اسكربت جهزي نفسك يا تاج عشان هتسافري الصعيد دلوقتي قالتها فريدة بلهفة وهي بتلم هدوم تاج بنت اختها في شنطة وتاج وقتها ردت باستغراب : ليه يا خالتو هو حصل حاجة يعني هناك ،، وبعدين احنا عمرنا ما روحنا هناك ابدا ليه هنروح دلوقتي ردت فريدة بتنهيدة وهي بتقول لتاج بلهفة : يا بنتي بلاش غلبة واسمعيني كويس يا تاج ،، انا ظبطت كل حاجة هناك مع عمك وهو محضر كل حاجة وعايزاكي اول ما توصلي تكلميني تطمنيني عليكي انتي فاهمة
كشرت تاج باستغراب وردت بخوف وهي بتقوم من مكانها : اكلمك منين يا خالتو ؟ ،، هو انا هسافر لوحدي وانتي مش هتيجي معايا حركت فريدة راسها يمين وشمال بنفي وقالت وهي بتشيل الشنطة : لا يا تاج ،، انتي هتسافري لوحدك ويلا عشان زمان عم منصور جاي وهو اللي هيوديكي البلد ،، انا طلعتلك طقم اهو غيري يلا بسرعة مفيش وقت تاج كانت خايفة ومش فاهمة حاجة بس طريقة خالتها وخوفها اللي باين عليها خلوها تسمع كلامها وتقوم تغير هدومها وبعد ما جهزت قربت فريدة منها وحضنتها وهي بتعيط وقالتلها بحزن :
حقك عليا يا تاج ،، بس هو ده الحل الوحيد اللي هيحميكي من عبدالله جوزي ،، اوعي تكر*هيني يا تاج ،، انا عايزاكي تسمعي كلام عمك حماد ،، ده بيحبك وبيخاف عليكي زيي بالظبط ،، وانا في اقرب وقت هكلمك اطمن عليكي ،، يلا انزلي يا حبيبتي حضنت تاج خالتها وهي مش فاهمة حاجة من كلامها وكل اللي فهمته ان في م*صيبة او حاجة وحشة هتحصل وخالتها بتحميها ،، عيطت اوي وهي في حض*نها وبعدين سابتها ونزلت وهي مش عارفة هتروح فين ولا مصيرها ايه
…………………………. في بيت عمدة الصعيد كان واقف حماد وبيباشر الغفر وهما بيعلقو الكهارب وبينصبو الصوان وشوية ودخل عليه يونس ابنه وهو باين علي ملامحه الضيق فاتنهد حماد وقاله بقلة حيلة : لساك مكشر ومضايج يا يونس ،، احنا مش اتحدتنا في الموضوع ده ،، مالك بجي عاد قعد يونس وهو بينفخ بغضب ورد علي حماد بضيق : مش خابر يا ابوي ،، الموضوع ده اني مش رايده من الاساس ،، كيف يعني اتچوز طفلة اني ،، انت خابر فرج بيناتنا جد ايه ،، يجي 15 سنة كيف يعني اتچوزها اني
قلب حماد عنيه بملل وقعد جمب يونس وهو بيقوله بقلة حيلة : يا ولدي افهمني زين ،، البنتة مهياش غريبة عننا عشان نجول لاه يا يونس ،، دي بت عمك ومالهاش غيرنا ولازمن نحميها من چوز خالتها الناجص ده ،، اللي كان رايد يچوزها بالفلوس لراچل جد ابوها في السن ولولا خالتها ،، كان زمان البنتة في زمن كان يونس بحد*ة / ما كنت نزلت اني مصر واديت چوز خالتها ده ع*لجة محترمة وخلصنا الحوار كله يا بوي وكنا برضك چبناها جعدت معانا اهنه ومن غير چواز
حماد بثقة / وانت خابر لما اهملك تعمل اكده وتدخل السچن في راچل ناجص زي ده هيبجي اكده الموضوع اتحل ،، لا يا ولدي ،، بالعكس هيتعجد اكتر ،،وبعدين انت فكرك يعني اني مجدرش ابعت الغفر بتوعي مصر ويعلمو چوز خالتها ده الادب ،، طبعا اجدر بس اني عامل اعتبار لخالة البنتة،، دي بتعاملها كيف امها ومش رايدين نعمل مشاكل بينها وبين چوزها ،، ادينا چبنا البنتة اهنه وسطينا ،، وسط اهل ابوها ومحدش يجدر يهوب ناحية اهنه واصل وخصوصا انها هتبجي مرت ولد العمدة يونس الرحماني
يونس بضيق / طيب وهتعمل ايه في بت شيخ البلد اللي كنا متحدتين عليها يا بوي ،، هتجول ايه للراچل حماد بثقة /لاه من الناحية دي متجلجش يا ولدي ،، اني هخلص الحوار معاه واجوله ان كل شئ قسمة ونصيب وانك هتتجوز بت عمك وبعدين مهواش غريب ،، شيخ البلد يبجي خالك يعني مننا وعلينا وهيفهم الموضوع طوالي يونس بقلة حيلة / اللي تشوفه يا بوي ،، اني هجوم اخلص اللي ورايا
قط*ع كلامهم صوت الغفير وهو داخل عليهم / العروسة وصلت يا حضرت العمدة قام حماد بلهفة واخد يونس من ايديه وخرج برة يستقبل تاج وكانو شايفينها وهي نازلة من العربية وباين عليها الخوف والقلق وكانت بتبص حواليها باستغراب ويونس كان باصصلها بصدمة لانها كانت لابسة بنطلون وبادي فنفخ بغضب ونادي بصوت عالي علي امه وتاج خافت من شكله وصوته العالي وانكمشت في نفسها يونس بحد*ة / يا ام يونس ،، هاتي چلبيه بسرعة للبنتة دي تداري نفسها بيها بدل الفضا*يح دي
تاج بصدمة وغضب / فضا*يح ايه دي والجلبيه دي لمين ،، انا مش هلبس حاجة انا يونس بغضب وهو بيقرب منها / لاه ،، شغل العيال الصغيرة ده تنسيه واصل ومن اهنه ورايح تسمعي الحديت زين والا مش هيحصلك طيب تاج بعند وغضب / وانت مين انت عشان تقولي كدة ،، وبعدين انا معرفكش اصلا عشان تقولي اعمل ايه والبس ايه يا قليل الزوق انت اتصدم يونس وحماد والغفر كلهم وقبل ما يونس يقرب منها ويمد ايده عليها كان مسكه حماد ابوه ومنعه عنها وتاج خافت من شكل يونس ودورت وشها بعيد عنه بخوف