش فارق معاه حاجة تخيلي انا الحمد لله ختمت القرآن لاني كنت بعمل لتقي ولوالدتي ورد يومي لغاية ما حفظت القرأن كله وبصلي "الظاهر اني مش بسببلك غير الوجع والبكي انا اسف يانور بس انا مش عارف سبب تصرفاتي معاكي بس بحس اني مرتاح وانك الشخص الوحيد الي حابب يسمعني *مكدبش قلبي عليا لما كان مصدقك من اول مرة شافك فيها ومتعتذرش تاني انا بكيت لان قلبي وجعني عليك وعلي الي مريت بيه يلا بقي عشان خلاص المغرب علي اذان وصلنا عاي اذان المعرب وكان عم عادل صاحب العمارة فعلا مجهز مائدة كبيرة فيها مالذ وطاب. جي ادم عشان يطلع بس عم عادل وعم محمد ندهوا عليه وقالوله انه خلاص واحد منهم ولازم نفطر سوا فطرنا وصلينا المغرب وجي وقت اذان العشاء وراح عم محمد وشباب الحارة للجامع وطلبت مننا خالة سعاد مرات عم محمد نصلي معاها انا وفاطمة وفعلا روحنا سوا الجامع وبدأ الشيخ يقرأ الفاتحة الصوت مش غريب صوت ساحر في القرآن صوت اللهم بارك تحس انك في الجنة وكان هو صوت ادم صلي بينا رجالة وستات...... #رب_صدفة_خير_من_الف_معاد #دار_الرواياتPart:10 عذرا عارفة ان البارت قصير بس معلش بأذن الرحمن الجاي طويل عدت الايام وكان قربي من ادم بيذيد تقريبا يوميا بيجي ياخدني من الدار خوفا لاتعرض لموقف المرة الي عدت كان كل حاجة فيه حنينة ومختلفة حلق دقنه الكبير وشعره وبقي شكله مهندم اكتر بقي متفاعل مع كل سكان الحارة والعمارة الناس بقيت بتحبه جدا اقترحت عليه مرة يحفظ الاطفال الصغيرين قرأن في الجامع وفرح بالفكرة ونفذها احيانا كان يلعب مع شباب الحارة كورة بقي شخص جديد وجميل الشخص الي قلبي عرفه قبل كل الناس الشخص الي كذبت عقلي وصدقت كلام قلبي ليه الناس هنا بقيت متعلقة بيه اوي ^طب وانتِ يانور متعلقتيش بيه كان صوت فاطمة *اتعلقت بمين مش فاهمة يا فاطمة ^ب ادم يانور وانتِ فاهمة كويس *اتعلق بمين انتِ هبلة ^لا نور انتِ الي هبلة لي مش مصارحة نفسك لي بتعملي كده *عشان مينفعش غير كده يافاطمة عشان ده شخص مخلص لزوجته وبستحيل يشوف غيرها حتي لو بنات حوا كلهم جريوا وراه مستحيل هيبص لحد بدالها ولأني مهما حبيته واثقة انه مش هيحبني زيها يبقي لي ادخل نفسي وقلبي في معادلة خسرانة مينفعش يافاطمة مينفعش ^طيب مش يمكن نسيها مش يمكن حبك انتِ *يافاطمة افهمي انا مش هفضل عايشة في يمكن واعذب قلبي ^اعملي الي يريحك يانور وربنا يهديلك قلبك الايام كانت بتعدي شبه بعضها من اخر نقاش ليا مع فاطمة وانا كنت متجنباه بتهرب منه او يمكن من نفسي ١٥يوم مكلمتهوش فيهم كلمتين علي بعض حتي كنت بطلع بدري من الدار عشان مشفهوش وكانت طالعة في يوم لقيته واقف "ازيك يانور *الحمد لله بخير "علي فكرة كنت مستنيكي *لي في حاجة ولا اي "انا الي عايز اسألك السؤال ده انا ضايقتك في حاجة *لا لا خالص والله بس.. "طب عنيكي بتهرب مني لي *ازاي يعني لا انا عادي "علي فكرة مش يتعرفي تكذبي *بس انا مش بكذب "انا ملاحظ انك بقيتي تتجنبيني عنيكي دايما بتهرب مني حتي الدار بقيتي متعمدة تطلعي قبل ما اوصل لي كل ده معتقدش اني عملت حاجة تستاهل المعاملة دي منك عيوني بدأت تدمع واتكلمت *احم انا اسفة لتصرفاتي اسفة اوي سبته وجريت علي الاوضة انفجرت في البكي بكيت عشان بعذب نفسي بمجهول بكيت عشان مش هينفع يعرف حبي لي مش عايزة ابقي مجرد سد خانة لمجرد اني شبه مراته ^نور مالك *ماليش يافاطمة لمي شنطنا عشان هنمشي الصبح بدري #رب_صدفة_خير_من_الف_معاد #دار_الروايات

مقالات ذات صلة

سوليه نصار ٤

فتحت الواتس

حمل غير مقصود

وش تانى ميمي عوالى٢

اترك تعليقاً إلغاء الرد