تاج حط ايديها علي وشها وهي فاكرة ان يونس هيض*ربها وبقت تعيط بخوف وهي بتترعش ويونس اتصدم من شكلها كدة وقلبه و*جعه فقرب منها بلهفة يونس وهو بيحاوطها بايديه / وه ،، انتي بتبكي ليه اكده يا تاچ اني مش هعملك حاچة متخافيش اني كنت بس بخوفك مش اكتر ،،اني عمري ما امد يدي علي حريم ابدا تاج وهي بتشيل ايديها براحة / بجد مش هتضر*بني يا يونس
يونس بابتسامة جذابة / ابدا ،، اني عمري ما هضر*بك ولا حتي افكر في اكده ،، انتي بس عشان لساتك متعرفنيش تاج مسحت دموعها بضهر ايديها وبصت ليونس وابتسمت ببراءة خلت يونس قلبه يدق من ابتسامتها يونس بتوتر / يلا بجي عشان تاكلي وننزل تحت تاج بموافقة / حاضر مد يونس ايديه وتاج شبكت ايديها في ايديه ووقتها حست احساس غريب ،، انها مطمنة يمكن متعرفش بس احساس حلو اوي
تاج بتردد / يونس ممكن اطلب منك طلب ؟ يونس باستغراب / طبعا جولي رايدة ايه علطول وانا اعملهولك تاج بابتسامة /ينفع نكون صحاب ،، انا طول عمري كان نفسي احس ان ليا صديق او اخ يكون قريب مني واحس معاه بالامان يونس بثقة / انتي من انهادرة مبجتيش لحالك يا تاچ ،، انتي بجيتي مرتي متخافيش من حاچة واصل طول ما اني عايش واكيد طبعا هبجي صاحب واخ وكل حاچة تتمنيها
تاج بابتسامة وفرحة / شكرا يا يونس ،، ……………………… عدي شهرين كانت فيهم تاج قريبة من يونس ،، بقي هو بالنسبالها الامان اللي اتحرمت منه ده غير معاملته ليها اللي بقت تحسسها انها فعلا غالية عنده ،، هما الاتنين قربو من بعض وبقو تقريبا ميقدروش يستغنو عن بعض وكل واحد فيهم بقي التاني اهم حد في حياته ،، كانت واقفة تاج في المطبخ مع نادية وهي بتحضر الاكل ونادية بتعلمها لحد ما دخل عليهم حماد
حماد بتردد/ هو يونس فينه اتأخر جوي ليه اكده نادية باستغراب/ الغايب حچته معاه يا حماد ،،زمانه چاي ،، وبعدين دي تالت مرة تسأل عليه ،، في ايه عاد حماد بضيق / في ايه يا نادية ،، في ان اخوكي چالي وطلب اننا نتمم چواز يونس علي بته بحچة ان الناس بتتحدت عليها اكمننا كنا متكلمين عليها ليونس جبل سابج واني معرفتش اجوله حاچة نادية بتوتر / وه طيب والعمل يا حماد
حماد بتنهيدة / يونس اللي في يده الحل ،، لو رايد يتچوز بت خاله خلاص نتمم الچوازة بهتت ملامح تاج وهي بتسمع كلام حماد ونادية وكانت مخنوقة اوي وحاسة ان قلبها وا*جعها وانسحبت بهدوء وسابتهم وطلعت اوضتها ،، قربت من هدوم يونس المتعلقة عالشماعة وحض*نتها ودموعها علي خدها ،، هي حبت يونس واتعلقت بيه ،، هو بالنسبالها كان عوضها عن كل سنين الغربة اللي كانت عايشة فيها وحيدة مالهاش حد ،، ملي حياتها وقلبها ودلوقتي مش عايزة اي حد يشاركها فيه بس للاسف مش هتقدر تتكلم وتقوله لا متعملش كدة
ق*طع سرحانها دخول يونس عليها فمسحت دموعها بسرعة وبعدت عن هدومه تاج بابتسامة باهتة / يونس ،، حمدالله علي سلامتك يونس بهدوء / مالك يا تاج ،، انتي كنتي بتبكي ولا ايه عاد تاج بابتسامة / ابدا ،،انا بس حاجة دخلت في عيني ،، هروح احضر الغدا مع مرات عمي يونس بسرعة / عرفتي بموضوع چوازي من بت خالي تاج بايجابية / اه عرفت ،، عمي قال قدامي اللي حصل
يونس بغموض / ورأيك ايه عاد في الموضوع ده ،، موافجة اتچوزها ؟ تاج بدموع / دي حاجة تخصك انت ،،وانا مقدرش اقولك لا ،، لو بتحبها اتجوزها يا يونس انا موافقة يونس وهو بيقرب من تاج وعيونه في عيونها / واهون عليكي تهمليني ليها يا تاچ تاج وهي مركزة في عيون يونس / هبقي انانية لو قولتلك لا يا يونس ،، وانت متستاهلش كدة ابدا ،، كفايا انك اتجوزتني غصب عنك عشان تقف جمبي ،، يبقي تستاهل انك تكون مع اللي قلبك اختارها
يونس لمس وش تاج بايديه ومسح الدمعة اللي هربت من عيونها كانها بتكدبها يونس/ ولو جولتلك ان اللي جلبي اختارها بين يدي دلوك ومش رايد غيرها في حياتي ،،واني متمنتش اكتر من انها تكون بتعشجني كيف ما اني عاشجها ،،وان اللي مخليني خايف اعترفلها هو اني اكون بظلمها اكمني اكبر منها بكتير ،، ها جولتي ايه يا تاچ ؟ تاج مكنتش مستوعبة اللي يونس قاله وابتسمت بفرحة من بين دموعها وفجأة رمت نفسها في حض*نه وهي بتحاوطه بايديها
تاج / ده نفس احساسي من ناحيتك يا يونس ،، حبيتك اوي وبقيت بالنسبالي كل حاجة حلوة في حياتي ومتمنتش اكتر من انك تحبني من قلبك ومكونش مفروضة عليك ،، صدقني بحبك اوي وهتكون بتظلمني بجد لو بعدتني عنك يا يونس يونس بتنهيدة : بعشجك يا بت عمي وتاچ راسي تمت بقلمي اسراء ابراهيم رأيكم يهمني جدااااا واشوفكم علي خير في اسكربت جديد