اتفاجأت تاج بيونس وهو بيقولها بسخرية والله لو مكنتش خابر انك لسانك طويل كنت صدجت انك هادية اكده كيف ما انا شايفك دلوك تاج اتصدمت فشالت الطرحة من علي وشها بغضب وقربت من يونس وبصتله بتحدي تاج بغضب / والله محدش لسانه طويل هنا غيرك اصلا ومتفتكرش اني خايفة منك هه يونس كان باصصلها بتركيز وملامحها شداه لدرجة انه سرح فيها ،،كان جمالها طبيعي اوي ولاحظت تاج سرحانه فيها فاتوترت وبصت في الارض
يونس بتوتر / انا هعمل حساب انك متعرفنيش وهعتبر نفسي مسمعتش حاچة ،، بس لو فكرتي صوتك ده يعلي وتغلطي تاني مهتلاجيش غير وشي التاني تاج بخوف / انت وحش اوي ،، مش زي عمي حماد ،، انا بكر*هك قالت كدة بدموع وسابته وراحت قعدت علي طرف السرير واديته ضهرها ويونس غمض عنيه بغضب وبعدين سابها ودخل الحمام وخرج بعد شوية ولقاها نايمة عالكنبة زي ما هي بفستان الفرح فاتنهد بضيق وقرب منها وشالها حطها عالسرير وهو بيدقق في ملامحها وبعدين غطاها ونام هو عالكنبة
……………………….. تاني يوم الصبح فاقت تاج علي خب*ط الباب فقامت مفزوعة واتفاجأت انها نايمة عالسرير ويونس نايم عالكنبة وفهمت انه هو اللي نيمها مكانها فابتسمت براحة وبعدين قامت وهي محتارة تفتح الباب ولا تصحي يونس واخيرا قربت منه بهدوء وخوف تاج / يونس ،، يا يونس اصحي في حد بيخ*بط يونس بنوم / سيبيه يخبط تاج باستغراب / ازاي يعني ،، دي اكيد مامتك ،، انا هروح افتح
يونس بحد*ة / استني عندك ،،هو انا مليش كلمة اياك ،، جولتلك همليه يخب*ط تاج بضيق / اوووف ،، هو انت لازم اي حاجة تعمل عليها مشكلة وخلاص يونس بحد”ة وهو بيقوم / رايدة تفتحي وانتي لساتك بفستان الفرح ،، رايداهم يجوله عليا ايه ،، ادخلي غيري خلجاتك وانا هفتح نفخت تاج بضيق واخدت هدوم ليها ودخلت الحمام وفتح يونس وكانت فعلا نادية امه نادية وهي بتزغرط / يا الف بركة يا ولدي ،، ربنا يهدي سركم
يونس بابتسامة / ربنا يخليكي لينا ياما ،، اتفضلي في نفس الوقت خرجت تاج وهي لابسة بيچامة حرير وكانت جميلة اوي فيها واول ما شافها يونس بلع ريقه بتوتر وهو باصصلها بتوهان وتاج اتكسفت من نظراته فقربت بخجل وسلمت علي نادية امه وكل ده ويونس متابعها بعنيه نادية برضا / كيف الجمر يا بتي ،، زينة البنتة كلهم ،، يلا ههملكم اني وانتو ابجو انزلو اما تفطرو ،،
خرجت نادية وتاج قعدت وهي بتبص علي الاكل بجوع بس اتكسفت تاكل ويونس لاحظ ده فقعد هو يونس / يلا عشان تفطري تاج بخجل / لا شكرا مش جعانة يونس برفعة حاجب / وه ،، مش جعانة كيف وانتي بتبص عالوكل كانك مشفتهوش من اسبوع ،، يلا احسن بطني تو*چعني تاج بحد*ة / انت تقصد ايه بكلامك ده ،، تقصد اني مفجوعة ،، علي فكرة بقي انا اصلا مباكلش مع مستفزين زيك كدة
يونس اتصدم وبصلها بتوعد وهو بيقوم يونس / اني مش حذرتك جبل سابج ان لسانك ميطولش ابدا والا هتشوفي وشي التاني تاج خافت من نبرة صوت يونس وهو بيقرب عليها فطلعت تجري منه وهو جري وراها وبقت تاج تحاول تهرب منه لحد ما رجليها اتلوت ووقعت عالارض ويونس وقتها بصلها بانتصار وهو بيقرب عليها تاج بخوف / خلاص يا يونس والنبي ،،انا اسفة مش هقولك كدة تاني
يونس بمكر / جولتلك ان وشي التاني واعر جوي يا بت عمي وانتي اللي بعندك بجي هتشوفيه